منتجات علاج خشونة الركب ...,واسئلة هامة

[aimen]

السلام عليكم

اختى الكبرى تعانى من خشونة فى الركبة

وسمعنا كثير عن منتجات الدكتور عبدالباسط السيد - تذاع اعلاناتها على احد القنوات

كما تذاع اعلانات خاصة بمنتجات شخص اسمه د- كابور لنفس الأمراض

المنتجات دى غير متوفرة بمصر

سؤالى

ايهما افضل من الناحية الطبية ؟

وهل هناك علاجات افضل منهم لعلاج الخشونة ؟

وكيف يمكننى الحصول على تلك الأدوية

ياترى هل هناك منتجات طبيعية لعلاج مشاكل الشعر وانباته ؟

تحياتى

تم تعديل 20 سبتمبر 2010 بواسطة aimen

[ozoozo]

يعني مالاقيتش غير عبد الباسط حموده النصاب ده

تخيل بلاقيه في جريده الوسيط هنا في السعوديه بيقول انه رئيس المركز القومي للبحوث:blink:

المهم ان الادويه العاديه اللي في الصيدليات لخشونه الركبه هي ايضا مستحضرات طبيعيه ومافيش فيها مشكله من استخدامها واضمن من عبد الباسط حموده ده

عندك Dorofenوده 30 كبسوله ب 30 جنيه حبه واحده يوميا ويحتوي علي الجلوكوزامين وده اللي بيزود الSynovial fluid اللي بين المفاصل

ولو في معاناه من الصغط في مستحضر تاني نفس التركيب لكن منزوع الصوديوم بحوالي 15 جنيه واسمه Joflex

وطبعا ده بعد استشاره الطبيب

[aimen]

يعني مالاقيتش غير عبد الباسط حموده النصاب ده

تخيل بلاقيه في جريده الوسيط هنا في السعوديه بيقول انه رئيس المركز القومي للبحوث:blink:

المهم ان الادويه العاديه اللي في الصيدليات لخشونه الركبه هي ايضا مستحضرات طبيعيه ومافيش فيها مشكله من استخدامها واضمن من عبد الباسط حموده ده

عندك Dorofenوده 30 كبسوله ب 30 جنيه حبه واحده يوميا ويحتوي علي الجلوكوزامين وده اللي بيزود الSynovial fluid اللي بين المفاصل

ولو في معاناه من الصغط في مستحضر تاني نفس التركيب لكن منزوع الصوديوم بحوالي 15 جنيه واسمه Joflex

وطبعا ده بعد استشاره الطبيب

شكراعمى ozoozo

المشكلة انها طلب من اختى وطبعا انا حخليها تدخل هنا تشوف بنفسها الردود على الموضوع علشان تقتنع

انا بصراحة بشك فيه وفى غالبية المنتجات اللى بتكون اعلاناتها نفس النمط بتاع اعلانات بائعى الحلويات فى القطارات

المستحضر اللى بيحل كل المشاكل السحرية وممكن يزوج البنات ويساعد على دفع ديون مصر

عمى ozoozo

طيب افضل واضمن منتج لعلاج الحالة دى هو ايه بخلاف المنتجات اللى حضرتك ذكرتها ؟ وهل تنصحنى بدكتور معين فى القاهرة

[ozoozo]

هو انا بكلمك من واقع خبرتي كمريض لكن بالظبط مش عارف دكتور معين بس هي عموما حاجه سهله ومش محتاجه عالم ذره يعني ممكن اي طبيب متوسط يحل المشكله

وعموما هو دوروفين ممتاز وممكن يكتبلها بعض المسكنات معاه

والف سلامه

[shiko]

شفاها الله وعافاها ...

بس زى مقال الفاضل ...ozoozo

دورفين افضل المركبات اللى بتعوض مادة الجلوكازمين بخلاف كده مافيش ...وطبعا المراهم الموضعية لتسكين الالم ...

والمشى على قدر المستطاع وبدون اجهاد للمفصل ...

انقاص الوزن من اهم العوامل ...

ولا قدر الله فى المراحل المتقدمة ...ممكن نستعمل عصاة لتحميل جزء من الوزن عليها بدلا من المفصل ...

ارتداء ركبة مفصلية ...من العوامل المساعدة اللى بتحافظ على عدم تفاقم الحالة ...

...من الاعشاب اللى برضة سمعت عنها ومافيش اتهيالى ضرر من استعمالها ...حبوب الفول الصويا ...والله اعلم

بالنسبة لدكتور ...فى دكتور تخصص مفاصل اسمه احمد عبد العزيز ..بالمهندسين واتهيالى انه دكتور المتخب الوطنى ...

كمان فى دكتور مصرى اسمه نهال بيشتغل فى باريس وبيرجع مصر على شهر 7 وبيشتغل فى المركز الطبى العالمى ...

الايام دى كمان فى 2 خبراء جايين من بره تخصص مفاصل وتقدر تحجز فى العيادة التحضيرية من خلال المركز الطبى العالمى على طريق م. الاسماعيلية ..

مرة اخرى شفاها الله وعافاها ...

تم تعديل 21 سبتمبر 2010 بواسطة shiko

[ياسر]

السلام عليكم.

شفاها اللة وعافاها

انا والدتي بتعاني من نفس الموضوع بالاضافة للنقرص الي مزود الحالة حبتين, رحنا لناس كتير و استخدمنا اعشاب كتير و كلها مسكنات,, لكن لما كنت في كندا جبتلها معايا دهان و كبسولات اكتبلك اسمها و تدور عليها و الدوا دة موجود هنا في الكويت و اعتقد في بقية دول الخليج ,, انا معرفش انت عايش فين دلوقتي و انا مش نازل مصر قريب كنت جبتهولك معايا,,

اسم الدوا: glucosamine & chondroition rub on cream with vitamin E////

exact shark cartilage natural source 750ml

الاول دهان و التاني كبسولات

في دكتور بيقولو ممتاز اسمة حاجة الزهار في ميدان روكسي حاول تسأل علية, بس للامانة انا مارحتلوش بس اسمع انة ممتاز

اللهم اشفيها و اشف مرضانا امييين

[aimen]

شاكر جدا مروركم الكريم

واجابتكم القيمة

اللهم اشفيها و اشف مرضانا اجمعين

[aimen]

معلش يا جماعه

طيب ممكن حد يفيدينى بأفضل منتج لعلاج تساقط الشعر وانباته ؟

[shiko]

معلش يا جماعه

طيب ممكن حد يفيدينى بأفضل منتج لعلاج تساقط الشعر وانباته ؟

طبعا لازم ترجع للدكتور علشان تعرف ايه هى اسباب السقوط ويعالجها ...

وغالبا ما هايكتبلك شوية علاج شق منها موضعى وجزء عقاقير ...

الموضعى زى :

كريم رتاج ....

لوسيون هير باك ...

العقاقير :

فور هير اند نايل

[wnam]

السلام عليكم.

شفاها اللة وعافاها

انا والدتي بتعاني من نفس الموضوع بالاضافة للنقرص الي مزود الحالة حبتين, رحنا لناس كتير و استخدمنا اعشاب كتير و كلها مسكنات,, لكن لما كنت في كندا جبتلها معايا دهان و كبسولات اكتبلك اسمها و تدور عليها و الدوا دة موجود هنا في الكويت و اعتقد في بقية دول الخليج ,, انا معرفش انت عايش فين دلوقتي و انا مش نازل مصر قريب كنت جبتهولك معايا,,

اسم الدوا: glucosamine & chondroition rub on cream with vitamin E////

exact shark cartilage natural source 750ml

الاول دهان و التاني كبسولات

في دكتور بيقولو ممتاز اسمة حاجة الزهار في ميدان روكسي حاول تسأل علية, بس للامانة انا مارحتلوش بس اسمع انة ممتاز

اللهم اشفيها و اشف مرضانا امييين

الدكتور ده كويس وكل حاجة ( الزهار )

بس بيستعمل حقن الكورتيزون الموضعية واول ما عرضها عليه كبديل للعلاج رفضتها وكانت اخر مرة اروحله فيها

[aimen]

معلش يا جماعه

طيب ممكن حد يفيدينى بأفضل منتج لعلاج تساقط الشعر وانباته ؟

طبعا لازم ترجع للدكتور علشان تعرف ايه هى اسباب السقوط ويعالجها ...

وغالبا ما هايكتبلك شوية علاج شق منها موضعى وجزء عقاقير ...

الموضعى زى :

كريم رتاج ....

لوسيون هير باك ...

العقاقير :

فور هير اند نايل

اهلا شيكو

بيقال ان الشعر بيتساقط علشان اختى بلتبس حجاب و الوالد عاوزها تلبس طرحة وهى رافضه - حتى الدكتور قالها لا تلبسى حاجه على رأسك لفترة لكن الحاج الكبير مش مقتنع بالحكاية دى ؟ عاوزين نحل الاشتباك ده

فما رأيكم دام فضلكم

[Mr MAGED]

أخي الفاضل ... أيمن

بتهيألي ان السؤال هنا مش هيجيب نتيجة ايجابية

لأن كل واحد هيرد عليك من خلال تجربته هو

ومعروف طبعا ان الحالات المرضية وان كانت واحدة عند بعض الناس

انما مش ضروري يكون العلاج واحد

لازم تستشير طبيب متخصص .. وبلاش تتابع الاعلانات دي ابدا

من وجهة نظري كلها نصب في نصب

مع تمنياتي بالشفاء ان شاء الله

[Howayda Ismail]

معلش يا جماعه

طيب ممكن حد يفيدينى بأفضل منتج لعلاج تساقط الشعر وانباته ؟

طبعا لازم ترجع للدكتور علشان تعرف ايه هى اسباب السقوط ويعالجها ...

وغالبا ما هايكتبلك شوية علاج شق منها موضعى وجزء عقاقير ...

الموضعى زى :

كريم رتاج ....

لوسيون هير باك ...

العقاقير :

فور هير اند نايل

اهلا شيكو

بيقال ان الشعر بيتساقط علشان اختى بلتبس حجاب و الوالد عاوزها تلبس طرحة وهى رافضه - حتى الدكتور قالها لا تلبسى حاجه على رأسك لفترة لكن الحاج الكبير مش مقتنع بالحكاية دى ؟ عاوزين نحل الاشتباك ده

فما رأيكم دام فضلكم

الحجاب مش السبب الاساسى لسقوط الشعر بدليل ناس مش محجبة وبيحصل معاها كده

ولكن كتم الشعر لمدة طويلة ومنع الهواء عنه يتسبب فى سقوطه

واحسن حاجة ممكن تعملها تخليه مكشوف طوال مدة وجودها فى البيت

ولاتمشطه وهو مبتل لان البلل بيزيد من حالات سقوطه

ساعات بيكون احد الاعراض لامراض نفسية زى القلق والاكتئاب خصوصا فى مرحلة البلوغ والمراهقة

ويكثر مع الام اثناء فترة الرضاعة

وعامة بيكون احد اعراض الانيميا

الاهتمام بالغذاء ومعرفة السبب وعلاجه افضل من علاج الاعراض بالكريمات او الدهانات

[Advisor]

خشونة الركبة حالة شائعة هذه الأيام. ربما نتة التقدم في امكانيات الفحص و التشخيص

ما سبق كان استهلالا لابد منه

زوجتي عندها خشونة بالركبة. و ذهبنا للدكتور السباعي في مصر الجديدة. ( اسمه و عنوانه سأضعه في المداخلة التالية ) و تناولنا علاج الدوروفين لمدة. و اخذنا حقنة في الركبة نفسها و هي ليست كورتيزون و لكنها مادة تعوض نقص المادة الطبيعية في مفصل الركبة ، هذه الحقنة نفعت لمدة سنة ونصف تقريبا.

شقيقتي عندها الآن نفس الحالة ووصف الطبيب لها تغيير الركبة و يبدو ان تغيير الركبة هو الحل الحاسم في الحالات المتقدمة

[أبو محمد]

زوجتى غيرت طقم كبالن

:)

قصدى طقم مفاصل من شهرين ونص

 

نصيحتى هى أن نترك للطبيب تحديد العلاج

ومن التجربة الشخصية فإن العلاج يبدأ بالدواء ثم الإبر فى المفاصل ثم الجراحة

 

لم نلجأ للجراحة إلا بعد أن قرر 4 أطباء مختلفين ضرورتها

وعملت Short list بالجراحين .. رسيت على اتنين منهم

وذهبت فعلا لأحدهما

ولكن

سألت أحد الأقارب من ستاف الجامعة ايضا وهو ليس جراح عظام

ولكنه قام بالاستقصاء من زملائه المتخصصين ونصحنى بالطبيب الآخر

وقد كان

وأخذت بنصيحته التى كانت إجراء العملية فى الركبتين دفعة واحدة

وكما علمت فهو الوحيد تقريبا فى مصر الذى يفعل هذا

فى العادة تجرى العملية فى ركبة ثم بعد بضعة شهور تجرى فى الركبة الثانية

 

أنا اقتنعت بنصيحته .. صحيح أنه هو المتخصص الطبى .. ولكن هذا الأمر هندسى أكثر منه طبى

ويمكن أن أشرح هذا فى مداخلة قادمة بإذن الله

والحمد لله الشافى المعافى