أمهاتنا ... و معتقداتهم ...

[Scorpion]

 

- التخن صحة

- السفن أب فيه شفاء للناس

- لو مفتاح البيت ضاع فيه حرامي هيلاقيه في ساعتها -سبحان الله- ويمشي ورانا ويستني لما البيت يفضى ويسرقه

- العيش ﻻزم نجيبه من فرن معين وسبحان الله دايمًا بيكون الفرن البعيد

- التكييف أو المروحة لو فضلوا شغالين هيجيب للعيال برد حتى لو درجة الحرارة فوق ال50

[Scorpion]

- نور الأوضة لو اتساب شغال من غير ما يكون حد فيها فاتورة الكهرباء هتيجي أعلى

- لو قالوا "اللي عنده حاجة تتغسل يجيبها” أقل من 735 مرة محدش هيسمع كلامهم

- لو قمت من على الأكل من غير ما تمسح الأطباق مسح يبقى معجبكش وبتتبطر عليه ومش عاجبك حاجة في البيت وابن عاق وهتحطهم في دار مسنين لما يكبروا

- أي حاجة هتشتريها لوحدك هيتضحك عليك فيها حتى لو جبت عربية لامبورجيني ب3 جنيه ونص

- أول تكتين في باب الشقة ملهومش لازمة.. ﻻزم الثالثة

[Scorpion]

 

-  لو ماردتش على التليفون يبقى أكيد فيه حاجة وحشة حصلت ولو مقفول تبقى اتقتلت

 

-  لو قفلت باب أوضتك تبقى بتعمل حاجة غلط

- البنت لو بتعيط تبقى غلطت مع واحد

- الولد لو بيصرف أكتر من 20 جنيه في الأسبوع يبقى بيشرب مخدرات

- أعز من الوِلد.. باب الثلاجة