اذهب إلى المحتوى
محاورات المصريين

فتكات .. دكتورة امراض نسا و ولادة


Scorpion

Recommended Posts

علي مدخل عيادة الدكتورة فتكات ... في بورد الأعلانات و التعليمات لزوار العيادة .. علقت الدكتورة التعليمات دي :

1- اللى لسة متجوزة جديد ... مش لازم على فكرة أول ما جوزك يعدى جنبك تبقى حامل !!!...
عادى جدا انك تتنيلى وتقعدى كام شهر على ما تبقى حامل !!!.....
لذلك حاولى تفرحى وتنبسطى بالكام شهر دول قبل ما تتقندلى ويبقى عندك عيال هتطلع عين اللى خلفوكى !!!....
مستعجلة على أيه ؟!! ربنا يولع فيكى بمولوتوف ...

2- اللى عايزة تركب "لولو" ..... على فكرة هو اسمه لولب عشان انا باتخنق لانى على لحم دماغى من الصبح !!...
وعلى فكرة اللولب ما بيتربطش جامد بمفتاح مشرشر زى انبوبة الغاز مثلا ولا بربط عليه جامد علشان انا مش ميكانيكي سعادتك....
وعلى فكرة كمان : اللولب ده مش شقى قوى زى ما سعادتك بتسمعى ( لان سمعك تقيل).....
يعنى ولا بيسرح على القلب !! ولا حيطلع من بقك ...

يعنى خالتك وأمك ومرات اخوكى مابيفهموش .... أيوة صدقى ولمى عفاريتك بعيد عننا ....

3- الست الحامل اللى بتأخذ اى علاج بناء على مشورة أو وصفة صاحبتها او امها او عمتها او خالتها او جارتها خليهم ينفعوكى !!...
وما تجيش تسألينى ينفع مع الحمل ولا لأ ؟!! ....
عشان أنا ما بردش على الاشكال الضالة اللى زيك !!!...
وكمان عشان انا باقاوم شيطاني بالعافية اني أقول لك : طب ما ينفعش وريني يا فالحة حتعملي إيه بقي...
أبقى اسأليني "قبل" ما تاخدي اي دوا مش بعد...

4- بالنسبة للأخ الزميل الصيدلي بتاع الزغزخانة .....
رأيك في العلاج اللي باكتبه ده آخر اهتماماتي علي فكرة...
يعني عارف ان الابيلات دوا ضغط و السيدوفاچ دوا سكر و الپرجنيل بيدوه للرجالة ..... الخ من ملاحظاتك اللي مش عارف كنت هاعيش من غيرها ازاي......
اصرف الدوا و انت ساكت....
يا حنين زى الأب ... يا أطيب أب ... يا سفن -أب....

5- رقم تليفوني اللي معاكم ده للضرورة....
الضرورة... لاتعنى مع احترامى الشديد لسيادتكم انك تتصلى وتسألينى الساعة 3 الفجر : ينفع ألبس بيجاما بأستك مع الحمل ولا لأ ؟؟؟...
أو ينفع تصبغي شعرك و الحاجات دي فأنا أسف أصدمك و أقول لك الحقيقة المرة انها لا تندرج تحت بند الضرورة.... تصوري؟!!!....
الدكتور بني ادم برضه علي فكرة... محتاج ينام زينا و يعمل پيپي زينا ....و احيانا بيتهف في مخه و ياخد دش...
مش لازم يطلع من الحمام يلاقي 53 ميسد كول من حضرتك ....
حاولي تتخيلي و لو لحظة انه يمكن مثلا كان مزنوق؟... وبيعمل زى الناس !!..

6- بالنسبة لشعر العيل اللي بيعمل حموضة!!!!! رأس البيبي بتبقي تحت علي فكرة....
يعنى مالهاش أى علاقة بالمعدة...
و حاقعد ربع ساعة كاملة اشرحلك تأثير الحمل علي صمام المرئ و الارتجاع...
لو المرة الجاية جبتي سيرة كلام ماما عن شعر العيل تاني حاحدفك بالطفاية اللى قدامى ...
مش يحفروها الفيران ..ويقع فيها التيران !!!...

7- على فكرة يا مدام الحاجات السخنة مش بتسقط الجنين ماكانش حد غلب.....
وبعدين الستات اللي بتقعد عالنت وتعملى فيها أم العريف ...
هو انا فعلا بعد 14 سنة خدمة في ثانوي مستني المعلومة اللي سيادتك جايباها من منتدي فتكات عشان اعرف أعالج حالاتي...
ارجوكي... روحي تابعي مع فتكات وزيرة الصحة والبرشام بتاعتك !!!...

8- بالنسبة للأخت اللي بتيجي مع الحالة و مالهاش أى تلاتين لازمة...
انا باجاوب علي ال500 سؤال اللي الحالة بتسألهم و باستحمل تدخلك في وسط الكلام ذوق مني مش اكتر .....
إنما مش لازم أول ما الحالة تدخل اوضة الكشف أرد كمان علي تساؤلاتك بخصوص بنت أختك اللي في الإمارات ....
ولا مرات ابنك التانية اللي متابعة مع دكتور تانى مش مريحها...
تحبي اعطيكي بباقي الكشف لبان دكر كمان؟.....

9- الباشمهندز جوز المدام الحامل... بيبقى مخنوق قوي انها في البيت بتشتكي من أعراض الحمل و بتدخل ضارب لي بوز و قرفان قوي انها تعبانة و الكلمة الشهيرة "شوفي لنا حل" ؟ .....
الحل يا حبيبى ماكنتش اتشاقيت ياخويا...
إنما خلاص أهي حامل و شايلة البطيخة علي قلبها الغلبانة...
مش عاجبك كمان انها تشتكيلك من غممان النفس ولا رجليها اللي ورمت ولا انها بقت تقيلة؟! ....
روح اشتكي لحد غيري انا حاسمعك كلام يضايقك...
بلاش مرقعة بقي دانتو لو جالكو زكام بتعلنوا الطوارئ....

10- و انا باعمل السونار... مش لازم كل زيارة تسألوني هو لسة ولد ولا هي لسة بنت!!!!!
انا اعرف واحد نام و صحي لقي نفسه لسه راجل برضو علي فكرة... بتحصل يعني احيانا!!!
على فكرة مش هيغيّر رأيي في نوع البيبي الحلم اللي حلمته طنت فلانة انها حتجيب بنت مش ولد ....
ولا طنت علانة اللي بصت عالبريمة اللي في شعر اخوه و قالت اللي جاي بنت الخ الخ من هذا الفلكلور اللطشيف....
و بالنسبة للقفشة بتاعة هو البيبي لون عينيه إيه ولا شعره طويل و لا شبه مين فينا ...... أوكي............ هأ هأ هأ.... خلاص؟
و اخيراً... و انتي جاية تولدي... ابوس رجل أمك (و حماتك).... بلاش بيض مسلوق و ملوخية..... اتعميت بقي حرام عليكو!!!!..
..

كل اللي حيلتي زمزمية أمل... و إزاي تكفيني لباب القبر


"صلاح جاهين"


رابط هذا التعليق
شارك

طب سعاتك يا دكتورة


ممكن جوز الست الوالدة يدخل عليها وهو حالق دقنه ؟


عادى كده ؟ .. مش حتتنفس يعنى ؟



وإيه حكاية الحاجة الألماظ اللى الست الوالدة لازم تلبسها دى


بعد الولادة مباشرة ؟


بصراحة .. هو اللى بيلبسها جوز الست .. مش الست


نحن فى حالة حرب لم يخض جيشنا مثلها من قبل
فى الحروب السابقة كانت الجبهة الداخلية مصطفة
تساند جيشها
الآن الجيش يحارب الإرهاب وهناك من يطعنه فى ظهره
فى الحروب لا توجد معارضة .. يوجد خونة

تحيا مصر
*********************************
إقرأ فى غير خضـوع
وفكر فى غير غـرور
واقتنع فى غير تعصب
وحين تكون لك كلمة ، واجه الدنيا بكلمتك

رابط هذا التعليق
شارك

بجد بجد انا ضحكت بطريقة هستيريه وانا اتصفح المكتوب -وهذا على غير عادتي- يا نهار ابيض بقى الطبيبات شايله كل ده وساكته!!!

اسمحلي يا سيدي سا كاتب المقال أن اعمل له كوبي وأعطي منه نسخة لإبنتي لأنها طبيبة نساء وعيادتها فى في حي شعبي وساعات وقت الصفا بتشكي لي منحاجات زي دي. وشكرا على اجباري على الضحك يبدو أنني كنت في حاجة له.

سومه

رابط هذا التعليق
شارك

  • بعد 10 شهور...

تستحق الرفع

ياقوووى

وكالريح لا يركن إلي جهه

إلا وهيأ لأخري راحله ...

 

رابط هذا التعليق
شارك

تستحق الرفع

ياقوووى

:)

قصدك تستحق "النتع" ؟

نحن فى حالة حرب لم يخض جيشنا مثلها من قبل
فى الحروب السابقة كانت الجبهة الداخلية مصطفة
تساند جيشها
الآن الجيش يحارب الإرهاب وهناك من يطعنه فى ظهره
فى الحروب لا توجد معارضة .. يوجد خونة

تحيا مصر
*********************************
إقرأ فى غير خضـوع
وفكر فى غير غـرور
واقتنع فى غير تعصب
وحين تكون لك كلمة ، واجه الدنيا بكلمتك

رابط هذا التعليق
شارك

:)

قصدك تستحق "النتع" ؟

نتع / بمعنى خرج

وهذا ينطبق على المنتوعه ياللى فوق

بالنسبة لى الرفع هو الأليق ...

استعنا على الشقى بالله

يامعييين

وكالريح لا يركن إلي جهه

إلا وهيأ لأخري راحله ...

 

رابط هذا التعليق
شارك

انشئ حساب جديد أو قم بتسجيل دخولك لتتمكن من إضافة تعليق جديد

يجب ان تكون عضوا لدينا لتتمكن من التعليق

انشئ حساب جديد

سجل حسابك الجديد لدينا في الموقع بمنتهي السهوله .

سجل حساب جديد

تسجيل دخول

هل تمتلك حساب بالفعل؟ سجل دخولك من هنا.

سجل دخولك الان
  • المتواجدون الآن   0 أعضاء متواجدين الان

    • لا يوجد أعضاء مسجلون يتصفحون هذه الصفحة
  • الموضوعات المشابهه

    • 0
      فى ضوء المشروع القومى لتنمية الأسرة وحملة بلدى أمانة التى ينفذها المجلس فى مختلف المحافظات قامت د.مايا مرسعرض المقال كاملاً
    • 0
      اكتشفت بسنت محمد هواية الرسم وهى فى عمر الـ 3 سنوات واستطاعت تنمية موهبتها وتطويرها ونجحت فى إقامة معارض فنعرض المقال كاملاً
    • 2
      الدكتورة مايا صبحي في برنامج تلفزيوني سنة 2013 تشرح المؤامرة على البشرية من طرف حكومة الظل للتخلص من 80% من سكان العالم وذالك بين 2020 و 2025 باستعمال اسلحة شبحية. يعتبر غاز الكيمتريل نوعاً من أنواع الغازات السامة، والتي تعد نوعاً حديثاً من أسلحة الدمار الشامل، وهو مجموعة من المركبات الكيميائية التي يمكن نشرها من الطائرات المدنية والعسكرية على ارتفاعات جوية محددة، هذه المركبات المستخدمة ستخلق الأمراض والأعاصير والمجاعات والزلازل المدمرة كل عام يقتل 40 مليون نسمة حول العالم، و يمكن تحميل الك
    • 7
      [b:post_uid0] منذ مدة طويلة و انا اعانى من اعراض الحساسية فى الجهاز التنفسى العلوى و هذه الأعراض هى و جود افرازات تسقط من الأنف الى الحلق و اشعر معظم الوقت بالرغبة فى التخلص منه  و ربما تنزل الى المعدة  و تسبب حموضة  و كذا ضيق فى التنفس مما يدفعنى لترك الشبابيك مفتوحة طول الوقت فى شتاء هذا العام  زادت هذه الأعراض الى سعال  تشتجى مستمر  و ذهبت الى الأطباء  و للأسف اخذونى كعب داير  اضطررت لزيارة اربع اطباء فى ظرف شهر واحد او شهر و نصف  و للعلم انى    لا اميل الى زيارة الأطباء  المهم بعض الأدوية ا
    • 5
      من قرابة الشهر وانا باشترى توت كلما صادفنى فى طريقى لان هذا موسمه وبسبب نزولى مع ابنى الامتحان فانا اصبحت اشتريه يوميا من احد الفلاحين الوافدين من الارياف يوميا لبيع منتجاته فى منطقتى ولكنى فكرت فى سر اقبالى على اكله بكثرة غير ان مذاقه حلو جدا ذهلت وانا ابحث عنه بمعرفة فوائده الكبيرة التى يغفل معظمنا عن معرفتها ولهذ احببت ان اخصص هذا التوبيك لمعرفة الفوائد الطبية لكثير من الخضار والفاكهة وارجوا تعم عليكم الفائدة ايضا ان شاء الله بهذه المعلومات
×
×
  • أضف...