لوحة القادة


Popular Content

Showing content with the highest reputation since 26 ينا, 2017 في جميع الأقسام

  1. 3 points
    أبو محمد

    يلا بينا نسهر ..

    طيب .. تقِّلوا فى اللبس شوية المونتيرة الفنانة مها النجار عازمانا نسمع "كل ده كان ليه" .. بس على الجليد فنانة .. بحق .. منتهى الرومانسية ومنتهى الرقة والرقى
  2. 2 points
    Adel Nouh

    هواية صيد السمك في مصر و العالم

    السلام عليكم ورحمة الله وبركاته لى الشرف فى انضمامى لمنتداكم الجميل و دى اول مشاركه لى فى المنتدى ( هواية الصيد فى مصر والعالم ) وبمتابعتى للمداخلات لم اجد احد تكلم عن اسماك البحر الاحمر او خليج السويس او اسماك القناه وخلافه من البحيرات ( على فكره انا من السويس وفوق السن يعنى مش كبير قوى يعنى يدوبك 67 سنه صغير صح ) وهوايتى صيد السمك فى السويس والغردقه والطور الصيد يختلف من مكان لمكان من حيث عدة الصيد والطعم. وان شاء الله سنتكلم فى هذا الامر اذا كانت لحضراتكم الرغبه والعوده مره اخرى لهواية الصيد فى مصر والعالم لان اخر مداخله كانت من الاستاذه سلوى المشرف العام فى 2014. وشكراً 0
  3. 2 points
    tarek hassan

    فيديوهات أعجبتني

    اعتقادي أن صدقة العلن مطلوبة مثلها مثل صدقة السر ( سرا وعلانية ) ... وأحيانا لها حكمة التأسي والاقتداء أما إذا كان المقصد هو الإعلان فهي فكرة ذكية .... ظاهرها الرحمة وباطنها الإعلان .... وربنا يجعل لك صاحب عمل نصيب في الخير مع الرزق
  4. 2 points
    Salwa

    فيديوهات أعجبتني

    تحية وسلاما. أظن أنها أنشودة بلهجة خليجية لكن الفيديو يحكى عن أسرة...غير عربية. الابن يعمل ويريد مساعدة أمه...أظن أيضا أن الأم تغسل الملابس للغير وتحصل علي أجر قليل وتمضي وقتا طويلا فى العمل ويظهر هذا واضحا على يديها. استطاع الابن توفير بعض المال وذهب لشراء غسالة لوالدته...لكن ماله لا يكفى ثمن الغسالة ... عندما لمحه صاحب المكان....رق قلبه.. راقبه ثم أوصي العمال ب إرسال غسالة لمحل سكن الطفل. هو فيديو يدعو للتكافل الاجتماعى والتراحم بين البشر. أعتقد أن التراحم بين البشر لا علاقة له بالأديان ولكنها فطرة موجودة فى كل نفس إنسانية لكنها للأسف لا تظهر فى نفوس البعض. سلام
  5. 2 points
    Salwa

    قصائد الهايكو

    تحيات وتمنيات بكل ماهو طيب لكم جميعا.. اسمحوا لى ان اتحدث معكم اليوم عن - نوع من الاشعار - غير معروف وبمعني ادق....غير منتشر وهي اشعار أو قصائد الهايكو . تروق لي كثيراااا..اكثر مم تتخيلون ...وسمحت لنفسي اليوم ان تشاركوني متعة التفكر والتأمل فيها.. اكتب لكم كبداية...نبذة عنها.-https://ar.wikipedia.org/wiki/هايكو------------------------------ هايكو أو هائيكو (باليابانية: 俳句) هو نوع من الشعر الياباني، يحاول شاعر الهايكو، من خلال ألفاظ بسيطة التعبير عن مشاعر جياشة أوأحاسيس عميقة. تتألف أشعار الهايكو من بيت واحد فقط، مكون من سبعة عشر مقطعا صوتيا (باليابانية)، وتكتب عادة في ثلاثة أسطر (خمسة، سبعة ثم خمسة). https://ar.wikipedia.org/wiki/هايكو
  6. 2 points
    Scorpion

    الفيفا تعلن مصر ال 23 عالميا

    كل دي دول شعوبها متخدرة .... !!!! عالم فشلة صحيح ...
  7. 2 points
    المشكله فى الردود ان كلامى اتفهم غلط مع انى اعتقد انه واضح مفيش مشكله لو قلنا ان ايات عرابى ومن على شاكلتها فرحوا لفوز الكاميرون على مصر نكايه فى نظام سياسى هما ضده لاسباب كتيره جدا شايفين ان النظام ده هيستفاد باللقطه وان انجاز حصل فى عهده ....الخ انا راى الشخصى ان ده مجهود لاعبين مصريين ملوش علاقه بالسياسه وانهم اخطا فى تعبير زى كده لكن فى نفس الوقت ضد فكره الخيانه والعماله والكلام المخابراتى ده ثانيا انا من عشاق كره القدم واعرف اغلب الخطط التكتيكيه لان ممارس لكره القدم وبعشق منتخب مصر ونادى الزمالك لكن الاهتمام الاعلامى والشعبى بالكوره اكتر من الاهتمام باصلاح حجات اهم من خلالها كل حاجه هتبقى عندنا متقدمه زى الاهتمام بالتعليم والصحه والتنميه الاقتصاديه يعنى لو استثمرنا توحدنا دايما مش فى متش كوره بس فى المجالات المهمه دى هيكون مستقبلنا وثقافتنا واجتماعياتنا ارقى من كده
  8. 2 points
    فعلا إستطاعت كرة القدم أن تدفع بالبهجة في قلوب المصريين ، فعلا كنا كما لو كنا سقطنا كلنا في حالة من الإكتئاب القومي ، مرات معدودة التي خرجت فيها مع زوجتي ل وسط البلد .... و لست وحدي سألت العديد من أقاربي و معارفي البهجة كانت تشع من عيونهم. و ثبت أننا قادرين على البهجة الجماعية و ثبت أيضا ضرورة إستئناف كل الأنشطة الرياضية على مستوى الوطن. و للعلم لست كرويا و لا أفهم في الكورة
  9. 2 points
    أبو محمد

    يلا بينا نسهر ..

    لما باشوف الموضوع ده بافتكر أغنية نجاح سلام : الليلة الليلة الليلة .. سهرتنا حلوة الليلة اسمحولى - للتغيير يعنى - أعزمكم على باليه :: // :: // :: ؟؟ // :: ؟؟ // :: ؟؟ ؟؟ ؟؟ ؟؟ ؟؟ ؟؟ بحيرة البقر
  10. 2 points
    مساء الخيرات. فعلا يا استاذ انا معك في استغرابك هذا !! واتعجب كيف يعيشون على أرض مصر وينعمون بخيراتها ثم يفرحون لكل شر تصاب به!!! بعد انتهاء المباراة مباشرة فوجئت بأصوات تأتي من الشارع وطبل وزمر وهتاف للكاميرون في البداية ظننت إنها الروح الرياضية لكن بعد لحظات علمت انهم من الشامتين .ناهيك عن ما اقرأه في الفيس بوك والتويتر بجد حاجة توجع القلب فعلا. اما عن الحادث الأليم أي نعم إنه أكثر من موجع ولكنه لم يكن الأول ولا الأخير ومن حكايات الناجين منه ان السائق قال لهم ان السيارة بلا فرامل ومن عدة سنوات وكثرة الحوادث وللأسف المشفى اللي في شرم الشيخ بلا أطباء اكفاء ولا اجهزة وقداصيبت عائلة بنت شقيقتي من سنوات واسرة زوجها كلها مات الكثيرين في البص الصغير وبترت اعضاء من عدد منهم وتأخر العلاج والطائرة كي تأتي وتنقل المصابين أتت بعد اثنى عشر من الساعات بعد التوسل المهين من الزوجة ..ابنة شقيقتي..للمحافظ وبعد الموافقة جاءت بعد الساعات دي وكان الامل في عدم البتر ضاع.للأسف. طبعا انا قصصت تلك القصة كي أؤكد انا الحوادث لن تمنع طالما لاقانون يردع السائق المتعاطي ولا اهتمام بالمشافي في تلك الآماكن النائية.وهاهي حادثة امس الاول لها نفس الضحايا في طريق اسيوط وكأن كتب علينا الحزن. نأتي إلى المباراة..الا تلاحظون معي اننا اعطينا الاستعداد لها اكثر من اللازم؟ وان الاعلام احتفل بالفوز قبل أن تبدأ وافردت البرامج لها لذا كانت صدمة الهزيمة .واهه درس حتى لا نعطي الأحداث أكبر من حجمها. والحمد الله الله أراد ألا نغضب وجبر بخاطر المحروسة وأتى لنا ببطولة على القارة الأفريقية بطولة اليد للبنات الحمد الله وستواصل في البطولة العالمية في المكسيك. أما من يفرح في مصائب مصر دول لا اجد لهم وصف ..وأعتقد أن علماء النفس أيضا محتارين في ..... وعلى كل كانت لمحة حانية وراقية من الريس عندما استقبلهم وسلم عليهم . سومه
  11. 2 points
    لما حد يعرض عليك جنسية الماني في مقابل انك تتنازل عن جنسية بلدك وانت تقوله لا انا مصري ومن الاقصر يعني صعيدي ولسة باتكلم لغة أهل الصعيد ٠٠٠إوعي تفتكر إنك مجنون إياك تخاف من حد يقول عليك ساذج اقرا حكايته من الاول عشان تعرف اسمه ابراهيم سمك من الاقصر تخرج من هندسة اسيوط حب واحدة المانية وتزوجها سافر معاها شتوتجارت وطبعا عمل دكتوراه هناك أول عمارة في شتوتجارت وأطول عمارة عملها بالطاقة الشمسية إخترع لمبة شارع بتشتغل بالطاقة الشمسية لمدة ٥٥ أيام متواصلة بدون شحن ودي أطول مدة ممكن تغيب فيها الشمس في المانيا الابتكار بتاعه دلوقتي موجود في ٢٥٠ بلدية في المانيا قالوا له عاوزين نشغل محطة قطارات برلين اللي هي أكبر محطة قطارات في أوروبا بالطاقة الشمسية قال لهم من عينيا بس كده ٠٠٠ ده عمل وحدة الطاقة الشمسية بتاعة البرلمان الالماني والمستشارية الالمانية تخيلوا بقي إن الست ميركل وهي قاعدة في مكتبها النور اللي بتشتغل فيه من الدكتور ابراهيم سمك ابن الاقصر شركة مرسيدس عملت مصنع كبير اسمه مصنع الالفية في شتوتجارت بيشتغل بالطاقة الشمسية واللي عمله برده هو نفسه ابن الاقصر قالوا له انت كنز ياريت تاخد الجنسية الالماني وتسيبك بقي من المصري قال لهم لا انا مصري وعمري ماهاتنازل عن جنسية بلدي انتخبوه رئيس مجلس ادارة الاتحاد الاوروبي للطاقة المتجددة ٨ سنوات متتالية ادوله اعظم وسام في المانيا وهو صليب الاستحقاق واستلمه من المستشار الالماني شرودر بنفسه لما قابلته في برنامج مصر تستطيع كان نفسه يعمل حاجة للبلد وبعد عرض الحلقة في قناة النهار اليوم حصل استجابة بقي عضو في المجلس الاستشاري العلمي للرئيس كان ورا فكرة بيع الطاقة الشمسية من البيوت للحكومة كان بيحلم ينقل تكنولوجيا الواح الطاقة الشمسية لمصر وبالفعل بيشتغل علي المشروع وقريب جدا جدا هتلاقوا مصنع كبير قوي في مصر بتكنولوجيا لألواح الطاقة الشمسية بتوفر ٥٠ في المائة من التكلفة ومش موجودة في العالم غير في مصر الدكتور ابراهيم سمك مشكورا وافق علي حضور مؤتمر بعلمائها مصر تستطيع اللي بتنظمه وزارة الهجرة مع شبكة تليفزيون النهار ومتحمس وعنده افكار جديدة وكثيرة للبلد منقول لان مسيرته تستحق ..
  12. 2 points
    Scorpion

    لغز مخترع "جهاز الكفتة"

    كان هذا إنطباعي الشخصي مع بداية الترويج للمعالج النبوي ابراهيم عبد العاطي ... و الذي للتاريخ تقع مسئولية اعطائه تلك الصلاحيات علي عاتق طاقم الرئاسة السابق برئاسة عدلي منصور و ليس السيسي : و بعد كل تلك التأجيلات و الفرص المتاحة لأثبات جدية هذا الإختراع و صلاحيته بدون رد قاطع حاسم ... مما يدل انه كما اطلقت عليه في حينه فنكوش آخر لا يصح بنا ان نصدقه .. و أقولها الان بضمير مستريح .. فليس هناك ما يشير الي أي جدية بالفعل ... الآن تبدا العجلة في الدوران من جديد حول علاج آخر و كالعادة مع ما يصاحبه من تصريحاته مثل جري أمريكا خلفه و تصارع الدول علي الحصول علي وصفته بكل الوسائل الترغيبية و التهديدية ... نظام شربة الحاج داوود اللي بتطلع الدود .. اللي في امريكا ب 100 دولار و اليابان بالف ين لكن عشانكم عملتها بعشرة ساغ .. و في حالتنا بدلا من ثمن صباع الكفتة أصبح ثمن علبة سجائر !!!! مالنا يا مصريين .. كيف نصدق بل و نبحث عن تبريرات تصل الي مؤامرات دولية .. و لصالح من ؟؟؟ عار عليك ان تخدعني مرة ... عار عليا ان تحاول ان تخدعني للمرة الثانية بدون انزال اشد العقاب عليك و من علي يساعدك ...
  13. 2 points
    نظرا لعدم قدرتى على الدخول المنتظم على النت إسمحوا لى بهذا التعليق المقتضب لايجب أن نتكلم فى العلوم "التجريبية" بمنهج العلوم الانسانية كل الانجازات العلمية - تقريبا - كانت خيالا فى وقت من الأوقات التجربة والخطأ .. كانا أساس كل اكتشاف أو اختراع مبهر
  14. 2 points
    herohero

    صورة و تعليق

    ترامب العزيز .... لاسف انت رئيس لدولة لديها شعب عارف حقوقه وبيقدر يتكلم خسارتك انك مش في العالم العربي كنت ابدعت
  15. 2 points
    فعلا هو كان جاسوس للمخابرات البريطانيا وناشط سياسي وتابع للحزب اليسارى يعنى جاى حضرته مش مجرد طالب عادى حلو وامور بيدرس فى الجامعه الامريكيه جوة مصر لاء هو جاى يخرب مصر وهل لو مصرى عمل كدا فى ايطاليا كانت ايطاليه هتطبطب عليه مثلا او بريطانيا .. كلنا عارفين انه جاسوس داخل متراقب جوة مصر و مننساش انه ذباح داعش بريطانى يعنى المخابرات البريطانيا مبتغلبش ومش يمكن بريطانيا اللى قامت بالواجب ما له صديقه انجليزى من فريق الجواسيس كانت ساكنه معاه فى الشقه مش يمكن قتلوه ورموه ليه يعنى هى الشرطة فى مصر اللى قتلته شهادة فيديو مصور ريجينى
  16. 2 points
    tarek hassan

    مقولاتي المفضلة _ My favorite words

    شكرا جزيلا ...... حقيقة .... في الزمن ده المحتفظ بتوازنه وأخلاقه وثباته الانفعالي كالقابض على الجمر .... لكن هناك من رزقهم الله الصبر والحكمة ..... ربنا يجعلنا منهم ويتقبلنا حاجه تانية .... نأخذ الحكمة من ذوي الخبرة والتجارب وذوي الأخلاق الرفيعة أيا كانت ملتهم أو أوطانهم الإنسان المعادي لغير ملته الرافض لغيره إنسان منغلق محدود المعرفة
  17. 2 points
    الفكرة بااختصار - البذور بتحتاج لفترة سكون جنينية قبل الانبات. *Cold Stratification هو الاسلوب اللى استخدمه فريق البحث المصرى - وهى معالجة البذور بمحاكاة ظروف الشتاء الطبيعية و كسر مرحلة السكون الجنينية. بتختلف فترة التطبيق على حسب نوع البذور و الظروف المحيطة. و بشكل عام الاسلوب ده شائع استخدامه فى البستنة المنزلية. للاسف - الخبر ناقص التفاصيل لانه لم يحتوى نشرية الدراسة - المفترض ان اللى يقدمه فريق البحث - البروتوكول اللى تم استخدامه و اللى بيحدد درجة الحرارة التي تعطي افضل انباتية للبذور و التجربة نفسها كانت فى الظلام ام بوجود الضوء و انواع بذور القمح اللى تم استخدامها فى الزراعة. و ايضا يجب ان تتبعها دراسة تحدد ثأثيرها على التربة و تاثير الاجهاد و غيره. و ايضا كيفية قياس النتائج لتحديد نجاح التجربة - مثلا استخدام مقياس مثل weighted germination index (WGI). التفاصيل اللى تم الاشارة اليها فى محتوى الخبر من اليوم السابع : *الطريقة المستخدمة تمت الاشارة اليها بشكل سطحى "معاملة حبوب القمح بالتبريد من خلال درجات برودة معينة، ومدد برودة محددة". *حدد انواع الرى التى تم استحدامها : الرى بالغمر العادى، والرى بالرش "الثابت والمحورى" *حدد انواع بذور القمح : جميزة 11، وسدس 12، ومصر 1 *تم تطبيقها فى الاراضى الرملية و لم يتم تحديد ملوحة التربة Soil salinity. *طريقة قياس غير دقيقة للانتاجية بالاعتماد على المتوسط الحسابى و عدم ادراج الانحراف المعيارى و عدم استخدام اختبار احصائى لتحليل التنوع. مثلا النشرية التالية بتناقش فرضية التطبيق بالتبريد لزراعة القمح مع اجهاد ملحى بالمقارنة مع الطريقة التقليدية و النتائج لم تكن ايجابية و لكن بتعطى مؤشرات ايجابية لتحسن الانبات فى التربة المالحة. W. (2011). Cold stratification, but not stratification in salinity, enhances seedling growth of wheat under salt treatment. African Journal Of Biotechnology, 10(66). doi:10.5897/ajb11.2257 و اهم نقطة scalability كيفية تطبقها على نطاق واسع - فى بعض الاحيان الطريقة المستخدمة لاتسمح بامكانية تطيق واسع و بيتم استبداله بطرق اخرى مثل تطبيق ميكانيكى او كيميائى. من قرائتى للخبر الاتجاه هو تدريب الفلاح لتطبيق التبريد على البذور بنفسه و فى اعتقادى اى فلاح متخرج من كلية هندسة زراعية ممكن بالفعل يبدأ بتطبيقها بمجرد قرائته للتفاصيل. .بخلاف ذلك - خطوة فى الاتجاه الصحيح و بالتوفيق لفريق البحث. مراجع: http://www.ajol.info/index.php/ajb/article/download/97228/86542 https://www.researchgate.net/publication/225829687_Temperature_effects_on_seed_germination_and_expression_of_seed_dormancy_in_wheat https://en.wikipedia.org/wiki/Stratification_(seeds)
  18. 2 points
    عطر الجنة

    يلا بينا نسهر ..

    فعلا اعمالها تستحق المشاهدة و الاطراء و الثناء عليها .. و بسهرة اخرى ..
  19. 1 point
    نشوة هاشم

    Health care in Egypt is appallling!!

    ما تقوله لا يختلف عليه إثنان .. ولقد إنتظرت طويلا أن أسمع من أحبائنا فى الخارج عن وجهة نظرهم فى مشاكلنا هذه و لكنى أتوقع أكثر مما قلت أتمنى أن تكتب لنا عن تنظيم مهنة الطب عندكم كيفية الرقابة على الطبيب دور النقابة فى الرقابة على كليات الطب كيف يجبر الطبيب على أن يكون مواكبا للحداثة .. و أهم شئ كيفية تنظيم التأمين الصحى و علاقة الممارس العام بالتأمين الصحى و الأجور هل تعلم أن شباب الأطباء هنا فى مصر يعانون مثل السباكين و يدورون على المستوصفات و المراكز الطبية الصغيرة لمجرد البقاء
  20. 1 point
    Scorpion

    أخبار متفرقة عن أهل الذمة

    والله الواحد مش عارف يودي الجمايل دي فين ؟
  21. 1 point
    بل قل يا سيدي سيتم التحايل كما يتم التحايل الآن في مصر للتهرب من الكشف الطبي الملزم قبل الزواج !
  22. 1 point
    Salwa

    في بيتنا مريض سيلياك.

    ارجو ان اكون قد استطعت توضيح ما هو السيلياك. للأسف ..كثيرون من الآباء لا يتحملون رؤية ابنائهم الرضع يخضعون لتحليل شامل أو..منظار..ان استدعى الأمر. ولا يبحثون عن اصل الداء ان اشتكى الابناء . للأسف ايضااااا..اكثر اطباء الأطفال لا يتعرضون ولا يعرضون عن كتابة حليب بديل للرضاعة الطبيعية ..عمل اختبار اولا. لان الاطفال مرضي السيلياك ..فى البداية ايضا تكون لديهم حساسية ضد اللاكتوز..ولعل هذه النقطة لم يتعرض لها كل من تحدثوا قبلا فى الوصلات التى وضعتها سابقا.. على اساس التفرقة بين مرضى السيلياك ومرضى حساسية لاكتوز الحليب ومشتقاته. عموما.. يجب قرع اجراس عالية الصوت للنظر بجدية لهذا المرض وتوفير كل سبل العيش الصحي لجميع اطفالنا..ويجب ان يكون التحليل اجبارى في مراكز مدعمة . لنا عودة ان شاء الله.
  23. 1 point
    بشمهندس انا مع كلام حضرتك رغم ان مش بحب القيود ف البيزنس لكن شر لابد منه واجراءات اظنها لن تطول لاعادة الامور الى نصابها يعني لا انكرك ان مش مرتاح ان لو معايا نقد اجنبي اجي عشان ابدله لازم اجيب مصدر يثبت هذا النقد لكن مش مشكلة مادام ده للصالح العام لكن انا مازلت مصر ع وجود خطوات اخرى بالتوزاي مع مايحدث من اعادة ضبط للسوق ونفسي يجي اليوم اللي الدولار يبقى شئ عادي ولا يمثل سلعة كما هو الحال في مصر
  24. 1 point
    suma

    وصفة حماتي

    بسم الله الرحمن الرحيم منذ يومين والصداع يلازمني،لم أدعوه ولم أفتح له بابا لكنه سقط على رأسي وكأن هناك قرابة أو ألفة سابقة حاولت معه بكل الحيل التي أجيدها فشلت وكأنه تآخي مع اقراص البنادول التي أحاربه بها !! فأدمنها هو وبقي عندي ترى هل فقدطريقه أم وجد عندي الآمان؟!! قديما في بيت أسرة زوجي في الريف كانت حماتي( رحمها الله تعالى) عندما اشكو من وجع رأسي..وقلما كان يحدث وقتها.. كانت تقوم وتجهز براما من اللحم والبصل الكثير وتتركهم على ..الكانون..وتتابعه ثم تقدمه لي قائله جربي الصداع سيذهب وفعلا اقسم بالله كنت آكل من هذا الطاجن من هنا ويذهب الصداع من الناحية الثانية لم؟ كيف؟ لا ادري ولن ادري فهي رحلت عن دنيانا . عرضت عليها أن تطبخها على موقد عادي.؛ أبت قائلة: هو في شيء زي نار الكانون! كنت اتابعها وهي أمامه وتعلمت منها كيفية استعماله وضع الحطب بالقانون ومتى انفخ في النار كم كنت سعيدة وقتها ...ولأن طعم طاجنها جميل ومميز كنت اتظاهر بالصداع فكانت تسألني..هل عند صداع صدق ولا عايزاني اعمل لك طاجن اللحم؟؟ ولأنني كنت غشيمة في الكذب ولا اجيده، ولازلت.كنت اصمت فتقول عنيكي بتضحك اهه..لكنها لطيبتها كان تطهوه لي ...جربت بعدها ان افعل مثله عدة مرات لكن لم يكن في مذاقه وكأنها كانت تضع بعضا من روحها وقلبها الطيب وقت أن تسويه لي..رحمها الله وغفر لها فمثلها لا ينسى . سومه
  25. 1 point
    عطر الجنة

    كيرمت و أنا

  26. 1 point
    تهنئة قلبية لنادي الزمالك العظيم و اتمنى ان تكون فاتحة لإنهاء العقدة الأزلية امام الأهلي....
  27. 1 point
    أبو محمد

    أخبار نادي الزمالك

    ماتش السوبر ده مؤامرة اهلاوية لكي يستمر حلمي في تدريب الزمالك و يخسر الدوري نظرية المؤامرة مش دايما غلط الدليل كورة أجاى فى آخر دقيقة اللى شاطها بطريقة تيريبتت تى المبتكرة وضربة الجزاء بتاعة حسام غالي صاحب الضربة الجوية الأولى فى عالم كرة القدم
  28. 1 point
    Salwa

    قصائد الهايكو

    علي ديوب هطل المطر من قلبي تفوح رائحةُ التراب * المقصلة الصدئة تزيّنها طحالبُ حمراء * عندما ولدت زرعت أمي شجرة اليوم أرى عليها الاصفرار * من التراب وإلى التراب نعود دودة الأرض فهمت الحكمة جيّداً * الزلزال المدمّر انتهى شاهدة القبر ما تزال واقفة * على جسر النهر العائلة تنتظر الجثمان * غريبٌ أمر الرّياح أنحني لها فتنحني لي ***
  29. 1 point
  30. 1 point
    أنت نسيت الزلازل يا هيرو أنت اللي حشرت الإخوان في كل حاجه ..... مش إحنا الموضوع عن اعتبار الإخوان جماعة إرهابية في أمريكا كما هي وفقا للقانون في مصر أنت لو عايز تدافع صح حاول تنفي عنهم تهمة الإرهاب مش تقعد تقول بلاعات وصرف صحي كده لغوشة وخروج عن الموضوع الأصلي ياريت تخش بالمفيد
  31. 1 point
    Grandma

    البلطجة

    لا ما انا عارفة المعلومات اللي في اللينك لانها نزلت في مواقع كتير .. وعارفة كمان انه أسس _ للمفارقة المضحكة _ حاجة اسمها ( مواطنون ضد الارهاب ) راجل حويط يعرف من أين تؤكل الكتف .. لكن الجديد _ ولو اني خمنته _ ان ثروته طلعت من النصب زي رجال أعمال كتير .. يعني بلطجي كبير و الكبير بيطلع في الغالب زي الشعرة من العجين خصوصا بقى لو وكل محامي زي فريد الديب .
  32. 1 point
    ربما تشتت الاولويات الوطنيه والانشغال بمتطلبات الحياه الشخصيه كان سبب فى المفارقات الثقافيه للمصريين مما ادى الى التفاف الشعب وراء بطوله كره قدم ونسى هو فى الصحه رقم كام فى التعليم رقم كام فى الدين .....الخ لو سخرنا توحدنا فى ماتش كوره على فكره لاصلاح ركن من اركان الدول المتقدمه زى التعليم والصحه هنبقى الاول حتى فى الرياضه , اللى بيتابع منتخبات المانيا وفرنسا ....الخ هيلاحظ ان حتى الكوره اصبحت تقنيات بدنيه ونفسيه ومهاريه بيتم اكتسابها من خلال مدربيين واطباء واعداد بشكل منتظم
  33. 1 point
    Grandma

    يلا بينا نسهر ..

    صعبتوا علىّ يا جماعة ما ينفعش اسيبكم في البؤس دا اتفضلوا معايا بس البسوا اللي عالحبل
  34. 1 point
    عادل أبوزيد

    يلا بينا نسهر ..

    فين إنتم من زمان ؟ حرام عليكم ما دام بتعرفوا تعطونا لحظات من السعادة و الجمال سايبينا ليه في حال نكد برضه الفن يا جماعة ده غذاء الروح حتى لو كان حزايني. قرأت من كام يوم في عمود "نيوتن في المصري اليوم" عن دويتو بإسم غربة لأحمد عدوية و إبنه .... صراحة الكلام قطع قلبي : كل شىء له وقته وظروفه. اليوم وجدتنى أتأثر جدا، بالدويتو الجديد للفنان أحمد عدوية وابنه محمد. أعجبنى. لكلماته. لألحانه. للحالة التى بين الأب والابن. وللشجن الذى أجده فى صوت عدوية. الابن – هلم الهدوم والهموم واللعب، وصورة حبيبتى اللى بين الكتب وهاكتب لصاحبى اللى سافر جواب، هأقوله ان صاحبك حبيبك تعب.. وقرر يسافر الأب– مسافر وفاكر هترتاح هناك، وتاخد صحابك وحلمك معاك، ومامتك وأختك وخالتك، وأوضتك، هينفع تسيب اللى حبك وراك الابن– هسافر واجرب الأب– بتكدب بتهرب. الابن– ما يمكن هتضرب الأب – ما تسأل مجرب؟ الابن– أنا جبت آخرى. الأب– يا واد لسه بدرى. الابن– ما توجعشى راسى. الأب– وليه تبقى آسى. الابن– وإيه اللى فيها؟ الأب– دا فيها وفيها. الابن– بطالة ومشاكل. الأب– دا بجنيه بتاكل. الابن– فكرك هينفع؟ الأب– دا ينفع وينفع. الابن– أنا نفسى تسمع. الأب– وأنا نفسى ترجع. الابن والأب– دا فيكى يا بلدى اللى مش عند حد.. دفا وسط عيلة، ومشاعر بجد، هتتعب تلاقى اللى ياخدك فى حضنه، دا فيكى الطيابة اللى فوق كل حد.. ومن تانى تسمع يا عينى يا ليل.. الله.. يا بلدى بحبك.. بناسك وأهلك.. وحقك عليا. أرد الجميل. أغنية موجعة إذا ما سمعتها. لا أتوقف عن التأثر. أخجل أن أقول إنها تكاد تبكينى
  35. 1 point
    أبو محمد

    أكاذيب تكشفها حقائق

    بعد حادث طلبة صيدلة الاسكندرية المفجع إمتلأت صفحات الفيس بوك باستغاثات وانتقادات لعملية نقل المصابين للإسكندرية ولكن شهود العيان اخبرونى بما جعلنى اتعجب من هذه الفئة معدومة الضمير التى تروج الأكاذيب والإشاعات حتى انتشرت إشاعة مضادة مفادها أن من يروجون الأكاذيب هم بعض الطلبة الذين نظموا الرحلة لإخلاء مسؤوليتهم وفى خضم الإشاعات من الجانبين خرج بيان من جامعة الإسكندرية بكل الحقائق وأخيرا قرأت هذا البوست من صفحة الأستاذ الدكتور ياسر زكى رئيس جراحة طب الاسكندرية إقطعوا ألسنة مروجى الأكاذيب والإشاعات
  36. 1 point
    آيات عرابي كانت عاملة حفلة على ال Facebook فرحانة فرح غريب لهزيمة مصر .. ما شوفتش وضاعة بالشكل دا . اللي بيربط بين ارتفاع سعر الدولار و السكر و الزيت وحوادث الطرق وجرائم القتل وكل الاحداث اللي بتحصل في مصر اجتماعية و سياسية و اقتصادية و بين بطولة كرة القدم انسان مافيش عنده منطق . في النهاية لما فريق مصر اللي بيفوز بيتعرف في العالم ان مصر هي اللي فازت بالبطولة بعض النظر عن اي حاجة تانية .. يعني احنا مثلا نعرف ايه عن الكاميرون ومشاكلها ولا حتى مين بيحكمها ؟ كل اللي نعرفه ان الكاميرون هي اللي أخدت اللقب .
  37. 1 point
    امريكا صدرت للعالم الفتونة والصوت العالى اولا بمباركه السعودية اللى اتفقت مع امريكا انها تعلم على اليمن وسوريا وتعلن الحرب على ايران وطبعا السعودية المستفيد الاكبر وطبعا اتظلمت العراق لان العراقيين فى اى بلد مهاجرين محترمين سواء فى امريكا او كندا او استراليا ومتعاونين ومفيش منهم اى قلق بالعكس يمكن اكتر جنسية مسالمه هم العراقيين لكن الوقت الحالى هو وقت الصوت العالى والفتونة وامريكا محتاجة ترفع اقتصادها بدق الطبول وفرض العقوبات وغيره .. الموضوع مش اسلام ولا ارهاب والا كان اولى حظر الدول الحقيقية اللى بتمول الارهاب واولهم تركيا وبعض الدول العربية .. لكن الموضوع سياسة واقتصاد
  38. 1 point
    الخيانه مش محتاجه مبررات .. متحاولش تبرر افعالهم .. وكرة القدم مش مخدر هى عوضت الشعب بفرحه ترفع من روحهم المعنوية بعد الاحداث الارهابية والاقتصادية اللى مر بيها الشعب الفترة الاخيرة ... بالاضافه انها انتماء لبلدهم ويتمنو انها تكون الافضل .. لكن الاخوان بتوع الانقلاب .. نسيو ان المفروض مصر دى بلدهم ولانهم خونة وبلا ولاء وانتماء فشيء طبيعى انهم يشمتو فى مصر .. خسارة فيهم مصر كان المفروض يعيشو بدون ويجربو يعنى ايه يعيشو بلا هوية وبلا اصل
  39. 1 point
    الله عليه .. ابن من أبناء مصر الأوفياء اللي مصر مش بس بتتشرف وتفتخر بيهم انما اللي ممكن تتقدم و ترتقي بفضل أفكارهم وأعمالهم .. سعيدة ان هذا الانسان الرائع انضم لفريق المستشارين بالرئاسة ويارب مصر تستفيد من علمه وخبرته واخلاصه و وطنيته .
  40. 1 point
    رئيس وزراء كندا رجل مثالي .. لو عندنا رؤساء زيه كنا بقينا من دول العالم المتحضر لا و الله انا مش شايفة انه موقف طبيعي حتى لو كنا بننفذ اوامر .. دا لو كان اجانب هما اللي اتقتلوا كنا اتفرجنا على الدموع و الشهنفة و تلغرفات العزاء من كل رؤساء وحكام وملوك العالم العربي ما تتحدانيش ولا حاجة انا متأكدة انهم كانوا هيكونوا واقفين في أول الصفوف عموما الكنديين كتر خيرهم قاموا بالواجب معانا .. مشهد الورود امام المسجد مش هتشوفه في بلادنا العربية
  41. 1 point
    herohero

    ترامب يشعل الحرب على المسلمين

    شوف ياعزيزي ترامب زيه زي اي اللي قبله واللي بعده هدفهم واضح مصلحة امريكا وده الطبيعي تمويل الارهاب وغيره هيحصل بس بوجه اخر وهيقضي ع داعش ويجيب داعش 2 بمميزات افضل وهكذا ومن حقه ومن حق غيره انهم يلعبوا بينا الكرة اللي ياكل من فأسه يتكلم من رأسه ولحد ماناكل من فأسنا هنفضل نتكلم من رأس امريكا ومنفذين لاوامرها ووحياتك بلاش اي شعارات لان اي رئيس سابق واسبق وحالي وقادم هو منفذ لسياساتهم
  42. 1 point
    Grandma

    هبلة ومسكت طبلة

    اللي أعرفه انه فعلا بيقع يبقى ازاي نعتبره لم يقع الا اذا تم توثيقه ؟ مع العلم ان الشيخ خالد الجندي صرح بعدم وقوع الطلاق الشفوي ... يعني المسألة دي فيها خلاف فقهي ولا ايه ؟
  43. 1 point
    tarek hassan

    هبلة ومسكت طبلة

    هو الزواج الشرعي الموثق لم يكن موجودا وأصبح موجودا .... وكان السائد هو الزواج الشرعي العرفي وطالما وثقنا الشرعي في الزواج للمصلحة العامة وللحفاظ على الحقوق يبقى لازم نوثق الطلاق لنفس الغرض وأينما توجد المصلحة فثم شرع الله هل من الشرع أن تكون المرأة مطلقة شفويا ولا تستطيع أن تأخذ حقوقها أو أن تتزوج بآخر وتبقى كالمعلقة لأن الزوج لم يوثق هل يمكن أن تعيش امرأة بحالتين .... بينها وبين زوجها مطلقة وتعامل حسب الأوراق على أنها متزوجة يعني هل بالطلاق الشفوى ممكن تتزوج بآخر وهل يمكن أن ترفع قضية نفقة متعة أو عدة أو نفقة أطفال أو حضانة عدم توثيق الطلاق أصبح يمثل ضررا وتعطيلا للشرع في أمور كثيرة ومن هنا يجب البحث عن حل
  44. 1 point
    herohero

    مستعجب

    حضرتك كده خلطتي بين العام والخاص انا مش ضد ان احرق فلوسي او فلوس والدي انا حر وربنا اللي هيحاسب ،وسلوكي كفرد ده مادام لا يعاقب عليه القانون فهو عادي مش مشكلة مشكلتنا في مصر البذخ او الاهدار او سوء الادارة للموارد من قبل الحكومة المصرية كل واحد حر في فلوسه انما لما تبقى ميزانية الدولة ومصاريف لصالح جهة حكومية من حقي اووووووووي ان اتكلم وازعل ويتحرق دمي الرئيس السيسي دائما وابدا يفكرنا باننا دولة فقيرة وده اصلا موضوع خلاف هل مصر فقيرة في الموارد او فقيرة في ادارة هذه الموارد طيب بالله عليكي لما احنا دولة فقيرة تفسري بايه الاهدار الحكومي اللي ممكن بكل بساطة تشوفيه في اي جهة حكومية وانا ع المستوى الشخصي تعاملت في مشاريع لجهات حكومية واقدر اقول لحضرتك ان كان بيتم التعاقد على اجهزة لم اراها في الخليج !!!!! فماينفعش المكان اللي يشتري فيه Projector قيمته 30الف جنيه !!! سنة 2005 يجي يقول اصل معلش مفيش فلوس عشان نصرف حوافز للعمال وطبعا ياريتها كانت ع اد البروجيكتر ده بلاوي ثانية ايه لازمة الكلام ده !!! هقول لحضرتك قارني موكب اي رئيس دولة عربية بموكب اي رئيس وزراء في الغرب !!! اصلا اشك ان كلمة موكب لها مرادف عند رئيس وزراء كندا والاعجب ان من يشتكي من الفقر هو نفسه يقوم بعمل مواكب اسطوية ومراسم تولي وتنصيب وافتتاح مشاريع ارى انها مكلفة نعم سأظل وغيري كثيري متعجبين ممن يدعي الفقر
  45. 1 point
    كما ذكرت في بداية الموضوع it is too good to be true ، تم عرض الإختراع "جنب الحيط" و تم إحاطته ب "زيطة" غير مبررة الأمر الذي يوحي "بشئ غير مظبوط" و خبر أن الرئيس السيسي سيقوم بالتكريم ... لا أعرف من الذي سيتم تكريمه و لماذا ؟ اليوم إتضحت الحقيقة - و لعلها إتضحت تقريبا في مشاركة الفاضل Simpledevelopper - نشر الدكتور محمد المخزنجي مقالا في جريدة المصري اليوم بعنوان "أرجو ألا يكرمهم الرئيس" و فيه تفاصيل كثيرة عن عبثية الزراعة بالتبريد و إليكم نص المقال : د. محمد المخزنجى يكتب: أرجو ألَّا يُكرِّمهم الرئيس ٢٩/ ١/ ٢٠١٧ عندما تبدأ المبالغة يولد التوجس وتكبر الخشية، ويحوم الشبح المُتكرِّر لإحباطات النهاية التى يفجعنا بها عدم التريث فى تقدير الأمور تقديرا علميا مُدقِّقا ومتحوطا مع دراسات جدوى معمقة وبعيدة النظر، تحاذر من مخاطر الفرح العاطفى بإعلان نجاحات غير مؤكدة، سرعان ما تتكشف عن خيبات تُحبط المخلصين، ويتحول وقعها إلى إيقاعات شماتة لرقص المتربصين. وقد حامت أمامى أشباح التوجس والخشية تلك، عندما خرجت علينا «ظيطة» الاحتفال والاحتفاء بما سموه نجاح زراعة القمح «بالتبريد» لجنى محصولين منه فى موسم زراعى واحد، والتى دشنها فى «التل الكبير» بمحافظة الإسماعيلية يوم الخميس الفائت خمسة من الوزراء والمحافظين والمسؤولين، وأجهزة إعلام جرى استدعاؤها على عجل لتسجيل وتصوير «الفرح»! كنت منذ فترة قليلة قبل اشتعال الظيطة قد قرأت خبرا عن تجارب على هذه الزراعة، يقوم بها «خبراء معهد بحوث إدارة الموارد المائية التابعة لوزارة الرى»، فوضعت يدى على قلبى لما أعرفه عن تاريخ حصادها المُرّ فى إمبراطورية آفلة، وإن كنت تصورت أن يستدعى التفكير العلمى فضيلة الشك والمراجعة لدى باحثين لدينا يُفترض اشتغالهم بالعلم، وهذه الفضيلة هى سمة كل أمانة بحثية ونبراس كل وصول لأى نجاح حقيقى، وافترضت أنه سيكون هناك تريث فى إعلان النتائج الأولية فى موضوع شديد الأهمية والخطورة كالقمح، لكننى بدأت فى فقد الأمل عندما قرأت ما قاله الدكتور محمد عبدالمطلب، رئيس المركز القومى لبحوث المياه، ومفاده «أنه لأول مرة فى تاريخ مصر الزراعى يتم حصاد القمح فى شهر يناير بدلاً من الموعد التقليدى للحصاد فى مايو، وذلك فى إطار تطبيق التقنية البحثية الجديدة للمركز القومى لبحوث المياه التابع لوزارة الرى، حيث تسمح بزراعة محصول القمح الاستراتيجى مرتين فى العام الواحد لتُصنَّف مصر كأول دولة فى العالم تنجح فى ذلك، بما يُعدُّ خطوة جادة نحو تحقيق الاكتفاء الذاتى من القمح، بالإضافة إلى توفير ٤٥٪‏ من استهلاك زراعة القمح من مياه الرى». المبالغة كانت فاقعة لحقيقة أن هذه «التقنية الجديدة» ليست جديدة أبدا، فهى معروفة إلى درجة الفضيحة منذ العام ١٩٢٨ فى الاتحاد السوفيتى السابق، لا كإنجاز زراعى إيجابى، بل كوصمة دمَّرت الزراعة فى عهد «ستالين» الذى تبنَّى أفكار مروجها المُتعالِم المتملق للسلطة «تروفيم دينيسوفتش لايسنكو (١٨٩٨- ١٩٧٦) الذى كان من أهم أسباب طرد خروتشوف من الحكم لمواصلة دعمه تخريفات وتخريبات هذا اللايسنكو ذاته. ثم إن مبالغة الدكتور عبدالمطلب فى أن «هذه التقنية ستُصنِّف مصر كأول دولة فى العالم تنجح فى ذلك»، هى مقولة تدعو للأسى والذعر، مخافة أن تجعل «هذه التقنية» مصر، إذا طُبقَّت وتفشَّت دون تَدبُّر، ثانى دولة فى العالم تتحطم زراعتها بتقنية سيئة السمعة، ومظلمة التاريخ. كل هذا دار فى ذهنى حيال ظيطة التل الكبير يوم الخميس الماضى، وخشيت أن أكون مُبالِغا فى المخاوف لمجرد أننى تعرفت كقارئ للثقافة العلمية على تجربة تاريخية فاشلة فى زراعة القمح وُلِدت منذ تسعين سنة ثم دُفِنت مُشيّعة باللعنات عليها وعلى صاحبها، وقد يكون جد عليها جديد يجعلها ناجحة ويجعلنى مُتجنياً، لكننى قرأت فى جريدة الشروق، صباح الجمعة، تغطية مهنية جيدة لضوضاء يوم الخميس نفسه، حيث لم تكتف بتصريحات أصحاب الفرح، بل أوردت آراء مُغايرة لغيرهم، فنقل محررها «السيد علاء» عن الخبير الزراعى الدكتور على إبراهيم: «إن بعض تفاصيل التجربة الجديدة غير واضحة حتى الآن، فالمشكلة تكمن فى كيفية تدبير ٦ ملايين فدان، ٣ منها فى شهر سبتمبر لزراعة القمح المُبرَّد، ثم ٣ أخرى فى شهر فبراير لزراعة النصف الثانى، وهى مساحة تختلف عن المساحة الأولى، حيث لا تصلح زراعة القمح مرتين متتاليتين فى نفس المكان ولابد من تدبير أرض جديدة. والمشكلة الثانية تكمن فى المحاصيل والخضراوات القائمة فى شهر سبتمبر والتى سيحل محلها القمح المُبرَّد، وهى البطاطس وبنجر السكر والقطن والذرة والطماطم والسبانخ والبسلة وبدايات زراعة البرسيم، فهل يُضحّى بهذه الحاصلات الاستراتيجية والمهمة لتدبير عروة جديدة لزراعة القمح؟!!! وفى تغطية «الشروق» أيضا، نقل المحرر عن «الدكتور نادر نور الدين»، أستاذ الأراضى والمياه بكلية الزراعة جامعة القاهرة، والخبير الدولى فى الغذاء والحبوب، قوله: «البيانات الصادرة من وزارة الرى تقول إن المحصول المتوقع عن القمح المبرّد يبلغ ١٠ أرادب للفدان، وهذا يُعتبر نصف المحصول المعتاد من زراعات القمح التقليدية فى نهايات نوفمبر وبدايات ديسمبر، والتى تُعطى من ١٨ إلى ٢٠ إردبا للفدان»، لافتا إلى أن محصول زراعة القمح لمرتين فى السنة سيعطى نفس المحصول من زراعته لمرة واحدة. ومحصول القمح المبرّد الناتج زراعته فى ٦ ملايين فدان ٣ صيفى و٣ شتوى، ستعطى نفس المحصول من زراعته فى ٣ ملايين فدان فى زراعته التقليدية نهاية نوفمبر، فما الفائدة التى تقدمها التجربة؟ وهل التجربة اقتصادية أم مقصود منها المردود الإعلامى فقط؟ كما أن وزارة الرى ليست مختصة بتجارب الزراعة. حمدت الله أننى لم أقع أسير المبالغة لمجرد معرفة ثقافية بالموضوع، وأن لمخاوفى ما يبررها واقعيا، وحمدته لأن فى مصر مشتغلين بالعلم لايزالون يعودون لفضيلة العلم فى الملاحظة والمراجعة وإعمال الشك الحميد فى مثل هذه الأفكار، وعدم الاعتداد بالمظاهر ومظاهرات المسؤولين الاحتفالية، لكننى فى مواجهة هذه المظاهرات الكرنفالية لوزراء ومحافظين ومسؤولين ثقال الوزن مهما خَفَّت معرفتهم بما يتنادون لتدعيمه، أخشى أن يكون ذلك بداية لدفع هذا الأمر إلى الرئاسة مشفوعا بما يبدو ضمانة منهم لما احتشدوا من أجله مُعضِّدين مُبارِكين، خاصة وقد قرأت فى الموقع الإلكترونى لجريدة «اليوم السابع» ما نَصَّه: «أعلن الدكتور محمد عبدالعاطى، وزير الموارد المائية والرى، فى تصريحات صحفية (أن الرئيس عبدالفتاح السيسى سيُكرِّم فريق البحث العلمى الذى نجح فى تجربة زراعة القمح مرتين فى العام)». وخشيتى أن الأجواء التى يستمرئ فيها البعض تملق الرئاسة بالمفرح غير المدروس بدلا من الصدق فى المدروس وإن كان خاليا من الفرح، ستُكرِّس هذه «التجربة» المشكوك فى جدواها، رغم وجوب مراجعتها لسابق مخاطرها التاريخية. لهذا أتمنى على الرئيس ألا يُكرِّم هؤلاء الباحثين، أو على الأقل يؤجل هذا التكريم- إن جاز التكريم- حتى يتضح الخيط الأبيض من الأسود فى الأمر؟ ولن يكون هناك اتضاح إلا بتدقيق علمى صارم ونزيه للجان بحث متعددة الاختصاصات المتعلقة بالموضوع، من أساتذة زراعة ومناخ وبيئة واقتصاد ومياه، موثوقى المعرفة والخبرة والمصداقية وغير مشاركين فى هذه الظيطة. ولعل ذلك يُرسى تقليداً يكبح جماح انتشار العِلم المُتسرِّع أو المنقوص أو الزائف فى بلدنا، ويئد النجاحات والاختراعات الوهمية فى مهدها، والتى لا تعود على الرئاسة وعلى الأمة إلا بالأحزان لا الفرح. (هذه المقالة طلب الكاتب نشرها بشكل عاجل، لعلها تلقى استجابة من الرئاسة، مؤجلاً مقالته القادمة الموسعة إلى خميس الأسبوع القادم، وسيكون موضوعها عن «لايسنكو» والتجربة الكارثية لزراعة القمح بالتبريد فى عهد ستالين موثقة بالمراجع والصور).
  46. 1 point
    عادل أبوزيد

    أخبار ع السريع

    ترى ما هي إنعكاسات هذا الإفلاس على محلات Pizza Hut في العالم كله و المعروف أنها franchise أي مملوكة لأصحابها و هؤلاء ملتزمون بإدارتها بالطريقة التي تحددها الشركة الأصلية ، و مدى علمي - على الأقل في لندن - فإن المواد الخام تأتي من أمريكا ..... هل نقول وداعا ل Pizza Hut هنا في مصر
  47. 1 point
    Grandma

    يلا بينا نسهر ..

    الله .. الله على الروعة تسلم عيونك وسهراتك الراقية يا ست عطر
  48. 1 point
    أبو محمد

    في ذكرى 25 يناير

    كلام جميل .. كلام معقول .. ما اقدرش اقول حاجة عنه المساواة شئ .. والعدل شئ آخر اشتراكية الستينات قامت على إعادة توزيع الثروة ولم تقم على عدالة توزيع الثروة فظهر نمط للموظفين والعمال ما زال ساريا فى الحكومة والقطاع العام نمط "إشتغلنا ما اشتغلنا .. سيدى الميرغنى يوكلنا" فلننظر إلى توزيع المكعبات فى الصورتين فى الصورة الأولى "المساواة فى التوزيع" فى الصورة الثانية "العدالة فى التوزيع"
  49. 1 point
    أبو محمد

    صورة و تعليق

    السيسى : إنتى رمز أُكرِّم فيه الشباب "العامل" .. وربنا يهدى "الخامل" ...... يا منى
  50. 1 point
    bentmasria

    الجمهور عايز كده

    سكوب اسو (عصام شوقى حاليا) سى السيد على رأى على الحجار لما غنى وقال الدنيا مالها ولا احنا مالنا ولا الزمان نسانا ايه جرى لنا بقينا نحبس ف الصدور سؤالنا ونحسد الصادق على صدقه ونقف بين العاشق وبين عشقه نهرب من الصافيين اذا بكيو ونحسد الباكيين اذا ضحكوا صعب اى واحد فينا يكون عم ابوالعلا اللى يرجع الصورة الجميله الواضحة اللى بنحبها تنطبع فى اذهان اطفالنا لما يكبروا لكن اكيد ممكن يكبروا وودانهم بتسمع فيروز والحجار وحليم الرومى ووديع الصافى ومنير وكتير احترموا فنهم ونفسهم وعمرهم ماغابوا عنا حتى لو غابوا عن الساحة لفترة وممكن نربى فيهم الاصالة وحب القديم والقيمة والتقليد بس موش التقليد الاعمى لانه اصيل جوانا بدليل اننا بندور عليه فى كل لحظه وكل شىء حتى ف البشر انا شخصيا مخاصمة التيلفزيون من زمان بدى له ظهرى وانام ومحمد عاشق للاشياء الملونة والبركة فى الانيمال بلانيت وقنوات الاطفال الكارتونية وليست الاستهلاكيه اما لو سمع مزيكا بدون ازعاج يرقص ويبتسم ويارب يفضل كده على طول انزعاجك ياسكوب ممكن التخلص منه قاطعهم انت وادعوا لمقاطعتهم ستجد انهم ينقرضون يتلاشون وراء كل ما هو اصيل يسكنك انا اوعدك وعد رجاله احاول اجيب لك عنوان على الحجار البريدى لاننا كنا زمايل ولسه الحمد لله علاقتنا متباعدة بس طيبة بعد كل اللى حصل مع ابنى الدنيا لسه بخير فى كل الاتجاهات فى كل القلوب فى كل الحكايات فى شىء جميل حتشوفه لما تدور عليه فى ابتسامة ابن الايه ابنى وهو مطلع لك السنتين بره ماتخليش هموم صغيره تشوه الصورة ورغم انها موش مشرقة طول الوقت الا انى حقولك زى عصام خذلك ضلاية وغنى هل جلست العصر مثلى بين جفنات العنب والعناقيد تدلت كثريات الذهب وكمل انت بقى