Scorpion

جلسة علاج نفسي

22 مشاركات في هذا الموضوع

- إستريح علي الشيزلونج دا و أحكي لي...

- أنا يا دكتور ناشط سياسي.. و كنت عامل النهاردة ثورة عشان أرض مصر ما تتباعش...

- أرض مصر اللي هي "بلد معفنة و ظالم أهلها" و "يا رب هجرة" و "إمتي تتضرب بالنووي" و "يا رب أمريكا تحتلها" و "ادوا مرسي فرصة" و هو بيبيع حلايب و شلاتين و سينا و مستعد تتنازل عن جنسيتها بعلبة سجاير؟

- أيوه...

- تمام كمل..

- اتفاجئت إن الشعب الحقير العبيد الـ...

- اللي هم في نفس الوقت غلابة و مساكين و نازل تعمل ثورة عشانهم؟

- أيوه اكتشفت انه في منهم شوية رفعوا علم السعودية.. مش علم مصر..

- زي ما رفعت أنت علم إيطاليا عشان ريجيني و علم فرنسا عشان تشارلز إيبدو.. و علم الإنتداب الفرنسي بتاع الإرهابيين عشان سوريا و علم الناتو في ليبيا و صحابك رفقاء الميدان رفعوا معاك علم القاعدة و حرقتوا علم مصر؟

- أيوه بس هم ماحرقوش علم مصر.. اللي فاجئني إن العبودية وصلت أنهم كلهم أمنجية و دولجية و مخبرين.. جيل عرة.. جيل النكسة الفاشل.. يا رب يموتوا عشان نعيش..

- و انتوا عملاء و ممولين و منظمات مجتمع مدني و جماعات محظورة و جواسيس دا عادي؟

- ايوه يا دكتور.. فقررنا نحشد و نعمل ثورة ضد الجيش و العبيد.. الثورة مستمرة.. روح الثورة ما تراجعتش لحظة...

- و محدش نزل...

- صح.. ماهو مش الهدف إن حد ينزل.. الهدف إن روح الثورة ترجع..

- الثورة اللي مستمرة و روحها ماتراجعتش لحظة.. عايزها ترجع..؟

- أيوه يا دكتور أنت فاهمني.. و بعدين الأمن قبض علينا و لمنا من الشوارع...

- الشوارع اللي انتوا مانزلتوهاش أساساً؟

- أيوه.. ماهو منزلناش لأن الناس اتقبض عليها من قهاوي وسط البلد.. أكتر من 200 واحد...

- و كنتوا حاتعملوا ثورة بـ200 نفر و لما اتقبض عليهم فشلت؟

- لأ احنا ملايين..

- ملايين بس الـ200، الـ500.. الخمستلاف اللي اتقبض عليهم من علي القهاوي دمروا الأعداد المهولة دي...؟

- أيوه يا دكتور.. بس خوفنا النظام و اضطريناه يأمن الشوارع و المنشآت من الرعب و أثبتنا إنه نظام مرتعش..

- النظام اللي حط عليكم و لم منكم ما تيسر و رماكم في السجن قبلها بيوم و ماعرفتوش تعملوا حاجة؟

- ايوه .. الشعب يريد اسقاط النظام..

- الشعب العبيد اللي ضربكم عشان نازلين ضد النظام.. و بيحمي النظام.. عايز يسقط نفس النظام؟

- أيوه حضرتك فاهمني.. عملنا كل دا عشان الجزر مصرية و النظام بيقول سعودية...

- و هي سعودية و للا مصرية؟

- مش مهم سعودية و للا لأ.. المهم الجزر دي ارتوت بدم جنودنا.. حتى لو مش بتاعتنا مانفرطش فيها..

- إرتوت بدم جنودنا إللي هم جيل النكسة العرة الفاشل اللي يا رب يموتوا...؟

- أيوه.. حكم العسكر ظلم في ظلم و فشل في فشل.. و كان نفسنا صدقي صبحي يعمل انقلاب..

- صدقي صبحي اللي هو عسكر برضه.. يعمل انقلاب و يحكم عشان مش عايزين حكم عسكر..؟

- بالضبط.. بس الجيش قفل ميدان التحرير.. لو راجل كان فتحه و شاف عملنا ايه..

- يعني انت عايز اللي نازل تعمل ثورة ضده يساعدك و من غيره تفشل..؟

- أيوه.. دول مطلعين الطيارات عشان نخاف لا يضربونا بالطيران....

- دي طيارات عرض.. أنت مش عارف الفرق بين طيارة العرض و الطيارة المقاتلة؟

- لا..

- و كنت بتنظّر علي صفقة الرافال...؟

-أيوه...

- إحكيلي عن طفولتك شوية...

- و أنا صغير يا دكتور كنت ساكن جنب حتة إسمها "المواسير".. و...

- خلاص... ماتكملش

شارك هذه المشاركه


رابط المشاركه
شارك

على الشيزلونج
========= 

 

الطبيب النفسى : إيه اللى تاعبك يا حبيبى ؟
المعارض التوكتكاوى : حال الغلابة والغلا والكوى
الطبيب النفسى : بس ده تمن لازم ندفعه وإلا هتخرب أكتر
المعارض التوكتكاوى : مين اللى بيقول الكلام الفارغ ده .. إنت ما سمعتش سواق التوك توك ؟
الطبيب النفسى : اللى بيقول الكلام ده ناس بتفهم فى العلم والاقتصاد ومشاريع البنية التحتية
المعارض التوكتكاوى : زى مين قول لى ؟
الطبيب النفسى : محمد العريان ، فاروق الباز ، هانى عازر ، ....
المعارض التوكتكاوى : دى ناس معاها جنسيات اجنبية .. مش لامسين الواقع المصرى زى سواق التوك توك
الطبيب النفسى : طب ماهو البرادعى وعصام حجى وباسم يوسف معاهم جنسيات أجنبية وانت مصدقهم
المعارض التوكتكاوى : طب وسع وسع خلينى اقوم .. على الطلاق انت لا دكتور ولا تفهم فى الطب

شارك هذه المشاركه


رابط المشاركه
شارك

ممكن نخليها بائع العرقسوس بيعالج أمثال سائق التوكتوك من مرضه القلبي وعلته النفسية 

المثال عملي جدا خريج شريعه وقانون جامعة الأزهر 

كلمتين أبرك من عشرة 

حط إيده على المشكلة فين 

نفس راضية وشاكرة مش ناقمة وكافرة وجاحدة 

عايشة واقع بلادها 

تلقائية ارتجالية مش مصنوعة ولا متصنعه 

لا يملك توكتوك بعشرين ألف ولكن رأٍس ماله أناء بسيط وشوية كوبيات ببضعة جنيهات

وبيقول الحمد لله والشكر لله 

كوباية العرقسوس نزلت بردا وسلاما على قلوب الناس تصبرهم وتطمنهم 

مش تيأسهم وتحبطهم 

تحية لك يا بائع العرقسوس 

شارك هذه المشاركه


رابط المشاركه
شارك
29 minutes ago, tarek hassan said:

ممكن نخليها بائع العرقسوس بيعالج أمثال سائق التوكتوك من مرضه القلبي وعلته النفسية 

المثال عملي جدا خريج شريعه وقانون جامعة الأزهر 

كلمتين أبرك من عشرة 

حط إيده على المشكلة فين 

نفس راضية وشاكرة مش ناقمة وكافرة وجاحدة 

عايشة واقع بلادها 

تلقائية ارتجالية مش مصنوعة ولا متصنعه 

لا يملك توكتوك بعشرين ألف ولكن رأٍس ماله أناء بسيط وشوية كوبيات ببضعة جنيهات

وبيقول الحمد لله والشكر لله 

كوباية العرقسوس نزلت بردا وسلاما على قلوب الناس تصبرهم وتطمنهم 

مش تيأسهم وتحبطهم 

تحية لك يا بائع العرقسوس 

ناس مفترية 

مش تتعلم من بتاع العرقسوس

تم تعديل بواسطة herohero

شارك هذه المشاركه


رابط المشاركه
شارك
في 4/28/2016 at 19:39, Scorpion said:

- إستريح علي الشيزلونج دا و أحكي لي...

7 ساعات مضت, أبو محمد said:

الطبيب النفسى : إيه اللى تاعبك يا حبيبى ؟

 

شارك هذه المشاركه


رابط المشاركه
شارك

أيوه كده .. طلَّع التكتكاوى اللى جواك
واشكر السنيور على جلسات العلاج

Image result for ‫صورة ضحكة وقهقهة‬‎

وماتنساش .. أنت فى باب "دعوة للابتسام"
روح احتقن فى العيادة اللى جنبنا

شارك هذه المشاركه


رابط المشاركه
شارك
4 ساعات مضت, herohero said:

مش تتعلم من بتاع العرقسوس

خريج شريعة وقانون 

 

3 ساعات مضت, herohero said:

 

فعلا محتاجين جلسات علاج نفسي

 

 

Capture.PNG

شارك هذه المشاركه


رابط المشاركه
شارك

 

Quote

ايه ده !!! هما قبضوا علي سواق التوكتوك بجد

شارك هذه المشاركه


رابط المشاركه
شارك
2 ساعات مضت, Scorpion said:

 

ايه ده !!! هما قبضوا علي سواق التوكتوك بجد

أوووسكوووووت .. مش سواق التوك طلع فنكوش زى موضوع 11/11 ؟
أتاريه عسكرى أمن مركزى ولابس توك توك .. قصدى لابس سواق توك توك

شارك هذه المشاركه


رابط المشاركه
شارك
منذ ساعة, أبو محمد said:

أوووسكوووووت .. مش سواق التوك طلع فنكوش زى موضوع 11/11 ؟
أتاريه عسكرى أمن مركزى ولابس توك توك .. قصدى لابس سواق توك توك

لأ بجد يا ابو محمد اعتقلوه و اتحط عالعمبوكة و الا لأ .. أصلهم بيعلمونا ليل نهار ان قاعدة اساسية علشان نمارس بيها المواطنة اننا نتبين .. اننا نتيقين .. اننا نفحص و نمحص و نفعص اي خبر حد يحدفه علينا و بالذات لما يكون ملفوف في ورقة لحمة   .. علشان ما يشربوناش حاجة اصفرة و يعملولنا غسيل معدة .. او يستغلوا عواطفنا و يضلضلونا و يلعبوا بينا كورة شراب ... 

فعلشان ما اروحش انا كمان امددلي عالشيزلونج عايز اعرف اتقبض عليه و الا لأ ؟؟؟؟؟؟؟

شارك هذه المشاركه


رابط المشاركه
شارك

أنا رجعت البيت .. بعد ما كونت مختفى قسريا
بس وانا مختفى قسريا ما شوفتش سواق التوك توك هناك
أنا عارف انها إجابة غير مقنعة .. وكان لازم أكتب إحدى المعلقات السبع
فى تفنيد خبر القبض على سائق التوك توك
لكن ما باليد حيلة .. عندى نقص شديد فى المصادر التفنيدية
تفتكر حاعيش يا دكتور ؟

شارك هذه المشاركه


رابط المشاركه
شارك

  تحياتي:

الله عليكم وعلى ده حوار بجد أخذتموني مما أنا فيه وتخيلت نفسي في عيادة طبيب نفسي بجد.

  لكن ماهذا الحوار!! وكأن طرف فيه حقا هو ناشت سياسي، فعلا يا إحنا نذهب لنعرف حقيقة العالم دي ونفهمهم. أو نذهب لنفهم أنفسنا ونعرف ليه احنا بالغباء ده ولم نفهم. لكن في النهاية لازم نفهم.

 أنا شاهدت ضيفا مع أحمد موسى(بالرغم من تحفظاتي عليه..المذيع..) لكنه كان يتحدث بالمستندات على خطة تهييج الشعب وبث الغضب بين صفوفه وذكر بعض البرامج الموجهة. منهم برنامج في المحور لسه شايفه جزء منه ..قال إيه.جالها فديو صوره واحد من الماره في الشارع شاف أسره كامله تنام وتعيش في الشارع وجاب الراجل يتحدث بكلام ....طبعا لم استطع أكمل البرنامج خاصة وأنا  كنت قد عرفت عن تمويله ..

     لكن الجميل هناك تجمعات بين الشباب كلها تؤيد عدم النزول وتتوعد من ينزل..وأنا اقول لها..وكما قلت لهم في الفيس..لاتنزلوا واتركوهم مع الأمن والجيش هم احرار حتى لا تعطوهم فرصة ويقتلوا واحد يجعلوه غنوة لهم..

     المهم كنت بس بمر عليكم 

أطمئن وتتمسوا بخير.

 

           سومه

تم تعديل بواسطة suma

شارك هذه المشاركه


رابط المشاركه
شارك
8 ساعات مضت, أبو محمد said:

أنا رجعت البيت .. بعد ما كونت مختفى قسريا
بس وانا مختفى قسريا ما شوفتش سواق التوك توك هناك
أنا عارف انها إجابة غير مقنعة .. وكان لازم أكتب إحدى المعلقات السبع
فى تفنيد خبر القبض على سائق التوك توك
لكن ما باليد حيلة .. عندى نقص شديد فى المصادر التفنيدية
تفتكر حاعيش يا دكتور ؟

لأ ما تقلقش يا ابو محمد .. انت تاكل فول بالبيض علي غيار الريق 3 ايام بس و انت قاعد علي كنبة متنجدة كويس .. اصلهم  عمالين يعلموا فينا ان لما الواحد يحط خبر كذاب او متفبرك لازم يتراجع و يعتذر عن خطأه و نشره لأخبار كذابة.. بس تعمل ايه في اللي في عينيهم جذع نخلة بحاله و عمال يتنطط علي القش اللي في عين التانيين ..

 

 

شارك هذه المشاركه


رابط المشاركه
شارك
10 ساعات مضت, Scorpion said:

 .. اصلهم  عمالين يعلموا فينا ان لما الواحد يحط خبر كذاب او متفبرك لازم

Moving-animated-eyes-finger-pointing-dow

" ... يتم إغلاق الموضوع اذا كان مبني على خبر كاذب ... وذلك تمهيدا لحذفه ..."

Moving-animated-eyes-finger-pointing-dow

Justice.jpg

شارك هذه المشاركه


رابط المشاركه
شارك

وبعدين يجرى يتمدد على الشيزلونج ويعيط ويقولك : "الأخوان ركبونا"

هو ينفع يبقى واحد محامى وناشط سياسى وفى نفس الوقت مروج كلام سكرانين
وفى ذات نفس الوقت أهبل وعبيط كمان ؟

14642514_10210844006357693_6754995714886818875_n.jpg?oh=fd85756600295b386492eef7ace8c4a1&oe=5895890D

وقال المتحدث الرسمي باسم وزارة الدفاع الروسية، اللواء إيغور كوناشينكوف، للصحفيين إن "تصريحات أنطوني ماتشيريفيتش حول شراء روسيا سفن "ميسترال" من مصر هي تصريحات "غباء الجمعة"

أصل الخواجة إيغور ما يعرفش إن الغباء جمعة وسبت وحد
واحنا عندنا الغباء الثورى ما وردش على حد

14724422_319412258440832_156036013429207589_n.jpg?oh=dc26f3ca55aa4da4ed037f57d4365dc9&oe=588FACEC

شارك هذه المشاركه


رابط المشاركه
شارك
12 دقائق مضت, أبو محمد said:

وبعدين يجرى يتمدد على الشيزلونج ويعيط ويقولك : "الأخوان ركبونا"

هو ينفع يبقى واحد محامى وناشط سياسى وفى نفس الوقت مروج كلام سكرانين
وفى ذات نفس الوقت أهبل وعبيط كمان ؟

14642514_10210844006357693_6754995714886818875_n.jpg?oh=fd85756600295b386492eef7ace8c4a1&oe=5895890D

وقال المتحدث الرسمي باسم وزارة الدفاع الروسية، اللواء إيغور كوناشينكوف، للصحفيين إن "تصريحات أنطوني ماتشيريفيتش حول شراء روسيا سفن "ميسترال" من مصر هي تصريحات "غباء الجمعة"

أصل الخواجة إيغور ما يعرفش إن الغباء جمعة وسبت وحد
واحنا عندنا الغباء الثورى ما وردش على حد

14724422_319412258440832_156036013429207589_n.jpg?oh=dc26f3ca55aa4da4ed037f57d4365dc9&oe=588FACEC

لأ .. ويزعلوا لما يتقال عليهم طابور خامس
كلاكيت عاشر مرة
ليس من الضرورى أن تكون جاسوسا لكى تخدم عدو بلادك
يكفى أن تكون غبيا 

شارك هذه المشاركه


رابط المشاركه
شارك

يجب ان يتم الموافقه علي هذا المحتوي قبل نشره.

زوار
انت تقوم بالتعليق كزائر. اذا كنت تمتلك حساب فقم بتسجيل الدخول تسجيل دخول.
اضف رد علي هذا الموضوع....

×   You have pasted content with formatting.   Remove formatting

  Only 75 emoticons maximum are allowed.

×   Your link has been automatically embedded.   Display as a link instead

×   Your previous content has been restored.   Clear editor