اذهب إلى المحتوى
محاورات المصريين

أجمل ما قرأت في شعر العامية المصرية


المدهش

Recommended Posts

أجمل ما قرأت في شعر العامية المصرية .. رباعيات صلاح جاهين..

وأجمل ما قرأت في الرباعيات..

لا تجبر الانسان ولا تخيره

يكفيه ما فيه من عقل بيحيره

اللي النهاردة هيطلبه ويشتهيه

هوه اللي بكرة هيشتهي يغيره

وأجمل ما قرأت لفؤاد حداد المسحراتي

وأجمل ما قرأت للأبنودي.. رسائل فاطمة عبد الغفار لحراجي القط

وأجمل ما قرأت لأحمد فؤاد نجم "شحاتة المعسل"..

وأجمل ما سمعت من سيد حجاب ..مقدمات معظم مسلسلاته وخصوصاً "أربيسك..الشهد والدموع..ومين ما يحبش فاطمة"..

ترى ما أجمل ما قرأت في شعر العامية؟

رابط هذا التعليق
شارك

pic4.jpg

هتجن يا أخونا يارتني مارحتش لندن والا باريس

امير الزجل.....

سليل الصياعه

ربيب الضياعه

الاستاذ الكبير ....بيرم التونسي

قال: إيه مراد ابن آدم؟

قلت له: طقه

قال: إيه يكفي منامه؟

قلت له: شقّه

قال: إيه يعجّل بموته؟

قلت له: زقه

قال: حـد فيها مخلّد؟

قلت له: لأه

قال لي: ما دام ابن آدم بالصفات دي

نويت أحفظ صفات ابن آدم كل ما اترقى

للمزيد....بيرم التونسي

يامصر... يامصر...يامصر

ياااااااااااااااااااااااااااااامصر

رابط هذا التعليق
شارك

واضح يا خضر إنك شاعر جميل أو على الأقل غاوي شعر..نسيت أشكرك على قصيدة حبلى..والآن أشكرك على موقع بيرم التونسي ..ويا ريت لو ليك أشعار خاصة ترسلها لي لأقرأها ولك كل الحب.

رابط هذا التعليق
شارك

واضح يا خضر إنك شاعر جميل أو على الأقل غاوي شعر..

ياعم المدهش ربنا يخليك ويطرح البركه فيك

اخوك المسكين لا هو شاعر ولا حاجه

لكن بصراحه وجودي وسط كل هذه الزهور والورود في ذلك المنتدي

هي التي جعلتني احس بالكلمه ومعناها

وجعلتني اتذوق.... لا....اكل كلماتكم وشعركم وقصائدكم

ربنا يبارك فيكم انتم

ويجعلكم جميعا خير قدوه لنا جميعا

013.gif

يامصر... يامصر...يامصر

ياااااااااااااااااااااااااااااامصر

رابط هذا التعليق
شارك

الاخوه المهتمين ومحبى اشعار العاميه المصريه

اهديكم هذا الديوان لاحد شعراء العاميه الشباب

وبعيدا عن انه صديق شخصى

وبعيد ا عن انه حصل على جوائز عديده فى مجال شعر العاميه

فانى ادعوكم لقراءته ومناقشته

http://www.shopash.8m.com/Shopash.htm

البحر مش قدى

فـ الإنتظار والبوح

ولا ذروة الفوران

واقف على شطه الحزين

صدعت كل الودع

بوشوشات الأمانى

ضج الودع منى

هجر الشطوط

وفتنى غرقان فـ انتظارى

رابط هذا التعليق
شارك

لا بجد ياصديقي خضر ..إحساسي بيقول إنك بتكتب على الأقل محاولات لكن مدكن أو لأنك شخص خجول فأنت لا تطلعنا عليها ..وإن لم تكن تكتب الشعر أو القصة أو حتى الخواطر وهذا مستبعد تماما بالنسبة لاحساسك العالي بالكلمات واختياراتك في القصائد والمداخلات ..فأنت صاحب ذوق راقي وجميل..يسعدني ويشرفنى التحاور معك..ولك مني جزيل الشكر.

رابط هذا التعليق
شارك

أشكرك يا ابن بلد يا أصيل على هذه الهدية القيمة ..أشعار صديقك الموهوب بجد محمود عبد الباسط..إنه شاعر حقيقي مثقف ومهموم بالوطن وله لون وصوت خاص في الشعر لايقلد أحداً و لا يحصر نفسه في القاموس الشعري السائد..ويبدو أنه خريج كلية الآثار ..أو على الأقل مهتم بمصر القديمة وخصوصاً في العصر الفاطمي..والقاهرة القديمة ومفرداتها ومشاهدها حاضرة في معظم قصائده..تحياتي للشاعر الكبير محمود عبد الباسط وتحياتي لك يا ابن بلد ياجميل.

رابط هذا التعليق
شارك

من اجمل ما قرات من شعر العامية المصري بجوار الفطاحل الذين ذكرهم الغالي خضر ومدهش المدهش في مواضيعه وكلماته ؛؛ الكاتب الساخر "عباس الاسواني" وهو والد الاديب - علاء الاسواني - صاحب القصه الاشهر في مصر حاليا "عمارة يعقوبيان"

عباس الاسواني مؤلف وشاعر عامي له مؤلفات كثيرة منها "المقامات الاسوانية" و"عائد من الاخرة" وطبعا بعض المسلسلات الاذاعيه القديمه ومنها ما لا ينسى مثل "شنطة حمزة"

عباس الاسواني كان من عشاق الكلام والكلمه وكما قال (ليس له في حب الكلام ثان)

من كتاباته بعنوان {سارتر يرتدي الجلابية ؛؛ويتكلم العامية}

اقتبس بعض كلماته

وفجأة ابصرت سارتر امامي فكدت افيق من منامي

فقلت له "بون سوار " لاننا في الليل لا في النهار

فقال الكاتب المشهور وانا برؤيته مسحور

مساء الخير في لغة عربية فصيحة ،،،قاهرية مليحة

فتملكتني اندهاشة ،،، وسألته في بشاشة

هل تعرف اللغة العربية ؟؟ قال ؛؛؛ والبس قبل النوم جلابية

لانها من ناحية الصحة والسلامه ؛؛؛افضل من البيجاما

ومن اشعارة في وصف احدى المناديات بالمساواة بين الرجل والمرأة

ياشر اصناف النساء

وسر احزان البرية

تبغين اخضاع الرجال

لحكم نظلة وبهيه

من نحن ؟؟!! ابطال الحمى !!

ام نحن خرفان الوسية

إن العدالة تقتضي

منح التساوي لا الاذية

ومن كتاباته في وصف ما يحدث في المصايف

على الشواطيء جماعه تلعب سوا وتعوم

وتحط جوة الكابينه ؛؛؛ البيرة ويا الروم

وتمز تحت الشماسي بالمشوي والمفروم

وتعاكس اللي قوامها بين النسا مبروم

اللي عيونك عليها وهي ماشية تحوم

واللي بتلبس "بتاعه" ؛؛ مقطعه وبخروم

تلهب خيال الفتوة ،،، والعاجز المحروم

واللي ضربها طبنجه ؛؛؛ وقال لنفسه قوم

متع حياتك وسيبك ،،، عامت ،،معاها تعوم

الهم ما لهوش نتيجه ،، والفكر ماله لزوم

ومن اجمل ما قال عن الفلافل

لولا الفلافل ما ضاعت لنا همم

ولا تعلم منا الذل ابناء

ولا مشينا كافراد القطيع لنا

حشو البطون ؛؛؛ وللاذهان الغاء!

مبلمين على افكارنا حجب

وفي الجسوم تلابيك واعياء

تم تعديل بواسطة yasovinas

Yasso.gif

رابط هذا التعليق
شارك

الغرام في الدم سارح

و الهوى طارح معزه

و الحنين للقرب بارح

و النوى جارح

يا عزه

يا ابتسامه فجر هلت

بددت ليلي الحزين

يا ندى الصبح اللي سأسأ

فوق خدودي الدبلانين

بل شوقهم

صحى لون الورد فوقهم

كل خد و شم ورده

مين يدوقهم

غيرك انتي

و مين سواكي

يا حياتي يا ملاكي

يا نسيم الحب لما هب

هز القلب هزه

يا هوي الأحلام يا عزه

***

الليلادي جم حدوني يا ملاكي

جوز تنابله و نص دسته من التيران

كنت باحلم يا حبيبتي

كنت باحلم

بيكي انتي

كنا قال

انا و انتي قال

في جنينه خضرا

و محاوطها البرتقال

و السيسبان

و انتي جوه قرنفلايه

بالعبير بتستحمي

اجري يمك يا هوايا و تجري يمي

احضنك و اشرب عبيرك

من شفايفك

و الغصون واقفه و شايفه

بتراعينا بس خايفه م العيون

و العيون بتقول كلام

و الكلام طاير حمام

بينادينا بالأغاني

و يهادينا بالسلام

كنت باحلم يا حبيبتي

كنت باحلم بيكي انتي

ايوه انتي

و مين سواكي

يا حياتي يا ملاكي

يا نسيم الحب لما هب

هز القلب هزه

يا هوى الأحلام يا عزه

**

و انطلق في الفجر فجأه صوت مفاجاة

صوت يخلي الدم يجمد

اصحى يا احمد

اصحى يا احمد

و انتهى الحلم الجميل

و ابتدا الهم التقيل

-فين امام

-انتوا مين

-احنا ناس مكلفين

تيجي سالك مش هاتتعب

و احنا طبعا معذورين

-انتوا دود الأرض و الأفه المخيفه

انتوا ذره رمل في عيون الخليفه

انتوا كرباج المظالم

و المآسي

انتوا عله في جسم بلدي

انتوا جيفه

-سكتوه ابن الكلاب

سففوه من التراب

فتشوا كل الأماكن

طلعوا رفوف الدولاب

***

كمموني يا حبيبتي

كتفوني يا حبيبتي

قوموني...قعدوني

كل شعره في جسمي بالعين فتشوها

المخده من جنانهم شرحوها

و انتهى التفتيش مافيش

صدقيني ما تخافيش

هو في يا عزه عندي ممنوعات

غير باحب الناس

و باكره السكات

***

بص واحد م التنابله

جوا عيني

و انتي عارفه

عنيه صافيه زي كل عيون بلدنا يا حبيبتي

شباكين ع القلب دوغري موصلين

***

كان مناه يلمح علامه خوف بسيطهطب حاييجي الخوف منين ابن العبيطه

هو مين فينا الجبان ولا مين فينا اللي خان

اللي قــلبه بالمحبهو بالأماني

بالربيع لاخضر مزهر

و الأغاني

ولا كلب الصيد و اسياده الأباطره

اكالين لحم البشر فوق الصواني؟

هو مين فينا الجبان ولا مين فينا اللي خان

هو بص في عيني بصه ارتجف و في حلقه غصه

و اتعوج و مال وقال

جملتين مش مفهومين

اصله شاف صورتين جمال

في العيون الطيبين

مصر في العين الشمال

و انتي في العين اليمين

***

1972

هذه القصيده من اجمل ما قراتوليست اجمل ما قرأت فى شعر العاميه اللى بيوصف الحب للوطن والحبيبه ودمجهم بعبقريه

انها قصيدة العبقرى أحمد فؤاد نجم عجبتكم ؟؟ اللى جايه بالنسبه ليّا احلى :wub:

كلمتين لمصر

كل عين تعشق حليوة

وإنتي حلوه ف كل عين

يا حبيبتي

قلبي عاشق

واسمحي لي

بكلمتين

كلمتين يا مصر يمكن

هما آخر كلمتين

حد ضامن

يمشي آمن

أو مآمن يمشي فين ؟

شابه يا أم الشعر ليلي

والجبين شق النهار

والعيون

بحرين أماني

والخدود

عسل ونار

واللوايي فى إبتسامتك

يحكوا أسرار المحار

يا للي ساكنه القصر عالي

إمتى يهنا لي المزار

كلمتين يا صبيه

طال على الانتظار

كلمتين يا مصر يمكن

هما آخر كلمتين

حد ضامن

يمشي آمن

أو مآمن يمشي فين

قصرك المسحور غيلانه

أغبي من دود الغيطان

بعد مص الغصن لاخضر

ينحتوا عضم العيدان

وإللى خلا الارض خضرا

وإللى خلا الدار أمان

عاش بجوعه ملو جوفه

مات بخوفه م الغيلان

روح الغلبان ما قالشي

عن شقا العمر إللى كان

كلمتين لمصر يبقوا

هما آخر كلمتين

حد ضامن يمشي آمن

أو مآمن يمشي فين

آدي كلمه من عذابي قلتها لك

باقي كلمه

من حنيني صنتها لك

فى الضلوع من دنيا ظالمه

كنت خايف يلمحوها

يقتلوها ف سكه ضلمه

شقشقت والنور بشاير

زهرة الصبار يا سلمى

يا نسيم الشوق يا طاير

خد لمصر الصبح كلمه

طول ما يبقي الركب ساير

بالبصاير والعنين

يبقي ضامن

يمشي آمن

يبقي شايف

يمشي فين

سجن شبين القناطر / 1973

كم هو رائع هذا الشاعر

تم تعديل بواسطة هشام الجنيدى

انما الامم الاخلاق ما بقيت .............. فان همو ذهبت اخلاقهم ذهبوا

...................................................................!

وعلمتنى الحياه اضحك لأحبابى

واضحك كمان للعدو علشان يشوف نابى

واخده كمان بالحضن لو خبط على بابى

فيحس انى قوى وميشفش يوم ضعفى.......

قناتى ع اليوتيوب ....

صفحتى ع الفيس بوك .....

رابط هذا التعليق
شارك

لا ادرى كيف فاتنى مثل هذا الموضوع الرائع وهذه الاختيارات المنتقاه بعناية

الرباعيات اعتبرها شخصيا علامات ساعدتنى فى اختيارات هامة جدا فى حياتى

كتاب تعليمى به الكثير من الحكمة والكثير من المرارة وواقعية مفرطة جعلتنا نجتر الحزن الف الف مرة مع صلاح جاهين

ثم يأتينا التونسى بروائعه وسلاسة لفظه واحيانا سخريته الجميله من كل ما حوله واوصافه التفصيلية لطربوش فلان ولسان علان

ليحملنا معه الى نبض الشارع المصرى وكأنما يؤرخ بحرفه لكل عاداتنا ويبروز بسخريته كل عيوب وميزات ابن آدم

ثم آل الاسوانى شعراء او كتاب والاحساس المصرى الاصيل بكل معاناة الشعب الحديثة (موش قصدى اى حاجة)

حتى فى اخضاع النساء لهم (نادرا) :wub:

والختام الرائع بالرائع احمد فؤاد نجم ربما لا اتفق معه فى كل شىء لكنى ابدا لا انكر عليه انه تميز بلسان ناقد لاذع واحساس مبهر بعشق الوطن

اكاد اجزم انهم جميعا قلبويهم تنبض اسمها وحنينهم دائما وابدا للوطن الحبيب

جميل ان ارى هذه الصحبة الرائعة اجتمعت حول اقلام تميزت ومازال بعضها يعطى ادام الله عليهم الصحة والعافية ولو سمحتولى اضيف شخص جميل مصرى حتى الثمالة

ينبض بحروف الحب والوجد ولسانه العامى علامة فى مجاله هو الرائع الابنودى

ربما يتحفظ البعض عليه لا ادرى لكن احساسه فى الحروف وصدقه الصعيدى الطيب وجزالته تثير قلبى ووجدانى واليكم بعض مم كتب

فى قصيدته الاخيرة

يـامنـــه !!

والله وشبت ياعبد الرحمن

عجزت ياواد ؟

مسرع ؟

ميتى وكيف ؟

عاد اللى يعجز

فى بلاده

غير اللى يعجز ضيف

هلكوك النسوان ؟

شفتك مره فى التلفزيون

ومره ورونى صورتك

فى الجورنان

قلت كبر عبد الرحمن !!

امال انا على كده مت

بقى لى ميت حول !!

والله خايفه ياولدى القعده تطول

مات الشيخ محمود

وماتت فاطنه اب قنديل

واتباع كرم اب غبان

وانا لسه حيه

وباين حاحيا كمان وكمان

عشت كتير

عشت لحد ماشفتك عجزت

ياعبد الرحمن

وقالولى قال خلفت

وانت عجوز خلفت ياخوى

وبنات ؟

امال كنت بتعمل ايه

طيلة العمر الفات ؟

دلوقت مافقت ؟

وجايبهم دلوك تعمل بيهم ايه ؟

على كل

اهى ريحه من ريحتك

ع الارض

يونسوا بعض

ماشى ياعبد الرحمن

اهو عشنا وطلنا منك

بصه وشمه

دلوك بس مافكرت فى يامنه

وقلت ياعمه

حبيبى انت ياعبد الرحمن

والله حبيبى وتتحب

على قد ماسارقاك الغربه

لكن ليك قلب

مش زى اولاد الكلب

اللى نسيونا زمان

حلوه مرتك وعيولاتك

والا شبهنا

سميتهم ايه

قالوا ايه ونور

ماعارفش تجبلك حتة واد

والا اقولك

يعنى اللى جبناهم

نفعونا فى الدنيا بايه

غيرشى الانسان مغرور

ولسه يامنه

حاتعيش وحاتلبس

لما جايبلى قطيفه وكستور

كنت اديتهمنى فلوس

اشترى للركبه دهان

ابا...ى

يامجلع قوى ياعبد الرحمن

طب دانا ليا ست سنين

مزروعه فى ضهر الباب

لم طلوا عليا احبا

ولا الاغراب

خليهم ينفعوا

اعملهم اكفان !!

كرمش وشى

فاكر يامنه

وفاكر الوش

اوعه تصدقها الدنيا

غش فى غش

اذا جاك الموت ياوليدى

موت على طول

اللى اتخطفوا

فضلوا احباب

صاحيين فى القلب

كان ماحدش غاب

واللى ماتوا

حته حته

ونشفوا حيين

حتى سلامو عليكو

مش بتعدى

من بره الاعتاب

اول مايجيك الموت

افتح

اول ماينادى عليك اجلح

انت الكسبان

اوعى تحسبه حساب

ولا واد ولا بت

ده زمن يوم مايصدق

كداب

سيبهاله بالحال والمال

وانفد

اوعى تبص وراك

الورث تراب

وحيطان الايام طين

وعيالك بيك

مش بيك عايشين

يوه .... يارمان

مشوار طولان

واللى يطوله عن يومه

ياحبيبى حمار

الدوا عاوزاه

لوجيعة الركبه

مش لطوالة العمر

اوعه تصدق الوانه

صفر وحمر

مش كنت جميله ياواد

مش كنت وكنت

وجدعه تخاف منى الرجال

لكن فين شفتونى

كنتوا عيال

بناتى ( رضيه ) "ونجيه "

وماتوا وراحوا

وانا اللى قعدت

طيب يازمان

اوعه تعيش يوم واحد

بعد عيالك

اوعى ياعبد الرحمن

فى الدنيا

وجع وهموم

اشكال والوان

الناس مابتعرفهاش

اوعرهم

لو حاتعيش بعد عيالك

ماتموت

ساعتها بس

حاتعرف

ايه هوه الموت

اول مايجيلك نط

لسة بتحكيلهم بحرى

حكاية فاطنه

وحراجى القط

اباى ماكنت شقى وعفريت

من دون

كل الولدات

كنت مخاوى براوى

وكنت مخبى فى عنيك السحراوى

تملى حاجات

زى الحدايه

تخوى ع الحاجه وتطير

من صغرك

بضوافرواعره

ومناقير

بس ماكنتش كداب

وادينى استنيت فى الدنيا

لما شعرك شاب

قدم البيت

اتهدت قبله بيوت

واصيل هوه

مستنينى لما انوت

حتيجى العيد الجاى

وحتشرب

مع يامنه الشاى

***

حاجىياعمه وجيت

لالقيت يامنه

ولا البيت

***

عبد الرحمن الابنودى

الجمهوريه الاسبوعى

اشكر لكم هذا الموضوع الثرى

دمتم بكل الحب

عندما تشرق عيناك بإبتسامة سعادة

يسكننى الفرح

فمنك صباحاتى

يا ارق اطلالة لفجرى الجديد

MADAMAMA

يكفينى من حبك انه......يملأ دنياى ....ويكفينى

يا لحظا من عمرى الآنى.....والآت بعمرك يطوينى

يكفينى .....انك........................تكفينى

رابط هذا التعليق
شارك

من اجمل ما قرات من شعر العامية المصري بجوار الفطاحل الذين ذكرهم الغالي خضر ومدهش المدهش في مواضيعه وكلماته ؛؛ الكاتب الساخر "عباس الاسواني" وهو والد الاديب - علاء الاسواني - صاحب القصه الاشهر في مصر حاليا "عمارة يعقوبيان"

عباس الاسواني مؤلف وشاعر عامي له مؤلفات كثيرة منها "المقامات الاسوانية" و"عائد من الاخرة" وطبعا بعض المسلسلات الاذاعيه القديمه ومنها ما لا ينسى مثل "شنطة حمزة"

عباس الاسواني كان من عشاق الكلام والكلمه وكما قال (ليس له في حب الكلام ثان)

من كتاباته بعنوان {سارتر يرتدي الجلابية ؛؛ويتكلم العامية}

اقتبس بعض كلماته

وفي الجسوم تلابيك واعياء

تعصب قبلى :wub:

_16643_mubarak-olmert-5-6-06.jpg

وَمَنْ يَتَوَلَّهُمْ مِنْكُمْ فَإِنَّهُ مِنْهُمْ إِنَّ اللَّهَ لا يَهْدِي الْقَوْمَ الظَّالِمِينَ

المائدة - 51

nasrallah1.jpg

مِنَ الْمُؤْمِنِينَ رِجَالٌ صَدَقُوا مَا عَاهَدُوا اللَّهَ عَلَيْهِ

الأحزاب - 23

رابط هذا التعليق
شارك

الغاليه ام محمد احيكي على اختيارك الرائع للجميل قلباً وقالبا الابنودي فكلامه ياتي من القلب ويصل دائما الى القلب

واتفق معك ايضا في التحفظ الشديد على احمد فؤاد نجم فانا شخصيا احب ان اقرأ له بدون ان اعرف ان ما اقرأه لهذا الانسان ؛ مش عارف ليه ؟؟؟

كليو :wub: :rolleyes: mfb: بس خلاص

Yasso.gif

رابط هذا التعليق
شارك

دى شوية كده من الأشعار العامية اللى بحبها جدا ...

يا بنات اسكندرية

مشيكم فى الزنقة دية

زنقة الستات مجالكم

فيها كل اللى فى مزاجكم

من المراية

للملاية

للطرح للجلابية

تدخل الشابة بعبلها

تترفع نسبة جمالها

بالمحزق و الملزق

تبقى تحفة المية مية

والمثل قال أى بوصة

بالزواق تبقى عروسة

و اللياقة و العياقة

طبع مخلوق فى الصبية

"من مسرحية ريا و سكينة.. سيد حجاب .. بليغ حمدى"

متتحرق بيروت و ناس بيروت و الذكريات

ميحرقوا الأطفال و شجر التوت و الأمسيات

ميحرقوها يولعوها

يدفنونا و يدفنوها

ماحنا نستاهل نتعجن

فى المعجنة و نموت

متتحرق بيروت

"الشاعر مجدى كامل عقب اجتياح بيروت"

حبيبتى من ضفايرها طل القمر

و بين شفايفها ندى الورد بات

ضحكتها بتهز الشجر و الحجر

و حنانها بيصحى الحياة فى النبات

حبيبتى بتعلمنى أحب الحياة

من حبى فيها حياتى شمس و ربيع

و الحب فى الدنيا دى طوق النجاة

لولاه يضيع قلبى المحب الوديع

يا حلوة يا بلدنا .. يا نيل سلسبيل

بحبك انتى رفعنا راسنا لفوق

لو الزمن ليل .. ما يرهبنا ليل

شوقنا فى عروقنا يصحى شمس الشروق

"سيد حجاب ... عمار الشريعى"

انا رحت القلعة و شفت ياسين

حواليه العسكر و الزنازين

و الشوم و البوم ..

و كلاب الروم ..

يا خسارة يا أزهار البساتين

عيطى يا بهية على القوانين

"أحمد فؤاد نجم"

فى الصبح نشرب قهوتنا

فى الضهر نحلم فين بيتنا

فى الليل نكرر قصتنا

زى اصحابنا

زى القعدة مع حواديتنا

زى الحزن السارق منا

هنا غنوتنا

مهو لازم

نكرر

و نكركر

و نموت من الضحك

"مجدى نجيب "

سلملى ع الحلوة و على غنوة قالتهالى

فاتت عليها سنين و لسه اللحن فى بالى

سلملى ع الصحبة و ع السهيرة و فلوكة

ماشية فى وسط النيل تغنى و المزاج عالى

سلملى ع الحكايات من الجدات و ع البراويز

سلملى على ساعة العصارى و ضحكة العواجيز

سلملى على مكنة خياطة قديمة فى لاظوغلى

سلملى على طبقين كريم كاراميل طعمه لذيذ

"أحمد حداد "

مهيب

<span style='font-size:14pt;line-height:100%'>حين يصبح التنفس ترفـاً .. و الحزن رفاهية .. والسعادة قصة خيالية كقصص الأطفال</span>

رابط هذا التعليق
شارك

فى قصيدته الاخيرة

يـامنـــه !!

والله وشبت ياعبد الرحمن

عجزت ياواد ؟

مسرع ؟

ميتى وكيف ؟

عاد اللى يعجز

فى بلاده

غير اللى يعجز ضيف

هلكوك النسوان ؟

شفتك مره فى التلفزيون

ومره ورونى صورتك

فى الجورنان

قلت كبر عبد الرحمن !!

امال انا على كده مت

بقى لى ميت حول !!

والله خايفه ياولدى القعده تطول

مات الشيخ محمود

وماتت فاطنه اب قنديل

واتباع كرم اب غبان

وانا لسه حيه

وباين حاحيا كمان وكمان

عشت كتير

عشت لحد ماشفتك عجزت

ياعبد الرحمن

وقالولى قال خلفت

وانت عجوز خلفت ياخوى

وبنات ؟

امال كنت بتعمل ايه

طيلة العمر الفات ؟

دلوقت مافقت ؟

وجايبهم دلوك تعمل بيهم ايه ؟

على كل

اهى ريحه من ريحتك

ع الارض

يونسوا بعض

ماشى ياعبد الرحمن

اهو عشنا وطلنا منك

بصه وشمه

دلوك بس مافكرت فى يامنه

وقلت ياعمه

حبيبى انت ياعبد الرحمن

والله حبيبى وتتحب

على قد ماسارقاك الغربه

لكن ليك قلب

مش زى اولاد الكلب

اللى نسيونا زمان

حلوه مرتك وعيولاتك

والا شبهنا

سميتهم ايه

قالوا ايه ونور

ماعارفش تجبلك حتة واد

والا اقولك

يعنى اللى جبناهم

نفعونا فى الدنيا بايه

غيرشى الانسان مغرور

ولسه يامنه

حاتعيش وحاتلبس

لما جايبلى قطيفه وكستور

كنت اديتهمنى فلوس

اشترى للركبه دهان

ابا...ى

يامجلع قوى ياعبد الرحمن

طب دانا ليا ست سنين

مزروعه فى ضهر الباب

لم طلوا عليا احبا

ولا الاغراب

خليهم ينفعوا

اعملهم اكفان !!

كرمش وشى

فاكر يامنه

وفاكر الوش

اوعه تصدقها الدنيا

غش فى غش

اذا جاك الموت ياوليدى

موت على طول

اللى اتخطفوا

فضلوا احباب

صاحيين فى القلب

كان ماحدش غاب

واللى ماتوا

حته حته

ونشفوا حيين

حتى سلامو عليكو

مش بتعدى

من بره الاعتاب

اول مايجيك الموت

افتح

اول ماينادى عليك اجلح

انت الكسبان

اوعى تحسبه حساب

ولا واد ولا بت

ده زمن يوم مايصدق

كداب

سيبهاله بالحال والمال

وانفد

اوعى تبص وراك

الورث تراب

وحيطان الايام طين

وعيالك بيك

مش بيك عايشين

يوه .... يارمان

مشوار طولان

واللى يطوله عن يومه

ياحبيبى حمار

الدوا عاوزاه

لوجيعة الركبه

مش لطوالة العمر

اوعه تصدق الوانه

صفر وحمر

مش كنت جميله ياواد

مش كنت وكنت

وجدعه تخاف منى الرجال

لكن فين شفتونى

كنتوا عيال

بناتى ( رضيه ) "ونجيه "

وماتوا وراحوا

وانا اللى قعدت

طيب يازمان

اوعه تعيش يوم واحد

بعد عيالك

اوعى ياعبد الرحمن

فى الدنيا

وجع وهموم

اشكال والوان

الناس مابتعرفهاش

اوعرهم

لو حاتعيش بعد عيالك

ماتموت

ساعتها بس

حاتعرف

ايه هوه الموت

اول مايجيلك نط

لسة بتحكيلهم بحرى

حكاية فاطنه

وحراجى القط

اباى ماكنت شقى وعفريت

من دون

كل الولدات

كنت مخاوى براوى

وكنت مخبى فى عنيك السحراوى

تملى حاجات

زى الحدايه

تخوى ع الحاجه وتطير

من صغرك

بضوافرواعره

ومناقير

بس ماكنتش كداب

وادينى استنيت فى الدنيا

لما شعرك شاب

قدم البيت

اتهدت قبله بيوت

واصيل هوه

مستنينى لما انوت

حتيجى العيد الجاى

وحتشرب

مع يامنه الشاى

***

حاجىياعمه وجيت

لالقيت يامنه

ولا البيت

***

عبد الرحمن الابنودى

الجمهوريه الاسبوعى

اشكر لكم هذا الموضوع الثرى

دمتم بكل الحب

---------------------------

عزيزتى بنت مصريه

انها المره الاولى التى اقرا فيها هذه القصيده الجميله

ربما اكون اكثر تاثرا بها و ادراكا لمعانيها بحكم نشاتى الصعيديه

احييك على اختيارك

ليس شرطا للموت ان يكفن الميت

ولا ان ينشر له نعيا

او ان يضعوا شاهدا على قبره

انت تموت عندما تصمت بينما كان ينبغى عليك ان تتكلم

"shinercorner"

رابط هذا التعليق
شارك

تسلم يا مهيب يا فنان يا جميل..اختياراتك رائعة ..وواضح انك ذواقة شعر وابن بلد أصيل..وعلى فكرة أشعار مسرحية ريا وسكينة هي من تأليف عبد الوهاب محمد وليس سيد حجاب.

رابط هذا التعليق
شارك

فعلا ... غلطة أعتذر عنها ... و أنا سعيد بجد بكلامك و اطراءك الرقيق قوى ده ..

<span style='font-size:14pt;line-height:100%'>حين يصبح التنفس ترفـاً .. و الحزن رفاهية .. والسعادة قصة خيالية كقصص الأطفال</span>

رابط هذا التعليق
شارك

  • بعد 4 سنة...

مشاء الله اختيارتكم رائعة نجم مبدع وخصوصا وهوا ثأر ولذالك انا حييته مرة فقلت احمد فؤاد طول عمره نجم

مهما خدوه ورموه فى السجن

لوشاف حقيقة تلقاه فى دقيقة

كلامه ينزل كأنه تبر

تبر لأنه بيهز ناس

ناس من العتوله

مش اى ناس

بكلام له معنى وزى الرصاص

معناه يا مصر امتى الخلاص

يام الغلابة كتره الديابة

والعدل فيك من الظلم لاص

رابط هذا التعليق
شارك

واحد مثلى ((له تجارب فى كتابة شعر العاميه)) صعب جدا يحدد ايه اجمل قصيده عاميه قراها .. لانى قريت كتير جدا .. واعجبت بقصايد كتيره .. ورغم انى ((تونسى )) النزعه والهوى ((نسبة الى بيرم التونسى)) .. الى انى دايما بتوقف عند قصيدة ((بلدى وحبيبتى)) بتاعة الفاجومى احمد فواد نجم .. لانها فى رايى قصيده عبقريه .. مزج فيها نجم بين حبه لوطنه وحبه لعزه ((واحده خطبها وملحقش يتجوزها بسبب اعتقاله)).. قصيده متعرفش تصنفها .. هل هى سياسه او عاطفيه .. أعتقد ان الجواب فى نهاية القصيده .. وكل واحد وله رايه

دى القصيده بالصوت والصوره

http://www.youtube.com/watch?v=ydlF158XexM

ودى القصيده كتابه

الغرام فى الدم سارح

والهوى طارح معزة

والحنين للقرب بارح

والنوى جارح يا عزة

يابتسامة فجر هلت

بددت ليلى الحزين

يا ندى الصبح اللى شقشق

فوق خدودى الدبلانين

بل شوقهم

صحى لون الورد فوقهم

مين يدوقهم

مين سواكى

يا حياتى يا ملاكى

يا نسيم الحب لما هب هز القلب هزة

يا هوى الأحلام يا عزة

ومين سواكى

الليلة دى يا حبيبتى

جم خدونى

جوز تنابلة ونص دسته من التيران

كنت بحلم يا حبيبتى

كنت بحلم بيكى انتى

ومين سواكى يا حياتى يا ملاكى

يا نسيم الحب لما هب هز القلب هزة

يا هوى الأحلام يا عزة

كنا قال انا وانتى قال

فى جنينة خضرا ومحاوطها البرتقان والسيسبان

وانتى جوا قرنفلاية فى العبير بتستحمى

اجرى يمك يا هوايا تسبقينى وتجرى يمى

احضنك واشرب عبيرك من شفايفك

والغصون واقفة شايفة بتراعينا

بس خايفة من العيون

والعيون بتقول كلام

والكلام طاير حمام

بيهادينا بالمحبة وينادينا بالسلام

وانطلق فى الجو فجأة

يا حبيبتى صوت مفاجأة

صوت يخلى الدم يجمد

اصحى ياحمد اصحى ياحمد

انتو مين؟

فين إمام ؟

احنا ناس مكلفين

تيجى سالك مش هاتتعب

واحنا طبعا معذورين

انتو دود الأرض والآفة المخيفة

انتو ذرة رمل فى عنين الخليفة

انتو علة فى جسم بلدى

انتو جيفة

سكتوه ابن الكلاب

سففوه من التراب

فتشوا كل الأماكن

طلعوا رفوف الدولاب

كممونى يا حبيبتى

كتفونى

قومونى

قعدونى

كل شعرة فى جسمى بالعين فتشوها

والمخدة من جنانهم شرحوها

وانتهى التفتيش

مافيش..صدقينى ماتخافيش

هو انا يا عزة عندى ممنوعات

غير بحب الناس واكره السكات

بص واحد من التنابلة جوا عينى

وانتى عارفة عنيا صافية وطيبين

شباكين عالقلب دوغرى منورين

كان مناه يلمح علامة خوف بسيطة

طب هاييجى الخوف منين ابن العبيطة

هو مين فينا الجبان

ولا مين فينا اللى خان

اللى قلبه بالأمانى وبالربيع الأخضر مزهر والأغانى

ولا كلب الصيد وأسياده الأباطره اكالين لحم البشر فوق الصوانى

هو بص فى عينى بصة وانحمق وفى حلقةه غصة

واتعوج ومال وقال كلمتين مش مفهومين

أصله شاف صورتين جمال

فى العيون الطيبين

مصر فى العين الشمال

وانتى فى العين اليمين

تم تعديل بواسطة التونسى

اللهم أرنا الحق حقا و ارزقنا اتباعه

و أرنا الباطل باطلا و ارزقنا اجتنابه

آمين آمين آمين

رابط هذا التعليق
شارك

اما بخصوص المبدع الرائع عبد الرحمن الابنودى كان بيقدم برنامج اسمه صباح الخير ياخال بيقدم فيه الشعراء الغير معروفين وارسلت له هذه الكلمات ولكن لم يسعدنى الحظ للوصول اليه وهى مقتبسه من اسم البرنامج وبقول فيها

صباح الخير ياخال

بدى اسئلك سؤال

انا قلبى ليه تعبنى

وكل ساعة فى حال

عدى الخمسين ولسه

بيعمل حركات عيال

اعاتبه يقوم يقوللى

اسكت بلاش جدال

ربك جميل وبيغفر

لعاشق الجمال

وانا بعشق بنت سمرا

جمالها ملوش مثال

الوجه وجه قمره

بيزينه حسن خال

وقوام لوتمشى بيهبل

ويغيظ اجدعها غزال

رمتنى بسهم عنيها

خلتنى اسير فى الحال

تركت اهلى وناسى

وعلشانها بقيت رحال

وكل بلد انزلها

فى جمالهااقول موال

-----------

يا حلو ياللى برمش العين بصتلى

ومن رمش عينك سهام الحب صابتنى

لوعيشت فى ظل حبك هتبقى الدنيا حليت لى

ولو مت من سهم عينك هتبقى الجنة حليت لى

رابط هذا التعليق
شارك

  • بعد 4 سنة...

سامحونى .. لن أعرض عليكم أجمل ما "قرأت"


من أروع ما "سمعت" .. جوابات حراجى القط للعبقرى عبد الرحمن الأبنودى


وهى خطابات من حراجى "الجوط" العامل بالسد العالى


إلى زوجته "فاطنة" احمد عبد الغفار


وجوابات "فاطنة" إلى زوجها حراجى "الجوط"


كنت "أسمعها" - وأنا طالب فى الجامعة - حلقات تذاع فى الشرق الأوسط فى ميعاد ثابت


الكلام ده أيام "الإذاعة"


 


وجدت تلك "الجوابات" كاملة فيما يقرب من ساعتين الى اليوتيوب


 


https://www.youtube.com/watch?v=vQf7HYLJ1PM


نحن فى حالة حرب لم يخض جيشنا مثلها من قبل
فى الحروب السابقة كانت الجبهة الداخلية مصطفة
تساند جيشها
الآن الجيش يحارب الإرهاب وهناك من يطعنه فى ظهره
فى الحروب لا توجد معارضة .. يوجد خونة

تحيا مصر
*********************************
إقرأ فى غير خضـوع
وفكر فى غير غـرور
واقتنع فى غير تعصب
وحين تكون لك كلمة ، واجه الدنيا بكلمتك

رابط هذا التعليق
شارك

انشئ حساب جديد أو قم بتسجيل دخولك لتتمكن من إضافة تعليق جديد

يجب ان تكون عضوا لدينا لتتمكن من التعليق

انشئ حساب جديد

سجل حسابك الجديد لدينا في الموقع بمنتهي السهوله .

سجل حساب جديد

تسجيل دخول

هل تمتلك حساب بالفعل؟ سجل دخولك من هنا.

سجل دخولك الان
  • المتواجدون الآن   0 أعضاء متواجدين الان

    • لا يوجد أعضاء مسجلون يتصفحون هذه الصفحة
×
×
  • أضف...