أسد بتاريخ: 30 يوليو 2002 تقديم بلاغ مشاركة بتاريخ: 30 يوليو 2002 [b:post_uid13] :D المكان .. أي حتة ف مصر الزمان يوم من أيام عام 2060م الحفيدة : جدو تامر إزيك .. حلو البدي اللي انت لابسه ده .. بس ده موضة قديمة قوي يا جدو الجد : يا بنتي أنا راجل دقة قديمة وبالبس زي ما جيلنا اتعود وحسب التقاليد القديمة بتاعتنا الحفيدة : أيوه بس مش حاسس إنك مخنوق وانت لابسه؟ الجد : أبداً ده هو ده اللبس المحتشم اللي مفروض الكل يلبسه يحافظ عليه .. فين أيام زمان لما كنا نلبس البدي اللي مبين البطن والظهر مع البنطلون السترتش الجلد والجوانتي الجلد كانت حاجة آخر روشنة الحفيدة : ياه يا جدو .. ده انتوا كان ليكم تقاليد غريبة خالص الجد : وهو انتي فاكرة إن أيامكم دي أيام؟ يا بنتي أيامكو ديما يعلم بيها إلا ربنا .. فين أيام سنة 2000 م، هو الواحد فينا كان يستجري يشرب سيجارة البانجو ولا يسحب له سطر بودرة قدام أبوه؟ طب ده الدنيا كانت تتقلب ساعتها وما تتعدلش .. أمال إيه .. كان فيه حاجة اسمها أخلاق الحفيدة : معقول يا جدو؟ للدرجة دي!!؟؟ الجد : أمال انتي فاكرة إيه .. وبعدين كانت الست من دول ما تلبسش اللبس الخليع بتاع اليومين دول .. يعني الجيبة كان لا يقل طولهاعن شبر ونص .. وكانوا الستات يلبسوا فوقيها بلوزة باستمرار مش زي دلوقتي الحفيدة : يا خبر .. وإيه كمان ياجدو الجد: ح أقول لك إيه ولا إيه .. يعني خدي عندك مثلاً .. زمان كنا نسمع الطرب الأصيل لمطربين حقيقيين زي مصطفى قمر ، وعمرو دياب ، وكانت الأغنية مدتها أكثر من دقيقتين متواصلين من الطرب الأصيل والموسيقى الهادية الراسية اللي تعمر النافوخ بصحيح كانوا مطربين روشين وآخر طحن. الحفيدة : وبعدين الجد : وبعدين كنا نسمع على حاجة اسمها اسطوانات ليزر ، ودي صحيح تعتبر متأخرة دلوقتي بس كان ليها طعم عن دلوقتي ، يا سلام لما كنا نحطها في الووكمان ونعلقه في حزام البنطلون ونمشي في الشارع كده ،، كانت أيام جميلة الحفيدة : حكاويك ممتعة قوييا جدو .. ثانية واحدة بس لما أصحي سوسو صاحبي لأنه بايت معايا في الأودة من امبارح .. (بعد عدة دقائق) هيه يا جدو .. وبعدين الجد : أحلى أيام بقى كانت أيام الدراسة ، الفصل كان على أيامنا رايق وعدد التلاميذ فيه ما يزيدش عن ستين سبعين تلميذ ، وكنا ساعتها بنعرف نفهم الدرس كويس مش زي دلوقتي ، وكانت الشوارع أيامها فاضية لأن مصر كلها كان تعدادها 70 مليون مش أكثر ، تخيلي بقى الروقان اللي كنا فيه؟ الحفيدة : 70 مليون بس؟ الجد : أمال إيه .. علشان كده كانت كل حاجة رخيصة ، يعني مثلاً كيلو اللحمة يوم ما يضربه الدم كان يبقى بخمسة وعشرين جنيه أو بتلاتين جنيه ، وكان أتخن جوز جزمة ب 250 جنيه ، وكان الواحد يقدر يشتري شقة تمليك بـ 150 الف جنيه بس .. وكان الدولار بخمسة جنيه بس تخيلي بقى؟ الحفيدة : ما هو علشان كده كان الجواز على أيامكم كان سهل خالص الجد : أمال .. ده احنا الواحد مننا كان بمجرد ما يوصل سن 35 سنة يبتدي يفكر في الجواز على طول ، وما كانش عندناالأفكار الغريبة اللي بتعملوها دلوقتي زي إن البنت تعاشر الولد كام شهر قبل الجواز علشان يتعرفوا على بعض أكثر زيك انتي وسوسو صاحبك ، أنا شخصياً شايف إن ده وضع مش لطيف ، ده احنا يا بنتي على أيامنا كان لا يمكن البنت تبات بره ولا تتأخر بره البيت عن الساعة أربعة صباحاً ، طب ده باباها كان ممكن ساعتها يخاصمها الحفيدة : ده انتوا كنتوا متزمتين خالص ياجدو الجد : يا بنتي إحنا اتربيناعلى الأخلاق والفضيلة والعادات والتقاليد .. يعني كان الواحد مننا زمان لما يدخل الأسانسير ويلاقي جاره في الأسانسير يروح مصبح عليه ، ومش بعيد كان يسأله عن أحواله .. وكانوا أهل الفن محتشمين جداً وكانوا دايماً يطلعوا بالكومبليزون والمايوهات البيكيني ، وكان لا يمكن التلفزيون يذيع أفلام جنسية في السهرة زي دلوقتي ، والمذيعات كانوا يقعدوا جنب الضيف مش على ركبته زي .. هيـ يـ يـ يـ ـه الله يرحم دي أيام الحفيدة : رايح فين يا جدو الجد : أصلي كنت موصي الجزار على اتنين كيلو لحمة وأعطيته ثلاثة آلاف جنيه عربون وعايز أروح أطمن إذا كانت اللحمة وصلت ولا لأ .. تشاو .. سي يو .................... :xmas: [/b:post_uid13] في القصص الرومانسية القديمة .. يكتب المحب رسالة حب .. ويضعها في زجاجة .. ويرمي الزجاجة في البحر .. لا يهم من سيقرأها .. لا يهم هل ستصل إلي حبيبته أم لا .. بل كل المهم .. أنه يحبها ..وتاني .. تاني .. تاني .. بنحبك يامصر .. ... "إعلم أنك إذا أنزلت نفسك دون المنزلة التي تستحقها ، لن يرفعك الناس إليها ، بل أغلب الظن أنهم يدفعونك عما هو دونها أيضا ويزحزحونك إلى ماهو وراءها لأن التزاحم على طيبات الحياة شديد" (من أقوال المازني في كتب حصاد الهشيم) رابط هذا التعليق شارك المزيد من خيارات المشاركة
ragab2 بتاريخ: 30 يوليو 2002 تقديم بلاغ مشاركة بتاريخ: 30 يوليو 2002 يبدو هذا الموضوع شيق ومسلى وقبل قراءته يبدو أنه تفصيل لباب دعوة للابتسام تحياتى لكاتب الموضوع الأخ الكريم سيد Edited By ragab2 on July 29 2002 05:14am مصر أكبر من نظام الحكم الفردى الديكتاتورى الإستبدادى الذى فرضه علينا عسكر حركة يوليو فى الخمسينات وصار نظاما لحكم مصر برنامج الرئيس الإنتخابى لإسكان فقراء الشباب .. سرقه مسؤولون وزارة الإسكان مع المقاولين ..! رابط هذا التعليق شارك المزيد من خيارات المشاركة
disappointed بتاريخ: 30 يوليو 2002 تقديم بلاغ مشاركة بتاريخ: 30 يوليو 2002 فكره جميله دم خفيف ما أجمل الفكاهه عندما يكون ورائها عمقا وبعدا ومدلولا وهذا ما أسميّه : هزار يراد به جدّ وضحك يراد به تفكّر :D ------> :colgate: ------> :dozingoff: -----> :notify: ----------> :0 -------> :cry: -------> :D <span style='font-family: Traditional Arabic'><span style='font-size:15pt;line-height:100%'><strong class='bbc'>إن أخشى ما أخشاه هو :<br /><br />أن تصبح الخيانة يوما ما.....مجرّد.....وجهة نظر</strong></span></span><br /><br /><br /><br /><img src='http://www.egyptiantalks.org/images_temp/moir.gif'alt='صورة' class='bbc_img' /> رابط هذا التعليق شارك المزيد من خيارات المشاركة
AS115 بتاريخ: 13 أغسطس 2002 تقديم بلاغ مشاركة بتاريخ: 13 أغسطس 2002 موضوع ظريف ولكن هل ىعقل أن تصل ألامور لهذا ألحد؟ أشك رابط هذا التعليق شارك المزيد من خيارات المشاركة
أسد بتاريخ: 14 أغسطس 2002 كاتب الموضوع تقديم بلاغ مشاركة بتاريخ: 14 أغسطس 2002 أشك لأ .. لا أتمنى ... نعم ..!!! في القصص الرومانسية القديمة .. يكتب المحب رسالة حب .. ويضعها في زجاجة .. ويرمي الزجاجة في البحر .. لا يهم من سيقرأها .. لا يهم هل ستصل إلي حبيبته أم لا .. بل كل المهم .. أنه يحبها ..وتاني .. تاني .. تاني .. بنحبك يامصر .. ... "إعلم أنك إذا أنزلت نفسك دون المنزلة التي تستحقها ، لن يرفعك الناس إليها ، بل أغلب الظن أنهم يدفعونك عما هو دونها أيضا ويزحزحونك إلى ماهو وراءها لأن التزاحم على طيبات الحياة شديد" (من أقوال المازني في كتب حصاد الهشيم) رابط هذا التعليق شارك المزيد من خيارات المشاركة
mnman بتاريخ: 15 أغسطس 2002 تقديم بلاغ مشاركة بتاريخ: 15 أغسطس 2002 اهو دة يتقال علية هم يضحك وهم يبكي ،،، عفارم عليك يا اخ سيد. ;) ;) :D :D إلي كل المصريين: لا يستطيع أحدٌ ركوب ظهرك .. إلا إذا كنتَ منحنياً. رابط هذا التعليق شارك المزيد من خيارات المشاركة
Ashraf بتاريخ: 21 أغسطس 2002 تقديم بلاغ مشاركة بتاريخ: 21 أغسطس 2002 تكملة جدو 2060. تانى يوم فى نفس العام سوسو صديق توتو الحفيده بيكلمها فى التليفون . سوسو :ازيك يا توته؟ توتو :اهلا يا سوسو يا حياتى عملت ايه النهارده؟ سوسو : حاجات اوريجينال خالص خالص . وقفت مع دادى فى المطبخ وهو بيعمل الغدا وعرفت ازاى بيطبخ اكله كان جده هو اللى علمها له .. مطرقعه باين !!توتو : مطرقعه ايه يا سوسو !! قصدك مسقعه .. سوسو : يوه بقى يا توته .. اهى حيره و السلام موضوع التبيخ ده .. عكعكه كده و لغوصه وحاجات يع موت .. و شفتى دادى بيقول لى ايه !! .. توتو : بيقول لك ايه داديك يا سوسى .. ده باين عليه لسع خالص .. سوسو : آل ايه دادى عاوزنى انزل السوق و اشترى الخضار . توتو : وات؟ او مون ديو .. اما يبقى تريب يجنن .. سوسو : تريب ايه يا توتى ده عاوزنى انزل وياه كل اسبوع نبضع و نشترى ونقف مع البياعين الفالجر دول اللى يقولوا الكيلو بعشرين وانا اقول لا بتلاتين ... مش عارف ازاى ممكن اتعامل مع الناس دى .. توتو : ايوه يا حياتى ..ولد رقيق و ناعم زيك ماينفعش خالص يسمع الاصوات المزعجه دى ولا يبوظ اخلاقه بالاختلاط مع الناس تانى اسبوع فى نفس العام . الحفيدة : إيه يا جدو تامر . بقى لي زمان ما قعدتش معاك .ْ الجد :وهو أنا عارف أتلم عليكي خالص . الحفيدة :أصل أنا وسوسو أخدنا الولد من الحضانة .. الجد : ولد!!ولد إيه اللي أخدتوه من الحضانة؟ الحفيدة :آه صحيح أنا نسيت أقول لك .. أصل أنا جبت ولد من سوسو صاحبي .. الجد (وقد احولت عيناه قليلاً) : يا بنتي هو انتو اتجوزتوا لسه .. الحفيدة : يا سلام عليك يا جدو .. إنت عليك تحاكيم غريبة .. طيب إيه اللي يمنع؟؟!! الجد:ما ينفعشي يا بنتي . الحفيدة : ليه؟؟ ... أنا شخصياً عملتها ونفعت .. الجد :مشكلتي إني ما باعرفش أزعل منك يا عكروتة .. وسميتوا المحروس إيه بقى .. الحفيدة : سميناه (دوت كوم) .. الجد : نعم .. دوت كوم؟ ..أنعم وأكرم وده بقى لما تعوزي تنادي له تدوسي (إنتر) ولا إيه بالضبط .. الحفيدة : ها ها ها ها ..إيه الخفة دي يا جدو .. والله فكرة . لما أعوز أنده له أدوس إنتر .ولما أحب أقول له روح أودتك أدوس (ألت وإف4) . الجد:وأخدتوه من الحضانة وديتوه فين بقى؟ الحفيدة : وديناه النادي الصهيوني . الجد :النادي الصهيوني؟ الحفيدة : أيوه ..ده نادي جميل معمول برعاية كبار رجال الأعمال ..وتحت رعاية وزارة الشؤون الاجتماعية .. وده بيعلم الأطفال حاجات ظريفة خالص ومصاريفه رخيصة جداً ..ء وبعدين الولد الكويس ممكن يبعتوه يكمل تعليم في إسرائيل على نفقة وزارة الزراعة .. الجد : إشمعنى وزارة الزراعة يعني .. وإيه دخلها في الموضوع ده .. الحفيدة :أنا عارفة بقى يا جدو المهم حد يتكفل بالدفع وخلاص ..أصل (ميدو يوسف والي) وزير الزراعة ده راجل متفتح قوي . الجد : نعم .. قلتي مين .. ميدو يوسف والي ..الحفيدة : أيوه يا جدو .. إزاي مش عارف اسم وزير الزراعة . الجد :أنا أصلي كبرت وصحتي مش مساعداني أفتكر المعلومات دي .. طيب قولي لي ..مين وزير الإعلام دلوقتي .. الحفيدة : قصدك وزيرة الإعلام يا جدو .. اسمها تيتي صفوت الشريف . الجد (وقد ظهرت عليه علامات التشنج والاحتقان وبدأ الزبد يسيل من فمه) :ومين وزير الثقافة .. الحفيدة : نوني فاروق حسني ..إيه الأسئلة الكتيرة دي يا جدو .. ومالك بتبص حواليك كده .. الجد :طيب قولي لي (يقترب منها هامساً في أذنها وهو يرتجف ويسألها سؤالاً ما .. ثم يضع يده على فمها قبل أن تجيب قائلاً :قولي لي الإجابة في ودني .الحفيدة (مذهولة من تصرف الجد) :حاضر يا جدو (وتهمس في إذنه بالإجابة) . الجد (وقد ازرق وجهه .. وتمددت أطرافه . وبدأت عليه اعراض ذبحه صدريه ) : حسبي الله ونعم الوكيل ..حسبي الله ونعم الوكيل .. الحفيدة : جدو .. جدو . اسدال الستار دع الحرص على الدنيا وفى العيش لاتطمع ولا تجمع من المال فلا تدري لمن تجمع فالرزق مقسوم وسوء الظن لا ينفع فقير كل ذى حرص غنى كل من يقنع رابط هذا التعليق شارك المزيد من خيارات المشاركة
etreby بتاريخ: 21 أغسطس 2002 تقديم بلاغ مشاركة بتاريخ: 21 أغسطس 2002 الجد (وقد احولت عيناه قليلاً) :angry: :angry: :angry: :angry: :angry: :D رابط هذا التعليق شارك المزيد من خيارات المشاركة
صلاح الدين بتاريخ: 3 سبتمبر 2002 تقديم بلاغ مشاركة بتاريخ: 3 سبتمبر 2002 [b:post_uid0] والله فعلا قصة جدو و جدو 2 دوول محتاجين كاتب سيناريو زى الأخ جونيور[/b:post_uid0] انـمــا الأمــم الأخـــلاق ما بقـــيت ...........فان هـــم ذهـــــبت أخلاقـــــهم ذهــــبوا رابط هذا التعليق شارك المزيد من خيارات المشاركة
elbana بتاريخ: 22 ديسمبر 2002 تقديم بلاغ مشاركة بتاريخ: 22 ديسمبر 2002 أشكر الأخ SYD على نشر الجزأين الأولين من (أيام زمان .. لو علمتم الغيب) التي كنت قد نشرت أول أجزائها منذ ما يزيد على العام ونصف العام في عدة أماكن وكان أولها منتدى محاورات المصريين ، ووقتها طالبني الأخوة هنا ومنهم فري فرير على ما أذكر بضرورة كتابة أجزاء أخرى ، وهذا هو الجزء الأخير الذي ألفته لتصبح في مجموعها ثلاثة أجزاء : ----------------------------------------------------- الحفيدة : صباح الخير يا جدو . الجد : صباح الخير .. إنتي فين .. الحفيدة : معلش أصل يا جدو انت عارف إن شغلي في منطقة (شالوم يا صاحبي) اللي هي كان اسمها الملك الصالح سابقاً يعني في الضفة الشرقية وانت عارف مسألة العبور لسه صعبة . الجد : ضفة شرقية؟ ضفة شرقية إيه يا بنتي؟ الحفيدة : يا جدو ضفة النيل الشرقية .. الجزء اللي تبع إسرائيل حالياً .. الجد : إسرائيل .. الحفيدة : أيوه يا جدو إسرائيل .. مش هم أخدوا المساحة لحد كورنيش النيل وبقت تبعهم من حوالي عشر سنين . الجد : إزاى ده يا بنتي .. واحتلوه إمتى والحرب حصلت إمتى ؟ الحفيدة : لأ احتلوه إيه بس يا جدي .. ليه الكلام الكبير ده .. هم ما احتلوهوش ولا حاجة .. ولا قامت حرب ولا حاجة .. كل ما هناك إنهم اتفقوا مع مصر على تقسيم البلد بالاتفاق مع الحكومة على أساس إثبات حسن النوايا من مصر تجاههم .. وبالفعل أثبتنا لهم حسن نوايانا . الجد مذعوراً : إيه الكلام ده .. إنتي بتقولي إيه؟ الحفيدة : إيه يا جدو .. مالك واخد المسألة جد ليه .. يا ريتك تروح هناك مرة وتشوف هم عملوا إيه في المناطق اللي خدوها .. دي بقت جنان ومتقدمة جداً ..كلام في سرك أنا بابقى شايلة الهم وأنا راجعة على هنا . الجد (وقد اتسعت حدقتاه من الذهول) : كلام إيه ده .. طيب إزاي أخدوا نص البلد .. والناس اللي كانوا هناك عملوا معاهم إيه وراحوا فين . الحفيدة : بالهداوة بس يا جدي .. أنا حكيت لك الأحداث دي قبل كده .. ومع ذلك ح أحكيها لك تاني . شوف يا سيدي مصر اتفقت معاهم على إنهم ياخدوا الجزء الشرقي من النيل من أول البحر المتوسط في الشمال لحدود السودان في الجنوب وتم ترحيل السكان اللي في الجزء الشرقي إلى الجزء الغربي وتسكينهم في مساكن إيواء دفعت إسرائيل جزء من تكلفتها كمساعدة لنا ، وفتحت الباب لمن يرغب من السكان لطلب الإقامة في إسرائيل تمهيداً للحصول على الجواز الإسرائيلي . الجد : إقامة وجواز .. ده بعينهم ، يشبعوا بيها ، لكن عمرنا ما ح نفرط أبداً في جنسيتنا . الحفيدة (ضاحكة) : نفسي أعرف بتجيب الكلام ده منين يا جدو .. على فكرة أعداد المتقدمين لطلب الإقامة كانت أعداد كبيرة جداً لدرجة إن الطوابير كانت بتمتد بالكيلو والاتنين ، وبالفعل نجح عدد كبير وتم قبوله . الجد : (يرتمي على المقعد في شرود) وبعدين .. الحفيدة : ولا قبلين .. أنا طلبي وعدوني في الشركة اللي باشتغل فيها هناك إنهم ح يساعدوني فيه .. زي ما انت عارف (دوت كوم) ابني واخد الجواز الإسرائيلي لأن ظروف ولادته جت هناك ، والحكاية دي يمكن تشفع لي في طلبي . الجد (بصوت مختنق وقد امتلإت عيناه بالدموع) : وبعدين .. الحفيدة : يا جدو يا حبيبي إسرائيل دلوقتي هي القوة العظمى الثانية في العالم ، والخبراء بيرشحوها تبقى القوة الأولى يعني بقت أقوى من أمريكا نفسها ، وعندهم اقتصاد محترم ، وبيحترموا الفرد ، أما مسألة الدين دي فما بقتش مشكلة كبيرة ، كلنا عارفين إن حتى هنا في مصر ما بقيناش بنذكر أي شيء عن ديانة المواطن في أوراقه الرسمية ، لأن العالم كله بيعتبر ده من قبيل العنصرية وبالتالي موضوع الدين ده موضوع من قبيل الفوكلور دلوقتي ، يعني أنا شخصياً باحب النقوش القديمة اللي موجودة على المتاحف اللي كانت في الأصل مساجد وحولتها وزارة الثقافة المصرية إلى متاحف ، آدي كل علاقتي بموضوعا لدين ، غير كده متهيألي يبقى تعصب أعمى . الجد : طيب والوطن العربي؟.. والدول العربية ..؟ الحفيدة : يا سيدي الدول العربية حالياً كل همها إنها تقنع إسرائيل بالانضمام إلى الجامعة الشرق أوسطية اللي كان اسمها في الأول (جامعة الدول العربية) وغيرناه بناءً على طلب إسرائيل لأنها وعدتنا لو غيرنا الاسم يمكن تفكر في الانضمام . وكمان كل الدول العربية حالياً بقت تقول على إسرائيل في نشرات الأخبار والجرايد وكل وسائل الإعلام (الشقيقة إسرائيل) علشان يعني يغروها بالانضمام ، وربنا يسهل . الجد : وايه كمان؟ الحفيدة : بس يا سيدي المهم لازم أسيبك دلوقتي علشان أقابل القنصل المصري في شارع (5 حزيران) اللي كان اسمه (طلعت حرب سابقا)ً ، أصل مصر فتحت قنصلية هناك علشان تخليص معاملات رعاياها في الشقيقة إسرائيل .. ياللا شالوم بقى يا جدي . رابط هذا التعليق شارك المزيد من خيارات المشاركة
Khiber بتاريخ: 22 ديسمبر 2002 تقديم بلاغ مشاركة بتاريخ: 22 ديسمبر 2002 الجد :طيب قولي لي (يقترب منها هامساً في أذنها وهو يرتجف ويسألها سؤالاً ما .. ثم يضع يده على فمها قبل أن تجيب قائلاً :قولي لي الإجابة في ودني .الحفيدة (مذهولة من تصرف الجد) :حاضر يا جدو (وتهمس في إذنه بالإجابة) .الجد (وقد ازرق وجهه .. وتمددت أطرافه . وبدأت عليه اعراض ذبحه صدريه ) : حسبي الله ونعم الوكيل ..حسبي الله ونعم الوكيل .. الحفيدة : جدو .. جدو . اسدال الستار شكلكوا كده مش هتسكو ا إلا لما تقفلولنا المنتدى ده :oops: :oops: :lol: :lol: :lol: :lol: :lol: :? :? :? :? :? :? :? :? :? اللهم إنى أعوذ بك من أن أشرك بك شيأ أعلمه وأستغفرك لما لا أعلمه http://www.islamway.com/bindex.php?section...;scholar_id=109 رابط هذا التعليق شارك المزيد من خيارات المشاركة
Hassan بتاريخ: 23 ديسمبر 2002 تقديم بلاغ مشاركة بتاريخ: 23 ديسمبر 2002 أشكر الأخ SYD على نشر الجزأين الأولين من (أيام زمان .. لو علمتم الغيب) التي كنت قد نشرت أول أجزائها منذ ما يزيد على العام ونصف العام في عدة أماكن وكان أولها منتدى محاورات المصريين ، ووقتها طالبني الأخوة هنا ومنهم فري فرير على ما أذكر بضرورة كتابة أجزاء أخرى ، وهذا هو الجزء الأخير الذي ألفته لتصبح في مجموعها ثلاثة أجزاء :. جميلة جدا...بس معلهش بقى انا حصلى لخبطة ...كاتب الثلاث اجزاء واحد بس ...و الا كل جزاء لة كاتب . يعنى من الكاتب ؟..."سيد" و الا "اشرف" و الا "البنا" .. و الا "اكرم" ..لانى قراءت الجزاء الاول فى منتدى مصر من مدة طويلة ودة بيشرف علية الاخ اكرم. قال الله تعالى (وَأَعِدُّواْ لَهُم مَّا اسْتَطَعْتُم مِّن قُوَّةٍ وَمِن رِّبَاطِ الْخَيْلِ تُرْهِبُونَ بِهِ عَدْوَّ اللّهِ وَعَدُوَّكُمْ وَآخَرِينَ مِن دُونِهِمْ لاَ تَعْلَمُونَهُمُ اللّهُ يَعْلَمُهُمْ وَمَا تُنفِقُواْ مِن شَيْءٍ فِي سَبِيلِ اللّهِ يُوَفَّ إِلَيْكُمْ وَأَنتُمْ لاَ تُظْلَمُونَ ) سورة الأنفال (60) رابط هذا التعليق شارك المزيد من خيارات المشاركة
elbana بتاريخ: 23 ديسمبر 2002 تقديم بلاغ مشاركة بتاريخ: 23 ديسمبر 2002 .كاتب الأجزاء الثلاثة هو العبد لله (البنا) أما أكرم فبينشره نيابة عني لأني عضو ومشرف في منتدى شؤون مصرية معاه ، والحقيقة أنا لم أقصد الإساءة أبداً لأحد ، ولكن هذا الموضوع بدأ ينتشر بسرعة في المنتديات وعبر الإيميل ، لدرجة إنه بيجيني أنا شخصياً على الإيميل بتاعي ، وهذا لا يضايقني ، ولكن أحب أن يشير من ينشره إلى كاتبه الأصلي ، أنا أعلم أننا لا نتحدث عن ثلاثية نجيب محفوظ ، ولا عن شيء له قيمة كبيرة ، ولكن هذا لا يمنع من ضرورة الإشارة إلى اسم صاحب العمل ، أو على الأقل الإشارة إلى أنه (منقول) إذا لم نكن نعلم صاحبه . وقد قام بعض الأخوة الأعزاء نتيجة إعجابهم بالموضوع ، ومنهم أخونا العزيز سيد بنشر جزء أو أكثر في أكثر من مكان ، وقام البعض الآخر بإضافة أجزاء أخرى إليه ، وأنا أحب أن أشير هنا إلى أن الموضوع هو ثلاثة أجزاء فقط هي التي نشرت هنا ، وهذه الحقيقة أؤكد عليها من أجل الأجيال القادمة :cry: :cry: :cry: :cry: :cry: رابط هذا التعليق شارك المزيد من خيارات المشاركة
elbana بتاريخ: 23 ديسمبر 2002 تقديم بلاغ مشاركة بتاريخ: 23 ديسمبر 2002 عندك حق والله يا خيبر ، أنا من يوم ما كتبتها وأنا باترعب كل ما الباب يخبط :cry: :cry: :cry: :cry: رابط هذا التعليق شارك المزيد من خيارات المشاركة
Set_Amina بتاريخ: 24 ديسمبر 2002 تقديم بلاغ مشاركة بتاريخ: 24 ديسمبر 2002 الحكاية لذيذة جدا وحقوق التأليف محفوظة ياأخ بنا، بس قولي اجيب لك عيش وحلاوة فين وامتى؟؟ :oops: :D إن خوفت ماتقولشي وإن قولت ما تخافشي رابط هذا التعليق شارك المزيد من خيارات المشاركة
tiger1411 بتاريخ: 24 ديسمبر 2002 تقديم بلاغ مشاركة بتاريخ: 24 ديسمبر 2002 فين دى امرها سهل لكن امتى؟؟؟؟؟؟؟هى دى اللى بتخليه يترعب كل ما الباب يخبط :oops: :D :) وليس بعامر بنيان قوم***اذا اخلاقهم كانت خرابا رابط هذا التعليق شارك المزيد من خيارات المشاركة
Mohammad Abouzied بتاريخ: 25 ديسمبر 2002 تقديم بلاغ مشاركة بتاريخ: 25 ديسمبر 2002 يا جماعة دي نظرة متشائمة جدا للمستقبل والوعي موجود وصعب جدا قيادة الشعب المصري الى هذه الدرجة من الانحلال واذا نظرنا للشق الاجتماعي في هذه القصة نجد ان مصر اليوم محافظة في اخلاقيات شعبها عن اوقات كانت فيه مصر تصرح بالبغاء فيها وكانت الخمارات علنية في الشوارع والسكارى تجدهم يتعدون على عباد الله بدون ما يقال لهم شئ واذا نظرنا للشق السياسي كانت الاتفاقات مع الاسرائليين والغرب سرية والعداء علني بعكس اليوم ندعو للسلام ونستعد للحرب فلماذا هذه النظرة التشائمية اعتقد ان بكرة سوف يكون افضل من امبارح يأتي في آخر الزمان قوم حدثاء الأسنان سفهاء الأحلام يقولون من خير قول البرية يمرقون من الإسلام كما يمرق السهم من الرمية لا يجاوز إيمانهم حناجرهم فأينما لقيتموهم فاقتلوهم فإن في قتلهم أجرا لمن قتلهم يوم القيامة رابط هذا التعليق شارك المزيد من خيارات المشاركة
elbana بتاريخ: 25 ديسمبر 2002 تقديم بلاغ مشاركة بتاريخ: 25 ديسمبر 2002 ربما يا أخي محمد أبوزيد ، أتمنى من الله أن أكون متشائماً ، ولكن ما حولنا يسير بوتيرة تصاعدية شديدة نحو حالة من الضعف والوهن في شتى الأمور ، وتستطيع أن تعتبر ما أقوله هنا ليس مجرد نظرة تشائمية إلى المستقبل بقدر ما هو محاولة _ بأسلوب خاص _ للإفاقة ، يعني شوية نشادر ، شيء من قبيل الكاريكاتير أو الفانتازيا التي تغالي وتتمادى لتحدث هزة ورد فعل . الأخت ست أمينة والأخ تايجر : ياريت بدل العيش والحلاوة نخليه عيش وشوية فول وطعمية . وبالمناسبة يا جماعة فالجزء اللي كتبه الأستاذ أشرف ليس من ضمن ماكتبت ، فأنا عملت الجزأين اللي أضافهم SYD والجزء اللي أنا نشرته بس ، علشان الحق مش أكتر . رابط هذا التعليق شارك المزيد من خيارات المشاركة
amoun بتاريخ: 28 ديسمبر 2002 تقديم بلاغ مشاركة بتاريخ: 28 ديسمبر 2002 جميلة جدا بس ما تخافش احنا كلنا معاك بس لو حد منهم جالك ابقى قول لنا رابط هذا التعليق شارك المزيد من خيارات المشاركة
lالمطحون بتاريخ: 28 ديسمبر 2002 تقديم بلاغ مشاركة بتاريخ: 28 ديسمبر 2002 احيانا اشعر اننا اصبحنا زى بتوع المسلسلات المصريه اللى قاعدين يعملوا حكاوى عن العصر الملكى والبشوات والحرب ضد الانجليز ومفيش مانع الفرنسيين وطبعا ده لان مفيش حد قادر يتكلم عن الهنا اللى احنا فيه واحنا هنا بنتكلم عن سنة 2060او 2052 وواجعيين قلبنا اعتقد ان الهنا اللى احنا فيه كفايه جدا ولا اعتقد اننا ممكن نكون احسن من كده ويجعله عامر رابط هذا التعليق شارك المزيد من خيارات المشاركة
Recommended Posts
انشئ حساب جديد أو قم بتسجيل دخولك لتتمكن من إضافة تعليق جديد
يجب ان تكون عضوا لدينا لتتمكن من التعليق
انشئ حساب جديد
سجل حسابك الجديد لدينا في الموقع بمنتهي السهوله .
سجل حساب جديدتسجيل دخول
هل تمتلك حساب بالفعل؟ سجل دخولك من هنا.
سجل دخولك الان