اذهب إلى المحتوى
محاورات المصريين

تسجيل المولود الجديد خارج مصر ، ومشكلة الباسبور الجديد


Recommended Posts

مشكلة واجهت أحد أخواننا المغتربين المصريين بالكويت وأثارت إهتمامنا بشدة

المشكلة أنه بعدما قام بتسجيل ميلاد طفلته الجديدة في الكويت وعمل كافة الإجراءات اللازمة ، جاء الدور على الخطوة الأخيرة وهي وضع الطفلة على جواز سفره أو جواز سفر الزوجة وجد أن هذا الإجراء تم إلغاءه ولابد من عمل جوارز سفر جديد خاص بها ، ولما أراد عمل هذا الجواز أخبروه بأنهم لم يتلقوا أي تعليمات إلى الآن عن كيفية تنفيذ جواز السفر للمولودة ..

وبما أني قومت حديثا بعمل هذا الجواز الجديدة لأبنتي في مصر فقد واجهنا بعض المشكلات اليسيرة ، مثل عمل طلب الرقم القومي والانتظار حتى يتم وضع رقم لها ثم إحضار شهادة ميلاد جديدة بها هذا الرقم حتى تم تنفيذ الباسبور ، ولكن في الخارج الوضع يختلف ..

فهل هناك تجارب من الأخوة في هذا الموضوع ؟؟

ننتظر مشاركاتكم

ehm448.gif

رابط هذا التعليق
شارك

جزاك الله كل الخير اخى الكريم الغريب

والله المشكله دى شغله تفكيري من ساعه ما قريتها وده لعده اسباب ان الواحد لو بيفكر فى الطفل التانى الان

فما الحل اذا كنت لا اريد ابدا ابدا الولاده فى مصر فهل من حل هذه المعضله

وهل ينفع اولد فى الكويت مثلا طب انزل بيها ازاى مصر وهل شهاده الميلاد بتاخد وقت على ما تتعمل فى مصر ولا لا

بجد افكار كثيره تتبادر الى ذهنى ولا اعرف لها جوابا

فارجوا اى حد يفيدنا

}فقلت استغفروا ربكم إنه كان غفارا * يرسل السماء عليكم مدرارا * ويمددكم بأموال وبنين ويجعل لكم جنات ويجعل لكم أنهارا * {

136570687.gif

"(الحمد لله الذي تواضع كل شئ لعظمته الحمد لله الذي استسلم كل شئ لقدرته)"

"سبحان الله يا فارج الهم ويا كاشف الغم فرج همى ويسر امرى وارحم ضعفي وقلة حيلتى وارزقني من حيث لا احتسب يارب العالمين"

رابط هذا التعليق
شارك

جزاك الله كل الخير اخى الكريم الغريب

والله المشكله دى شغله تفكيري من ساعه ما قريتها وده لعده اسباب ان الواحد لو بيفكر فى الطفل التانى الان

فما الحل اذا كنت لا اريد ابدا ابدا الولاده فى مصر فهل من حل هذه المعضله

وهل ينفع اولد فى الكويت مثلا طب انزل بيها ازاى مصر وهل شهاده الميلاد بتاخد وقت على ما تتعمل فى مصر ولا لا

بجد افكار كثيره تتبادر الى ذهنى ولا اعرف لها جوابا

فارجوا اى حد يفيدنا

الاخت الكريمه بوسي

رغم اني في السعوديه بس احب اعرفكم بعض الاقتراحات

اولا كل ام تحمل جواز سفر قديم من حقها تضيف مولدها عليه المشكله في جواز السفر الجديد وطبعا الجواز ده مش بيخرج الا برقم قومي وبما ان اي مولد خارج مصر مش بيكون معه رقم قومي الافضل انه يتمدد جواز سفر الام ويضاف عليه الطفل لحين نزول مصر وعمل لها اللازم ثانيا الطفل الا اتولد وجواز السفر الجديد تحمله الام الانسان مطر ان ينزل مصر بوثيقة سفر للاسف وعمل شهادة الميلاد والجواز الجديد والله يعين الجميع علي الغرامه المشكله الاساسيه ان شهادة الرقم القومي للمواليد خارج مصر كلها بتطلع من القاهره ودي المشكله الكل بيراجع في مكان واحد

رابط هذا التعليق
شارك

النهاردة رحت السفارة تانى

فى خلال نصف ساعة كان فيه 4 حالات زى بالظبط

الموظفين مش عارفين يعملو ايه

طلبت مقابلة السفير وقابلت المستشار القانونى وبرضه مافيش حل

بكرة عندى ميعاد مع السفبر الساعة 10 صباحا لو فيه اى اخبار جديدة هقولهالكم انشاء الله

المشكلة الحقيقية ان حتى كل العاملين فى السفارة متخيلين ان الجواز الجديد لازم يتصور امام الماكينة الخاصة بالجوازات وده طبعا مش صح

اقترحت عليهم اننا نجمع ورق الباسبورات ويرسل فى حقيبة دبلوماسية ويرجع لنا جوازات قالو قول الكلام ده للسفير

طبعا استخراج الجواز مسؤليتهم

انا طلعت الجواز لمراتى ووابنى من سنتين ماكانش فيه موضوع الرقم القومى ده خالص اول مرة اسمعه

وبرضه مسمعتوش من السفارة

ياريت بس الاخ اللى عمل الباسبور لبنته وطلعلها الرقم القومى يقولنا خد منه وقت اد ايه علشان لو حبيت اسافر مخصوص اعمل الجواز اخد اجازة اد ايه

ومشكورين على الاهتمتم يا جماعة

يا طير يا عالى فى السما طز فيك

ماتفتكرشى ربنا مصطفيك

برضك بتاكل دود وللطين تعود

تمص فيه يا حلو ويمص فيك

رابط هذا التعليق
شارك

من ضمن الحاجات العجيبة اللى سمعتها ان ماكينة عمل الباسبورات الجديدة موجودة بس مش عارفين يشغلوها

ولقيت خارج السفارة مكتوب ان تم ايقاف الباسبورات القديمة على مستوى العالم كله ولابد من جواز مميكن لكنهم ممكن يمدو الباسبورات القديمة سنتين لحين استخراج الجواز الجديد وممكن اضافة المواليد على القديم فقط

وقالو ان فيه لجنة جاية اخر الشهر لدراسة الموضوع والخروج بتوصيات هههههه

طبعا نكون احنا اتخالفنا ومش كدة وبس

كمان هيبقى فيه قضية مرفوعة علينا لاننا لم نسجل الطفلة فى الكويت يعنى اخرتها هنروح المحكمة ونحلفله 100 يمين اننا مالناش ذنب

حاولت اطلب من اى مسؤول فى السفارة ورقة رسمية تشرح الوضع الراهن

ضحكو وقالو مش معقولة نفضح نفسنا ادام الاغراب

كانو هيفقعو مرارتى النهاردة

حسبى الله ونعم الوكيل

يا طير يا عالى فى السما طز فيك

ماتفتكرشى ربنا مصطفيك

برضك بتاكل دود وللطين تعود

تمص فيه يا حلو ويمص فيك

رابط هذا التعليق
شارك

وضع مضحك مبكي فعلا يا أخي الكريم.

أنا نازل مصر بداية الشهر القادم لاستخراج جوازات سفر جديدة لأبنائي ... وعامل حسابي على أسبوعين لاستخراج شهادات ميلاد مصرية لهم حيث أنهم جميعا مولودين خارج مصر.

وطبعا ماعرفتش أضيفهم على جواز أمهم لأنها غير مصرية ... فبنتي الكبيرة طلعولها وقت ولادتها جواز عادي (7 سنوات) ... والثانية رفضوا استخراج جواز سفر لها ووضعوها على جواز أختها ... والثالثة استخرجوا لها جواز سفر مدته سنتين فقط ... وكل شويه يقولوا أن هناك تعليمات جديدة وصلتهم ... والحكاية ماشيه فوضى وتخبط.

والخوف بعد كل ده أروح مصر لأجد الجواز اليدوي الكبير هو الذي مازال يستخرج ... وطبعا لازم أغيره قبل السفر الى كندا لإنه أصبح (أو في طريقه ليصبح) غير مقبول في جميع أنحاء العالم ... ونحن الدولة الوحيدة في العالم التي تتعامل بالجواز المكتوب يدويا.

حاجه تخنق والله.

إن فشلنا في الوصول للحكم ولتغيير البلد .. لا تقلقوا .. نحن فكرة .. الفكرة لا تموت ... تستمر لا تتوقف

البرادعي 15/10/2011

رابط هذا التعليق
شارك

طيب ايه المشكله لو بعت والدك او حد من اخواتك

او اي حد بتوكيل ويعملها الباسبور من مصر ويبعتوه دي اتش ال

يا اخى الكريم انا عامل لجدها من مامتها توكيل عام واخويا اللى هو عمها الاتنين راحو يسألو وصلو لاعلى رتبة فى الجوازات قال مستحيل يتعمل لحد باسبور وهو برة البلد ودى مشكلة السفارة هى تحلها( يعنى البيضة والا الفرخة)

يا طير يا عالى فى السما طز فيك

ماتفتكرشى ربنا مصطفيك

برضك بتاكل دود وللطين تعود

تمص فيه يا حلو ويمص فيك

رابط هذا التعليق
شارك

ياريت بس الاخ اللى عمل الباسبور لبنته وطلعلها الرقم القومى يقولنا خد منه وقت اد ايه علشان لو حبيت اسافر مخصوص اعمل الجواز اخد اجازة اد ايه

ومشكورين على الاهتمتم يا جماعة

الأخ الفاضل أنا فتحت الموضوع ده مخصوص لمشكلة حضرتك لأنها مشكلة يفترض أنها هتواجه ناس كتيير اليومين دوول

على كل حال شهادة الميلاد التي بها الرقم القومي بتقدم عليها في العباسية وبتطلعلك في خلال ثلاثة أيام بس ربنا يستر والأمور تمشي طبيعية ..

ربنا يوفقك وييسرلك كل أمر عسير بس ياريت متحرمناش من الجديد بالنسبة للموضوع .. تحياتي :)

ehm448.gif

رابط هذا التعليق
شارك

ياريت بس الاخ اللى عمل الباسبور لبنته وطلعلها الرقم القومى يقولنا خد منه وقت اد ايه علشان لو حبيت اسافر مخصوص اعمل الجواز اخد اجازة اد ايه

ومشكورين على الاهتمتم يا جماعة

الأخ الفاضل أنا فتحت الموضوع ده مخصوص لمشكلة حضرتك لأنها مشكلة يفترض أنها هتواجه ناس كتيير اليومين دوول

على كل حال شهادة الميلاد التي بها الرقم القومي بتقدم عليها في العباسية وبتطلعلك في خلال ثلاثة أيام بس ربنا يستر والأمور تمشي طبيعية ..

ربنا يوفقك وييسرلك كل أمر عسير بس ياريت متحرمناش من الجديد بالنسبة للموضوع .. تحياتي :)

اخى الفاضل الغريب طب ممكن تنقل لنا تجاربك فى عمل الجواز الجديد للطفل من مصر لانى ارسلت زوجتى للولادة فى مصر واستخرجت شهادة الميلاد اليدوية وعند طلب استخراج باسبور طلبوا الشهادة المميكنة ومحدش عارف ممكن تتطلع امتى الى يقول 20 يوم من اليدوية والى يقول 40 يوم فبالنسبة لحضرتك استخرجتها بعد كام يوم؟

رابط هذا التعليق
شارك

اخى الفاضل الغريب طب ممكن تنقل لنا تجاربك فى عمل الجواز الجديد للطفل من مصر لانى ارسلت زوجتى للولادة فى مصر واستخرجت شهادة الميلاد اليدوية وعند طلب استخراج باسبور طلبوا الشهادة المميكنة ومحدش عارف ممكن تتطلع امتى الى يقول 20 يوم من اليدوية والى يقول 40 يوم فبالنسبة لحضرتك استخرجتها بعد كام يوم؟

أولا مبارك يأخي الحبيب على الطفل الجديد

بالنسبة للشهادة المميكنة الخاصة بالرقم القومي بتروح تستخرجها من العباسية وإن شاء الله هما هناك هيوضحولك إذا كان المولود رقمه القومي نزل ولا لسه ، بس أنا عن نفسي مشيت في إجراءات الباسبور بعد ثلاث شهور من الولادة فمكنتش منتظر نزول الرقم القومي ..

بالتوفيق :)

تم تعديل بواسطة الغريب

ehm448.gif

رابط هذا التعليق
شارك

ياريت بس الاخ اللى عمل الباسبور لبنته وطلعلها الرقم القومى يقولنا خد منه وقت اد ايه علشان لو حبيت اسافر مخصوص اعمل الجواز اخد اجازة اد ايه

ومشكورين على الاهتمتم يا جماعة

الأخ الفاضل أنا فتحت الموضوع ده مخصوص لمشكلة حضرتك لأنها مشكلة يفترض أنها هتواجه ناس كتيير اليومين دوول

على كل حال شهادة الميلاد التي بها الرقم القومي بتقدم عليها في العباسية وبتطلعلك في خلال ثلاثة أيام بس ربنا يستر والأمور تمشي طبيعية ..

ربنا يوفقك وييسرلك كل أمر عسير بس ياريت متحرمناش من الجديد بالنسبة للموضوع .. تحياتي :)

لا بتطلع وانت واقف علي طول

لانه بس بيعملها برنت من علي السيستم

رابط هذا التعليق
شارك

اخى الغريب مشكور على عمل صفحة منفصلة للموضوع واسف للغتى الجافة لكنى كل يوم اصحى الساعة 9 الصبح البس واسافر من الاحمدى الى السفارة لعل وعسى اجد اى حل

المهم النهاردة قابلت السفير وقعد يقولى انه عارف الوضوع ونبه عليه من 3 شهور وربنا يسهل يبقى فيه حل

حاولت اطلب منه مخاطبة الهجرة الكويتية لاستثناء الماليد من شرط ال60 يوم ماخدتش معاه لا حق ولا باطل

ربنا يسهل فيه واسطة وصلتلها فى مجمع التحرير فى مصر هاشوف ممكن نوصل لايه و هو قالى اعمل توكيل خاص باستخراج جواز وابعت 3 صور وشهادة الميلاد الكويتية وربنا يسهل

طبعا ده لغاية دلوقتى كلام بس انا عملته وبعتهم اليوم dhl

المشكلة ان واحد تانى برضة واسطة (ودى مصيبة مصر فى الوسايط)قالى مستحيل يطلع جواز سفر لواحد برة مصر

برضة حسبى الله ونعم الوكيل

يا طير يا عالى فى السما طز فيك

ماتفتكرشى ربنا مصطفيك

برضك بتاكل دود وللطين تعود

تمص فيه يا حلو ويمص فيك

رابط هذا التعليق
شارك

انشئ حساب جديد أو قم بتسجيل دخولك لتتمكن من إضافة تعليق جديد

يجب ان تكون عضوا لدينا لتتمكن من التعليق

انشئ حساب جديد

سجل حسابك الجديد لدينا في الموقع بمنتهي السهوله .

سجل حساب جديد

تسجيل دخول

هل تمتلك حساب بالفعل؟ سجل دخولك من هنا.

سجل دخولك الان
  • المتواجدون الآن   0 أعضاء متواجدين الان

    • لا يوجد أعضاء مسجلون يتصفحون هذه الصفحة
×
×
  • أضف...