أنا عايز قرطاسي

[Simba]

انا عايز قرطاسي

ماليش دعوة

قرطاسي لا كان فيه ترمس ولا حمص

قرطاسي كان فيه عقلي

وعقلي مش بيض مقلي

ده عقل بني ادم يا خوالنا

قولت اريح عقلي

احطه في قرطاس

يسرقه كده مني الناس

ماليش دعوة

انا عايز قرطاسي

اللي كان فيه عقلي

افكاري بتغلي

وبعد ما بتغلي بتفور

لا عقلي مش شاي كشري

عقلي دفتر جنان شهري

مرة افندي ومرة غجري

انا عايز قرطاسي

ماليش دعوة

القرطاس كان فيه مخ مخيخي

وافكار من تمخيخي

وافكار من زحل المريخي

فين بقي قرطاسي

ماليش دعوة

[shahd]

:D bnd5:: بجد بجد فكرة جمييييييييلة واسلوب هايل ..

[ابن بطوطة]

انا عايز قرطاسي

القرطاس كان فيه مخ مخيخي

وافكار من تمخيخي

وافكار من زحل المريخي

فين بقي قرطاسي

ماليش دعوة

حلو يا سمبا :D

فكرة جديدة على رأي تيتا شهد bnd5::

فكرتيني بحاجة قديمة كنت عاملها من زمان.. نشوف كده ياريت افتكرها...

إضحك والضحك رخيص

قبل ما يغلى ويتعبا ف قراطيس

اضحك من قلبك فكها وبلاش تبويز

اضحك ع الدنيا وانساها

وانسى غدرها بك وآساها

لو ضحكت أضحك وياها

لو زعلت شكشكها بدبابيس

إضحك والضحك رخيص

قبل ما يغلى ويتعبا ف قراطيس

لو أنك زعلان من زوجتك

أو حتى متغاظ من بنتك

حاسب على حرقة دمك

مشيها كده ف التهجيص

إضحك والضحك رخيص

قبل ما يغلى ويتعبا ف قراطيس

خد شورتي واعمل بيها

الدنيا ما تسوى بما فيها

حايلها واستعبط ليها

لو حتى تعمل تعاويز

إضحك والضحك رخيص

قبل ما يغلى ويتعبا ف قراطيس

اضحك من قلبك فكها وبلاش تبويز

تم تعديل 5 نوفمبر 2008 بواسطة ابن بطوطة