اذهب الي المحتوي
se_ Elsyed

30 ألف جنية لكل متوفي !! جاتنا نيله في حظنا الهباب

Recommended Posts

لا تتصوروا كم أثلج صدري وبرد نار قلبي وسقع أطراف أناملي تلك اللفتة الإنسانية التي قام بها سيادة الرئيس راعي مصر والمصريين والراعي الرسمي لكأس الأمم الأفريقية مع شركة بيبسي كولا العالمية سيادة الرئيس الأخ محمد حسني مبارك .. حينما قام ولأول مره في تاريخ مصرنا الحبيبة منذ عهد محمد علي باشا الكبير بصرف مبلغ 30 ألف جنيه لكل متوفي راح ضحية العبارة السلام 98 ..

وقلت في عقل بالي ...... 30 باكو يا سين سين ؟!!! وإنت اللي أفنيت عمرك في الغربة ولسه بتتكلم في في 7500 جنية تحويشة العمر .... يا بخت كل متوفي .. ويا هناه وسعده بتلك اللفته الإنسانية التي تجعله يتمنى إن كان مات من زمان قبل ما يتغرب وخد الـ 30 ألف وبدأ بهم حياة جديدة ...

ويا سلام بقى لو كل واحد من المتوفين دول بدأ مشروع صغير محندق كده ... سوبر ماركت - من غير منتوجات دنماركية - أو مقلة لب مثلاً ويعين له قرشين في الريان يصرف من ريعهم على روحه الطاهرة ..

يا رعاك الله وحفظك لمصر أيها القائد ...

فِداك بابا وماما وعيالي الصغيرين أيها الأب الحنون والجد الرؤوم

ولا أُخفي عليكم أيضاً - مانا خلاص مابقاش في عندي حاجة أخبيها .. أنا ما عنديش أسرار - تلك المشاعر التي أنتابتني أيضاً وأنا أراه يملس بيده الطاهرة على رؤوس الناجيين من النار قصدي من العبارة وهو يضع يده في جيبه ويُخرج لهم ظرفاً مُغلقاً - كنا عارفين في إيه - ويدسه في جلاليبهم وبه 15 ألف جنيه تعويضاً عما لاقوه من هول صدمة الغرق ..

يا رعاك الله يا راعي الحمى ..

وشوف يا أخي سبحان الله ... غرق العبارة جاي على هوا الريس .. فنحن نعرف جميعاً بإنه مولع بالأماكن السياحية والدايفنج وبالتالي نراه يُباشر أمور الحكم والرعية من شرم الشيخ حيث الطبيعة الخلابة والمناظر التي تخطف الألباب ... وبالتالي أول ما عرف إن الموضوع فيه غردقة وكلام من ده ... لم يهنأ له بال .. ولم يستطع الجلوس في أجواء القاهرة المتقلبة وأخد بعضه وجري على الغردقة .. ليقف بجانب شعبه الحبيب في محنته وكربه .

إيه يعني 1000 ضحيه في سبيل التملي برؤية حبيبنا وقائدنا وحامي الحما ... ومش بس رؤيته .. دي رؤية ومعاها جوايز كمان .....

روح يا شيخ ...............

شارك هذه المشاركه


رابط المشاركه
شارك

امبارح سمعت أن رواتب الشركه دي وحشه جدا

تخيل القبطان بجلالة قدره بياخد من الف الى 1500 دولار في الشهر عشان القباطنة مش لاقيين شغل في مصر

معاه حق ينط ويسيب المركب! :blush:

شارك هذه المشاركه


رابط المشاركه
شارك

وفي تحرك سريع للتخفيف عن أسر ضحايا الحادث‏,‏ أمر الرئيس حسني مبارك بصرف إعانات عاجلة قيمتها‏30‏ ألف جنيه لكل أسرة من أسر المصريين المفقودين‏,‏ و‏15‏ ألفا للناجين‏ !!!!!

طبعا الكلام ده كله لزوم المنظرة والتصوير ، حيث أن شركة الملاحة أو بالأحرى شركات التأمين مسئولة عن صرف تعويضات للضحايا سواء الاحياء أو المتوفون وليس أوامر السيد الكبير !!!

لكن ماعرفناش حايدبر الـ 30 مليون جنيه دول منين؟ ياهل ترى قدم طلب لمجلس الشعب لتوفير هذا الإعتماد المالى ؟ هل سيصرفهم تبرعا من ماله الخاص؟ أم ترى ان مفاتيح خزائن المال فى جيبه يمنح منها مايشاء وقت أن يشاء؟

شارك هذه المشاركه


رابط المشاركه
شارك

معلش يا س س ..

فين مصدرك :blush:

انا اعرف ان تسعيرة المصري طول عمرها 3000 جنيه ..و بما ان الموضوع فيه 1000 متوفى يبقى اكيد ح يعملوا ديسكون و ترسي على 100 جنيه بعد خصم المستنقعات و خلافه ...

و لا الجنيه رخص و لا في ايه :D

شارك هذه المشاركه


رابط المشاركه
شارك
معلش يا س س ..

فين مصدرك  :blush:

انا اعرف ان تسعيرة المصري طول عمرها 3000 جنيه ..و بما ان الموضوع فيه 1000 متوفى يبقى اكيد ح يعملوا ديسكون و ترسي على 100 جنيه بعد خصم المستنقعات و خلافه ...

و لا الجنيه رخص و لا في ايه   :D

نيابة عن س س

المصــــــــــــــــــــــــــــــــــــــــــــــدر وحرق الدم ورفع ضغط الدم

تم تعديل بواسطة Mohammad

شارك هذه المشاركه


رابط المشاركه
شارك
معلش يا س س ..

فين مصدرك  :D

انا اعرف ان تسعيرة المصري طول عمرها 3000 جنيه ..و بما ان الموضوع فيه 1000 متوفى يبقى اكيد ح يعملوا ديسكون و ترسي على 100 جنيه بعد خصم المستنقعات و خلافه ...

و لا الجنيه رخص و لا في ايه   B)

نيابة عن س س

المصــــــــــــــــــــــــــــــــــــــــــــــدر وحرق الدم ورفع ضغط الدم

ده بجد :o

ده احنا طلعنا شعب ما يطمرش فيه صحيح :blush:

يعنى الحمد لله بقى ثمن النفر في مصر 30 باكو بعد ما كان 3 بواكى عمى ... و الله ماجصر B)

شارك هذه المشاركه


رابط المشاركه
شارك

عارفين حكاية الست الزنجيه اللي وقعت على رجلها قهوه سخنه في ماكدونالدز في أمريكا ورفعت عليهم قضيه وكسبت باين 10 مليون دولار تعويض عشان القهوه مكانش مكتوب عليها تحذير من سخونة المشروب داخل العلبه!!

يعني جلد رجل الست دي يساوي 1833 روح مصريه وشوية أعضاء فكه :D :blush:

مع العلم ان العباره مكانش مكتوب عليها احترس من الغرق!!!

شارك هذه المشاركه


رابط المشاركه
شارك

10 مليون * 5 ونص = 55 مليون جنيه

بقسمة الناتج على سعر المصري 30000 جنيه

نصل الى النتيجه 1833 مصري

لزم التوضيح

شارك هذه المشاركه


رابط المشاركه
شارك

س س.. انت بتتكلم بجد في موضوع الـ التلاتين تلاف جنيه ده؟؟

خللوا بالكو دا غير التعويض اللي هايخدوه من الشركة، اللي هوه التأمين يعني.. :blush:

يعني كده الحسبة هاتبقى عال العال..!!

أما لو صدقوا فعلاً....

يا سلام يا ولاااااد.. :D

أنا رايح احجز على أول رحلة لشركة الوداع دي

سلام..

إووه.. أصدي شركة السلام..

الوداااااع

تم تعديل بواسطة عصفور طاير

شارك هذه المشاركه


رابط المشاركه
شارك

اهدي الحكومة المصرية أغنية الأخ حكيم

السلام عليكم :D مقلوبه في البحر انشاءالله :blush:

شارك هذه المشاركه


رابط المشاركه
شارك

انا قلت برضو الموضوع فيه انه B)

تناقشت و بحثت عن الانه عندنا :blush: فجالى سؤال من شخصية عزيزة :o بتسأل سؤال نميس : هم ح يعرفوا يثبتوا انهم توفوا من غير الجثة B)

طبعاً لأ ..

و موت يا حمار لما يعرفوا يثبتوا الموضوع ده و سلم لى على الثلاثين الف جنيه ...

و في سيناريو تانى ... ممكن اهالى الضحايا يرفعوا قضية تعويضات ... و يمكن ينوبهم في الاخر جوز جنيهات :D

شارك هذه المشاركه


رابط المشاركه
شارك

لااااء.. ماهو ماتسيبونيش كده أروح فاشوش..

الفلوس لكل المتوفين واللا للمنوفيين بس؟ عشان اعمل حسابي.. يا إما أغير جنسيتي يا إما أغير رأيي في موضوع الموت ده!!

والله باين الماتش متباع فعلا يا عم طفشان

شارك هذه المشاركه


رابط المشاركه
شارك

فلوس؟ :D :D :D :D

فلوس ايه ياعم عصفور؟

اذا كانوا الغلابه معرفوش ياخدوا فلوس وهم عايشين

حياخدوها وهم ميتين؟ :blush: :D B) B)

بعد العيد مبيتفتلش كحك

ومفيش لمون بعد العصر

والحدايه مبتحدفش كتاكيت

واذا كان فيه الخير مكانش رماه الطير

الطييييير فهمت ياعصفووور :o

شارك هذه المشاركه


رابط المشاركه
شارك

يا رجالة .. يارجالة

خالي الشيخ حسونة وصل .. خالي الشيخ حسونة وصل

(وش دياب في فيلم الأرض) :D

الفلوس هاتدفعها الحملة الوطنية لمواساة ضحايا السفينة الغارقة (حساب 888) الإعلانات بدأت على طول ...

يعني من دقنه، وادفع له (لو كان فيه حاجة هاتوصل أصلاً) :blush:

شارك هذه المشاركه


رابط المشاركه
شارك
mzohairy,Feb 5 2006, 05:29 PM

فلوس؟

فلوس ايه ياعم عصفور؟

اذا كانوا الغلابه معرفوش ياخدوا فلوس وهم عايشين

حياخدوها وهم ميتين؟

بعد العيد مبيتفتلش كحك

ومفيش لمون بعد العصر

والحدايه مبتحدفش كتاكيت

واذا كان فيه الخير مكانش رماه الطير

كتاكيت وطير ولمون وعصر؟!

مممممم.. هيه الحكاية كده؟!

دا يبقى الموضوع شربة خااااالص :blush:

مش لازم بقى نفتّ فيها ونعمل ديوك ونحلم بالفلوس اللي هايخدها المنوفيين، لإن شكلنا كده لو بيضنا مش هناخد حاجة.

ماهي كده اتفأست خلاص. :D

أنا أروح اشوفلي موتة في حتة بتدفع.

حد يعرف أمريكا موأفها فين؟

تم تعديل بواسطة عصفور طاير

شارك هذه المشاركه


رابط المشاركه
شارك

30 الف جنيه واكيد تمضى تنازل عن رفع قضيه

صح؟؟؟؟؟؟

جبـــــــــــــــــــــــــــــــــــت المفيـــــــــــــــــــــــــــــــــــد

مش برضه المالك من بتوع الشورى؟

شارك هذه المشاركه


رابط المشاركه
شارك

031226_002075811.jpg

لا أدري ..

هل موضوع غرق 1000 إنسان بريء في لحظة !!

موضوع يستحق تحويله الى مسار ضحك وإطلاق نكات ..

ما شعورنا لو كان لأحد منا أقرباء .. أب .. ابن .. زوجة .. أم في هذه العبارة الغارقة

الموضوع في باب دعوة الى الابتسام .. ؟؟؟

الف علامة استفهام على ما اصابنا

على طريقتنا في تناول الاحداث

وبالتالي ..

على رغبتنا في التغيير ..

03954_10.jpg

هل هذا الطفل سينفعه أية اموال بعدما فقد والديه !!

032233_3.jpg

يا سادة .. الموضوع ليس هيناً أبداً !!

واستخفاف الرئيس وكلابه

لايصح أن نقابله باستخفاف منا وسخرية ونكات !!

أحد الناجين يلخص لنا الصورة .. بكلمات معبرة ..

رزقني الله بثلاثة من البنين بنتين وولد، وكنا نعيش في السعودية معا، ثم قررنا العودة النهائية والاستقرار في مصر فشحنت أثاث بيتي وكتب أولادي وكل أغراضنا، وبعد قليل من الإبحار تملكنا الرعب ونحن نرى الدخان يتصاعد من السفينة، ثم مالت على جانبها وغرقت. ورأيت أولادي الثلاثة وزوجتي وهم يصرخون ويبتلعون الماء وأنا أصرخ وأحاول إنقاذهم لكن قدر الله كان غالبا، غرقوا جميعا أمام عيني، وطفت كتبهم وبعض لعبهم على السطح... عليه العوض ومنه العوض.. ولا حول ولا قوة إلا بالله.

1_595107_1_34.jpg

شارك هذه المشاركه


رابط المشاركه
شارك

يجب ان يتم الموافقه علي هذا المحتوي قبل نشره.

زوار
انت تقوم بالتعليق كزائر. اذا كنت تمتلك حساب فقم بتسجيل الدخول تسجيل دخول.
اضف رد علي هذا الموضوع....

×   Pasted as rich text.   Paste as plain text instead

  Only 75 emoticons maximum are allowed.

×   Your link has been automatically embedded.   Display as a link instead

×   Your previous content has been restored.   Clear editor

×   You cannot paste images directly. Upload or insert images from URL.


×