eyeweaver

استفسار عن أسعار المعيشة في دبي

قيم هذا الموضوع :

24 مشاركات في هذا الموضوع

الإخوة الكرام المصريين المقيمين في الإمارات..

هل ممكن حد يساعدني في معرفة تكلفة المعيشة في دبي؟.. و ما متوسط الراتب الذي يعتبر مناسب لأسرة من أربع أفراد ليمكنهم من أن يعيشوا حياة كريمة في بلد كدبي؟

و جزاكم الله خيرا :happy:

شارك هذه المشاركه


رابط المشاركه
شارك
الإخوة الكرام المصريين المقيمين في الإمارات..

هل ممكن حد يساعدني في معرفة تكلفة المعيشة في دبي؟.. و ما متوسط الراتب الذي يعتبر مناسب لأسرة من أربع أفراد ليمكنهم من أن يعيشوا حياة كريمة في بلد كدبي؟

و جزاكم الله خيرا :happy:

على ماحد يرد من المقيمين هناك ححاول افيدك

السكن في دبي مش حيكون اقل من 10 الاف درهم شهريا لشقه غرفتين نوم

و ممكن السياره في حدود 1500 درهم على الأقل

و المدارس حسب الرغبه من 1000 شهريا الى 5000

و المصروف حسب رغبتك ايضا من 3000 درهم الى 20 الف درهم شهريا

و كل واحد حسب ظروفه و مستواه و طريقة صرفه

شارك هذه المشاركه


رابط المشاركه
شارك
الإخوة الكرام المصريين المقيمين في الإمارات..

هل ممكن حد يساعدني في معرفة تكلفة المعيشة في دبي؟.. و ما متوسط الراتب الذي يعتبر مناسب لأسرة من أربع أفراد ليمكنهم من أن يعيشوا حياة كريمة في بلد كدبي؟

و جزاكم الله خيرا :happy:

18 ألف

شارك هذه المشاركه


رابط المشاركه
شارك

ممكن يا محمد تقسم ال18 الف؟

يعني سكن و مصروف و عربيه و مدارس و تحويش مثلا

شارك هذه المشاركه


رابط المشاركه
شارك

والله يا خاي فكر كويس بس تقريبا زي ما رد عليك الاخ السكن حوالي شهريا غرفتين وصالة 10000 درهم

والسيارة الف ونص غير البترول

والاكل ل6 افراد تقريبا من 3500 ل4500 درهم شهري

ده غير الملابس والمصروفات التانية والمدارس والدروس

ومتنساش تمن الغربة انك لازم تشيل قرش

ربنا يوفقك

شارك هذه المشاركه


رابط المشاركه
شارك
ممكن يا محمد تقسم ال18 الف؟

يعني سكن و مصروف و عربيه و مدارس و تحويش مثلا

هو انا مش في دبي فمقدرش اقسم لكن بنيت رأيي على حسب حالة مهندس صديقي يقيم في دبي إيجار قديم حوالي 42 ألف (و هنا الإيجار القديم يعني اللي كان مأجر قبل نزول قانون تقييد الزيادة في الإيجار من سنتين و الشقه اللي جنبه بتتأجر بخمسة و ستين ألف) و عنده طفلين واحد منهم في مدرسة رخيصة و التاني صغير مش في مدرسة او حضانة و عنده عربية قديمة (ماعليهوش اقساط عربيه) و مرتبه 15 ألف هو اللي بيصرفهم

فزودت السكن و قسط العربية و احتمالية وجود الطفلين في التعليم او حب يرتقي بمستوى التعليم و قلت مبلغ 18 ألف بدون تقسيم

انا في ابوظبي و عندي طفل سنة و نص و باصرف اجمالي بدون الايجار و قسط العربية حوالي خمسة آلاف درهم شهريا مع العلم انني عايش بالحد الأدنى للمعيشة و مجيبش غير الضروريات بس و يمكن مبتكلمش في التلفون و لا عندي لابتوب و لا موبايل حديث و لا ديفيدي و لا الحاجات اللي الناس واخده عليها دي

تم تعديل بواسطة محمد عيسى

شارك هذه المشاركه


رابط المشاركه
شارك

و علي فكر بسبب الأسعار المولعة هنا بفكر جديا انني ادور على شغل في السعودية لان المعيشه هناك ارخص خاصة من ناحية السكن و البنزين

بالإضافة للحج اللي بقى باسعار خارج استطاعتنا خالص

شارك هذه المشاركه


رابط المشاركه
شارك

السكن حوالي شهريا غرفتين وصالة 10000 درهم

انا اسف لتدخلى الايجار ده فى الشهر ولافى السنه لو فى الشهر هو المرتب العادى كام علشان تدفع كل ده ?

شارك هذه المشاركه


رابط المشاركه
شارك

فعلا يا ميزو ده متوسط سعر الغرفتين نوم شهريا في دبي و في حاجات اغلى كتيييير و ممكن تلاقي 2 نوم ب 200 الف درهم سنويا

شارك هذه المشاركه


رابط المشاركه
شارك

السكن لو هتسكون فى مكان زى القصيص عندنا مثلا فى شقة غرفتين وصالة هتدفع ما بين 25 - 35 الف.ودة ارق الأسعار عندهم.ولو هتسكون فى مجمع سكنى مقفول بأمن و... فى نفس الشقة هتدفع 50 الف.وفى امكان اخرى ممكن تدفع 15-20 الف سنوى.

3- السيارات سعرها ارخص من سعرها فى دبي(مثلا هوندا اكورد فى دبي سعرها حوالى 83 الف ونفسها فى السعودية 65,300 الف) بس بيحتاجوا مقدم وفى شركات ايضا من غير مقدم بس بفوائد اعلى.الفائدة البنكية هناك اعلى من دبي وشكلها الإجراءات مش سهلة مثل دبي.

4- شغل الزوجة:لو بتشتغل فى دبي ودخلكم معا فأعمل فى حساباتك إنها سوف تجد صعوبة هنا فى إيجاد شغل يكاد يكون مستحيل.

5- الحرية:مش زى دبي.بس انت متجوز يعنى ممكن تروح كل الأمكان والمحلات هناك بسهولة مع زوجتك.

6- المساواة:فى دبي لا تجد فرق بين احد وخصوصا فى الدوائر الحكومية ولكن هناك سوف تشعر بإنك مواطن من الدرجة الثانية.بس فى ناس هناك بيقولوا دة مش فارق كبير"انا معرفش ومجربتش".

7- تعليم الأطفال:فى دبى نار وغالى بس فى جدة اقل فى الأسعار بس فى الجودة ايضا.

8-موضوع التأشيرة والمهنة عليها مهم جدا وخلى بالك منه اوعى يكتبلك عامل او مزارع او سائق.طلما انت جى من دبي وللأسف مش من مصر افرض عليهم طلباتك بس فى المعقول .

9-سوف تحصل على التأشيرة من مصر وتعمل كل الإجراءات والكشوفات الطبية هناك وشكلها معقدة شوية فأعمل حسابك فى توفير الوقت لها(غير دبي).

من الأخر:

التوفير المادى فى جدة احسن المعيشة والمتعة والخروج فى دبي احسن.

انا مش بتكلم عن الدين والتدين فى موضوعى لأنه بيختلف من شخص إلى اخر فليس كونك هتعيش فى جدة هتبقى متدين والعكس صحيح.الفدين والتدين هى علاقة بين العبد وربه .نعم ظروف ومكان معيشتك لهم تأثير فى حياتك بس مش 100 %.

ارجو ان اكون قد احسن الرد على سؤالك

شارك هذه المشاركه


رابط المشاركه
شارك

الأخ هيثم... جزاك الله خيرا عالمعلومات,,, بس كنت لازم تقول أن اسعار السكن المكتوبه فالأول دي بتاعت جده مش دبي,,, لحسن الناس تفهم غلط,,, و ياخدوا فكره غلط عن دبي لا سمح الله

الأخ محمد عيسي... ربنا يسعدك و يوسع رزقك... بس سؤال,,, انت ازاي معاك الأسره و بتصرف 5000 في ابو ظبي؟؟؟؟!!!!,, انت ساكن بكام؟؟ و عندك أولاد في مدارس؟؟,, الدي في دي و الموبايل الحديث مش هما المشكله الكبيره هنا.

شارك هذه المشاركه


رابط المشاركه
شارك

الفاضل eyeweaver

نصيحة اقل من 10000 USD

without accommodation

يبقى بتشتغل مجاناً وممكن تدفع من جيبك وافضل لك خليك فى مصر او ابحث عن عقد محترم فى السعودية بس بنفس الشروط ايضاً

تمنياتي لك بالتوفيق والسداد

شارك هذه المشاركه


رابط المشاركه
شارك
الأخ محمد عيسي... ربنا يسعدك و يوسع رزقك... بس سؤال,,, انت ازاي معاك الأسره و بتصرف 5000 في ابو ظبي؟؟؟؟!!!!,, انت ساكن بكام؟؟ و عندك أولاد في مدارس؟؟,, الدي في دي و الموبايل الحديث مش هما المشكله الكبيره هنا.

ما انا قلت في الاول ان المبلغ ده غير السكن و قسط العربية، و معنديش اولاد في مدارس هو طفل واحد عنده سنه و نص

يعني دي مصاريف الفواتير (كهربا و ميه و تلفون و نت) و اكل و شرب و ملابس و علاج و مصاريف العربية زي البنزين و الزيت

و ده متوسط الصرف ..

لكن يبدو ان الأمور في طريقها للتغير، الشهر اللي فات صارف 8 آلاف، و الشهر ده لحد النهارده اقتربت من 7 آلاف

ربنا يعيننا

شارك هذه المشاركه


رابط المشاركه
شارك
الفاضل eyeweaver

نصيحة اقل من 10000 USD

without accommodation

يبقى بتشتغل مجاناً وممكن تدفع من جيبك وافضل لك خليك فى مصر او ابحث عن عقد محترم فى السعودية بس بنفس الشروط ايضاً

تمنياتي لك بالتوفيق والسداد

10 الاف دولار غير السكن اللي حيكون بقرابة 3 الاف دولار يعني اجمالي 13 الف دولار أي ما يعادل تقريبا 48 الف درهم شهريا

هل تعتقد يا مسلم فور ايفر ان اللي بياخد اقل من كده ميعرفش يعيش في دبي؟ مش فيها مبالغه شويه؟

شارك هذه المشاركه


رابط المشاركه
شارك

سلام عليكم

الله يكرم الاخوه فى الامارات بلاش تعملو احباط للناس اللى مسافره

يعنى لما واحد عاوزه يقبض 48 الف درهم ليه يا اخ مسلم

هو هايشتغل شيخ اماره هناك ؟

بلاش المبالغه الجامده ده

لانها بتسد نفس الواحد عن السفر

شارك هذه المشاركه


رابط المشاركه
شارك

هيسكن فى القصيص بحوالى 7- 7.5 شهريا

مصاريف البيت 2-3 شهريا

مصاريف عربية وسالك 2.5 شهريا

اى إجمالى مصاريفه شهريا حوالى 13 ألف درهم.

دة لو متجوز ولو مش متجوز ومش هيجيب عربية وهيسكن فى شيرنج نظيف هيصرف حوالى 4.5 الف درهم.

يا سيدى هى دى الحياة وتكليفتها فى دبي.شوف انت عايز اة واعمله.ومش من حق اى حد يعطي لك رأيه بس المطلوب منا ان نعرض الحقائق كما هى.وانت عاقل تقدر تختار وتقرر

شارك هذه المشاركه


رابط المشاركه
شارك

حبيبي زهيري

مبالغة اية اللى انا باقولها انا بتكلم عن واقع وعن تجارب العيش سواء فى ابو ظبي او دبي مكالف بشكل كبير ولن يسطيع احد ان يفعل شياً ان لم ياخد ما يستطيع به ان يعيش بشكل كريم .. تنكر يا زهيرى ان الشقة العادية وتكون لقطة فى ابوظبي ب 180000 فى السنة يعنى لوالمرتب 7000$ حدتفع نصهم فى الشقة وثلث المرتب او على اقل تقدير ربع المرتب مدارس لوعندك ولدين ول واتبقى شىء يبقى للمعيشة .. يعنى لم ابالغ لما قلت ان اقل من ذلك بيشتغل مجاناً

شوف يا زهيرى انا عندى مبداء مع اخونا الخليجة .. هما محتجنا واحنا عندنا النو هاو (know how) الى وقت بعيد لن يستغنوا عنا اذا اللى عيزنا لازم يدفع .. اما اللى عايز يكون ترس صغير من ضمن التروس فلة مايريد انا اوجة نصحتى للكبار واللى عرفين هما فين وقدراتهم اية

اما اللى عايز يروح الخليج ب 2000 او 5000 فهو حر ولا يلوم الا نفسة .. وكانى لم اكتب شىء

تحياتى للجميع

شارك هذه المشاركه


رابط المشاركه
شارك
حبيبي زهيري

مبالغة اية اللى انا باقولها انا بتكلم عن واقع وعن تجارب العيش سواء فى ابو ظبي او دبي مكالف بشكل كبير ولن يسطيع احد ان يفعل شياً ان لم ياخد ما يستطيع به ان يعيش بشكل كريم .. تنكر يا زهيرى ان الشقة العادية وتكون لقطة فى ابوظبي ب 180000 فى السنة يعنى لوالمرتب 7000$ حدتفع نصهم فى الشقة وثلث المرتب او على اقل تقدير ربع المرتب مدارس لوعندك ولدين ول واتبقى شىء يبقى للمعيشة .. يعنى لم ابالغ لما قلت ان اقل من ذلك بيشتغل مجاناً

شوف يا زهيرى انا عندى مبداء مع اخونا الخليجة .. هما محتجنا واحنا عندنا النو هاو (know how) الى وقت بعيد لن يستغنوا عنا اذا اللى عيزنا لازم يدفع .. اما اللى عايز يكون ترس صغير من ضمن التروس فلة مايريد انا اوجة نصحتى للكبار واللى عرفين هما فين وقدراتهم اية

اما اللى عايز يروح الخليج ب 2000 او 5000 فهو حر ولا يلوم الا نفسة .. وكانى لم اكتب شىء

تحياتى للجميع

يا مسلم يا نور عيني

طيب خلينا نحسبها بطريقه تانيه

ممكن لأسره اب و ام و طفلين في دبي

يسكنوا ب 10 الف درهم شهريا في شقه غرفتين نوم محترمه

و مدارس 3 الف درهم شهريا

و سياره 2 الف درهم شهريا

و شغاله ب 1 الف درهم

و مصروف 9 الف درهم شهريا

يعني عيشه لوكس من مجاميعه :sad:

يبقى كده بيصرفوا بالكتير 25 الف درهم يعني ما يعادل 6800 دولار بالسكن و بكله من الألف الى الياء

يعني اقل كتير من اللي بتقول عليه و مستوى معيشتهم حيكون جيد جدا كمان و يحوش اي مبلغ فوق ال 25 الف

و ده احد السيناريوهات

و الاخ حنفي جاب سيناريوا آخر لمستوى صرف اقل

و كل برغوت على قد دمه

صح؟

شارك هذه المشاركه


رابط المشاركه
شارك
يا مسلم يا نور عيني

طيب خلينا نحسبها بطريقه تانيه

ممكن لأسره اب و ام و طفلين في دبي

يسكنوا ب 10 الف درهم شهريا في شقه غرفتين نوم محترمه

مسمعتش عنها دى يا زهيرى ياريت تدلنا عليها وتبقى كسبت ثواب فى اخوانك اللى دفعين دم قلبهم فى السكن بكلمك يا زيزو على شقة عادية مش كمبوند خلينا واقعيين شوية

و مدارس 3 الف درهم شهريا

دة للواحد ولا للاثنين !!!! وياريت يرضوا تدلنا عليها دى كمان

و سياره 2 الف درهم شهريا

و شغاله ب 1 الف درهم

ضحكتنى يا زهيري طب ازاي الشغالة حتعيش ب ال1000 دول يا زيزو

و مصروف 9 الف درهم شهريا

حياكالله md2:

يعني عيشه لوكس من مجاميعه :sad:

يبقى كده بيصرفوا بالكتير 25 الف درهم يعني ما يعادل 6800 دولار بالسكن و بكله من الألف الى الياء

يعني اقل كتير من اللي بتقول عليه و مستوى معيشتهم حيكون جيد جدا كمان و يحوش اي مبلغ فوق ال 25 الف

و ده احد السيناريوهات

و الاخ حنفي جاب سيناريوا آخر لمستوى صرف اقل

و كل برغوت على قد دمه

صح؟

وبعدين يا زهيرى مجتش على 2800$ خليهم عليا

تحياتى لكم جميعاً

شارك هذه المشاركه


رابط المشاركه
شارك

يجب ان يتم الموافقه علي هذا المحتوي قبل نشره.

زوار
انت تقوم بالتعليق كزائر. اذا كنت تمتلك حساب فقم بتسجيل الدخول تسجيل دخول.
اضف رد علي هذا الموضوع....

×   You have pasted content with formatting.   Remove formatting

  Only 75 emoticons maximum are allowed.

×   Your link has been automatically embedded.   Display as a link instead

×   Your previous content has been restored.   Clear editor