اذهب الي المحتوي
تقى الله

طرح أراضى مميزة للإسكان العائلى بعدد من المدن الجديدة يستفيد بها المصريين بالخارج ،

Recommended Posts

انا هسيب لكم التعليق... :protest: :protest: :protest:

"الإسكان" تطرح أراضى للمصريين بالخارج فى مارس المقبل.."البرادعى": البيع بأسبقية الحجز.. ويؤكد: أثق أن برلمان الثورة سيدعم "برنامج الوزارة

الاجتماعى

الإثنين، 13 فبراير 2012 - 14:55

الدكتور فتحى البرادعى وزير الإسكان والمرافق والتنمية العمرانية

كتبت هبة حسام الدين

تبدأ وزارة الإسكان فى الأسبوع الأول من شهر مارس المقبل، طرح أراضى مميزة للإسكان العائلى بعدد من المدن الجديدة يستفيد بها أبناء مصر بالخارج، وذلك تنفيذا للهدف الاجتماعى الذى تسعى الحكومة لتحقيقه، وهو ربط أبناء مصر فى الخارج بالوطن، وتلبية لمطالب كثيرة من المصريين فى الخارج بالتملك فى أرض الوطن، خاصة بعد تحقيق مطلب التصويت الانتخابى فى الانتخابات الأخيرة، وهو المطلب الذى نادوا به منذ سنوات كثيرة.

قال الدكتور فتحى البرادعى وزير الإسكان والمرافق والتنمية العمرانية، خلال اجتماع صحفى عقده صباح اليوم الاثنين، بمقر الوزارة، إن البرنامج سيبدأ بطرح حوالى 8 آلاف قطعة أرض مميزة كمرحلة أولى فى عدة مدن جديدة موزعة على مناطق الجمهورية المختلفة لتلبى مختلف المطالب، لافتا إلى أن البرنامج يشمل تنمية 5 آلاف فدان والتى تتضمن المساحات المباعة، وكذلك المناطق الخضراء والطرق والخدمات، على أن يتم توجيه جزء من عائد هذا البرنامج لتطوير الطرق المؤدية للمواقع بتكلفة إجمالية 300 مليون دولار، ومن هذه الطرق "طريق السويس حتى مدينة بدر كطريق حر، المرحلة الأولى من الطريق الدائرى الأوسطى من طريق السخنة حتى طريق الإسماعيلية، تطوير محور "NA"، استكمال محور صفط اللبن إلى طريق الإسكندرية الصحراوى، المرحلة الثانية من محور صفط اللبن، وتشمل ربط كوبرى ثروت بكوبرى أكتوبر وكوبرى الجامعة".

وأضاف الوزير أن المدن التى ستطرح بها هذه الأراضى للمصريين فى الخارج هى "القاهرة الجديدة فى منطقة متميزة يطل جزء منها على طريق السويس الصحراوى، والطريق الدائرى الأوسط الإقليمى وتقع قبل مدينة "مدينتى"، مدينة الشيخ زايد وهى من آخر القطع بالمدينة، وتقع بالمكان المتميز بجوار مدينة زويل العلمية، مدينة بدر فى منطقة متميزة على طريق السويس الصحراوى ومواجهة لمدينة مدينتى، دمياط الجديدة بمنطقة متميزة تطل على البحر، ومدينة المنيا الجديدة فى منطقة متميزة تطل على النيل.

وأشار الوزير إلى أن مساحة القطعة تتراوح بين 700 و800 متر مربع للقطعة، وهناك بعض القطع تصل مساحتها إلى 1000 و1200 متر مربع للقطعة طبقا للتخطيط والنواصى والدورانات، موضحا أن سعر المتر سيبدأ من 200 دولار وحتى 675 دولارا للمتر الواحد وفقا لنسبة تميز قطعة الأرض، أما شرط الحجز هى أن يتمتع المتقدم للحجز بالجنسية المصرية، أن يتم الدفع بالدولار بتحويل من الخارج، حيث سيتم التخصيص بأسبقية التحويل للبنك المركزى والحجز للأرض، حيث سيتم فتح حساب بالبنك المركزى مخصص لهذا الغرض سيتم التحويل عليه.

وأوضح البرادعى أن طريقة السداد ستكون بأن يتم دفع 50% من ثمن الأرض دفعة مقدمة نقدا، وتدفع الـ50% المتبقية على عامين، لافتا إلى أن هناك ميزة سيتم إضافتها على الجزء الثانى من ثمن الأرض وهى خصم 10% من الـ50% المتبقية فى حالة الدفع النقدى لهذا الجزء على مرة واحدة، مضيفا أن الوزارة ستقوم بتخصيص مواقع إلكترونية على الإنترنت من خلال موقع هيئة المجتمعات العمرانية الجديدة التابعة للوزارة وموقع وزارة المالية ووزارة التعاون الدولى والخارجية وهيئة الاستثمار ووزارة القوى العاملة، حيث سيطرح على هذه المواقع الإلكترونية التفاصيل والخرائط والمواقع وطريقة التخصيص، وأسلوب السداد ورقم الحساب للتحويلات، على أن يتم البدء فى تسليم هذه الأراضى للحاجزين بداية من ديسمبر المقبل على دفعات محددة، أما بخصوص أراضى الخدمات بهذه المناطق فسيتم طرحها فى شهر أبريل المقبل للاستثمار ليستفيد بها أبناء مصر فى الخارج أيضا بنفس الأسلوب.

وقال وزير الإسكان إن العائد المادى المتوقع من هذه الأراضى سيشمل إجمالى ثمن الأرض والمقدر بـ3.5 مليار دولار، أراضى الإسكان والمقدرة بـ3 مليارات دولار، أراضى الخدمات والمقدرة بـ0.5 مليار دولار، بالإضافة إلى إجمالى الاستثمار المباشر المتوقع لبناء هذه الأراضى والبالغ 7 مليارات دولار، متضمنا أراضى الإسكان بـ4.5 مليار دولار وأراضى الخدمات بـ2.5 مليار دولار، علاوة على خلق 150 ألف فرصة عمل على مدى 5 سنوات من الإنشاء، مؤكدا أن برنامج أبناء مصر بالخارج هو أحد محاور برنامج الدولة للإسكان الاجتماعى 2012/2017 الذى تم الإعلان عنه فى العام الماضى، والذى يقوم على استيعاب 11 مليون مواطن خلال الـ5 سنوات المقبلة من خلال كل شرائح المجتمع التى حددها البرنامج بـ3 شرائح وهى محدودو الدخل التى تتطلب دعما كاملا، متوسطو الدخل التى تتطلب مساندة من الدولة، فئة القادرين التى تتطلب إتاحة أراضى لهم.

وفى السياق ذاته، أكد الوزير على ثقته ببرلمان الثورة والذى سوف يكون داعما لبرنامج الدولة للإسكان الاجتماعى، قائلا: "أثق أن البرلمان بأكمله باختلاف توجهاته السياسية لن يختلف على مفهوم العدالة الاجتماعية والتى نهدف لتحقيقها خلال برنامجنا للإسكان الاجتماعى لذا لا يوجد لدى أى تخوفات من قيام البرلمان بتغيير أى ملمح من ملامح البرنامج الاجتماعى عند مناقشته فى جلسات مجلس الشعب".

تم تعديل بواسطة تقى الله

شارك هذه المشاركه


رابط المشاركه
شارك

شوف يا سيدى وعلشان خاطرك انت بس اسمع التفاصييل

وقامت هيئة الخدمات الحكومية بناء علي اسعار المزادات بالمناطق المقرر طرح اراض بها بتحديد سعر الارض لكل مدينة.

وأضاف البرادعي ان سعر المتر بالشيخ زايد 675 دولارا في آخر القطع المتاحة بالمدينة بجوار مدينة زويل للعلوم ،

والقاهرة الجديدة 500 دولار، قبل مدينتي

ودمياط الجديدة 420 دولارا ،في منطقة متميزة تطل علي البحر

وبدر 250 دولارا ،في منطقة متميزة تواجه مشروع مدينتي

والمنيا الجديدة 200 دولار في منطقة متميزة تطل علي النيل ،

ويتم السداد عن طريق تحويل لحساب بنكي باسم هيئة المجتمعات العمرانية الجديدة في البنك المركزي المصري ويتم سداد 50 % من الثمن كدفعة تعاقد ويتم سداد الباقي علي قسطين ، وفي حالة رغبة المستفيد سداد الثمن دفعة واحدة يتم خصم 10% من الجزء المؤجل من الثمن ، علي ان يتم تسليم الارض في ديسمبر القادم.

واكد البرادعي ان قرار مجلس الوزراء يتضمن استقطاع 25% من المبالغ المحولة من الخارج لصالح استكمال المرافق والخدمات للاراضي المطروحة وذكر البرادعي ان البناء سيكون علي 50% من المساحة وخلال 5 سنوات كما ينص قانون 89 لسنة 1998 الذي ينظم عمل هيئة المجتمعات العمرانية الجديدة ويسمح باراضي المصريين بالخارج بناء ارضي و3 ادوار مع حق المستفيد في بناء ادوار اقل إن أراد.

نجيي بقى للتعليق رغم ان الموضوع لايحتاج تعليق لانه كله كدب

الاراضى فى غالبية هذه المدن كانت اخر سعر فى حدود 600 جنيه اذا استبعدنا القاهرة الجديدة وزايد والشروق

واقل سعر الان200

دولار يعنى حوالى 1200 جنيه تضربهم فى 600متر يبقى قطعة الارض فى حدها الادنى

700الف جنيه فقط لاغير بينما كان السعر فى القرعة الخامسة مثلا لا يزيد عن 250 الف

ناهيك (حلوة ناهيك دى) ان اسلوب الدفع اخر قرعة كان تسديد 25 فى المئة ثم مهلة سنتين والباقى على سبع سنوات

الخلاصة

نصبياية كبيرة تجعلك تترحم على ايام زمان

ايام كان مهندس الجهاز يقدم لك الشاى ويكاد يتوسل اليك لشراء ارض فى المجتمعات الجديدة

ايام

تحياتى

تم تعديل بواسطة طه بدر

شارك هذه المشاركه


رابط المشاركه
شارك

ياخوانا لاتنسوا ان هذا الوزير من فلول النظام السابقين وهو عاوز يرفع اسعار الاراض علشان زملائه التجار وشركات الاسكان ان سبق قلت كده في مشاركاتي السابقة حتى طلبت وقفة ضده لكن الاخوان في المنتدى هاجموني

شارك هذه المشاركه


رابط المشاركه
شارك

لا اعرف اقول ايه على تلك الاسعار

قمثلا ابو ادهم قال فى اخر رد ليه ان اوفر الفيلات ارتفع الى 300 الف جنيه اى ده اخر سعر للفيلات و هناك تقريبا متوسط المساحة 600 متر و لو قلنا القطع عليها اقساط فممكن تكون حوالى 100 الف

الان سعرها 200 دولار للمتر اى 1200 جنيه ... مع ان المعروض الان فى الشروق بالحى الثالث شرق فيلات المتر للقطع الكبيرة تحت 1000 جنيه و للقطع الصغيرة 648 متر بيكون حول 1000 جنيه

هنا الفرق فقط فى عدد الادوار لان المسموح العادى فى الفيلات هو بدروم و ارضى و اول و لازم تدفع ربع تمن الارض عشان تاخد دور زيادة ... هنا اعطاك دورين هدية اى اصبحت الفيلا عمارة

طبعا المهلة كبيرة و هى فرصة لو اتجمع اربعة و اشتركوا قطعة و بنوها

تحياتى

شارك هذه المشاركه


رابط المشاركه
شارك

أنا نفسي أعيش وأشوف العبيط ده هايبيع كام قطعة من الوهم اللي عامله ده

دي فعلاً ناس عايشه في مية البطيخ

هايبيع يا ريس

هايبيع للناس اللى فى ايطاليا

هايبيع للمهاجرين اللى معاهم الجنسية الامريكية وغيرها

هايبيع للتجار الكبار اللى هايدخلوا باسماء ناس مغتربين غلابة

وعلى فكرة واتحداك كل قطع التجمع والشيخ زايد هاتخلص من اول يوم كمان

وبصراحة اللى معاه ثمن قطعة منهم لا يتردد عارف ليه ؟ لان القطع دى بدون شروط بناء يعنى بدون مدة بناء يعنى تسقع فيها زى ما انت عايز

بس بينى وبينك انا واخد قرار وانا مغترب لن ادعم مصر الا ذا دعمت المغتربين

على الاقل تساوينا بالاردن والسودان بحقنا فى ادخال سيارة وعفشنا اللى بيترمى ببلاش وانت نازل

لو مصر دعمتنا يبقى ندعمها

تم تعديل بواسطة raouf

شارك هذه المشاركه


رابط المشاركه
شارك

طبعا اللى هيحصل بالطريقة بتاعة الوزير دى ان الاسعار هتزيد زيادة رهيبة فى الشقق وفى الاراضى

و الاهالى لما تسمع الاسعار كدة تلقائى جدا انها تضاعف اسعارها

اذا كانت الحوكمة بجلالة قدرها ضاعفت السعر

امال الاهالى تعمل اية

معنى كدة اننا داخلين على موجة زيادة رهيبة الفترة المقبلة

شارك هذه المشاركه


رابط المشاركه
شارك

انا مستغربة ومش فاهمة القصة دي اصلا

ما اي مصري من حقة يشتري اي حاجة في مصر ولا ايه؟

و لا هو عايز يعمل كمبوند للمغتربين فقط ؟

وساعتها تفرق ايه عن الغربة

ما المغترب يشتري عادي بتوكيل لاحد اقرابه

او ينزل في اجازة يشتري مش بلدو

انا فعلا مش فاهمة الصفقة دي ومش مرتحالها

شارك هذه المشاركه


رابط المشاركه
شارك

الدولة محتاجة دولارات لسد العجز وانخفاض الدخل من العملات الاجنبيه واحتمالية الدولار يوصل لعشرة جنيه في الشهور المقبلة وعدم استقرار الاحوال ورؤوس الفساد والاموال في السجون فالوزير مفكر انه هيدوس علي زرار ويلم دولارات من المغتربين قال يعني هو مش عارف ان المبالغ اللي طالبها مبالغ فيها اللي حيحصل ان الاراضي الكويسه هتلمها التجار ويسقعوها ويبيعوا بمزاج بعدين

شارك هذه المشاركه


رابط المشاركه
شارك

يبيع إزاي يا ريس إذن كان الشرا العادي من الأهالي أرخص .. يبقى أشتري من الدولة ليه ؟

يبقى انت مش متابع يا باشا

مفيش اى قطعة فاضية فى الشيخ زايد

ولو لقيت ختة فاضية لا تصلح للبيع لان مهلتها انتهت

وكذلك التجمع مفيش الا التمر حنة وما جاورها ودى سرها اوفر يقف باكثر من 3000 ومساحات كبيرة فوق ال1000 متر

المناطق المميزة اتقفلت زى النرجس وجنوب الاكاديمية والاحياء

اللى يميز الاراضى دى انها هى الاراضى المسحوبة من اصحابها ولم يلتزموا بالبناء

واعيد ان لا يوجد شروط بناء فى هذه القرعة يعنى تشترى وتبنى براحتك من غير كرباج ودى ميزة للى مش معاه يبنى دلوقتى

عن نفسى لو فيه اثنين معايا ونشترك فى قطعة فى التجمع مفيش مانع فكر وقولى لو تحب ونعمل خطة ان البناء بعد 5 سنوات مثلا

شارك هذه المشاركه


رابط المشاركه
شارك

لكل من ايد الفكرة بسبب شروط البناء او الموقع

لماذا تصر الدولة على جعل المغترب يدفع ثمن غربته مرارا وتكرارا

لماذا يجب ان يدفع اضعاف غيره ليحصل على شيء من حقه

لماذا تباع الاراضي للمستثمرين باسعار بخسة

لماذا نصر على الانصياع والرضا بحجة انها فرصة

الوزير هنا يؤسس لمبدأ هام جدا وهو ان المغترب لابد ان يدقع اغلى من المقيم داخل مصر ويفتح علينا ابواب الغلاء الفاحش في اسعار الاراضي والشقق

في رأيي الشخصي هذا ظلم والموافقة عليه ظلم اكبر

كم منا يحلم بقطعة ارض يبني عليها بيته الخاص به ومع هذا النظام كم منكم سيستطيع

800م فى القاهرة الجديدة = 400000 دولار=2,4 مليون جنيه

800 م فى الشيخ زايد =540000 دولار =3,2 مليون

800 م فى مدينه بدر =200000 دولار =1,2 مليون

800 م دمياط ج= 336000 دولار = 2,02 مليون

دي الاسعار للاراضي غير تكلفة البناء

طب تخيلوا

لما اشتري قطعة في الشيخ زايد تبقي قيمة الارض 3 ملاين و200 الف جنيه مصري يعني تتبني 8 شقق بكمان مليون و300 الف تبقي سعرها 5 مليون تكلفة يعني شقة 200 متر تكلفتها تبقي 625 الف جنيه \

طيب خدوا السيناريو ده من احد التعليقات على الخبر

10000 ريال راتب كويس حلو فى 12 شهر فى 10 سنين يعملوا 50 % من قيمة الارض وده على اساس ان لا فى اكل ولا شرب ولا مدارس ولا سكن ولا تذاكر ولا امراض ولا بلح امهات نظيف النظيف يجعل كلامنا خفيف عليه طيب يكمل 50 % التانيا ازاى وطيب يبنى الارض ازاى والرسوم وياكل ويشرب ازاى

تعرفوا ان الارض كدا اغلى من الخليج

في رأيي الناس دي مش هتتلم الا اذا عملنا وقفة

في انتظار اي اقتراح ترونه مناسبا

تم تعديل بواسطة justme

شارك هذه المشاركه


رابط المشاركه
شارك

اسف جدا لبس معنى وجود مال لدى بعض الافراد ان يتم اتباع سياسه الى معاة قرش يسو قرش ولى معاة نصف قرش ملوش مكان بينا

شعورى ان الدوله عايزة تحلب بقرة المغتربين بدرى بدرى وبكل قوة ودة هيدى نتائج عكسيه

والعبرة هنا ليس ببيع الارض ولكن بعدد المتقدمين ولو المشروع دة فشل لازم الوزير دة يتنفخ

شارك هذه المشاركه


رابط المشاركه
شارك

أستاذ / موعود .... أوعدك إن الوزير ده هايتنفخ وأخره طره إن شاء الله .

أستاذ / رؤوف .....أختلف معاك في وجهة نظرك يظهر ان حضرتك اللي مش متابع لأن أراضي القاهرة الجديدة مخطط لها مخططا قصري بمعني ان المدينة كان مخطط لها 2.5 ضعف المساحة الحالية لها بس لأن فيه طبقة معينه سكنتها وليها نفوذ فلموا الدور بالبلدي علشان يعرفوا يتاجروا في الاراضي الناس مش طالبة اراضي قمة في التميز ( ده لو كان حد سألهم أصلا ) الناس معترضة علي الاستفزاز في الاسعار بمعني أن الدولة مش تاجر علشان تستنفز الناس دي بالشكل المستفز ده ، يعني كانوا هايخسروا ايه لو خططوا 100 الف قطعة بمساحة 300 متر مثلا عمارات وبسعر معقول حتي لو كان أعلي من القرعة العادية بنسبة بسيطة كان هايحصل إيه ، هو ده اللي الناس تقصده لكن وجهه نظر حضرتك ليها جانب أخر منطقي وهو أن سعر الارض بيحكمه التميز بس ده مش معناه إني أقول اني هاطرح أراضي للمصرييين بالخارج علي النيل وعلي كورنيش اسكندرية بسعر 100 الف جنيه للمتر وأقول إنها مناطق مميزة وده سعرها لأ المفروض أنا بقدم حافز لجلب العمله الصعبة لكن هو هنا ماقدمش الحافز وبالمناسبة كان هايلم أضعاف المبلغ ده لو زود العدد وصغر المساحة وقلل السعر وأكيد دي مش محتاجه حساب وخصوصا لما يكون عندك مدينة زي اكتوبر وزايد والقاهرة الجديدة إنت اللي راسم حدودها بنفسك ، أقولك حاجة أضعف الايمان كان عمل الحل اللي قال عليه حسب الله الكفراوي ربنا يديله الصحة وهو أنك تعمل مدن جديدة تانية غير الموجودة حاليا ( منك هاتبدأ تخطيط جديد وهاتقدم أسعار محفزة وفي نفس الوقت هاتهتم بالمدن الجديدة القا ئمة فعلا واللي خدماتها فيها تقصير كبير بسبب الاهتمام الدائم بالأحدث ) ودي مجرد وجهة نظري .

شارك هذه المشاركه


رابط المشاركه
شارك

يبيع إزاي يا ريس إذن كان الشرا العادي من الأهالي أرخص .. يبقى أشتري من الدولة ليه ؟

يبقى انت مش متابع يا باشا

مفيش اى قطعة فاضية فى الشيخ زايد

ولو لقيت ختة فاضية لا تصلح للبيع لان مهلتها انتهت

وكذلك التجمع مفيش الا التمر حنة وما جاورها ودى سرها اوفر يقف باكثر من 3000 ومساحات كبيرة فوق ال1000 متر

المناطق المميزة اتقفلت زى النرجس وجنوب الاكاديمية والاحياء

اللى يميز الاراضى دى انها هى الاراضى المسحوبة من اصحابها ولم يلتزموا بالبناء

واعيد ان لا يوجد شروط بناء فى هذه القرعة يعنى تشترى وتبنى براحتك من غير كرباج ودى ميزة للى مش معاه يبنى دلوقتى

عن نفسى لو فيه اثنين معايا ونشترك فى قطعة فى التجمع مفيش مانع فكر وقولى لو تحب ونعمل خطة ان البناء بعد 5 سنوات مثلا

انا معاك جدا استاذ رؤوف...... فعلا الأسعار في القاهره الجديده للي متابع وصلت ل 5 الاف ج للمتر في بعض الأماكن والناس بتشتري كاش كمان على الأقل ديه بالتقسيط

ومش معنى كده اني موافق على ان الوزاره تطرح الأراضي بالسعر ده لكن فعلا في القاهره الجديده سعرها اكتر من كده وفي مدينة دمياط الجديده ايضا لأن ليا زملاء من دمياط وقالوا نفس الكلام ومشكلتهم الوحيده ان المساحات كبيره وهم مش عاوزين شركاء انما لو كانت مساحات في حدود 300م مثلا كانوا هيشتروا فورا

شارك هذه المشاركه


رابط المشاركه
شارك

ياجدعان انا مش عارف اعمل تقييم للردود + كل مادوس على التقييم يقولى:

done,action failed

التقييم يعمل ... لا تهتموا برسالة Action Failed

وصلتني عدة رسائل من الإخوة و الأخوات الكرام

يستفسرون لماذا التقييم معطل لديهم ؟؟

و قد ساورتهم الشكوك أنهم قد تم سحب الخاصية منهم :unsure:

و هنا اطمئن الجميع

التقييم يعمل و هناك خطأ في البرمجيات جاري إصلاحه

هو المتسبب في ظهور الرسالة المضللة في أن التقييم لا يعمل

و أحب أن أنوه لحضراتكم أن العضو الذي تُسحب منه خاصية التقييم بسبب إساءة

الاستخدام يتم اخطاره بذلك

:closedeyes:

---

تم تعديل بواسطة تامر حسن محمد

شارك هذه المشاركه


رابط المشاركه
شارك

يجب ان يتم الموافقه علي هذا المحتوي قبل نشره.

زوار
انت تقوم بالتعليق كزائر. اذا كنت تمتلك حساب فقم بتسجيل الدخول تسجيل دخول.
اضف رد علي هذا الموضوع....

×   Pasted as rich text.   Paste as plain text instead

  Only 75 emoticons maximum are allowed.

×   Your link has been automatically embedded.   Display as a link instead

×   Your previous content has been restored.   Clear editor

×   You cannot paste images directly. Upload or insert images from URL.


×