capitshino

سؤال عن مكاتب محامين الهجرة

132 مشاركات في هذا الموضوع

كل اللي اقدر اقولهولك انه بياخد 3 الاف دولار ليه بس دا غير مصاريف الورق بتاعك علي حسابك طبعا

بس الراجل عنده جبل من الفايلات

اسال اكتر علشان معنديش معلومات مؤكده عنه

شارك هذه المشاركه


رابط المشاركه
شارك

مش فاهم ليه الناس غاويه تبعتر فلوسها على من يطلقون على انفسهم محامين الهجره

ليه مش مصدقين إنكم ممكن تعملوا المعامله لوحدكم

ليه معتقدين إنكم أقل من اللي بيعملوها بنفسهم

كل المعلومات موجوده على موقع الهجره و النماذج و حتى مع النماذج يوجد دليل إزاي تملاها

و لو غلطت في خانه أو نسيت تبعت ورقه .. هيرسلوا لك عشان يستفسروا عنها .. مش هيرفضوا الطلب عشان غلطه أو مستند ناقص

إزاي ممكن تتوقع إنك تنجح في مجتمع جديد إذا كنت من الاول عايز حد يعملك معاملة الهجره أو عايز واحد يستناك في المطار عشان يلف معاك أول إسبوع في كندا

يخلص لك الورق و يلهف كام ألف

و بعد كده كل مصلحه ليك في كندا هتدور على حد يعملهالك بالفلوس

شارك هذه المشاركه


رابط المشاركه
شارك

الاخ هشام شكرا جزيلا على رسالتك الرقيقة واود ان اخبرك اننى قدمت على الهجرة بنفسى منذ فترة ويمكنك الرجوع الى كتاباتى السابقة .. وعاما ليس عيب ان ينتظرك احد ويعرفك بمعالم البلد الجديد .. هذا ليس عيب على الاطلاق والحمد لله لقد سافرت من قبل ومازلت واعرف ما اقوله جيدا

شارك هذه المشاركه


رابط المشاركه
شارك

شكرا اخى ايهاب على اهتمامك

كنت فقط اريد معرفة بعض المعلومات عنه وذلك لارسالها لصديق حميم . ولقد نصحت صديقى ان يقوم بنفس ما قمت به وهو التقديم المباشر للسفارة وتوفير مبلغ 3000 دولار

شكرا مرة اخرى لاهتمامك

شارك هذه المشاركه


رابط المشاركه
شارك

لا شكر علي واجب يا كابتشينو يا صاحبي و حبيبي

ربنا يعلم انا بحبك اد ايه و ربنا يديم المعروف

لو عرفت حاجه جديده عن كندا هبقا اقولك

ان شاء الله نتقابل في كندا

قول امين

اخوك

هشام الكندي ان شاء الله

شارك هذه المشاركه


رابط المشاركه
شارك

مش كويس وخايف اقول نصاب , هو ده اقل وصف للشخص ده والمكتب بتعاه.

اناقدمت عنده من اغسطس 2005 ولحد الشهر (فبراير 2008) ده كان مفهمنى ان كله تمام.

لكن وللاسف اتصلت بالسفاره على التلفيون طلع ان جواب المقابله اتبعت وضاع الجواب فى البريد والملف اتقفل. الحمد لله لحقت الموضوع بنفسى وكلمتهم تانى وتالت وبعت 4 فاكسات وايميلات وتم اعادة فتح الملف وانا الان بجهز اواق مراتى عشان اضيفها.

يعنى ببساطه هو كل اللى عمله انه جهز الاوراق وبعتها (يا فرحتى ) وبعديم ما عملش اى حاجه وفضل نايم وكل ما اكلمه يقولى موضوعك تمام وماشى كويس. اخر مره كلمته فى موضوع الملف المتاخر اكتر من 24 شهر (فبراير 2008) قللى "ما تقلقش انا متاكد 100% انهم بس متاخرين" قولتله طب حاول تكلم اى حد ليك فى السفاره عشان اطمن , لم يرضى ده غير ان معاملته سيئه للغايه ومش عايز يتكلم زى ما اكون بشحت منه مش عميل وواخد منى حوالى 10 الاف جنيه. الله يسامحه .

المهم بعد المعامله السيئه والجليط الفارغه والملف المتاخر 24 شهر , قال انه مالوش حد فى السفاره عشان نكلمه , رحت مكلمهم انا فى سوريا وكانوا الموظفين لطاف كتير وبيسمعوا وقالوا ان ملفى اتقفل عشان ما بردش على جوابتهم اللى لم تصلنى من الاساس , بلغتهم ووافقوا على اعادة فتح الملف واضافه زوجتى وابنى.

يبقى اللراجل ده عمل ايه غير انه قاللى قائمه الاوراق المطلوبه وراح مترجمها عند مترجم اسمه ايهاب داوود. بس وغير كده ما عملش حاجه بال10 تلاف جنيه. معليش انا اللى استاهل.

اتفق وهيب معايا على 2250 دولار على اساس عقد مع المكتب العالمى فى كندا. بعدها بشهر قالى لو عايز الموضوع يمشى بسرعه نلغى العقد ونكتب عقد جديد معاه هو من الباطن مش مع المكتب الدولى (Dalma) كانت اكبر غلطه لانى دلوقتى لا استطيع الشكوى منه لان ملفى اتقفل وو المسؤل عنه لان العقد معاه على محاكم كندا مش مصر, وكمان لان العقد منالباطن معاه مش مع المكتبالمعتمد (والله نصب فى نصب) والدفى حوالى 90% قبل مااستلم جواب المقالبه.

دلوقتى انا كنت دفعتله حوالى 2000 دولار بس , والحمد لله انى ما دفعتش اكتر لان كله كان ضايع على الفاضى.

انصح الجميع مراسله السفاره نفسها وبالش من المكاتب وخصوصا النصاب ده.

شارك هذه المشاركه


رابط المشاركه
شارك

:roseop:

*الاستاذ ahmedib

انا مقدمه على الهجره مع وهيب واحنا لسه فى بداية الموضوع وعلى وشك ارسال الملف للسفاره والفتره السابقه كلها حوالى تلات شهور كانت عباره عن ان مكتب كندا كان بيبعت ويطلب تعديل ورق او بيانات او اضافة اوراق ليكون الملف قوى فى السفاره

بالنسبه للمبلغ اللى هو بياخده فهو كان فى وقت توقيعنا للعقد فى نفس معدل المحامين الباقيين

وبالنسبه لموضوع العقد فهو بينا وبين دالما كندا وليس وهيب نفسه وكل الاتصالات التى تتم بيننا وبين كندا وليس وهيب ولكن عن طريقه

فاذا كان فعلا حصل معاك انه طلب العقد من الباطن فكيف لم تقم بالشكوى لدالما فى كندا او للسفاره فى سوريا اعتقد ان الامر لم يكن هين ولا يجب الاستهانه به

وكمان ممكن يكون ضياع الجواب فى البريد ده حظك كده وليس خطا حد

والسؤال هل عند علمك بضياع الجواب راجعت وهيب فى الموضوع لان فى بنود العقد انه فى حالة انك لم تهاجر او كان الخطا من عنده فانت بتسترد الفلوس تانى

ارجوا توضيح الموضوع جيدا من جانبك ومن جانب وهيب لان احنا قلقنا اوى لما سمعنا الكلام ده علما باننا نعرف ناس سافروا وخلصوا كل حاجه معاه بشكل طبيعى ولم يحدث اى نصب باستثناء بعض التاخير والذى اراه طبيعى الى حد ما لانه يراجع الورق فى كندا كما يراجع فى السفاره وينظر فى قوة الملف فمن الطبيعى ان ياخذ بعض الوقت

فارجوا الرد سريعا لو سمحت لان اعصابنا باظت

:sad:

شارك هذه المشاركه


رابط المشاركه
شارك

استاذه داليا , انا اسف على الرد متاخر بس لم ادخل المنتدى من حوالى اسبوع.

بالنسبه للعقد, انتى تمام وخليكى كده ولو طلب اى تغيير , لا توافقى وخليكى مع كندا لانهم اضمن من وهيب.

لاى استفسار يمكنكم الاتصال بى على البريد :- (ahmedib79@gmail.com) انا فى الخدمه .

الموضوع كنت شرحته من قل فى المشاركه على هذا الرابط :-

http://www.egyptiantalks.org/invb/index.php?showtopic=51077

- الاتعاب بتاعته كانت اكتر من الاخرين بشء قليل (2250) دولار على 3 دفعات قريبه جدا من بعضها بعكس الاخرين اللى كانوا بيطلبوا الدفعات متباعده, يعنى هو شبه دفاعته 100% مقدم قبل المقابله.

انا برضه قبل ما اتعاقد معاه سالت كتير وعرفت انه سفر ناس كتير. لكن معايا حصلت مشكله وهو ما عملش اى حاجه بس هات فلوس وخلاص !!!!!

- لم اقم بالشكوى فى بدايه التقديم, ده لانى وضعت ثقتى فيه وعشان قاللى ان الاجراءات كده هتكون اسرع من التقديم من كندا. غلطتى وانا متحمل. اما الان انا لسه بوضب امورى وبجهز للخطوه اللجايه اللى محتاجه ترتيبات كتير .

- الجواب ضاع فى البريد, فعلا ده نحس منى انا, بس لما اكون موكل محامى كبير عشان قضيه مهمه فى حياتى زى البنى ادم ده ما كان دائما بيقوللى, ويطلع المحامى نايم ومنيمنى معاه وكان هيضيعنى ولم يتصل بالسفاره مع علمه ان الملف تاخير اكتر كتير من اللازم , قبل اضافه الزوجه رحت واتكلمت معاهم كلهم واكدوا 100% ان الملف تمام وماشى بس انا اديهم الفلوس لاضافة مراتى وكل حاجه حلوه , والله العظيم تانى يوم من الكلام ده واحد جدع اسمه بيشوى مقدم هجره زى وزميلى فى المركز الثقافى الفرنسى قاللى انه نصاب ولازم اراجع وراه وتانى يوم اكتشفت البنى ادم ده على حقيقته. وكلمت السفاره وطلع الجواب ضايع وهو ما كنش عارف اى حاجه ولا عايز يسال السفاره ومش عايزنى اكلمهم كمان.(زى ما اكون انا عبيط ومش هعرف اكلمهم ولا حاجه!!!) فى هنا شبهة قلق وسوء نيه لانهم كانوا عايزين منى فلوس اضافة مراتى الاول.قبل اى كلام فى اى موضوعات . طب كان يتحرك الاول ثم يطلب منى فلوس ملف مراتى, لكن لا ,, هما عايزين فلوس من الزباين فقط وبعدين يتحرق الزبون بعد ما يدفع,

الوضع انى رحت قابلته هو ونبيل بتاعه ده, قالولى الموضوع بسيط وحصلت مع اتنين زيك, قلت ماشى, كتبوا جواب (عشان ابعته فاكس وايميل) معفن بلغه فرنسيه ركيكه وكل ما احاول اصلح الكلمات اللى البنت بتعاتهم بتكتبه يسكتنى (ال يعنى هما بس اللى بيعرفوا فرنساوى , قلتلهم دا انا كان شغلى المراسلات والجوابات) وقالولى اوعى تكلم السفاره بنفسك او تبعت اى مراسله بنفسك واوعى تطلب من السفاره انهم يبعتولك اى فورم او جوابات , لكن انا كلمت السفاره على التليفون والناس ذوق جدا ومتفاهمين , وبعتلهم كتير على الايميلات وبعتوللى وردوا كويس وغيرت عنوان المراسلات بتاعى عشان الجوابات توصل, ولم يتاخروا عليا وبعتوللى كل الفورم والمستندات اللازمه لاضافه مراتى . وانا بجهزها اليومين دول لوحدى. يعنى مش محتاج الراجل ده فى حاجه وكفايه عليه اللى خده.

النصيحه اوعى تحطى ثقتك فى انسان زى ده لانه لا يثق فى اى احد. والدليل زى ما قلت قبل كده انه بياخد اتعابه مسبقاً شبه 100% قبل معظم الاجراءات .

وانا تحت امر الاخوه جميعا فى اى استفسار .

والسلام افضل ختام . واكرر اسفى للاستاذه داليا من التاخير .

شارك هذه المشاركه


رابط المشاركه
شارك

انا برضه مقدم عن طربق مكتب وهيب يوسف....وبصراحة لازم اعترف ان اتخدعت بالاعلان المحترم اللى بيتنشر ليه اسبوعيا ف الاهرام وكذلك الرد الفورى الذى تلقيته على الايميل الذى بعثته له لاستفسر عن بعض الامور المتعلقة بالهجرة ...وظننت انهم جادين جدا بدليل اتصالهم بى تليفونيا اكثر من مرة وكلامه اللطيف فى البداية ..لجر رجل الزبون اللى هو انا...المهم قررت انى اقدم على هجرة عن طريقهم طلب اتعاب 3000 دولار ودى نفس اتعاب معظم المكاتب بالمناسبة...دفعت نصهم مقدما....وتوالت المفاجات

البهوات فى المكتب ما بيملوش الاستمارات معاك ...يقولك املى الاستمارات واحنا هنبقى نراجعها.....امال يا بهوات انت بتعملوا ايه بالظبط ؟؟ ده المفروض رالحاجة الوحيدة اللى بتعملوها اصلا انكم تملوا الاستمارات وترتبوا اوراق العميل بتاعكم......وبعدين يقولك ادغع تمن ترجمة الورق الى الانجليزية....امال انت بتلهف ال 3000 دولار ليه يا ....؟

المهم مضيت العقد اغسطس 2006 وبعد كده الاقى البهوات فى منتهى البطا واللكاعة فى تجهيز الفايل واقولهم يا جماعة انجزوا انا مسافر الخليج ..ولا الهوا؟....وقبل ما اسافر بيوم الاقيهم بيقولوا لى اسفين احنا عايزين الاصول بتاع ورقك مش الصور واسفين برضه ادفع لنا 400 دولار كندى عشان نفتحلك ملف ف السفارة.....المهم البهوات خدوا 6 شهور عشان الملف بتاعى يكون جاهز؟...قسما بالله انا لو كنت جهزته لوحدى ما كان خد اسبوعين ؟....المهم بعد بعتولى ورقتين ع الايميل وبيقولوا لى امضيهم وابعتهم ع المكتب الرئيسى فى كندا وعملت زى ما قالوا راح المكتب الرئيسى بتاعهم باعتلى ايميل يقولى انى مضيت فى مكان غلط ....لان الست هانم اللى ماسكة الملف بتاعى فى مكتب وهيب حطت العلامة على المكان الخطا فى الاستمارة وانا مضيت مكان ما أشرت؟؟....وطبعا القصة دى خدتلها شهر تاخير كمان ....المضحك ان بمجرد ما بعتوا الملف السفارة افاجا بايميل من مكتب وهيب بيقولى نرجو سرعة ارسال باقى المستحق من العقد ....منتهى الوقاحة؟....فعلا ناس معندهاش دم نسيوا كل البلاوى اللى عملوها فى لحظة ولا يتذكرون الا الفلوس ...هما فعلا ما بيفكروش غير فى الفلوس...جشعين جدا !!.......ده يكفى انى اقولكم انى وانا بدفع مقدم للعقد لوهيب افندى ده ما كانش معايا دولارات فقولتوا له خدهم بالجنيه وكان ساعتها الدولار ب 5,74لقيت البيه بيحسبوا ب 5,80قرش ...قال ايه ده اسعار التحويل خارج البنك.....ده يكفى منظره وهو بيعد الفلوس..فعلا كائن جشع الى اقصى .........انا باضرب نفسى ستين ......انا اتعاملت مع البنى ادم ده...لكن انا مضطر انى اكمل معاه بعد ما لهف الفين دولار

لكن عايز اسالى اولى الخبرة ....لما يبعتوا ميعاد المقابلة هل ممكن اعرفه بنفسى ؟......ولا هما ما بيتعاملوش غير مع المكتب اللى موكله ؟...انا باسال لانى متوقع انه يماطل فى اخبارى بالميعاد لحد ما ادفع الالف دولار الباقى؟.......وهل يمكن فى حالة نشوب خلاف انى ابعت لقنصلية كيبيك-لانى مقدم هجرة لكيبيك-اقولهم انى هاكمل الملف بنفسى واتبعه وان المكتب لم يعد مسئولا عن ملفى؟.........ارجو الافادة ممن لديهم خلفية عن هذا الموضوع ويا ريت لو حد يعرف ارقام تليفونات قنصلية كيبيك فى دمشق

شارك هذه المشاركه


رابط المشاركه
شارك

اخى الفاضل بن سيتاء,

بيانات القنصليه فى سوريا على هذا البرابط :-

http://www.immigration-quebec.gouv.qc.ca/e...scus/reach.html

يمكنك التحدث معهم بالانجليزيه, وهم متفهمون , فى البدايه لازم تقولهم رقم الملف بتاعك, لان هو ده الID بتاعك عندهم .

شارك هذه المشاركه


رابط المشاركه
شارك

من اسبوع خرجت باعجوبة و البركة في ربنا طبعا من شبكة نصب اسمها وهيب يوسف

و ربنا مع الناس اللي ماشيين مع وهيب

ما اقوله لن يضيف جديدا عن الردود السابقة لكم سوي انني كل مرة اذهب فيها للمكتب افاجأ بكلام مخلتف عما قبله (كله كذب في كذب) معاملة سيئة جدا و استرددت فلوسي و الحمد لله

المهم انصح كل متقدم من خلال هذا المكتب ان لا يثقوا به 100% حيث انه ليس محل ثقة مع مراجعة قوانين الهجرة الجديدة و الصادرة في نهاية فبراير 2008 و الذي يوجد بها بند انه من الجائز رفض الملف نهائيا و بالتالي تكون هناك مشكله مع شركة في رد الاموال المدفوعة للعقد

و السلام خير ختام

شارك هذه المشاركه


رابط المشاركه
شارك
:roseop: احنا كمان مقدميين عندوهيب يوسف من 2005 وللاسف

استاذه / ايناس,

ممكن تحكيلنا القصه وايه اللى حصل معاكوا مع وهيب عشان الاخوه يستفيدوا من التجربه ؟؟؟

شارك هذه المشاركه


رابط المشاركه
شارك

كل ما تريد من معلومات للهجرة الى كندا عندك في هذا المنتدي انا شخصيا اقيم في كندا و احيانا بجد معلومات قيمة جدا في هذا الملف و مفيدة من ناس هاجروا قبل مني بتفيدني.انا معرفش و هيب بتنجانة بس كل ايلي اقدر اقوله كلهم شوية نصابين.و بعدين الناس ايلي تهاجر المفروض يكونوابيقرءوا انجليزي يعني ممكن يتعبوا شوية و يدخلوا علي موقع الهجرةالرسمى مع شوية مساعدة منا و ان شاء الله الامور تمشى بسلاسة و ما يكونش فيه عقد و وهيب بتنجانة.و تحت الشجرة يا و هيبة يا ماكلنا بتنجان.علي فكرة وهيبة تبقي مرات وهيب. :roseop:

شارك هذه المشاركه


رابط المشاركه
شارك

انشئ حساب جديد او قم بتسجيل دخولك لتتمكن من اضافه تعليق جديد

يجب ان تكون عضوا لدينا لتتمكن من التعليق

انشئ حساب جديد

سجل حسابك الجديد لدينا في الموقع بمنتهي السهوله .


سجل حساب جديد

تسجيل دخول

هل تمتلك حساب بالفعل ؟ سجل دخولك من هنا.


سجل دخولك الان