اذهب إلى المحتوى
محاورات المصريين

ولاد الذينَ ... علموني تربية أسماك الزينة


se_ Elsyed

Recommended Posts

أنا اللي جبت ده كله لنفسي ..

كان مالي ما كُنت في حالي .. متهني ومرتاح بالي ...

- العبد لله بشكل عام .. شخص ملول ... وأكره الروتين ... وباكره تربية أي حاجه في البيت - حتى تربية العيال - وأحب دايماً الدخول في المفيد

يعني حد تاني يربي حمام محشي فريك مثلاً ... وأرمي الهلب عنده كل كام يوم ... ماشيييييييييي

يربي أنارب زي بنتنا الصغنونة " DAMO " وأقوم مبرشت علي العشة بتاعتها واسرق كل يوم أرنبين وأعمل عليهم ملوخية ..

إنما بقى عصافير .. سمك زينة ... سلاحف النينجا ... فيران صغيرة ومتنكرة في صورة " هامستر "

كل ده ما ياكولش معايا ...

لحد ما حصل اللي حصل والعيال حاصروني وعاوزين حوض سمك حالاً . يا إما يعملوا مظاهرة مليونية فئوية على بسطة السلم ويطالبوا برحيلي ...

فطبعاً تنحت وقولت مش جايب يعني مش جايب ... لحد ما الضغوط زادت عليه خصوصاً من النائب بتاعي - المودام -

وروحت الأسبوع اللي فات جبت لهم حوض سمك بالشيء الفلاني - ربنا يعوض عليك يا معلم - .. على شوية سمك .. إيشي تايجر على جولدن فيش على أنجل ..

وبقت شغلانه في البيت ..

إلحق السمك حران

حوش يا جدع السمك صاحي من النوم مزاجه متعكر ...

بابا بابا . سمكة الزبال - بتاعه كده شكل القراميط بس نونو بتبقى لازم في أي حوض عشان سبحان الله بتنضف القزاز وبتاكل الزبالة اللي في الحوض - سمكة الزبال كسلانة ومضربة عن العمل

يييييييييه الميه إتعكرت

فلتر الميه شكله مش شغال

أتصل بالأسعاف حالاً يا سين سين .. صحينا الصبح لقينا في فطريات بيضا ظهرت على بؤ السمك ولازم له أنتي بيوتك حالاً

..

وأبتديت أمشي في سكة الإدمان ... وطريق اللي يروح ما يرجعش ... وأدخل على مواقع تربية الأسماك حول العالم .. من أول القراميط مروراً بالسنجاري - أأأأأأأأأأأه أنا جوعت والله ... وواحد حبيبي بخيل كان عامل سمك سنجاري الأسبوع اللي فات وما عزمش عليه بشوكه حتى - ... إلى أن وصلت إلى " بليدينج هارت تترا "

حد هنا غاوي فقر .. قصدي غاوي سمك - مش صيادية وبلطي وحاجات من دي - سمك زينة يعني .. يقدم لي يد المساعدة .. ونكون سوا رابطة البمبوطية لمربي وتجار الأسماك الفيليه ؟

الأحـــرار يؤمنون بمن معه الحق ..

و العبيــد يؤمنون بمن معه القوة ..

فلا تعجب من دفاع الأحرار عن الضحية دائماً ..

و دفاع العبيد عن الجلاد دائماً

رابط هذا التعليق
شارك

وانا اليى فاكرك من الطبقه البرجوازيه طلعت من الطبقه الارستقراطيه

يااااااااااااااااااااااااه احنا مضحوك علينا يا جماعه

دانا كنت فاكرك غلبان زينا وبتكمل نص عشاك نوم ولو الظروف ماشيه بتكمله لب ابيض

رايح تشترى حوض السمك من اليى بينور وسايب اخوك لما بيشوف تلاجه بيقول يارب اوعدنا

على العموم انا هسكت وهكتم فى نفسى

بس خلاص

على فكره تربية السمك حاجه متعبه جداً وعاوزه متابعه وعاوز تضبط

PH, Hardness , Alkalinity

دوشه يعنى

لما الدنيا تقسى عليك اوعى تخاف منها وتكش تربس عترس فيها ياولدى هى كده متجش غير وش

دوس فيها وجمد قلبك بس اياك على ضعيف تفش توصل فيها لاعلى مناصب بس اياك فى يوم تغش

رابط هذا التعليق
شارك

اه يانى بتفكرنى ليه

طيب دا انت مشكلتك هينة ياابو عمر شوية سمك فى حوض

عندى بقى عبد الرحمن فوجئت به من اسبوع داخل علينا بصندوق جايب فيه 4 كتاكيت نونو صغيرة

عمل شملول وراح اشتراهم من السوق من مصروفه وجايب لهم كيس درة للاكل

اتارى مش لوحده اللى عمل كده تقريبا نص ولاد العمارة اللى اشترى 2 واللى اشترى 3

بقيت تسمع الصوصوا من كل حتة من المنور ماشى من على السلم ماشى من عندنا ماشى

ولاحرب الكتاكيت بس ربنا سهل وعقبال اللى عندنا كانوا بيموتوا عندهم واحد ورا التانى

طبعا زعقت وهددت ياانا ياهما فى البيت قعد يعيط ويتحايل ابوه قالى خلاص معلش سيبهم له فى الكرتونة

وياريت على كده وخلاص لأ لاقيته تانى يوم راجع من المدرسة ماسك كتكوت فى ايده وعرفت النيةالمبيتة

انه ناوى كل يوم يسرسب واحد واحد لحد مايبقوا 10 ساعتها قلبت لهم البيت حريقة وطبعا صدر فرمان

مافيش كتاكيت تانى احسن حارميهم من البلكونة من التاسع وطبعا كنت باهدد لكنهم عارفين انى مجنونة

صدقوا ممكن اعملها

وعشان الجو برد فى البلكونة حرام تحطوهم برة خليهم فى الدفا جوا فين بقى فى الانتريه

ولادى كلهم بقوا فرحانين بيهم طيران واتعملت الحفلة بالليل منه ومن الولا الكبير بقى يلعبوهم

شقلباظ وانا اصوت عملوا لهم كبارى بالشلت ويزحلقوهم والكتاكيت تصوصو وانا اصوت

ودلوقت بيحطهم فى عربية صغيرة لعبة بيفسحهم فيها

تانى يوم طبعا عاوزة تتهوى من الكرتونة طلعيهم يتشمسوا فى البلكونة على المغرب واحد فيهم هيس

ونام على جنبه وقعد يترعش قلت لهم بس اهو واحد بيودع بس لاقتنى زعلت مش عارفة ليه

المهم ابنى زعل لانه ارتبط بيهم ومسمى كل واحد فيهم باسم

راح جايبه ولفه بحتة قماش عشان يدفيه وهاتى بقى برشامة حطيها فى المية

طبعا قعد جنبه يعيط ولا اللى امه بتموت على بالليل كان المرحوم طلع فى الروح والمناحة قامت

ومرضاش يتعشى وكان عاوز ينزل يدفنه تحت فى الشارع قلت له انا حادفنه بس فى صفيحة الزبالة

ربنا اراد الاربعة لسة عايشين وكبروا شوية وابتدوا يطيروا من الكرتونة وبيسرحوا فى الشقة

على السجاجيد وانت وحظك بقى فى يلزق فى رجلك هدوا حيلى لازم كل يوم انظف البلكونة مكانهم واغير

فرشة الصندوق هدوا حيلى ربنا يسامحهم انا كنت ناقصة اربى ماكفاية على رباية المصايب اللى عندى

طلعولى فى المقدر انا بقيت اكل على مراحل وانام على مراحل حتى قاعدة النت باكتب اى مداخلة فى ساعتين

بجد تعبت واعصابى تعبت حوشى طلعوا برة حوشى الحقى وديهم فى الشمس خلى بالك البلكونة عاوزة تنظف

اقترحت عليه اشتريهم منه بس ياخدهم بالكرتونة ويطلع على البحر ويسبهم على الشط واى حد ياخدهم

لكنه رفض وشكلى انا اللى حاعمل كده زى احمد مظهر فى فيلم الايدى الناعمة لما خد القطط فى الشنطة وسربهم

واحد واحد

حاروح على البحر وهم ونصيبهم لاحسن انا حاسة انه جالى الهس الهس منهم لانى عشت الهم ده قبل كده مع العصافير

قال وانا اللى كنت شبطانة اجيب حوض سمك يالهووووووووى

رابط هذا التعليق
شارك

احب ابشرك واقول لك....

كان غيرك اشطر يا س س

مره( اتهفيت في دماغي) وكنت في رمضان من حوالي 4 سنوات .وقلت اعمل لهم مفاجاْه في البيت واجيب حوض سمك . :fish:

وكان لينا جارنا عنده هواية تربيه السمك

المهم .

خليت زوجي نباتشي في الشغل .ورحت واخده العربيه وطالعه على بتاع الزجاج .ووصيته على مقاسات الحوض اللي انا عاوزاه (مانا عملته عموله )

ورحت رايحه يومها بالليل (اخدت بابا معاياوجارنا اللي غاوي سمك ده)ونزلنا اشترينا كل متطلبات الحوض بالاضافه للسمك طبعا من عند بتاع السمك .

ويومها انا فاكره قعدت جارنا ده لحد الساعه 3 الفجر علشان يوضب لي الحوض ويغلي الزلط اللي بيكون فيه وكده

وبعدها قعدنا انا والعيال نصطاد السمك اللي اشتريته من الجردل اللي كان فيه ونحطه في الحوض

وجه زوجي تاني يوم ....... :blink:

باقول له ايه راْيك ..مفاجاْه؟ :happy:

لقيته بيقول لي ...

مع نفسك بقى .مش كنتي تقولي . mf-:

سالته :هوه في ايه؟

قال لي ان اخوه كان من هواة تربيه السمك .وقال لي :استلقي وعدك بقى mc:

وفعلا .اخري مع حوض السمك ...كان شهر ونص

كنت انزل قبل الفطار في رمضان اشتري له اكل .واسهر قبل الفجر انظف الحوض .ولما سمكه تموت انتشلها بالشبكه واروح اشتري غيرها (من وراء زوجي) علشان ما يشمتش فيه

لحد ما استسلمت بعد ما- سمكة الزبال- نفسها ...ماتت cr((:

ومن يومها قلت توبه ...من دي النوبه

انا مش باكسر مجاديفك يا يا س س لا سمح الله ولا حاجه ....انا عاوزه اعقدك بس

اشمعنى انا ؟

407086_10150519470631088_583296087_9114843_428326208_n.jpg
رابط هذا التعليق
شارك

اخر تجربه لي مع حوض السك

بس ده كان حوض ...نونو .

في رمضان اللي فات .(مش عارفه ايه حكايه تربية السمك معايا في رمضان)؟؟؟

يمكن علشان الواحد بيبقى جوعان وكده .

المهم .

كنت باتمشى مع بنتي.والانسه شبطت في سمكه وحيده محطوطه في حوض صغير مدور (زي اللي بيطلع في الافلام .اللي رجال الاعمال بيبقوا حاطينه على المكتب بتاعهم في الشركه)

وفعلا اشتريته .وجبت لها كيس اكل

والراجل قال لي غيري لها الميه كل يوم علشان الاكسجين اللي فيها ,لان طبعا ماكانش في الموتور اللي بيقلب الميه ده

وهمه 3 ايام .

وكنت ناصبه العزاء .بتاع السمكه وبافرق على روحها قهوه مظبوطه .

من يومها بقى قررت اني مش هاربي سمك خالص ...وهااْربي.... سما ...(سما.... دي بنتى الصغيره)

.

تم تعديل بواسطة rewsha
407086_10150519470631088_583296087_9114843_428326208_n.jpg
رابط هذا التعليق
شارك

انا حوض السمك اللى عندى حولته لمصيدة ناموس

لما الاقى ناموس فى الشقة املى الحوض مايه على الاخر واشغل ضوء حوض السمك واطفى نور الشقة كله .

تانى يوم الاقى النموس غرقان فى حوض السمك smk:

رابط هذا التعليق
شارك

الحمد لله حمدا كثيرا كما أمر والصلاة والسلام علي خير البشر وآله وصحبه الساده الغرر وبعد

أخي سين سين احب لو اقدر افيدك في موضوع تربية اسماك الزينة حيث انها هواية قديمة ..

أولا هي هواية جميلة جدا وغير مرهقة علي الإطلاق بشرط اتباع الطريقة الصحيحة فهاحاول افيدك قدر الإمكان ولو عندك سؤال في اي وقت تحت امرك

1.فيه ناس فاكره ان الحل الصحيح لتعكير الحوض هو تغيير الماء وهذا غير صحيح اطلاقا لأن اسمك يكون اعتاد علي الماء ونسبة ال phوبناء عليه يحدث لهم صدمة من التغيير المتكرر للماء

فيجب عدم تغيير الماء إلا لضرورة قصوي ويجب ان يظل الماء لمده علي الأقل 6 شهور طيب واحد هيقول من تجاربي الميه بتبقي عكره جدا لدرجة اننا لا نري السمك والجواب هو ان اتباع الطريقة السليمة يمنع اصلا تعكير الحوض وبالتالي الملل من كثرة تغيير الماء ثم القاء الحوض في اقرب مكان او تسربه لاحد الاصدقاء ...

- الأخ سين سين حضرتك مثلا جبت سمك فانتيل ومعاه تايجر وهذا خطأ من وجهة نظري لأن التايجر يأكل ذيل الفانتيل كنوع من الغلاسة او قصر الذيل لذا لا يستحب ان يكونا معا في حوض واحد

-الفانتيل من السمك الجذاب جميل الشكل خصوصا المستورد منه - الرسالة-ولكن من عادة الفانتيل النكش المستمر لأرضية الحوض مما يسبب تععكيره خاصة منع انواع الجرش الخفيف لذلك لو حابب ان الحوض يستمر فترة طويلة يعني تتولي نظافته واعاده تنسيقة مرتين فقط في العام فعليك ان تتجنب الفانتيل طيب لو حابب الفانتيل هنا يجب اولا انيكون نوع الجرش ليس من الأنواع المفرغة - مثل جرش يسمي المكرونة - وحاول تجيب جرش صلب ثقيل وهناك انواع كثير منها ملونة باشكال ظريفة

ثانيا - يكون هناكفلتر قوي -باور- يعمل باستمرار إلا في وقت الإطعام لو كان الطعام جاف

ثالثا يكون الحوض عبارة عن فانتيل فقط ولبعد عنه المولي والسولد تيل والتايجر والكلاونوغيره فقط فانتيلومعاه واحد او اثنان بلاكاستوماس وهي بالمناسبة لا تاكل الزباله ولكنها من آكله الطحالب والطحالب تككونمن الضوء والماء خصوصا الإضاءة الصفراء-لمبة عادية - او هناكنوع -مش فاكر اسمه بالضبط - اظنه جلوروكسبتعطي اضاءه جميلة وتظهرالوان السمكوتساعد علي نمو النبات في الحوض

رابعا بمناسبة النبات فلا يستحب وضع نباتات طبيعية مع الفانتيل لانه زيما قلنا بينكش الارضية وبياكل الزرع فمش هيعيش معاه

اما لو عاوز الخلاصة انصحكبان تبدأ بتربية السمك الولود مثل الجوبيوالسولد والمولي وحط نباتات والحوض هتغيرله الميه كل 6 شهور وهتريحدماغك والولاد هيفرحوا بيه لأنهم هيشوفو السمك اللي بيتولد ويستخبي وكده

طبعا اللي ذكرته ده باختصار شديد ولو طالب مشوره تحت امرك

والحمد لله ربا لعالمين

بالحب نحيا.. ولو في اليم ألقونا

وإن خلت سفينتنا.. فجر الحب يأوينا

وإن تاهت خطاوينا.. فنجم الليل يهدينا

وإن فرقت بنا الأميال.. فلقيا الروح تكفينا

رابط هذا التعليق
شارك

فيجب عدم تغيير الماء إلا لضرورة قصوي ويجب ان يظل الماء لمده علي الأقل 6 شهور

على كده العيب ...كان فيه انا :blink:

اقصد في قلة المعرفه .

انا كنت باشتري السمك اللي شكله يعجبني وخلاص .

هوه انا لسه هادور مين بياكل ذيل مين

ومين بيحب مين

ومين متخانق مع مين؟

بس لو كان كده .والميه تتغير كل 6 شهور .

ممكن اعيد التفكير تاني :cheer:

407086_10150519470631088_583296087_9114843_428326208_n.jpg
رابط هذا التعليق
شارك

منورين يا جماعة

عنبو ... أنا أرستقراطي يابني من زمان ..

شوفت فيلم رد قلبي ؟

شوفت أحمد مظهر وهو بيضرب علي بالبندقية الخرطوش في نافوخه ؟

شوفت الغسيل اللي في البلكونة اللي في خلفية المشهد ده ؟

أهو ده كان غسيلنا وماما اللي غسلاه

-------------

مدام هند .... موضوع الكتاكيت تجربة مريرة ومريت بها .. وحلفت على عُمر إبني إني هارميه بره البيت رمية الوبيهات لو عاد يكرر الموضوع ده

-------------

ماشي يا روشه ... عقديني في أولى خطوات حياتي الزفرة .. قصدي حياتي السمكية بدل ما تشجعيني وتشدي من أزري

بجد أنا قرفت من يومين وعاوز حل

--------

الأخ كابتشو صائد الناموس... طب والله فكره

طب هنا ما فيش نامس .. اعمل إيه بالحوض ؟

------------

يا عم نصر ... أنا كبيري قوي عارف القراميط والبلطي .. تقولي نافتلين ومش عارف مين

بُص

انا صديقي وهو غاوي أسماك منذ ان كان بساريا صغير . نزل معايا وأشترينا

أنجل

تايجر

جولدن فيش

الزبال

والحوض إتعكر في أقل من اسبوع وبقى نيلة .. زائد بقى ريحته بقت معفنة ...

اولع أنا في السمك ده وفي الحوض وفي عُمر إبني ... ولا أعمل السمك صيادية ولا إيه بالظبط ؟

الأحـــرار يؤمنون بمن معه الحق ..

و العبيــد يؤمنون بمن معه القوة ..

فلا تعجب من دفاع الأحرار عن الضحية دائماً ..

و دفاع العبيد عن الجلاد دائماً

رابط هذا التعليق
شارك

rewsha

وكان لينا جارنا عنده هواية تربيه السمك

عل كده .

شكله كان بيشتغلني :sad:

ولا قال لي معلومه واحده توحد ربنا من اللي كاتبها الاستاذ/ناصر بدر هنا :Head:

407086_10150519470631088_583296087_9114843_428326208_n.jpg
رابط هذا التعليق
شارك

يا عم نصر ... أنا كبيري قوي عارف القراميط والبلطي .. تقولي نافتلين ومش عارف مين

بُص

انا صديقي وهو غاوي أسماك منذ ان كان بساريا صغير . نزل معايا وأشترينا

أنجل

تايجر

جولدن فيش

الزبال

والحوض إتعكر في أقل من اسبوع وبقى نيلة .. زائد بقى ريحته بقت معفنة ...

اولع أنا في السمك ده وفي الحوض وفي عُمر إبني ... ولا أعمل السمك صيادية ولا إيه بالظبط ؟

الحمدلله والصلاة والسلام علي رسول الله وبعد

يا عم سين سين انا جبتلك الخلاصة وجيت لك من الآخر ومنفضلك ركز معايا وشيل منذهنكالبلطي والبوري والبساريه

رجع الجولدين فيش والنجلوالتايجر للراجل ماشي هيبقي فاضل ايه ؟؟الحوض صح؟؟رجعه برضك وفكك من القصة دي اصلا ههههههههههههههههه

لو عاوزالنصيحة بجد ويفضل الحوض بشكل جميل ورائق ولا يتعكر فابسطشيء اعملما يلي

- رجع الأنواع اللي قلتلك عليها بجد وخلي البلاك استوماس بس

- اشتري مولي وسولد وجوبي بحيث يكون عدد الإناث اكثر من الذكور يعني مثلا كل ذكر يقابله 3 او 4 اناث

-أضف عليهم حوالي 4 كات فيش علشان بتاكل بقايا الطعام اللي بيسقط في قاع الحوض

-مراعاه انعدد الأسماك يكون متناسب مع حجم الحوض وحضرتك ما ذكرتش حجم الحوض مثلا لو كان 60 في 60 يبقي 1مجموع اللي قلته منالأنواع يكون في حدود 15 سمكه

-ممكن تحط نباتات زينةمع الأنواع دي مافيش مشكلة

-تراعي وجودقواقع اوديكورات الحوضيكون فيها اماكن اختباء للولده حتي تحافظ عليها

-وتضع فلتر عادي - مش باور- علشان ما يسحبش الولده ويموتو

-تراعيان الأكل -خاصة الجاف - يوضع بكمية قليلة جدا يكفي لأكلهم خلال دقائق لأن كثر الأكل الجاف يعمل علي تعكير الحوض وحدوث الرائحة الكريهه اللي اشتكيت منها

مراعاه قفل موتور الهواء اثناء وضع الطعام واوع تنسي تشغله بعد الأكل

عدم وضع يد فيها برفان او ريحه سجاير ولو بتشرب سجاير بطلها طالما هتربي سمك-

وبلاش اطول عليكنفذ اللي قلت عليه ولنتجد الحوض معكرولن تلجأالي غسيله من 3 الي 6 اشهر

لو الكلام دهصعب انصحك ترجع الحوض بالسمك وتروحتجيبلك صينية سبيط بيضاء من بلبع لو انت في مصر مع شوية جمبري واستاكوزا وبالهنا واشفايا معلم

والحمد لله رب العالمين

بالحب نحيا.. ولو في اليم ألقونا

وإن خلت سفينتنا.. فجر الحب يأوينا

وإن تاهت خطاوينا.. فنجم الليل يهدينا

وإن فرقت بنا الأميال.. فلقيا الروح تكفينا

رابط هذا التعليق
شارك

عدم وضع يد فيها برفان او ريحه سجاير ولو بتشرب سجاير بطلها طالما هتربي سمك

ياااااااااااااااااااه

كلامك جه على الجرح يا دكتور نصر

خلاص ... أعاهدك إن من النهاردة

تحرم عليه السجاير سواء الفرط أو البكاتات .... والبانجو كمان هابطله ... كله في سبيل السمكة سموكه

إيه ده

أنا ما بأدخنش يا عم أساساً

طب ممكن أبطل شُرب عرقسوس ... أهي حاجه أبطلها والسلام ؟

طب وهو السمك في ترجيع ؟

طب وأرجع الحاجات دي ليه ؟ هل معنى كده إن خسارة فيها التربية ؟؟؟

وإيه الفلتر العادي ده ؟

ده غير ابو كهربا ؟؟؟

الأحـــرار يؤمنون بمن معه الحق ..

و العبيــد يؤمنون بمن معه القوة ..

فلا تعجب من دفاع الأحرار عن الضحية دائماً ..

و دفاع العبيد عن الجلاد دائماً

رابط هذا التعليق
شارك

إيه البلاك استوماس ده ؟

اللي هو أنجل يعني ؟

الأحـــرار يؤمنون بمن معه الحق ..

و العبيــد يؤمنون بمن معه القوة ..

فلا تعجب من دفاع الأحرار عن الضحية دائماً ..

و دفاع العبيد عن الجلاد دائماً

رابط هذا التعليق
شارك

عندي قصة طريفة وقصيرة مع تربية الأسماك

أول ما اتجوزت .. حبيت أربي سمك زينة في البيت

فيه حد قاللي .. السمك شكله حلو

بس ...

قلت له قول .. بس إيه

قال لي تربية سمك الزينة في البيت مش كويسة

قلت له إزاي يعني

قال لي بتجيب الفقر ..

قلت له ياراجل .. قال لي وأكد وحلف ..

سألت حماتي بصفتها خبيرة .. قالت لي نفس الكلام .. مراتي قالت لي أنا سمعت كده برضه

قلت بلاها تربية السمك اللي ممكن تجيب الفقر ده

طبعاً أنا لا أتطير .. أو أؤمن بتلك الخرافات

لكن بما انه حاجة مش ضرورية ... قلت بناقص .. إن شالله ماربيت سمك

وعليها .. قعدت أربي شوية عصافير .. لكن في السعودية الدنيا حرجداً .. وكانوا بيموتوا من الحر

حالياً ..

أدهم ابني .. مربي سلحفاة ..

سايبها في حديقة المنزل .. تتشوي في الحر .. وتموت من البرد ..

بيطل عليها مرة كل شهر كده ولا حاجة

في البداية كان بيحط لها خس

وبعد كده إكتشف إنها بتحب النجيلة وورق الزهور اللي في الحديقة أكثر من الخس ..

فبطل يديها أي حاجة ..

في القصص الرومانسية القديمة .. يكتب المحب رسالة حب .. ويضعها في زجاجة .. ويرمي الزجاجة في البحر .. لا يهم من سيقرأها .. لا يهم هل ستصل إلي حبيبته أم لا .. بل كل المهم .. أنه يحبها ..
وتاني .. تاني .. تاني ..
بنحبك يامصر .. ...

 

1191_194557_1263789736.jpg


‎"إعلم أنك إذا أنزلت نفسك دون المنزلة التي تستحقها ، لن يرفعك الناس إليها ، بل أغلب الظن أنهم يدفعونك عما هو دونها أيضا ويزحزحونك إلى ماهو وراءها لأن التزاحم على طيبات الحياة شديد"

(من أقوال المازني في كتب حصاد الهشيم)
 

رابط هذا التعليق
شارك

إيه البلاك استوماس ده ؟

اللي هو أنجل يعني ؟

الحمد لله والصلاة والسلام علي رسول الله وبعد

لا الباك استوماس اللي بتقول عليه الزبال بوسبق ان قلت انه لا ياكل زبالة ولكن آكل طحالب فباكل الطحالب اللتي بتتكون علي الزجاج فيخلي زجاج الحوض نظيف أما الانجل (الملاك)) فدي ما بنفعش تقعد في الحوض مع الأنواع اللي قلتلك عليها لأنها -بعكس اسمها- من فصيلة مفترسة -تصدق بقي- وباتالي هتاكل اللي هيتولد من الجوبي والسولد والمولي تمام ؟؟

وعلي فكره انا عندي في البيت اربع احواض مختلفة المقاسات والأشكال ولا الجأ لتغيير الماءولا تنضيفها إلا كل شهور بس اسمع كلامي ونفذ اللي قلتلك عليه وادعيلي

والحمد لله رب العالمين

بالحب نحيا.. ولو في اليم ألقونا

وإن خلت سفينتنا.. فجر الحب يأوينا

وإن تاهت خطاوينا.. فنجم الليل يهدينا

وإن فرقت بنا الأميال.. فلقيا الروح تكفينا

رابط هذا التعليق
شارك

ياة فكرتونى بالذى مضى...................

همـســة

إذا أتعبتك الدنيا فلا تحزن فإن الله يشتاق لسماع صوتك وأنت تدعوه

لا تنتظر السعادة حتى تبتسم ولكن أبتسم حتى تكون سعيداً

لماذا تدمن التفكير والله ولي التدبير ؟

لماذا القلق من المجهول وكل شيء عند الله معلوم ؟

لذلك

أطمئن فأنت في عين الله الحفيظ

وقل بقلبك ولسانك {فوضت أمري إلى الله}

فإن الله بصير بالعباد

وتذكر أن الرب رحيم كريم

وإن مع العسر يسرا

اللهم صلِ على محمد وآله وسلًم تسليماً كثيراَ

ابوعمر

taakxlf8jwog.jpg

رابط هذا التعليق
شارك

اسد

قال لي تربية سمك الزينة في البيت مش كويسة

قلت له إزاي يعني

قال لي بتجيب الفقر ..

قلت له ياراجل .. قال لي وأكد وحلف ..

على فكره .اختي قالت لي نفس الكلام اول ما اشتريت حوض السمك .وقالت لي انها جربيته وهيه في دبي .وفعلا كان مش كويس واول ما شالوه .الحال اتحسن عندهم

اما عن نفسي بقى ,انا مالحقتش اجربه ,هوه يادوب شهر ونص واحنا اللي وشنا كان فقر على السمك ,والسمك كله ماااااااااات :happy:

407086_10150519470631088_583296087_9114843_428326208_n.jpg
رابط هذا التعليق
شارك

اسد

قال لي تربية سمك الزينة في البيت مش كويسة

قلت له إزاي يعني

قال لي بتجيب الفقر ..

قلت له ياراجل .. قال لي وأكد وحلف ..

على فكره .اختي قالت لي نفس الكلام اول ما اشتريت حوض السمك .وقالت لي انها جربيته وهيه في دبي .وفعلا كان مش كويس واول ما شالوه .الحال اتحسن عندهم

اما عن نفسي بقى ,انا مالحقتش اجربه ,هوه يادوب شهر ونص واحنا اللي وشنا كان فقر على السمك ,والسمك كله ماااااااااات :happy:

طيب واللى يستخدمه فى صيد الناموس !

رابط هذا التعليق
شارك

  • بعد 4 أسابيع...

عندي سؤال اتمني لو تكرمتم و تجاوبوني عليه

انا رحت مطعمين سمك و بيبقي فيهم احواض لسمك الزينة ، بس السمك كان شكله زعلان جدا و حزين و حاسة ان شوية و حيعيطوا ، انا زعلت عليهم جدا و خدت ترابيزة جنبهم و شوية و كنت حعيط معاهم

وخدت بالي ان السمك بيفتح بقه جامد كأنه بيتاوب

انا شفت ده في مطعم و بعدين لما لقيت الكلام ده اتكرر برضو في المطعم التاني ، قلت لا مش ممكن اسكت علي كدة و رحت لموظف في المطعم وخدت رقم المهندس الزراعي المسئول عن حوض السمك

مش عارفة السمك زعلان ليه ممكن من الحبسة ، انا برضو ضد حبس الحيوانات ، و يمكن هوه عارف انه في مطعم سمك ، و ان هوه عايش في مذبحة

ارجوكم اللي يعرف معلومة يقولي عشان انقذ الاسماك المسكينة دي

الا بذكر الله تطمئن القلوب

رابط هذا التعليق
شارك

عندي سؤال اتمني لو تكرمتم و تجاوبوني عليه

انا رحت مطعمين سمك و بيبقي فيهم احواض لسمك الزينة ، بس السمك كان شكله زعلان جدا و حزين و حاسة ان شوية و حيعيطوا ، انا زعلت عليهم جدا و خدت ترابيزة جنبهم و شوية و كنت حعيط معاهم

وخدت بالي ان السمك بيفتح بقه جامد كأنه بيتاوب

انا شفت ده في مطعم و بعدين لما لقيت الكلام ده اتكرر برضو في المطعم التاني ، قلت لا مش ممكن اسكت علي كدة و رحت لموظف في المطعم وخدت رقم المهندس الزراعي المسئول عن حوض السمك

مش عارفة السمك زعلان ليه ممكن من الحبسة ، انا برضو ضد حبس الحيوانات ، و يمكن هوه عارف انه في مطعم سمك ، و ان هوه عايش في مذبحة

ارجوكم اللي يعرف معلومة يقولي عشان انقذ الاسماك المسكينة دي

أنواع كتير من السمك بتفتح وتقفل بقها بإستمرار كجزء من عملية التنفس.

السمك مخة ميجبش خالص كل البؤس اللي حضرتك متخيلاه ده. يدوب كل اللي يفهمه أنا في الميه أنا عندي أكل. أي حاجة اعمق من كده تبقى معجزة...بالذات سمك الزينة.

لا هو حاسس بحبسة ولا حاسس بمدبحة ولا أي حاجة مندي خالص يا مدام جويرية.

" Feed Your Faith and your fears will starve to death "

Unkown~

رابط هذا التعليق
شارك

انشئ حساب جديد أو قم بتسجيل دخولك لتتمكن من إضافة تعليق جديد

يجب ان تكون عضوا لدينا لتتمكن من التعليق

انشئ حساب جديد

سجل حسابك الجديد لدينا في الموقع بمنتهي السهوله .

سجل حساب جديد

تسجيل دخول

هل تمتلك حساب بالفعل؟ سجل دخولك من هنا.

سجل دخولك الان
  • المتواجدون الآن   0 أعضاء متواجدين الان

    • لا يوجد أعضاء مسجلون يتصفحون هذه الصفحة
×
×
  • أضف...