اذهب إلى المحتوى
محاورات المصريين

..... العمر فُرشة .....


حشيش

Recommended Posts

يسلموا يا اديب وكويس انك نزلت الحلقة بدرى اليوم الواحد بشرته باظت من السهر عشان المسلسل بتاعك :roseop:

يا ريت بقي تطل على حِزن وابو الزغاليل عشان مننساهمش

ويا ريت دلوقتى عشان عاوزة اذاكر شوية مستقبلي بينهار ومش قادرة اركز بدون ماقرا حلقة اليوم .

شكرا ان ادفانس :roseop:

A liberal is a man or a woman or a child who looks forward to a better day, a more tranquil night,and a bright, infinite future

.

رابط هذا التعليق
شارك

نهنئ انفسنا :roseop: .............حاضرين يا استاذ حشيش :roseop:

املأ عينيك من وجوه الأحباء والأهل والأصدقاء فقد يغيبون عنك بعد حين ولا تؤجل إفصاحك لهم عن مشاعرك الطيبة تجاههم إلى الغد فقد لا يكونون على مسرح الحياة حين يجيء ذلك الغد

رابط هذا التعليق
شارك

حشيش ... طبعا زي ما انت راسي ان أنا ناكض فني كبير ... فعندي ولامؤاخذة كده سؤال فني في ام الكصة دي

هو مح مح محروووس ده ... مبييض محارة والا اسطى نقاااش ؟ :roseop:

يا عابر الدهر سيب بينا أثر قدمك

اياك تكون امعة وجودك شبه عدمك

رابط هذا التعليق
شارك

حاليا بالأسوااااااك

wst::

الطبعة التانية من الكصة التي ألهبت ثورات الشعوب :)

كصة الكرامة والصمود :P

كصة المستضعفين md2:

المقهورين md2:

lifeisforshauv2.jpg

:roseop:

تم تعديل بواسطة !! Lidooooo !!
رابط هذا التعليق
شارك

جبار يا ليدو

كله الا خلفية الاعلان....

كن كما قال رسول الله صلى الله عليه وسلم :

ان لله عبادا أختصهم بقضاء حوائج الناس حببهم في الخير وحبب الخير اليهم انهم الامنون من عذاب الله يوم القيامة )

رابط هذا التعليق
شارك

ليدوا الاشباح الاولى كانت ارحم :roseop:

ايه يا استاذ حشيش هنام النهاردة من غير الحادوته ولا ايه :roseop:

والله بقيت احلم بمح مح مح مح محروس و حِزن وانا نايمة من كتر تأثورى بالحدوته :roseop:

يلا بقي سهرتنا عندنا دووام باجر :roseop:

A liberal is a man or a woman or a child who looks forward to a better day, a more tranquil night,and a bright, infinite future

.

رابط هذا التعليق
شارك

الله, الله, أحسنت يا أستاذ,

كمل, ربنا يباركلك.

و أسناء ماللواحد متأسر بالكصة:

محروس: بخلاف العزف عالبيانو ماليش هوايات تانيه :closedeyes:

(ضحك هستيري :happy: )

إن كان ليك عند الكلب حاجة, تبقي حمار.

killthedogsg7.jpg

رابط هذا التعليق
شارك

الأعزاء بدرية ... د.فريند ... جالاكسى ... واحد تانى ... الفنان الكبير ليدووووو ... الشامى ... حلوانى ... مشمش

ربنا يجبر بخاطركم ... شكراً لكم :unsure:

بالنسبة لتساؤل أخونا العزيز واحد تانى عن طبيعة عمل الأسطى محروس فُرشة فهو فى الأساس مبيض محارة وحاصل على دبلومة نقاشة :P

عمل محروس بجد واجتهاد على الرغم من الظروف المعيشية القاسية التى فرضها عليه وعلى غيره من العمال كفيل لا يعرف من أداب الإسلام فى الحقوق والمعاملات إلا القشور ... كانت كلمات الآسطى صابر جمالكه تتردد على مسامعه صبح مساء وهو ينصحه قبل موته بألا يترك الفرشة تسقط من يده ... ذاع صيت محروس فى أرجاء المملكة فى غضون ثلاثة أشهر من عمله مع الشيخ / فسيان العتيبى ..... بدأت العروض تنهال على فسيان من كبار المقاولين للموافقة على نقل كفالة محروس للعمل لديهم بأضعاف ما يتقاضاه من آجر ولكن الشيخ العتيبى الجشع كان يعرف تماماً قيمة محروس وينتظر فرصة أكبر لنقل كفالته حتى جاءته على طبق من فضة

يدق جرس الهاتف فى مكتب الشيخ فسيان العتيبى ذات صباح

المتحدث: معك مكتب سمو الأميرة موزة

فسيان: ياهلا ... مرحبا :blink:

المتحدث: فى عندكم مبيض محارة اسمه الاسطى محروس فُرشة ؟!

فسيان: ايه نعم ... موجود طال عمرك

المتحدث: سمو الأميرة موزة تبغاه يشرف على أعمال المحارة فى الجصر الجديد تبعها فى جدة

فسيان: هادا شرف كبير لشركتنا طال عمرك

المتحدث: حتمر عليكم سيارة تاخد محروس بعد ساعة ... يلا فى أمان الله

فسيان: فى أمان الله

يمنى فسيان العتيبى نفسه بمئات الآلاف من الريالات وينادى على مساعده لإحضار محروس إلى مكتبه على الفور

فسيان مبتسماً على غير العادة فى وجه محروس : هلا محروس ... إيش لونك ... عساك مبسوط معنا :wub:

محروس: طلباتك يامطوع !

فسيان: فيه شغل مهم جداً حرسلك تعمله .... عساك تبيض وجهى

محروس: مفيش حاجة تبيض الخلقة دى غير سكينة المعجون !!!

فسيان: الأميرة موزة طالباك بالأسم يامحروس تشرف على العمل فى جصرها الجديد فى جدة

محروس: موزة :P

فسيان: إيه نعم موزة الله يعزها !!!

محروس: وموزتك دى حتدفع كام بالصلاة عالنبى ؟!

فسيان: مالك صالح انت حتدفع كم !!! ... انته تستلم راتبك منى كل أول شهر B)

محروس: يفتح الله ..... مش رايح

فسيان: إحنا ما بنمزح الحين ...... لو ما رحت ما فى أمامك إلا السجن أو السياف يجص رجبتك md2:

محروس: والله يكون أحسن من أيامك السوده !

فسيان: عساك ما تفتهم إيش معنى إنك ترفض طلب سمو الأميرة موزة

محروس: ياعم روح ....... بلا موزة بلا خيارة :P

فى هذه الأثناء يصل السائق الخاص بالأميرة لإصطحاب محروس إلى حيث قصر الأميرة فى جدة

السائق مخاطباً فسيان: وين الاسطى محروس فُرشة ؟

محروس: ما أنا قدامك أهه ياعمى البصيرة !!!

السائق: لا تآخذنى .... جاهز للسفر يافُرشة ؟ mfb:

محروس: لأ مش جاهز ... ومش مسافر خالص !

السائق: إيش لون ما مسافر ؟!!!

محروس: أهو زى ما سمعت كده ... روح بلغ الأميرة بتاعتكم الكلمتين دول !

يخرج السائق من مكتب الشيخ / فسيان العتيبى وهو غاضب ... لم تمر أكثر من ساعة حتى غص المكان بقوات الأمن ومكافحة الشغب السعودية التى إقتادت محروس إلى مبنى الإستخبارات العسكرية B)

إلى اللقاء

تم تعديل بواسطة حشيش

أَلا إِنَّ نَصْرَ اللَّهِ قَرِيبٌ

رابط هذا التعليق
شارك

محروس راح في الوبا

في امان الله والى جنة الخلد يا حشيش

الأحـــرار يؤمنون بمن معه الحق ..

و العبيــد يؤمنون بمن معه القوة ..

فلا تعجب من دفاع الأحرار عن الضحية دائماً ..

و دفاع العبيد عن الجلاد دائماً

رابط هذا التعليق
شارك

ليدو فظييييييييع بجد cl:

فينك يا عم الاستاذ الاديب حشيش

انا قولت النهاردة هتنزل بكورنيش السقف :sad:

A liberal is a man or a woman or a child who looks forward to a better day, a more tranquil night,and a bright, infinite future

.

رابط هذا التعليق
شارك

اشتاذ حشيش اتأخرت علينا

:roseop: :ninja: :blink: هما بتوع المخابرات خدو محروس ولا .................لتكون بتحكي لنا يومياتك

في انتظار الحلقة القادمه تقولنا عملت معاك ايه موزه

تحياتي للجميع

رابط هذا التعليق
شارك

استاذ حشيش كووووووووول دا تأخير ..

هى المونه بتاع الكصة شاكت ولا ايه؟؟؟؟؟؟؟

من كتر الانتظار وشنا حبب كانه واخد وش طرطشة ومتساب ع التخشين يلا والنبي خش ع البطانه عشان تشطب بدري بدري :closedeyes:

التأخير موش كويس لو الكصة شكت منك الزباين هتطفش :lol:

تم تعديل بواسطة Badria Mekkawy

A liberal is a man or a woman or a child who looks forward to a better day, a more tranquil night,and a bright, infinite future

.

رابط هذا التعليق
شارك

تقريبا ياجماعة ان حشيش سافر الى محروس علشان يحرضه علي الاضراب القادم و تقريبا كده القصه سوف يكملها من سجون المملكة

رابط هذا التعليق
شارك

السلام عليكم

يا أستاذ حشيش يا استاذ علم القصة

أنا فاض بيه بس ما ملتش

انا كنت باتابع بشغف كتاباتك كلها من بعيد لكن اضطريت اكتب لما اتأخرت علينا

هل اللى بتعمله ده من باب الإثارة و المتعة؟..... إذا كانت الأجابه أيوة يبقى سير على بركة الله

أما اذا كان فيه حاجة تانية يبقى نرجو ان تكون خير و تعدى بسرعة لأننا بعيدا عن المجاملات ملينا بصراحة و خصوصا ان الأجازات قربت و عاوزين نطمن على الولاد محروس و ناصور و الناس الحلوة دى قبل ما ننزل اجازة

صباح الخير

رابط هذا التعليق
شارك

بيان من مكتب السكرتارية الخاص بالزعيم حشيش زغلول .. قائد الثورة البلشفية

" ايها المواطنون ... يا شعب المحاورات الحبيب .. لقد مرت بلادنا بربع قرن من السنين السودا كانت اسود من قرن الخروب ... لذا وانطلاقاً من زعامتنا الافتراضية لهذا الشعب الحبيب .. فلقد قررت قيادة حركة التمرد والإضراب والمقرر لها يوم 4 مايو القادم .. و بما إن صاحب بالين كداب .. فعشان كده مش هانفع اكون ( ماشطه وبلانه ) يعني ما انفعش اكون قائد ثورة قبل الضهر .. وكاتب قصة ومبيض محارة بعد الضهر ... لذلك فأُعلن لكم وبكل ألم بإنني في اجازة اختيارية حتى انتهي من مرمة الثورة اللي في إيدي دي .. واذا عشت وما اتنفختش يوم 4 مايو .. فأوعدكم بتفنيش الحتتين بتوع ناصور ومحروس بشكل يرضيكم ويُشنف اذانكم ... ولنقل جميعاً في بؤ واحد ... يا حشيش يا حشيش خليك معانا وما تمشيش "

توقيع / حشيش باشا زغلول

القاهرة .. في الخامس من ايلول .. الحادية عشر الصبح بدري

الأحـــرار يؤمنون بمن معه الحق ..

و العبيــد يؤمنون بمن معه القوة ..

فلا تعجب من دفاع الأحرار عن الضحية دائماً ..

و دفاع العبيد عن الجلاد دائماً

رابط هذا التعليق
شارك

انشئ حساب جديد أو قم بتسجيل دخولك لتتمكن من إضافة تعليق جديد

يجب ان تكون عضوا لدينا لتتمكن من التعليق

انشئ حساب جديد

سجل حسابك الجديد لدينا في الموقع بمنتهي السهوله .

سجل حساب جديد

تسجيل دخول

هل تمتلك حساب بالفعل؟ سجل دخولك من هنا.

سجل دخولك الان
  • المتواجدون الآن   0 أعضاء متواجدين الان

    • لا يوجد أعضاء مسجلون يتصفحون هذه الصفحة
×
×
  • أضف...