اذهب الي المحتوي
maksoof

السد العالى

قيم هذا الموضوع :

Recommended Posts

تساءل السيد Hamdi Soliman فى هذا الموضوع عن عيوب السد العالى. و حتى لا نخرج عن موضوع "قناة السويس" فقد رأيت أنه من الأفضل بدء موضوع جديد.

السد العالى إتبنى بدون دراسة بيئية و لكن بناء على قرار "سياسى" من عبد الناصر. و أتذكر فى الوقت ده كان فيه أستاذ فى جامعة القاهرة (إسمه الدكتور الشيخ على ما أتذكر - أستاذ فى قسم الكيمياء) و حاول إنه ينبه للأخطار البيئية للمشروع - بس طبعا صلاح نصر تولى أمره و عذبوه لتجرؤه على مناقشة أوامر عبدالناصر.

المهم إن ما يدرس فى علم ال Earth Science هو الآتى:

فوائد السد العالى

1. توليد الكهرباء حيث أنه كان من المقرر أن يولد 2.1 جيجاوات و هو ما كان يمثل 55% من الطاقة المولدة فىمصر عام 1976 إلا أنه لم ينتج الطاقة المرجوة فى ذلك الوقت و ذلك بسبب إنسداد مداخل التوربينات بالطمى (و قد تم إصلاحها فيما بعد)

و فى التسعينات إزدادت محطات الكهرباء الحرارية المنشأة فى مصر إلى 16.6 جيجاوات فأصبح السد العالى يساهم بأقل من 13% منها و ستنقص هذه النسبة إلى 8% بحلول عام 2010 حيث سيتزداد المحطات الحرارية إلى 26 جيجاوات.

أو بمعنى آخر كان من الممكن إنشاء محطات حرارية لتؤدى نفس الغرض بتكلفة أقل.

2. إنشاء صناعة سمكية فى بحيرة ناصر. إلا أن هذا المشروع أثبت أنه باهظ التكاليف لضرورة تجميد و نقل الأسماك للمناطق الشمالية.

عيوبه:

1. إغراق جنوب النوبة و إعادة إستيطان أكثر من 90,000 نوبى

2. منع الفيضان الذى كان يغذى الأرض الزراعية بوادى النيل بطمى عالى الخصوبة مما أجبر المزارعين على إستخدام الأسمدة الكيماوية - هذه الأسمدة يتم إستيراد معظمها من الخارج و تساهم فى التلوث الكيميائى للبيئة.

3. زيادة الطمى المترسب فى بحيرة ناصر مما أدى إلى التقليل من كمية المياة التى يمكن تخزينها فى البحيرة

4, تآكل الأرض الزراعية و شواطئ النيل التى كانت تتغذى بطمى الفيضان

5. أدت وسائل الرى الغير سليمة إلى إغراق الأرض و طفح الأملاح إلى السطح فأصبحت بذلك غير صالحة للزراعة. و قد تفاقمت هذه المشكلة بعد أن نقص تدفق المياة فى النيل الذى كان ينقل الأملاح إلى البحر.

6. تراجع الثروة السمكية فى البحر المتوسط بسبب حجز المواد الغذائية التى كانت الأسماك تتغذى عليها خلف السد مما أدى إلى القضاء على بعض الأنواع

7. تآكل الشواطئ فى شرق البحر الأببيض المتوسط بسبب حجز الرمال التى كانت تأتى من النيل مما سيؤدى إلى غرق شمال الدلتا (تحت مياة البحر)

و الدلتا الآن فقدت قدر كبير من الخصوبة و كذلك تراجعت صناعة الطوب الأحمر (المصنع من طمى الدلتا) إلى حد كبير.

8. إزدياد حالات البلهارسيا و ذلك نتيجة إزدياد الأعشاب فى بحيرة ناصر التى تتغذى عليها القواقع التى تحمل المرض.

9. إزدياد ملوحة البحر الأبيض مما أدى إلى تغيير فى معدل تدفق مياة البحر إلى المحيط الأطلنطى عند جبل طارق. و هذا التدفق يمكن تتبعه لآلاف الكيلومترات داخل الأطلنطى. و من المعتقد أن هذا التغيير سيعجل من العصر الجليدى القادم.

10. إغراق الآثار

شارك هذه المشاركه


رابط المشاركه
شارك

كانت تلك هى عيوب السد !

ولاأعتقد ان المشروع كان مجرد مجموعة من العيوب !

ماهى مميزاته اذن ، وارجو ان تكون الدراسة منصفة وموثقة بالارقام ان امكن ولوكانت هناك مراجع يمكن الاطلاع عليها بالتفصيل .

شارك هذه المشاركه


رابط المشاركه
شارك

كانت تلك هى عيوب السد !

ولاأعتقد ان المشروع كان مجرد مجموعة من العيوب !

ماهى مميزاته اذن ، وارجو ان تكون الدراسة منصفة وموثقة بالارقام ان امكن ولوكانت هناك مراجع يمكن الاطلاع عليها بالتفصيل .

ممكن حضرتك تبدأ هنا.

و لو حضرتك لقيت له مميزات فأرجو أن تفيدنا بها بس أرجو إنها ما تكونش العبارة المشهورة بتاعة الناصريين إنه "أنقد مصر من الجفاف" أو "من الفيضان" لأن مصر كانت موجودة لملايين السنين و المصريين عاشوا فى وادى النيل لآلاف السنين قبل عبد الناصر ولا هم ماتوا من العطش و لا غرقوا.

شارك هذه المشاركه


رابط المشاركه
شارك

عزيزى الأستاذ Mohammad .... طبعا كان لايمكن أن تلاحظ أن الأستاذ maksoof قد ذكر فعلا فوائد السد العالى

فوائد السد العالى

. توليد الكهرباء حيث أنه كان من المقرر أن يولد 2.1 جيجاوات و هو ما كان يمثل 55% من الطاقة المولدة فىمصر عام 1976 إلا أنه لم ينتج الطاقة المرجوة فى ذلك الوقت و ذلك بسبب إنسداد مداخل التوربينات بالطمى (و قد تم إصلاحها فيما بعد)

و فى التسعينات إزدادت محطات الكهرباء الحرارية المنشأة فى مصر إلى 16.6 جيجاوات فأصبح السد العالى يساهم بأقل من 13% منها و ستنقص هذه النسبة إلى 8% بحلول عام 2010 حيث سيتزداد المحطات الحرارية إلى 26 جيجاوات.

أو بمعنى آخر كان من الممكن إنشاء محطات حرارية لتؤدى نفس الغرض بتكلفة أقل.

2. إنشاء صناعة سمكية فى بحيرة ناصر. إلا أن هذا المشروع أثبت أنه باهظ التكاليف لضرورة تجميد و نقل الأسماك للمناطق الشمالية.

وطبعا لك حق فعلا لا تلاحظها ، فهى فى الحقيقة تافهة جدا ، ولا تستحق أن نرتمى فى أحضان روسيا ونفقد الديمقراطية والحرية على ضفاف بحيرة ناصر من أجل توليد طاقة كهربائية بطاقة محطة حرارية متوسطة ، ولن أقول محطة نووية ... ، وشوية سمك كان صيادى عزبة البرج بدمياط يصطادون أضعافها ، وبعد بناء السد وتوقف مياه الفيضان ، قفلت بيوت الصيادين فى عزبة البرج ، وشكر للسد العالى .

توجد فائدة أخرى لا أعرف معناها وهى " تحويل النظام الزراعى من نظام رى الحياض إلى الرى الدائم !! " وأكيد فيه أحد المدافعين عن ناصر سوف يدخل ويذكر هذه الفائدة فقلت الأفضل أحرقها له :angry: .

ومن عيوب السد أن وضعنا تحت رحمة إسرائيل ، فلو غضبت علينا إسرائيل ، فبإمكانها بسهولة تفجير السد العالى فتنتهى مصر التى جاهد أبنائها لتبقى منذ أن بناها الفراعنة أجدادنا وحتى الآن لم يمسسها ضرر . وقد هدد أحد القادة الإسرائليين بذلك مما إرتعدت له فرائص الحكام فى مصر لأنهم يعرفون خطورة ذلك على مصر .

شارك هذه المشاركه


رابط المشاركه
شارك
فوائد السد العالى

ربما نسيتم ذكر احد اهم فوائد بناء السد العالى على الاطلاق, وهى:

اغراق احد اهم الحضارات الانسانيه فى العالم (الحضاره النوبيه), وتهجير شعب استوطن فيها منذ الالاف السنين(النوبيون)

وبذلك تخلص - هو يعتقد ذلك - عبد الناصر من احد الهويات الثقافيه والجغرافيه الغير عربيه

وتفرغ لفرض العروبه على من تبقى منهم ونعتهم ووصفهم بالعرب, بعد تغيير اسم مصر ازالته وتحويله الى

العربيه المتحده ثم تحولها مره اخرى الى مصر العربيه!!!

شكرا للاخ/a7d على مجهوده الوافر وعلى معلوماته القيمه.

شارك هذه المشاركه


رابط المشاركه
شارك

ومن عيوب السد أن وضعنا تحت رحمة إسرائيل ، فلو غضبت علينا إسرائيل ، فبإمكانها بسهولة تفجير السد العالى فتنتهى مصر التى جاهد أبنائها لتبقى منذ أن بناها الفراعنة أجدادنا وحتى الآن لم يمسسها ضرر . وقد هدد أحد القادة الإسرائليين بذلك مما إرتعدت له فرائص الحكام فى مصر لأنهم يعرفون خطورة ذلك على مصر .

هل من الممكن أن أعرف ماذا سيحدث لو تم تفجير السد العالى؟

وهل من الممكن مثلا أن نزيل السد العالى ولو تدريجيا ؟ وكيف نتحكم في الفيضانات بعدها وكيف يتم تعويض نقص المياة في غير وقت الفيضان؟

هذه الأسئلة ليست ضد أو مع السد العالي بقدر ما هي لتكوين صورة حقيقية

شارك هذه المشاركه


رابط المشاركه
شارك

لم يتناول احد هذا الموضوع من قبل بهذه الطريقه

واول مره اسمع هذه المعلومات واظن انها منطقيه جدا

وعايز اعرف طيب ليه الهيصه والزمبليطه الي كان عملينها الناصريين

بس اسال اكيد ليه فوايد - ولو كان دون فوائد كان تكلم المتخصصين واصحاب الراي من الصالحين في البلد

ياريت حد يرد علي كلامك

عشان اطمن واحس ان السد العالي مناره في مصر

ولو كان كلامك ملهوش رد هاكون مبسوط جدا

عشان لو اسرائيل قالت هاضرب السدالعالي يبقي الواحد مطمئن

شارك هذه المشاركه


رابط المشاركه
شارك

وهل من الممكن مثلا أن نزيل السد العالى ولو تدريجيا ؟ وكيف نتحكم في الفيضانات بعدها وكيف يتم تعويض نقص المياة في غير وقت الفيضان؟

الفيضانات يا أستاذ صبح دورة من دورات الطبيعة اللى بتجدد خصوبة الأرض بالإضافة للحاجات التانية اللى ذكرتها (الإحتفاظ بمستوى الدلتا أعلى من البحر - غسل الأملاح - نقل المواد الغذائية للأسماك فى البحر - معادلة ملوحة البحر) فالتحكم فيها خطأ. يعنى الله سبحانه و تعالى خلق الفيضانات و الجفاف لأسباب هو أعلم بها و إن كنا عرفنا بعضها. و زى ما قلت الناس عاشت آلاف السنين فى وادى النيل و ما كانش فيه أى مؤشرات إن الحياة فيه كانت حتنتهى من غير السد العالى.

ولو كان دون فوائد كان تكلم المتخصصين واصحاب الراي من الصالحين في البلد

اللى إتكلموا راحوا ورا الشمس لأن وقتها "اصحاب الراي من الصالحين في البلد" كان عبد الناصر بيسميهم خونة و رجعيين و مرتزقة ... إلى آخر الكلام ده اللى لسه الناصريين بيرددوه لغاية دلوقت. و طبعا اللى بيهتف لعبد الناصر كان هو الوطنى اللى يستحق كل خير.

و عموما لما المتخصصين حاولوا يشرحوا له الأضرار لم يفهمها لأن عقليته و مستوى تعليمه ما كانوش يسمحوله إنه يفهم . فعبد الناصر لم يحصل إلا على التوجيهية و بعدها قضى 6 شهور عشان يتعلم صفا و إنتباه.

شارك هذه المشاركه


رابط المشاركه
شارك

ومن عيوب السد أن وضعنا تحت رحمة إسرائيل ، فلو غضبت علينا إسرائيل ، فبإمكانها بسهولة تفجير السد العالى فتنتهى مصر التى جاهد أبنائها لتبقى منذ أن بناها الفراعنة أجدادنا وحتى الآن لم يمسسها ضرر . وقد هدد أحد القادة الإسرائليين بذلك مما إرتعدت له فرائص الحكام فى مصر لأنهم يعرفون خطورة ذلك على مصر .

و فعلا .. أول ما مبارك قال إن عملية قانا بتهدد عملية السلام واحد إسرائيلى علق فى جريدة هاآرتس بالآتى:

If Egypt joint this war make sure you give all the Egyptian a bath of their life by opening their Aswan Dam, that should wake them up from their dream.

"لو شاركت مصر فى هذه الحرب فاعطوا المصريين حمام عن طريق فتح سد أسوان فهذا كفيل بأن يوقظهم من حلمهم"

و يا فرحة الناصريين و الإسرائيليين بعبد الناصر!

الوصلة

(Talkback # 6)

شارك هذه المشاركه


رابط المشاركه
شارك

ومن عيوب السد أن وضعنا تحت رحمة إسرائيل ، فلو غضبت علينا إسرائيل ، فبإمكانها بسهولة تفجير السد العالى فتنتهى مصر التى جاهد أبنائها لتبقى منذ أن بناها الفراعنة أجدادنا وحتى الآن لم يمسسها ضرر . وقد هدد أحد القادة الإسرائليين بذلك مما إرتعدت له فرائص الحكام فى مصر لأنهم يعرفون خطورة ذلك على مصر .

هل من الممكن أن أعرف ماذا سيحدث لو تم تفجير السد العالى؟

وهل من الممكن مثلا أن نزيل السد العالى ولو تدريجيا ؟ وكيف نتحكم في الفيضانات بعدها وكيف يتم تعويض نقص المياة في غير وقت الفيضان؟

هذه الأسئلة ليست ضد أو مع السد العالي بقدر ما هي لتكوين صورة حقيقية

السد العالى سد ركامى لا بنيان فيه الا الكوبرى التى تسير عليه السيارات ... فالمنطقه معروف عنها انها منطقه زلازل لانها بجوار حزام انفلاق البحر الاحمر المتميز ومن ثم تم بناء السد العالى على هيئه كوم كبير من ركام الصخور والرمال تم ردمه فوق ستارة خراسنه تمتد 150 مترا اسفل قاع النيل ويتم حقنها كل فترة بنوعيه معينه من الاسمنت

والسد العالى يستحمل زلزالا بقوة 8 على ميزان ريختر

واذا كانت مصر تحت رحمه اسرائيل بسبب السد العالى فأعتقد انها ايضا تحت رحمه مصر بسبب مفعل ديمونه .... وقد حاولت اسرائيل ارهاب مصر عام 1973 بضرب لسد العالى بقنبله نوويه فكان رد مصر حاسمه بضرب احد المواقع العسكريه الاسرائيليه فى منطقه النقب بصاروخ مصرى اطلق من وادى حوف بحلوان ... ففهمت اسرائيل الرساله

شارك هذه المشاركه


رابط المشاركه
شارك

السد العالى سد ركامى لا بنيان فيه الا الكوبرى التى تسير عليه السيارات ... فالمنطقه معروف عنها انها منطقه زلازل لانها بجوار حزام انفلاق البحر الاحمر المتميز ومن ثم تم بناء السد العالى على هيئه كوم كبير من ركام الصخور والرمال تم ردمه فوق ستارة خراسنه تمتد 150 مترا اسفل قاع النيل ويتم حقنها كل فترة بنوعيه معينه من الاسمنت

والسد العالى يستحمل زلزالا بقوة 8 على ميزان ريختر

واذا كانت مصر تحت رحمه اسرائيل بسبب السد العالى فأعتقد انها ايضا تحت رحمه مصر بسبب مفعل ديمونه .... وقد حاولت اسرائيل ارهاب مصر عام 1973 بضرب لسد العالى بقنبله نوويه فكان رد مصر حاسمه بضرب احد المواقع العسكريه الاسرائيليه فى منطقه النقب بصاروخ مصرى اطلق من وادى حوف بحلوان ... ففهمت اسرائيل الرساله

السد العالى فيه محطة توليد كهرباء. المقطع بتاعها زى اللى فى الصورة

GenXsec.jpg

و لو قنبلة إنفجرت فى ال Intake structure أو فى ال Draft tube فغالبا ده سيكفى لعمل ثغرة فى السد تؤدى الغرض. (و مش لازم تكون قنبلة نووية)

و ال 150 متر خرسانة أسفل قاع النيل (حتى لو كان الكلام ده صحيح) لن تجدى بشيئ لو حصل ثغرة فى السد

و فى الحقيقة أنا أول مرة أسمع إن مصر ضربت العمق الإسرائيلى بصاروخ (بالرغم من إنى كنت فى الجيش الثالث الميدانى اللى عبر القناة فى حرب 73) لأن على حسب علمى صواريخ الظافر و القاهر بتاعة إستعراضات عبد الناصر العسكرية كانت عبارة عن هياكل خشبية (بناء على كلام زميل لى فى الجيش كان بيعمل فى مصانع الصواريخ). و لو كانت مصر قادرة وقتها على ضرب النقب بالصواريخ ليه ما ضربناش القوات الإسرائيلية فى سيناء؟

أعتقد إننا لو حنرجع نضحك على أنفسنا -زى أيام عبد الناصر- و نقول إن إسرائيل ما تقدرش تضرب السد العالى ف 67 ستتكرر. و بصراحة أنا لا أتمنى إن الجيل الناصرى الجديد (اللى ما عاصرش عبد الناصر) يصحى على صدمة زى اللى الجيل بتاعى حصى عليها يوم ما لقينا إسرائيل -فجأة- على الضفة الشرقية للقناة بعد ما صدقنا كذب عبد الناصر إنه سيبيد إسرائيل فى 24 ساعة.

تم تعديل بواسطة maksoof

شارك هذه المشاركه


رابط المشاركه
شارك

ومن عيوب السد أن وضعنا تحت رحمة إسرائيل ، فلو غضبت علينا إسرائيل ، فبإمكانها بسهولة تفجير السد العالى فتنتهى مصر التى جاهد أبنائها لتبقى منذ أن بناها الفراعنة أجدادنا وحتى الآن لم يمسسها ضرر . وقد هدد أحد القادة الإسرائليين بذلك مما إرتعدت له فرائص الحكام فى مصر لأنهم يعرفون خطورة ذلك على مصر .

هل من الممكن أن أعرف ماذا سيحدث لو تم تفجير السد العالى؟

وهل من الممكن مثلا أن نزيل السد العالى ولو تدريجيا ؟ وكيف نتحكم في الفيضانات بعدها وكيف يتم تعويض نقص المياة في غير وقت الفيضان؟

هذه الأسئلة ليست ضد أو مع السد العالي بقدر ما هي لتكوين صورة حقيقية

السد العالى سد ركامى لا بنيان فيه الا الكوبرى التى تسير عليه السيارات ... فالمنطقه معروف عنها انها منطقه زلازل لانها بجوار حزام انفلاق البحر الاحمر المتميز ومن ثم تم بناء السد العالى على هيئه كوم كبير من ركام الصخور والرمال تم ردمه فوق ستارة خراسنه تمتد 150 مترا اسفل قاع النيل ويتم حقنها كل فترة بنوعيه معينه من الاسمنت

والسد العالى يستحمل زلزالا بقوة 8 على ميزان ريختر

واذا كانت مصر تحت رحمه اسرائيل بسبب السد العالى فأعتقد انها ايضا تحت رحمه مصر بسبب مفعل ديمونه .... وقد حاولت اسرائيل ارهاب مصر عام 1973 بضرب لسد العالى بقنبله نوويه فكان رد مصر حاسمه بضرب احد المواقع العسكريه الاسرائيليه فى منطقه النقب بصاروخ مصرى اطلق من وادى حوف بحلوان ... ففهمت اسرائيل الرساله

على فكره ديمونه قرب ينفجر لوحده و القيامه قايمه جوه اسرائيل بس هما مقالوش انه مشروع ملوش لازمه لانهم للاسف بيعرفوا و احنا لاء

شارك هذه المشاركه


رابط المشاركه
شارك

الاح مكسوف

ليس معنى انك كنت مجندا فى الجيش الثالث انك تعلم كل مادار فى المعركه .... فأنا لا اعتقد ابدا انك وانت تحارب على الجبهه مقدما اعز ما تملك كنت تدرى بأمر الرساله السريه التى ارسالها السادات الى كيسنجر توضح له انه لن يطور تقدم الجيش المصرى فى سيناء ولا بمذبحه ميناء الادبيه التى ذبح فيها شباب مصر من الجنود والضباط ذبح النعاج

شارك هذه المشاركه


رابط المشاركه
شارك

][واذا كانت مصر تحت رحمه اسرائيل بسبب السد العالى فأعتقد انها ايضا تحت رحمه مصر بسبب مفعل ديمونه .... وقد حاولت اسرائيل ارهاب مصر عام 1973 بضرب لسد العالى بقنبله نوويه فكان رد مصر حاسمه بضرب احد المواقع العسكريه الاسرائيليه فى منطقه النقب بصاروخ مصرى اطلق من وادى حوف بحلوان ... ففهمت اسرائيل الرساله]

الكلام ده خطير جدا .. و هام جدا .. و يفرح جدا جدا

فيه عند حضرتك اى وصله لموقع يدعم هذه المقوله ??!!!

شارك هذه المشاركه


رابط المشاركه
شارك

الأخ ahm_ali_baba

السادات و كيسينجر مش موضوعنا - و أنا مش بادعى إنى كنت عارف إيه اللى بيحصل بس أكيد لو كانت مصر ضربت إسرائيل داخل حدودها كان حد قال لنا الكلام ده حتى و لو كان بس لرفع الروح المعنوية. مش كده و اللا إيه؟ وواضح إن الكلام ده المقصود به هو الدفاع عن السد العالى اللى بناه عبد الناصر - يعنى حتى مافيهوش تقدير للسادات اللى -على حسب الخبر- صاروخه هو اللى وصل الرسالة لإسرائيل. لأن عبد الناصر لما مات ما كانش حيلته غير جهاز دعايه محترف الكذب و جهاز مخابرات بيتجسس على تليفونات و جوابات المصريين.

شارك هذه المشاركه


رابط المشاركه
شارك

بصراحة مش عارف قصدق مين انت خلتونى زى السكران

وعلى العموم اللى بيكرة عبد الناصر وبيكرة السادات من الجيل السابق انا بقلة انا من الجيل الحالى وبكرة مبارك يعنى ما حدش احسن من حد زى ما انت بتكرهو احنا كمان بنكرة

على فكرة السد منع التماسيح من انها تعدى :sad: , وكمان عبد الناصر هو اللى امم قناة السويس شوفتوا بقى الفجور اللى كان فية عبد الناصر كان واكسنا

يجيى فين دة من مبارك اللى بسم الله ماشاء الله مريح نفسة وشعبة مش عايز يتعبهم بيبيع اى حاجة على طول هو لسة الناس هاتشتغل وتتعب. لية يعنى احسن لهم يبقوا شحاتين اهى شغلانة مريحة بدل وجع القلب وازمة المواصلات اللى على الصبح

وعلى فكرة زى التليفونات والجوابات كانت بتتراقب متهيألى كان فى واحد اسمة رافت الهجان كان فى اسرائيل وكان كمان واحد اسمة جمعة الشوال

واكيد برضة علشان ماتزعلوش كان فى جواسيس اسرائيليين فى مصر زى عزام عزام ودة اللى انا عارفة من التليفزيون علشان ماتقولوش اية المصدر

انا بيتهيالى ان احنا برضة بنتراقب دلوقتى بس الفرق ان دلوقتى بيسبونا نقول اللى نقولة علشان عرفين مافيش رجالة تنفذ اللى بيتقال لكن زمان كانو بيمسكوهم على طول علشان كان فية رجال بتنفذ

ورجاء ياريت بدل ما نتكلم على اللى فات نتكلم احسن على الوضع الحالى واللى جاى والواقع المهبب اللى احنا عايشين فية دلوقتى

مش يبقى حكمنا العرب الجبناء عاميلن علينا سباع وعاملين لأميركا واسرائيل ارانب وانت تتكلموا فى حاجات بقالها اكتر من اربعين سنة

وربنا على الظالم والمفترى وابن الحرام ويجعلوا عامر

تم تعديل بواسطة bakeer22

شارك هذه المشاركه


رابط المشاركه
شارك

اولا انا لم افحم لا عبد الناصر ولا السادات فى الموضوع كل الذى قلته ان السد العالى سد ركامى .... هل فى هذا الكلام ما يمس السادات او عبد الناصر

ثم اضفت ان اسرائيل كانت تعلم ان تدمير السد العالى سيعنى تدمير مفعل ديمونه وان مصر اطلقت صاروجا من وادى حوف الى صحراء النقب .......... فهل فى هذا الكلام ادنى تلميح الى القاهر والظافر او عبد الناصر او السادات او التجسس على التلفيونات .............. اننى لا افهم كيف تسمح لكم انفسكم بفهم الكلام على غير مقصدة

كما انى لا افهم كيف فات عليكم ان انور السادات نفسه قال لو ضربتم فى العمق ح اضربكم فى العمق واظن انكم فاهمين كلامى كويس .... فهل يا ترى كان السادات يرى فى القاهر والظافر الذى تتحدثون عنهما كأنهما عورة او وصمه عار يجب دفنها

نعم صنعنا القاهر والظافر وانطلقا فى سماء مصر إلا ان اجهزة التوجيه لم تعمل فما هو العيب فى ذلك .... كم صاروخ فاشل انفجر فى قاعدة ناسا الجويه فى امريكا

الم تكسب مصر عمال ومهندسين شاركوا فى تصنيع تلك الصواريخ فى السنينيات ثم اصبحوا خبراء فى السبعينيات ويقومون وحتى الان بتطوير الصواريخ التى نشتريها فى مصانعنا الحربيه وبسببهم انتصر صدام فى حربه ضد ايران

ان نظرتكم بالنظارتكم السوداء على مصر عبد الناصر تعميكم ( وانا اعتذر لهذا الوصف ) عن رؤيه ان صواريخ عبد الناصر الفرنسيه الصنع قد اغرقت المدمرة ايلات والغواصه الاسرائليه داكار والتى ترفض مصر حتى الان تحديد موقع غرقها لاسرائيل كما ان صواريخ عبد الناصر المضادة للطائرات هى التى حمت قواتنا فى العبور العظيم يا اخ مكسوف ... طبعا هو لم يصنعها بل وفقه الله فى شراءاها وتدريب ابناء الفلاحين عليها فأصبحوا بحمد الله مقاتلين اشداء حققوا نصرا غاليا واخذوا بثأر شهدائنا

لقد كانت مصر تمتلك ياسيد مكسوف صواريخ سوفيتيه الصنع اسمها فروج وقد اطلقت مصر صاروخا فى صحراء النقب لترسل رساله الى اسرائيل مغذاها لو ضربتم فى العمق سنضربكم فى العمق ... وقالها لهم السادات بنفسه فى خطبته وقد سألت بنفسى حد رجال المخابرات وانا لست فى حل ان ابوح بأسمه عن مغزى تعبير واظن انكم فاهمين كلامى كويس فقال ان مصر اطلقت صاروخا عى صحراء النقب ليبين لاسرائيل قدرتنا على الوصول الى عمقها ....

والحمد لله فقد فهمت اسرائيل الرساله ولم تقم بأى غارة فى العمق المصرى لا قبل الثغرة ولا بعدها

وان شئتم تصديقى صدقونى ولكن لا تكذبونى حتى تبحثوا وتتيقنوا مما قلته

----------------------------------------------------------------------------------------------------

استاذ حورس فى السياسه اشياء كثيرة غير معلنه لان اعلانها قد يسبب اضرارا جسيمه .... ولعل اقرب مثال لذلك هو

من يهرب الاسلحه الى حماس عبر انفاق سيناء

ولماذا لم تعلن مصر عن تدمير الغوصه الاسرائيليه داكار

ولماذا لم تعلن اسرائيل ان المدمرة ايلات هى نفسها المدمرة المصريه ابراهيم التى تم أسرها عام 1956

ولماذا لم تعلن مصر انها امدت صدام بالكيماوى والبيلوجى

ا

----------------------------------------------------------------------------------------------------

ومن قال ان السادات لم يكن يتجسس على التليفونات وبلدة فى حاله حرب والله ان لم يفعلها ليكون من اعداء هذا الشعب ولكنه فعلها ولم يلغيها ابدا ولا نسينا كبف وقف النبوى اسماعيل ومن بعدة زكى بدر يهددان فؤاد سراج وبعض اعضاء مجلس الشعب بنشر ما سجلوة عليهم

-----------------------------------------------------------------------------------------------------

السد العالى سد ركامى لا يمكن تدميرة ومحطه توليد الكهرباء لا تقع فى جسم السد نفسه بل على قناة فرعيه

تم تعديل بواسطة ahm_ali_baba

شارك هذه المشاركه


رابط المشاركه
شارك

ولماذا لم تعلن اسرائيل ان المدمرة ايلات هى نفسها المدمرة المصريه ابراهيم التى تم أسرها عام 1956

ابراهيم الاول اسرائيل سمتها حيف على ما اعتقد فهل هى نفسها التى اغرقها المصريون فى عمليه ايلات???

شارك هذه المشاركه


رابط المشاركه
شارك
The intelligence we needed to provide us accurate target site information was derived from "'company" sources, including a Mafia-owned, CIA employed construction company out of Massachusetts in Egypt at the time on an "arranged" contract to help the Russians build the dam using mostly Egyptian labor. Strange bedfellows, I thought at the time, but perhaps necessary to got the job done. If the mob men got it right we'd be honing in on a location about four hundred yards from the fence that surrounded the hydroelectric station with its six huge water tunnels and we would have in hand the blueprints needed to place the device for maximum destructive results.

At the time I thought nothing about the potential loss of lives and widespread contamination downstream where millions of Egyptians lived.

بسم الله الرحمن الرحيم

و جدت على الانترنت موقع لاحد افراد القوه الخاصه رقم 6 تبع ال جيش الامريكى فى الستينات :P

الراجل بيحكى عن تدريبات سنه 1964 لضرب السد العالى بقنبله نوويه صغيره الحجم :ph34r:

و بيقول لولا ان الخريطه السياسيه فى المنطقه اتغيرت ماكانتش الخطه دى اتركنت على جنب !!!!

بيقول التاثير كان هيكون رهيب ... مش بس تدمير السد و اغراق مصر .....

لا كمان التلوث الاشعاعى للمياه هيسبب حرمان مصر من المياه لفتره لا يعلمها الا الله !!!!!!!!!!!!!!!!!!!!!!!!!!!!!

قريت قبل كده ان الغرض الرئيسى من مشروع توشكى هو تصريف المياه اللى فى بحيره ناصر فى حاله لو السد تعرض للضرب

ساعتها يبقى فيه رجاله بتفكر برضه ... و بتعمل اللى فيه الصالح ...حتى مع ان معظم الناس بتسب فى اللى عمل توشكى و اللى جابو توشكى

الرابط

تم تعديل بواسطة Horus

شارك هذه المشاركه


رابط المشاركه
شارك

أستاذ على بابا ... أشكرك على الرد

أنا درست نبذه عن تصميم السد فى كليه الهندسه - و أعرف انه سد ركامى

بس هذا لا يمنع امكانيه تدمير و لو جزء فيه و سيترك الباقى لضغط المياه الرهيب خلف السد

الموضوع فعلا محتاج دراسه لناس متخصصه

و اذا كان توليد الكهرباء يمكن الاستعاضه عنه بالمحطات الحراريه ....

و اذا كان يمكن انشاء سلسله من السدود تقوم بعمل الخزانات .... حتى لو بتحويل المسار كليه من الصحراء مثلا ...

المهم مانديش فرصه لأولاد الافاعى دول يضربونا منها ...

كلنا يا اساتذه بنفكر من منطلق واحد ... هو الخوف على البلد و القلق على مستقبلها من التواكل او الافراط فى التفاؤل

شارك هذه المشاركه


رابط المشاركه
شارك

انشئ حساب جديد او قم بتسجيل دخولك لتتمكن من اضافه تعليق جديد

يجب ان تكون عضوا لدينا لتتمكن من التعليق

انشئ حساب جديد

سجل حسابك الجديد لدينا في الموقع بمنتهي السهوله .

سجل حساب جديد

تسجيل دخول

هل تمتلك حساب بالفعل ؟ سجل دخولك من هنا.

سجل دخولك الان


×