اذهب إلى المحتوى
محاورات المصريين

أخبار نادي الزمالك


kokowawa1979

Recommended Posts

عاجبك كدة يادكتور هوبا اللي حصل في السودان !!!

والله فضيحة ما بعدها فضيحة - كنا المفروض نتغلب 6 أو 7 على الأقل !!

اللعيبة بالكامل شايلة أكياس رمل في رجلها - مفيش لعيب بيضغط على أي لاعب سوداني علشان ياخد الكورة - لعيبة بتترقص في نص سنتي !!! الأستاذ تامر عبدالوهاب كتر خيره خلص على الفرقة بدري بدري .

حسيت إن الزمالك بيلاعب منتخب العالم مش الهلال السوداني !!!

كدة نبصم بالعشرة إنهم خارج البطولة لو استمروا على ماهم فيه !!!

90 دقيقة الزمالك لم يلمس فيها الكورة على الإطلاق وكأنهم خشب مسندة في الملعب .

استلم اللي جاي يادكتور هوبا bv:-

اسألوا الأيام .......... اسألوا الآلام

من الملام إذا ......... وكلنا لوام

رابط هذا التعليق
شارك

  • الردود 227
  • البداية
  • اخر رد

أكثر المشاركين في هذا الموضوع

مستحيل يكون ده فريق الزمالك اللى كان بيلعب فى الجزائر من كام يوم :angry:

لكن .. المهمة ليست مستحيلة .. فكما فاجأنا الزمالك بهذا الأداء المؤسف ، فإنه من الممكن أن يفاجئنا بأداء ممتع وفوز كبير فى مباراة العودة تعوض ما رأيناه اليوم ..

أنا باستغرب .. طوال الشوط التانى مفيش ولا هجمة أو تسديدة أو حتى فاول على حدود المنطقة .. فعلا باستغرب .. الظاهر أكلوهم شطة سودانى قبل الماتش خلتهم مش مركزين فى الماتش بالمرة :unsure:

نحن فى حالة حرب لم يخض جيشنا مثلها من قبل
فى الحروب السابقة كانت الجبهة الداخلية مصطفة
تساند جيشها
الآن الجيش يحارب الإرهاب وهناك من يطعنه فى ظهره
فى الحروب لا توجد معارضة .. يوجد خونة

تحيا مصر
*********************************
إقرأ فى غير خضـوع
وفكر فى غير غـرور
واقتنع فى غير تعصب
وحين تكون لك كلمة ، واجه الدنيا بكلمتك

رابط هذا التعليق
شارك

يا جماعة لسه فيه ماتش في القاهرة وممكن الزمالك يعمل نتيجة كويسة ويتعادل او يتغلب 1/0 بس

خرج الثعلب يوما في رداء الواعظين

ومشى في الأرض يهذى ويسب الماكرين

رابط هذا التعليق
شارك

عاجبك كدة يادكتور هوبا اللي حصل في السودان !!!

والله فضيحة ما بعدها فضيحة - كنا المفروض نتغلب 6 أو 7 على الأقل !!

استلم اللي جاي يادكتور هوبا :unsure:

كوكو واوا حبيبى واحشنى و الله و ما نجيلكش فى حاجه وحشه ..... كوكو يا رفيق طريق الكفاح و النضال المسلح الزمالك لسه بدرى عليه على ما يأخد بطوله حوالى ثلث الفريق عاوز يروحَ بس المشكله إن معظم اللى لازم يمشوا الإداره الجميله اللى كل اللى بيكرهوا الزمالك بيشكروا فيها بتجدد لهم بالملايين و مش سنه لأ بالتلاته .

فيا زعيم أنا و إنت و غيرنا حنستلم اللى جاى و اللى بعد اللى جاى كمان مش كل ما نكسب مباراه نفتكر إننا رجعنا لمستوانا فبيكون الواقع المؤلم إننا مش بنلعب 3 مباريات أو حتى مباراتين بمستوى واحد و من هنا بتيجى الصدمه و لكن طول ما هم فاكرين إنهم بتجديدهم لحازم المعتزل من 3 سنين و تامر عبد الحميد مع إحترامى له و كمان شروة لعيبه من عينة تامر عبد الوهاب و أبو العلل و مفيش داعى أكمل أحسن فى الآخر مش حتلاقى حد عليه العين إلا اللعيبه اللى جابهم مرتضى منصور و دى حقيقه حتى لو حاول أى حد إنكارها فلولا هذا الرجل و صفقاته كان زمانك بتحسب فاضل لك كام ماتش فى الدورى و بتدعى ربنا إن طنطا و بترول أسيوط و الترسانه يتغلبوا عشان ما تنزلش .

كوكو واوا طول ما فيه حازم و تامر و حليم و أبو العلل و محمود و يوسف و غانم فى الفريق ..... إنسى

حد شايف حاجه ؟ حد سمع حاجه ؟ :angry:

بعد إذنك عشان عاوز أقوم ألطم

تم تعديل بواسطة drhouba

دى لا باظت و لا خربت ..... و لا جابت جاز لا مؤاخذه

دى عيشه ظريفه جدا

و لا فيه دماغ ضربت ..... و لا حد بيشتكى لحظه

ماشيه و الأشيه معدن

http://www.youtube.com/profile_videos?user=drhouba&p=r

http://www.arabtube.tv/users/drhouba68

رابط هذا التعليق
شارك

لا حول ولا قوة الا بالله

الراجل كوكو هيتنقط .. والدكتور هوبا هيلطم

منك لله يا زمالك هتخلى المشجعين الغلابة بتوعك يروحوا فى الكازوزه :unsure:

يظهر يا هوبا انكم فى المرحلة القادمة محتاجين بجانب سياسة التهدئة ، دواء للضعط والسكر ، ومرهم للخدود بعد اللطم علشان الخد ميحمرش :angry:

حسين

من فضلك ..دعنى أرى كيف تتحدث حتى أعرفك .. ودعنى أرى كيف تختلف حتى أحترمك .

رابط هذا التعليق
شارك

إلى الدكتور هوبا والسيد كوكوواوا.............

أعتذر عن شيء واحد وهي أنني بعد إذنكم سأقدم لكم درسا في التشجيع..............

لم يهزم هذا الفريق منذ تدريب هنري ميشيل سوى هذه المباراة......فلماذا الولولة؟

متزعلوش مني............

ممكن الزمالك يكسب البطولة كلها بعد كده..............

موقفكوا يبقى إيه؟؟؟؟؟؟؟؟؟؟؟

الزمالك وأي فرقة في الدنيا ممكن تتغلب.........عادي

مش محتاجة...........

ياجماهير الزمالك..............

أنا لا أحب الزمالك ولا أشجعه..........ممكن

بس لازم نحس باللعيبة.............

لعيبتكم بتلعب تلات بطولات في وقت واحد وده مش عدل..............

ومش مشكلة لما تحصل عثرة ممكن نعديها بعد كده............

يا جماهير الزمالك.........رفقا بلاعبيكم

105724557.jpg

ألام على هواك وليس عدلا ................ إذا أحببت مثلك أن ألاما

رابط هذا التعليق
شارك

مازال الوقت مبكر جدا يا جماعه

دي لسه اول جولة :roseop:

انشاء الله الزمالك حيعدي في القاهرة

المشكلة ان فرقة الهلال تقيلة .. بس مش صعب تشيل ثلاثة في أستاد القاهرة بس بشرط يتملي مشجعين من كافة الألوان :unsure:

أطيب الأمنيات للزمالك في مباراة العودة :angry:

القسوة أن ألقاك غريبا ... في وطن ناء عن وطنك

والأقسى غربة أنفاس ... بين الخلان وفي أهلك

رابط هذا التعليق
شارك

يا كوكو واوا انت والدكتور هوبا

ما تريحوا روحكم احسن من حرقة الدم د ى :angry: وتخلوها احمر على طول علشان تفضلوا ديما متفائلين وتحسوا بقى بالفرحة :unsure: اخص عليك ياللى فى باللى مش كفاية حبايبنا بيشجعوك قال اية هتنقطهم كمان ومش كفاية كدا بقى يا كوكو انت والدكتور :roseop:

البلح

البلح

البلح

احمر

زغلول

:roseop:

تم تعديل بواسطة وائل كيوان

الى ارضنا الحبيبة ام الدنيا المحروسة مصــــر

ولو خيرت فى وطنــا ......... لقولت هواكى اوطانى

ولو انساكى ياعمرى ..........حنايا القلب تنسانى

إذا ما ضعت فى دربــا .......... ففى عينيك عنوانى

ونجلــس مثــلما كنــا ......... واهبــك نبــض وجانى

ويسقط كالمنى إسمى ...... وسوف يتـوه عنوانى

احبـــك واحـــة هــــدأت ........ عليــها كل احـــزانى

أحبـــك نشوة تســرى .......... وتشعل نــار بركانى

أحبـــك أنت يـــا امــــلا .......... كضوء الصبح يلقانى

أتيتـــك والمنى عندى .......... بقايــا بيــن احضانى

المستشار القانونى

رابط هذا التعليق
شارك

مش عارف الاقتباسات مش شغالة ليه لكن أحاول أرد على مافهمته من مداخلات الإخوة :

أخونا الفاضل أبو محمد حضرتك بتتكلم في الشوط الثاني بس - ده المشكلة إن الفرقة مامسكتش كورة نهائي في ال90 دقيقة وقد كنت متابعها في الشباب والرياضة حتى إذاعتها في الشوط الثاني - وعلى مايبدو إن الإخوة السودانيين شافوا الزمالك في الشوط الأول لا بيهش ولا بينش فقالوا ننقل بقى المباراه ونخليها فضيحة بجلاجل !!!

أما بالنسبة لسحس أنا مش هاتنقط ولا حاجة وصدقني أنا مش زعلان من الهزيمة بقدر ما أنا متغاظ من سوء العرض - - فلم نجد لاعب واحد من الفريق يضغط على الخصم لاستخلاص الكورة في أي لعبة - فيه إيه بالضبط مش عارف - أنا أشاهد مباريات الزمالك منذ بدأ التليفزيون إرساله في الستينات - وفي حياتي كلها لم أر هذا المستوى السيئ من الزمالك - الهزيمة واردة - لكن لاأداء ولا حتى لعب هي دي المشكلة !!!

أخونا الفاضل أرسين : هو انت بتسمي ده ولوله !!!!

الهزيمة مش مشكلة ياعم أرسين إنما المشكلة في الأداء !!

هو انت كنا عايزنا نقول إننا لعبنا مباراة كبيرة والحظ اتخلى عنا .

إحنا كدة الزملكاوية أول ناس تنقد الفريق لما يلعب وحش ومش معنى إني أشجع الزمالك للأبد إني اٌول إنه مش سيئ في مباراة أمس - إحنا متعودين ننقد فرقتنا ياعم أرسين - وهي دي الديموقراطية - مش نشجع وخلاص !

أخونا الفاضل داروين :

أنا معك أنها جولة - لكن بصراحة أنا باعتبر الموضوع انتهى أمس لأنك تتكلم عن فرقة الزمالك جعلها تبدو منتخب عالم بالنسبة له !!! ومع وجود اللاعبين الذين أشار إليهم أخونا الدكتور هوبا صعب على الزمالك يفوز 2 في القاهرة - وإذا لم يشارك عمرو زكي فقل إن الزمالك سوف يهزم في القاهرة أيضا - لأن هجوم الزمالك وخاصة عبد الحليم ليس فيهم روح بعكس عمرو زكي الذي أثبت إن تمنه فيه !!

أخونا الفاضل وائل :

الزمالك ده ياعم وائل إدمان مالوش علاج نهائي - لأنك صعب تلاقي واحد زملكاوي يتخلى عن مبادئه :unsure:

أخونا الفاضل الدكتور هوبا :

طبعا كل اللي قلت عليهم فعلا لم يعد لهم أي دور في الفريق - وأنا اللي مجنني إننا نترك الناشئين لحد مايطفشوا وبعد كدة نرجع نشتريهم .

فين أحمد عبد الرؤوف - وليد قنديل - أحمد محسن- حسام أسامة !!!

أي واحد من دول يسد مكان عواجيز الفرح اللي ذكرتهم وخاصة اللي اسمه تامر عبد الوهاب اللي بيفكرني بمحمود محمود في أبشع صوره :angry:

لكن بصراحة كدة تفتكر فيه أمل زي أخونا داروين ما قال !!! أنا شخصيا باقول الأمل سالب 10% !!!

اسألوا الأيام .......... اسألوا الآلام

من الملام إذا ......... وكلنا لوام

رابط هذا التعليق
شارك

بما إني أهلاوي صميييييييييييييييم فأقول البقاء لله للأخوة الزمالكوية..... شد حيلك يادكتور هوبا.

بس ياجماعة اللي بيحصل للزمالك ده بصراحة ماينفعش ولازم وقفه مع الاجهزه المعنية ده يؤثر علي الكورة في مصر، السودان ياجدعان تعمل كده في الزمالك ليه عيب اوي فريق الزمالك بكل بطولاته بيدافع الــ11 لاعب في الــ18 ،يعني بصراحة لو الترسانة كان بيلعب مكنش هيبقا شكله كده.

انا بقترح نبعت جوزية بعثة في الكتمان للقلعة البيضاء ( هي بقت قلعة خالص) ونعمل مسكات للعبية الأهلي عشان يلعبوا الماتشات الدولية للحد من الفضائح.... عايز راي الدكتور هوبا في الإقتراح :)

أعتبر كل فشل يصادفك إحدى تجارب الحياة التي تسبق كل نجاح وانتصار ..

رابط هذا التعليق
شارك

زيدان كتب :

نا بقترح نبعت جوزية بعثة في الكتمان للقلعة البيضاء ( هي بقت قلعة خالص) ونعمل مسكات للعبية الأهلي عشان يلعبوا الماتشات الدولية للحد من الفضائح.... عايز راي الدكتور هوبا في الإقتراح

أهلا أهلا ماحنا كنا كويسين - واحنا اللي فتحنا التوبيك بإيدينا !!

وبعدين ياعم ماتزعلش ماهو الهلال نفسه اللي خد الأهلي رايح جاي في بطولة أفريقيا واللا انت ناسي .

ياعم زيدان خلليك بعيد :)

اسألوا الأيام .......... اسألوا الآلام

من الملام إذا ......... وكلنا لوام

رابط هذا التعليق
شارك

إلى الدكتور هوبا والسيد كوكوواوا.............

أعتذر عن شيء واحد وهي أنني بعد إذنكم سأقدم لكم درسا في التشجيع..............

لم يهزم هذا الفريق منذ تدريب هنري ميشيل سوى هذه المباراة......فلماذا الولولة؟

ممكن الزمالك يكسب البطولة كلها بعد كده..............

موقفكوا يبقى إيه؟؟؟؟؟؟؟؟؟؟؟

بس لازم نحس باللعيبة.............

لعيبتكم بتلعب تلات بطولات في وقت واحد وده مش عدل..............

يا جماهير الزمالك.........رفقا بلاعبيكم

صديقى اللدود أرسين لوبين العمليه مش مستاهله دروس فى التشجيع .. هو ده الفرق بين جماهير الزمالك و أى جماهير فى الكوكب إحنا زعلنا بيكون لما بنلعب وحش حتى لو كسبنا ممكن نلعب كويس و نخسر فما نزعلش زى ما حصل فى مباراة الأهلى الأخيره المهم إنك تشعر إن لاعبيك أدوا ما عليهم و لم يستهتروا بمشاعر جماهيرهم و هم غصب عنهم لازم يؤدوا ما عليهم و كفايه نغمة الإرهاق و الكلام ده الإنسان العادى ممكن يلعب مباراة كوره كل يوم يا سيدى علميا طالما هناك عمليات إستشفاء و جاكوزى و تدليك و الذى منه ممكن تلعب كل يومين فحكاية الإرهاق و أكثر من بطوله دى بقت زى الطبيخ البايت و مالهاش طعم و بتستخدم بس فى حالة الإخفاق للضحك على الجماهير و إمتصاص غضبهم أما فى حالة المكسب فمفيش حد بيجيب سيره يا ريس .... على فكره لو الزمالك كسب بطولة دورى أبطال المجره و بيلعب وحش برضه حنهاجمه و السلام ختام :)

دى لا باظت و لا خربت ..... و لا جابت جاز لا مؤاخذه

دى عيشه ظريفه جدا

و لا فيه دماغ ضربت ..... و لا حد بيشتكى لحظه

ماشيه و الأشيه معدن

http://www.youtube.com/profile_videos?user=drhouba&p=r

http://www.arabtube.tv/users/drhouba68

رابط هذا التعليق
شارك

اولا علشان انا اصلا عدى عليا اسبوع كروى غايه فى العك

الاسماعيلى كان كسبان و قرب يتغلب

يونايتد غلب الليفر فى الدقيقه 93

يونايتد التانى اتعادل بضربه جزاء كوميديه لان الحارس كان بيقول هيه الكوره فين يعنى اتنقط اصلا

اللى زاد و غطى ابناء العم الزمالك

ايه ده

هو صحيح الهلال غلب الاهلى فى القاهره لكن لان الاهلى كان واقع و اهو كمان سكع الزمالك برضه لان الزمالك ضايع

الاخ هنرى ميشيل جايبينه بفلوس قد كده و بيلعبوا ب 5/3/2

طب ده راجل راس ماله كله 4 4 2 و مشتقاتها

ما توفروا فلوسكوا و نجيب الكابتن ابو رجيله اوفر

ثانيا الزمالك هوه 3 لعيبه فقط بالاضافه لوحيد

1 عمرو زكى مصاب

2 تامر كان تايه امبارح

3 الابو مصاب

من غير التلاته دول الفرقه دى اخرها تلعب مع مركز شباب الحبانيه

و لذلك توقعت الهزيمه و مش حاسس انها حاجه غريبه يعنى لانها متوقعه فى ظل الخطه العقيمه بتاعه السبعه دفاع

و بكينا.. يوم غنّى الآخرون

و لجأنا للسماء

يوم أزرى بالسماء الآخرون

و لأنّا ضعفاء

و لأنّا غرباء

نحن نبكي و نصلي

يوم يلهو و يغنّي الآخرون

رابط هذا التعليق
شارك

الاسماعيلى ساق الدلع

الأهلى أضاع فوزا كان فى متناوله

الزمالك هزم نفسه

الظاهر إسرائيل حاطة حاجة فى الميه اللى بنشربها :)

نحن فى حالة حرب لم يخض جيشنا مثلها من قبل
فى الحروب السابقة كانت الجبهة الداخلية مصطفة
تساند جيشها
الآن الجيش يحارب الإرهاب وهناك من يطعنه فى ظهره
فى الحروب لا توجد معارضة .. يوجد خونة

تحيا مصر
*********************************
إقرأ فى غير خضـوع
وفكر فى غير غـرور
واقتنع فى غير تعصب
وحين تكون لك كلمة ، واجه الدنيا بكلمتك

رابط هذا التعليق
شارك

إلى الثنائي الحبيب

د.هوبا وكوكوواوا

المسألة ليست في أداء جيد أو رائع أو سيء.............

المسألة تتلخص في شيء واحد

لا تذبحوا فريقكم

105724557.jpg

ألام على هواك وليس عدلا ................ إذا أحببت مثلك أن ألاما

رابط هذا التعليق
شارك

بسم الله الرحمن الرحيم

بجد اسبوع سيئ جدا جدا على الكره المصريه

الاسماعيلى كان خلاص حيتغلب لولا ستر ربنا

والاهلى كان بيتمشى وبيلعب عك وضيع فوز سهل

والزمالك كانه واخد عين قويه كان بيلعب فى ماتش تانى

ياااااااااااااااارب يجعل مباريات العوده كويسه ويبعد عننا شر الفضايح

اللهم اجعلنا من الذين يستمعون للقول فيتبعون احسنه

رابط هذا التعليق
شارك

مبروك للزملكاوية على التقدم الهائل الذى وصلتم له فى الترتيب العالمي وهو ( 216 )

اخيرا ظهر نادى الزمالك فى الترتيب

يعنى الفرق بسيط بينكم وبين الاهلى الاهلى 22 والزمالك 216 فرق بسيط

رابط هذا التعليق
شارك

انشئ حساب جديد أو قم بتسجيل دخولك لتتمكن من إضافة تعليق جديد

يجب ان تكون عضوا لدينا لتتمكن من التعليق

انشئ حساب جديد

سجل حسابك الجديد لدينا في الموقع بمنتهي السهوله .

سجل حساب جديد

تسجيل دخول

هل تمتلك حساب بالفعل؟ سجل دخولك من هنا.

سجل دخولك الان
  • المتواجدون الآن   0 أعضاء متواجدين الان

    • لا يوجد أعضاء مسجلون يتصفحون هذه الصفحة

×
×
  • أضف...