اذهب إلى المحتوى
محاورات المصريين

ما هى الوظائف التى يحق لها الاستقدام؟


Recommended Posts

السلام عليكم و رحمة الله و بركاته

اخوانى الاعزاء

قبل السؤال اشرح حالتى فى عجالة

انا خريج اداب اعلام - شعبة اذاعة و تليفزيون

تخرجت 2002 و اخذت بعدها عدة دورات معتمدة و حصلت منها على خمس شهادات دولية فى مجال التصميم و الجرافيك

وحاليا اعمل مصمم جرافيك و ويب

المهنة فى البطاقة و جواز السفر هى مصمم جرافيك

معروض على وظيفة مصمم جرافيك فى المدينة المنورة

التأشيرة سائق الراتب 3500 ريال

تقسيمتهم كالتالى: 2500 راتب اساسى - 600 بدل سكن - 400 بدل مواصلات

يوجد بالقرب من مقر العمل سكن لاخ فاضل مصمم هو من سوف احل محله

ايجار هذا المكان 375 ريال او ما يقاربه

واخبرنى صديقى انه يمكننى الاكل والشرب ب 600 ريال طوال الشهر

اى انه بإمكانى توفير 2500 ريال

السؤال الاول

ما هى الوظائف التى يحق لها استقدام الزوجة؟ و كيف اعرفها ؟ وهل لها مصدر رسمى لمعرفتها؟

السؤال الثانى

ما هى انسب وافضل تأشيرة لى وقد علمتم المؤهل و مهنة الجواز؟

السؤال الثالث و الاخير

ما رايكم فى الوظيفة و الراتب؟ وهل فعلا يجوز لى عمل استقدام للزوجة

تم تعديل بواسطة zakishahin

مصمم جرافيك و ويب

0020124292158

http://zaki-designer.blogspot.com

رابط هذا التعليق
شارك

اخى العزيز اتمنى ان اوفق فى الاجابة على اسءلتك والباقى سيكون لاهل الخبرة

بالنسبة سؤال الاول

ما هى الوظائف التى يحق لها استقدام الزوجة؟ و كيف اعرفها ؟ وهل لها مصدر رسمى لمعرفتها؟

اللى متاكد منه مليون فى الميه ان مهنتك مش هينفع معاها استقدام نهائيا ولا تغيير مهنة ولاتغيير كفالة الا من فرد لفرد

السؤال الثانى

ما هى انسب وافضل تأشيرة لى وقد علمتم المؤهل و مهنة الجواز؟

دايما الصح واللى انا شفته فعلا ان لما يبق ى مهنتك بشغلك تبقى احسن حاجة يعنى دلوقتى تبقى مصمم جرافيك بس طبعا صعبة جدا تلاقيها

السؤال الثالث و الاخير

ما رايكم فى الوظيفة و الراتب؟ وهل فعلا يجوز لى عمل استقدام للزوجة

ىانا مهندس هنا بقالى 6 سنين ولفيت السعودية واتبهدلت فيها انا شايف ان المرتب ضعيف وموضوع اللى بيقولك السكن ب400 ريال ده طبعا عزابى ومع شلة مش سكن عائلى علشان يبقى الف ريال ومصاريفك اكل وشرب ماشى هامشيها 600 مش عارف ازاى بصراحه بص مشيها وبعدين حط كمان بقى 400 تليفونات على مصاريف اخرى يبقى انت كده قفلت دخلت على المرتب كله لو زوجتك معاك انا شايف ان الوضع مش هيبقى كويس

انا اسف من رايى ممكن اى حد يختلف معايا

انا اسف واتمنى لك الخير دايما

رابط هذا التعليق
شارك

المهن التي يسمح لها بالاستقدام هي المهن التي تشترط مؤهل جامعي للعمل بها

و مهنة سائق ليس لها الحق في الاستقدام

بالنسبة للراتب ضعيف جدا و لا أنصحك بالقبول به

الحد الأدنى لك بالنسبة لخبرتك

4000 ريال راتب اساسي + بدل انتقال لا يقل عن 400 ريال و بدل سكن لا يقل عن 1000 ريال شهريا

تم تعديل بواسطة Nileman
رابط هذا التعليق
شارك

جزاكم الله خير الجزاء اخوانى

وشاكر لكم جدا على معلوماتكم القيمة

ان شاء الله انا بفكر اما اسافر على مهنة مصمم جرافيك او فنى حاسب الى او تأشيرة فنى برامج الية

وهذا بفضل توجيهاتكم لى

لكن بصراحة واعذرونى انا معرفشى انتم بتشتغلوا ايه؟

بس انا حاسس انكم بتتكلموا فى مرتبات خيال علمى

انا خبرتى سبع سنين لكن و بكل امانة هذا اكبر راتب عرض على حتى الان

وهذا رابط لبعض اعمالى

http://www.flickr.com/photos/14204248@N02

فكيف ابحث عن رواتب بهذه الاسعار التى تتحدثون عنها

مصمم جرافيك و ويب

0020124292158

http://zaki-designer.blogspot.com

رابط هذا التعليق
شارك

جزاكم الله خير الجزاء اخوانى

وشاكر لكم جدا على معلوماتكم القيمة

ان شاء الله انا بفكر اما اسافر على مهنة مصمم جرافيك او فنى حاسب الى او تأشيرة فنى برامج الية

وهذا بفضل توجيهاتكم لى

لكن بصراحة واعذرونى انا معرفشى انتم بتشتغلوا ايه؟

بس انا حاسس انكم بتتكلموا فى مرتبات خيال علمى

انا خبرتى سبع سنين لكن و بكل امانة هذا اكبر راتب عرض على حتى الان

وهذا رابط لبعض اعمالى

http://www.flickr.com/photos/14204248@N02

فكيف ابحث عن رواتب بهذه الاسعار التى تتحدثون عنها

للأسف مكاتب الحاق العمالة المصرية بالخارج بتشارك مع صاحب العمل في النصب على طالبي السفر و بتوهمهم ان ده راتب كبير و مش ممكن تلاقي أحسن من كده

الراتب اللي انا اقترحته عليك ده الحد الأدني و فيه أكتر من كده كمان

أنا بشتغل مدير حسابات في الرياض

و لما كنت بدور على عقد عمل في مصر اكبر راتب جالي هو 1500 ريال (و وقتها كان عندي سبع سنين خبرة)

و الكلام ده كان من 3 سنين

فاشتريت فيزا بمهنة محاسب بس كانت غالية شوية

و جيت دورت على شغل و الحمد لله ربنا وفقني و لقيت شغل براتب اساسي اعلى بكتير من اللي كان بيتعرض عليه

يعني مثلا اكتشفت ان 1500 ريال دي راتب المحاسب اللي ماعندوش خبرة خالص

لو ليك حد بيشتغل في الخليج ممكن يساعدك

و اعلانات الوظايف في الجرايد و على النت برضه ساعات بيكون فيها حاجات كويسة

و ربنا يوفقك

رابط هذا التعليق
شارك

يا رب امن و جزاك الله كل خير على ردك مرة تانية

وربنا يزيدك مال و خبرة

وانا بصراحة مش نفسى فى غير مكة و المدينة والمدينة على وجه التحديد

دعواتك

واعذرنى كمان سؤال , ازاى اقدر اشترى فيزا بعنها يعنى فيزا مصمم او فيرزا فنى حاسب الى؟

هل فى مكان اتوجه اليه؟ ا اسال فيه؟

الهدف وظيفة يكون فيها استقدام

ولا الكلام ده زى ما اهل السعودية بيقولوا صعب او مستحيل

مصمم جرافيك و ويب

0020124292158

http://zaki-designer.blogspot.com

رابط هذا التعليق
شارك

السلام عليكم

ياباشمهندس زكي ... نصيحتي دي لوجه الله ، انا باعمل هنا منذ 11 سنة

إنت راجل محترف وشغلك كله ممتاز وأحسن من حاجات كتير باشوفها هنا.

واضح إنك محتاج تسافر ضروري ، لكن انا باقولك العرض اللي جالك ده ظالم ظالم ظالم .. ده غير إنه مش هيسمحلك تجيب عائلتك تعيش معاك، أنا مش عارف ليه أغلبنا كمصريين بنرضى بالدنية (يعني أدني حد) في كل حاجة في حياتنا ونقبل نعيش مزنوقين طول عمرنا، مع إننا مهارتنا ومستوانا الفكري والتدريبي والعملي مثل وإن لم يكن أحسن من شعوب تانية كتير،

شوف لك حل من إتنين :-

- لو مزنوق جداً في إنك تسافر ودورت كتير وده اعلى عرض متاح ..ماشي إقبل بشرطين تكتب إن العقد سنة واحدة بدون أي شروط جزائية عليك علشان تقيم وضعك بعدها وتكون فهمت السوق في السعودية وبحثت عن فرص تانية، برضه تكتب في العقد كل تفاصيل المرتب والبدلات وإن الكفيل مسئول عن كل مصاريف استخراج رخصة الاقامة والسفر ذهاب وعودة .. ارجوك لا تقبل أي إتفاقات شفهية ولو رفض الشروط دي يبقى ناوي يخلف كل كلامه ودي حاجة بيعملوها بسهولة جدا ، هنا الراجل بيتربط من اي حتة ماعدا لسانه .. خد كلام زي العسل لكن التزام مافي.

- الحل التاني تصبر شوية وتدور وتبحث أكتر سجل في مواقع الوظائف على النت وابعت للشركات الخليجية نفسها من خلال مواقعها، الشركات الكبيرة بتحط في مواقعها الوظائف المتاحة تحت اسم careers ، نقطة تانية لازم تتقن الانجليزية تحدث وكتابة دي ميزة مطلوبة جدا علشان لو بيئة العمل في الشركة إنجليزي هتتفاهم مع مديرينك ازاي ده غير إن ده هيفيد شغلك.

آخر حاجة اقولهالك .. حرام تظلم نفسك وتهدر علمك ومهارتك ، إحنا كنا بنعمل مشروع تغيير السيستم في شركتنا وكنا محتاجين جرافيك ديزاينر لمدة مؤقتة كام شهر، كان بينفذ مطبوعات ومواد المشروع الدعائية والتدريبية ، دورنا على حد من داخل السعودية عشان مافيش فيزا وبالعافية لقينا واحد هندي ومارضيش بأقل من 5000 ريال في الشهر وكان بيشتغل 5 ايام في الاسبوع من 9 ص الى 4 مساء.

تم تعديل بواسطة anis71
رابط هذا التعليق
شارك

السلام عليكم

ياباشمهندس زكي ... نصيحتي دي لوجه الله ، انا باعمل هنا منذ 11 سنة

إنت راجل محترف وشغلك كله ممتاز وأحسن من حاجات كتير باشوفها هنا.

واضح إنك محتاج تسافر ضروري ، لكن انا باقولك العرض اللي جالك ده ظالم ظالم ظالم .. ده غير إنه مش هيسمحلك تجيب عائلتك تعيش معاك، أنا مش عارف ليه أغلبنا كمصريين بنرضى بالدنية (يعني أدني حد) في كل حاجة في حياتنا ونقبل نعيش مزنوقين طول عمرنا، مع إننا مهارتنا ومستوانا الفكري والتدريبي والعملي مثل وإن لم يكن أحسن من شعوب تانية كتير،

شوف لك حل من إتنين :-

- لو مزنوق جداً في إنك تسافر ودورت كتير وده اعلى عرض متاح ..ماشي إقبل بشرطين تكتب إن العقد سنة واحدة بدون أي شروط جزائية عليك علشان تقيم وضعك بعدها وتكون فهمت السوق في السعودية وبحثت عن فرص تانية، برضه تكتب في العقد كل تفاصيل المرتب والبدلات وإن الكفيل مسئول عن كل مصاريف استخراج رخصة الاقامة والسفر ذهاب وعودة .. ارجوك لا تقبل أي إتفاقات شفهية ولو رفض الشروط دي يبقى ناوي يخلف كل كلامه ودي حاجة بيعملوها بسهولة جدا ، هنا الراجل بيتربط من اي حتة ماعدا لسانه .. خد كلام زي العسل لكن التزام مافي.

- الحل التاني تصبر شوية وتدور وتبحث أكتر سجل في مواقع الوظائف على النت وابعت للشركات الخليجية نفسها من خلال مواقعها، الشركات الكبيرة بتحط في مواقعها الوظائف المتاحة تحت اسم careers ، نقطة تانية لازم تتقن الانجليزية تحدث وكتابة دي ميزة مطلوبة جدا علشان لو بيئة العمل في الشركة إنجليزي هتتفاهم مع مديرينك ازاي ده غير إن ده هيفيد شغلك.

آخر حاجة اقولهالك .. حرام تظلم نفسك وتهدر علمك ومهارتك ، إحنا كنا بنعمل مشروع تغيير السيستم في شركتنا وكنا محتاجين جرافيك ديزاينر لمدة مؤقتة كام شهر، كان بينفذ مطبوعات ومواد المشروع الدعائية والتدريبية ، دورنا على حد من داخل السعودية عشان مافيش فيزا وبالعافية لقينا واحد هندي ومارضيش بأقل من 5000 ريال في الشهر وكان بيشتغل 5 ايام في الاسبوع من 9 ص الى 4 مساء.

اتفق تماما كثيرا مع الاخ الفاضل كلامه صح جدا وبارده الاخ السابق فى كلامه الافضل انك تجيب تاشيرة حرة وتدور هنا وهتلاقى احسن بكتير وتبعد عن جشع الشركات والسمسرة القذرة اللى بتحصل بيهم وفى واحد انا لسه جاى بتاشيرة من عنده لو عايز بيانتى ابعتلى على الخاص وانا اديك رقمه هو عموما فى المحلة وموثوق فيه جدا

رابط هذا التعليق
شارك

السلام عليكم

اخى الفاضل

كلامهم كلهم مظبووووووووووووط

تأشيرة سواق يبقى زى قلتها لا بتتغير ولا ينفع معاها استقدام ولا حتى زيارة فبلاش عذب نفسك بيها

ولو على المرتب ....فده مرتب مدرس فى مدرسه عادية ...مش مرتب مصمم جرافيك ابدااااااااااااااا

ده غير ان مفيش سكن بالمبلغ اللى قولته ده ...الا لو فى اماكن غير ادميه وسكن جماعى وما ادراك ما سكن جماعى ...يعنى مشاكل وخناقات وناس مفروضين عليك ومحدش بيعمل حساب لحد وباصين لبعض فى الداخله والخارجة ولا نضافه ولا نظام فى السكن ولا غيره

انت مؤهلاتك تجيب احسن من كده كتييييييييييييييييييييييييييييييير ...ومنهم لله مكاتب التشغيل اللى بينصبوا على الناس ويفهموهم العكس

رابط هذا التعليق
شارك

  • بعد 6 شهور...

السلام عليكم و رحمة الله و بركاته

اخوانى الاعزاء

قبل السؤال اشرح حالتى فى عجالة

انا خريج اداب اعلام - شعبة اذاعة و تليفزيون

تخرجت 2002 و اخذت بعدها عدة دورات معتمدة و حصلت منها على خمس شهادات دولية فى مجال التصميم و الجرافيك

وحاليا اعمل مصمم جرافيك و ويب

المهنة فى البطاقة و جواز السفر هى مصمم جرافيك

معروض على وظيفة مصمم جرافيك فى المدينة المنورة

التأشيرة سائق الراتب 3500 ريال

تقسيمتهم كالتالى: 2500 راتب اساسى - 600 بدل سكن - 400 بدل مواصلات

يوجد بالقرب من مقر العمل سكن لاخ فاضل مصمم هو من سوف احل محله

ايجار هذا المكان 375 ريال او ما يقاربه

واخبرنى صديقى انه يمكننى الاكل والشرب ب 600 ريال طوال الشهر

اى انه بإمكانى توفير 2500 ريال

السؤال الاول

ما هى الوظائف التى يحق لها استقدام الزوجة؟ و كيف اعرفها ؟ وهل لها مصدر رسمى لمعرفتها؟

السؤال الثانى

ما هى انسب وافضل تأشيرة لى وقد علمتم المؤهل و مهنة الجواز؟

السؤال الثالث و الاخير

ما رايكم فى الوظيفة و الراتب؟ وهل فعلا يجوز لى عمل استقدام للزوجة

في ناس قدرت تستقدم بمهنة سائق بس لازم يكون عن طريق مكتب تعقيب وانا عندي رابط للمكتب عمل استقدام لناس كثير يشكروه الكثير

http://www.badran.comoj.com

رابط هذا التعليق
شارك

انشئ حساب جديد أو قم بتسجيل دخولك لتتمكن من إضافة تعليق جديد

يجب ان تكون عضوا لدينا لتتمكن من التعليق

انشئ حساب جديد

سجل حسابك الجديد لدينا في الموقع بمنتهي السهوله .

سجل حساب جديد

تسجيل دخول

هل تمتلك حساب بالفعل؟ سجل دخولك من هنا.

سجل دخولك الان
  • المتواجدون الآن   0 أعضاء متواجدين الان

    • لا يوجد أعضاء مسجلون يتصفحون هذه الصفحة
×
×
  • أضف...