maged zaki

عجينة الحوواشي

17 مشاركات في هذا الموضوع

المرجو التفضل بافادتنا بعجينة الحوواشي التي تعمل بالمطاعم بدل العيش وشكرا

دقيق + مياه + ملح + سكر

و بتتعجن كل الكونات اللي فوق على بعض

أهم شئ استخدام زيت أثناء فرد العجينة يعني

ندهن مكان فرد العجين بالزيت ثم نأخذ قطعة من العجين حسب الحجم المطلوب و نقوم بفردها بالقطر و السمك المعين و اليدين مدهونين زيت و نقوم بوضع الحشو ثم نطبق الرغيف ثم ندهن اليدين زيت و نفرده آخر مرة قبل الخبز و بالهنا و الشفا

الزيت اللي حضرتك بتحطة قبل و ضع الحشو هو الذي يجعل الرغيف جزئين و الحشو في المنتصف لأن الدهون عامل تقصير للجلوتين

و يارب أكون عرفت أوصل لحضرتك المعلومة

شارك هذه المشاركه


رابط المشاركه
شارك

طب أعزم عالراجل بكوباية ميه حتي يا أستاذ ماجد ... :lol:

يا Chèf مصطفي ... بالأصالة هن نفسي و من خلال التوكيل اللي سابهولي الأستاذ ماجد قبل ما يغطس في الحواوشي

بنقدملك فعلآ شكرآ صادقآ علي أهتمامك بالرد علي طلبات المشاهدين ...

السؤال بقي بعد المحلسة دي كلها ... الحواوشي نفسه بيتعمل ازاااااااي ؟؟

هه ؟؟

:sad:

شارك هذه المشاركه


رابط المشاركه
شارك

بعد اذنك يا استاذ مصطفى

لاحظ حضرتك ان فى ناس سنة اولى مطبخ زىى كدة و

موش عارفين يحطوا دقيق اد اية على كام مية

يا ريت تذكر المقادير بالكوباية مثلا

مع الشكر مقدمااااااااااااااااااا

شارك هذه المشاركه


رابط المشاركه
شارك

الفاضل المحترم الاستاذ / مصطفى عيد الوهاب ::

شاكر ومقدر تفضلك بالرد علينا وجزاك الله خيرا وارجو مشكورا مأجورا ان تفيض علينا من معرفتكم بوضع المقادير علشان الزوجات المبتدأت في الامر وياسلام عليك لو زدت فضلك ووضعت لنا حشو الحوواشي كما انزل وياريت بنفس الطريقة التي يعموا فيها بالمحلات اكون اكثر امتنانا لك

مع الشكر

شارك هذه المشاركه


رابط المشاركه
شارك

السلام عليكم

عجينه الحواوشى

عباره عن 700 جرام لحم احمر +250جرام دهن +150جرام بصل +100 جرام عيش ناشف +ملح و بهارات حواوشى حسب الذوق و يتم فرمها جيدا يمكن اضافه قطع زيتون او فلفل حار حسب الرغبه

يتم شراء عيش بلدى نصف سواء من الفرن او عمل عجينه مخصصه لذلك و الافضل العيش البلدىو يتم حشوه بالعجينه جيدا و يتم تسويته فى فرن متوسط الحراره على ان يتم اولا اذابه قطعه دهن لمنع الالتصاق ........و بالهناء و الشفاء

شارك هذه المشاركه


رابط المشاركه
شارك
طب أعزم عالراجل بكوباية ميه حتي يا أستاذ ماجد ... :sad:

يا Chèf مصطفي ... بالأصالة هن نفسي و من خلال التوكيل اللي سابهولي الأستاذ ماجد قبل ما يغطس في الحواوشي

بنقدملك فعلآ شكرآ صادقآ علي أهتمامك بالرد علي طلبات المشاهدين ...

السؤال بقي بعد المحلسة دي كلها ... الحواوشي نفسه بيتعمل ازاااااااي ؟؟

هه ؟؟

wst::

يافندم و لا محلسة و لا حاجة طلباتك أوامر

أولا هنعمل العجينه زي اللي فوق دي و على فكره هي مش محتاجه مقدار و لا يحزنون لأنها عجينه بسيطه جدا يعني نجيب الدقيق و نحط مثلا لكيلو الدقيق ملعقة ملح و ملعقة و نصف سكر و نضيف شوية مية و نعجن لحد ماتكون عجينة لو احتاجت مية نزود و أهم حاجه الزيت في أثناء الفرد

و دي الحشوة بتاعت الحواوشي:-

فلفل رومي مكعبات صغيرة و ممكن يكون فلفل شطة أو الاثنين

طماطم مكعبات صغيرة و يستحسن تكون القشرة الخارجية فقط

بصل مكعبات صغيرة

لحمة مفرومة (مثلا لو كيلو نجيب ربع كيلو دهن و الباقي لحمة )

فلفل أسمر و ملح و كزبرة

(حبهان + قرنفل + ورق لورو + قرفه ) نطحن الليلة اللي فاتت دي ونحط منها رشه خفيفة مش كتير

يمكن اضافة مقدونس مفروم أو شبت أو الاثنين و لكن بحذر لأن طعمهم قوي ممكن يغطي على كل اللي حطينه من توابل

نقلب كل المكونات اللي فوق دي مع بعض و نعجنهم زي مانكون بنعجن عجينه لأن الدهون بتسيح من حرارة اليد فتتداخل جميع المكونات مع بعضها البعض .

نأخذ مقدار من العجينه حسب حجم الرغيف المطلوب نفرده على شكل دائرة (اوعوا تنسوا الزيت)

نأخذ مقدار كافي من الحشو و نشكله على شكل كرة

يوضع مقدار الحشو في منتصف العجينة و تطبق أطراف العجينة على الحشو مع الضغط على كل طرف نطبقة

و نكرر العمليه مع باقي المقدار

ثم نبدأ بأول رغيف تم عمله و نقوم بفرده مع دهن الوجه بالزيت "يمكن رش قليل من السمسم أو حبة البركة على الوجه"

و نسويه في الفرن و بالهنا و الشفا

على فكرة أنا مش بتاع حواوشي "لو زبون دخل فندق خمس نجوم و طلب حواوشي يكون منظره ايه " بس كنت في اسكندرية مرة و طلبت آكل حواوشي و رحت أشتريه فشفت الراجل و هو بيعمله قمت لقت الليله كلها أول ماوصلت البيت نفذت اللي شفته على طول

شارك هذه المشاركه


رابط المشاركه
شارك

بس دي دسمة اوى مافيش حوواشي دايت او ببديل عن اللحمة ؟ وشكرا

وسؤال هل العجينة محتاجة تتخمر ولا لاء ولا كله بينطحن فى المعدة wst::

تم تعديل بواسطة Badria Mekkawy

شارك هذه المشاركه


رابط المشاركه
شارك

السلام عليكم ورحمة الله وبركاته

الحواشي لا أعرفها ..

هل تقصد الفطائر ..؟

5cfb9d5c50.jpg

مع التحية

شارك هذه المشاركه


رابط المشاركه
شارك

لا يا اخت عواطف الحوواشي يعنى دي

kabab-h-matbkh.jpg

شارك هذه المشاركه


رابط المشاركه
شارك

السلام عليكم ورحمة الله وبركاته

مشكورة حبيبتي ..

يبدو لي انها نفس عجينة الخبز العربي

وتكون محشية من جوا

أنا عندي عجينة خبز مضبوطة

مرة سويتها ورشيت عليها جبن موزاريلا طلعت حلوة ..

ممكن تناسب الحواشي .. :roseop:

للمقيمين داخل السعودية ..

استخدم للمخبوزات دقيق سعودي اسمه (أرض الخير) ولا تشترون دقيق الصوامع لان فيه نسبة نخاله ؛ والكيك أبدا لاتستخدموا له الدقيق السعودي عليكم بالدقيق الكويتي لانه خفيف وهش

• • •

هذي عجينة الخبز اللي أنا استخدمها ..

المقادير:

2 كأس من الماء الدافئ.

2 ملعقة من السكر.

ملعقة من الخميرة.

بيضتان.

ملعقة حلو من الملح.

كمية من الدقيق تكفي لتكوين عجينة.

زيت أو زبدة للدهن.

الطريقة:

يذوب السكر مع الخميرة بالماء ويترك مغطى 10 دقائق.

تكسر البيضة وتخفق مع الملح ثم تضاف إلى المحلول السابق.

تدهن اليد بالزيت ويضاف الدقيق ويعجن حتى تتكون عجينة كعجينة الفطائر.

تخمر مدة ربع ساعة فقط.

تدهن اليد بالزيت وتوخذ كتل من العجينة وتعمل عللى هيئة كرات (مثايل).

تمسح (المثايل) بالدهن الذائبة وتترك 10 دقائق قبل الخبز.

تفرد (المثايل) وتخبز كما هو معروف.

مع التحية

تم تعديل بواسطة عواطف

شارك هذه المشاركه


رابط المشاركه
شارك

يا اهلا بالاخت الكريمه عواطف ....منورة المحاورات... :lol:

مش عارفه يا بدريه صورة الحواوشي مش واضحه....

أنا لفيت ...فاضيه باة واحمد اجازة اسبوعين ...قال وكنت بقول فراغ نفسي قال :lol: ...غلطانه وربنا ...يارب يهون الاسبوعين علي خير قبل ما اقتله...

شوفي يا ستي الحواوشي....وبالطريقه كمان...وياريت أخونا الكريم مصطفي يحط لمساته الاخيرة لو في إضافه...

نصف كيلو لحمه مفرومه

6 رغيف خبز بلدي...المصري يعني

بصله كبيره

طماطم مقطعه مكعبات

علبه زبادي

بهارات

فلفل

بابريكا

سماق "على حسب الرغبه"

ملح

وممكن فلفل رومي ..أو ممكن أي خلطه من الخلطات اللي ذكروها أخوانا الكرام

الطريقه...بسم الله نبدأ

aidy_bagourylakii1.jpg

نفرم اللحمه

aidy_bagourylakii2C5Yuv1.jpg

ثم نضيف البصل المبشور مع البهارات والفلفل والبابريكا والسماق "على حسب الرغبه" والملح على اللحمه المفرومه وتخلط المكونات كلها جيداً

aidy_bagourylakii39CZvxx.jpg

ثم نضيف مكعبات الطماطم المقطعة قطع صغيره وعلبة الزبادي ونخلط جميع المكونات جيدا.......انا مش بستخدم الزبادي يا جماعه :roseop:

aidy_bagourylakii5lbcme7.jpg

نحضر رغيف الخبز ونفتحه بالسكين من احد الجوانب بحيث نستطيع وضع اللحم بداخله

aidy_bagourylakiiiii.jpg

ناتي بورقه القصدير التي قطعت مسبقا بحجم مناسب للرغيف ونضعه عليها ثم نفرد خليط اللحمه جيدا داخل الرغيف

ثم نقوم بدهن الخبز جيدا بعد حشوه بالزيت من الجهتين ونضعه في الفرن

aidy_bagourylakii9.jpg

كده الرغيف جاهز للاكل..بالهنا والعافيه

طرق تقديم:

يقدم الحواوشي بعده طرق

1- اما مع الطحينة والشيبس وبهذا تجذبي انظار اطفالك اليه

2- او يقدم مع شرائح الخيار والطماطم واوراق الخس والمخلل ويكون عشاء جميل لكِ ولزوجكِ

وفي الحاله دي مش مهم الأولاد...يعلنوا الصيام وخلاص...المهم الزوج الشقيان اللي بيدفع الفواتير والاقساط wst::

شارك هذه المشاركه


رابط المشاركه
شارك
مش عارفه يا بدريه صورة الحواوشي مش واضحه...

اصلها حواوشي فرط يا ناش :lol:

والله قعدت ادور عشان اجبلها صورة ملقتش غير دى

بس الحواوشي اللى انتى جيباها جوعتنى وفتحت نفسي يسلموا :roseop:

شارك هذه المشاركه


رابط المشاركه
شارك

السلام عليكم ورحمة الله وبركاته

مشكورين ..

• • •

صورة حواشي تشهي بجد ..

انشاء الله اجربها

مع التحية

تم تعديل بواسطة عواطف

شارك هذه المشاركه


رابط المشاركه
شارك
اصلها حواوشي فرط يا ناش

بجد أحلي تعليق سمعته النهارده...وقعت من الضحك :)

إن شاء الله تعجبك يا عواطف....بس استخدمي طريقه الشيف الرائع مصطفي..في خلطه اللحمه

شارك هذه المشاركه


رابط المشاركه
شارك

انشئ حساب جديد او قم بتسجيل دخولك لتتمكن من اضافه تعليق جديد

يجب ان تكون عضوا لدينا لتتمكن من التعليق

انشئ حساب جديد

سجل حسابك الجديد لدينا في الموقع بمنتهي السهوله .


سجل حساب جديد

تسجيل دخول

هل تمتلك حساب بالفعل ؟ سجل دخولك من هنا.


سجل دخولك الان