اذهب إلى المحتوى
محاورات المصريين

خالتي فكيهه


shahd

Recommended Posts

السلام عليكم ورحمة الله..

شهودة الجميلة..وحشانى كتير والله

عايزة أكتب لك فى كذا موضوع وكل ما أنوى ، أدخل فى عركة وأنشغل :)

حمدلله على سلامتك وكل سنة وانت طيبة بمناسبة عيد ميلادك اللى فات بقاله كتير..

مش بتنزلى مصر ولا ايه؟ عايزين نشوفك..

وكفاية كده احسن حأشتت الفكرة الرئيسية للموضوع وأخرج عن السياق closedeyes.gif

تسجيل متابعة ..

clappingrose.gif

وعليكم السلام ورحمة الله وبركاته

حبيبة قلب شهوووده.. وانتًُِ كمان وحشااااني قووي.. منوراني بجد .. فعلا اخر نزلت فيها كانت في 2010

احترامااااتي

رابط هذا التعليق
شارك

  • الردود 62
  • البداية
  • اخر رد

أكثر المشاركين في هذا الموضوع

تاني يوم الصبح ... وائل صاحي من النوم

ونبيهه بتغسل الحمام

راطبة دماغها .. ولا بسه جلابيها ورابطاها ....

وائل في ايده الفوطه عايز يدخل الحمام

الارض مليانه ميه يدخل الحمام وهو بيدعك عينيه ومش واخد باله ان في ميه وصابون على الارض

يتزحلق على الارض

وائل: ااااااه... ايه اللي انت عاملاه ده؟

نبيههه : معلش ياسي وائل .. بنضف الحمام..

وائل يقوم من الارض بالعافيه ونبيهه تحاول تساعده

وائل : تنضفيه ليه مش في الروم سيرفس

نبيهه: يطلع ايه دعبس ده ؟لااا انا ما احبش حد غريب يدعبس في اوضتي

وائل: ااه انا يظهر عليا حتعب معاكي قوي

نبيهه: وتتعب ليه ما انا مريحاك اخر راحه ... بلمعلك الحمام عشان تخش تستحمى على نضافة

وائل: يانانى ياروح قلبي

نبيهه مكسوفة: ان شالله تسلم..

وائل: تعرفي انك حلوة وانتِ مكسوفة

نبيهه: يوه بقى ياسي وائل ما تسكفينش

وائل: وبعدين.. مش قلنا وائل

نبيهه: حاضر يا وائل

وائل: الحاجات دي في ناس بتعملها .. احنا هنا ننبسط وبس .. ياروحي احنا لسه في شهر العسل.. ما ينفعش اصحى الاقيكي بالهدوم دي

نبيهه : ياسلااام .. ما انت سبتني انام لوحدي..

وائل: حقك عليا انا اسف.. اصلك غظتيني .. بقى ده وقت تكلمي فيه خالتك اسمها ايه

نبيهه: فكيهه.. خالتي فكيهه

وائل: عموما خلاص ... انا فكرت امبارح ولقيت الطريقه دي مش نافعه ولازم نفكر في حل

نبيهه: حل لأيه ؟

وائل: بصي ما ينفعش نرجع وانت في الوضع ده.؟ انا حجيلك واحده تعلمك اصول الاتيكيت

نبيهه: يعني ايه تكاتيك ؟

وائل: اتيكيت...يعني تاكلي ازاي, تلبسي ازاي, تتكلمي ازاي.... وحاجات تانية كتير

نبيهه: هو انا يعني ما بعرفش اكلم ولا البس.. بعدين ما انت عملت لي نيو شوك ولا ابصر ايه مش عارفه

وائل: اللهم طولك ياروح... اسمعي الكلام ما تنرفزنيش..

نبيهه: حاضر يا اخويا .. حاضر

وائل: انا حكلم الانسه سوزان عشان اتفق معاها

وائل يكلم سوزان يتفقوا على ميعاد يتقابلوا فيه

وفي تاني يوم

يقابل وائل سوزان ومعاه نبيهه

وائل : بنسواغ مودمازيل سوزان

سوزان: بنسواع مسيو وائل

وائل: ناني مراتي

سوزان: بنسواغ مدام

نبيهه: وعليكم

وائل: انا عايزها تتعلم كل حاجة... ياسوزان

سوزان: بس شهر مش كفايه ..

وائل: حاولي على قد ماتقدري وانا حدفعلك اللي انتِ عايزاه

سوزان: احاول

نبيهه: ماتخافيش ياست سوزان.. انا شاطرة وبتعلم بسرعه..ده انا حتى اسمي نبيهه...

وائل: طيب انا حسيبكو مع بعض

سوزان تعلم نبيهه.. طول الشهر ..وبعد ما تطلع روحها تتعلم حاجات كتيرة ومنها كم كلمة فرنساوي , وتبتدي تتغير ..

وبعد شهر يرجع نبيهه ووائل

وائل ونبيهه يعملو مفا جأة ويروحوا الحارة عند اهل نبيهه بعد ما يكونوا حطوا الشنط في الفيلا اللي حيعيشوا فيها

نبيهه ترن الجرس

نبيهه: بنجوغ ماما

الست سعديه: وعليكم السلام ورحمة الله.. عايزة مين يامودام؟

نبيهه: انا ناني ياماما؟؟

الحاج ابو نبيهه: مين يا سعديه

الست سعديه: دي واحده بترطن بالخواجاتي يا حاج

نبيهه: انا نبيهه مش عارفاني ياماما؟

الست سعديه: نبيهه ؟؟ بنتي ؟؟ ايه الجمال ده يابت

نبيهه: ده النيو ولوك.. ايه مش حتسلمي عليا

الست سعديه: تعالي في حضن امك.. يا قلب امك

نبيهه تسلم على ماماتها بببرود خايفة الميك اب يبوظ

نبيهه :امال فين بابا ؟

الست سعديه: ياحاج .. تعالى شوف الاملة اللي بنتك فيها

الحاج ابو نبيهه: بقى دي بنتي انا؟ يا مثبت العقل والدين يارب؟

نبيهه: هو ماله ؟

الست سعديه: سيبك منه .. ما انتِ عارفة ابوكي

نبيهه: ده حتى ماسلمش عليا ؟

الست سعديه: اصله مستغرب ياحبيبتي .. ما انت اصلك اتغيرتي قوي.. امال فين المحروس جوزك

وائل: انا هنا يا حماتي ..

الست سعديه: لا مؤاخذه يا بني اتفضل.. وسايباه واقف على الباب

وائل: ولا يهمك ..

الست سعديه: يا دي الكسوف .. اتفضل ..اتفضل

بت يا بتعه الشاي يابت.. ولا تتغدوا انا عاملة طاجن بامية باللحمة الضاني , وحمام محشي ... يستاهل بقك ..

نبيهه: بامية ايه ياماما.. الريجيم

الست سعديه: اعوذ بالله من الشيطان الريجيم

وائل: نبيهه تقصد انها عايزة تخس ..والاكل ده ممكن يتخنها

الست سعديه: حق بطل وده واسمعوده ما طول عمرك بتحبي الاكل ده

نبيهه : معلش مش حقدر .. لو عندك اوغنج ممكن

الست سعديه: اوغ ايه؟

نبيهه: عصير برتقان

الست سعديه: اه طبعا في.. بت يا بتعه عصير برتقان يابت

نبيهه : ميغسي

بتعه: العفو ياست نبيهه

الست سعديه: وانت ِ فهمتي هي بتقول ايه؟

بتعه: ايوه ياستي بسمعهم بيقولوها في التلافزيون

نبيهه: اتفضلي ماما.. دي حاجات بسيطة عشانك وعشان بابا من باغي...

وائل: يلابينا يا ناني .. لسه حنروح نزور بابا وماما ..

نبيهه: داكوز مونا موغ.. اوغوفاغ ماما

بتعه : بتقلك مع السلامه ياستي

الست سعديه: ودي كمان سمعتيها في التلافزيون.. مع السلامه يا نبيهه.. قصدي يا ناني

مع السلامه يا سي وائل

وبعد اسبوع مامة وائل( مراة ابوه) تعمل حفلة بسيطة لوائل ونبيهه

وفي الحفلة اللي يحضرها العيلتين ومعاهم جيران نبيهه .. صفية .. وخالتي فكيهه

نبيهه تنزل من فوق على الجنينه هي ووائل ..

لابسه فستنان شيك جدااا

صفيه: شايفة اللي انا شايفاه ياخاله؟

فكيهه : شايفة ياصفية يابنتي.. بس ماتغركيش المظاهر ..دي نبيهه اللي انا مربياها مش ممكن تتغير ابدااا

نبيهه تسلم على الست فكيهه

بنسواغ تانت فيفي اممموا

فكيهه مندهشة: تانت ايه ؟ ماعلينا .. تعالي يا بت قوليلي عمليتي ايه ويا جوزك ؟ اوعي تكوني ما عملتيش اللي اتفقنا عليه ؟

نبيهه: باغدون تانت انا مشغولة .. بعدين.. بعدين

بنسواغ صافي؟ فين تانت زيزي

صفيه: زيزي مين؟ امي .. تعالي يا امه وشوفي .. اسمك بقى زيزي!

امي بعافيه شوية.. بس بتسلم عليكِ

وائل: ايه ياروح قلبي .. مش تعرفيني

نبيهه: دي....

صفيه تقاطعها: انا صفيه جارة نبيهه وصاحبتها الروح بالروح

فكيهه: وانا...

وائل: الست فكيهه صح؟

الست فكيهه: هوانت تعرفني.؟

وائل: طبعا وهل يخفى القمر.. طب انا حسيبك مع ضيوفك يا ناني

صفية تتسحب ورا وائل....

ونبيهه تستأذن وتروح تتكلم مع مهيتات وشهايناز..ميار. سونيا. ريم .. اخوات وائل

نبيهه: ازيكوا يابنات

مهيتاب: الحمدلله يا ناني

شهيناز: انت اتغيرتي قوي يا ناني

نبيهه: اعمل ايه وائل حبيبي عايز كده

ريم: بس تعرفي بقيتي زي القمر

نبيهه: ميغسي .. ده بس من ذوقك..

صفية بتكلم وائل .. وائل بيتهرب منها

وبصعوبة يستأذن ويسبها

وتقف لوحده وهي واقفها يشوفها ابو وائل ... مجدي

مجدي: واقفة لوحدك ليه ياانسة؟ ممكن اقف معاكي

صفية: اه طبعا يا استاذ...

مجدي: مجدي من غير استاذ..

مدام فريال تلمح جوزها واقف مع صفية...

فريال: مجدي .. مجدي

مجدي: ايوة يا فيري يا حبيبتي.. حرجعلك تاني ...

فريال: كنت واقف مع البنت دي ليه؟ انت مش حتبطل حركاتك ؟

مجدي: حركات ايه بس.. انا برحب بضيوف ابنك

فريال: اوكي يا مجدي .. اوكي

وائل واقف مع نبيهه:

صفية تيجي تقف في النص..

..لا مؤاخذه يا نبيهه يا اختي يقعطي قصدي ياناني

الا قولي ياسي وائل.. هو حضرتك بتشتغل ايه؟

وائل: في شركة والدي..

صفيه: طب معلش.. ما عندكش شغل ليا

وائل: حضرتك تخصصك ايه؟

نبيهه: صفيه.. عندها دبلوم تجارة

وائل: طب كويس.. انا حشوف الموضوع ..وحكلم نبيهه تقلك لو في شغل..

صفيه: في يا اخويا في .. ان شاء الله..

نبيهه: مش انت كنت بتشتغلي ؟

صفيه: ايوه يا ختي بس اصل .. الشغل مع الحكومة مش جايب همه والرزق يحب الخفيه

فكيهه: يلا يا صفيه انا زهقت من القعده

نبيهه: ليه يا تانت فيفي ما لسه بدري

فكيهه: بلا تانت بلا بتاع.. ياخسارة تعبي فيكي.. ياخسارة الليالي اللي سهرتها وانا بخطط ازاي اعلمك واودكك

يلا يا بت ياصفية

صفيه: في ايه ياخاله.. ما تخلينا قاعدين

فكيهه: اقعدي انتِ لو عايزة انا مروحه

صفية: لاجاية معاكي.. فتك بعافيه يافيفي

نبيهه: اوغفواغ

صفية ونبيهه في التاكسي

صفيه: هو ايه اللي حصل يا خاله؟

فكيهه: ما شفتيش البت ؟ ولا معبراني ولا كأني موجودة..

وبعدين ما شفتيهاش بتكلم ازاي

صفية: أي والله ياخاله البت نبيهه اتغيرت خالص

فكيهه: بس انا وراها والزمن طويل .. ان ماخليتها ترجع نبيهه اللي انا اعرفها .. ما ابقاش انا فكيهه

صفية: سيبك منها ياخاله

فكيهه: لاا يمكن ابدااا.. انا لازم افش غلي..

صفيه : هو في ايه ياخالة

فكيهه: متغاظة .. يابت ..

صفية: ما تفهميني ياخالتي

فكيهه: سيبك من الكلام ده وقوليلي.. عملتي أي مع سي وائل

صفية: قال انه حيخلي نبيهه تكلمني لو في شغل

فكيهه: يبقى مش حتكلمك..

صفيه: ليه بس يا خالة؟

فكيهه: ما انت عمالة تجري وراه زي العبيطة.. وحركاتك مفقوسة

صفية: يعني ايه مافيش شغل؟ مافيش عريس

فكيهه: انت وشطارتك

صفية: هو انا ماقلتلكيش..

فكيهه: خير يا بت

صفية: مش الراجل العجوز ابو سي وائل اداني نمرة المحمول..

فكيهه: هو انت عايزة مين الواد ولا ابوه؟

صفية: الاتنين

فكيهه: نعم ياروح امك

صفية: اجوز الواد واحرق قلب نبيهه.. واخد فلوس ابوه

فكيهه : اه ياااني منك؟؟

صفيه: تلميذتك ياخالتي

فكيهه: د ه انتِ اللي ابلتي

وبعد ما توصل صفية وفكيهه للحارة ...

تدخل فكيهه البيت:

بت يا فتكات: اعمليلي فنجان قهوة

فتكات: دلوقتي ياستي

فكيهه: وانت مال اهلك؟

فتكات: حاضر ياستي ..

فكيهه بعد ما تشرب القهوة

رايحة جاية في الشقه بتفكر في طريقة ترجع بيها نبيهه زي ما هيه عايزاها

يتبع...

تم تعديل بواسطة شهد
رابط هذا التعليق
شارك

صفية تنزل عند فكيهه

فكيهه: تعالي ياصفية

صفية: اصباح الخير ياخاله..هاا لقيتي فكرة ترجعي بيها نبيهه

فكيهه: لسه يا صفية .. المهم قوليلي.. هيه اتصلت بيكي ولا لا

صفيه: ولا عبرتني

فكيهه: مش قولت لك .. البت خلاص بقت بتستعر مننا

صفية: وتستعر ليه يا خالتي .. هي فاكرة نفسها بقت ايه؟ ولا يعني اكمنها بترطن كلمتين من فرنساوي.. بكره اخش اجدعها معهد

فكيهه: فسرناوي ايه وبتاع ايه يا منيلة انت؟

صفية: الله .. ايه لازمة الشتيمة دي بقى

فكيهه: يا بت انا اللي محيرني ايه اللي غيرها كده؟

صفيه: ما تيجي نطب عليها دلوقت

فكيهه: مش ممكن.. بعد اللي عملته معايا.. مستحيل

صفية: قلبك ابيض وبعدين.. مش انت عايزة تعرفي ايه اللي غيرها .. حتعرفي ازاي وانت قاعدة هنا

فكييهه: عندك حق ..يلا بينا.. وامك؟

صفية: امي راحت السوق وحتتأخر

تروح فكيهه وصفية عند فكيهه

الجرس يرن

الشغاله تفتح

فكيهه: سلام عليكو.. ستك هنا

الشغالة: مين حضرتك

فكيهه: قوليلها خالتك فكيهه

الشغالة": واخد اسمه فكيهاني

فكيهه: ستك فكيهه يا قليلة الرباية

الشغالة: ما يصخش كده.. مدام

فكيهه: اوعي من وشي

سالخير يا نبيهه .. ازيك ؟ وحشاااني مووت.. ولو اني زعلانه منك

نبيهه: اهلا يا تانت.. اتفضلي ..

صفية: وانا بلاش يعني

نبيهه: اتفضلي يا صافي .. اهلا وسهلا

تشربوا ايه؟

فكيهه: احنا مش جايين نضايف. انا بس عايزة اعرف انت ايه اللي جرالك

نبيهه: مش فاهمة ؟. حضرتك تقصدي ايه

فكيهه: بت انتِ حتجننيني.. ايه اللي قلب كيانك كده

نبيهه: اااه.. حبيب قلبي وائل

(صفية: حبيبك برص وعشره خرص)

نبيهه: بتقولي حاجة يا صفية

صفيه: بقول ربنا يديمها محبة

نبيهه: اه .. على فكرة انا موش ناسياكي .. كل يوم بفكر روح قلبي وائل

صفية: ان شالله يخليكي

فكيهه: خليكي معايا انا وقوليلي.. عمل معاكي ايه؟. وياترى انت عملتي زي ما قولت لك ولا لأ؟

فكيهه: ما تخافيش .. انا عملت كل اللي طلبتيه مني بس هو مش عاجبه .بس فاتغيرت علشانه وهو كمان ساعدني كتير وجابلي واحده تعلميني الاتكيت

فكيهه: الايه يا؟.ما علينا وبعدين

نبيهه: خلاص بقيت زي ما انتِ شايفاني .. ناني .. ولسه

فكيهه: لسه ايه اكتر من اللي انت فيه ؟ يعني خلاص مجهودي راح؟

نبيهه: حضرتك زعلانه ليه.. موش اللي يهمك اني ابقى مبسوطه خلاص

فكيهه: يعني انت تنبسطي وانا يتحرق دمي

نبيهه: انتِ فعلا انسانة غريبة.. انا رايحة النادي ... وائل حبيبي مستنيني هناك.. تحبو اوصلكوا للحارة

فكيهه: لا كتر خيرك التاكس مستنينا بره.. اتفضلي انت بالسلامة

صفيه: طب والشغل؟

نبيهه: اه ... حسأل وائل وارد عليكي

فكيهه وصفية يمشوا من عند نبيهه

ويرجعوا الحاره

فكيهه بتكلم نفسها : هوا يه اللي جرى.. وصفتك مابقتش نافعه يا صفية

دي متجربه قبل كده كتيير.. اشمعنى ما حوقتش في البت نبيهه؟

لااا ده جوزها اللي اثر عليها... طب وانا ايش عرفني انه بدل ما يرقعها قلمين ويرجعها بيت ابوها .. حيعمل كل ده... مصيبة لا يكون حبها...بس بصراحة البت تتحب .. حلوة .. وحنينه..

صفية: بقى نبيهه حلوة وحنينه.. دي عاملة زي شيخ الغفر..

نبيهه: انت احلى طبعا .. بس برضه الحق يتقال البت نبيهه حونييينه...

صفية: ماشي ماشي..

فكيهه: يابت ما تزعليش.. ما قلنا انت احلى.. وهيه تيجي ايه جمبك

صفية: ايوه كده .. بقلك ايه ياخالتي.. بفكر اروح بكره الشركه عند سي وائل

فكيهه : عين العقل يابت.. وناوية تعملي ايه؟

صفية: حسأل عليه واعمل اللي يقدرني عليه ربنا

فكيهه: وطمنيني.. عارفة لو قدرتي تعملي اللي ما عرفتش انا اعمله ..ليكي عندي الحلاوة

صفيه: حتديني ايه يا خاله

فكيهه: ده انا حعلمك واودكك .. احسن ما علمت البت نبيهه.. بس على الله يطمر ؟

صفية: حيطمر ياخالة .. ده انا اصيلة .. ويطمر فيا المعروف

صفية وفكيهه ينزلوا من التاكس على اول الحارة

صفيه تفتح الباب بالمفتاح تلاقي مامتها مستنياها

ام مصطفى: كنتِ فين يابت ياصفية

صفية: كنت عند خالتي فكيهه

ام مصطفى: كذابه في اصل وشك.. انا لسه جايه من هناك والبت فتكات قالت لي انكو خرجتوا مع بعض

رحتي فين يابت

صفية: رحنا عند نزور نبيهه ياامه

ام مصطفى: كده من غير استأذان..؟ وكالة من غير بواب

صفيه: سماح النوبة يا امه

ام مصطفى: انا حوريكي يا بت .. من هنا ورايح ما فيش خروج.. انا عارفة انت بتروحي لنبيهه ليه؟: تكونيش فاكراني نايمة على وداني

صفيه: قصدك ايه يا امه..

ام مصطفى : قصدي انت عارفاه .. المعلم فرغلي طلب ايدك وانا وافقت

صفية: بس يا امه ده متجوز 3 وعندي 12 عيل

ام مصطفى: انا اديت كلمة خلاص

وفعلا صفية تتخطب للمعلم فرغلي

وفي ليلة الخطوبة

فكيهه تسمع الطبل والزمر

هو في ايه يافتكات

فتكات: دي خطوبة وكتب كتاب صفية

فكيهه: امتى حصل الكلام ده؟ البت كانت لسه معايا من اسبوع!

فتكات: النصيب يا ستي.. عقبالنا يارب

فكيهه: طب انا حطلع ابارك

فكيهه تطلع شقة الست ام مصطفى

نبيويه تفتح:

اهلا يا ست فكيهه ..

الست ام مصطفى: استني يا نبوية... عايزة ايه ياست انت؟.؟ ايه اللي جابك ياجلابة المصايب

فكيهه: انا جلابت المصايب .. الله يسامحك .. دي جزاتي اللي جايه ابارك واهني..

من غير ما تعزميني..

ام مصطفى: الله يبارك فيكي .. متشكرين.. وتقفل الست ام مصطفى الباب في وش فكيهه

فكيهه: انا تقفلي الباب في وشي ياولية ياقراشانه؟

ام مصطفى: انا قرشانه ياحربايه .. يا خرابة البيوت العمرانه

فكيهه واقفة في السلم

تخرج الست سعديه : هو في ايه يا ام مصطفى:. ما يصحش كده الليله كتب كتاب بنتك

ام مصطفى: مش شايفاها بتقول ايه.. مش مكفيه اللي عملته ..

الست سعديه: هيه عملت ايه بس؟

ام مصطفى : انت اصلك قلبك ابيض. دي كانت ناوية تخرب بيت نبيهه بتك ..

الست سعديه: نعم.. وتخرب بيت نبيهه ليه؟. الوليه الشرانيه دي؟

الست ام مصطفى: اقولك ايه بس.. قال ايه عشان تردلك اللي عملتيه فيها زمان..

الست سعديه:واناعملت ايه ؟

الست ام مصطفى: استغفر الله العظيم يارب.. قال ايه انت خطفتي جوزها منها..

الست سعديه: ايه ايه؟ هي الست دي هبلة ولا بتستهبل؟

الست سعديه تنزل لفكيهه:

بقى انا خطفت جوزك ؟؟ يا ام اربعه واربعين يا وش النحس

الست سعديه: انا وشي نحس.. يا .....

فكيهه: لمي نفسك .. ياسعديه لا احسن اوريكي شغلك

وتقوم عركة بين سعديه فكيهه .. وتضرب فكيهه من نسوان الحارة اللي يقفوا جمب سعديه

يوصل الخبر لهنداوي جوز فكيهه

يسيب شغله ويرجع البيت يلاقي فكيهه واخدة العلقه التمام

فكيهه: شفت اللي جرالي ياسي هنداوي ؟

المعلم هنداوي: مش مكسوفة من نفسك ياوليه يا ناقصة!

فكيهه مرعوبة: هو انا عملت ايه ياسي هنداوي

المعلم هنداوي: استعبطي يا ختي استعبطي!! بقى عينك من الحاج محمود جوز الست سعدية.

نبيهه:انا؟؟ طب والله

المعلم: هنداوي: مش قادرة تنسي انه كان عايز يهتجوزك زمان.. يعني طول السنين دي وانا مش مالي عينك

فكيهه: لا والله يا معلم ..ده انت سبعي وجملي.. د ه انا من غيرك ولا حاجة يا معلم.. اوعى تصدق كلام نسوان الحارة دول بيغيروا مني

المعلم هنداوي: على ايه يا حسرة؟

فكيهه: كفاية اني مرات المعلم هنداوي على سن ورمح

المعلم هنداوي: بصي يا ست انت انا .. صبرت عليكي السنين دي كلها عشان خاطر الارض.. بس تغور الارض اللي حتخليني اتنازل عن كرامي.. انا حوصلك لاهلك في البلد دلوقتي وورقتك حتوصلك ...

فكيهه: يا مصيبتي.. ابوس ايدك يا معلم.. ابوس رجلك.. انا مراتك عشرة عمرك!

المعلم هنداوي: هي ربع ساعه الاقيكي تحت في العربية

ينزل المعلم هنداوي ووراف فتكات

فتكات: يامعلم .. ياسيدي

المعلم: ابو س ايدك .. سماح النوبة.. دي ستي فكيهه قلبها ابيض.. وما تقصدش

المعلم هنداوي: مالكيش دعوة انتِ يا بت..

فتكات: خلاص يا معلم انا عايزة اروح مع ستي

المعلم هنداوي: غوري في ستين داهيه معاها

يوصل المعلم هنداوي الخاله فكيهه وشغالتها فكتات للبلد....

تجمع فكيهه البنات اللي على وش جواز

وتبني في الارض جمعيه صغيرة.. تسميها

جمعيه فكيهه لكل البنات.. للي عايزة تعيش في تبات ونبات.................

تمت...

20\يناير \2012

تم تعديل بواسطة شهد
رابط هذا التعليق
شارك

انشئ حساب جديد أو قم بتسجيل دخولك لتتمكن من إضافة تعليق جديد

يجب ان تكون عضوا لدينا لتتمكن من التعليق

انشئ حساب جديد

سجل حسابك الجديد لدينا في الموقع بمنتهي السهوله .

سجل حساب جديد

تسجيل دخول

هل تمتلك حساب بالفعل؟ سجل دخولك من هنا.

سجل دخولك الان
  • المتواجدون الآن   0 أعضاء متواجدين الان

    • لا يوجد أعضاء مسجلون يتصفحون هذه الصفحة

  • الموضوعات المشابهه

    • 15
      عندما كان هيكل منظراً ولسانا لعبد الناصر ومن بعده موسى صبري للسادات كنا نستطيع ان نسمع تبريرات مقنعة وكلام متزن -بغض النظر عن الخطأ والصح- وعندما غابت تلك العقول المنظره لخرج لنا امثال الدقاق والقط وسمسم فأصبح التنظير يتم الآن بطريقة اللمبي وخالتي فرنسا مثال واحد فقط لاغير (اخبار اليوم) http://akhbarelyom.org.eg:81/akhbarelyom/a...p;z=50&m=11 :sad:
    • 11
      بنت خالتي لميس ............. كنت ألاعب بنت خالتي لميس ذات الربيع الخامس وأشاكسها وكنت أحتسي كوبا من الشاي فطلبت مني أن أترك لها من كوب الشاي ولو قليل وكانت ذاهبة مع خالاتي وأولادهم للبحر فسألتها ماذا تريدين الشاي أم البحر فقالت الشاي والبحر ؟ فتذكرت بقولها قصة الشيخ والبحر ( العجوز والبحر ) للأديب آرنست هيمنجواي وكانت من المقررات علي وأنا في الصف الثالث الثانوي في دولة الإمارات العربية المتحدة وكانت ترجمة عنوانها الشيخ والبحر رغم أن الترجمة الصحيحة هي العجوز والبحر وجاءت ترجمة القصة ترجمة ردي
×
×
  • أضف...