غرفة المحاورات المركزية .. لمتابعة انتخابات الرئاسة المصرية

[Howayda Ismail]

مواطن يبحث عن اسمه في جداول الناخبين خارج احدى مراكز الإقتراع بالقاهرة

[Howayda Ismail]

انتخابات الرئاسة المصرية | الناخبات امام مدرسه محمد كريم بسموحه دائره شرق

[ام سلمي]

اللي حينتخب عمرو موسي او شفيق لازم يشوف بيان اللجنة العليا ده الاول خلونا نخلص بقي :)

[نوران]

يا رب ارحم الشهداء ... يا رب دمهم مايروحش هدر

[se_ Elsyed]

قال الرئيس التونسي منصف المرزوقي في تدوينه نشرها عبر حسابه على موقع التواصل الاجتماعى " تويتر

اليوم وبعد ساعات قليلة من الآن ، سيقرر المصريون مصير الأمة العربيه

يا رب نكون مدركين أهمية المسؤوليه اللي على اكتافنا .. و نكون حاسين بجد بقيمة اللي رايحين نعمله

يااااا رب

بالأمس على قناة أون تي في لايف ، المتصلين العرب كانوا بيقولوا المفروض أننا نصوّت في الانتخابات الرئاسية المصرية ، لأن من حقنا نقرر مصير الوطن العربي

ربنا يوفق ويكرم لرئيس محترم ، ويبعد عنا الفلول عمرو موسى وشفيق قادر يا كريم

إنت بتقول فيها

في غزة المحتلة يتوجه الاف الفلسطينيين إلى مدينة العريش للإدلاء بأصواتهم حيث ان يحملون الجنسية المصرية لكون كثير منهم من ابناء مصريين سواء من ناحية الأب أو الام .. تخيل منهم قياديين في حماس زي محمود الزهار ؟

[se_ Elsyed]

انتخابات الرئاسة المصرية | الناخبات امام مدرسه محمد كريم بسموحه دائره شرق

إيه ده إشمعنى أحنا ؟

إيه اللجان الطرية دي يا هند ؟

أيوه كده خلي الإنتخابات تولع وتحلو

[se_ Elsyed]

حشد رهيب في الكنائس لأحمد شفيق منذ أمس في حظر كبير للصمت الانتخابي

أنا مش قلقان من الموضوع ده

فالمسيحيين لا يقلوا وطنية عن المسلمين .. واللي عاوز ينتخب شفيق مش هايستنى الكنسية تقول له او الجامع يأمره

[ام سلمي]

امين

[سكر]

انا مندوب حاليا داخل لجنه ولسه منمتش من امبارح وحاسس بجو العيد الصغيرالناس فرحانه وملتزمه على الاقل امامى فى اللجنه

ادعولى اكمل لاخر اليوم ومسقتش

[ام سلمي]

د.ابو الفتوح اثناء انتظار الادلاء بصوته

[se_ Elsyed]

انا مندوب حاليا داخل لجنه ولسه منمتش من امبارح وحاسس بجو العيد الصغيرالناس فرحانه وملتزمه على الاقل امامى فى اللجنه

ادعولى اكمل لاخر اليوم ومسقتش

مندوب عن مين يا طأ طأ ؟؟؟

عارف لو حد غير ابو الفتوح ... مش هاخليك تدخل الرياض تاني

أنا مش باهددك ... انا باحذرك بس

أه ..... وأنت فاهمني وعارفني

[hanzalah]

عديت في طريقي للعمل على كام لجنة في مدارس

الحشود ضخمة جدا داخل وخارج اللجان

طوابير نساء واخرى رجال واعتقد بمرور الوقت سيتم تفضيل كبار السن في الدور والانتظار تخفيفا عنهم كما حدث في السابق

رئيس مصر القادم ستحسمه وتحدده أصوات نساء مصر .. بكل تأكيد

يارب ياغفار ارحم من ماتوا ليعطونا حرية الاختيار .. ارحمهم واغفر لهم وتقبل تضحياتهم يا حنان يا منان

--------------------

شهدت لجنتا عمار بن ياسر والتعليم الأساسي بالمقطم تأخر الموظفين والقضاء المشرفين على العملية الانتخابية لاختيار رئيس جديد للجمهورية،

وقد تأخر فتح اللجان لمدة 45 دقيقه

------------------------

تأخر فتح 15 لجنة بـ #أسوان حتى الآن لإعتذار القضاة المشرفين على العملية الانتخابية

---------------------------

اهلي الشهداء ونشطاء يرفعون صور الشهداء في وجه عمرو موسي اثناء استعداده للادلاء بصوته

------------------------------

إقبال كبير على لجان البحيرة وتأخر قضاة بابو المطامير و الدلنجات ومركز دمنهور

بدأت 916 لجنة انتخابية بمحافظة البحيرة في استقبال أكثر من 3 مليون ناخب بكافة أرجاء المحافظة

في الثامنة من صباح اليوم للإدلاء بأصواتهم في انتخابات رئاسة الجمهورية 2012م

-------------------------------

قناة التحرير

انجي محمد | الشعب يريد | لجنة قصر النيل : الوضع هادئ و سيطره امنيه متكامله

و يوجد مخالفه انتخابيه واحده للافته امام اللجنه للمرشح محمد مرسي و خرق منه للصمت الانتخابي

انجى محمد | الشعب يريد : الانتخابات تسير فى مظهر حضاري مشرف أمام العالم اجمع

------------------------------

خالد الصاوى :: تعليقا على من أعلنوا مقاطعتهم للتصويت فى انتخابات الرئاسة

"عزيزى المقاطع فكر تانى أرجوك، الشعب ده بقاله ستين سنة مقاطع.. يوم ما يبقى الشعب كله بيسألك هتنتخب مين ما يكونش ردك: لا دى انتخابات أونطة قاطعها، بالعكس، لازم تقول له: انتخب اللى أنت شايفه أقرب لتحقيق أهداف ومطالب الثورة اللى أنت آمنت بيها،

... ولو ما اتحققتش المطالب دى ثور عليه! ثور ثانى وثالث سواء كان هو اللى أنت انتخبته أو حد غيره، وسواء كنت قبلت بنتيجة الانتخابات أو لا قبل ما تكتشف الخداع، وسواء عدم تحقيق المطالب كان بالعافية أو بالحيلة،

أنت رايح تنتخب المطالب والأهداف الثورية مش رايح تنتخب الفرعون، رايح تنتخب واحدة من أدوات حماية تقدم وانتصار الثورة مش رايح تنتخب المشهد الختامى فيها.

العبرة مش بنتيجة الانتخابات بل بنتيجة الضغط الثورى من أجل تغيير البلد جذريا للأفضل، وده مش هيحصل واحنا قاعدين على الشط بنكلم الناس على أصول فن السباحة ونسخر منهم على عومهم الكلابى فى قلب الدوامات! الحل الوحيد هو إننا ننط معاهم ونطبش سوا لحد ما نعوم كلنا...

لأنه كده كده لو لا قدر الله انهزمت الثورة.. حنغرق كلنا

------------------------------

الحصان الاسود في سباق الرائسة يدلي بصوته في لجنة مدرسة ابن النفيس التجريبية بمدينة نصر

[hanzalah]

لجنة انتخابية بالزمالك منذ قليل

[hanzalah]

حلمية الزيتون بالقاهرة

مدرسة صلاح الدين الابتدائية بحلمية الزيتون

[hanzalah]

الاسكندرية - مدرسة علي جاد التجريبية

[hanzalah]

مدرسة بهتيم الاعدادية - شبرا الخيمة

[hanzalah]

مدرسة خديجه يوسف الثانوية بنات - قسم ثاني - اسيوط

[hanzalah]

مدرسة السيدة خديجة - الابتدائية - عين شمس - القاهرة

الساعه 7:55 صباح اليوم بعدسة يوسف علي

[الغريب]

فيصل القاسم :

اليوم يوم مجيد عز نظيره في تاريخ العرب. تحية إلى مصر العظيمة التي تقود قاطرة الديموقراطية بانتخاباتها الرئاسية التاريخية

[Om Zayd]

قال الرئيس التونسي منصف المرزوقي في تدوينه نشرها عبر حسابه على موقع التواصل الاجتماعى " تويتر

اليوم وبعد ساعات قليلة من الآن ، سيقرر المصريون مصير الأمة العربيه

يا رب نكون مدركين أهمية المسؤوليه اللي على اكتافنا .. و نكون حاسين بجد بقيمة اللي رايحين نعمله

يااااا رب

بالأمس على قناة أون تي في لايف ، المتصلين العرب كانوا بيقولوا المفروض أننا نصوّت في الانتخابات الرئاسية المصرية ، لأن من حقنا نقرر مصير الوطن العربي

ربنا يوفق ويكرم لرئيس محترم ، ويبعد عنا الفلول عمرو موسى وشفيق قادر يا كريم

إنت بتقول فيها

في غزة المحتلة يتوجه الاف الفلسطينيين إلى مدينة العريش للإدلاء بأصواتهم حيث ان يحملون الجنسية المصرية لكون كثير منهم من ابناء مصريين سواء من ناحية الأب أو الام .. تخيل منهم قياديين في حماس زي محمود الزهار ؟

انتوا بتقولوا فيها

في غزة .. صلوا صلاة الحاجة ودعوا للمصريين بالتوفيق في اختيار رئيسهم