الحازم حسن

أسعار الطيران الرخيصة من السعودية إلى مصر

قيم هذا الموضوع :

52 مشاركات في هذا الموضوع

وصلتني رسالة من شركة سما بتقول انها بدأت رحلات منتظمة من الرياض وجدة لاسكندرية

الرياض - اسكندرية بـ 450 ريال

جدة - اسكندرية بـ 375 ريال

انبسطت قوي لاني قربت انزل واني قريب من اسكندرية بس في ناس حذرتني لان شركات الطيران الخاصة والرحلات رخيصة الثمن بتكون مشاكلها كتيرة جدا واصعبها الوزن والضغط في الطيارة

حد في السعودية جرب الشركة دي في رحلة داخلية

egyptemailen.JPG

شارك هذه المشاركه


رابط المشاركه
شارك

استاذ حازم تمنياتى لك برحلة موفقة

سواء سما او ناس الاثنين واحد

انا جربت ناس

الكراسى صغيرة

ضيقة -- يعنى لو طويل شوية زى حلاتى مش حترتاح

اى خدمات على الطائرة بتكون على حسابك

الطيارة زى اى طيارة اخرى -- ايرباص من فئة 300 واخوتها

الطائرات معظمها مؤجر من شركات اسبانية وتركية باطقمها

وصلنى نفس الميل واعتقد حتكون فرصة لكتير من الناس انهم ينزلوا مصر اكتر من مرة فى السنة

تحياتى لك

تم تعديل بواسطة muslim4ever

شارك هذه المشاركه


رابط المشاركه
شارك

نفس كلام مسلم فوريفر

وازيد عليه في دقة مواعيدها بشكل رائع

شارك هذه المشاركه


رابط المشاركه
شارك

كنت عايز من زمان أفتح موضوع عن مستقبل الطيران في ظل الخصخصة .. لكن كنت مكسل أو بأنسى

بص يا حازم

الطيران الخاص به مميزات وبه عيوب

نبدا بالمميزات ونحلي بالعيوب

المميزات :

1- رخص سعره جداً جدا اللي بيعتمد على نظام First Kick >>> is eating the cake ( أنا اللي مخترع البؤ ده :roseop: ) يعني لو حجزت عشان تسافر كمان شهرين تلاتة ممكن تحصل تذكرة سعرها يصل إلى 20 % من التذكرة في الخطوط السعودية ويمكن أقل كمان

يعني لما أجي أقارن سعر تذكرة الرياض - جده - الرياض بين سما أو ناس أو الخطوط السعودية

هالاقي في الغالب إن سعر التذكره في سما وناس حوالي 180 ريال رايح جاي ( أعرف ناس سافروا بريال واحد فقط لا غير وفي ناس تانية بعشرة ريال يعني ربع ثمن التاكس لحد المطار ) ... في حين إنه في الخطوط السعودية 580 ريال طوال العام

بالمناسبة ركبت مرتين سما وناس الطيارة كانت إيرباص كبيرة وفخمة تضاهي البوينج . وكان في نوضيفات - مضيفات - حلوين زي بتوع السعودية :roseop: بس مراتي كانت معايا فما تحققتش قوي ...

هادخل بإختصار على العيوب

- الشركات الخاصة بتقتصد في التكاليف إلى حد الـ " قرطمه " يعني لو محتاجين ستف حوالي 50 واحد ... فبيعينوا 10 من أبو تلاته تعريفه ويضغطوهم لما يطلعوا اسلافهم .

- لما تركب الطيارة بيعاملوك بمبدأ " إبرز تنجز " يعني كل حاجه بفلوس وبالسعر الضعف حتى زجاجة المياه ... يعني تعمل حسابك في زمزمية ميه وكام شاندوشت جبنة بالطماطم وتلف كل ده في بؤجه وفوق on board تفرش البؤجه و " بسم الله معانا يا بلدينا " :lol:

- لو إتأخرت 5 دقايق عن أخر موعد لغلق باب الطائرة وفي الرحلات الدولية تقريباً بيبقى ساعتين وساعة واحده في الداخلي .. يبقى هاتركب الطفطف ومع نفسك حصلت فيه وصلت قبل ساعة بالتمام والكمال سبوني ومشيوا وشرشحتهم وفرجت عليهم المطار وفي الأخير ركبت خطوط تانية ..

- مافيناش ترجيع ... فاكر لما كنا بنلعب وإحنا صغيرين ونقول " مافيناش ترجيع للبلي يا حلو " أهو هو عندهم كده ترجع التذكرة او تعدل في ميعادها يبقى هاتتظبط في مصاريف تساوي تكلفة تذكرة الرحلة بتاعت الخطوط المشهورة زي السعودية أو مصر للطيران .

بس بشكل عام للي بيسافر كتير فبتقى عملية موفرة ويلتزم شويه ويروح بدري وما يعدلش في تاريخ السفر والأمور هاتبقى عال .... يا عم ده ولا سعر النقل الجماعي بتاع الباصات والبواخر اللي بتغرق ...

شارك هذه المشاركه


رابط المشاركه
شارك

بسم الله الرحمن الرحيم

ما هو ياسادة لازم الشركة تضيق المسافة بين الكراسى لتضيف بذلك اثين او ثلاثة صفوف بحوالى 12 راكب ..لاتاحة الفرصه امامنا للسفر بالسعر ده ممكن الواحد يتحمل فشركتنا المحتله بيلجأ المماليك فيها الى نفس الطريقة عند ما تتاح لها الفرصه لنقل الحجاج والمعتمرين بطريقة ط ع بتاعة زمان يعنى اجبارى على هذه الطائرات .. زى مثلا رحلات الحج والعمره .. وعندنا فى المانيا كام شركة بنفس النظام السفر بين عواصم الدول الاوربية بحوالى 19 يورو .. وثلاثة ايام فى عيد الحب اللى فات كانت التذكرة ب 7 يورو ثمن علبة سجاير او ساندوتش شاورمه .. وهذه الشركات الخاصة للطيران لا تمنع اصطحاب ساندوتش بيتى او سوقى او زجاجة ماء من التواجد فى الهاند باج بتاع المسافر .. و ايه المانع ان الواحد يصرف كام ريال على الطائرة مقابل سندوتش وكوب عصير .. أحسن واجود على الاقل من وجبة المماليك الجدد بتوع شركتنا المحتله .. واقسم بالله استعملتها منذ ايام وهمس المضيف فى اذنى تحب حضرتك تاكل ايه .. لحمه .. ام سمك .. ام لاتسانيا .. أنا قلت اللحمه مشكوك فيها انها مستورده من البرازيل .. والسمك ..بيظهر البرد وانا مش ناقص .. مفيش غبر الاخير .. والحمد لله حصل خير .. اكتفيت بأكل العيش وقطعة الجبنه .. لسوء حاله الوجبة واعدادها ..

ان وقت الرحلة بين جدة والاسكندية ليس بطويل وممكن الوحد يعتبر نفسه قاعد فى اتوبيس او مكروباس على كوبرى 6 اكتوبر .. او على طريق المحور .. برضه بنصبر بالساعات .. وهناك فرق بين الصبرين ..

فالصبر على الطائرة مفيش عرق ولا كلاكسات ولا تراب .. بعكس الصبر وانت فى الطريق البرى .. وكمان فيه حاجة مهمة جدا .. ضرورى ياخذ المماليك الجدد .. الذين احتلوا غصب عنا عزبة الراحل المرحوم ريان ياخذوا درسا او على الاقل يقتصدوا شويه فى اغتنام اموال الشعب ..

شجعوا الشركات الخاصه .. لطرد المحتلين الجدد !!!

تم تعديل بواسطة achnaton

شارك هذه المشاركه


رابط المشاركه
شارك

أستاذ Muslim4ever الحمد لله انا مش طويل .. يعني مفيش مشكلة

شوف يا عمنا سين سين

المميزات كويسة قوي والأسعار دي للعلم بتكون " جر رجل " في الأول للزبون مع بداية افتتاح الخط زي ما عملت فينا شركة طيران العربية الاماراتية اللي ركبتها بحوالي 1200 جنيه وأنا راجع ولما حبيت أسأل عن أسعارها اليومين دول لقيتها أغلى من اللوفتاهنزا :roseop:

يعني أول ما الحركة تمشي والرجل تروح وتيجي ع الخط حتبص تلاقي الأسعار مفيش فيها فرق

لكن لو افترضنا ان الأسعار دي حتتغير في خلال شهرين أو تلاتة وأنا نازل في رمضان يعني عايز أحجز بسعر اليومين دول على شهر رمضان

الاول هل ينفع اني أحجز تذكرة لما بعد 6 شهور قدام ؟؟

ولو ينفع والاسعار بس اتغيرت في النص هل حينطبق على التغيير ويقول لي "ابرز تنجز " ولا لأ ؟؟؟ :roseop:

ويا ترى الوزن أخباره ايه ؟؟

شارك هذه المشاركه


رابط المشاركه
شارك

السلام عليكم

الاخوه الكرام جزاكم الله خيرا

الاخ الكريم حازم انا تلقيت نفس الايميل اليوم و كنت مبسوط جدا لان السعر مغرى جدا بمعنى ادق اقل سعر طيران الى مصر

انا جربت سما و ناس من الرياض الى الدمام و العكس و عموما جيده بالنسبه للطيارات متوسطه ايرباص 320 غالبا جديده او مؤجره من خطوط اجنبيه مثل الخطوط الاسبانيه و مره اخرى خطوط تركيه الكباتن محترفين و الخدمه ارديحى قوى عموما المسافه مش كبيره قوى فما بتلحقش تفكر تطلب حاجه اما بالنسبه لمصر فالساعتين ممكن تستحملهم بالطول و العرض و موضوع التاخير فهذا بقى ملحوظ قوى و خصوصا على الخطوط السعوديه نفسها فانت و حظك ان شاء الله يكون حلو .

شارك هذه المشاركه


رابط المشاركه
شارك
ولو ينفع والاسعار بس اتغيرت في النص هل حينطبق على التغيير ويقول لي "ابرز تنجز " ولا لأ ؟؟؟ :roseop:

ما هي دي الميزة يا ريس

هما بيعتمدوا على إن اللي بيحجز بدري بياخد التذكرة بسعر رخيص جداً لإنهم بيستفادوا من إستثمار الفلوس دي واهم ضمنينها في جيوبهم ولو نفسك وزتك وحاولت تغير الميعاد هاتدفع زيادة أو لو لغيت فما فيش إسترجاع يا حلو

عارف ... اعرف ناس رأيتهم رأي العين سافروا لجده من الرياض بريال سعودي واحد فقط لا غير .. لإنه حجز قبلها يمكن بستة شهور وصادفت إن كان في بروموشن على الأسعار

كذلك إنت لو في إمكانية تحجز لمصر قبل 6 أشهر وتأكد حجزك فهاتلاقي السعر رخيص جداً جداً ... ولما تيجي تسافر والسعر بقى الطاق عشرة في وقت السفر فلن تتأثر انت ولكن سيتأثر من سيحجز في هذا الوقت

بخصوص الوزن ما أعرفش حاجه عنه ولكن أعتقد إنهم هايلعبوا على النقطة دي ومش هايسمحوا لك بأي وزن زيادة غير اللي موجود في التذكرة اللي غالباً بيبقى رسمي 20 ك وبعدها كله بحسابه والكيلو الزيادة بيوصل 20 ريال ...

شارك هذه المشاركه


رابط المشاركه
شارك

للتنويه .. هناك موضوع فتحه الأستاذ عادل أبو زيد اليوم يتحدثعن عصر الصيران الرخيص

http://www.egyptiantalks.org/invb/index.ph...c=50666&hl=

بالنسبة للسفر على خطوط سما أو ناس ...

فرصة ما تفوتهاش .. المميزات أكبر من العيوب بكثير ...

الفرق بين تلك الخطوط وأي خطوط أخرى ليس كبيراً ...

فالطائرات ايرباص ..

وأطقم الضيافة في بعضها أوروبي .. (أسباني) يعني أحسن ..

ساعات بتتأخر رحلاتهم ..وساعات التأخير بيكون كتير شوية .. نظراً لأن اللخبطة بتكون أكبر لأن عد طائراتهم قليل ..

لا يمكنك إعادة التذاكر قبل 48 ساعة من موعد الرحلة . وقبل ذلك يتم خصم 50 ريال تقريباً ..

لا توجد وجبات أو ضيافة مجانية على الرحلة . ويمكنك شراء أي حاجة على الطائرة بأسعار أقل من الأسعار الموجودة في مطار الرياض أو مطار القاهرة .. أنا جربت الكلام ده

الوزن 20 كيلو

الكيلو الزائد بعشرين ريال للرحلات الدولية وعشرة ريال للرحلاتالداخلية

يمكنك حمل 7 كيلو معك في الطائرة

يمكنك حمل أكل وشرب زي ما انت عايز على الطائرة

الحقيقة أن المميزات أكثر بكثير من العيوب ...

هنا إجابة على كل الأئلة التي تخطر على بالك تقريباً

http://www.flysama.com/Sama/Arabic/Top/faqnew.htm

لا تتردد .. إشتري التذكرة وتوكل على الله

شارك هذه المشاركه


رابط المشاركه
شارك

استاذ اخناتون الله يخليك بلاش كلام في الزراعة لانه غلط على البنكرياس والحجاب الحاجز

السلام عليكم

الاخوه الكرام جزاكم الله خيرا

الاخ الكريم حازم انا تلقيت نفس الايميل اليوم و كنت مبسوط جدا لان السعر مغرى جدا بمعنى ادق اقل سعر طيران الى مصر

انا جربت سما و ناس من الرياض الى الدمام و العكس و عموما جيده بالنسبه للطيارات متوسطه ايرباص 320 غالبا جديده او مؤجره من خطوط اجنبيه مثل الخطوط الاسبانيه و مره اخرى خطوط تركيه الكباتن محترفين و الخدمه ارديحى قوى عموما المسافه مش كبيره قوى فما بتلحقش تفكر تطلب حاجه اما بالنسبه لمصر فالساعتين ممكن تستحملهم بالطول و العرض و موضوع التاخير فهذا بقى ملحوظ قوى و خصوصا على الخطوط السعوديه نفسها فانت و حظك ان شاء الله يكون حلو .

شكرا يا ابو عمر على المادخلة

التأخير كاس وداير على جميع الخطوط لكن بنسب بيكون في تاخير معقول وفي تاخير وتاخير 5 ساعات زي الخطوط السعودية لو الواحد كان يعرف كده قبلها كان ركب عبارة السلام 98 أحسن

شارك هذه المشاركه


رابط المشاركه
شارك
ولو ينفع والاسعار بس اتغيرت في النص هل حينطبق على التغيير ويقول لي "ابرز تنجز " ولا لأ ؟؟؟ :roseop:

ما هي دي الميزة يا ريس

هما بيعتمدوا على إن اللي بيحجز بدري بياخد التذكرة بسعر رخيص جداً لإنهم بيستفادوا من إستثمار الفلوس دي واهم ضمنينها في جيوبهم ولو نفسك وزتك وحاولت تغير الميعاد هاتدفع زيادة أو لو لغيت فما فيش إسترجاع يا حلو

عارف ... اعرف ناس رأيتهم رأي العين سافروا لجده من الرياض بريال سعودي واحد فقط لا غير .. لإنه حجز قبلها يمكن بستة شهور وصادفت إن كان في بروموشن على الأسعار

كذلك إنت لو في إمكانية تحجز لمصر قبل 6 أشهر وتأكد حجزك فهاتلاقي السعر رخيص جداً جداً ... ولما تيجي تسافر والسعر بقى الطاق عشرة في وقت السفر فلن تتأثر انت ولكن سيتأثر من سيحجز في هذا الوقت

بخصوص الوزن ما أعرفش حاجه عنه ولكن أعتقد إنهم هايلعبوا على النقطة دي ومش هايسمحوا لك بأي وزن زيادة غير اللي موجود في التذكرة اللي غالباً بيبقى رسمي 20 ك وبعدها كله بحسابه والكيلو الزيادة بيوصل 20 ريال ...

قشطة يا ريس

دا انا حنزل مصر خميس وجمعه :rolleyes: (ابئوا صغروا حجم الأيقونة دي شوية)

بس غريبة قوي حكاية ريال واحد دي

شارك هذه المشاركه


رابط المشاركه
شارك
للتنويه .. هناك موضوع فتحه الأستاذ عادل أبو زيد اليوم يتحدثعن عصر الصيران الرخيص

http://www.egyptiantalks.org/invb/index.ph...c=50666&hl=

بالنسبة للسفر على خطوط سما أو ناس ...

فرصة ما تفوتهاش .. المميزات أكبر من العيوب بكثير ...

الفرق بين تلك الخطوط وأي خطوط أخرى ليس كبيراً ...

فالطائرات ايرباص ..

وأطقم الضيافة في بعضها أوروبي .. (أسباني) يعني أحسن ..

ساعات بتتأخر رحلاتهم ..وساعات التأخير بيكون كتير شوية .. نظراً لأن اللخبطة بتكون أكبر لأن عد طائراتهم قليل ..

لا يمكنك إعادة التذاكر قبل 48 ساعة من موعد الرحلة . وقبل ذلك يتم خصم 50 ريال تقريباً ..

لا توجد وجبات أو ضيافة مجانية على الرحلة . ويمكنك شراء أي حاجة على الطائرة بأسعار أقل من الأسعار الموجودة في مطار الرياض أو مطار القاهرة .. أنا جربت الكلام ده

الوزن 20 كيلو

الكيلو الزائد بعشرين ريال للرحلات الدولية وعشرة ريال للرحلاتالداخلية

يمكنك حمل 7 كيلو معك في الطائرة

يمكنك حمل أكل وشرب زي ما انت عايز على الطائرة

الحقيقة أن المميزات أكثر بكثير من العيوب ...

هنا إجابة على كل الأئلة التي تخطر على بالك تقريباً

http://www.flysama.com/Sama/Arabic/Top/faqnew.htm

لا تتردد .. إشتري التذكرة وتوكل على الله

ماشاء الله استاذ أسد الشرح وافي وممتاز

لكن ال7 كيلو من ضمن العشرين ولا منفصلة ؟؟

وشكرا على الموقع

شارك هذه المشاركه


رابط المشاركه
شارك
لكن ال7 كيلو من ضمن العشرين ولا منفصلة ؟؟

لأ . الـ 7 كيلو دول غير العشرين كيلو العفش

والأكل اللي تاخده معاك مفروض يكون من ضمن السبعة كيلو دول

شارك هذه المشاركه


رابط المشاركه
شارك

خبر جميل جدا والله منك يا حازم دة في الأول لكن بعد كدة

ماذا سيكون محلها من الاعراب داخل الاراضي المصرية في ظل احتكار مصر للطيران؟

من المعلوم ان الخطوط الالمانية عل سبيل المثال كانت الارخص بالنسبة لمصر للطيران ، وطبعا علشان برضه مصر الطيران المحتكر الاول قالوا : عايز تحجز على الخطوط الالمانية لازم تحجز من هناك ياحلو رايح جاي، متجيش تحجز من هنا ولا عودة ولا ذهاب.

اسيقن انه من المكن اذا فعلا لجأ المصريون لهذه الشركات سيصير لها كما صار للخطوط الألمانية.

فلا داعي للاستعجال لحجز ما هو بعد رمضان، الي ان يتم وضع النقاط عل الرووف.

شارك هذه المشاركه


رابط المشاركه
شارك
خبر جميل جدا والله منك يا حازم دة في الأول لكن بعد كدة

ماذا سيكون محلها من الاعراب داخل الاراضي المصرية في ظل احتكار مصر للطيران؟

من المعلوم ان الخطوط الالمانية عل سبيل المثال كانت الارخص بالنسبة لمصر للطيران ، وطبعا علشان برضه مصر الطيران المحتكر الاول قالوا : عايز تحجز على الخطوط الالمانية لازم تحجز من هناك ياحلو رايح جاي، متجيش تحجز من هنا ولا عودة ولا ذهاب.

اسيقن انه من المكن اذا فعلا لجأ المصريون لهذه الشركات سيصير لها كما صار للخطوط الألمانية.

فلا داعي للاستعجال لحجز ما هو بعد رمضان، الي ان يتم وضع النقاط عل الرووف.

ازيك يا Dee أخبارك ايه

بس سؤال ايه علاقة مصر للطيران بحجوزات الشركات التانية ؟؟

مش قادر افهم ازاي مصر للطيران تمنعني من اني احجز تذكرة ! ممكن توضح

شارك هذه المشاركه


رابط المشاركه
شارك
ازيك يا Dee أخبارك ايه

بس سؤال ايه علاقة مصر للطيران بحجوزات الشركات التانية ؟؟

مش قادر افهم ازاي مصر للطيران تمنعني من اني احجز تذكرة ! ممكن توضح

الحمد لله تمام

اللي اقصده ان الطيران الخاص الرخيص من فترة وهو مقتصر عل الرحلات الداخلية داخل مصر،ولكن الرحلات الدولية طبعا كانت من نصيب مصر للطيران. ومن امثلها كان الطيران الالماني - كان سعر التذكرة لا يتجاوز 3000 ج مثلا لأمريكا - قبل ما مصر الطيران تستخدم نفوذها لمواجهة منافسيها على اراضيها.

عملت ايه مصر للطيران ، قالت الطيران الرخيص زي الالماني والروماني وغيره ليس من الضروري ان تكون رحلاتهم يوميا ، ولا حتى بالمثل يكون مطار القاهرة الدولي لازما لهبوطها أو اقلعها ممكن نديهم شرم الشيخ ولا الغردقة ولا نحدفهم بعيد شوية. إلى الآن ، مطار شرم الشيخ هو مطار رئيسي لاقلاع الطيران الخاص الدولي ومنهم الالماني.

لي نسيب عايش بالمانيا يحمل الجنسية الالمانية ، نزل مصر السنة الي فاتت ومعاه تذكرة على الخطوط الالمانية ذهابا وايابا ، وهو راجع كان من المفترض ترجع معاه زوجته المصرية ، ولكن المشكلة لما راحوا يحجزوا على نفس الطائرة، المكتب قالهم مفيش حجز لازم تكون قاطع وحاجز عودة من هناك ،، طب ايه الاسباب .........؟!

وطبعا الكلام مش هيحصل الا على الطيران اللي واكل الجو بسعر اقل من ثلث شركة مصر للطيران. وطبعا اعتقد ان دة هيحصل مع سما.

السؤال هل سما لها رحلات على مطار القاهرة الدولي؟

تم تعديل بواسطة deemuck

شارك هذه المشاركه


رابط المشاركه
شارك

بالمناسبة في عيب خطير في الرحلات الدولية لتلك الشركات الخاصة وهو إنك ما تنفعش تدخل على الموقع بتاعهم تحجز من خارج السعودية ... وبالتالي لو إنت عايز تحجز رحلة الإسكندرية - جده - الإسكندرية مثلاً ... يبقى مش هاتقدر بالإضافة إلا إنهم بيتعاملوا برقم إقامة الشخص ..

شارك هذه المشاركه


رابط المشاركه
شارك

حكمة قالتها خالتكم أم س س " يا مسترخص .. يا مستوكس ""

يعني اللي بيسترخص في البيع والشرا .. يبقى يستحمل اللي يجرا له نتيجة التوفير اللي عايز يعمله

وقد كان مع خطوط طيران سما الرخيصة

- فأنا عملت تأشيرة زيارة لحمايا وحماتي ييجوا يعملوا عمره ويقعدوا معانا شويه مع إننا نازلين لهم في الصيف ... ونسيبي إبنهم نازل كمان كام يوم زيارة خاطفة لمصر .. فحجز على سما .. فأقترح إنهم يرجعوا كلهم سوا وبالتالي نحجز لهم على الخطوط التعيسة سما ... دخلنا عالنت ودفعت بالفيزا وحجزنا حجز مؤكد تماما التمام ... وكنت لسه هابعت لهم برنت أوت للحجز ياخدوا بها التأشيرة لإن ده من ضمن الإجراءات ..

المهم حبيت اعمل تعديل بسيط على التاريخ فروحت لهم مكتبهم بجوار الخطوط السعودية بطريق العُليا أول أمس ... مساء الخير يا بتوع سما .. عايز أعدل التاريخ لو سمحتو وياريت المسار كمان ...

فصدموني صدمة مالهاش حل ... للأسف حضرتك .. مصر ضربت لنا كرسي في الكلوب .. إزاي يابا ؟ ... هيئة الطيران المصري أصدرت قرار من كام يوم بمنع الرحلات العكسية إلى المملكة ..

هاوضح الموضوع

المفروض اللي جوه السعودية بيحجز مثلاً .. الرياض – القاهرة - الرياض

طب اللي جاي عُمرة أو حج او زيارة أو أول مره بيحجز إزاي ؟ القاهرة – الرياض – القاهرة ... هي دي اللي منعوها منعاً باتاً ( لمصلحة مصر للطيران والخطوط السعودية اللي بيعتبروا موسمي العمره والحج هاي سيزون بالنسبة لهم ) ... وإحنا كنا هانتصل بك عشان نرجع لك فلوسك في حساب الفيزا في الفترة من ( إسبوعين إلى 45 يوم ) يا صباح النفخ ... ومش بس كده .. ده نسيبي كان حاجز .. الرياض – الإسكندرية ( لسه ما نلزوش مطارات أخرى غير الأسكندرية واسيوط ) وبعدها بكام يوم دخل عمل حجز تاني الإسكندرية – الرياض ... قلوا له الحجز ده غير مقبول .. وهاتسافر من هنا لكن مش هاتعرف ترجع والحل إنك تحاول مع التليفون المجاني لسما ويدمجوا الحجزين في حجز واحد ...

قلت عمار يا خطوط يا سعودية أو مصر للطيران .. ده أنا بأكفر سيئاتهم في التعديل والتبديل والتحوير وكله مجاني ..

أما دول فنفس الهوا بيتحسب بفلوس عليك ...

أضحككم ..

الإسبوع الماضي واحد صاحبي سوري الجنسية حجز لوالده ووالدتهم واخوه المقيمين هنا على إنهم يروحوا يعملوا عمره ... الناس لبسوا ملابس الإحرام ولبيك اللهم لبيك ورحلتهم كانت الساعة 6 المساء .. نزلوا من البيت الساعة أربعة وبيقولوا وإحنا لسه على سلم البيت لقينا رسالة قصيرة جايه من سما وبتقول إن الرحلة إتلغت وإرجع كما كنت ... بيقولي صممت وروحت المطار وفرجت عليهم الدنيا .. بس هما واخدين على كده .... وفي الأخر ركب الخطوط السعودية ... بجد شغل 3 ورقات واخطف وأجري وحتى باصات النقل الجماعي ما بتعملش كده

شارك هذه المشاركه


رابط المشاركه
شارك

تعرف يا سين سين انا ليا اتجاه شخصي مع الشركات اللي زي دي

دايما بركب فيها لواحدي لما بكون عايز احجز لاسرتي بحجزلهم على مصر للطيران و كان نفسي احجزلهم على الاماراتية بس اسعارها نار

انا بسافر الرياض كذا مرة في السنة على الاقل مرتين عشان التاشيرة انت فاهم طبعا

فابسافر على العربية للطيران - طيران سما - طيران ناس و ممكن اضبطها على شركتين حسب التوفير فين و المواعيد و كدا

بس تعرف ان شغلي هنا في دبي جه لما سافرت على العربية للطيران ونزلت ترانزيت الشارقة اربع ايام :walkytalky:

دورت على شغل و اتوفقت والحمد لله فالواحد مايعرفش الخير فين

تحياتي

شارك هذه المشاركه


رابط المشاركه
شارك

انشئ حساب جديد او قم بتسجيل دخولك لتتمكن من اضافه تعليق جديد

يجب ان تكون عضوا لدينا لتتمكن من التعليق

انشئ حساب جديد

سجل حسابك الجديد لدينا في الموقع بمنتهي السهوله .


سجل حساب جديد

تسجيل دخول

هل تمتلك حساب بالفعل ؟ سجل دخولك من هنا.


سجل دخولك الان