ذكريات الطفولة .. صوت وصورة !!

[Folana]

ياسلام...الحرنكش والجميز والتوت...فاكهتى المفضلة من الزمن البائد....والله زوجى ربنا يكرمه لما يحب يفرحنى يجيب لى جميز وتوت...

الاخت العزيزية ناش

إحنا هنا بنتكلم بمنتهى الصراحة وبنفتخ جيوبنا قصدي قلوبنا لبعض

------------------------

بالمناسبة يا فلانه بما إنك جميزاويه قديمة ... هو ليه الواحد لما كان بياكل الجميز لازم يجيله مغص فظيع وبنه توجعه - كان زمان إسمها بنه مش بطنه .. مراعاة للحقبة الزمنية - ؟

إنتي عارفه إن أنا وأصحابي الصغيرين المشردين كنا بناكل الجميز من الصورص ؟ المصدر يعني

السلام عليكم ورحمة الله...

ظلمت البُنية يا ابو الاسيان....ده كلامى انا

ماهو انت مش واخد بالك...لكل مقام مقال ..يعنى الجميز والتوت دول بيشتريهم لما يصادفهم...اما الحرنكش فبقى يتباع عادى عند بتوع الفاكهة

بخصوص العلب القطيفة وماتحتويها ...انا بابعت له الفاتورة :unsure:

لكن التوت بتاعنا العادى ابو رمل ده مش اللى اسد حاطط صورته ...لكن النبق ماكنتش بحبه علشان فيه بذر وماكنتش اعرف أكل عشرتاشر واحدة فى نفس واحد زى الحرنكش كده ...

والتفاح الاخضر المزز ياسولالالام هو فيه زيه ..وكل مايكون مزز اكتر كل مايبقى اجمل...ولا حمص الشام ياسلام سلم...أنا جُعت

انا عمر ماجالى مغص من الجميز ده بصراحة...بس كنت باشتريه من البياع وأكله وانا ماشية من القرطاس :unsure: ...كان زى العسل..من غير غسيل كده ولا حصل لى ايتهوا حاجة..مش دلوقت نغسل الحاجة بكلور لحد طعهما مايروح وبرضه نتعب....

ايوه انا فاكرة الاستيك اللى كان بيكسب ده ...واختى كانت دايما تاخد المليان وتدينى الفاضى....حكم القوى :(

طلعت ايه بقى الحلاوة النيفا دى؟......دى غير النيفا اللى عند الحاتى؟

تنفع صورة صناعة النداغة؟

[se_ Elsyed]

لا مؤخذه يا فلانه يا بنتي .. إطلخبطت بينك وبين بنتنا ناش

عمال أقول رجعت لورا 30 سنة وبعدين 42 سنة لحد ما فقدت الذاكرة من كل تلك السنون

[galaxy]

ياخبر ابيض يا جدو سي السيد :unsure: ...................هو انت من ايام الرحله ام خمسه وسبعين قرش. :ninja: ...

.....دا انا اول رحله طلعتها كنت في رابعه ابتدائي كانت اشتراكها خمسه جنيه :unsure: ........الهرم وجنينه الحيوان والسندباد :blink: :sad:

[!! Lidooooo !!]

كنا كمان بنجيب مجله ماجد وندور علي فضولي :blink: ....ومغامرات شمسه ودانه ...وخلفان ومساعده فهمان.. i*: ........وكسلان جدا...........وع الغلاف من ورا موزة واخوها رشود....................حد فاكر دول؟؟؟؟؟؟؟؟؟؟........وكمان مجله العربي الصغير :unsure:

:unsure:

على فكرةيا جالاكسي

الأصل في القصة الأمريكية أن رشود هو البويفريند بتاع نانسي إلي هي موزة بس طبعا تقاليدنا لم تسمح بذلك :ninja:

...................

سين سين :D

وجعت بطنى م الضحك.. واشياء اخرى :sad:

[!! Lidooooo !!]

فضولي دة بأة ياما كسبت من وراه دراهم :unsure:

وكنت مراسل مجلة ماجد ايام أمجادى في الاذاعة المدرسية :unsure:

[nash]

الا سؤال يا نيشو. ..................ماما نجوي وماما عفاف وبابا ماجد ولاسي وكل الحركات دي كانت علي ايامنا. ...............عرفتيها منين........ولا كنتي بتتفرجي عليهم مع اولادك؟.........

......حاسه كدا ويارب ما تخيب ظني ...........انك المفروض تتكلمي عن بابا شارو اللي كنا بنسمع عليه زمان

حسابك تقل يا شوكولا.... :closedeyes:

طيب فاكرين....

يا أهل بلدي في كل مكان....م القنطرة لغايه اسوان....يللي أتحرمتوا من التعليم....( تقريبا) الكوبليه اللي جاي ...حكومتنا ناويه تعلمكم...

من غير ماتدفعوا ولا مليم....مش فاكرة......

بس المطلوب منكم ...تتجمعوا كده كلكم...يوماتي وفي نفس المعاد...وتحضروا من فضلكم...ورقه وقلم ومرايا....وتخلوا بالكو معايا....يله بأة سمع هوس...

بس حد يقولي أيه فايده المرايه؟؟

[واحد تاني]

حد يفتكر البسكوت اللي شبه بتاع الجيلاتي ...وكان راجل بيشيل برميل خشبي علي ظهره ويزمر ...كنت أستناه كل يوم العصر وأنزل السبت ....وأجيب بشلن خمسه....

البسكوت ده كان اسمه ارابسكو ... كنت بموت فيه

ولسه فاكر صورة و شكل الراجل العجوز اللي شايل البرميل الاحمر على ضهره (متعلق بحزام يشبه الآيش بتاع العساكر)

بس عندنا ما كانش بيزمر ... كان معاه آله موسيقية جميلة اوي عبارة عن لوح خشب له قطع معدنية كده من على الجانبين لما يلف الخشبة تويست كده القطع المعدنية تعمل الصوت المميز اللي بيه نعرف انه وصل ... وكان بيعدي كل يوم في نفس المعاد ... الساعة 2 بالظبط لادقيقة بدري ولا دقيقة متأخر

[أسد]

طلعت ايه بقى الحلاوة النيفا دى؟......دى غير النيفا اللى عند الحاتى؟

تنفع صورة صناعة النداغة؟

أيواااااااااااااااااااااااااااااااااااه

هي دي الحلاوة النيفا .

حلاوة الشعر ..

بس الراجل كان بيعملها على الهواء قدام المدرسة ..

هي من نفس الفورميولا بتاعة النداغة أقصد مكونات العسلية ..

بس بتكون شعر .. وكنا نقعد نستنى الراجل يعملها ويبيع لنا منها وهي سخنة ..

ياسلاااااااااااااااااااام

فين الايام دي

بدل الشيتوس والدوريتوس والبرينجلز والكلام الفاضي بتاع اليومين دول

[galaxy]

مفيش حد يا جماعه كان بيشتري كتاكيت من قدام باب المدرسه. ...........الكتكوت ابو عشرة صاغ اللي كان بيموت اخر النهار.................. :closedeyes:

[واحد تاني]

مفيش حد يا جماعه كان بيشتري كتاكيت من قدام باب المدرسه. wst:: ...........الكتكوت ابو عشرة صاغ اللي كان بيموت اخر النهار..................

موضوع الكتاكيت ده يا galaxy موضوع ذو شجون ... وله ذكريات اسرية معايا :closedeyes:

اصغر اخوتي وآخر العنقود بيني وبينه ردح من الزمن ... بحيث اني كنت في الكلية وهو عنده 3 - 4 سنين كده

المهم لما كان عمره يجي 5 سنين كده اختي جابت له هدية كتكوت من دول ... ارتبط بيه جدا ...

وبقى صاحبه الانتيم ... كل يوم يقوم يحضر له الفطار ويعمل له النسكافيه ... ويدي له الشاور بتاعه ... ويطلع يتشمس معاه في البلكونه وكده يعني

اخد على الحال ده يجي اسبوع بحيث ان الكوتكوت ده بقى رسميا فرد من العيله ... بعد اسبوع ظهرت عليه الاعراض اللي اتكلمتي عليها قبل كده

احول بقى ... وشعره الاصفر ده وقف ... وبدأ يخرف ويصوصو صوصوة مش مفهومة كده ...

المهم ... والدتنا ليها صديقة دكتورة ... كتبت لهم على حقن للكوتكوت

وبقت ممرضة تيجي من عندها كل يوم تدي الحقنة للسيد الكوتكوت ... وتقيس له درجة الحرارة وكده :blink:

ومر كام يوم والحالة بقت مستقرة ...

وفي يوم من الايام ... راجع انا من الكليه بالليل ... الا والاقي اختي عنيها حمرا وورامة من كتر العياط كأن مات لنا ميت...

وادخل على آخر العنقود الاقيه مفلوق من العياط ... بص لي والدموع في عنيه وقال لي " جعفر مات يا أبيه" ... " جعفر مات يا أبيه"

وكانت النهاية المأساوية "لجعفر" كتكوت اخويا الصغير ... ومن بعد الحدث ده رجعت والدتنا تستخدم الغسالة من تاني ... لأنه كان بينيم "جعفر" في الغسالة

[galaxy]

ياااااااااااااااااه...........استاذ واحد تاني ......لا اله الا الله ..صلي علي النبي..........انا فكرتك ولا ايه ..قلبت عليك المواجع.........بس شكلك لسه ما نسيتش..زي ما يكون امبارح...كلماتك تقطر حزن. ..........فكرتني انا كمان...........يلا.دنياوكلنا لها...............................(تنهيدة).......تعيش وتفتكر ي

جميله ذكرياتك اوي مع جعفر .........قصدي الكتكوت :closedeyes:

[!! Lidooooo !!]

في الغسالة ؟ lo::

فكرتني باخويا الصغير برضو

كانت لما المصيدة القفص دى تصطاد فار :closedeyes: كنا نفاجأ بإن الفار صحته بتتحسن كدة :blink:

أتاري الاستاذ كان بيفتفتله أكل و يحطهوله

طيب فاكرين....

يا أهل بلدي في كل مكان....م القنطرة لغاية اسوان....يللي أتحرمتوا من التعليم....( تقريبا) الكوبليه اللي جاي ...حكومتنا ناويه تعلمكم...

من غير ماتدفعوا ولا مليم....مش فاكرة......

بس المطلوب منكم ...تتجمعوا كده كلكم...يوماتي وفي نفس المعاد...وتحضروا من فضلكم...ورقه وقلم ومرايا....وتخلوا بالكو معايا....يله بأة سمع هوس...

بس حد يقولي أيه فايده المرايه؟؟

يا أهل بلدي في كل مكان wst::

م المنزلة لغايه اسوان

ياللي أتحرمتوا من التعليم

الفرصة لسة قدامكم

من غير ماتصرفوا ولا ملليم

اذاعتنا جاية تعلمكم

بس المطلوب منكم

تتجمعوا كده كلكم

يوماتي وفي نفس المعاد

وتحضروا من فضلكم

ورقه وقلم ومرايا

وتخلوا بالكو معايا

يله بأة

سمع

هوس...

:blink:

المراية بأة طبقا لتوجيهات الاستاذ عبدالبديع القمحاوى لينظر اليها الدارسون اثناء نطق الأحرف لبيان حركة الشفاه

تم تعديل 14 أبريل 2008 بواسطة !! Lidooooo !!

[om marawan]

مش ممكن قصة الكتكوت جعفر دى موتتنى من الضحك

الموضوع بجد حلو عشان ذكريات الطفولة عندنا مميزة وليها طعم

من اول الاولد سبايس بتاع ابويا اللى لسه موجود لحد دلوقتى وبحبه جدا

وطبعا الدوم وصورة الحرنكش اللى تجنن دى ............ جوعتووووووونا

انا كنت باعمل فى اعدادى حاجة غريبة شوية كان فيه محلات وناس فى الشارع بتبيع اكياس الطرشى بتاع زمان ده كنت اشتر يه وانا مروحة واقعد اشرب فى المية واكل الكيس لحد البيت !!!

وطبعا اصحى تانى يوم عينى وارمة على اخرها من الملح

طب فيه حد كان بيشترى ورق التوت ودودة القز يربيها فى كرتونة مخرمة فى البيت بس كانت اول ماتعمل شرنقة كنت اخاف منها واديها لاخويا الكبير يطير الفراشة

وكان فيه فى اعدادى برضه اللب بتاع عباد الشمس اللى بياكله البغبغانات ده كنت انا وصحابى نجيبه برضه من ورا الرقابة ونعمل مطحنة قشر ولب فى جيوبنا

طب فاكرين لما كنا نصحى يوم الجمعة الاجازة مخصوص بدرى عشان نتفرج على الفيلم الابيض واسود بتاع الساعة عشرة ونص الصبح

معلش ماعنديش صور :(

[إيزيس]

بس حد يقولي أيه فايده المرايه؟؟

السؤال ده كان محيرني جدا بس كاتماه في قلبي خايفة حد يضحك علي

شكرا يا ليدو ريحت قريحتي الحائرة

بس انت مش صغير على الذكريات دي؟؟

و الله حرام عليكم تنسوا غزل البنات

غزل البنات ده كان بيقطع قلبي لأنه غالبا بيكون عيل ضغير وشفت نظرته للعيال و هي بتلعب و هو يا عيني نفسه يلعب معاهم وجع قلبي

[!! Lidooooo !!]

احم احم :happy:

غزل البنات دة من ايام الفاطميين .. يقال ان حلواني مصري كان بيبيع الكنافة وصوابع زينب.. الخ

حدث ان وضع كمية من السكر على نار هادية وحركه بملعقة خشبية لدقائق

وفي تلك الأثناء كان يتحدث لاحد بجواره ..فتفاجأ بخروج خيوط :blink: حاول تجميعها مندهشاً ..وسارعت بناته لمشاهدة ما حدث..

فطلب منهن تجميع الخيوط وغزلها ليبيعها على شكلها هذا .. :ninja:

ليطلق عليها بعد ذلك غزل البنات..

و انتشرت بعدها في مصر وسوريا والعراق ولبنان ودول الخليج

ومنها لاوروبا واليابان

بيسموها برضو حلاوة القطن.. واحيانا يصبغوها بصبغات ملونة ويضعونها في قالب يدور بسرعة حتى يظهرها بتلك الآلوان

لتوضع بعدها في أكياس نايلون أو تلف حول عيدان من الخشب او البلاستيك

[nash]

أيه العالم الجاهزة دي.... :happy:

طب فاكرين أعلان كريم الحلاقه؟؟ بتاع....هي دي اربع اساب؟؟

اسم الكريم انجرام...هاا حد فاكر؟؟

...............................................................

فاكرين أعلان ( بابا عمال يعطس.

.وأنا أضحك لما أفطس..

علي ماما الجميله..البرد مغلبها

..خايفه علي مكايجها..

..الحل بسيط عندي

..عندي مناديل هاندي..

مناديل مناديل هاندي

.............................................

طب فاكرين

ميييييييييييييييييييييييييززززززززززززززووووووووووووووووووووو

ولا مسلسل صيام صيام؟؟

ولا بابا عبده في الادغال

فوتوا الاسماء الغلط

..............................................

المراجع العلميه حد فاكرها؟؟

المغامرين الخمسه؟؟

بطوله ..محب ولوزة ونوسه وعاطف وتختخ والمفتش سامي

المخبرين الاربعه

فلفل...ومش فاكرة الباقي

الشياطين ال13

والقائد زيرو

وطبعا البطل أحمد من مصر

...................................................

فاكرين مجله ( لاكي لوك )؟؟

.............................................

إلا أيه هي النداغه؟؟

هي النوجه؟؟ ولا اللبان؟؟

[galaxy]

دودة القز دي اخويا الصغير كان بيربيها ..............بس بصراحه ما كنتش متابعاها............ :ninja: ربنا يكرمك يا ام مروان.

غزل البنات دا بقي بموت فيه ولسه بشتريه لحد دلوقتي.......... وخصوصا المرسوم يا ليدو في الصورة مش اللي في الكيس :happy: ياااااااااه............ميرسي كتير يا قرنفلة

تم تعديل 14 أبريل 2008 بواسطة galaxy

[إيزيس]

ميرسي كتير يا قرنفلة

أي خدمة بس خلي لي شوية و حياتك

:happy:

وشوفي موضوع الرسايل

[galaxy]

أيه العالم الجاهزة دي.... :blink:

طب فاكرين أعلان كريم الحلاقه؟؟ بتاع....هي دي اربع اساب؟؟

اسم الكريم انجرام...هاا حد فاكر؟؟

...............................................................

فاكرين أعلان ( بابا عمال يعطس.

.وأنا أضحك لما أفطس..

علي ماما الجميله..البرد مغلبها

..خايفه علي مكايجها..

..الحل بسيط عندي

..عندي مناديل هاندي..

مناديل مناديل هاندي

.............................................

طب فاكرين

ميييييييييييييييييييييييييززززززززززززززووووووووووووووووووووو

ولا مسلسل صيام صيام؟؟

ولا بابا عبده في الادغال

فوتوا الاسماء الغلط

..............................................

المراجع العلميه حد فاكرها؟؟

المغامرين الخمسه؟؟

بطوله ..محب ولوزة ونوسه وعاطف وتختخ والمفتش سامي

المخبرين الاربعه

فلفل...ومش فاكرة الباقي

الشياطين ال13

والقائد زيرو

وطبعا البطل أحمد من مصر

...................................................

فاكرين مجله ( لاكي لوك )؟؟

.............................................

إلا أيه هي النداغه؟؟

هي النوجه؟؟ ولا اللبان؟؟

كان في عندي كل الالغاز دي ..........بس كانه بتاعه اخواتي الكبار يا نوشا.................. :ninja:

المغامرين الخمسه ........وكمان التلاته........وكانوا كذا تلاته علي فكرة........ممدوح ومحسن وهاديه.............عارف وعاليه ومش فاكرة اخوهم التالت كان اسمه ايه...............الشياطين التلاتاشر ماحبتهومش ابدا. wst:: ...........زبيدة من تونس وفهد من سوريا :happy:

بس علي ايامي بقي كان فيه رجل المستحيل .......لصاحبه دكتور نبيل فاروق.....زادهم صبري وصاحبته مني توفيق .........وعدوتهم اللدودة سونيا جراهام..............وفي كمان ملف المستقبل بتاع نور الدين وسلوي ومحمود ورمزي...........وكمان فيه المكتب رقم تسع تاشر .بتاع ممدوح.........ما كونتش بطيقه :lol:

كنت بحب ميزو اوي ....وكمان شرارة(برج الحظ) بس كان بيصعب عليا لما الناس صدقت فيه النحس wst::

كان في كمان مسلسل هي والمستحيل وكل اللي فكراة منه...............لما كان محمود الحديني يقول لصفاء ابو السعود............دا انتي ما بتعرفيش تكتبي حتي اسمك bsh:)

.

[nash]

أستغفر الله العظيم....

كنت بكرة محمود الحديني...لله في لله.....سامحني يارب

طب فاكرين ...بياع الروبابيكيا؟؟

جديده دي بأة محدش يقول :happy: