اذهب إلى المحتوى
محاورات المصريين

السيارات .. تكنولوجيا وصيانة ..


عصام

Recommended Posts

أسئلتك كتير .. خنقتنى ..

- بقى لي فترة كده كل ما اجي أدور العربية أسمع صوت فظيع ناتج عن " تزييق سير من السيور "  في المحرك .. واخيراً ربنا نفخ في صورتي وتخلصت من الكسل وروحت للمكيانيكي - ده بس عشان كنت مسافر بالسيارة من 20 يوم تقريباً - وغيرت السير الخارجي للدينامو اللي لقاه مهري خالص .. ما فيش بعدها بيومين الصوت رجع تاني إلى الآن ولكنه لا يستغرق سوى 30 ثانية تقريباً وتعود الامور لشكلها الطبيعي ... فما السبب وهل يكون سير المُكيف مثلاً مع إني ما بشغلوش أول ما ادور العربية .. ام يكون الراجل ركب السير غلط أو شده اكثر من اللازم ؟

شوف يا سيدى .. السيور عند تركيبها فى المصنع .. بتتشد بمقياس معين (ماكينة مخصوصة) تصل بالسير إلى الحد القياسى للشد المطلوب .. وكقاعدة عامة فى العربيات "مافيش حاجة بتتفك بترجع زى ما كانت بالظبط" فبيصبح فيه فرق فى شد السير قبل وبعد .. مما ينتج عنه هذا الصوت الذى تسمعه واللى هو غاليا صادر من سير التكييف .. اللى هو نفس سير الدينامو ..

عموما مافيش خطر .. ده أكيد ان شاء الله .. لكن الصوت ده عاده بيظهر فى الجو البارد فقط ..

- سمعت إن سير  " التايمنج " لازم يتغير كل 100 ألف ك وانا دلوقت عامل 120 ألف .. فهل حتماً ولابد أغيره دلوقت عشان ما يعملش مشاكل في الموتور وخاصةً البساتم .. ولا ممكن يقضي الحال خاصةً إن ما فيش سفريات قريب بالعربية ؟

سير "الكاتينة" أو التيمنج عند الناس المسأفة .. بيتغير بعد 100000 كيلومتر فقط فى أو مرة .. يعنى لو بتاع الفبريكة .. لكن بعد كده بيتغير كل من 40 إلى 80 ألف حسب العربية ونوعها وجنسيتها ..

حاول تلاقى الكتالوج بيتعاها owner's manual وأكيد هاتلاقى المعلومة موجودة فيه .. ولو إنى شبه متأكد إنه بعد كده بيتغير كل 60000 فى اللانسر ..

موضوع سير الكاتينة موضوع خطير جدا وماحدش بيديله اهتمام .. لكن السير ده - لا قدر الله - لو انقطع ممكن جدا يتسبب فى "كسر الموتور" بالكامل .. :D

- في محطات البنزين بيبعوا علبة فيها  سائل كده بيقولوا إنك لو أضفته للتنك وإنت بتمون السائل ده بيساعد على تنظيف البخاخات ( أصل انا بخاخات مش كاربريتور ) وهو ثمنه رخيص 10 ريال تقريباً .. فهل ده صحيح  ؟ ولا نصباية وسبوبة .

المنظف ده فعلا فعال .. لكن النصيحة اللى مكن أقولها لك .. ما تستخدموش إلا لو كنت مضطر

- لم اتعود إني امشي بالعربية ولمبة البنزين منورة .. ولكن قد تضطر الظروف لذلك ( يعني اخر الشهر مثلاً .. كده يعني  ) مع إن في ناس بتعملها وبتمشي حوالي 50 ك واللمبة منورة .. بس الباشمهندس هاندي كرافت قال لي معلومة قد تكون هامة وهي إن لما تمشي ولمبة البنزين منورة ده معناه إن منسوبه انخفض لأقل درجة وبالتالي فالحامل الحديدي اللي شايل ذراع البالونة داخل تنك البنزين ممكن يصدي لتعرضه للهواء ويعمل مشاكل بعد كده وتضطر تفك التنك عشان تغيره .. اما لما بيكون مغمور بالبنزين فما بيحصلوش حاجة ... فهل ده صحيح ؟

سلم لى ع الباشمهندس هاندى .. قوله المعلومة دى قديمة شويتين .. لأن النظام المعمول به دلوقتى فى تانكات البنزين مختلف تماما .. فلم يعد هناك وجود لتلك العوامة اللى عاملة زى عوامة "السيفون" .. وخاصة فى العربيات الحديثة ..

دلوقتى فيه حاجات إسمها "سينسورز" وبيسميها الجماعة الميكانيكية "حساسات" تعمل بالكهرباء .. والدليل إن مؤشر البنزين فى العربية بيكون تحت تماما لحد ما تفتح الكونتاكت تلاقيه يبدأ يطلع لفوق واحدة واحدة .. لكن لو كان النظام بالبالونة بتاعة السيفون كان لازم يفضل فوق على طول صح؟

الخلاصة .. طالما عربيتك إنجكشن .. ماتسيبش التانك يقل عن الربع تحت أى ظرف إتقاءا لمشكلة قطع البنزين .. لأن بيكون فيه "شوائب" فى البنزين بتشتقر فى قعر التانك .. والتى بدورها يتم سحبها لداخل الانجكشن "الدقيق جدا" مما يتسبب فى سده ومن ثم رميه ..

فهمت؟ mf)

وقليلاً ما أذهب بنفسي للميكانيكا او احاول أفهم لإن في ناس ربنا مسخرها لي تقوم بهذا العمل نيابة عني

واهو يا سيدى ربنا جعلنا واحد منهم ..

المهم بقى إنت قولت "هاشوفك برضه" وماشفتنيش !! :rolleyes:

[وسط]!Question everything

[/وسط]

رابط هذا التعليق
شارك

  • الردود 101
  • البداية
  • اخر رد

أكثر المشاركين في هذا الموضوع

أكثر المشاركين في هذا الموضوع

الصور المنشورة

عربيتى صوتها عالى و بتاخد وقت عبال ما تسحب... لسة مغيرة البوجيهات من أسبوعين و طقم الدبرياج الشتا الللى فات..  :rolleyes:

شوفى يا كليو ..

الكلام ده فى لغة السيارت إسمه كلام "عايم" ..

لأن المشكلة دى قد تكون ناتجة عن أكتر من عشر حاجات ..

احاجة الأكثر شيوعا .. هى إما البوجيهات الجديدة فيها رطوبة .. "تالفة يعنى" أو المسألة مجرد تظبيط الكهرباء وده الغالب ..

وفى الاخر حالتك دى محتاجة دكتور .. قصدى ميكانيكى .. mf)

لكن أنا متخيل إن المسألة بسيطة جدا ومجرد تظبيط مش أكتر

[وسط]!Question everything

[/وسط]

رابط هذا التعليق
شارك

'طقة' و'زنة' و'ونة'!

كل صوت وله حل!

بلاشك أن صدور أصوات غريبة يبعث علي القلق ولكن لو حاول قائد السيارة معرفة أنواع الاصوات الصادرة منها سيكون هذا عاملا هاما في ادخال الطمأنينة لنفسه وحتي يسير بهدوء إلي أن يصل إلي الميكانيكي وتنتهي حالة الفزع.. أولا عليه ان يعرف ليس كل صوت صادرا من السيارة يسبب قلقا.. فهناك اصوات لاقيمة لها ولاتدل علي شيء. وهناك اصوات تدل علي وجود مشكلة بالسيارة مما يتطلب تدخل قائدها.

من داخل المحرك:

ما هي انواع الاصوات الصادرة؟

هناك أصوات من داخل المحرك وملحقاته مثل طلمبة المياه والدينامو والمارش أو قد تكون صادرة من العفشة وآلات الجر والفتيس أو أصوات نتيجة كسر بالشاسيه.

ما هو الشيء الذي يميز صوت الكبالن؟

يكون صوت طرقعة أو طقة ويكون واضحا عند الدوران أثناء تعشيق السيارة وهذا انذار لقائدها بان الكوبلن يلفظ انفاسه الاخيرة ولذا عليه بالاسراع باستبداله بكوبلن جديد.. وهنا عليه أن يتأكد من سلامة كاوتش الكوبلن وان الشحم الداخلي سليم.. لأن الكاوتش في حالة تلفه يساعد علي سرعة تآكل الكوبلن بسبب تسرب الشحم ودخول الأتربة إلي داخل الكوبلن.

الكوبلن من اجزاء السيارة التي لابد أن تكون جديدة وأصلية.

وماذا عن صوت تيل الفرامل؟

صوت تيل الفرامل من الاصوات المألوفة عند الكثيرين حتي من الناس الذين لايقودون سيارة.. فهو صوت حاد جدا ويستمر دون انقطاع نتيجة لإحتكاك الحديد ببعض.. فالفرامل هي التي تمنع احتكاك الحديد.. وفي حالة تآكل التيل يبدأ الحديد في الاحتكاك معا.. وقد يكون الصوت بسبب كسر الصاجة أو السوستة الخاصة بتيل الفرامل.. وهنا لابد من الاسراع باصلاح الكسر أو تغير التيل لأن الفرامل من أهم اجزاء السيارة فنحن لا نستطيع ان نتنبأ بالمواقف التي قد يتعرض لها قائد السيارة وبالتالي لابد وان تكون الفرامل في حالة جيدة جدا حتي يستطيع قائد السيارة ايقافها في الوقت المناسب تجنبا لوقوع حوادث.

هل يمكن شراء تيل فرامل مستعمل؟

لو حالته جيدة فانه سوف يساعد علي استخدام السيارة لمدة بسيطة وذلك حتي يتيسر لصاحب السيارة شراء تيل جديد.. وبالطبع الذي يحكم علي مدي صلاحية تيل الفرامل المستعمل المستورد هو الميكانيكي.

ما هو صوت رولمان بلي العجل؟

هو صوت خشن له 'ونة' ويظهر مع زيادة سرعة السيارة وهذا يعني ان رولمان بلي العجل تآكل.. ولابد من تغييره.. وشراء رولمان بلي جديد ولا أنصح بشراء رولمان بلي مستعمل حتي لايتعرض قائد السيارة لمشاكل اثناء سيره وفي بعض الحالات لاينتج الصوت عن تآكل رولمان بلي بل بسبب تفكك صرة العجل.. وهذا الشخص لو ذهب إلي الميكانيكي أو مركز الخدمة سيعرف علي الفور ما هي المشكلة.

المطبات والأصوات:

أحيانا يفاجأ قائد السيارة بأصوات صادرة اثناء عبوره علي المطبات الصناعية الكثيرة المنتشرة في بلدنا.. هل هناك ارتباط بين هذه المطبات وتلك الاصوات؟

قد يكون هناك كسر في السوست والمساعدين في السيارة وهي تبدو واضحة عند العبور فوق المطبات والصوت يكون غير منتظم واشبه بصوت تصادم الحديد.. هنا يمكن لقائد السيارة التوجه لأي محطة بنزين ورفع السيارة لاعلي وأسفل عدة مرات متتالية حتي يتأكد من مصدرة.

وفي حالة وجود كسر أو عيب في المساعدين أنصح بشراءها جديدة ونبتعد تماما عن المستعمل حتي نوفر الطمأنينة لقائد السيارة واسرته.

صوت 'الطقة'!:

أحيانا يصدر صوت 'تزييق' أو طقه.. من أين تصدر؟

'التزييق' أو 'الطقة' تكون في الغالب صادرة من الجلب والمقصات نتيجة لتآكلها واستهلاك بعض وصلات مجموعة التوجيه.. وهنا لابد من فحص أجزاء العفشة..

وما هو صوت الصفير المنتظم؟

يأتي هذا الصوت من طلمبة المياه والدينامو.. وفي حالة وجود مشكلة وعدم استقامة طنبورة الدينامو وطنبورة طلمبة المياه لابد من تغييرهما بطنابير جديدة ونبتعد عن المستعمل.

يفاجأ قائد السيارة في بعض الاوقات بصوت خشونة عند دوران السيارة؟

هذا يكون صوت المارش عند بدء تشغيل السيارة.. وهو صوت دوران خشن قد يكون بسبب عطل أتوماتيك المارش وهذا يعني استمرار دوران ترس المارش مع المحرك.. وهذا لابد من ايقاف المحرك فورا ولو كان قائد السيارة محنكا فيمكنه ادارة المحرك اذا أمكن بدون استخدام المارش.

وكيف يحدث هذا؟

بدفع السيارة من الخلف وتعشيق السيارة هنا تدور السيارة ويتوجه قائد السيارة فورا إلي مركز الخدمة لاصلاح هذا العطل.

صوت 'وش'!:

ما هو صوت 'الخشخة' أو 'الوش' الذي قد يسمع في السيارة؟

الوش هذا يكون بسبب تآكل رولمان بلي الفتيس أو نقص الزيت في الفتيس أما لو كان الصوت خشنا يكون هذا ناتجا من رولمان بلي الدبرياج ولو وضعت قدمك علي بدال الدبرياج سيختفي هذا الصوت أما اذا لم يختف فهذا معناه كسر اسطوانة الدبرياج وهنا لابد من فحص الدبرياج واصلاحه.

وهل يمكن شراء فتيس مستعمل؟

ممكن علي ان يتم تجربته بالسيارة قبل تسديد الثمن المتفق عليه.. ويمكن دفع جزء بسيط من المبلغ حتي يمكن ضمان عدم الوقوع فريسة شراء فتيس به عيوب.

في اثناء السفر وعلي الطريق السريع قد تصدر أصوات صفارة غليظة 'ونة'.. لماذا؟

اذا حدث اثناء السفر صدور صوت 'ونة'.. فهذا يكون صوت الكرونة والكردانة فهي تبدو واضحة علي الطرق السريعة مع السرعة الزائدة للسيارة أو عند استخدام أقصي سرعة في السيارة وهذا يكون نتيجة لاستهلاك رولمان بلي الكرونة أما صوت الكردان فيكون مختلفا فهو صوت 'طقة' اثناء الوقوف المفاجيء للسيارة وهو يكون بسبب استهلاك الصلايب وشرشر الكردان وقد يكون بسبب نقص الشحم. وهذا الشحم من الاشياء الهامة جدا والتي يجب ان يراعي تشحيم جميع الأجزاء التي تكون في حاجة إلي هذا التشحيم وطبعا رولمان بلي لابد من شرائه جديدا.

وايضا صوت 'الدق' أو الطرق يكون واضحا اثناء دوران المحرك بسرعة متوسطة ومنظمة وهذا الطرق يكون صادرا من 'بيل' أو الذراع المسئول عن الحركة بين البستم والكرنك ويمكن لقائد السيارة أن يعالج هذا العيب بأن يرفع غطاء كبوت السيارة فسيجد 4 اسلاك سميكة متصلة بالبوجيهات فيبدأ بنزع اول سلكة وينصت لصوت الطرق أو الدق لو تغير أو انتهي يكون العيب في هذا البوجيه وهكذا.

ما هي الاصوات التي لاقيمة لها؟

صوت الباب الناتج من عدم الغلق المحكم أو أن الكابوت لم يغلق جيدا أو جود شيء عالق بالكاوتشوك أو احيانا 'عدة' موجودة في شنطة السيارة ومفكوكه تسمع اصواتا لها نتيجة لارتطامها داخل شنطة السيارة وكل هذه الاصوات لاخوف منها ولا قلق.. وعندها لاتجزع ولاتخف

[وسط]!Question everything

[/وسط]

رابط هذا التعليق
شارك

والدليل (وأنا متأكد) إنك لو عملت نفس المشوار بالعربية الجديدة .. لن يحدث هذا!

أنا أبتديت إحبك يا أُسطى بليه .. وأثبت فعلاً إنك بتفهم في الأتومبيلات ..

أنا روحت باللانسر دبي وهبدت 2000 ك ومن بعدها حوالي 600 ولسه ما غيرتش الزيت .

بس اعمل إيه في صوت السيور دي .. قولي ولا تخبيش يا زين ....

الأحـــرار يؤمنون بمن معه الحق ..

و العبيــد يؤمنون بمن معه القوة ..

فلا تعجب من دفاع الأحرار عن الضحية دائماً ..

و دفاع العبيد عن الجلاد دائماً

رابط هذا التعليق
شارك

بس اعمل إيه في صوت السيور دي .. قولي ولا تخبيش يا زين ....

يابنى قولت لك ما تخافش .. الله؟ :rolleyes:

عموما لو الصوت بيضايقك .. عندك حل من اتنين

- جرب تغسل الموتور فى بنزينة غسلة حلوة .. بالصابون والجاز

- ولو عايز الحل الأسرع (بتاع الميكانيكية) اللى بيسكتوا بيه الزنانين أمثالك .. شوية مية بصابون (رابسو أو حاجة زيه) وادلقها على منطقة السيور .. وابقى ادعى لى .. (أحتمال كبير الصوت يرجع تانى بعد كام يوم)

[وسط]!Question everything

[/وسط]

رابط هذا التعليق
شارك

عموما لو الصوت بيضايقك .. عندك حل من اتنين

- جرب تغسل الموتور فى بنزينة غسلة حلوة .. بالصابون والجاز

- ولو عايز الحل الأسرع (بتاع الميكانيكية) اللى بيسكتوا بيه الزنانين أمثالك .. شوية مية بصابون (رابسو أو حاجة زيه) وادلقها على منطقة السيور .. وابقى ادعى لى .. (أحتمال كبير الصوت يرجع تانى بعد كام يوم)

خلاص هابعتها البنزينة تتغسل عشان خاطرك ... بس لو الصوت رجع تاني هاحاسبك على الـ 25 ريال ثمن الغسيل .. لأنها أساساً بتتروق كل يوم .. فلا احتاج إني اغسل الموتور إلا كل فترة ..

آه حاكم انا عارفكوا يا ميكانيكية تحبوا تقلبوا الزباين بأي شكل ...

سؤال اليوم بقى : دلوقت لما أجي اخد ملف بالعربية بتعمل صوت ولا كأني شاب روش بيعمل أمريكاني بعربية ماما... فإيه السبب يا أسطى باشا ؟

خلي بالك الحساب بيجمع والساعة بخمسة جنية والحسابة بتحسب.

الأحـــرار يؤمنون بمن معه الحق ..

و العبيــد يؤمنون بمن معه القوة ..

فلا تعجب من دفاع الأحرار عن الضحية دائماً ..

و دفاع العبيد عن الجلاد دائماً

رابط هذا التعليق
شارك

سؤال اليوم بقى : دلوقت لما أجي اخد ملف بالعربية بتعمل صوت ولا كأني شاب روش بيعمل أمريكاني بعربية ماما... فإيه السبب يا أسطى باشا ؟

بص سعادتك ..

أولا تروح تظبط الهوا فى الكاوتش .. وتجرب

لو تمام .. يبقى الهواء فى الكاوتش كان ناقص عن المطلوب ..

ولو مش تمام .. تروح سعادتك تظبط زوايا عند محمود المِلـَحوس اللى ف آخر الشارع بس خللى بالك معاه عشان حرامى ..

:huh:

[وسط]!Question everything

[/وسط]

رابط هذا التعليق
شارك

صديقى العزيز اسو بما انك جبت سيرة الـ owner's manual بتاع العربية ما تعرفلناش موقع ننزل منه الـ owner's manual بتاع العربيه وعلى فكرة انا عندى هيونداى اكسل 1500 سى سى موديل 97 .

وشكرا جزيلا على المعلومات الهائله.

رابط هذا التعليق
شارك

صديقى العزيز اسو بما انك جبت سيرة الـ owner's manual بتاع العربية ما تعرفلناش موقع ننزل منه الـ owner's manual  بتاع العربيه وعلى فكرة انا عندى هيونداى اكسل 1500 سى سى موديل 97 .

وشكرا جزيلا على المعلومات الهائله.

جاااااارى البحث rs:

[وسط]!Question everything

[/وسط]

رابط هذا التعليق
شارك

سمعت إن بالنسبة للعجلات التيوبليس من غير المفضل استخدام "لحام الخابور" لأنه بيقطع الأسلاك بتاعت الكاوتش...

فى نفس الوقت اللحام العادى عمره قصير و بيحتاج داخلى أول ما العجلة التيوبليس تتخرم...

صحيح الكلام ده يا دكتور؟؟

_16643_mubarak-olmert-5-6-06.jpg

وَمَنْ يَتَوَلَّهُمْ مِنْكُمْ فَإِنَّهُ مِنْهُمْ إِنَّ اللَّهَ لا يَهْدِي الْقَوْمَ الظَّالِمِينَ

المائدة - 51

nasrallah1.jpg

مِنَ الْمُؤْمِنِينَ رِجَالٌ صَدَقُوا مَا عَاهَدُوا اللَّهَ عَلَيْهِ

الأحزاب - 23

رابط هذا التعليق
شارك

سمعت إن بالنسبة للعجلات التيوبليس من غير المفضل استخدام "لحام الخابور" لأنه بيقطع الأسلاك بتاعت الكاوتش...

صح .. لكن الشيء الوحيد المفيد فيه .. إنه سريع جدا .. وممكن الواحد يعمله بنفسه لو على سفر ..

فى نفس الوقت اللحام العادى عمره قصير و بيحتاج داخلى أول ما العجلة التيوبليس تتخرم...

غلط .. الكاوتش التيبوليس لا يحتاج داخلى إلا إذا "انقطع" أو كان الثقب كبير جدا .. أما موضوع إن اللحام ضعيف .. فده غيييير صحيح

صحيح الكلام ده يا دكتور؟؟

إطمنى يا بنتى .. عدى عليا بعد أسبوع نطمن عليكى .. ونشوف أخبار "اللزق" :blink:

[وسط]!Question everything

[/وسط]

رابط هذا التعليق
شارك

وأدي اخرة اللي يسمع كلام الميكانيكية المبتدئين ..

روحت ياخويا غسلت العربية بالميه والصابون والتايد .. وعايرت الهوا في الكاوتشات .. ولسه الحالة على ما هي عليها ...

ويا تشوفلك حل في عربيتنا يا تعزل وتسيب حتننا .

الأحـــرار يؤمنون بمن معه الحق ..

و العبيــد يؤمنون بمن معه القوة ..

فلا تعجب من دفاع الأحرار عن الضحية دائماً ..

و دفاع العبيد عن الجلاد دائماً

رابط هذا التعليق
شارك

يا بنى هو انت معاهم معاهم عليهم عليهم؟.. :D

انا قلت لك إعمل كذا .. ولو ما جابش نتيجة .. إعمل كذا .. fsh::

ولو بتعرف تقرا .. إبقى إقرا الكلام اللى انا كتبته كله .. "كله" واخدلى بالك .. :D

زباين تحرق الدم ..

:blink:

أفففف :P

أنا عارف بيتحدفوا علينا منين؟ :lol:

[وسط]!Question everything

[/وسط]

رابط هذا التعليق
شارك

كله .. "كله" واخدلى بالك ..  :angry:

bsh:)

stnd:: dct::

wst::

_16643_mubarak-olmert-5-6-06.jpg

وَمَنْ يَتَوَلَّهُمْ مِنْكُمْ فَإِنَّهُ مِنْهُمْ إِنَّ اللَّهَ لا يَهْدِي الْقَوْمَ الظَّالِمِينَ

المائدة - 51

nasrallah1.jpg

مِنَ الْمُؤْمِنِينَ رِجَالٌ صَدَقُوا مَا عَاهَدُوا اللَّهَ عَلَيْهِ

الأحزاب - 23

رابط هذا التعليق
شارك

قولى يا باش مهندس هل الكاوتش بيفرق فى عفشة العربية وايه احسن نوع كاوتش موجود فى السوق دلوقتى

وما تنساش موضوع دليل المالك بتاع الهيونداى اللى قلتلى هتدور على موقع فيه الدليل

رابط هذا التعليق
شارك

السلام عليكم وكل عام وانتم بخير جميعا

شكرا يا باش مهندس على الموضوع الجميل اللى يهم الملايين

اصل اخوك غاوى يحط مناخيره فى كل حاجه ويتعلم ويفهم بالظبط وياما خربت حاجات كتير بس مش مشكله بالعكس بكون مبسوط لما بتعلم حاجه جديده mfb:

وياريت ماتتخنقش من من كتر الأسئله :)

وكنت عايز اعرف منك معدل الأستهلاك الطبيعى للماكينه 2000 سى سى

يعنى انا عندى كراسيدا 93 والموتور 22R والصفيحه بتعمل حوالى 120 كيلو

هل ده معدل طبيعى بالرغم من ان الكربريتر راكب جديد من الوكاله ....

خصوصا وان كان عندى قبلها كرولا وكنت ناسى حكاية البنزين دى :rolleyes:

وهل المشى بالسياره اثناء عمليه التسخين بيزود من استهلاك الوقود ؟

رابط هذا التعليق
شارك

باشمهندس ؟ :D

باشمهندس ؟

أنا باشمهندس أنا؟ tot::

الله يجبر بخاطركوا .. :P

لمن لا يعلم الحقيقة أنا مش مهندس إطلاقا .. الحقيقة إنى ..

خريج آداب :rolleyes: بس غاوى ... أوى جدا يعنى والإجابات دى كلها تأتى حصيلة خبرة على قراية على دراسة حرة على تجربة وخطأ على شوية كتب ..... إلخ

المهم ..

شوف يا رجب .. بالنسبة للكاوتش .. أولا يلزم الالتزام بالحد الأقصى للعرض المشار إليه فى دليل المالك لكل سيارة .. بمعنى أنك إن أردت "التعريض" مع جنوط سبور مثلا .. فيلزم ألا تتعدى العرض الأقصى المنصوص عليه فى الدليل .. دى حاجة ..

الكاوتش يصاب أحيانا بالتصلب .. ويقال عليه وقتها "ناشف" .. وهذا الكاوتش الناشف بالإضافة إلى أنه يسبب قيادة غير مريحة فهو يسبب أضرار للعفشة شاملة المساعدين والجلب والوصلات الكاوتش .. كما أنه يكون معرضا للانفجار باستمرار .. كما يضر بتزان السيارة على سرعات عالية نتيجة أنه يصبح أملس الملمس فيؤثر على الثبات والتوجيه والتحكم ..

أما بخصوص أنواع الكاوتش الجيدة .. فنصيحتى أن تستخدم الأسماء المشهورة عموما فالماركات الشهيرة تخضع للعديد من اختبارات التحمل والتلاصق وغيرها وقد تكون غالية حبتين لكن صدقنى تستاهل .. خاصة أنها تتمتع بميزة "الصمت" على الطريق!

وكنت عايز اعرف منك معدل الأستهلاك الطبيعى للماكينه 2000 سى سى

يعنى انا عندى كراسيدا 93 والموتور 22R والصفيحه بتعمل حوالى 120 كيلو

هل ده معدل طبيعى بالرغم من ان الكربريتر راكب جديد من الوكاله ....

خصوصا وان كان عندى قبلها كرولا وكنت ناسى حكاية البنزين دى 

وهل المشى بالسياره اثناء عمليه التسخين بيزود من استهلاك الوقود ؟

أنا مش هاتخنق .. إطمن خالص :P

لأن بينى وبينك دا جر رجل بس .. وبعد كده بفلوس :D

أعتقد إن معدل استهلاك البنزين عالى شوية بس مش كتير .. أعتقد إنه المفروض يكون بين 140 و160 كلم فى الصفيحة ..

لكن لا تنسى أن هناك عوامل كثيرة جدا تؤثر فى مموضوع البنزين ده .. أهمها سنة صنع السيارة .. ففى اعتقادى إن سيارتك لم تكن تعتمد على تكنولوجيا عالية مقارنة بسيارات اليومين دول فلا تظلمها بوضعها فى مقارنة مع إحداها!

بالإضافة طبعا للتكييف ومعدل تشغيلة وطبيعة الطريق الذى تسير عليه .. إلخ

أما عن القيادة قبل التسخين .. فأضراره تتخطى كثيرا حدود استهلاك البنزين :blink:

عندما تركن سيارتك مساءا مثلا .. يبدأ الزيت فى التجمع فى "كارتير" الزيت الموجود أسفل الموتور .. فيأتى الصباح وقد ترسب الزيت كله فى تلك الكارتيرة .. مخلفا أجزاء الموتور جافة تماما تقريبا ..

فتأتى حضرتك صباحا وتقوم بإدارة الموتور .. فيكون معدل الاحتكاك عالى جدا نتيجة عدم وجود زيت لفترة من الوقت وهى الفترة التى يستهلكها للصول لباقى أجزاء المحرك ..

(وعشان كده دايما تسمع شركات الزيت فى الإعلانات تقول "حماية من أخطار بداية التشغيل")

ما علينا من هذه الجزئية حيث أنك لا تستطيع تفاديها على أى حال .. لكن لا تزد الحمل على المحرك من خلال السير بالسيارة بينما تفتقر بعض أجزاؤه للزيت .. وما ما يسبب تآكل المحرك بمرور الوقت!!

هذا الإضافة إلى بخار الماء الذى يكون قد تكثف على الأجزاء الداخلية للمحرك والذى - مع الحمل الزائد نتيجة السير - يسبب الباروووووومة :blink:

وبشكل عام ينصح الخبراء بتسخين السيارة مدة لا تزيد عن 5 دقائق ولا تقل عن دقيقتين ..

أما حكاية الكورولا .. وفالمعروف أنها "بتشم" البنزين .. دى حاجة

الحاجة التانية فلو كانت معاك فى مصر فهى أكيد كانت 1300 سى سى وشتان بينها وبين 2000 سى سى ..

أما لو كانت بره مصر فممكن كانت 1600 سى سى وبرضه شتان بينها وبين 2000 لأن الفرق ليس فقط فارق السعة اللترية (400 سى سى) ولكن فارق تصميم محرك وقدرة أحصنة وكامات .. إلخ

تحياتى

[وسط]!Question everything

[/وسط]

رابط هذا التعليق
شارك

ايه يا عمى ايوه باش مهندس ونص هما المهندسين هما خريجين الهندسة بس يا ما ناس خريجى هندسة ومش فاهمين حاجة فى اى حاجة

احنا حاسيين انك باش مهندس يا اخى ولا لازم نفتح لك جامعة وندك منها البكالوريوس......

اولا شكرا على الرد

يا عمنا ايه اخبار دليل المالك قولتلى انك هتحاول تشوف لى مصدر اجيبه منه لاننى شارى العربية مستخدمة (الهيونداى الاكسل 1500 سى سى موديل 97)

انا عارف انك هترد تقول ايه يا اخويا الزباين المتعبين دول

بس ازرنى اصل انا عايز انتهز فرصة العرض المجانى بتاعك قبل ما تطلب مقابل على الخدمات دى

رابط هذا التعليق
شارك

ايه يا عمى ايوه باش مهندس ونص هما المهندسين هما خريجين الهندسة بس يا ما ناس خريجى هندسة ومش فاهمين حاجة فى اى حاجة

احنا حاسيين انك باش مهندس يا اخى ولا لازم نفتح لك جامعة وندك منها البكالوريوس......

الهى يجبر بخاطرك .. وينصرك .. قادر يا كريم ..

إلهى ما يعريلك جتة .. ولا يرقد لك جسد .. قادر يا كريم .. :blink:

بخصوص المانيوال ..

آآآآآآسففففففففف جدا ..

لو قولت لك إنى باعتبر الإنترنت زى بيتنا .. وحافظها جحر جحر .. وعاطفة عاطفة .. ومع ذلك ما لقيتوش .. تصدقنى؟

للأسف فعلا لم أجده فى أى مكان مشروع أو غير مشروع ..!

لكن لو عندك فيها أىىىىىى سؤال انا فى الخدمة .. لأنها فضلت معايا أكتر من 3 سنين ومافيش حاجة فيها ما فكيتهاش :rolleyes: (أنا أقصد المعنى الحرفى للكلمة).

ومع ذلك سيستمر البحث لكن على خفيف .. وربنا يبعت!

تحياتى

[وسط]!Question everything

[/وسط]

رابط هذا التعليق
شارك

انشئ حساب جديد أو قم بتسجيل دخولك لتتمكن من إضافة تعليق جديد

يجب ان تكون عضوا لدينا لتتمكن من التعليق

انشئ حساب جديد

سجل حسابك الجديد لدينا في الموقع بمنتهي السهوله .

سجل حساب جديد

تسجيل دخول

هل تمتلك حساب بالفعل؟ سجل دخولك من هنا.

سجل دخولك الان
  • المتواجدون الآن   0 أعضاء متواجدين الان

    • لا يوجد أعضاء مسجلون يتصفحون هذه الصفحة

×
×
  • أضف...