زهرة الجبل

طريقة عمل الفسيخ في البيت .. خطوه بخطوه و بالصور

26 مشاركات في هذا الموضوع

السلام عليكم و رحمة الله و

بركاته

أيها المحاورون و المحاورات .. و بالأخص المغتربين

منكم و المغتربات .. و اللي بيستنوا أي فرصه حد جاي من مصر و يطلبوا منه الفسيخ

بالذات

..

إسمعوا و إعوا .. فإن ما فات قد فات .. و زمن الفسيخ هو

الزمن الآت

القصه و ما فيها يا جماعه انه بمناسبة إقتراب شم النسيم

و كل عام و الجميع بخير .. قررت أشارككم بطريقتي لعمل الفسيخ علشان الكل يشم النسيم

براحته

الطريقه مجربه أكثر من مره و الحمد لله... و النتيجه أكثر من

رائعه و آخرها إنهرضه إتغدينا فسيخ فوق الوصف و الصور

تشهد

042111170437o1v0pg944g2k4ghl7.jpg

البدايه

طبعاً في شراء السمك البوري

بداية من شراء السمك ...

كل ما كانت السمكه طازجه و حجمها أكبر كل ما كانت افضل لأنها بتكون سمينه و ده أفضل

للفسيخ

أنا بشتري السمكتين أكتر من كيلو و نصف بشويه .. و لو لاقيت

اكبر بيكون أفضل .. و الحجم ده للموجودين في الكويت غالباً تلاقوه في كارفور أو

جيان

إشتري السمك و أغسلي خياشيمه كويس جدا لمده لا تقل عن خمس إلي ستة

دقائق لكل سمكه تحت الماء إلى أن يصبح لون الخياشيم أبيض تقريباً

042111170414gmb639b36pc429x.jpg

042111170423rb3pqxtlhfllfture.jpg

ده

شكل السمك بعد الغسيل و بعدها ندخل مرحلة التجفيف و دي بتاخد مش أقل من أربعه و

عشرين ساعه

لكن لا شمس و لا في البلكونه و لا الكلام ده خالص ...

بنجيب صينيه و نفرشها ورق ابيض علشان يمتص الماء اللي ممكن ينزل من

السمك

و طبعا كل كم ساعه بنغير الورق و نقلب السمك على جمب آخر

بحيث يتعرض من جميع جوانبه للهواء علشان ينشف

(يتبع)

تم تعديل بواسطة زهرة الجبل

شارك هذه المشاركه


رابط المشاركه
شارك

ده شكل السمك و هو لسه طازج بعد الغسيل 0421111704227jswhujxbse2.jpg

و

دي صورته أثناء التنشيف

04211117040990vg3i8rj2fuhe3w2bd.jpg

في

خطوه لازم نعملها أثناء التنشيف مرتين تلاته بين كل مره و مره عدة

ساعات

هتمسكي السمكه و تحطي في كل خيشوم منديل ورق و تمسكي الرأس

بمنديل تالت و تمسكي السمكه رأسها لأسفل و تضغطي عالرأس بشكل يضمن نزول أي سوائل

منها و طبعا بعد كده بنشيل المنديل من الخياشيم و نسيبه يكمل تنشيف عالصينيه مره

أخرى

المرحله دي زي ما قلت بتاخد يوم كامل او أقل بشويه .. أنا

بشتري السمك بالليل و أغسله و أسيبه يتنشف لتاني يوم .. الليل بيقضيه عالمكتبه قصاد

التكييف و طبعاً متغطي بقماشه خفيفه جداً

042111170432mliotxl7qejhid2f7af1.jpg

و

الصبح باخده يكمل تنشيف في المطبخ و شباك المطبخ مفتوح للتهويه لكن لام

تحافظي على انه يظل طول الفتره دي متغطي تماماً لضمان النظافه

و لما بينشف تماماً هتعرفيه من ملمسه بيبقى جاف تماماص من بره و

لونه يبيض كله و يبقى جامد مش طري زي ما كان طاج يعني السمكه تمسكيها من

الذيل تظل متماسكه بدون انثناء

و ممكن بالنهار بعد ما يمر

عليه الليل و قبل التمليح توقفي السمك فتره علشان لو فيه سوائل تنزل .. أنا بفتح

زجاجة ماء معدنيه من الأعلى و أضع فيها من أسفلها مناديل ورقيه علشان تمتص اي

قطرات تنزل منه و أضع فيها السمكه واقفه رأسها لأسفل

كده

04211118040440cro7u7hgtn7bht7ysw.jpg

و دي صورة السمك بيكون شكله كده بعد التنشيف تماماً

042111180408w9pe54fa1htdvzmr6k.jpg

المرحله

الجايه مرحلة التمليح

يتبع

شارك هذه المشاركه


رابط المشاركه
شارك

قبل التمليح هنمسك السمكه من عند الديل و

نضغط عليها علشان تبقى طريه

هتضغطي عكس طبيعة الذيل .. يعني تضغطي

على الذي بشكل رأسي .. مش في اتجاه الرأس .. كأنك بتفرديه

بعد كده هنجيب الملح الخشن .. و ده برضه هتلاقيه في كارفور

في قسم الخضروات مش عارفه ليه بس هو موجود هناك

الكيس عباره عن

كيلو ملح مجروش أو خشن و هو مكتوب عليه انه ملح سعودي

دي

صورة الملح

042111180425bj57mr9uufdk77m7yip.jpg

بنستعمل

تقريباً ثلاثة ارباع الكيس . أو ثلثينه ... أول خطوه بنملأ الخياشيم تماماً لدرجة

انها تبقى مفتوحه و الملح لا يسمح لها بالإنغلاق

كده

042111180424q5tm1plko7diwd.jpg

و

نرص السمك رأس جمب ذيل . يعني خلف خلاف السمكه دي رأسها بجانب

ذيل التانيه

ثم نرش باقي الكميه التي سنستخدمها فوق و تحت و بجانب

السمك

كده

042111180440p1c4ebm4t4n.jpg

0421111804466hnklzotl6ak7e.jpg

بكده

انتهى التمليح و تقفلي الكيس كويس جداً و كوني حريصه على عدم بقاء الهواء فيه و

لفيه في أكتر من كيس فوق بعض

أنا بلفه في حوالي سبعه او ثمانية

اكياس لضمان الحراره اولاَ و عدم دخول الهواء ثانياً

0421111804511zq865jhtuwme7knn.jpg

يتبع

شارك هذه المشاركه


رابط المشاركه
شارك

كده انتهت مرحلة التمليح و اللف و بدأت مرحلة الصبر

هتحطي اللفه المحترمه جداً دي في مكان جاف ( أنا بحطه في فرن البوتوجاز ) و تحرصي تماماً ان كل

فتره تقلبي اللفه من جانب لآخر

و ده علشان تضمني توزيع الملح .. و اللفه طبعاً هتحطيها في صينيه أو ما شابه علشان لو نزل منها ميه يبقى مش

تبهدل لك المكان او الفرن او كده

و بتسيبيها تقريباً خمسة ايام و

تفتحيها

أهم ما في الأمر هو تقليبها في اليوم ما لا يقل عن اربع او

خمس مرات .. يعني كل ما تفتكريها تفتحي الفرن و تقلبيها علشان الملح يتوزع

تماماً

المرحله الجايه بقى .. مرحلة البكاء من فرط

اللذه

طبعاً المفاجأه إني عملت فسيخ دي لوحدها كانت بالنسبه لي في

أول مره عملته كانت فوق الوصف

لكن بعد كده الموضوع هيبدأ

يبقى طبيعي و سهل

دي صورة الغدا إنهرضه و إتفضلوا

معانا

الفسيخ قبل ما نفتحه و ده لونه بيكون ابيض و لامع و ده معناه

انه الحمد لله آمن و نظيف

042111180412xkblkbp.jpg

الصور

دي بقى قبل ما نقضي عليه مباشرة

0421111804340e3feobe.jpg

*******

042111180455l3ig6i2oq9uxq4jixv8f.jpg

التجربه مش صعبه أبداً .. هي تخوف في الأول لكن النتائج إن شاء الله مضمونه

يا ريت اللي يجرب يقول لنا أخباره إيه

و هنا و صحه مقدماً و كل شم نسيم و الجميع بخير

تحياتي

أم كريم

تم تعديل بواسطة زهرة الجبل

شارك هذه المشاركه


رابط المشاركه
شارك

تسلم ايديك يا مدام زهرة الجبل

حقيقي حقيقي وصفة هايلة وسهلة خصوصا لو ظبطت في الاخر

وطبعا علشان حضرتك في الكويت شكر مرة تانية انك بتعرفينا الحاجات دي بتيجي منين بالظبط

الفسيخ اللي عملتيه شكله شهي جدا قريب من فسيخ الحاج محمود اللي جالنا قريب وصاية من مصر بقيادة الزعماء :)

شارك هذه المشاركه


رابط المشاركه
شارك

تسلم ايديك يا مدام زهرة الجبل

حقيقي حقيقي وصفة هايلة وسهلة خصوصا لو ظبطت في الاخر

وطبعا علشان حضرتك في الكويت شكر مرة تانية انك بتعرفينا الحاجات دي بتيجي منين بالظبط

الفسيخ اللي عملتيه شكله شهي جدا قريب من فسيخ الحاج محمود اللي جالنا قريب وصاية من مصر بقيادة الزعماء :)

الأخ الكريم سمبا

حضرتك إن شاء الله تجرب الطريقه دي

و هتطلع أحلى من فسيخ الحاج محمود اللي جالكم قريب وصايه من مصر بقيادة الزعماء :closedeyes:

تحياتي و دمت بخير

أم كريم

تم تعديل بواسطة زهرة الجبل

شارك هذه المشاركه


رابط المشاركه
شارك

تسلم ايدك يا مدام زهرة الجبل

احسن حاجه فيه انه تجربة بيتوتية صرفة

اى نعم حتلاقى هناك ضحايا كثير من الورق والقماش اللى تلاقيه اتبهدل

بس بصراحة ورغم انى مش من عشاق الفسيخ والحاجات دى اجمالا

بس

والله شكله فعلا يفتح النفس وكفاية انه من البيت

مرة تانية تسلم ايدك يا مدام زهرة الجبل

شارك هذه المشاركه


رابط المشاركه
شارك

أحلى حاجه في الموضوع إن السعودية متواجدة فيه هههههههههه

لاحظت إن الملح صنع في السعودية

كل شم نسيم وأنتم طيبين ... وتسلم إيدك يا أم كريم

شارك هذه المشاركه


رابط المشاركه
شارك

حقا وصدقا .. تسلم الايادى يا أم كريم:clappingrose: :clappingrose::clappingrose:

انا عن نفسى واحد من الناس اللى بيعشقوا السمك المملح والمدخن كمان .. انا بيت العيله كان فى حى الى حد ما شعبى .. امام البيت مباشرة كان فيه محل فسخانى .. وكنت متعود اشوفه وهو بيقوم بتمليح السمك ووضعه فى براميل .. يعنى نشأت و ترعرت على رائحة الفسيخ ههههههههههههههه.. ومن الطبيعى انى احبه واحب ريحته لان فيه بينها وبين ذكريات الطفوله وبيتنا القديم ارتباط شرطى ((بتكلم بجد والله)) :wub: ..

انا كان من هواياتى تمليح السردين .. واللى وصفلى طريقه سحريه لعمله ((وللطرافه)) كان دكتور كبير ايام الجامعه .. وكان من المستشارين الاعلاميين لجيهان السادات .. وكان عنده نفس المزاج .. طبعا انا نسيت تفاصيل الطريقه .. لانى معملتهاش من حوالى 12 سنه كده .. وبقيت بشترى جاهز:closedeyes:

المهم انا حجرب طريقتك ان شاء الله وحوافيكى بالنتيجه :) وكل شم نسيم وانتى بخير وصحه انتى والاسره الكريمه

شارك هذه المشاركه


رابط المشاركه
شارك

تسلم ايدك يا أم كريم

مع انى مش من هواة الفسيخ بس هحاول وربنا يستر

:give_rose:

إن شاء الله ربنا هيستر

..

و لسه قدامك وقت من هنا لشم النسيم حضرتك جرب و إن شاء

الله هتبقى من هواة الفسيخ

تحياتي

أم

كريم

شارك هذه المشاركه


رابط المشاركه
شارك

[quote name=aimen'

timestamp='1303476293' post='729146]

تسلم ايدك يا مدام زهرة الجبل

احسن حاجه فيه انه تجربة

بيتوتية صرفة

اى نعم حتلاقى هناك ضحايا كثير من الورق والقماش اللى تلاقيه

اتبهدل

بس بصراحة ورغم انى مش من عشاق الفسيخ والحاجات دى اجمالا

بس

والله شكله فعلا يفتح النفس وكفاية انه من البيت

مرة تانية تسلم ايدك

يا مدام زهرة الجبل

شكراً جزيلاً

أخي الكريم أيمن

و هو بالفعل أحسن حاجه فيه إنه بيتي 100 % و كل

شئ واضح و مضمون

صحيح الضحايا مناديل ورق و أوراق بيضا لكن

النتيجه تستاهل التضحيه :happy:

كل سنه و حضرتك طيب و شم نسيم سعيد إن شاء الله

تحياتي

أم كريم

شارك هذه المشاركه


رابط المشاركه
شارك

[quote name=se_ Elsyed'

timestamp='1303487005' post='729179]

أحلى حاجه في الموضوع إن السعودية

متواجدة فيه هههههههههه

لاحظت إن الملح صنع في السعودية

كل

شم نسيم وأنتم طيبين ... وتسلم إيدك يا أم كريم

صح و الله

الملح سعودي

يعني السمك من الكويت و الملح من السعوديه و الأكله

أصلاً مصريه صميم

هي دي الوحده العربيه

تسلم

أخي الكريم سي السيد و كل سنه و حضرتك بألف خير

تحياتي

أم كريم

شارك هذه المشاركه


رابط المشاركه
شارك

[quote name=التونسى'

timestamp='1303488142' post='729183]

حقا وصدقا .. تسلم الايادى يا أم

كريم:clappingrose:

:clappingrose:

:clappingrose:

انا عن نفسى واحد من الناس اللى بيعشقوا السمك المملح والمدخن كمان .. انا

بيت العيله كان فى حى الى حد ما شعبى .. امام البيت مباشرة كان فيه محل فسخانى ..

وكنت متعود اشوفه وهو بيقوم بتمليح السمك ووضعه فى براميل .. يعنى نشأت و ترعرت على

رائحة الفسيخ ههههههههههههههه.. ومن الطبيعى انى احبه واحب ريحته لان فيه بينها

وبين ذكريات الطفوله وبيتنا القديم ارتباط شرطى ((بتكلم بجد والله))

:wub:

..

انا كان من هواياتى تمليح السردين .. واللى وصفلى طريقه سحريه

لعمله ((وللطرافه)) كان دكتور كبير ايام الجامعه .. وكان من

المستشارين الاعلاميين لجيهان السادات .. وكان عنده نفس المزاج .. طبعا انا نسيت

تفاصيل الطريقه .. لانى معملتهاش من حوالى 12 سنه كده .. وبقيت بشترى جاهز:closedeyes:

المهم انا حجرب طريقتك ان شاء الله وحوافيكى بالنتيجه :)

وكل شم نسيم وانتى بخير وصحه انتى والاسره الكريمه

الأخ الكريم التونسي

حضرتك نورت الموضوع و الله

أنا بقى بحب الفسيخ و الرنجا لكن مجربتش السردين الحقيقه .. و لو أني أعرف انه شديد الشبه بالفسيخ

أنا منتظره نتيجة التجربه و إن شاء الله هتبقى مبهره

هنا و صحه مقداً

تحياتي

أم كريم

شارك هذه المشاركه


رابط المشاركه
شارك

بارك الله فيكى انا مقيمة فى السعودية وكنا بنستنى اى حد يجبلنا معاة فسيخ بس دلوقتى خلاص بارك الله فيكى وجعلة فى ميزان حسناتك

شارك هذه المشاركه


رابط المشاركه
شارك

شكرًا جدااااا علي ألطريقه الوهميه في مره لازم اجربها بس عند ماما علشان محمد جوزي ولا ولادي بيطيقوا رحته ، كان نفسي يطلعوا ذيي :-))

سؤال بقي؛ هوا الملح من بره والسمكة تفضل مقفوله منفتحهاش إلا عند الأكل ؟؟؟

شارك هذه المشاركه


رابط المشاركه
شارك

بارك الله فيكى انا مقيمة فى السعودية وكنا بنستنى اى حد يجبلنا معاة فسيخ بس دلوقتى خلاص بارك الله فيكى وجعلة فى ميزان حسناتك

و الله سعيده جداً إن الطريقه عجبت حضرتك يا أم عبد الله

و فاهمه كلامك كويس قوي لأن و الله أحا كمان كنا بنقعد نستنى أي حد جاي من مصر علشان الجماعه يبعتولنا معاه فسيخ

بس دلوقت خلاص .. ممكن نبعت الفسيخ من هنا لمصر :closedeyes:

شكراً جزيلاً للدعاء و لك مثله إن شاء الله

تحياتي

شارك هذه المشاركه


رابط المشاركه
شارك

شكرًا جدااااا علي ألطريقه الوهميه في مره لازم اجربها بس عند ماما علشان محمد جوزي ولا ولادي بيطيقوا رحته ، كان نفسي يطلعوا ذيي :-))

سؤال بقي؛ هوا الملح من بره والسمكة تفضل مقفوله منفتحهاش إلا عند الأكل ؟؟؟

ايوه يا اختي الكريمه

السمكه مقفوله و الملح الخشن من بره فقط

لكن بتفتحي الخياشيم بس و تمليها ملح زي الصور كده

منغير قطع و لا حاجه .. بتفتحي الخياشيم لآخر امكانية فتحها و تمليها على الآخر ملح و ترشي على جسمها من بره

و هنا و صحه مقدماً

تحياتي

شارك هذه المشاركه


رابط المشاركه
شارك

انشئ حساب جديد او قم بتسجيل دخولك لتتمكن من اضافه تعليق جديد

يجب ان تكون عضوا لدينا لتتمكن من التعليق

انشئ حساب جديد

سجل حسابك الجديد لدينا في الموقع بمنتهي السهوله .


سجل حساب جديد

تسجيل دخول

هل تمتلك حساب بالفعل ؟ سجل دخولك من هنا.


سجل دخولك الان