لوحة القادة


Popular Content

Showing content with the highest reputation since 28 مار, 2016 في جميع الأقسام

  1. 4 points
    Scorpion

    جلسة علاج نفسي

    - إستريح علي الشيزلونج دا و أحكي لي... - أنا يا دكتور ناشط سياسي.. و كنت عامل النهاردة ثورة عشان أرض مصر ما تتباعش... - أرض مصر اللي هي "بلد معفنة و ظالم أهلها" و "يا رب هجرة" و "إمتي تتضرب بالنووي" و "يا رب أمريكا تحتلها" و "ادوا مرسي فرصة" و هو بيبيع حلايب و شلاتين و سينا و مستعد تتنازل عن جنسيتها بعلبة سجاير؟ - أيوه... - تمام كمل.. - اتفاجئت إن الشعب الحقير العبيد الـ... - اللي هم في نفس الوقت غلابة و مساكين و نازل تعمل ثورة عشانهم؟ - أيوه اكتشفت انه في منهم شوية رفعوا علم السعودية.. مش علم مصر.. - زي ما رفعت أنت علم إيطاليا عشان ريجيني و علم فرنسا عشان تشارلز إيبدو.. و علم الإنتداب الفرنسي بتاع الإرهابيين عشان سوريا و علم الناتو في ليبيا و صحابك رفقاء الميدان رفعوا معاك علم القاعدة و حرقتوا علم مصر؟ - أيوه بس هم ماحرقوش علم مصر.. اللي فاجئني إن العبودية وصلت أنهم كلهم أمنجية و دولجية و مخبرين.. جيل عرة.. جيل النكسة الفاشل.. يا رب يموتوا عشان نعيش.. - و انتوا عملاء و ممولين و منظمات مجتمع مدني و جماعات محظورة و جواسيس دا عادي؟ - ايوه يا دكتور.. فقررنا نحشد و نعمل ثورة ضد الجيش و العبيد.. الثورة مستمرة.. روح الثورة ما تراجعتش لحظة... - و محدش نزل... - صح.. ماهو مش الهدف إن حد ينزل.. الهدف إن روح الثورة ترجع.. - الثورة اللي مستمرة و روحها ماتراجعتش لحظة.. عايزها ترجع..؟ - أيوه يا دكتور أنت فاهمني.. و بعدين الأمن قبض علينا و لمنا من الشوارع... - الشوارع اللي انتوا مانزلتوهاش أساساً؟ - أيوه.. ماهو منزلناش لأن الناس اتقبض عليها من قهاوي وسط البلد.. أكتر من 200 واحد... - و كنتوا حاتعملوا ثورة بـ200 نفر و لما اتقبض عليهم فشلت؟ - لأ احنا ملايين.. - ملايين بس الـ200، الـ500.. الخمستلاف اللي اتقبض عليهم من علي القهاوي دمروا الأعداد المهولة دي...؟ - أيوه يا دكتور.. بس خوفنا النظام و اضطريناه يأمن الشوارع و المنشآت من الرعب و أثبتنا إنه نظام مرتعش.. - النظام اللي حط عليكم و لم منكم ما تيسر و رماكم في السجن قبلها بيوم و ماعرفتوش تعملوا حاجة؟ - ايوه .. الشعب يريد اسقاط النظام.. - الشعب العبيد اللي ضربكم عشان نازلين ضد النظام.. و بيحمي النظام.. عايز يسقط نفس النظام؟ - أيوه حضرتك فاهمني.. عملنا كل دا عشان الجزر مصرية و النظام بيقول سعودية... - و هي سعودية و للا مصرية؟ - مش مهم سعودية و للا لأ.. المهم الجزر دي ارتوت بدم جنودنا.. حتى لو مش بتاعتنا مانفرطش فيها.. - إرتوت بدم جنودنا إللي هم جيل النكسة العرة الفاشل اللي يا رب يموتوا...؟ - أيوه.. حكم العسكر ظلم في ظلم و فشل في فشل.. و كان نفسنا صدقي صبحي يعمل انقلاب.. - صدقي صبحي اللي هو عسكر برضه.. يعمل انقلاب و يحكم عشان مش عايزين حكم عسكر..؟ - بالضبط.. بس الجيش قفل ميدان التحرير.. لو راجل كان فتحه و شاف عملنا ايه.. - يعني انت عايز اللي نازل تعمل ثورة ضده يساعدك و من غيره تفشل..؟ - أيوه.. دول مطلعين الطيارات عشان نخاف لا يضربونا بالطيران.... - دي طيارات عرض.. أنت مش عارف الفرق بين طيارة العرض و الطيارة المقاتلة؟ - لا.. - و كنت بتنظّر علي صفقة الرافال...؟ -أيوه... - إحكيلي عن طفولتك شوية... - و أنا صغير يا دكتور كنت ساكن جنب حتة إسمها "المواسير".. و... - خلاص... ماتكملش
  2. 4 points
    كل عام و نحن جميعا بخير .. كنت امس بالفعل بعمل كحك على غير المعتاد .. اعرف ان والدتى مريضة .. والدى ايضا .. اصريت اعمل كحك فى بيتهم لخلق ذكريات قد لا تكون فى الاعوام القادمة .. اصريت ان تشاركنى ابنتى .. حاولت ان انشر الابتسامات و الضحك .. و رغم كل منا كان داخله شئ يهابه .. شئ ادركته امى بحاستها السادسة .. عرفت انى اخاف ان تغلق اخر شقة بالبيت .. يبقى كده اطبقت عمارة ابى على الموت .. لا اعرف لما نحن المصريين نتذكر الحزن بالفرح .. كل عام و نحن فرحانين من القلب .. سعداء باخوتنا هنا .. منوررين الدنيا ..
  3. 4 points
    فارق دنيانا الفاضل محمد الشيخ إختطفه الموت دون أن يكون بيدنا ما نفعله ، و في الوقت الذي زاد عندنا الإمل في شفائه و عودة الفارس إلى مكانه ، نجحت عملية زراعة كبد له و بدا كما لو أن الدنيا ابتسمت له. ما سبق كان استهلالا لابد منه ندعوا له ان يتغمده الله بالرحمة و الغفران ، و هنا في حفل تأبينه نتذكر و نذكر فضائله و ما رأيناه منه. لا أنسى أبدا فترة عصيبة كادت تختطف محاورات المصريين .. أكرر كانت محاورات المصريين شبه مختطفة و لم أمامنا حل إذ إختفت الشركة المضيفة و فقدنا كل وسيلة للتواصل معها و كل ما عرفناه أن رئيس الشركة إنتقل بشخصه إلى تركيا ، و ساد الغموض حول محاورات المصريين. في تلك الأيام كنت شخصيا على تواصل مستمر مع الفاضل محمد الشيخ كنا نريد أن نبحث الآليات التقنية لانقاذ محاورات المصريين من بين مخالب من لانعرفهم. كان الأمر يتطلب الدعم التقني و الدعم المادي و أصرح هنا على رؤوس الأشهاد إشترى من ماله الخاص عدد من البرمجيات المتخصصة لأرشفة محتوى محاورات المصريين - الذي كان يغطي وقتها مدة ١٣ سنة - و كنت أتواصل معه ليالي بكاملها في عمليات تجريب تقنية ، ليس هذا فقط و لكنه كان سباقا و باصرار غريب على المشاركة المادية في دعم محاورات المصريين. هذا يا سادة و هو على فراش المرض .. كان يعاني من المرض و مضاعفاته في صمت . معاناته منذ طفولته دراما يصعب تصورها. رحم الله الفقيد و ألهمنا و اهله الصبر و السلوان.
  4. 3 points
    Scorpion

    أخبار متفرقة عن أهل الذمة

    رفضت الأسر القبطية من أبناء مدينة العريش بمدينة المستقبل بالإسماعيلية، استقبال جورج إسحاق عضو مجلس حقوق الإنسان، الذى توجه لزيارتهم ضمن وفد ضم 5 من أعضاء المجلس، مرددين هتافات مناوئة ضده وطردوه. .
  5. 3 points
    أبو محمد

    يلا بينا نسهر ..

    طيب .. تقِّلوا فى اللبس شوية المونتيرة الفنانة مها النجار عازمانا نسمع "كل ده كان ليه" .. بس على الجليد فنانة .. بحق .. منتهى الرومانسية ومنتهى الرقة والرقى
  6. 3 points
    Scorpion

    موشحات و تراتيل

    يغمر وجداني هدؤ الرهبان .... و سكينة المتصوفين عندما ينساب الي سمعي موشح ما ... اجدها انبل ما يعبر عن المناجاة و التعبير عن نقاء المشاعر ...
  7. 3 points
    منطقية النقاش !! ماشي .. المنطقية بتقولك ان مش من مصلحة الحكومة ابدآ انها تخسر المسيحيين و تخليهم يتمردوا عليها .. المنطقية بتقولك ان الضرب شغال بعنف في المسيحيين علشان يوصلوا للنقطة دي.. نقطة الأحباط التام و الغضب و التخلي عن دعم الحكومة و رئيسها .. كمسيحي اقولك انا اللي بيحصل كل مرة بيعملوا مصيبة زي دي ... العلاقة بيننا بتقوي اكتر ... و ما بيحصلش شرخ زي ما اللي بيحرك خرفان الأخوان عايز ... يا مؤمن .اللي بتدافع عنهم مرة يلبسوها في الدولة و مرة يقولولك لأ دول أقباط المهجر هما اللي بيفجروها ..مع ان الصورة واضحة تمامآ و مفهوم مين اللي عايز يعمل شرخ.. و اللي عمره من غير ما تزعل حيحصل ... عارف ليه .. علشان أغلبية مسلمين مصر .. مسلمين بحق و حقيقي .. زي ما أغلبية المسيحيين فيها .. مسيحيين بحق و حقيقي...
  8. 3 points
    Salwa

    عبقرية الانسانية هي الرحمة.

    ارحموا من في الارض يرحمكم من في السماء. الانسانية....كلمة واحدة ومعان لانهائية . للأسف الشديد يختلط الامر علينا عندما نصف بعض - البشر - ب أنهم عندهم انسانية لمجرد اعطائهم بعض النقود لمتسول ... او ...لانهم يتباهون بموائد رحمن في رمضان حتي يقال ,,, الوجيه الامثل اطعم جياع بوجبات اشهي واغلى من وجبات جاره رجل الاعمال ..او ..جارته الراقصة السابقة صاحبة العصمة الحاجة الشريفة.. لن اتحدث هناااا عن اغنيااااء يعطون ويساعدون فقراء.. لا لا لا ...ليست هذه وجهة نظري . لكني اليوم سوف احدثكم حديث طويل.....ان سمحتم لي بذلك واكمله غدا. احدثكم يا اخوة فى الانسانية عن فقراااااء...لكنهم اصحاب نفوس وقلوب غنية ..يساعدون فقراااء آخرين.. يعتقدون رغم سوء معيشتهم انهم مرفهون بجانب الآخرين.. ايه العظمة دي؟ من اين اتوا بكل هذا الرضا...بكل هذه المحبة ...بكل هذا التواضع والحب وعمل الخير بلا اي مقابل.. من السهل جداا ان يقتطع الموسر جزءاا ضئيلا من فائض لديه يقدمه لمحتاج. لكن !..ان يقتطع المحتاج من قوت يوم ليقدمه لمن هو اكثراحتياجا؟ انها قمة الرحمة الانسانية... تحية وتبجيلا وانحناءة شكر لكن يا نساء البلدة المكسيكية الفقيرة.. لا بستيا...la bestia. يطلقن على انفسهن اسم...لاس باتروناس.las patronas. نسبة الى قريتهم..لا باترونا la patrona القصة بدات في فبراير من عام 1995... كانت - صاحبة الحكاية - تسير مع صديقة لها فى طريق العودة بعد احضارهم طعام الافطار - خبز وحليب - بالصدفة تعطل القطار الذي يمر من هناك ولا يقف ابدااا. فوجئوا بالناس تصرخ...نحن جوعى اعطونا طعام.. اعطوهم الخبز والحليب ...كانتا لا تتخيلان ولا تتوقعان ما حدث.. فى اليوم التالى علمتا ان الركاب شباب ونساء واطفال يأتون مهاجرين من بلاد كثيرة في اميركا الجنوبية ويركبون هذا القطار الذي يمر ب لا بستيا la bestia وهو الطريق الوحيد للوصول قرب حدود الولايات المتحدة. الرحلة اتناشر ساعة ..ل ناس اتوا من اماكن بعيدة.. علي امل البحث عن حياة افضل.. تكونت مجموعة من هؤلاء البطلات العظيمات ..يصنعون اطعمة بسيطة يعبئونها ويذهبون - ركضا - ليلحقوا مرور القطار ويناولون المسافرين.. خبزا وارزا وحليب ومياه.. الآن... وبعد مرور سنوات طويلة...تحدثوا عنهن واستضافوهن ف التلفزيون وساعدوهم...و...و...و.. اترككم مع بعض الفيديوهات التي توضح ما اعنيه.. وللحديث بقية ان كان في العمر بقية.
  9. 3 points
    أبو محمد

    صورة و تعليق

    السيسى : إنتى رمز أُكرِّم فيه الشباب "العامل" .. وربنا يهدى "الخامل" ...... يا منى
  10. 3 points
    Scorpion

    رؤساء أمريكا

    ما فترة حكم آخر رئيسين بأمريكا بعيدة عن الذاكرة يا ابو محمد .. الأمريكان انتخبوا رئيس أهطل .. عصبي اللغة و الشخصية اسمه جورج بوش مرتين .. و بعده انتخبوا واحد مثقف ... مهذب .. دمث الخلق و اللغة و الوعود اسمه اوباما .. و بالرغم من انهم كانوا علي النقيض في كل حاحة كشخصية ... لكن بخلاف اسلوب الكلام و المظهر و اللون ما كانش فيه اي اختلاف يذكر بين فترة حكم بوش و فترة اوباما .. كلاتهم رؤساء و في حالة بوش ولاد رؤساء ... علشان كده انا مش مستني كتير من الرئيس الجديد ترومبيطة ...
  11. 3 points
    الحقيقة ان ما تفوق به (اياد)لم له اي داع....فما يحدث بين رئيس مصر و الشعب المصري ...امر يخصهم (وحدهم)..فهو شأن مصري (ليس بعربي و لا اسلامي)..ينتقدون الرئيس او يحتى يشتموه...(ليس لنا اي دخل في الأمر).....و للاسف هو اساء للمملكة(رغم انه لا يمثل حكومتها رسميا)...و امل ان الحكماء في الجانبين يكونوا على قدر المسؤولية و التسامي عن الصغائر (التي يتقيئها الإعلام في الجانبين)...
  12. 3 points
    في دين الحب من السهل أن تحب إلهاَ يتصف بالكمال والنقاء والعصمة لكن الأصعب من ذلك أن تحب إخوانك البشر بكل نقائصهم وعيوبهم , وما لم نتعلم كيف نحب خلق الله ، فلن نستطيع أن نحب حقاَ ولن نعرف الله حقا.
  13. 3 points
    بالعكس عزيزي طارق ما انت عليه هو الطبيعي جدا في دنيا البشر فمن الطبيعي ان يحب الانسان انسان اخر اذا توافر في هذا الاخر ما يستدعي ان نحبه ، ومن الطبيعي اننا نكره الشخص اذا توافر فيه ما يستدعي الكره او التوجس ولكن ما ليس عاديا هو ان تصل لدرجه تحب فيها الجميع بما فيهم من نقائص وعيوب متمنيا لخصمك قبل صديقك الخير الذي تتمناه لنفسك فهذا هو الحب الذي اتحدث عنه والذي اذا ما استطعنا جميعا ان نحيا تلك الحاله من الحب ما وجدنا سيفا يبتر ولا رصاصه تقتل ولا نارا تحرق بشر بايدي اخوانهم البشر فلو وصلنا الي هذه الدرجه من الحب الغير مرتبط باسباب والمبني علي التسامح المطلق واستيعاب الجميع رغم نقائصهم ما وجدنا انسان يضطر لحل مشكلته بقتل اخيه الانسان ، وهذه الحاله من الحب ما هي الا درب من الدروب الموصله الي الحب الاعظم الا وهو حب الله ووقتها ستجد نفسك تعبد الله وتحبه ليس طمعا في الجنه او خوفا من نار.، فكما احببت خلق لا بلا انتظار مقابل فسوف تحب الله حبا خالصا دون ايضا انتظار مقابل واذكر اني قرأت لاحد العلماء تصنيفا لانواع البشر في التعبد الي الله فقال هناك من يعبد الله خوفا من النار وتلك هي عبادة العبيد وهناك من يعبد الله طمعا في الجنه وهذه هي عبادة التجار وهناك من يعبد الله حبا خالصا لذاته دون انتظار مقابل وتلك هي عبادة المؤمنين المحبين ولا تتعجب عندما تراني دوما اربط بين حديثي عن الحب وحب الله فتلك الكلمه المكونه من حرفين ما ان سمعت في عصرنا ما وجدت عقل الا وذهب الي حب الذكر للانثي ، فانا اري ان للحب دروبا عده جميعها تؤدي بنا الي باب واحد الا وهو باب الحب الاعظم وهو حب الله عز وجل فحب الانسان لاخيه الانسان وحب الذكر لأنثاه وحب الانسان لكل مخلوقات الله من طيور ونبات وحيوان وجماد ما هي الا دروبا توصلنا الي نفس المنتهي اسال الله ان يرزقنا واياك قلبا ينبض بالحب الخالص المنزه عن اية مصالح دنيويه ودون انتظار مقابل. اسعد الله مساءك عزيزي المحترم طارق
  14. 3 points
    صاحبة الفضل في هذا الموضوع هي السيدة فوقية الرفاعي و هذه رسالتها لي صباح اليوم :
  15. 3 points
    Egizio

    الوصايا المتناقضة

    “الوصايا المتناقضة” هي عشر وصايا كتبها الكاتب الأمريكي *كينت كيث Kent M. Keith* سنة ١٩٦٨م ٬ التي حولها عام ٢٠٠٢م إلى كتاب سماه *“على أية حال” “Anyway”* والذي تربع على أكثر الكتب مبيعاً في أمريكا في تلك الفترة ولفترات طويلة . تم ترجمة هذه الوصايا إلى العديد من اللغات ٬ فلفتت العالم٬ وتحولت إلى ملصقات ٬ وعلقت على الحوائط و الأبواب ٬ كانت هذه الوصايا كالأتي: ١. الناس غير منطقيين ولا تهمهم إلا مصلحتهم ، أحِبهم على أية حال. ٢. إذا فعلت الخير سيتهمك الناس بأن لك دوافع أنانية خفية ، إفعل الخير على أية حال . ٣. إذا حققت النجاح سوف تكسب أصدقاء مزيفين وأعداء حقيقين ، إنجح على أي حال . ٤. الخير الذي تفعله اليوم سوف ينسى غداً ، إفعل الخير على أية حال. ٥-إن الصدق والصراحة يجعلانك عرضة للإنتقاد ، كن صادقاً وصريحاً على اي حال . ٦. إن أعظم الرجال والنساء الذي يحملون أعظم الأفكار يمكن أن يوقفهم أصغر الرجال والنساء الذين يملكون أصغر العقول ، إحمل أفكاراً عظيمة على أية حال. .٧. الناس يحبون المستضعفين لكنهم يتبعون المستكبرين ، جاهد من أجل المستضعفين على أية حال . ٨. ما تنفقه في بنائه سنوات قد ينهار بين عشية وضحاها ، إبني على أية حال . ٩. الناس في أمس الحاجة إلى المساعدة لكنهم قد يهاجمونك إذا ساعدتهم ، ساعدهم على أية حال . ١٠-إذا أعطيت العالم أفضل ما لديك سيرد عليك البعض بالإساءة ، أعط العالم أفضل ما لديك على أية حال .
  16. 3 points
    Advisor

    تهنئة قلبية بعيد الأضحى المبارك

    ننتهز هذه الفرصة و نزف أجمل التهاني لأعضاء و عضوات و زوار و زائرات محاورات المصريين أعاده الله عليكم باليمن و البركات. ما سبق كان إستهلالا لابد منه مع التهنئة تقليديا نضع صورة و المنتشر صورة عبارات التهنئة ملونة أو فيديو يحمل أدعية مكتوبة أو مسجلة. لكني كنت أبحث عن شئ مميز يرسم بسمة على الوجوه ، و وجدت هذه اللوحة .. من في ربيع العمر مثلي يتذكرونها ، و أتعشم أن ترسم بسمة على وجوهكم .
  17. 3 points
    Scorpion

    لا أذكر أين وضعت الراديو

    يبقي ما تدورش علي محطات راديو ... افتح النت و اكتب العنوان ده : http://www.u0u.com/ و ادعي لصاحب الموقع
  18. 3 points
  19. 3 points
    suma

    عودة الى الديار.

    عودة الى الديار بسم الله الرحمن الرحيم تحياتي: ازيكم. وكيف حالكم ..بجد وحشني جمعكم الجميل وصحبتكم الطيبة تلك..بس أعمل ؟ كنت اسيرة ومعتقلة عنوة في غير بيتي. طوال عمري صوتي من رأسي ولا احب الخضوع الا اذا عقلياصدر أمره..لكن. للأسف بعد مرور السنوات وغزو الشيب للرأس؛ يصبح الأمر مختلفا -الاولاد الذين كنا نأمرهم فيطيعون ..اصبحوا هم الأمرون..سبحان الله قلت لهم مرارا: أنني أحب بيتي ولن أنهي حياتي الا فيه، لكنهماجتمعوا وقرروا: لا نتركك في رمضا بمفردك..يادي الجبروت تركتهم ولم ابالي...لكن الست الطبيبة بدهائها ودموعها واولادها..وكمان زوجها شارك معهم..تعبت من الكلام والمراوغة وانتهى الامر على ان اذهب معهم اسبوعاوهنا اسبوعا ..ولكنهم للاسف اخلفوا وعدهم معي ولولا عوده ابنتي الصغرى من السفر في عطلة ما استطعت الفكاك من الأسر!! واقسم بالله انني كنت عندهم ملكة متوجة الكل في خدمتي واولهم محمد زوجها ..لكن انا اعمل ايه ؟ تعودت ان تكون اللمة هنا عندي تعودت ان يأتينا الاهل ويبقون ولا اذهب انا ..حتي بيتي في اللارياف كان كذلك الكل عندي لهذا صعب علي الامر برمته. ماعلينا.. انا كنت بس ابرر سبب بعدي عنكم طوال هذا الشهر الفضيل والذي اوشك على الرحيل للاسف ولم نشبع من بركاته. لكن انا هنا اتعجب من تلك الحياة!!ومن تقلباتها..يكبر المرء ويملك دفة اسرته ويشرف على مسيرها حتى بعد زواج الاولاد والبنات ؛ وسرعان ما يتسرب الكبر والتعب دون ان ندري ،ونصبح لا نقوي على ما كان عاديا في الماضي ان نقوم به ..المطبخ لا ندخله الا لمما ! أضيفت عشرات الارقام لمطاعم الى هواتفنا وأصبح الدليفري الذي كنا نعيب على من يلجأ له هو السائد لدينا!!حتى افكارناتغيرت وعلى على سطحها مواضيع كانت في طي النسيان من قبل!! اناس الموني. نسيتهم ونسيت الألم..حتى الرغبات في أي شيء لم يعد لدي منها لا القليل ولا الكثير ..يحتار الاولاد معي حين اخفق في طلب نوع الهدية التي يأتوني بها كل ما اطلبه منهم ان ياتونني باسرهم ويجلسون هنا في غرفتي وحولي طيلة اليوم...لا اريد ولا ارغب في اي شيء دينوي.اقسم بالله هو كذلك. لم اجد المتعة الا في القراءة والقرأن الكريم واعترف انني كنت مقلة قبلا في هذا..لكن الحمد الله تصادقت معه.ولنعم الصداقة . المهم كل سنة وانتم طيبين واسعد الله كل ايامكم يارب العالمين.
  20. 3 points
    السنة اللي فاتت كانت هدية رمضان ليا هي اعادة اكتشاف ان رمضان شهر " التنفس" و انها فرصة عظيمة اثناء الامتناع عن الأكل و الشرب نكتشف لذة التنفس و استخدام الهواء كوقود للتشغيل و قد ايه التنفس الصحيح بيعمل دماغ أضعاف الدماغ بتاعة النسكافيه او السجاير للمدخنين و ده لمسته بنفسي اثناء عملي أثناء الصبام و ازاي كانت تنفسات بسيطة بتخللي عينيا تنور و دماغي تفتح و ابقى منتعشة بشكل رائع و مقبلة على المجهود بنشاط هدية عظيمة جدا و قيمة جدا و رمضانات كتير عدت في حياتي من غير ما اخد هديتي الهدايا هنا بالطلب اطلب تلاقي " ادعوني..استجب لكم " اتعب شوية و اتفرج ع الهدايا و اتعب شوية واختار اللي تحبه و اتعب شوية كمان و عبي الهدايا في اكياس السنة دي قررت ما اخدش هدية واحدة قررت اخد لحد ما اتعب ************************************ الهدية الأولى : ************* ************* رمضان زي الدنيا و نفس النظام الكوني جمع المتناقضات اللي في الليل و النهار و لأول مرة في عمري أدرك فائدة من وجود المتناقضات مع بعض في نفس الوقت و هي الوصول للتوازن ! كنت دايما فريسة لفكري المتطرف و فرحانة اوي بحتة يا ابيض يا اسود اللون الرمادي ده انا محبوش يا مشروب سخن مولع يا مشروب بارد مثلج و ما ارضاش بالفاتر الفكر ده بينعكس على السلوكيات في رمضان 1- خمول شديد في النهار مقابله نشاط زائد في الليل 2- اعتبار الصيام " حرمان" بيؤدي لنقيضه " الافراط" و النظرة دي اللي بتخللي الثقافة المتفشية ثقافة افراط شديد بنفضي السوبر ماركت و محلات الحلويات و نعمر السفرة بكل ما لذ و طاااااااب حرمان مقابله افراط و بتقوت علينا نقطة التوازن في النص مبنشوفهاش رمضان مش شهر الأكل احنا طول السنة بنهبل بمعنى كلمة بنهبل شهر بس نعتدل يعني هيحصل ايه لو فطرنا اي حاجة و اتسحرنا اي حاجة هيحصل ايه لو اخترنا مسلسل واحد بس و فكينا الأسر اللي قدام التلفزيون 24 ساعة احنا ممكن نشتغل عادي في رمضان و الله و بنشاط اعلى جدا كمان مهواش شهر الخمول و الانتخة قال يعني مش مأنتخين طول السنة مثلا !!! الهدية هنا ... هديتين أثناء الصيام 1- ضد فكرة الفائدة المؤجلة 2- مع فكرة الفائدة المؤجلة ازاي ده ؟؟ اه هي الحاجة و عكسها اللي بنوصل بيها للتوازن يعني و انا صايم مش هأجل الحياة لبعد الفطار مفيش وقودي المعتاد من المية و الاكل لكن في وقود ممتاز اسمه التنقس و على فكرة وقود اقوى بكتيييييير هيخلليني اعيش و امارس نشاطي بشكل طبيعي من غير تأجيل و برضه مع الفائدة المؤجلة اني صابر على الاكلة اللي بحبها و ماشي في حياتي باستمرارية لكل اعمالي بلا تأجيل لحد ما يجي أوانها وهنا يتحقق التوازن اعمل لدنياك كأنك تعيش أبدا و اعمل لآخرتك كأنك تموت غدا
  21. 3 points
    العيد ده مميز جداااااااااا رقم 44 مميز و حياتي اختلفت تماما بقى لي سنتين في مصر و كتير راهنوا اني هازهق واقول حقي برقبتي و اندم اني رجعت معلش خسرتوا الرهان كل ما بيفوت عليا وقت اكتر كل ما باتيقن ان قرار العودة كان هو القرار الصح في الوقت الصح الحمد لله يمكن مش هاخبي اني اصابني توتر اجتماعي حبتين اني بقيت اربعينية رسمي و ده كما هو متعارف عليه مجتمعيا بداية النهاية زي ما بيقولوا رغم اعتراضي لكن المجتمع بيعتبر اننا خلاص مبقيناش شباب لأن سن الشباب حددوه من 18 ل 40 مش عارفة ليه كل اللي حواليا ناس في التلاتينات كل مصر بقوا تلاتينات هههههههههههههههه هي الغربة قدر باين و الا ايه و ده يقودني لتساؤل يعني ايه غربة ؟؟ حسيت الاحساس ده من اسبوع تقريبا و انا ماشية في شوارع جديدة عليا رايحة اقضي مشوار رخم الغربة وقتها كانت عدم معرفة و لأن المعرفة امان فالغربة هي عدم الأمان يمكن عشان كده الناس بتتعلق بالماضي لأنهم بيتوهموا انهم عارفينه مروا بيه يعني عرفوا فيه ايه عشان كده الحنين بياخدنا هناك بنحن لمكان نعرفه او شخص نعرفه او بمعنى اصح شخص عارفنا عشان نحس بالمعرفة ...بالأمان عشان كده بنحن للوالدين و الاهل واصحاب المدرسة همة عارفيننا بشكل يمكن ماعادش ظاهر فينا زي منكون محتاجين حد يفكرنا كنا ايه كنت باحب اوي اسمع من والدي و والدتي كنت باعمل ايه و انا طفلة بحب اشوف اصدقاء الطفولة عشان اشوف طفولتي فيهم و اسمع منهم قد ايه اتغيرت و بيفرحني اني لسه وشي زي ماهو على ملامح طفولتي و اني زي ما انا ماتغيرتش عن ايام الكلية وما بانش عليا اثار الجواز والخلفة و توابعها من بوظان وبهدلة جسم اللي بيلزقوها دايما للخلفة و اللي طبعا مش حقيقي صعب اوي ان معظم الاهل رحلوا رحلوا بذكرياتي معاهم و معدتش هاسمع منهم اللي انا مش فاكراه عن نفسي و اللي باقيين كأنهم فقدوا الذاكرة و تحولوا لكائنات غريبة بيزودوا احساسي بالغربة رغم انهم أهل و اصحاب !! ما علينا كل الكلام ده ضد عيش اللحظة اللي بنتخلص فيه من كل احاسيس الحنين و الفقد و التعلق بالماضي لكن اعذروني انا باتكلم في لحظات زمنية هتزود سنة لعمري زيادة في الخبرات زيادة في المواقف و الأحداث و المحطات و الأشخاص سئمت تكاليف الحياة و من يعش ثمانين حولا لا اب لك يسأم بيت الشعر ده كان لافت نظري من وانا في اولى ثانوي و كل ما اكبر شوية افتكره هو معيار عندي لما اكون مبسوطة باقول 80 ده ايه انا نفسي اعيش 200 سنة و لما كنت ابقى حزينة كنت اقول ياااااااااه لسه هاعيش ل 80 كبار السن ليه كل ما يشوفونا يفكرونا انهم قربوا يرحلوا ؟؟ و مين قال ان الرحيل له سن ؟؟ كنت لسه مستأنسة باحدى قريباتي من كام يوم و بقول لها حضرتك بتفكريني بماما الله يرحمها قالت لي ما انا خلاص رايحة لها اتغميت بصراحة لا مش هاتكلم عن الموت انا متصالحة معاه و مش باعتبره غم انا غمني هنا الرحيل ..الفراق .. الغياب..الفقد و الاحاسيس دي ملهاش علاقة بالموت بالمرة بتحصل كتير اوي مع الاحياء بينما ممكن الموتى فعلا يؤنسونا افتكرت اني اتعلمت ازاي اتونس بنفسي و بربي و بقيت اكلمها و اتحاور معاها زي ما باناجي ربنا و ده يقودني لسؤال مهم هو احنا فعلا محتاجين الناس ؟؟ اقصد محتاجين وجودهم؟؟ و لا كفاية اوي نفسي و ربي و ده له كلام تاني في لقاء آخر .. اه نسيت اقول لنفسي كل سنة وانتي طيبة يا عبورة و السنة الجاية تكوني محققة كل أحلامك امين
  22. 3 points
    بسم الله الرحمن الرحيم اولا كل سنة وانت طيبه لااا سنة ايه!! كل لحظة وانت متهنية وسعيده وفرحة . ثانيا عود احمد للديار انها لها طعم آخر طعم به حلاوة لا يستطعمها الا منذاق تلك الغربة . اما تساؤلك عن الكبر لا يا حلوة انت لم تكبري وإن مرت سنون وسنون ! من قال ان النساء يكبرن ؟ أكيد مغرض ..اتفقنا.. الشعور بالسن نابع من دواخلنا نحن وليس من الارقام والتواريخ أنا متوائمة مع نفسي ومع من حولي نتبادل السعادة معهم نهتم بهم ويهتموا بنا حديثنا لا ينقطع حتى وإن صمتنا يكون صمتا به ضجيج محبب لنا ..هنا سنظل صغارا نلهوا ونضحك ونعمل المقالب كما كنا وقت الصبا. تحدثتي عن الغربة والغريب اننا نربطها بترك الوطم الأم لغيره! ألا تعلمين اننا نشعر بها احيانا حتى لو كنا وسط الاهل وفي الوطن ..انها احساس داخلي ينتاب الإنسان وتجعله ينظر لمن حوله بإغتراب فهو لا يقو على التعايش مع فكرهم ولا نمط حياتهم فبعود الى نفسه ويتقوقع داخلها ويفكر في الأيام التي ستأتي عليه كيف ستكون وروحه تستعجل... مالك انت وما اقول!! يبدو انني شردت كاعادة فتشعبت كلماتي .لا عليه فهنا خبروني على ما اعتقد ..لكن في نهاية كلامي احييك على اختيار اللون الأخضر لحروفك فما من لون سواه يجلي ويريح العين وارى انك اختارتيه مواءهة من روحك الجميلة..تاني. كل سنة وانت طيبة سومه
  23. 3 points
    suma

    انتحار مع سبق الاصرار !

    بسم الله الرحمن الرحيم انه موضوع قديم جديد انه الانتحار الجماعي والذي يطلقون عليه..الهجرة الغير شرعية..وما دفعني للحديث عنه هو السيد وائل الأبراشي في ساعته العاشرة. فوجئت على شاشة التلفاز بمركب صغيرة على متنها مئات من البشر ورأيتها تغرق وتنقلب وهي في عرض البحر..منظر مؤلم حقا ..فاسرجعت كل الصور والأحدات المتعلقة بهذا الشأن من ذهني وحاولت ان انظمها واستخلص منها ما سأقوله لكم الحين. في حوار مع شقيق أحد الضحايا قال: ان شقيقه عنده٢٩ سنة واب وعنده طفلين وان المتعهد الذي يلم الأفراد لاىيسمح لأحد الصعود إلا بعد دفع مبلغ..١٨٠ الف من الجنيهات( ده على عهدة القائل ووائل الابراشي) طيب يا اخينا انت استطعت ان تجمع هذا المبلغ فلم لم تفكر في عمل مشروع يزيد من رزقك!؟ طيب ألا سمعت قبلا عن أناس ارتكبوا نفس الحماقة وكان مصيرهم الموت؟ اذكر أنني منذ سنوات قليلة اضطريت للسفر الى الريف لبيع عقار لي هناك وكان معى ابني عصام ومحام والحمد الله تم البيع وقبضت العربون وفي العودة كان لازم اركب..توكتوك الى المركز ثم سياره الى الثغر..كان سائق التوكتوك فتى لم يتجاوز التاسعة عشر ومعنا ابن عم الاولاد بنفس السن تقريبا ومعه شهادة متوسطة ..هالني عدد التكاتك التي على الطريق وكل منها مزينة بأشكال من الأنوار وتعجبت من عدم احتجاج احد من الضوء المبهر..هذا لا يهم لكن الحوار كله كان عن حلم السفر والثراء ..طيب يا قريبي انت تملك الكثير وبيدك صنعة وبجانبها كنت الوحيد تقريبا اللي في القرية اللي بتعمل الدي جي للافراح ولا فرح في القرية او القرى التي تجاوركم إلا لما تكون انت فيها ..عايز ايه تاني؟؟ عايز يبقى زي فلان الفلاني ! وتحدثا عن قرية كل اللي فيها من الشباب في ايطاليا وكل منازلهم بالطوب الاحمر..والله صعقت وسألتهم الم يسمعوا عن الحوادث والموت في البحر ؟ كلهم سمعوا لكن أملهم ان ينجحوا!! شبابنا أمرهم عجيب رغم الدمار اللي في ليبيا يهربون اليها ولو حصل لهم مكروه قالوا : يا حكومة انت فين؟؟ يقفون في الطرقات وعلى الارصفة يبيعون دون ترخيص ودون ان يراعوا حق المواطن وان تدخلت الدولة يصرخ قائلا: يعني أعمل إيه ابيع مخدرات يعني يا خرق القانون يا مخدرات!! وعندما يجري احد المولعتية معهم حوارا نفس الكلمة..اعمل ايه . مش لاقين شغل نتاجر في المخدرات؟؟! طيب هؤلاء الذين يحتلون المقاهي برضه لا يجدون عملا؟! أم يترفعون عن العمل المقدم لهم!! كنت اتعاطف معهم اولا لكن ما وجدته من الاخوة السوريين جعلني اسحب هذا التعاطف جاءوا الينا بلا بيت وبلا اي شيء لكنا وجدناهم في كل مكان يبيعون يقفون في محلات ..بل اصبحوا اصحاب أشهر المطاعم ( للأسف وجدت من يبيع لهم أو يؤجر لهم محلاتهم ويجلسون في البيوت) كان لي صديقة سورية من إدلب حدثتني عن الحياة هناك ..في العطلة الصيفية كل الشباب يعمل وايضا اسر كثيرة تعمل رباتها في تجهيز الخضار للمحلات او الأعمال اليدوية ..هم هكذا يحبون العمل وده هو الطبيعي لذا لم يتعبوا في العيش عندنا. واتساءل بدوري هل بعد غرق تلك المركب واللي قبلها واللي يتأتي بعدها سيكف الشباب عن المغامرة؟!! لا أظن. سومه
  24. 3 points
    على بلاطة نحن المصريين جامدين جدا و شداد جدا و نستحمل و إستحملنا فبلاش طبطبة ، و لا تضيعوا فرصتنا في الإنطلاق ما سبق كان إستهلالا لابد منه ربما صغار السن ليس عندهم فكرة عن قوتنا و صمودنا كشعب ، إسألوا آبائكم عن ظروف سنة 65 و كيف لم يكن في البلد إلا جبنة نستو و دجاج مجمد و تقف طابور طويل من أجل دجاجة و احدة. يا حكومتنا الرشيدة ..... يا أولياء أمورنا إحنا جامدين جدا و نتحمل من يقول يكون سعر البنزين تلاتة تعريفة في بلد تريد أن تنطلق .... من يقول أن ركوب التوكتوك بخمسة جنيه في حين مترو الأنفاق بأقل من جنيه .. من يقول هذا العدد الهائل من السيارات الخاصة في بلد تريد أن تنطلق ؟
  25. 3 points
    suma

    استوعبنا الدرس.

    بسم الله الرحمن الرحيم. أكيد سقوط طائرة هو الوجع عينه سواء كانت مصرية أو غير فكل بها أناس أبرياء من حقهم الوصول بسلام وأمان . شاء القدر ان نصاب بكارثتين على التوالي ..الأولى طائرة روسية بها عدد من الروس الآمنين الذين ينشدون السياحة عندنا والتمتع بوقت طيب ،سقطت على أرض مصرية( شرم الشيخ) ،والثانية طائرة مصرية قامت من مطار فرنسي وسقطت قرب الوصول . وشتان بين تناول الحادثين من قبل الصحافة المحلية والعالمية .؛ في الحادثة الأولى كان التخبط واللا مسئولية واضحين تخبط في البيانات والتصريحات ..وابل من المحللين والخبراء يفتون وينظرون. تباكي شعبي على السياحة اللي انضربت في مقتل .وكأن الضحايا لا قيمة ولا وزن لهم ..تسارع الصحف في اتهام الحكومة وتحميلها جل الخطأ للأسف..وزاد التخبط إنهم قاموا بمهراجانات في شرم الشيخ ورقص وموسيقى وما زال دم الضحايا ساخن لم يبرد بعد . اما الحادث الثاني نجد ان الحكومة وزارة الطيران استوعبت الدرس جيدا ..ولم تكرر خطأها السابق...لم تدلي بأي بيان سابق لأوانه وكانت حذرة في كلامها ...لم تخجل من اعلان ان لا لديها معلومات بعد ...سارعت في استيعاب غضب وحزن آل المفقودين ...اهتمت بالبحث الجاد عن الحقيقة ..تعاملت مع الضحايا بنبل وآخرها تلك المسيرة الى الأوبرا بالشموع. اذا مصر اسوعبت الدرس وتعلمت من خطأها السابق ...وهذا من الأمور الجيدة والمبشرة يالخير..فنحن نتعلم ونصحح .....فطوبى لشعب يفعل هذا . رحم الله تعالى كل الضحايا وغفر لهم وعوض ذويهم عن فقدهم وألهمهم الصبر والسلوان يارب العالمين. سومه
  26. 3 points
    بما أن تفجير الطائرة الروسية كان لضرب السياحة.. طبعاً مش لفعل خير .. ولكن لماذا روسيا ؟؟؟؟؟ ولماذا شرم الشيخ ؟؟؟ ولماذا يتحدث الجميع عن الأمن في المطارات .. وعايزين نتأكد بنفسنا ان إجراءات الأمن تمام !!! وبما أن الباحث الإيطالي قد قتل بعد تعذيبه والتمثيل به... وبما أني أشك بأن الداخلية بتاعتنا.. ما تقدرش تعمل كده .. وإذا عملوا مكانتش الجثة حتظهر أبداً... وبما أن من الواضح أن ما حدث له هو لغرض ما ...!!!! قد يكون حادث خطف الطائرة أحد حلقات المسلسل !!!!!! الله أعلم ...!!!! بس الأسلوب واحد .. إستنفار غربي ضد ... مش متعاطف .. ولا بيواسي .. ولا بيآزر... إستنفار عدائي (هكذا أشعر به) .. والنغمة واحدة .. مصر بلد غير آمن .. لا نأمن على مواطنينا فيه .. نريد التأكد من إجراءات التأمين .. الضغط في إتجاه الإستعانة بشركات أجنبية للتأمين .... التحقيقات في مصر غير سوية .. والشرطة المصرية غير واضحة.. يجب أن يشارك محقوقنا في كل خطوة.... مصر بلد غير ديمقراطي .. وتقوم باضطهاد جمعيات المجتمع المدني .. وتعترض على التمويل الأجنبي .... إستنفار من رئيس وزراء بريطانيا.. ووزير خارجية أمريكا .. والبرلمان الأوروبي .. والحكومة الإيطالية .... الخ اليوم عودة أخرى على نفس النغمات ... ولكن .. هناك أيضاً من ينفخ في الحطب ليشعله أكثر ... وهناك أيضاً ... أداء غير واضح من الدولة .. وهناك أيضاً .. قوى مناهضة لذلك ولكن عشوائية وتتعامل ببعض السفه إلا قليلا... بما أنها شوية تخاريف... وبما أن نغمة حقوق الإنسان .. وحقوق السجناء .. الخ .... مازالت مستمرة .. إضافة إلى نغمة أن مصر مش قادرة تحمي السياح .. ولا تأمن المطارات .. ومرة تانية المطارات ... وهناك من الداخل من يدعم هذا الإتجاه .. سواء بالهجوم .. أو الإنتقاد .. أو القلش ... وعودة مرة أخرى ... الباحث الإيطالي الذي كان على صلة بدوائر عمالية.. ومحاولة الترويج أنه قتل على يد الأمن المصري .. طيب مش الأمن المصري مفروض برضه يقبض على شوية عمال من اللي كانوا في دائر إهتمام الباحث .. هم مين .. ليه مفيش حد بيدافع عنهم او حتى بيسأل عنهم وبما أني با خرف ... وبما أن مصر لم يتم تسليمها بعد 2011 بالشكل المطلوب.. وبما أنها عصية ... وبما أني باخرف شويتين ... وبما أن ما ينفعش تقوم حرب على مصر .. ولا نفع إن تقوم حرب أهلية في مصر .. ولا حينفع !!!!!! أنا حاسس بمحاولات مستميتة للتدخل الأجنبي في مصر .. هل تبدأ من هنا .....
  27. 3 points
    أبو محمد

    ليه دلوقتي ( وثائق بنما ) ؟!!

    ولا يهمك يا أستاذ باهى دانا حتى نسيت كنا بنتكلم فى إيه أول ما رفعت المداخلة
  28. 3 points
    بعتذر من ابو محمد بك لسوء فهمي واسلوبي ...
  29. 3 points
    بدايتي كانت معاه - الله يرحمه - طيبة جدا فهو أول مشرف أثنى علي ومن بعده الفاضل : أبو محمد .... ومش عارف ليه لما فهمته كويس من مواقفه المتتالية خلاني أنسى نسيانا كاملا مرحلة تعكر فيها الصفو وكأن لم تكن كنت عارف إن ناس كتير مش فاهماه ناس كتير كانوا بيسيئوا إليه في ردودهم ومع ذلك لا أنسى خطه الأزرق فكنت من مدمني القرءاة له ولأبو محمد من مواقفه معايا إنه مرة صحح ليه اللغة العربية بأسلوب راقي خلاني آخد كلامه بقبول وحب كيف لا يصبر على المرض الجمساني وهو من تعود على احتمال الناس وفيهم المغلول والمتربص الله يرحمك يا أستاذ : محمد يارب يوصلك دعائي لك بالمغفرة والرحمة والجنة
  30. 3 points
    يكفى أنه - برغم ما كان يعانيه - لم يتمارض كان يبتلع ألمه فى صمت نبيل كان الفيروس اللعين يدمر كبده وكان يشارك فى أحد المواضيع الخاصة بالعلاج وكله أمل وكان يتحمل - بكل ثبات وإيمان - طعنات الحمقى المتوجهة إلى قتل الأمل رحمه الله رحمة واسعة
  31. 3 points
    غصة في القلب .. غصة عميقة .. لم أكن اعلم انه حتي في هذا العالم الأفتراضي رحيل البعض سيوازي رحيل من اعتبرهم من اقربائي .. لا أجد بالفعل ما يعبر عما اشعر به الان .. و لن استطيع ان اجد كلمة مهما حاولت توفي العزيز محمد حقه .. عزائي انه استراح من الام هذا العالم السيء .. و انهي بهذا قلق من يحبونه تجاهه .. فهو بدون ادني شك في مكان افضل الآن رحمك الله صديقي الذي لم اراه ابدآ ... الرب أعطي و الرب أخذ ... فليكن اسم الرب مباركآ ....
  32. 2 points
    tarek hassan

    أخبار متفرقة عن أهل الذمة

    المواقف الواعية والوطنية في ظل المحنة الشديدة تفرض احترامها وتعاطفها إننا نعيش في أزهي العصور الوطنية والتضحية رغم المصاب لشركاء الوطن أنا والله ما رأيت مثل مصاب وثبات السيدة : نبيلة فوزي حنا التي قتل ولدها وزوجها وحرقا أمامها وشاهدتها في أكثر من لقاء تليفزيوني يالمصابها ويالصبرها مهما قلنا مش هنقدر نعوضها شيء ولا نوفيها أجرها ربنا يعوضها خير في الدنيا والآخرة ويتقبل ابنها وزوجها كشهيدين في الجنة
  33. 2 points
    الفاضل haleeim ... لفت نظري طلب حضرتك "شراء" شهادة خبرة ... فهل تجد في ذلك شيء طبيعي ... الم يخالجك مجرد خاطر بأن هذا ليس بالشيء الجيد ... الا تعتبر هذا في مصاف كذبة تبدأ بها علاقة عمل المفروض ان تكون مبنية علي الثقة المتبادلة ... هناك ما أود اضيفه حول هذا الأمر الذي اصبح طبيعي في مجتمعنا الآن و لكن هذا لا يمنع ان يكون "تحايل" غير قانوني .. و اتمني بالفعل ان تعاود النظر في أولويات اهتماماتك .. اذا كان هناك مكان يحتاج الي خبرة للألتحاق به فعليك ان تكتسب بالفعل تلك الخبرة لأنه عاجلا او آجلآ سيتم اكتشاف انعدام تلك الخبرة المطلوبة و حينئذ العواقب لن تكون ابدآ جيدة ...
  34. 2 points
    أبو محمد

    يلا بينا نسهر ..

    لما باشوف الموضوع ده بافتكر أغنية نجاح سلام : الليلة الليلة الليلة .. سهرتنا حلوة الليلة اسمحولى - للتغيير يعنى - أعزمكم على باليه :: // :: // :: ؟؟ // :: ؟؟ // :: ؟؟ ؟؟ ؟؟ ؟؟ ؟؟ ؟؟ بحيرة البقر
  35. 2 points
    herohero

    صورة و تعليق

    ترامب العزيز .... لاسف انت رئيس لدولة لديها شعب عارف حقوقه وبيقدر يتكلم خسارتك انك مش في العالم العربي كنت ابدعت
  36. 2 points
    فعلا هو كان جاسوس للمخابرات البريطانيا وناشط سياسي وتابع للحزب اليسارى يعنى جاى حضرته مش مجرد طالب عادى حلو وامور بيدرس فى الجامعه الامريكيه جوة مصر لاء هو جاى يخرب مصر وهل لو مصرى عمل كدا فى ايطاليا كانت ايطاليه هتطبطب عليه مثلا او بريطانيا .. كلنا عارفين انه جاسوس داخل متراقب جوة مصر و مننساش انه ذباح داعش بريطانى يعنى المخابرات البريطانيا مبتغلبش ومش يمكن بريطانيا اللى قامت بالواجب ما له صديقه انجليزى من فريق الجواسيس كانت ساكنه معاه فى الشقه مش يمكن قتلوه ورموه ليه يعنى هى الشرطة فى مصر اللى قتلته شهادة فيديو مصور ريجينى
  37. 2 points
    الفكرة بااختصار - البذور بتحتاج لفترة سكون جنينية قبل الانبات. *Cold Stratification هو الاسلوب اللى استخدمه فريق البحث المصرى - وهى معالجة البذور بمحاكاة ظروف الشتاء الطبيعية و كسر مرحلة السكون الجنينية. بتختلف فترة التطبيق على حسب نوع البذور و الظروف المحيطة. و بشكل عام الاسلوب ده شائع استخدامه فى البستنة المنزلية. للاسف - الخبر ناقص التفاصيل لانه لم يحتوى نشرية الدراسة - المفترض ان اللى يقدمه فريق البحث - البروتوكول اللى تم استخدامه و اللى بيحدد درجة الحرارة التي تعطي افضل انباتية للبذور و التجربة نفسها كانت فى الظلام ام بوجود الضوء و انواع بذور القمح اللى تم استخدامها فى الزراعة. و ايضا يجب ان تتبعها دراسة تحدد ثأثيرها على التربة و تاثير الاجهاد و غيره. و ايضا كيفية قياس النتائج لتحديد نجاح التجربة - مثلا استخدام مقياس مثل weighted germination index (WGI). التفاصيل اللى تم الاشارة اليها فى محتوى الخبر من اليوم السابع : *الطريقة المستخدمة تمت الاشارة اليها بشكل سطحى "معاملة حبوب القمح بالتبريد من خلال درجات برودة معينة، ومدد برودة محددة". *حدد انواع الرى التى تم استحدامها : الرى بالغمر العادى، والرى بالرش "الثابت والمحورى" *حدد انواع بذور القمح : جميزة 11، وسدس 12، ومصر 1 *تم تطبيقها فى الاراضى الرملية و لم يتم تحديد ملوحة التربة Soil salinity. *طريقة قياس غير دقيقة للانتاجية بالاعتماد على المتوسط الحسابى و عدم ادراج الانحراف المعيارى و عدم استخدام اختبار احصائى لتحليل التنوع. مثلا النشرية التالية بتناقش فرضية التطبيق بالتبريد لزراعة القمح مع اجهاد ملحى بالمقارنة مع الطريقة التقليدية و النتائج لم تكن ايجابية و لكن بتعطى مؤشرات ايجابية لتحسن الانبات فى التربة المالحة. W. (2011). Cold stratification, but not stratification in salinity, enhances seedling growth of wheat under salt treatment. African Journal Of Biotechnology, 10(66). doi:10.5897/ajb11.2257 و اهم نقطة scalability كيفية تطبقها على نطاق واسع - فى بعض الاحيان الطريقة المستخدمة لاتسمح بامكانية تطيق واسع و بيتم استبداله بطرق اخرى مثل تطبيق ميكانيكى او كيميائى. من قرائتى للخبر الاتجاه هو تدريب الفلاح لتطبيق التبريد على البذور بنفسه و فى اعتقادى اى فلاح متخرج من كلية هندسة زراعية ممكن بالفعل يبدأ بتطبيقها بمجرد قرائته للتفاصيل. .بخلاف ذلك - خطوة فى الاتجاه الصحيح و بالتوفيق لفريق البحث. مراجع: http://www.ajol.info/index.php/ajb/article/download/97228/86542 https://www.researchgate.net/publication/225829687_Temperature_effects_on_seed_germination_and_expression_of_seed_dormancy_in_wheat https://en.wikipedia.org/wiki/Stratification_(seeds)
  38. 2 points
    Scorpion

    الفقر ... ايه هو ؟

    طيب و الحل ايه ... اجراء واحد بس عمره ما حيحل مشكلتنا ... رؤية شخص واحد او الجملة الشهيرة اللي جابتنا ورا بتاعت حسب توجيهات الرئيس مش حتوقفنا علي رجلنا بجد ... اجراءات كتيرة لازم تتعمل ... و جانب كبير منها علي الحكومة لازم تتابعه .. لان ببساطة ده دورها الوحيد ... المشروعات المستقبلية اللي شغالة علي قدم و ساق في الدولة شيء رائع حتستفاد منها بصورة أفضل الأجيال الجديدة .. و ده اجراء صجيح مليون في الميه .. بجانب ده اتصور ان تجبر الدولة النشاطات الأستثمارية الخاصة انها تتجه ناحية السلع الاساسية الخدمية و اللي هي نافعة فعلآ .. الحد من الواردات مش شيء مستحيل و بالذات دلوقتي مع تعويم الجنيه و ارتفاع سعر الدولار ... ما ينفعش في بلد بتعاني زينا الاقي اعلان في هايبر عن كبدة بط مستوردة من فرنسا تمنها 1800 جنيه الكيلو .. ابو اللي جابها علي ابو اللي يشتريها ... الدولة لازم تقلع بدلة السوق الحر و تلبس جلابية ممثل الشعب .. لأن دورها هو انها تدير موارد الوطن بالصورة الأفضل .. و في نفس الوقت عينها علي القطاع الخاص تسيبه يشتغل في حرية آه لكن في اطار من القواعد اللي تشارك في خطة تنمية متكاملة ... و في الآخر العدالة و معاها الكرامة اللي بندور عليها حييجوا طبيعي ... جانب تاني متوجه للطبقة الوسطي اللي بتكافح انها تفضل وسطي و مستورة .. الموجودين في كل حتة في مصر .. و ايآ كان اسلوب صرفها لمواردها كلهم بدون شك عايشين في قلق مستمر .. قلق من الحاضر زي المستقبل .. لأن اساسآ مافيش اي حاجة فيها شبه تأمين علي المستقبل ده .. مرض .. حياة .. معاش .. و ده سببه اساسآ يرجع لأسلوب الحكومات السابقة المتعاقبة من السبعينات و لحد دلوقتي .. رمت طوبة بناء الشركات او المصانع .. و ابتدت تبيع اللي كانت مسئولة عنه برخص التراب و بما صاحب البيع ده من فساد يزكم الأنوف .. و هنا علي صفحات المحاورات ياما اتكلمنا عن ده ... رحم الله عمدتنا اخناتون و مداخلاته حوالين المبيعات دي ... و بكده كل اللي كانوا شغالين في المؤسسات دي لقوا نفسهم فريسة في ايد صاحب الشركة الجديد اللي اتحولت لقطاع خاص ... و اللي لازم يعوض الرشاوي للي دفعها و يعصر عماله زي اللمونة لتحقيق اكبر نسبة من الربح .. ما بقاش فيه ضمان اجتماعي او تامين و غالبآ مافيش حتي عقد عمل واضح يضمنلهم مستقبلهم الوظيفي .. كل اللي ليهم هو مرتب شهري غالبآ بيستلموه ناقص .. او في ميعاد متأخر .. مرتب عمره ما بيكفي السلع اللي متحاصرين بيها .. و الحل الأستدانة .. القسط السهل في كل حتة .. مشتريات استهلاكية ما بتعكسش حقيقة معانتهم .. ساعات بحس انهم بيتشتروا حاجات غير اساسية لحياتهم فقط كمسكن مؤقت لقلقهم ... يبقي لو صحت الأفتراضات اللي فاتت .. فدور الدولة الأساسي هنا هو انها تتبتدي تراقب القطاع الخاص بصورة جادة فعلآ فيما يخص العلاقة مع العاملين بيه .. التأكد من جدية التامينات الإجتماعية .. مرتباتهم بتتصرف كاملة و في مواعيدها و الا لأ .. عقود العمل صحيحة و عادلة و لا هما عايشين متهددين بالطرد او الإستغناء في لحظة و اعلي ما خيلهم يركبوه .. ما ننساش اننا ابتدينا في مطلع المنحدر ( علي وزن منحدر الصعود ) من ساعة ما طاطينا للمؤسسات الدولية من ايام "يا نادي باريس تعال و حاسبني و جدول ديوني عشانه و عشاني "و ابتدينا في مذبحة القطاع العام .. و عليه ليه ما نبتديش نرجع الإعتبار للقطاع العام ده علي اساس جاد و مدروس .. و حصر لجميع ما بقي منه و متابعة اللي واقف او متعطل منه و اعادة تشغيله ... و للحديث بقية ...
  39. 2 points
    من غير زعل .. لكن لما بشوف مسئول أزهري يهرع لشجب الأعمال دي و يستنكرها .. بفتكر لما المدرس كان بيخليني ارجع المدرسة مع ولي أمري علشان ضربت زميلي .. و لما بابا يسألني قصاده ايه اللي عملته ده يا قليل الأدب .. اقول له ... الله !! مش انت اللي قلتلي أضربه ... لما في مناهج الأزهر اللي بيتم تدريسها للعيال من صغرهم المسيحيين كفار و ضالين .. ما يجوش بعد كده و يتشمللوا قدام الكاميرات و يقولوا كده غلط ... ممكن تقولوا كل حاجة للتبرير و ايجاد الأعذار و عدم فهم النصوص و الأحكام .. لكن في النهاية ده اللي قصادنا ... و اتكرر مليون مرة .. بنفس الوسائل و بنفس الحلول الغبية ... فيه حاجة غلط في الأساس لازم تتصلح قبل ما نشطب العمارة و ندهنها بوية مزخرفة ...بدل ما نعيط علي العمارة المسكونة اللي اتطربقت علي سكانها ... كلهم ..
  40. 2 points
    - وزير الصحة، يتابع منذ الساعات الأولى عملية ضبط شبكة الاتجار فى الأعضاء البشرية - بدء التحقيق مع 25 متهمًا بشبكة الاتجار بالأعضاء وتورط أساتذة جامعات وأطباء بمستشفيات كبرى. - التعليم العالى: فصل الأساتذة المتورطين بتجارة الأعضاء نهائيا حال إدانتهم. - أمناء الشرطة : لا تعايرنى ولا اعايرك .. الهم طايلنى وطايلك ما تسمعينا صوتك يا ست
  41. 2 points
    تورط لا أعرف المقصود بتعبير تورط هل تعني شربوا حاجة صفرا غصبنعنهم ؟ أصبح في الجرايد لما يكون المجرم ذو حيثية يقولوا عليه تورط طبعا مش معروف يعني ذو حيثية الأمر يتطلب دراسة المنشور في الجرائد يمكنن طول السنة اللي فاتت و نشوف نطلع بقاعدة مين هم ذوي الحيثية هل عندكم معنى آخر ل كلمة تورط ؟
  42. 2 points
    Scorpion

    فن التفنيد و التنجيد

    يا سلام !!! غالية و الطلب رخيص حضرتك قولي بس كده ان فيه حاجة ايجابية في مصر او حاجة سلبية في اوربا او امريكا .. و محل مخدات و شلت و مراتب حيتفتحلك علي مصراعيه ..
  43. 2 points
  44. 2 points
    Grandma

    ماذا تعرف عن صدمة نيكسون؟

    شكرااا على المعلومات المفيدة استاذ اسلام أول مرة أسمع عن تعويم الدولار الامريكي و صدمة نيكسون احنا كدا عايشين خدعة كبيرة ما الحكومة المصرية تطبع براحتها ورق بنكنوت و على ما تيجي أمريكا تحاسبنا على غطاءنا من الدولار يبقى يحلها ألف حلال ، ولا نقولهم وفين غطاءكم انتم من الدهب !!
  45. 2 points
    هو لسه فيه حد متعاطف مع الربعاويه بعد اعترافات احمد المغير ؟؟؟؟؟؟ ده ادمان كده بقى مش تعاطف الراجل جهادي واعترف بوجود سلاح رهيب و تم اخراج 90% منه بسبب الخونة في صفوف الاخوان يبقى التعاطف المنطقي والانساني يبقى مع اللي حب يخرج و مقدرش فقط!!!!!!!!!!!! ولا دي فيها كلام؟
  46. 2 points
    .... لذا سأقتبس كلمات العزيزه عطر هذا إن اذنت لي ... عودا احمد كل سنه وحضرتك منوره الدنيا كلها
  47. 2 points
    تحياتي: . للأسف اشعر ان تلك الأيام هي ما تسمى بالايام السوداء .. اذكر اننا لم نري مثل هذا التسيب منذ سنوات وسنوات. اذكر وقت توزيع الملاحظين للثانوية العامة بيكون قبلها بمدة وجيزة وكانت تتواتر الأخبار عن أماكن بعينها نائيه انه لازم الغش والأهالي هناك مجهزين كل حاجة لكن في اغلب الاحايين لا تفلح لإصرار الملاحظين والداخلية المنوطة بالحماية. اما ما حدث السنوات الماضية وهذا العالم فاق كل الوصف وضيع كل الفرحة بالانجازات السابقة للأسف . انها مافية يا سادة وتم السكوت عنها بل من اتهموا في السابق مازالواحتى اليوم يعملون في الامتحانات .. لم نسمع عن احد تتعاقب ولا ذكر اسمه واتجرس ولا أولياء الأمور الذين دفعوا وسهلوا ولا الوزارة التي مكنت لهم بل وعقدت لبعضهن لجان خاصة !!!! وعليه اتضح الحين سبب وسر الخراب والفساد اللي في المحروسة الغش اساسه. موظف فاسد. مسؤول فاسد كله فاسد لانه كان طالبا غشاشا ابن والد فرح بغشه ونجاحه !! طيب من نتهم والوزارة عندها مطبعة خاصة بها؟؟! ارى لو تقف الامتحانات عاما او أكثر لننظف ونضع أيدينا على كل مشتبه او متورط ونبدأ على نظيف . اما وضع مراهم على جرح به قيح فلا فايدة منه.. مزيدا من الهدر ومزيدا من الغشاشين .... سومه
  48. 2 points
    كل سنة وانتم جميعا طيبين رمضان كريم بالرغم من بعدنا وغربها. . إلا أن رمضان يجعلنا نعيش لحظات المحبة والحب وكل الذكريات الجميلة. مصر حلوة رمضان شهر جميل.. ولكنه في مصر الحلوة له طعم تاني.. احساس مختلف روعة العيلة الكبيرة وهي ملمومة على الفطار.. وصلاة التراويح وجلسات التسامر بعدها مع الاصدعاء والاهل حاجة تانية خالص بمناسبة رمضان مصر بكل ما فيها حلوة.. حلوة جدا
  49. 2 points
    ألف ألف مبروك فعلا من مدة لم نر الفرحة .. كما لو كنا نسينا الفرح اللهم زيدك و إبنتك و أسرتك أفراحا و أفراحا سؤال تقليدي صاحبته الأصلية الفاضلة سلوى " هي الفرحة لونها إيه ". سألتنا هذا السؤال عندما رزقت بحفيدها الأول الفاضلة عطر هي الفرحة لونها إيه؟ إحكيلنا عن إبنتك و خطيبها هل هم أقارب .. زملاء دراسة .. زملاء عمل .. جيران
  50. 2 points
    كلما رأيت أخبار أو صور مؤلمة أو فيديوهات صادمة عن الحال في بورما من البوذيين أتأثر لها ولكن دائما أشك في صدقها يا أيها المشيرون لهذه الأخبار ... البوذيون في بلاد أخرى مثل الهند يعيشون مع المسلمين في سلام فما هدفكم ؟ وإذا كان ما تنقلونه صحيحا فلماذا لا تتألمون لألمهم ؟ .... ولماذا لا تجعلون قضيتهم قضيتكم الإسلامية دوليا أينما حللتم ؟ ولماذا لا تجمعون لهم التبرعات وترسلون لهم الإسلحة كما تفعلون للجهاد ضد حكومات دولكم الإسلامية وضد شعوبكم العربية ؟ وهل قضية رجوع مرسي والانقلاب المترنح وإزاحة السيسي طغت على كل القضايا عندكم ولا تذكرون غيرها عالميا ؟ وهل الشيعة عندكم كما تقولون أشد خطرا من اليهود وبالتالي من البوذيين ولذلك تحاربون أنفسكم فقط ؟ وهل أنتم مستمرون في كونكم أسود علينا وأمام الخارج نعامة وكل همكم هو الاستيلاء على الحكم في بلادنا وإسالة الدماء وانتهاك الأعراض وتشريد الناس فيها ؟ ماذا فعلتم لأخواتكم البورميات ؟