اذهب إلى المحتوى
محاورات المصريين

افكار للفطار


pink rose

Recommended Posts

ريمو مامتك ماشاء الله تبارك الله باين عليها شاطرة بجد لان الشريك ده ( عجينة البريوش ) من الحاجات اللذيذة اوي بس في نفس الوقت صعبه اوي في عملها يعني محتاجه حد خباز بجد عشان تطلع معاه مظبوطه ..

بالنسبة لافكار زوجك ياخذ معاه ايه المدرسة قصدي الشغل فهقولك ان مفيش احسن من السندويتشات بس طبعا مش هتديله السندويتش زي مابيعملوا مع التلامذه كده طويل وملفوف في كيس لاه .. هتغيري ملامح الجثة قصدي يعني هتلعبي في السندويتش شويه

هتعملي له السندوييتش الي الي انتي عوزاه مثلا جبنة فيتا بالخيار او الزيتون الاسود

حلاوة طحينية بالقشطة

تونه مهروسه مع مايونيز وزيتون

قرص بيض ويتحط في سندويتش

قرص طعمية بشويه سلطه طحينة وملعقتين سلطه خضرا وعودين بطاطس مقلية وحتة مخلل بس ده طبعا تعمليه لو متجوزه اربعه لان عشان يبقى اقتصادي في الوقت يبقى لازم هتعملي منه كذا سندويتش .

خلاص عملتي السندويتش هتروحي قطعاه بالسكينة من النص لاثنين سندويتش .. كده الشكل بقى شيك وكانه ( فطيرة ) مش سندويتش ويقدر زوجك ياخذه معاه الشغل بفخر .. تسكتي بقى ؟ لاه

حتما ولا بد من كل بد تشتري شوايه سندويتشات

قبل ماتعملي عملتك وتقسمي السندويتش حطيه تحت الشواية ثلاث دقائق ياخذ له حبة صن بلوك ويطلع بشكل جديد وطعم احلى بكتير حتى لو حاطه السندويتش فاضي

طيب مفيكيش دماغ لكل ماسبق

اشتري من المحلات في بيتزا صغيره كده بتبقى دوائر والطبق مليان منها .. انا بجيبها واحطها في الفريزر لو في يوم لاي سبب نسينا نجيب خبز سندويتشات بليل بطلع منها واحطها في علبة الاكل لبنتي وعلى مايجي وقت الاكل بتكون فكت وبقت تمام .. طبعا لو في ميكروويف بتحطيها فيه دقيقة او دقيقة ونص وبتطلع بنار الفرن

في كمان على فكره الاندومي الي في اكواب دي رهيبة وسهله الاعداد جدا .. اديله معاه علبه وهو رايح الصبح .. كل الي عليه يفتحها وقت الغداء ويصب عليها مية مغلية من الي بيعملوا بيها الشاي ويصبر ثلاث دقائق وبعدين يقلب وبالهنا والشفا

واخيرا ممكن تعملي فطاير في البيت مخبوزات يعني وتحشيها الي انتي عوزاه وبرضه تحطيها في الفريزر بكميات صغيره في كل كيس وكل ماتحتاجي من بليل طلعي كيس .. لو حابه ممكن ابقى انزل لك طريقة عجينة فطاير مضمونه

..إذا دعتك قدرتك على ظلم الناس فتذكر قدرة الله عليك ..

رابط هذا التعليق
شارك

السلام عليكم و رحمة الله و بركاته

اتصدقوا انا داخلة التوبيك....عشان يمكن اجوع...لاني فعلا مبعرفشي افطر غير مثلا ع الساعة 1

حاولت محاولة فاشلة من يومين اغير الطبع ده روحت فطرت كورن فليكس و حطيت عليه نسكافيه (الحقيقة اللبن كان بايظ و الجيش قالك اتصرف... :roseop: )

بس افتكر ايام ما كنت بفطر (إيييييييييييييه دنيا)

حاجتين بحبهم

1- فول باللخلطة......وده يبقي فول مهرووووووس و ااقطع عليه خيار حتت صغيرة و احط عليه خل.....و اهرس

2- او قرص اومليت....بس بحب احط فيه بصل اخضر بالحتة البيضا و الخضرا...و طماطم و كمون...و ارمي في الطاسة...و بعدين هوووووووب اطوح في الهوا....و هووووب يلبس في وشي.... :ninja:

ممكن بقي تحطي عليه جينة موزاريلا...او سوسيس....و احيانا بقعد الم اي حاجة في التلاجة و احدف

==================================

هو انا لاحظت و انا بشمشم في التوبيك اخواتنا البنات المتجوزات بتقولك..."اعمل فطار لجوزي"

سؤال يطرح نفسه

انا كنت فاكرة ان الفطار للاطفال عشان النمو و كده...لكن هو سبع الرجالة هينمو ايه اكتر من كده

انا اخر حاجة قريتها في كتاب "ركزوا يا بنات...و تعيشي مع جوزك ف تبات و نبات"

ان الواحدة تعمل بس وجبة الغدا.....

انما فطار بقي و اسلحة في شكل ساندوتشات .....مجتش في الكتاب خالص

يا جماعة بلاش تفتحوا عينيهم علي حاجات........غريبة و الله

و لا ايه

فوتكم بعافية

صبااااااااااااحكم قرص عجة.....بكل الالوان.....بس يا رب نااااااااااااكل

رابط هذا التعليق
شارك

لو حابه ممكن ابقى انزل لك طريقة عجينة فطاير مضمونه

دوسي يا دودو و احنا هانكتب وراكي :lol:

بت يا لماضة

اقعدي اكتبيلك كلمتين ينفعوكي احسن

:lol:

رابط هذا التعليق
شارك

ريمو يا ريمو

العجينه دى عرفتها من منتدى تانى و من فتره باستخدمها

عجينه العشر دقائق

المقادير:

- المجموعة الأولى

: فنجان قهوة سكر

2 ملعقة كبيرة خميره فوريه

2 كوب ماء دافي

ذرة ملح

2 كوب دقيق

2 ملعقة حليب بودر

- المجموعة الثانية :

نصف كوب زيت

3 كوب دقيق

الطريقة:

- تخلط مقادير المجموعة الأولى مع بعض و تترك لمدة 10 دقائق .

- بعد العشر دقائق يضاف لها مقادير المجموعة الثانية و تعجن جيدا .

تستخدميها للفطاير أو البيتزا أو اى معجنات

الحشوات مختلفه ممكن

جبنه قريش مع زعتر او نعناع

تونه مع زيتون

جبنه مثلثات مع زيتون بس تتاكل سخنه

او عصاج او بشاميل سميك معه جبنه روم مبشور او سجق او

جبنه بيضا مع بقدونس

او فراخ معها فلفل اخضر

اى حشو متوفر عندك فى البيت

و مره حشتها عجوه قطعتها زى كعب الغزال

سبحان الله وبحمده سبحان الله العظيم

رابط هذا التعليق
شارك

ريمو يا ريمو

العجينه دى عرفتها من منتدى تانى و من فتره باستخدمها

عجينه العشر دقائق

المقادير:

- المجموعة الأولى

: فنجان قهوة سكر

2 ملعقة كبيرة خميره فوريه

2 كوب ماء دافي

ذرة ملح

2 كوب دقيق

2 ملعقة حليب بودر

- المجموعة الثانية :

نصف كوب زيت

3 كوب دقيق

الطريقة:

- تخلط مقادير المجموعة الأولى مع بعض و تترك لمدة 10 دقائق .

- بعد العشر دقائق يضاف لها مقادير المجموعة الثانية و تعجن جيدا .

تستخدميها للفطاير أو البيتزا أو اى معجنات

الحشوات مختلفه ممكن

جبنه قريش مع زعتر او نعناع

تونه مع زيتون

جبنه مثلثات مع زيتون بس تتاكل سخنه

او عصاج او بشاميل سميك معه جبنه روم مبشور او سجق او

جبنه بيضا مع بقدونس

او فراخ معها فلفل اخضر

اى حشو متوفر عندك فى البيت

و مره حشتها عجوه قطعتها زى كعب الغزال

شكرا يا زهورتي على الاضافة الجميلة :lol:

و بما انك فعلا جربتي العجينة يبقى على بركة الله اجربها ان شاء الله

انتي عارفه اصل الوصفات على النت اشكال و الوان

فا اللي تعمل حاجه تتأكد من صحة مقاديرها و نجاحها معاها تكتبها

رابط هذا التعليق
شارك

ريمو يا ريمو

العجينه دى عرفتها من منتدى تانى و من فتره باستخدمها

عجينه العشر دقائق

المقادير:

- المجموعة الأولى

: فنجان قهوة سكر

2 ملعقة كبيرة خميره فوريه

2 كوب ماء دافي

ذرة ملح

2 كوب دقيق

2 ملعقة حليب بودر

- المجموعة الثانية :

نصف كوب زيت

3 كوب دقيق

الطريقة:

- تخلط مقادير المجموعة الأولى مع بعض و تترك لمدة 10 دقائق .

- بعد العشر دقائق يضاف لها مقادير المجموعة الثانية و تعجن جيدا .

تستخدميها للفطاير أو البيتزا أو اى معجنات

الحشوات مختلفه ممكن

جبنه قريش مع زعتر او نعناع

تونه مع زيتون

جبنه مثلثات مع زيتون بس تتاكل سخنه

او عصاج او بشاميل سميك معه جبنه روم مبشور او سجق او

جبنه بيضا مع بقدونس

او فراخ معها فلفل اخضر

اى حشو متوفر عندك فى البيت

و مره حشتها عجوه قطعتها زى كعب الغزال

هي دي الي عليها العين والنية

عجينة العشر دقائق اخذتها من نفس المنتدى من كام سنة وشغاله بيها آخر حلاوة

بتنفع كل حاجه تتخيليها من فطاير لبيتزا حتى عيش السندويتشات بتظبط فيه ..

جربيها على ضمانتي

..إذا دعتك قدرتك على ظلم الناس فتذكر قدرة الله عليك ..

رابط هذا التعليق
شارك

سندويتش جبنه

المقادير:-

ملعقتين كبيره جبن كاسات + ملعقه ما يونيز + ملعقه كزبرة مفرومه + جزره مبشوره

الطريقة :-

تخلط الجميع ويقطع الخبز الصامولي دوائر ثم يوضع عليه مقدار ملعقه من الخلطه السابقه ويوضع فوق كل قطعه جبن مبشور وحبة زيتون -ويدخل الفرن ليحمر الوجه ويقدم مع الخيار والطماطم

سندويتش البيض

الطريقة-:

بيض مسلوق + طماطم + مايونيز + زبده + خبز عربي + جبنه كرفت مبشوره

يخلط الميونيز مع الجبنه ويظاف الطماطم المقطع قطع صغيره ويضاف البيض المقطع صغير ويخلط مع قليل من الملح وقليل لليمون - يقسم الخبز الى قسمين ويوضع بداخله بعد دهنه بالزبده بملعقتين من خليط البيض

سندوتش الدجاج

الطريقة -:

دجاج مسلوق بعد نزع العظم والجلد + قليل زيت + بصل + مشروم مقطع + جبن مزرولا + مستردا + خبز + خبز الكروسان

يوظع الزيت والدجاج والبصل والمشروم ويقلب على النار لمده خمس دقايق

يقطع الكراوسان من النص ويدهن با لمستردا ثم يوضع ملعقتين من خليط الدجاج ويقدم

أومليت أسباني

المقادير :

بصلة - طماطة واحدة - جزرة -فلفل أخضر بارد - بطاطا - وحبة نقانق - 4 أو 5 بيضات - رشة ملح - وفلفل أسود - ملعقتين طعام زيت زيتون

الطريقة :-

نقطع البصل والطماطم والفلفل البارد والنقانق مربعات صغيرة

اما الجزر والبطاط فنبشرهم

نخفق البيض ونضع عليه الخضروات والملح والفلفل الأسود الناعم

نسخن الزيت زيتون في مقلاة ونضع عليها الخليط حتى يستوي من الأسفل

ومن ثم نضعه في الفرن حتى يستوي الجزء الأعلى وبالهنا والشفاء

:roseop: :roseop:

رابط هذا التعليق
شارك

المقادير:

- المجموعة الأولى

: فنجان قهوة سكر

2 ملعقة كبيرة خميره فوريه

2 كوب ماء دافي

ذرة ملح

2 كوب دقيق

2 ملعقة حليب بودر

- المجموعة الثانية :

نصف كوب زيت

3 كوب دقيق

صح كده يعني 5 كوبيات دقيق بس متقسمين؟

أومليت أسباني

المقادير :

بصلة - طماطة واحدة - جزرة -فلفل أخضر بارد - بطاطا - وحبة نقانق - 4 أو 5 بيضات - رشة ملح - وفلفل أسود - ملعقتين طعام زيت زيتون

الطريقة :-

نقطع البصل والطماطم والفلفل البارد والنقانق مربعات صغيرة

اما الجزر والبطاط فنبشرهم

نخفق البيض ونضع عليه الخضروات والملح والفلفل الأسود الناعم

نسخن الزيت زيتون في مقلاة ونضع عليها الخليط حتى يستوي من الأسفل

ومن ثم نضعه في الفرن حتى يستوي الجزء الأعلى وبالهنا والشفاء

مش العجة بتتعمل كده برضو يا بنات؟

تم تعديل بواسطة remo
رابط هذا التعليق
شارك

طبعاً .. أنا أؤيد إن هي ما تكونش عبارة عن سندوتشات

وتكون حاجة تتاكل بغض النظر عن درجة حرارتها (يعني مش لازم تتسخن)

بسكوت بُـر (قمح) ياكله مع مشروب ساخن

ممكن شوية مكسرات من اللي بيحبها

ممكن بسكوت بالتمر

قراقيش وحاجات من دي يعني

بكرة ان شاء الله هاكتبلكم طريقة عمل القراقيش

انا جوزي بيموت في القراقيش دي

ماما لما كانت عندي عملتلنا قراقيش و واحدة صاحبتنا كان نفسها فيها اوي

صح يا فتفوت :roseop:

ايوه صح كان نفسها فيها قوووى

طفاسة يا اوختى....ابقى اعملى حسابك وانتى جيا بالسلامة بقى

وربنا يخلى ماما

رابط هذا التعليق
شارك

  • بعد 2 أسابيع...

سؤال سريع لزهرة و ضحى

بالنسبة للعجينة بتاعت ال 10 دقايق دي

زهرة قالت نعجن مقادير المجموعة الاولى و نستنى عشر دقايق و بعدين نضيف المجموعة التانية و نعجن

السؤال بقى نستخدمها على طول و لا نسيبها تخمر و لو هانسيبها نسيبها تخمر اد ايه وقت؟

رابط هذا التعليق
شارك

السؤال بقى نستخدمها على طول و لا نسيبها تخمر و لو هانسيبها نسيبها تخمر اد ايه وقت؟
طب ما كانت تسأل مدام نُهى ؟؟؟ ولا هي في أحزانكم مدعيه وفي أفراحكم منسيه .... عجايب

الأحـــرار يؤمنون بمن معه الحق ..

و العبيــد يؤمنون بمن معه القوة ..

فلا تعجب من دفاع الأحرار عن الضحية دائماً ..

و دفاع العبيد عن الجلاد دائماً

رابط هذا التعليق
شارك

سؤال سريع لزهرة و ضحى

بالنسبة للعجينة بتاعت ال 10 دقايق دي

زهرة قالت نعجن مقادير المجموعة الاولى و نستنى عشر دقايق و بعدين نضيف المجموعة التانية و نعجن

السؤال بقى نستخدمها على طول و لا نسيبها تخمر و لو هانسيبها نسيبها تخمر اد ايه وقت؟

السؤال ده سألته لنفسي قبل كده مش هو وبس وانما والسؤال التاني بتاع بعد ماتشكليها تسيبيها تخمر ولا تدخليها الفرن على طول زي مابيقولوا في الطريقة

عن نفسي بتبع الطريقة العلمية في عجين الخميرة

نخلط الخميرة بالسكر ونتركها عشر دقائق ترتفع

نخلط الخميرة بقليل من الدقيق والسوائل كلها ماعدا الزيت او اي نوع دهون ونضرب الخليط ده جامد بحيث يكون ماده لزجه

هنسيبها عشر دقائق ترفع بعدين نحط بقية المواد

بسيبها بعد كده نصف ساعه تختمر بعدين ( نلكمها ) بشده في المنتصف عشان نطلع منها الهواء ونعجن خفيف بعدين نشكل الوحدات الي عاملينها بالشكل المطلوب فطاير او بيتزا او اي شيء عاوزينه

نسيبها شويه تانيين ترتفع بعدين ندهن ببياض بيض او حليب بعدين ندخلها الفرن

انا بعمل كده بس مش متاكده ان كان كل الخطوات دي لازمه مع عجينة العشر دقائق بالذات ولا لاه بس هي عامه الخطوات السليمه لاي عجينة وبناء عليه بعملها معاها برضه

..إذا دعتك قدرتك على ظلم الناس فتذكر قدرة الله عليك ..

رابط هذا التعليق
شارك

قطعة كرواسون بالزعتر مع عصير فريش

كباية اللبن بالعسل قبل ما أنزل برضه

تم تعديل بواسطة Diab

أن تأتي متأخراً خيراً من أن لا تأتي أبداً

Better Late Than Never

رابط هذا التعليق
شارك

قطعة كرواسون بالزعتر مع عصير فريش

كباية اللبن بالعسل قبل ما أنزل برضه

استاذ دياب بالله عليك ممكن تشيل صورة الكائن الحي اللي في الصورة الرمزية بتاعتك

واحدة تكون حامل و لا حاجه تشوفه تتسرع و لا ابنها يطلع شكله هاتبقى مشكلة جامدة :huh:

رابط هذا التعليق
شارك

ريمو انا بسيبها تخمر تانى حوالى نصف ساعه او اقل حاجه بسيطه زى ما ضحى قالت فى مكان دافىء

بالنسبه بعد التقطيع بسيبها حوالى عشر دقائق و بعدين بخبزها

سبحان الله وبحمده سبحان الله العظيم

رابط هذا التعليق
شارك

اقتراح للاخوة المحاورين

اضرب شندوتشات سكلنس ع الصبح وخلص نفسك

يا قدس يا سيدتي معذرة فليس لي يدان ،

وليس لي أسلحة وليس لي ميدان ،

كل الذي أملكه لسان ،

والنطق يا سيدتي أسعاره باهظة ، والموت بالمجان ،

سيدتي أحرجتني، فالعمر سعر كلمة واحدة وليس لي عمران ،

أقول نصف كلمة ، ولعنة الله على وسوسة الشيطان ،

جاءت إليك لجنة، تبيض لجنتين ،

تفقسان بعد جولتين عن ثمان ،

وبالرفاء و ا لبنين تكثر اللجان ،

ويسحق الصبر على أعصابه ،

ويرتدي قميصه عثمان ،

سيدتي ، حي على اللجان ،

حي على اللجان !

رابط هذا التعليق
شارك

سؤال سريع لزهرة و ضحى

بالنسبة للعجينة بتاعت ال 10 دقايق دي

زهرة قالت نعجن مقادير المجموعة الاولى و نستنى عشر دقايق و بعدين نضيف المجموعة التانية و نعجن

السؤال بقى نستخدمها على طول و لا نسيبها تخمر و لو هانسيبها نسيبها تخمر اد ايه وقت؟

السؤال ده سألته لنفسي قبل كده مش هو وبس وانما والسؤال التاني بتاع بعد ماتشكليها تسيبيها تخمر ولا تدخليها الفرن على طول زي مابيقولوا في الطريقة

عن نفسي بتبع الطريقة العلمية في عجين الخميرة

نخلط الخميرة بالسكر ونتركها عشر دقائق ترتفع

نخلط الخميرة بقليل من الدقيق والسوائل كلها ماعدا الزيت او اي نوع دهون ونضرب الخليط ده جامد بحيث يكون ماده لزجه

هنسيبها عشر دقائق ترفع بعدين نحط بقية المواد

بسيبها بعد كده نصف ساعه تختمر بعدين ( نلكمها ) بشده في المنتصف عشان نطلع منها الهواء ونعجن خفيف بعدين نشكل الوحدات الي عاملينها بالشكل المطلوب فطاير او بيتزا او اي شيء عاوزينه

نسيبها شويه تانيين ترتفع بعدين ندهن ببياض بيض او حليب بعدين ندخلها الفرن

انا بعمل كده بس مش متاكده ان كان كل الخطوات دي لازمه مع عجينة العشر دقائق بالذات ولا لاه بس هي عامه الخطوات السليمه لاي عجينة وبناء عليه بعملها معاها برضه

ريمو انا بسيبها تخمر تانى حوالى نصف ساعه او اقل حاجه بسيطه زى ما ضحى قالت فى مكان دافىء

بالنسبه بعد التقطيع بسيبها حوالى عشر دقائق و بعدين بخبزها

تمام يا فندم علم و ينفذ ان شاء الله

شاكرين مهللين :rolleyes:

اقتراح للاخوة المحاورين

اضرب شندوتشات سكلنس ع الصبح وخلص نفسك

حد ينزل بالترجمة يا خوانا :blush2:

رابط هذا التعليق
شارك

سكلنس ده شندوتشات حلاوة بالقشطة

كنت بضربها انا واصحابي في الكلية قبل المحاضرات

نخش نتنح في المحاضرة

والنتيجة جيد جدا

ازاي معرفش

يا قدس يا سيدتي معذرة فليس لي يدان ،

وليس لي أسلحة وليس لي ميدان ،

كل الذي أملكه لسان ،

والنطق يا سيدتي أسعاره باهظة ، والموت بالمجان ،

سيدتي أحرجتني، فالعمر سعر كلمة واحدة وليس لي عمران ،

أقول نصف كلمة ، ولعنة الله على وسوسة الشيطان ،

جاءت إليك لجنة، تبيض لجنتين ،

تفقسان بعد جولتين عن ثمان ،

وبالرفاء و ا لبنين تكثر اللجان ،

ويسحق الصبر على أعصابه ،

ويرتدي قميصه عثمان ،

سيدتي ، حي على اللجان ،

حي على اللجان !

رابط هذا التعليق
شارك

سكلنس ده شندوتشات حلاوة بالقشطة

كنت بضربها انا واصحابي في الكلية قبل المحاضرات

نخش نتنح في المحاضرة

والنتيجة جيد جدا

ازاي معرفش

امم :lol:

نورت المحكمة يا فندم و الله

بس السندوتشات دي تودي في داهية

و تلاقي الكروش بقى الله ينور wst::

رابط هذا التعليق
شارك

انشئ حساب جديد أو قم بتسجيل دخولك لتتمكن من إضافة تعليق جديد

يجب ان تكون عضوا لدينا لتتمكن من التعليق

انشئ حساب جديد

سجل حسابك الجديد لدينا في الموقع بمنتهي السهوله .

سجل حساب جديد

تسجيل دخول

هل تمتلك حساب بالفعل؟ سجل دخولك من هنا.

سجل دخولك الان
  • المتواجدون الآن   0 أعضاء متواجدين الان

    • لا يوجد أعضاء مسجلون يتصفحون هذه الصفحة

  • الموضوعات المشابهه

    • 41
      وسط متاعب الحياة وهمومها ننسى الطرف الآخر وعنما تأتى لحظة حلوه لنتذكره فيها لانجد مانقدمه له . غابت الرومانسية ودفناها وسط مشاكلنا .وسط المطبخ والأولاد ... وسط العمل واعطال السيارة وفلوس الدروس .. لكن اكيد كلنا نفسنا فيها ..بنحلم بيها . وبندور عليها ولما يبقى فى وقت مش بنلاقيها هذه بعض الأفكار الرومانسية لللحظات الحلوه ويمكن استعمالها عندما تحاول (ى) مصالحة زوجك (تك) . 1- لو عديت على محل زهور اشترى ورده حلوه وقدمها لزوجتك قبل اللحظة الحلوة . 2- لو معاك فلوس حتى لو بسيطه اشتريلها هدية (دون
    • 6
      هذه بعض الاقتراحات التي اتمنى ان تُفعل من خلال المجلس الاداري لنقابة المهندسين. لعلها قد تفيد بعضنا لتوصيلها للمسؤولين القادمين أتمنى من السادة المهندسين في المنتدى طرح افكارهم ----------------------------------------------------------------------------------------------------------------------------------------------- علينا في البداية و قبل ان نركز على الخدمات أن نطور آليات التواصل مع الأعضاء و الإشراف على النقابة من خلال الأتي تطوير آليات التواصل مع المهندسين من خلال الوسائل الحديثة
    • 3
      السلام عليكم ورحمه الله وبركاته اخوانى الكرام كما هو مبين فى العنوان محتاج الى نصائح من اصحاب الخبرات فى شراء قطعه ارض فى مصر والبناء عليها على المدى الطويل للاستثمار بشرط تكون فى مكان له مستبقل واعد من ناحيه الاسعار (سواء أرض عمارات او ارض فلل) -اطلب من اصحاب الخبرات اعطاء النصائح فى تحديد المكان والمساحات المتاحه وتكلفه البناء من حيث رمى الاساسات - وبناء الدور الاول ثم الثانى وطبعا اللى هيكتب تجربته هيذكر المساحه بتاعه الارض ونسبه البناء كانت كم من مساحه الارض ال
    • 3
      أطالب الاستاذ عادل ابوزيد بنشر كل تفاصيل ثورة المحاورات في نهاية التسعينات وبداية الالفية الثالثة ضد التوريث ومحاربة الفساد وتكوين فكر الثورة ودورها في نشر فكر المنتديات السياسية التي خرجت من عب المحاورات ولعبت دور مؤثر في تحريك الشباب نحو الثورة كما اطالب سرد قصة تدخل امن الدولة ضد منتدى المحاورات وتهديدها لك وللمرحوم هشام عبد الوهاب كما اطالب رفع الحظر عن كل ما كتب ضد الحكومة وفضح فسادها وكان امر ابعادة بامر من امن الدولة سواء بامر مباشر او حتى بطريقة ودية حتى يعلم الشباب وخاصة من شارك ف
    • 5
      هعرض عليكم اعلانات لمنتجات عربيه لكن و بحق اعلانات متميزه فى فكرتها تعالوا نشوفها مع بعض تابع .............................
×
×
  • أضف...