اذهب إلى المحتوى
محاورات المصريين

اجراءات استقدام الزوجه و الابناء بالتفصيل


Recommended Posts

اود ان اشكر الاخوه القائمين على هذا المنتدى و الذى يتيح الفرصه لتبادل الخبرات بين كل المغتربين

و لذلك وجدت انه من الواجب ان اوضح خطوات الاستقدام لأسر المقيمين بالسعوديه

اولا : المستندات المطلوبه :

1- اصل جواز السفر + صوره

2- اصل الاقامه + صوره

3- خطاب تعريف من الكفيل موضح به الراتب و موثق من الغرفه التجاريه

3- طلب استقدام موثق من الغرفه التجاريه ( موجود بمكتب الاستقدام) و يملأ الطلب بالبيانات مطابقه لجواز السفر و الاقامه و الحرص على ان يكون اسم الزوجه و الابناء مطابق للأسم فى جواز سفر الزوجه و الابناء

4- ايصال من بنك الرياض بقيمه 2000 ريال و يمكنك تسديده عن طريق موقع بنك الرياض على الانترنت(فقط اذا كان لديك حساب فى بنك الرياض) او من اى صراف لبنك الرياض ATM و الدفع نقدى عن طريق الصراف الالى ( سوف تحصل على ايصال من الصراف الالى لبنك الرياض مكتوب فيه رقم الاقامه و المبلغ المدفوع)

5- قسيمه الزواج موثقه من الحارجيه المصريه و من القنصليه السعوديه + صوره

6- شهاده ميلاد الابناء موثقه من الخارجيه المصريه + صوره

ثانيا : تقديم الاوراق

1- اذا كنت من سكان الرياض، فعليك بالذهاب الى مكتب الاستقدام بوزاره الداخليه القديمه بشارع المطار القديم ( الملك عبد العزيز) مبكرا(يعنى 7 او 8 صباحا) قبل مواعيد العمل و هتلاقى واحد معاه كشف سجل فيه اسمك علشان الدور، و ممكن تمشى و ترجع على ميعاد الدوام الرسمى بتاعهم وهو فى رمضان الساعه 10 صباحا

2- هتدخل صاله الاستقدام و الموظف هينادى على اسمك و يديلك رقم

3- تنتظر لغايه لما يجى رقمك و تسلم الاوراق و الموظف هيطلب انه يطلع على الاصول و هيرجعهالك تانى

4- بعد كده لو ورقك سليم و المهنه تسمح بالاستقدام هيدلك ورقه صفراء

5- الورقه دى تبعتها لاسرتك فى مصر عن طريق البريد و يتابعوا القنصليه السعوديه بعد اسبوعين من تقديم الاوراق و الحصول على الورقه الصفراء

ثالثا : استلام الفيزا من القنصليه السعوديه

الخطوه دى لسه ما عملتهاش...بس اللى اعرفه ان الزوجه لازم تعمل تحليل فيروس سى فى المعامل المركزيه بوزاره الصحه اللى عند مجلس الشعب، و مش متاكد كمان ان كان المفروض تعمل كشف طبى شامل فى احدى المستشفيات المعتمده زى النيل بدراوى، و ده بيكون عن طريق مكتب اسمه جامكا، و بالنسبه للأبناء لازم يكون معاهم شهاده فيها التطعيمات اللى اخدوها

و بعد كده يتم تقديم الورقه الصفراء + قسيمه الزواج الموثقه + التحاليل و الكشف الطبى + جواز سفر الزوجه و الابناء لو مش متضافين على جواز مامتهم + شهاده ميلاد الابناء الموثقه + شهاده التطعيمات الى القنصليه السعوديه و ده بيتم غالبا عن طريق مكتب من مكاتب التسفير اللى فى القاهره، يعنى بتديله الورق ده كله و بتنتظر يوم او اتنين و بيجيبلك التأشيره على الجواز، بس مش عارف ان كان ممكن الواحد ممكن يروح بنفسه ولا لازم عن طريق مكتب

مهم جدا : لازم اسم الزوج يكون مكتوب فى جواز سفر الزوجه لأن الورقه الصفراء اللى بتبعتها مصر بيكون فيها اسمك انت بس و بيكون مكتوب فيها كلمه زوجه و ابن او بنت (من عير الاسماء) علشان كده لازم اسم الزوج او الاب فى حاله الابناء يكون مكتوب فى جواز سفر الزوجه

مهم : فى الرياض و ده اللى انا عرفته من اخواننا المصريين اللى بيقدموا على استقدام لازم يكون ورقك كله كامل علشان اداره الاستقدام فى الرياض شديده، لكن عرفت ان فى جده او الدمام الامور اسهل من كده بكتير و احيانا مش بيطلبوا الاصول

دى كل معلوماتى اللى عرفتها و عملتها.... و هتابع معاكم الموضوع اول باول و خصوصا الجزء الاخير (ثالثا) اول لما يخلص ان شاء الله

يارب اكون قدرت اوصل المعلومه بسهوله و يستفاد منها اكبر عدد من اخواننا المصريين

رابط هذا التعليق
شارك

  • الردود 108
  • البداية
  • اخر رد

أكثر المشاركين في هذا الموضوع

أكثر المشاركين في هذا الموضوع

زمان كان يشترط ان يكون الراتب الأساسي لا يقل عن 3500 ريال سعودي حتى يتمكن الزوج من استقدام عائلته

معرفش الشرط ده لسه موجود ولا اتلغى

Vouloir, c'est pouvoir

اذا كنت لا تقرأ الا ما يعجبك فقط فإنك لن تتعلم ابدا

Merry Chris 2 all Orthodox brothers

Still songs r possible

رابط هذا التعليق
شارك

أخي الكريم:

جزاكم الله خيرا على هذه المعلومات التي تفيد بشكل جيد كل مهتم بهاز

أردت أن أنوه أنه يمكنك مراجعة البيانات الموجودة بالورقة الصفرا عن طريق موقع وزارة الخارجية بالانترنت حيث تستطيع التأكد من خلو اسم الزوجة والابناء من ايه اخطاء املائية قد تتسبب في الغاء التأشيرة او في تأخير عملية استخراجها. (حيث وقعت بها من قبل)، فهو مسموح لك بتعديلها خلال الثلاثة ايام بعد استخراج الورقة الصفرا فقط والا يتم الغاء التأشيرة الخطأ لتبدأ من جديد في استخراج أخرى بدلا منها.

وموقع الوزارة هو: "https://visa.mofa.gov.sa/SrhVisa.asp"

والسلام عليكم

رابط هذا التعليق
شارك

اضافة الى ماتفضل به اخونا الكريم جونيور

لابد من وجود اصل وصورة المؤهل الدراسى الكرتون للاطلاع فقط

493275s8wrn8jsb5.gif

"‏{‏‏وَمَن يَتَّقِ اللَّهَ يَجْعَل لَّهُ مَخْرَجًا وَيَرْزُقْهُ مِنْ حَيْثُ لَا يَحْتَسِبُ وَمَن يَتَوَكَّلْ عَلَى اللَّهِ فَهُوَ حَسْبُهُ إِنَّ اللَّهَ بَالِغُ أَمْرِهِ قَدْ جَعَلَ اللَّهُ لِكُلِّ شَيْءٍ قَدْرًا‏} "

رابط هذا التعليق
شارك

اضافة الى ماتفضل به اخونا الكريم جونيور

لابد من وجود اصل وصورة المؤهل الدراسى الكرتون للاطلاع فقط

فعلا الموظفين فى مكتب الاستقدام طلبوا اصل المؤهل و صورته، انا بعتذر انى نسيت انى اضيف المؤهل للمستندات المطلوبه

رابط هذا التعليق
شارك

  • بعد 1 شهر...
  • بعد 3 شهور...

اولا مشكور اخي الكريم على المعلومات القيمه وجزاك الله خيرا

بالنسبه لموضوع المرتب هل يشترط مرتب معين للموافقه على استقدام الزوجه؟

واذا كان المرتب الاجمالي مثلا 5000 ولكن الاساسي لايتعدى 2400 فهل يتم التعامل على اساس المرتب الاجمالي ام الاساسي؟

بالنسبه للمصاريف:

هل المبلغ المذكور في الموضوع 2000 ريال هو مصاريف الموافقه على الاستقدام وهناك مصاريف اخرى لاستخراج تاشيره الزوجه؟

ياريت لو في موقع حكومي في تفاصيل اكتر حد يقولي عليه يمكن يحصل اي تغيير ي الاجراءات او المصاريف

سؤال اخير واسف على الاطاله:

قبل كل ده بقه حد يقولي التوثيقات بتاعه وزاره الخارجيه والقنصليه السعوديه بتاخد قد ايه عشان انا لسه مش كاتب الكتاب وعايز ابدا

في الاجراءات قبل ما اسافر...

رابط هذا التعليق
شارك

مبلغ ال 2000 ريال هو قيمة فيزا الاستقدام و تدفع فى أى فرع من بنك الرياض، و ليس هناك اى مصاريف أخرى داخل المملكة، و لكن هناك مصاريف أخرى فى مصر عند وضع الفيزا على جواز السفر، وهى التى تأخذها مكاتب السفريات حيث تم منع التعامل المباشر مع القنصلية السعودية بالقاهرة

أما بالنسبة للمرتب، فليس لدى فكرة دقيقة، ولو أنى اعتقد ان المهم الوظيفة الاساسية بجواز السفر

و بالنسبة للتوثيقات بتاعة الخارجية المصرية بتعملها و انت واقف فى نفس اللحظة، أما بالنسبة للقنصلية السعودية فأعتقد بتاخد 4 ايام

رابط هذا التعليق
شارك

مبلغ ال 2000 ريال هو قيمة فيزا الاستقدام و تدفع فى أى فرع من بنك الرياض، و ليس هناك اى مصاريف أخرى داخل المملكة، و لكن هناك مصاريف أخرى فى مصر عند وضع الفيزا على جواز السفر، وهى التى تأخذها مكاتب السفريات حيث تم منع التعامل المباشر مع القنصلية السعودية بالقاهرة

أما بالنسبة للمرتب، فليس لدى فكرة دقيقة، ولو أنى اعتقد ان المهم الوظيفة الاساسية بجواز السفر

و بالنسبة للتوثيقات بتاعة الخارجية المصرية بتعملها و انت واقف فى نفس اللحظة، أما بالنسبة للقنصلية السعودية فأعتقد بتاخد 4 ايام

شكرا على التوضيخ اخي الكريم:

معلش شويه اسئله كمان عشان اكون مستريح

هل يوجد قوانين بالممكله تمنع استقدام الزوجه في اول سنه؟وهل يشترط ان تكون البطاقه او الباسبور مكتوب عليها متزوج في خانه الحاله الاجتماعيه؟

وبالنسبه للفيزا بتاعه الاستقدام ياريت تقولي مده صلاحيتها قد ايه؟

معلش اسف على الاطاله بس عايز اشرحلك موقفي ولو عندك اي معلومه او نصيحه تانيه يبقى جزاك الله خيرا

انا في مصر حاليا

باذن الله مسافر السعوديه بعد اسبوعين او ثلاثه لسه مش متحدد ميعاد السفر

وعايز اكتب الكتاب قبل ما اسافر

عشان اقدر اعملها استقدام من هناك على اخر السنه

بحيث ان انزل الاجازه السنويه وترجع معايا باذن الله في حاله التجديد وموافقه الشركه طبعا

والله المستعان

والف شكر على التوضيح

رابط هذا التعليق
شارك

  • بعد 4 أسابيع...

شكرا على المعلومات بس سؤال

شهاده ميلاد الابناء موثقه من الخارجيه المصريه فقط ولا لازم من القنصلية السعودية زي قسيمة الجواز

وكمان انت قلت أصل المؤهل الكرتون ايه الكرتون ده؟ قصدك الورقة العادية صح

تم تعديل بواسطة OmarBak
رابط هذا التعليق
شارك

  • بعد 2 أسابيع...

هو بالنسبة للتحاليل اللى بمصر ينفع تتعمل قبل التأشيرة ما توصل بمدق قد ايه

مصر يعني هل ليها صلاحية مثلا ؟

وهل لازم ختم النموذج من الغرفة فيه ناس قالو كفاية التعريف والنموذج الاستقدام من الشغل ؟

رابط هذا التعليق
شارك

ياجماعة انا بجد مش عارف اشكركم ازاى انتوا ساعدونى فى انى اطلع الرخصة وكمان الاستقدام

ومخدتش فى الاستقدام نص ساعة بفضل ارشادتكم فشكرا ليكم

والحمد لله كمان رخصة السياقة كمان طلعت

بشكركم بجد

رابط هذا التعليق
شارك

السلام عليكم :-

هو بالنسبة للتحاليل اللى بمصر ينفع تتعمل قبل التأشيرة ما توصل السفارة بمصر بمدة قد ايه

مصر يعني هل ليها صلاحية مثلا ؟

وهل لازم ختم نموذج طلب الاستقدام من الغرفة فيه ناس قالو كفاية التعريف ونموذج الاستقدام كفاية من الشغل

شكرا مقدماً

رابط هذا التعليق
شارك

يا شباب حبيت اختم شهادة الميلاد + قسيمة الجواز من القنصلية السعودية

فيه مكتب قالي عايز تختم من القنصلية بس ولا من الملحق الثقافى كمان (لخبطني يعني )

هو الصح من القنصلية فقط ؟ تمام كده ولا ايه ؟ ولا لازم من المحلق الثقافي كمان ؟

رابط هذا التعليق
شارك

انا بشكركم قوي على المعلومات المهمة دي

بس عندي استفسار مهم

المؤهل بتاعي لازم يكون مصدق من القنصلية السعودية في القاهرة

انا المؤهل بتاعي من السودان هندسة الكترونية ومصدق من المستشار الثقافي المصري والخارجية السودانية والمصرية والتعليم العالي في البلدين

ارجو منكم سرعة الرد لاني عاوز ابدا الاجرائات

متشكر جدا

رابط هذا التعليق
شارك

انشئ حساب جديد أو قم بتسجيل دخولك لتتمكن من إضافة تعليق جديد

يجب ان تكون عضوا لدينا لتتمكن من التعليق

انشئ حساب جديد

سجل حسابك الجديد لدينا في الموقع بمنتهي السهوله .

سجل حساب جديد

تسجيل دخول

هل تمتلك حساب بالفعل؟ سجل دخولك من هنا.

سجل دخولك الان
  • المتواجدون الآن   0 أعضاء متواجدين الان

    • لا يوجد أعضاء مسجلون يتصفحون هذه الصفحة

  • الموضوعات المشابهه

    • 30
      الموضوع ده حساس جدا ومنكد علي معظم المصريين حياتهم في الغربه بسبب شكوي الزوجه الدائما من الوحده (زهقت من البيت ومن الملل والروتين الفظيع )اثناء فتره الدوام والملل من البيت وجلسه البيت خصوصا لو الدوام فترتين وخصوصا لو لديك طفل واحد صغير وليس لك علاقات حميمه مع الجيران رغم محاولات الازواج المسكين المطحونين في العمل الترفيه عن الزوجات من خلال الخروجات الي المنتزهات والاسواق وعني انا شخصيا بخرجهم يوم الانثنين بنروح العثيم طبعامن في السعوديه عارف ليه والاربعاء والخميس والجمعه نروح بعض المنتزهات
    • 18
      السلام من عند ربى الرجاء المساعده فانا مقيمة فى الكويت واريد ان اعمل كارت زيارة لقريب لى الرجاء توضيح ما هى الاوراق المطلوبه وما هى الاجراءات الازمه لعمل كارت زيارة وشكرا
    • 0
      لقائي مع برنامج افريقيا على قناة النيل للاخبار المصرية ماك شرقاوي: افتتاح السفارة الامريكية بمقديشو بعد غياب 28 سنة ضمن اجراءات تحسين العلاقات الامريكية الصومالية  
    • 2
      السلام عليكم هل يمكن استقدام زوجه ثانيه لسطنه عمان و ما هى الشروط المطلوبه لذلك شكرا مقدما
    • 5
      السلامة وعليكم ورحمة الله وبركاتة ليا صديق عمل استقدام لزوجته ولما زوجته راحت تعمل كشف طبي طلع لها غير لائق لانها كانت مركبة مسامير في كتفها وهيا طبعا جايه استقدام وليست للعمل وقالوله في المستشفي يقدم خطاب للسفارة السعودية في مصر فمش عارف بقه الخطاب دا موجه من الزوج ولا من كفيل الزوج وموجه لمين وصيغته ايه ارجو الإفادة وجزاكم الله كل خير
×
×
  • أضف...