اذهب إلى المحتوى
محاورات المصريين

بلدي


Suzan

Recommended Posts

كالعاده وربنا مايقطعهالكم عاده بتقدموا شهدا جداد للكنيسه كتر الف خيركم 
بس وقفه بسيطه لقياداتنا الكنسيه خفوا بقي شويه من نغمة الوطنيه راعوا اهالي الشهدا واعتقد مش هتبقي مقبوله لما ييجوا سياسين البلد يعزوا ويقوللكم مسكنا الجاني ده كان مرصود 
نصلي في اعيادنا اه نتقبل تهاني لا
نقول فيه عنصريه اه نقول وطنيه لا
المسيح مكانش جبان المسيح عارض بيلاطس المسيح قال اعطوا ما لقيصر لقيصر وما لله لله
المسيح ضرب اللي كانوا بيبيعوا ف الهيكل
ضد خلط السياسه بالدين
فيه تقصير امني مفيش كلام ... فيه سكوت علي مروضي الفتن واصحاب الفتاوي الشيطانيه ... فيه خروج من السجون لمتطرفين ... فيه سكوت علي اخوان ابليس ... فيه سكوت من برلمان مش عايش في بلدنا اصلا ... فيه صمت قانوني لقضايا مايتسكتش عليها ... فيه تعتيم اعلامي وتطبيل حتي في جنازات الاموات ... طول ما الصمت مستمر هتفضل ارواح الناس مباحه يابلد بتخبي الحقيقة 

رابط هذا التعليق
شارك

لو أوهموك ان الارهاب مالوش حل .. أسألهم امال ازاي بتأمنوا المسئولين و المشاركين في مؤتمر الشباب الي بيتعمل كل شهر في شرم الشيخ 
ازاي بتأمنوا ماتشات المنتخب الي بيحضرها المسئولين الكبار 
ازاي بتأمنوا السفارات و المنشأت العسكريه و بيوت كبار الدوله 
ازاي بتأمنوا مدينه الانتاج الإعلامي و الجوامع الي بيصلي فيها وزير الأوقاف كل اسبوع 

انت بتعرف تأمن و بتعرف كويس اوي كمان بس الموضوع موضوع أولويات مش اكتر

رابط هذا التعليق
شارك

في بلادي يتم قتل من يؤمنون ان الله محبه علي ايدي قومآ يظنون ان الله يحب الدماء بل وانه اله ضعيف يحتاج لمن يجاهد في سبيله!!! 

رابط هذا التعليق
شارك

صعوبة الإرهاب في كونه جبان .... لا يحارب حربا شريفة .... خسيس لأنه يقتل النساء والأطفال والشيوخ ... يقتل العابد الناسك ويستهدف أماكن يذكر فيها اسم الله .... يختبيء ولا يواجه 

إخواننا المسيحيون : البقاء لله في شهداكم 

والله أصبحت في خجل وأنا أعزيكم المرة بعد المرة ... قلوبنا معاكم 

زادت التفجيرات ومهما زادت زاد معها إيمانكم وتمسككم بدينكم 

نعزي أنفسنا بعد أن نعزيكم لما آل إليه حال السفهاء منا وقلوبهم السوداء وأفعالهم المنكرة في كل دين سماوي أو أرضي 

نفوض الأمر لله فيهم ونسـأله أن يفك الكرب ويأتي بالفرج والنصر على هؤلاء المجرمين القتلة 

البقاء لله .... رحم الله الشهداء وأسكنهم فسيح جناته 

هل يمكن أن أكتب كلاما مثاليا 

أو أن اصل لمثالية كلامي 

ولا يوجد كلام مثالي 

ولا مثالية لمتكلم

 

رابط هذا التعليق
شارك

تحياتي لك.

لو استبدلنا الآماكن ربما قلت نفس الكلام ووجهت التهم ذاتها .فليس اقسى على نفس من الفقد ووقت أداء الصلوات أي في رحاب الله ..لذا اعتذر عن كل سفية وغبي امتدت يده بالدمار وتقبل الرب شهداءكم عنده .

..لكن يا أختي هل فعلا المواكب للوزراء بها تأمين؟؟ أولا : لم تعد هناك مواكب كما كانت لنظيف مثلا وانت تذكرين كيف كان محلب في الشارع دوما.طيب كيف اغتيل النائب العام ؟؟ وكيف كانت محاولة اغتيال وزير الداخلية السابق؟؟ وغيرهم من محاولات منها الفاشل ومنها الناجح ولم تفصح عنه الدولة؟

هل جنودنا وشرطتنا في منأى عن الإرهاب.قطعا لا فهم يسقطون تباعا !

المثل بيقول ..لا تظهر الإصبع الذي يؤلمك لعدو...وهم( الإرهابيون)  هم يوقنون ان اللحمة الوطنية لمصر صعب النيل منها ويعلمون خوف افراد الشعب على بعضه أيا كانت ديانته فمن أين يأتوننا !! 

كلنا تحت مرمى سهامهم للأسف وليسوا اقباطنا وحسب فالنصبر بعضا من الوقت وانا متأكدة أن الآتي مبهج إن شاء الله.

ونسيت أن اطلب منك اعملي استقصاء كم من حدث مثل هذا واكبر منه حدث في بلدان الغرب فهل هم أيضا متواطئون؟؟ 

  تحياتي لك

 

               سومه

رابط هذا التعليق
شارك

هي الحكاية إن ترامب قال مصر آمنة 

لم يرق ذلك لهم 

فقاموا بالهجوم الانتحاري 

ليثبتوا أن مصر غير آمنة ويدمروا البلد سياسيا واقتصاديا وداخليا 

رد الله غيظهم وجعلهم لا ينالوا خيرا من أفعالهم

هل يمكن أن أكتب كلاما مثاليا 

أو أن اصل لمثالية كلامي 

ولا يوجد كلام مثالي 

ولا مثالية لمتكلم

 

رابط هذا التعليق
شارك

XXXXXXXX
 أنا عن نفسي .. و ناس كتير زيي لما بيتكلموا أو يكتبوا بعد أي حادثة فهو من باب إنكار المنكر و النهي عنه بصورة من الصور .. و ده جزء من ديننا .. لكن مش علشان على راسنا بطحة لا سمح الله و لا حاجة .. و لا عشان مستني منك تقوللي قد إيه انت جميل و كيوت .. 
 لكن ديننا ماليكش فيه .. اه و الله ماليكش فيه .. مش فاهم فيه حاجة يبقى تسكت أو تسأل بأدب .. لكن مش بعد كل مصيبة تحصللك تقوللي اصل عندكوا كتاب إيه و آية إيه و تفسير إيه و أزهر إيه .. خليتوها خل .. خليك في حالك أحسن .. و لو عايز تتشطر اتشطر على اللي معظمكم وقف وراه و طبلله و في الآخر يا إما تقاعس عن خدمتكم يا بيضحي بيكم لمصلحته هو .. 
 اللي بيحصل للمسلمين من مشارق الأرض إلى مغاربها ممن هم على ديانتكم مش محتاج بس تجديد خطاب ديني .. ده محتاج تجديد للعلاج النفسي و المعرفي و السلوكي لديكم .. و اللي بيته من قزاز ....... 
بلاش تجرونا للسكة دي .. قلنا 1000 مرة ..

"و لن ترضى عنك اليهود و لا النصارى حتى تتبع ملتهم"

تم تعديل بواسطة Scorpion
تعبير غير مناسب

وَإِذَا سَمِعُوا اللَّغْوَ أَعْرَضُوا عَنْهُ وَقَالُوا لَنَا أَعْمَالُنَا وَلَكُمْ أَعْمَالُكُمْ سَلامٌ عَلَيْكُمْ لا نَبْتَغِي الْجَاهِلِينَ

رابط هذا التعليق
شارك

5 hours ago, ابوهنا said:

و لو عايز تتشطر اتشطر على اللي معظمكم وقف وراه و طبلله و في الآخر يا إما تقاعس عن خدمتكم يا بيضحي بيكم لمصلحته هو

قولتلى .... عزائك مقبول ولغتك مرفوضه ولم يتعرض احد لانتقاد الدين الاسلامى... ي ريت امنت الذى لاتجر الحديث الى هذا المنحنى الذى يفرغ المصيبه من معناها ويخترع شماعات اخرى تلقى باللوم على الضحيه....

 

إن ربا كفاك بالأمس ما كان.... يكفيك فى الغد ما سوف يكون

 

رابط هذا التعليق
شارك

6 ساعات مضت, ابوهنا said:

"و لن ترضى عنك اليهود و لا النصارى حتى تتبع ملتهم"

مرحبا يا أبو هنا وعودا جميدا 

تعرف تقولي إيه اللي في الآية علشان تستشهد بيه ضد النصاري 

طبعا حضرتك بتفهم عربي كويس ويمكن أفضل مني 

واحد بيحب دينه السماوي بشدة ومش متنازل عنه ولن يرضى عنك إلا إذا كنت معه على دينه 

طيب يا أخي نظرة عدل .... إيه اللي فيها دي ضدك ..... إيه اللي فيها يزعلك ... وإيه اللي فيها يجعلهم كافرين 

دا ربنا لم يعاقبهم على كده عايز أنت وغيرك تعاقبهم ... طيب يا أخي اقرأ الآية لآخرها 

هل أنت راض عن بقائهم على ملتهم وعدم اتباعهم ملتك ؟  ... بالتأكيد لاء ..... وأنت حر 

لكن هما مش حرين عندك

مسجدك آمن وكنيستهم مهددة 

بتصلي في طمأنينة وهما بتحصدهم التفجيرات وهما بيصلوا

دا ربك ليس بظلام للعبيد يا أخي ولا يرضى بذلك 

اللي ترضاه لنفسك لا ترضاه لمخلوقات الله 

إحنا مش مولدين على راسنا ريشة ... ولا نحن شعب الله المختار .... فدع ما لله لله 

الموقف موقف عزاء ولكن ربما لنقاش في مجاله ووقته

هل يمكن أن أكتب كلاما مثاليا 

أو أن اصل لمثالية كلامي 

ولا يوجد كلام مثالي 

ولا مثالية لمتكلم

 

رابط هذا التعليق
شارك

سوزان انا مش حاعزيكي 
كلنا كمصريين محتاجين عزا 

ده بوست لسه كاتباه ع الفيسبوك قبل ما ادخل الموضوع هنا
 
و البوست مش موجه لحد بعينه و لكن لكل حد حابب و مستعد يشغل عقله 

الشَّهْرُ الْحَرَامُ بِالشَّهْرِ الْحَرَامِ وَالْحُرُمَاتُ قِصَاصٌ ۚ فَمَنِ اعْتَدَىٰ عَلَيْكُمْ فَاعْتَدُوا عَلَيْهِ بِمِثْلِ مَا اعْتَدَىٰ عَلَيْكُمْ ۚ وَاتَّقُوا اللَّهَ وَاعْلَمُوا أَنَّ اللَّهَ مَعَ الْمُتَّقِينَ 
دي الوصية الربانية
لا يكون القتال إلا كرد فعل 
و بشرط أن يكون بنفس القدر بلا زيادة و لا إسراف في القتل 
أما مهاجمة أبرياء لم يعتدوا فهو الظلم البيّن
و هو ما يستحق العدوان 
و حتى العدوان على الظالمين يكون مرهونا بانتهائهم عن ظلمهم 
" وَقَاتِلُوهُمْ حَتَّىٰ لَا تَكُونَ فِتْنَةٌ وَيَكُونَ الدِّينُ لِلَّهِ ۖ فَإِنِ انتَهَوْا فَلَا عُدْوَانَ إِلَّا عَلَى الظَّالِمِينَ " 
هل الآية دي حددت غير انها على الظالمين فقط؟ أيا كانوا مين همة؟ 
هل قالت إن الظالمين المطلوب العدوان عليهم همة غير المسلمين اتباع دين محمد صلى الله عليه و سلم؟
هل في أي دليل في كلام المولى عز وجل ان الظالمين همة المخالفين لنا ؟ 
و منين تأكدنا اننا منزهين كمسلمين ان نكون من الظالمين اللي الكلام عليهم ؟ 
هو مش اللي يقتل أبرياء ده ظالم برضه؟ 
الكلام و الأمر برد الاعتداء بمثله دون اسراف موجه لمن تم الاعتداء عليهم من ظالمين و بس 
أما اختيار الأدوار بأهواءنا مين ياخد دور المؤمن و مين ياخد دور الظالم دي مش موجودة في الآية 
و متروكة لأولي الألباب
و المثير للسخرية ان كل واحد بينقي الدور اللي يعجبه بلا أي ضوابط 
و الشاويش عطية واخد دور سندريلا !!
 عشان بس الناس اللي مخها طاقق و بيتهموا القرآن الكريم أن فيه تحريض على القتل و إن هو ده دليل الجهاد ضد أعداء الدين 
و خد بالك انت يا مسلم يا موافق على ظلم المخالف لك
جاي دورك لأنك برضه في نظرهم و ما دمت مش من جماعتهم فانت برضه
مخالف يا باشا و مش  حيسموا عليك

 كل اللي مش منهم دورهم جاي
مسألة وقت وترتيب أولويات 

#ما_لكم_كيف_تحكمون
#نعوذ_بالله_من_ظلام_الجهل

النازيين_الجدد#
اللهم_بلغت_اللهم_فأشهد#

أعد شحن طاقتك

حدد وجهتك

و اطلق قواك

رابط هذا التعليق
شارك

18 ساعات مضت, ابوهنا said:

XXXXXXXX
 أنا عن نفسي .. و ناس كتير زيي لما بيتكلموا أو يكتبوا بعد أي حادثة فهو من باب إنكار المنكر و النهي عنه بصورة من الصور .. و ده جزء من ديننا .. لكن مش علشان على راسنا بطحة لا سمح الله و لا حاجة .. و لا عشان مستني منك تقوللي قد إيه انت جميل و كيوت .. 
 لكن ديننا ماليكش فيه .. اه و الله ماليكش فيه .. مش فاهم فيه حاجة يبقى تسكت أو تسأل بأدب .. لكن مش بعد كل مصيبة تحصللك تقوللي اصل عندكوا كتاب إيه و آية إيه و تفسير إيه و أزهر إيه .. خليتوها خل .. خليك في حالك أحسن .. و لو عايز تتشطر اتشطر على اللي معظمكم وقف وراه و طبلله و في الآخر يا إما تقاعس عن خدمتكم يا بيضحي بيكم لمصلحته هو .. 
 اللي بيحصل للمسلمين من مشارق الأرض إلى مغاربها ممن هم على ديانتكم مش محتاج بس تجديد خطاب ديني .. ده محتاج تجديد للعلاج النفسي و المعرفي و السلوكي لديكم .. و اللي بيته من قزاز ....... 
بلاش تجرونا للسكة دي .. قلنا 1000 مرة ..

"و لن ترضى عنك اليهود و لا النصارى حتى تتبع ملتهم"

في حياتك الباقية عزيزي ابو هنا ..

وانتهز  الفرصة لأعزيك في وفاة ابو اسحاق المصري و ابو براء المصري و كل من فجر نفسه سابقآ  في كنيسة بأسم الأسلام  ... عزاءكم انهم في الجنة الآن مع حور العين ...

ربنا يخليها آخر الأحزان ان شاء الله ... 

كل اللي حيلتي زمزمية أمل... و إزاي تكفيني لباب القبر


"صلاح جاهين"


رابط هذا التعليق
شارك

12 ساعات مضت, إبن مصر said:

قولتلى .... عزائك مقبول ولغتك مرفوضه ولم يتعرض احد لانتقاد الدين الاسلامى... ي ريت امنت الذى لاتجر الحديث الى هذا المنحنى الذى يفرغ المصيبه من معناها ويخترع شماعات اخرى تلقى باللوم على الضحيه....

 

حمد الله عالسلامة يا أحمد ... هما لازم يفجروا كنايس علشان ترجع تكتب ...

 

بالمناسبة هو فين العزاء اللي اتقبل ده ؟؟؟ انا مش شايف اي عزاء .. انا شايف قتلي جدد ماكانتش ناقصاهم المشرحة ...

كل اللي حيلتي زمزمية أمل... و إزاي تكفيني لباب القبر


"صلاح جاهين"


رابط هذا التعليق
شارك

احر التعازي وربنا يرحم كل انسان مات بدون ذنب 

وانا مش عاوز حد يقبل عزاء العزاء مفتوح لحد مايجي القصاص ، لان نفس السيناريو السخيف بيتكرر وصدقوني ولا فارق مسلم ولا مسيحي هي هي نفس الفكرة الرغبة في زرع الخوف وعدم الاستقرار في البلد 

 

رابط هذا التعليق
شارك

10 ساعات مضت, herohero said:

احر التعازي وربنا يرحم كل انسان مات بدون ذنب 

وانا مش عاوز حد يقبل عزاء العزاء مفتوح لحد مايجي القصاص ، لان نفس السيناريو السخيف بيتكرر وصدقوني ولا فارق مسلم ولا مسيحي هي هي نفس الفكرة الرغبة في زرع الخوف وعدم الاستقرار في البلد 

أهلا باشمهندس هيرو ....فعلا نفس الفكرة التي اعتقد أنك تقصدها أو تلمح عليها وهي أن الدولة متمثلة في السيسي هي من يفعل أو بتعبيرك تزرع الخوف ..

رغم وضوح صورة المنتحر التفجيري في الفيديو

نفسي أجدك المنطق أو العقل أو الدليل أو الحجة أو البرهان في كلامك 

لكن للأسف لإما عقلي قاصر أو كما أدعي إن دائما كلامك دائما مرسل لا دليل عليه 

هل يمكن أن أكتب كلاما مثاليا 

أو أن اصل لمثالية كلامي 

ولا يوجد كلام مثالي 

ولا مثالية لمتكلم

 

رابط هذا التعليق
شارك

  • الزوار

يا رب سلم .. يارب سترك وعفوك ورضاك .. يا رب احفظ بلدنا من كل فاسق ومارق .. يارب وعدك بِيُسرَك من بعد عسرك .. يارب إلهم اهالي الضحايا  الصبر والسلوان  وخفف عليهم وجعيتهم اللى هى برده وجعيتنا سواء مسلمين او مسحيين 

رابط هذا التعليق
شارك

On 4/12/2017 at 1:47 AM, Scorpion said:

حمد الله عالسلامة يا أحمد ... هما لازم يفجروا كنايس علشان ترجع تكتب ...

 

بالمناسبة هو فين العزاء اللي اتقبل ده ؟؟؟ انا مش شايف اي عزاء .. انا شايف قتلي جدد ماكانتش ناقصاهم المشرحة ...

مين قال كده يا شقيق قلبى... لا والله ولكن على قدر الحدث الجلل تذوب اى اسباب للابتعاد واى مشاكل تمنعنى من التواصل وما حدث هزنى وهز كل شريف بهذا البلد ولم استطع  ان اراى لغه دأبت على محاربتها طوال عشرات السنين تعود بوجهها القبيح مره اخرى .. ولن اسمح ما دمت حيا ان لا ادافع عن معتقدى الحقيقى والتصدى وبالعلم الذى اتسلح به شرعا  لكل ما من شأنه ان يهيل التراب على اشرف واجل واطهر ما يجمعنا وهو حريه العقيده السمحاء والاخوه الخالصه فى الوطن.... واكرر عزائى واسرتى لكل احبائ واخوتى المسيحيين الذيت تربيت وسطهم بل وتعلمت صحيح دينى فى مدارسهم على ايدى شيوخ اجلاء كانوا يعلمونا فى مدارس الفرير -العائله المقدسه- سنين وانا احاور واوضح واتصدى يصحيح الدين لكل هذه الخزعبلات ولن اصمت بعد اليوم........

اما انت يا صاحبى ... طب كنت اسأل عليا بدل ما نتقرزنى كده وتخلينى فى تلت هدومى ........ فعلا وحق الله وحشتنى وربنا يجعلها اخر الاحزان ان شاء اله....

اما بخصوص العزاء ... فيعنى قلت محاوله كده يمكن ياخد باله انه نسى يعمل زى رسولنا الكريم عندما وقف لجنازه يهودى حزينا فلما سألوه قال اوليست نفسا؟... فما بالك ان من قضى نحبه وهو يصلى هو من اهل الكتاب الذين اوصانا بهم الله ورسوله خيرا .. قلت يمكن نسى ... يمكن راحت عليه... يمكن مخدش باله.... يمكن موصلوش ان الى عمل كده فى البطاقه مكتوب مسلم... مجامله يعنى.. وخلى قلبك كبير..... عليا طبعا .. 

تم تعديل بواسطة إبن مصر

إن ربا كفاك بالأمس ما كان.... يكفيك فى الغد ما سوف يكون

 

رابط هذا التعليق
شارك

19 hours ago, tarek hassan said:

أهلا باشمهندس هيرو ....فعلا نفس الفكرة التي اعتقد أنك تقصدها أو تلمح عليها وهي أن الدولة متمثلة في السيسي هي من يفعل أو بتعبيرك تزرع الخوف ..

رغم وضوح صورة المنتحر التفجيري في الفيديو

نفسي أجدك المنطق أو العقل أو الدليل أو الحجة أو البرهان في كلامك 

لكن للأسف لإما عقلي قاصر أو كما أدعي إن دائما كلامك دائما مرسل لا دليل عليه 

ليه بس كده يا طارق بيك انا عن نفسى فهمت منه ان الى بيهدف لزرع الخوف وعدم الاستقرار هم اهل الشر .... التمس العذر.. ولما يبقىيقول لا انا قصدى ان السيسي زى ما غيره كده ما لقح بالكلام على الى وقفتوا وراه وضحى بيكم ( لا يا راجللللللل ) او غيره هو الى بيعمل كده يبقى لكل مقام حديث يا صديقى.. اعتذر على التطفل فى الرد ولكن طمعى قى سعه صدرك هو ما شجعنى ان اكتب هذه المداخله... دمت بكل خير وود وسلامه.

تم تعديل بواسطة إبن مصر

إن ربا كفاك بالأمس ما كان.... يكفيك فى الغد ما سوف يكون

 

رابط هذا التعليق
شارك

2 ساعات مضت, إبن مصر said:

ليه بس كده يا طارق بيك انا عن نفسى فهمت منه ان الى بيهدف لزرع الخوف وعدم الاستقرار هم اهل الشر .... التمس العذر.. ولما يبقىيقول لا انا قصدى ان السيسي زى ما غيره كده ما لقح بالكلام على الى وقفتوا وراه وضحى بيكم ( لا يا راجللللللل ) او غيره هو الى بيعمل كده يبقى لكل مقام حديث يا صديقى.. اعتذر على التطفل فى الرد ولكن طمعى قى سعه صدرك هو ما شجعنى ان اكتب هذه المداخله... دمت بكل خير وود وسلامه.

يشرفني اقتباسك وردك ومجرد ذكرك اسمي .... أنتم الأصول أساتذتنا ربنا وفقكم لتبصرينا والحمد لله مكناش مبرمجين وكان عندنا استعداد نفهم ونستجيب ..... أخونا هيرو كلامه مكرر محفوظ ومفهوم وأنا أكثر متابع له .... هو له رد واحد ...مضمونة دائما إن الدولة متهمة ..... وإن الدولة بتزرع الخوف والرعب في قلوب الجميع مسلمين ومسيحيين .... أما الإخوان الثورجية بيزرعوا رز وشعير وفواكه ورد .....

وهو قرأ المداخلات وامتنع عن الرد كالعادة لأن الهدف دائما هو لطع المداخلة  اللي جاي بيها واللي هي موزعة ومنتشرة على الفيس 

تحياتي

هل يمكن أن أكتب كلاما مثاليا 

أو أن اصل لمثالية كلامي 

ولا يوجد كلام مثالي 

ولا مثالية لمتكلم

 

رابط هذا التعليق
شارك

نحن لانناقش اجرام من فعل فهو مجرم ولانناقش براءه من قتل فهم لهم الامن فى عباداتهم وفى وطنهم

القضيه هو كم الهمز والمز بعد كل حادثه والازهر ومشايخ الفتنه وكل ماقيل وسيقال وكانه سوق للتشكيك فى دينى ومعتقدى

انت كمسيحى وانا كجارك المسلم هل رايت منى مايسؤك وقيس على هذا ملايين ملايين الامثله

وانا جارك المسلم اخذت دينى عن الازهر ولم افجرك ولم انكر عليك وطنيتك ولم انكر عليك عبادتك

لانى فهمت معنى (لكم دينكم ولى دين،)

فهل لما ياتى فاسق مارق فهم الدين خطا نبدا موال الازهر والايه الفلانيه والشيخ الفلانى

اللى فجرك اليوم بكره هيفجرنى

الاستاذ العقرب يقول عزى ابو مش عارف مين ومين

لا ياعقرب انا لا اعزيهم بل العن كل من قتل نفسا بغير حق

القضيه الاخرى: معظم من فى المنتدى او من المسحيحيين علمانيين فما يحير العقل بدلا من ان تتكلموا فى الازهر او تغيير الخطاب الدينى فكان الاحرى بكم ان تطالبوا كعلمانيين بجعل الدوله تضع من القوانين مايضمنللجميع الحريه

 

وَإِذَا سَمِعُوا اللَّغْوَ أَعْرَضُوا عَنْهُ وَقَالُوا لَنَا أَعْمَالُنَا وَلَكُمْ أَعْمَالُكُمْ سَلامٌ عَلَيْكُمْ لا نَبْتَغِي الْجَاهِلِينَ

رابط هذا التعليق
شارك

انشئ حساب جديد أو قم بتسجيل دخولك لتتمكن من إضافة تعليق جديد

يجب ان تكون عضوا لدينا لتتمكن من التعليق

انشئ حساب جديد

سجل حسابك الجديد لدينا في الموقع بمنتهي السهوله .

سجل حساب جديد

تسجيل دخول

هل تمتلك حساب بالفعل؟ سجل دخولك من هنا.

سجل دخولك الان
  • المتواجدون الآن   0 أعضاء متواجدين الان

    • لا يوجد أعضاء مسجلون يتصفحون هذه الصفحة
  • الموضوعات المشابهه

    • 3
      يعني ايه شرا بلدي قلة أدب يعني ايه يعمي قلوبكم الغضب يعني ايه تلعنها كل ما تحس بتعب مليت خلاص من شكوتك بطل بقى للسقطة و اللقطة قاعدين ع الكيبورد قايمة ثورتك تنعي و تندب اللي في الميادين غضبانين و زعلانين للشكوى محترفين و بعد ما تخلص موجة الغضب ترجعوا فايقين رايقين و لا حاجة تفضل من كلامكو غير بوستات فيسبوك و حوارات لوك لوك هوا في ايه؟ حارقين قلوبكم ليه؟ عملتوا ايه انتو للبلد غيرتوا ايه بالضبط؟ مستنيين ايه لجل ما تبدوا البنا من مين الاذن مستنظرين ؟ و ليه وقت الكلام بربنت
    • 0
      وأنا مين ينافسني في حبك ياللي ترابك دوايا وكيف أغيب بس عنك يا اللي ساكنة جوايا أنا بإسمك باغني يا حبيبتي ف صبحي ومسايا انت ف قلبي دليلي وهدفي ف شيبتي وصبايا يا صابرة وقادرة وطاهرة وساجدة لرب البرايا ورغم القساوة مسامحة ودينك سلام لشين النوايا وساعة ما يطلبوا منك يشوفوا آيات السخايا باحبك يابلدي كتييير من تحت رجلي لسابع سمايا واجمع ولادي واروي تاريخك أجمل حكايا يابلدي
    • 3
      فوجئت بابنتي التي تجاوزت العاشرة من عمرها بقليل تغني هذه الأغنية فأثارت بي شجون أحببت هذه الأغنية جدا و أنا أصغر منها و أحببت مشاركتكم بها http://www.youtube.com/watch?v=qqjHT57GZi4
    • 3
      على حسب وداد بلدي يا بوي راح اقول لشهيدي سلامات ضيعتي علينا العمر يا بوي...دانا ليا معاكي حكايات على حسب وداد بلدي يا بوي موال..موال الثوره اهو مال من يوم الحكم مازال و لا عمره يا عين يا ليل ماتغير لينا احوال و انا صابر ع المقسوم و هغيره انا م اليوم و يكون لي معاكي تاني يابلدي ايام حلوه و حكايات على حسب وداد بلدي يا بوي على حسب الريح ما يودي ا
    • 0
      هي فكرة عادية واكيد مش جديدة ان كل واحد يجمع معلومات عن البلد اللي اتولد واتربي فيها ده في حال لو عجبكم الموضوع يعني ان بلدي اسمها اتريب و هي جزء من مدينة بنها والمعلومات دي عنها من ويكبيديا معنى كلمة اتريب اشتقت كلمة اتريب من اللغه المصرية القديمة (الهيروغليفية) فقد كان اسمها وقتئذا " حت - حرى - إب " وقد اعتبر علماء المصريات ان معناها "قصر الإقليم الأوسط" ثم اشتق الآشورين خلال فترة حكمهم لمصر في اواخر العصور الفرعونية اسم "هاتريب" ليدل عليها أما في العصر القبطى فقد سميت "اتريبى"، أما في ال
×
×
  • أضف...