se_ Elsyed

كل ما يخص الـ iPhone

قيم هذا الموضوع :

235 مشاركات في هذا الموضوع

لكل المهتمين بعالم تكنولوجيا الإتصالات ...

هانحاول نخلي التوبيك ده مُخصص لكل رأي عن الأي فون .. بمشاركة كل المهتمين طبعاً

- أنا هابدأ وأحكي لكم قصتي ... أنا كنت زي أي شاب من البيت للشغل ومن الشغل للكبارية .. قصدي للبيت .... ولو تفتكروا إن من سنة أو أتنين أحترت واحتار دليلي وكتبت أستغيث وأطلب منكم لو حد عنده فكره عن راديو سيارة ديجيتال يقدر يجيب لي قنوات إذاعية مصرية بالذات ... ولم أتلقى رد وأصبت بالأحباط وفقدت الثقة في نفسي وفي اللي حواليه ....

- لحد ما لقيت مبتغايا في الأيفون 4 ... ودي من ضمن مميزاته ... برنامج بدولار واحد يتحمله إسمه Radio Egypt متوفر على الـ apple store اللي له لينك مباشر في البرنامج الرئيسي اللي بيعتمد عليه الأيفون في الربط بينه وبين جهازك الشخصي ... تحمل البرنامج وطبعاُ في الشغل أو البيت الواحد عنده إنترنت واي فاي .... وكمان كتير مننا مشترك في باقة للإنترنت على شريحة تليفونه ... وبكده بضغط زر واحده تحصل على ما لا يقل عن 20 إذاعة مصرية تشغل منها اللي إنت عاوزه ويا سلام على حواديت أبلة فضيلة ساعة الأصطباحة ... أو إذاعة الشرق الأوسط وغمض عنيك وأمشي بخفة ودلع ..

- كمان قسم التطوير في شركة أبل شغال الله ينور والاف بل يمكن ملايين من البرامج متوفرة إما مجاناً أو بمبالغ زهيده جداً تحت ضغطة أصبعك .. ومنها برامج الإتصال زي مثلاً Viber وده برنامج بتنزله على الأيفون .. وبيسمح بالدخول على الكونتكت ليست بتاعتك ليعرض لك الذين تعرفهم وعنده نفس البرنامج .. وفي حالة وجودكم على واي فاي إنترنت .. فبتكملوا بعض مجاناً أياً كان مكانكم .. طب لو هاتعتمد على إنترنت الشريحة .. هايكون الحساب إزاي ؟

جربنا وأرسلنا واستقبلنا مكالمات ....مستخدمين إنترنت الشريحة .. فبيتم الحساب على إنها تصفح حاجه على الإنترنت .. بإختصار .. دقيقة الأرسال لو إنت اللي متصل المكالمة تكلفت 2 هلله ... والأستقبال في حالة إذا ما كانش عندك واي فاي يعني وهاتعتمد على إنترنت الشريحة فتكلفت 6 هلالات

ناهيك عن سهولة إستخدامك السكاي بي ... وغيرها من برامج الإتصال ... أمبارح لسه بأجرب السكاي بي .. راح سكوربيون قفشني وشافني أون لاين وأتصل بي من جهاز الكمبيوتر الخاص به على تليفوني وكان الصوت واضح جداً وحاجه تشرح القلب العليل ...

- كمان هناك برامج زي Smart SMS بتنزله عندك وترسل منه رسائل نصية مجانية إلى مستخدمي تلك الاجهزة .... أو لو ما كانش الواحد منزل عنده البرنامج ده .. فبتروح له الرسالة على الإسميل اللي مسجل به في الـ I tunes

ممكن حد يقول بس ده عيب إن كل المميزات تبقى محصورة فقط في مستخدمي الأيفون تعزلك عن الأخرين ..

بالتأكيد لأ .. لكن دي مميزات إضافية وأولويات وأهل البيت أولى بايفونهم

ونضرب كوباية زنجبيل ونرجعو نكملوا وعاوزين اللي يعرف حاجه عن المخلوق ده يدخل وينفعنا

شارك هذه المشاركه


رابط المشاركه
شارك

شكرا يا استاذ سين سين علي الموضوع

انا بيعجبني فيه برنامج ibook وطريقة وضع الكتب داخل الكتاب سهلة جدا عن طريق السحب والافلات

النهاردة قريت عن برنامج اسمه good read بس لسه مجربتوش لكن اللي قريته بيقول انه بيعمل ارشيف لكل الكتب اللي بتقراها وبيحدد لك وقت القراءة لكل كتاب ولمجمل وقت القراءة في اليوم وحاجات تانية كتير

غير ان فيه كتب كتير علي الاستور مجانية بتشتغل من غير اي برامج بس كلها انجليزي

شارك هذه المشاركه


رابط المشاركه
شارك

استاذ سين سين موضوع رائع

انا كنت من عشاق النوكيا بس بعد ماجربت الايفون فكرتى اتغيرت

فى برامج مواقيت الصلاة والقران والتجويد وباصوات كل الشيوخ والاف البرامج

احس برنامج نزلته اسمه

Spy Cam

بيجيب لك صور حية من مختلف انحاء العالم

سوف احدثكم بكل جديد عن الايفون

موضوع رائع تسلم عليه

شارك هذه المشاركه


رابط المشاركه
شارك

إحم إحم

مش هاتكسف وأقول إن الايفون رجعني 38 سنة لورا وخلاني احب الجيمز من تاني ... الاف الالعاب بريزليوشن عاليه وحاجه مبهره بصراحة ... كفايه تجرب لعبة Avatar

و ٍShrek

حتى تصفح النت فيه مختلف وأسهل

شارك هذه المشاركه


رابط المشاركه
شارك

الآيفون 4 بتاعي فيه خاصية إظهار رقم المتصل :closedeyes:

ده غير الآله الحاسبه طبعا

المهم اكتشفت برنامج توحفهههه

برنامج تحط فيه رقم التليفون اللي انت عايزه يقوم هوكش فوكش بوكش مطلعلك مكان التليفون ده على الخريطه

و بالتالي اي واحد عايز يضحك على مامته و يفهمها انه بيذاكر مع صاحبه حماده في النادي مع انه قاعد مع صاحبته سوزي في سينيما مترو مش حيعرف smk:

شارك هذه المشاركه


رابط المشاركه
شارك

[quote]المهم اكتشفت برنامج توحفهههه

برنامج تحط فيه رقم التليفون اللي انت عايزه يقوم هوكش فوكش بوكش مطلعلك مكان التليفون ده على الخريطه

و بالتالي اي واحد عايز يضحك على مامته و يفهمها انه بيذاكر مع صاحبه حماده في النادي مع انه قاعد مع صاحبته سوزي في سينيما مترو مش حيعرف

طيب اسم البرنامج ده ايه يا استاذ زوهيري

شارك هذه المشاركه


رابط المشاركه
شارك

الآيفون 4 بتاعي فيه خاصية إظهار رقم المتصل :closedeyes:

ده غير الآله الحاسبه طبعا

المهم اكتشفت برنامج توحفهههه

برنامج تحط فيه رقم التليفون اللي انت عايزه يقوم هوكش فوكش بوكش مطلعلك مكان التليفون ده على الخريطه

و بالتالي اي واحد عايز يضحك على مامته و يفهمها انه بيذاكر مع صاحبه حماده في النادي مع انه قاعد مع صاحبته سوزي في سينيما مترو مش حيعرف smk:

يا حبيب قلبي اللي بيحضر العفريت بيعرف يصرفه

طب مانا ممكن يكون معايا ايفون وأقول لماما أنا رايح النادي مع سوزي صحبتي .. وفي نفس الوقت أكون مع حماده في سنيما ريفولي ...

حاجه تانيه ... ممكن أول أستخدام خاصية إظهار رقم الطالب اللي مش موجوده اللي في الايفون وبالتالي هاعرف إنها ماما وعاوزه تكبس عليه وتعرف أنا فين وبالتالي ما أردش عليها وبعدين أقولها سوري ما سمعتش الجرس أو أستخدم خاصية الفايبرشن

كمان ... حتى لو روحت مع سوزي سنيما روكسي مع 6-9 وأنا قايل لها إني في النادي .. ممكن اختار سنيما قريبة من النادي وأول ما ماما تتصل أروح خارج جري من صالة العرض وأروح النادي اللي أنا قريب منه وأرد عليها

أو أقولها أنا في صالة العرض اللي داخل النادي

خليك في الـ Core يا أمور

--------------

على فكرة ... هانتكلم برضوا عن عيوب الحته الجديدة دي عشان كله يبقى على ميه بيضا

شارك هذه المشاركه


رابط المشاركه
شارك

ومنها برامج الإتصال زي مثلاً Viber وده برنامج بتنزله على الأيفون .. وبيسمح بالدخول على الكونتكت ليست بتاعتك ليعرض لك الذين تعرفهم وعنده نفس البرنامج .. وفي حالة وجودكم على واي فاي إنترنت .. فبتكملوا بعض مجاناً أياً كان مكانكم .. طب لو هاتعتمد على إنترنت الشريحة .. هايكون الحساب إزاي ؟

جربنا وأرسلنا واستقبلنا مكالمات ....مستخدمين إنترنت الشريحة .. فبيتم الحساب على إنها تصفح حاجه على الإنترنت .. بإختصار .. دقيقة الأرسال لو إنت اللي متصل المكالمة تكلفت 2 هلله ... والأستقبال في حالة إذا ما كانش عندك واي فاي يعني وهاتعتمد على إنترنت الشريحة فتكلفت 6 هلالات

هناك تطبيق جديد من أبل ستور يمكنك من المكالمات الدولية والمحلية مجانا أسمه nymcall

تحياتي

شارك هذه المشاركه


رابط المشاركه
شارك

أيوه كده يا ودددديع . قصدي يا غريب .. اللي عندو حاجه ما يبخلش فيها على أخواته ...

ومرحباً بموعود وسمبا في نادي الأستقراطيين الشرفاء ..

أتفضلوا سموا ومدوا إيدكم حاجه تشقوا بها ريقكم

59835_mb_file_4cdc4.jpg

ولعه هنا للبهوات يا زيزو

شارك هذه المشاركه


رابط المشاركه
شارك

هناك تطبيق جديد من أبل ستور يمكنك من المكالمات الدولية والمحلية مجانا أسمه nymcall

تحياتي

نزلته و مش راضي يشتغل يا غريب

ممكن تساعدنا ينوبك ثواب؟

شارك هذه المشاركه


رابط المشاركه
شارك

هناك تطبيق جديد من أبل ستور يمكنك من المكالمات الدولية والمحلية مجانا أسمه nymcall

تحياتي

نزلته و مش راضي يشتغل يا غريب

ممكن تساعدنا ينوبك ثواب؟

البرنامج فيه صعوبة شوية عندكم في السعودية على ما سمعت إبتداء من عام 2011، وفي ناس بتقول أنه أتوقف كمان :(

بس لو أنت عندك رقم أمريكي هيشتغل معاك بدون مشكلة أن شاء الله

شارك هذه المشاركه


رابط المشاركه
شارك

هناك تطبيق جديد من أبل ستور يمكنك من المكالمات الدولية والمحلية مجانا أسمه nymcall

تحياتي

غريب بك

صباح الخير

التطبيق ده بيحتاج اتصال انترنت ؟؟؟

شارك هذه المشاركه


رابط المشاركه
شارك

[quote]السلام عليكم،

مش هتحس ان معااك iphone لحد ما تعمله jailbreak

من اللي قريته قبل كده عن الاي فون ان ده للتليفونات المقفولة بس كمان مش كويس علي صحة الاي فون

شارك هذه المشاركه


رابط المشاركه
شارك

هناك تطبيق جديد من أبل ستور يمكنك من المكالمات الدولية والمحلية مجانا أسمه nymcall

تحياتي

غريب بك

صباح الخير

التطبيق ده بيحتاج اتصال انترنت ؟؟؟

طبعايا مسيو سمبا

شارك هذه المشاركه


رابط المشاركه
شارك

السلام عليكم،

مش هتحس ان معااك iphone لحد ما تعمله jailbreak

أيوه .. عاوزين شرح بقى للموضوع ده ... إزاي وفائدته إيه ؟

بالمناسبة ... خدوا فكره عن المنتدى ده وهو باعتبره اقوى منتدى في مجال تكنولوجيا الإتصالات ومشترك فيه من 10 سنوات من أيام الأي ميت

وهاتلاقوا قسم كبير للأيفون .. بس حد يشرح لنا الحركات دي ببساطة عشان كلنا نفهم

C34ARAB

شارك هذه المشاركه


رابط المشاركه
شارك

حصلت حاجه غريبة معايا أمبارح

من 3 أيام نزلت لعبة أفتار

avatar-movie-poster.jpg

طبعاً بتنزل للتجربة Trial

ولو خلصت مرحلة أو إتنين .. يقول لك إشتريها بقى يا حلو وبطل بلطجة ..

بصراحة مش أي حاجه الواحد بيشتريها .. لكن دي حاجه تانية .. المهم طلعت 5 دولار من لحم الحي وقلت مش خسارة .... اللعبة حجمها 200 ميجا ... وبعد ما دفعت وعملت داون لوود وتمام التمام مالقتهاش على الجهاز ... يا نهار مش فايت .. فلوسي يا حرامية ؟

عملت سيرش ويمين شمال وهكا ولا هكه ... ما فيش برضوا

شقى عُمري راح في الأفتار يابو كمال ...

روحت كاتب أمبارح للحج أي تيونز الكبير وقلت له أنا مستعد أولع لك في نفسي لو اللعبة دي ما جاتليش وبوست على راسي كمان ...

الكلام ده كان بالليل .. وفعلاً حضرت جركن كازولين - مش جازولين - بس بأفتح الجهاز الصبح لقيته أوتوماتيكلي أول ما شبكت في الأيتيونز بيحمل اللعبة من أول وجديد مع إني خلال الـ 3 أيا اللي فاتوا شبكتوا ييجي 100 مره وماحصلش حاجه ...

وحملت اللعبه وأديني سايب شغلي وقافل عليه مكتبي ومعلق يافطة Don't Disturb i'm in Honey moon وعمال اعدي مرحلة ورا مرحلة

شارك هذه المشاركه


رابط المشاركه
شارك

من اللي قريته قبل كده عن الاي فون ان ده للتليفونات المقفولة بس كمان مش كويس علي صحة الاي فون

انا برده كنت فااكر كدهيا سيمبا، كان عندي هسس من موضوع jailbreak وانو هايضربلي السوفت او الهاردوير نفسو، او على الأقل الجهاز هيبقى مهيس، ساعة يرووح و ساعة يجي...لحد ما جربتو

انا معايا iphone 3gs كنت جايبه على اخر 2009

وزي اي موبايل جديد بتجيبه، عايش الوهم في الأول و تاتش و voice commands وحركاات، شوية كده و بيتحول استخدامك لمجرد الرد و الاتصال، ويمكن شوية نت وشاات و بخ على كده..

لحد ما ما عملت jailbreak

اخر حاجة لسه منزل امبارح برنامج اسمو igo-middle east

فيه خرائط الشرق الأوسط كلها، بس لسه ماجربتوش، البرنامج ده على appStore تمنه 89 دولار

هاجربو و بعدين اقولكم عليه،

انا هحاول احكيلكم قصتي معا iphone، لأنو حصل معايا حوارات كتيير، و ادبست معاه كذا مراا

ولنا عوودة

شارك هذه المشاركه


رابط المشاركه
شارك

انشئ حساب جديد او قم بتسجيل دخولك لتتمكن من اضافه تعليق جديد

يجب ان تكون عضوا لدينا لتتمكن من التعليق

انشئ حساب جديد

سجل حسابك الجديد لدينا في الموقع بمنتهي السهوله .


سجل حساب جديد

تسجيل دخول

هل تمتلك حساب بالفعل ؟ سجل دخولك من هنا.


سجل دخولك الان