لوحة القادة


Popular Content

Showing content with the highest reputation since 21 ديس, 2016 في مشاركات

  1. Scorpion

    موشحات و تراتيل

    يغمر وجداني هدؤ الرهبان .... و سكينة المتصوفين عندما ينساب الي سمعي موشح ما ... اجدها انبل ما يعبر عن المناجاة و التعبير عن نقاء المشاعر ...
    3 نقاط
  2. عطر الجنة

    يلا بينا نعود للقراءة

    القراءة كانت آفتى بوقت ما .. و اكيد يوجد الكثيرين مثلى .. و للكتاب الورقى مذاق خاص .. و نظرا لارتفاع ثمنه حل محله الكتاب الالكترونى .. هنا اقدم لكم كتاب احتار الكثيرين فى توصيفه .. هل هو رواية ام قصص قصيرة .. و لكنه فعلا يستحق القراءة .. امام العرش تحميل قراءة اون لاين تحياتى
    2 نقاط
  3. Fahman

    مواطنين لا متفرجين

    يكل أمانة و برأس بارد و بكل حياد لا أصدق الصورة التي عرضتيها ببساطة إنها غير قانونية و لا يمكن أن يتم نشرها في جريدة مصرية هناك قانون صارم يحكم الإعلان عن موظفين ، الأرجح أنها من هذه الأشياء التي يتم نشرها و ترويجها لأغراض ليست فوق مستوى الشبهات دمتي بود
    2 نقاط
  4. إحنا نروح القسم بقي كل واحد ياخد حقه .... و في حالتنا دلوقتي و بعد الحكم ببطلان تسليم الجزر للسعودية ما بقاش قدامها غير اللجؤ لمحكمة العدل الدولية و بعد كده القبول بحكمها ... و ده حيوفر غضبي شعب سواء عندنا او في السعودية ...
    2 نقاط
  5. عودا حميدا ست أغابي .. منورة المحاورات مين قال الحجاب اهانة ؟ ما يمكن العري هو اللي اهانة للمرأة كل شخص له وجهة نظر مين اللي يحكم . النساء بيقوموا بدورهم في المجتمع وهن محجبات مافيش مشكلة .. وبعدين دا فرض ديني على المسلمات اشمعنى بنسمح للراهبات و اليهوديات انهم يرتدوا الحجاب وبنستنكر دا على المسلمات ؟ من ينادي بالحرية لازم يطبق الحرية على الكل . اذا كان الغرب بيحترم الزي الشعبي للهنود و الافارقة مش هيحترم الزي الديني للاسلام ؟ طب اشمعنى ؟ شياكة المصريات في الخمسينات و الستينات مش سببها عدم ارتداءهن للحجاب لان السيدة الخليجية بترتدي الحجاب وهي قمة في الذوق و الاناقة. فيه أسباب كثيرة اخرى ادت الى تراجع ذوق وشياكة ولياقة المصريات ومع ذلك تبقى المصرية مميزة بشخصيتها وفكرها وصبرها وقوة تحملها المسلمين اضعف من انهم يفرضوا على الغرب اي حاجة واذا كان قصدك الجماعات الارهابية فدول من صنع امريكا و الكل عارف وفاهم الهدف.
    2 نقاط
  6. Scorpion

    جملتين وبس

    عايزين نعمل زار لقرية "الكرم" عندهم عفاريت بيولعوا في بيوت الأقباط و يعروا ستاتهم العواجيز ... عفاريت بمحامي ...
    2 نقاط
  7. عادل أبوزيد

    يلا بينا نعود للقراءة

    و كانت آفتي أيضا و لكن في أيامنا كانت هناك طبعات من شكسبير ثمنها قرش صاغ واحد هذا عن الأدب و كان هناك مجلة شهرية تباع بقرشين صاغ إسمها الهوايات أذكر أني كنت شغوفا بها و خاصة طرق عمل الحبر السري ... و لا أريد أن أنساق في طريق "العواجيز" و أقول كان و كان و لكنني تسائلت كثيرا لماذا لا توجد مطبوعات غنية للأطفال و الشباب و العواجيز أيضا. أشعر بالهم الثقيل عندما أتصفح جريدة يومية غربية و أجدها عبارة عن جرعة دسمة تغطي كافة مناحي الحياة عندهم و أستغرب هل ما ندفعه من ثمن في الجرائد و المجلات قليل ؟ ربما أتسائل و أين الدولة بنفس منطق الدولة بابا و ماما. عفوا نسيت في غمرة تعقيبي أن أحيي إختيارك لكتاب أمام العرش و هو بالمناسبة موجود عندي على الآيباد و قرأته عدة مرات و يستحق القراءة فعلا
    2 نقاط
  8. أبو محمد

    دبابيس

    قد يخطئ السفهاء فى تفسير صمت من يتجاهل حتى وجودهم فيزيدون فى سفاهتهم ظانين أن من يتجاهلونهم لا يملكون ردا لسفهاتهم هذه أبيات شعر (قص ولصق أيضا كما يفعل السفهاء الجهلاء) لعل السفهاء الجهلاء اللزجين يقرأونها سكتُّ عن السفيه فظن أني .. عييت عن الجواب وما عييت ولكني اكتسـيت بثـوب حلـم .. وجنبت السـفاهـة ما حييت يخاطبني السفيه بكل قبح .. فأكره أن أكون له مجيبا يزيد سفاهة فأزيد حلما .. كعود زاده الإحراق طيبا أعرض عن الجاهل السفيه .. فكل ما قاله فهو فيه فلا يضر نهر الفرات يوما .. إذا خاض بعض الكلاب فيه
    2 نقاط
  9. عطر الجنة

    يلا بينا نعود للقراءة

    لكل كاتب بصمة فيما يكتب .. اكيد سنختلف معه لاننا لسنا اناس طبق الاصل .. لكن الاكثر تاكيدا ان الكتاب قيمة بدليل انك رشحتيه لطلاب باول العمر بتتبلور فيه افكارهم و قيمهم .. و يبقى تساؤل سوف اطرحه فيما بعد ..
    1 نقاط
  10. عطر الجنة

    كيرمت و أنا

    صباحك و صباح المحاورتية كله خيرات و ورد .. صدقتى و الله .. مع ان فى الاصل الاختلاف رحمة .. و تعلمت من الساسة الكبار .. اننا عندما نتحاور فى امر ما نبدأ من الامور المتفق عليها و المقتنعين بها لتوليد نوع من الالفة ثم ندخل بعدها على مناقشات الامور المختلفة .. بكده نقف جميعا على جزء من الارض الواحدة هادئين .. ثم الامور الشتى لن يكون عليها صراع ..
    1 نقاط
  11. عطر الجنة

    ترنيمات على الطريق

    الواد الاخضر اللى كان اهطل سبحان العاطى الوهاب .. طالع فيها نافش ريشه و الكل عامله حساب .. شكله كده بيتغدى حمام و كباب و جنيهى انا بيكح تراب .. إلحقونى حيموت من البرد و لا كثرة الاسباب ..
    1 نقاط
  12. Grandma

    الغلاء و الفساد

    الأسعار نار نار نار ... نار يا حبيبي نار ... كل يوم في ارتفاع بلا رقيب ولا حسيب و الحجة إيه ؟ تعويم الجنيه و ارتفاع سعر الدولار وكأن كل حاجة بنشتريها مستوردة ما حدش عاوز يعترف انه فاسد وطماع وغشاش سواء كان صانع أو تاجر .. اما الحكومة فعاملة ودن من طين وودن من عجين المشكلة اللي أبشع من الغلاء هي ( الغش التجاري ) يعني احنا أغلب الوقت بندفع فلوس في بضاعة إما فاسدة او مغشوشة او غير صحية ،الخضار و الفاكهة على سبيل المثال مرميين عالارصفة في أسواق او شوارع قذرة معرضين للاتربة وعوادم السيارات و دبان وهوام لا حصر لها ... العيش بيتخبز في افران قديمة ومتهالكة والدقيق بيتخزن في مخازن بتلعب فيها الفئران وبيتوزع في ظروف تشبه ظروف الخضار و الفاكهة .. السكر والعدس و الزيت أساسيات بالنسبة للفقراء ومع ذلك أسعارهم أصبحت فلكية ... اللحوم و السمك والدواجن دول لعلية القوم في مصر ما يصحش المواطن الغلبان يبص على السلع الاستفزازية دي احسن يطق يموت بعد ان اصبح كيلو البتلو ب 210 جنيه و الضاني ب 185 جنيه مع انهم لسه بيتعلقوا عالارصفة بدون غلاف والدبان بيدوقهم قبلنا .. عمركم شوفتوا لحمة في العالم بتتعرض بالمنظر دا ؟! فين الرقابة الصحية ؟! و لو إتخبطنا في راسنا وحبينا نتفسح و اكلنا في مطعم بره حتى _ لو كان من المطاعم الفاخرة _ هنلاقي المطابخ معدومة النضافة .. . يعني من بره هله هله ومن جوه يعلم الله ، والطباخين الله أعلم بصحتهم ونضافتهم ..دا غير وجبات الحمير الشهية اللي بتقدم لنا باسعار باهظة .. والفاتورة المولعة بفعل ارتفاع الاسعار و الضرائب و الطمع .. طب نروح فين ونيجي منين ؟ ! الادوية شاحة و الموجودة سعرها اتضاعف رغم ان المادة الفعالة في الدواء فاعليتها اقل عن نظيرها المستورد . . كل حاجة بايظة ومن أسوأ لأسوأ علشان مافيش رقابة وظبط وربط على أي حاجة .. فاذا كنا بنحارب الفساد والغش وبنحاول نقلل من ارتفاع الاسعار فليه مافيش أي خطوة إيجابية واضحة ممكن يلمسها المواطن في هذا الاتجاه ؟!!
    1 نقاط
  13. Grandma

    سجل و سرب

    كل يوم بنتفاجئ بتسريبات لمكالمات هاتفية خاصة لسياسيين و اعلاميين و صحفيين وغيرهم وغيرهم .. هذا يعني ان هناك جهة ما في هذا الوطن بتقوم بتسجيل كافة مكالمات الشعب المصري وعند الحاجة تقوم بتسريب بعض المكالمات لغرض ما في نفس يعقوب .. تسجيل المكالمات الخاصة اسمه ( تجسس )و تسريبها (جريمة واعتداء على الحريات و الدستور ) البعض بيبرر انه لا يتم الا فضح المجرمين و المتآمرين وأعداء الوطن طب ايه اللي يضمن لنا ؟ وليه أصلا تتجسس وكمان تسجل ؟ دلوقتي بس عرفت مرتضى منصور بيحصل على سيديهاته اللي بتهدد كل مصري يخالفه او يتعرض له من فين . واللي يوافق عالتسجيل النهاردة .. ممكن يتسربله بكرى .
    1 نقاط
  14. اغابي

    دبابيس

    LoL
    1 نقاط
  15. tarek hassan

    حقيقة أبو تريكة

    منصة رابعة تعلن عن حضور أبو تريكة مليونية الزحف والأخير بخبث ولؤم لا يعلن ولا ينكر وثبت للآن دعمه لاعتصام رابعة الإرهابي
    1 نقاط
  16. Advisor

    مواطنين لا متفرجين

    نحتاج لإختراع المستقبل الآن و ليس غدا ، و نحن المصريون بكل "عبلنا" قادرون على ذلك بل فعلناها من قبل و "هاتوا الدفاتر تنقرا". تشخيص حالتنا الآن .. حالتنا كمصريين أكبر من إمكانياتنا في محاورات المصريين هناك ما يسمى بالمركز القومي للبحوث الإجتماعية و الجنائية أتصور هذا هو دوره متابعة التغيرات التي حدثت و تحدث على المجتمع المصري .. منذ أيام قرأت خبر حفظ التحقيقات في قضية "تعرية سيدة مسيحية سبعينية" في إحدى قرى مركز أبوقرقاص بالمنيا ، و المسألة أو الجريمة تم تغطيتها على نطاق واسع في وسائل الإعلام ... ووصل خبرها لرئيس الجمهورية و أظنه علق عليها و وعد الضحية بأخذ حقها كاملا ..... أين هذا من حفظ التحقيقات لعدم كفاية الأدلة. قبل أن أستطرد أؤكد أن المظلومية لا تطال المسيحيين وحدهم و لكنها تطال كل المصريين أكرر كل المصريين مسلمين و مسيحيين العدالة الناجزة غير موجودة. في حالتنا هذه الأرجح أنه تم التحقيق بكل أمانة و صدق و لكن تم "الطرمخة" من جانب أهل القرية كلهم .. كلهم أكيد تقاعسوا عن الإدلاء بشهاداتهم بوضوح لماذا إبحث عن منظومة الأخلاق. ألم أقل لكم أن المسألة كبيرة .... و أذكركم بما حدث للشيعة في قرية أبو النمرس - على ما أذكر - كانت مذبحة بكل معني الكلمة و كانت موثقة دقيقة بدقيقة على موقع تويتر علينا أن نخترع المستقبل الآن و ليس غدا
    1 نقاط
  17. أبو محمد

    دبابيس

    خمسة رياضة (Math) ============= مقلوب العدد = 1 ÷ العدد حلايب وشلاتين "بالنسبة للسودان" = مقلوب تيران وصنافير "بالنسبة لنا" علشان المقلوب يبقى "حقيقى" ، لازم العدد يكون "حقيقى" وعلشان المقلوب يبقى تخيلى ، لازم العدد يكون تخيلى خمسة بلدى ======= عايز السعودية تستجيب لـ "الحزق" المصرى يبقى لازم انت كمان تستجيب لـ "الحزق" السودانى
    1 نقاط
  18. اغابي

    نفتقد بعض الأخوة

    يا خبرر. لاء طبعا وحضرتك منور علطول .. بس فى اول دخولى للمنتدى يمكن ملاحظتش اسمك وبجد انا افتقدتكم جدا وانشالله كل الناس راجعه وصدقنى مهما تاخدنا البلاد هيفضل المنتدى داه زى مصر مسيرنا نرجعله من تانى واكيد كله هيرجع هنا فى يوم وشكرا لاهتمامك وذوقك يا فندم
    1 نقاط
  19. الزملاء الأفاضل .. نذكركم بأن الموضوع تم طرحه للتساؤل عن ارائكم حول قانون لمنع ارتداء الحجاب في النمسا .. ففضلآ دعونا نناقشه في هذا الإطار فقط .. رجاء اخذ مداخلة الفاضلة عطر الجنة كنموذج للحوار الهادف دون اللجؤ الي المخاشنة و جاف الكلام و تبادل الأتهامات في معرض حديثنا ... عن فريق المشرفين
    1 نقاط
  20. اغابي

    نفتقد بعض الأخوة

    اهلا استاذ طارق فيك الخير بتسال انا المرة دى جيت ومش هامشي تاتى وقاعدة هنا على المحاورات .. بس فين الناس كلها افتقد الكثير منهم .. ادخلاص اخدها الفيس بوك .. انت بقى فينك يا استاذ طارق ومبروك الاشراف الف مبروك
    1 نقاط
  21. Scorpion

    الفقر ... ايه هو ؟

    عرضي لفكرة الفقر بيتم من خلال جانب من الصورة حابب اني اغطيه بالكامل قبل ما انقل للتفاصيل اللي الأفاضل Grandma و herohero و اغابي تفضلوا شاكرين بعرضها في تفاعل مع الفكرة اشعرني بالسرور .. و قبل ما أكمل احب اصحح فكرة اغترابي للعزيزة مدام Grandma ... انا صحيح محل اقامتي ايطاليا .. لكن تواجدي في مصر بيغطي فترة مش صغيرة كل سنة .. بمعني اني مش مفصول عن الواقع .. و الحي اللي بتواجد فيه هو حي شعبي صرف يسمحلي باخذ انطباع ما يبعدش كتير عن الحقيقة .. كنت كتبت ان الضعف قدام حاجة قدامنا عايزين نشتريها و مش بالضرورة حاجة استفزازية او مالهاش لازمة حقيقية هو ضعف اتسببت فيه حاجات كتير .. ابتديت فيها بالجانب الشخصي ... التربوي و الأجتماعي .. اجي بقي لسبب مهم تاني هو الدولة نفسها .. الحكومة اللي بتسير اعمالنا .. حكوماتنا المتعاقبة عمرها ما بذلت جهد حقيقي .. او بالأصح عمرها ما فكرت في حصار الكم ده من السلعات المعروضة ... و بحجة انا الدنيا كلها كده و لازم نبقي مسايرين للعصر و مش اقل من التانيين تم السماح ان يكون المواطن فريسة للتاجر .. للمطاعم ...للمحلات ... يتم مطاردته و غسيل مخه بكم من الإعلانات المتواصلة ليل نهار .. في التليفزيون في الراديو في الجرايد علي النت في الشوارع ... عروض مغرية .. مثيرة .. فجة بل وقجة ساعات ... بدون حتي ادني تحقق من جديتها او نفعها .. بالشكل اللي يخلي الواحد من دول مدفوع دفعآ انه يصرف كل مدخراته بل ساعات يوصل انه يستلف علشان يتجنب لوم او نظرة عتاب من مراته او ولاده لو عجز انه يشتري حاجة شافوها في اعلان ما و طلبوها منه بقي الفريسة اللي وقعت في شبكة التاجر .. شبكة الإعلانات و العروض اللحوحة في اي حتة بيمشي فيها بره بيته .. و بقي الحل الوحيد انه يهرب منها انه يقعد في بيته ما يخرجش منه و لا يفتح تليفزيون و لا نت ....
    1 نقاط
  22. Scorpion

    سين _ سؤال

    أساسآ المكرونة كلمة دخيلة علي اللغة العربية زيها زي باي و آلو و برافو .... يبقي ازاي تتطبق عليها قواعد صرف او نحو او نطق ... الطلاينة اللي سموا صنف منها بالأسم ده ماعندهمش اساسآ حرف العين ...
    1 نقاط
  23. herohero

    الفقر ... ايه هو ؟

    الفقر هو فقر النفوس وليس فقر الفلوس
    1 نقاط
  24. Scorpion

    المكرونة اللذيذة

    المكرونة زي ما احنا عارفينها بالطلياني اسمها PASTA ... و نوع منها اسمه ال maccheroni يعني مكرونة مش معكرونة... و اللي من باب العلم بالشيء وصلت لأيطاليا من الجنوب و جات مع العرب ... بالنسبة للمكرونة الكستبان او المقصوصة او النص مقصوصة فانا بشوفهم دايمآ في مصر لما بنزل .. و للأستاذ عادل و لطارق العزيز أهديكم وصفة سهلة و سريعة و مافيهاش شغل كتير جدير برجالة في المطبخ دوس هنا... المكرونة الكستبان او زي ما بيسموها هنا بالمكرونة القصيرة تتعمل عادي .. يعني تغلي الميه و تحط شوية ملح و ترمي المكرونة فيها لحد ما تستوي و ترفعها اللي يضاف عليها بعد كده شوية صلصة و بتنجان مقلي مكعبات صغيرة و شوية جبنة رومي مبشورة او شوية عدس او فاصوليا بيضا من غير صلصة او تجيب شوية كوسة و تقطعهم برضه مكعبات صغيرة و تتشوح خفيف مع شوية زيت علي فصين توم و شوية شطة او فلفل احمر ( ممكن كمان تضيف كاري او كركم ) و لما تستوي تحط شوية جمبري و تسيبهم دقيقتين تلانة بالكتير .. و بعدين تطبخ المكرونة عادي و لما تستوي تضيفها عالكلام اللي فات ده و اقلبهم في بعض و بالهنا و الشفا ..
    1 نقاط
  25. Grandma

    سين _ سؤال

    ليه كلمة ( مكرونة ) باللغة العربية الفصحى زايدة حرف ( العين ) ؟ و ليه ( الرز ) زايد حرف الألف في الأول ؟
    1 نقاط
  26. كل دولة من حقها تفرض قوانين تناسبها او تراها مناسبة وعلى القادم اليها مراعاة هذه القوانين واظن الناس ده عندهم مؤوسسات هتناقش وهتطرح مثل هذا قانون للنقاش وموافقة اعضاء البرلمان وفي هذه الحاله لا يستطيع احد ان يخالف القانون من يرى انه لايستطيع العيش بدون ارتداء الحجاب فالقصه بسيطة عنده دول اسلامية كثيرة يشد الرحال اليها ويستمتع بارتداء الحجاب هناك وكمان ممكن العباية السوداء كمان
    1 نقاط
  27. أهو أنا مشكلتى هى الخلط بين التلاتة دول الإنسان صاحب الرأى له حرية مطلقة فى رأيه وحرية مسؤولة فى التعبير عن ذلك الرأى إنما مش من حقه إنه يستغل إن له منصة إعلامية ويركب على ودان المشاهد ساعتين تلاتة (يستوى فى هذا ابراهيم عيسى واحمد موسى وتوفيق عكاشة) والكاتب المحترف كذلك من حقه أن يكون له رأي وأن يعبر عنه ويملأ به صفحات كتبه ومن يريد أن يقرأ آراء ذلك الكاتب .. بيروح يشترى كتابه أو يدور عليه على النت أما الإعلامى فمهمته نقل الخبر ونقل الرأى ونقل المعلومة ويمكنه استضافة متخصصين وأصحاب الآراء لتحليل الخبر والرأى والمعلومة أما إذاعة ونشر الأخبار الكاذبة فهنا يخرج الإعلامى عن نطاق مظلة حماية حرية النشر وحرية الرأى ابراهيم عيسى قال فى مبارك أثناء حكمه ما قال مالك فى الخمر وتغزَّل وقتها فى جماعة الأخوان وردد معها تواشيح المظلومية مكايدة فى مبارك ونظامه ولم تُغلق جريدته ولم تتعرض السلطة لشخصه ولكنه عندما نشر خبرا كاذبا عن وفاة مبارك مسببا بذلك أضرارا وارتباكات كان أقلها خسارة كبيرة للبورصة هنا حوكم وحُكم عليه بالسجن لمدة عام ابتدائيا وفى الاستئناف وعندما اصبح الحكم نهائيا باتا عفا عنه مبارك بصلاحياته الدستورية إبراهيم عيسى هنا كان يخدم ابراهيم عيسى وجريدته - فى ذلك الوقت - الدستور ولم يكن يخدم القارئ ولم يكن يؤدى مهمته بمهنية وحرفية كرر نفس الشئ مع وزير الدفاع السابق بعدما استقال وخلع زيه الرسمى ورشح نفسه لرئاسة الجمهورية وذلك عندما سأله فى مقابلة تليفزيونية عن عودة "العسكر" للحكم واعتقد ابراهيم أنه - بلغة أهل الحرفة - هيكسب كام بنط على حساب ذلك "العسكرى" ولكنه فوجئ بأن أمامه ليس مجرد جنرال من جنرالات "العسكر" بل سياسى ومتحدث "دقرم" أسكته بمنتهى الهدوء والحسم والأدب إبراهيم الإعلامى يخدم ابراهيم الإنسان بمناطحة السلطة فعلها مع مبارك وفعلها مع السيسى (الرئيس المحتمل وقتها) ثم فعلها مؤخرا مع السلطة التشريعية معتقدا أن لا أنياب تنفيذية لها مبارك والسيسى رجلا دولة .. يمكن أن يتغاضيا لحسابات أخرى سياسية ولكن أعضاء مجلس النواب (الذين كال لهم ابراهيم الإهانات والأكاذيب فى إحدى حلقاته) ليسوا رجال دولة .. بل رجال من وسط البلد ومن وسط القرى والنجوع .. يعنى "ما يفوِّتوش" ولك أن تتخيلى يا سيدتى عندما تصل كلمة لطارق نور أنه : "ربما يصدر المجلس قرارا بعدم ظهور أعضائه على شاشة القاهرة والناس" تخيلى ماذا يمكن أن يفعل هذا فى "البيزنس مان" رجل الأعمال صاحب القناة على العموم أعتقد أن خير من وما يعبر عن تلك الفوضى الإعلامية التى نعيشها هو مكرم محمد احمد فى هذا المقطع الذى أعطى فيه درسا مهنيا لـ "الطاووس"
    1 نقاط
  28. حكاية لزق كل شئ بيحصل فى السيسى ونظام السيسى دى بصراحة مش قادر ابلعها الدكتورة نائلة عمارة (محسوبة على السيسى) طارق نور عطاها استمارة 6 حتى بدون إخطارها إسلام بحيرى كان على نفس طول الموجة مع السيسى (المنادى بثورة على الخطاب الدينى) وبرضه طارق نور عطا له استمارة 6 قبل أول جلسة من جلسات محاكمة إسلام أسامة كمال غادر القاهرة والناس - بهدوء - عندما بدأ يبدى ميلا لتأييد السيسى كل هؤلاء محسوبون على السيسى ونظام السيسى مش معنى إن ريم ماجد وليليان داود وباسم يوسف مشيوا (بالسلامة) إن كان فيه حد مكمم أفواههم .. أيوه ممكن كان فيه ضغوط - جماهيرية - عليهم بس فيه حاجة بتحكم الإعلام دلوقت غير زمان وهى نسبة المشاهدة وما يجلبه البرنامج من إعلانات طارق نور بتاع بيزنس مش صاحب رأى
    1 نقاط
  29. أعربت وزارة الخارجية المصرية، في بيان أصدرته السبت، عن استنكارها ما صدر عن الاتحاد الأوروبي وبريطانيا من بيانات تعقيباً على حكم محكمة جنايات القاهرة الصادر مؤخراً بحق منظمات غير حكومية في مصر. View the full article
    1 نقاط
  30. مش عارفة ازاي بنعاني من مشكلة نقص المياه و البحر عندنا 3 الوان على رأي هاني رمزي في فيلم ( عاوز حقي ) ؟! لو عرفنا نحلي ماء البحر بتكاليف بسيطة هتتحل المشكلة .. قرأت كتير عن ناس تقدموا ببحوث لتحلية ماء البحر بارخص التكاليف لكن ماحدش اهتم بأبحاثهم . نضيف على ماء النيل الفضي و البحر الابيض و البحر الاحمر المياه الجوفية ومياه الأمطار يبقى كدا ( مافيش مشكلة خالص )
    1 نقاط
  31. طب ما الفيلم بيقول نفس كلام حضرتك وهي دي رسالته المشكلة ان حضرتك فاهم انه مادام ابراهيم عيسى انتقد الاخوان وثار عليهم يبقى هو راضي عن السلطة الحالية ..ودا مش صحيح . مافيش حاجة اسمها انا مع او ضد السلطة على طول الخط خصوصا لاصحاب الرأي و الفكر .. انا معاك طول ما انت صح اذا أخطأت لازم انبه وأقوم و انقد .. ما نفعش معاك حاجة من دول يبقى حقي انقلب عليك .. ودي وظيفة الكتاب والمفكرين و السياسيين و المعارضة الفيلم وضح كمان ان تفجيرات الكنائس من عمل السلطة مش الجماعات المتشددة . ورغم ان ابراهيم عيسى اعلامي الا انه انتقد الاعلام بشدة ووضح ازاي الاعلام بيتوجه و بيوجه وازاي ان المادة هي اللي بتتحكم في توجهات القنوات الفضائية . هههههههه هما اصحاب الملايين مش من حقهم يكونوا اصحاب رسالة ولا ايه ؟! مش قادرة افهم ليه غالبية الشعب المصري بيعتقد ان الاغنياء كلهم فاسدين ومش هاممهم ولا فارق معاهم حاجة وانهم مش حاسين باللي حواليهم ؟! ربنا يصلح الحال يارب ونحسن الظن بالناس .
    1 نقاط
  32. تعرف على المنتج المصري من البار كود... حيث يبدا الباركود للمنتجات المصريه ب 622 من الشمال... لكي تدعم اقتصاد بلدك. امتنع عن شراء أى منتج مستورد لمدة ثلاثة شهور فقط حتى ترتفع تلقائيا قيمة الجنيه المصري .. واستبدل هذه المنتجات بمثيلتها المصرية .. كما فعل الشعب الالمانى بعد الحرب العالمية الثانية وأقام دولته بعد الدمار .. تكاتفوا تنتصر مصر بإذن الله .. وقت الأزمات دائما يظهر المعدن المصرى الأصيل Copy and paste plz all ياجماعة لو سمحتوا اعملوا حملة وانشروا فكرة المقاطعة .... لا نسميها مقاطعة و لكن دعم بلدنا و منتجاتها ..ز و نفتح بيوت و مصانع .. المنتج المصري على الأغلب جيد و ثمنه رخيص ونعمل شيء ايجابي لمصر
    1 نقاط
  33. herohero

    الغلاء و الفساد

    جيتي ع الجرح ،انا تربية الكويت من ايام الدينار الاحمر ومش عاوز اقارن اوضاع دول الخليج بوضع مصر لان دول الخليج حالة مختلفة خالص انا اقصد الدول الاخرى مايحدث في مصر ليس ارتفاع في الاسعار مايحدث في مصر هو انفلاااااااااات في الاسعار دون رقيب او رادع وع فكرة في كل مايباع ويشترى يعني الغذاء والدواء والخدمات واجور العمالة ومواد البناء وكل شئ والكلام ده من زماااااااااان وانا بقوله ياساده في مصرنا العزيزة بناخد اسوا خدمة بأغلى سعر والامثلة كثيرة جدا لكن عموما خلنيا ناس عملية ،ياترى المخرج ايه من الازمة ده الحل بسيط الحكومة او النظام الحالي او الكيان الموجود يتكرم ويشرف المصريين بالاشراف ع توزيع السلع والرقابة على اسعارها لامؤاخذه زي ماهو مسئول عن مشاريع المقاولات ومستحوذ عليها كلها والبان الاطفال وغيره وغيره يقوم باحياء المجمعات الاستهلاكية ويشرف عليها بنفسه والحمد لله العمالة ( العساكر ) يقدروا يقوموا بالمهمة ده لان بصراحه اللي بيحصل مسخرة لما التضخم يوصل 24% والاقي محدش طالع يتكلم ولا يفهم الناس ولا فارقة معاه يبقى لامؤاخذه بقى انتوا بتهرجوا مصر بلد تقدر في غضون اسابيع معدودة تحل مشكلة انفلات الاسعار لو عاوزة !!!! بس ياريت نصيحه الناس اللي بتسرق اسرقوا اونهبوا واعملوا جيوب للكفن ،بس سيبوا غيركم يعرف يعيش الكل بيشتكي واللي بتكلم عليهم من طبقة مستورة ومرتاحه لكن قريبا هينضموا للطبقة محدودة الدخل لان قيمة مدرخاتهم قلت جدا ياساده الارهاب وفزاعاته شئ مهم محاربته لكن مش معقولة نفضل مفرغين كل جهودنا لمحاربة عدو بقالنا 3 سنوات وبنتبع نفس الاسلوب ومنتظرين نتيجه مختلفه ياريت نمشي البلد وفريق اخر بيحارب الارهاب وجزاكم الله كل خير ويقعد لكم في صحتكم وعيالكم واحفادكم
    1 نقاط
  34. لم أقرأ الرواية ولكني شاهدت الفيلم .. الفيلم رائع وراقي ويحمل رسالة قيمة .. وعكس ما كل الناس متوقعة لافيه سخرية من رجال الدين ولا الاخوان ولا السلفيين .. الفيلم بيعري السلطة وبيدعوا لتوحد كافة الطوائف الدينية ضد جبروت السلطة الحاكمة .. واتوقع ان الفيلم يتشال بسرعة من دور العرض مع انه نقطة مضيئة وسط أفلام هابطة .
    1 نقاط
  35. طارق بيه ،طبعا ابراهيم عيسى كاتب كبير وعملاق بمقاييس هذا الوقت سيدي العزيز فيلم مولانا واللي هيجي وراه كلهم هيمشوا ف نفس السياق وهو الاستمرار في التهكم والسخرية والتلميحات والاساءة للاخوان ورجال الدين الاسلامي نفس ماكان بيحصل من قبل من الفنان الكبير جداااااااااا عادل امام اللي ع طول كان مستلم رجال الدين الاسلامي بالتهكم عموما حضرتك وكثيرين وانا منهم نجد الكثير من التناقضات في شخصيات كنا نتوسم فيهم الخير ولا احب التعميم لكن هناك الكثير ممن خدعنا فيهم من رجال سمتهم ديني محترم لكن هل توافقني الرأي ان معالجتنا لمثل هذه المشكلة بطريقة التهكم والافلام والمسرحيات والمسلسلات فشلت ؟؟؟ عزيزي ما هو مطلوب هو مواجهة الفكر بالفكر
    1 نقاط
  36. أبو محمد

    وداعا 2016 .. ومرحبا 2017

    مع اطيب التمنيات بعام جديد ترفرف فيه على العالم حمامة السلام تختفى فيه الآلام ويملؤه الحب والوئام
    1 نقاط
  37. Grandma

    مسجل بعلم الوصول ....

    الى الإعلام المصري علاء الأسواني نال أعلى وسام في الفن و الأدب من فرنسا .. وسام بدرجة فارس .. دا بس للعلم
    1 نقاط
  38. Advisor

    صورة و تعليق

    1 نقاط
  39. الدنيا بتمطر .. قد تكون ساعة اجابة .. بسرعة تمنى لوطنى السعادة .. و هى ايه غير ضحكة براءة .. من طفل .. من ست .. من شيخ .. اتحققت لهم دعوة مستجابة .. أعجبني أعجبني أحببته هاهاها واااو أحزنني أغضبني تعليق
    1 نقاط
  40. الشركات المحظور التعامل معها .. http://www.manpower.gov.eg/Prohibitedcompanies.html من موقع وزارة القوى العاملة ..
    1 نقاط
  41. suma

    دبابيس

    مساء الخيرات.. تسمح لي أن آخد تلك الآبيات . سومه
    1 نقاط
  42. أبو محمد

    صورة و تعليق

    عارف دى إيه يا أستاذ طارق ؟ دى صورة قهوة فى مدينة 6 اكتوبر أثناء مباراة مصر وغانا إوعى تجيب سيرة لزوبع أحسن يطب ساكت
    1 نقاط
  43. tarek hassan

    صورة و تعليق

    1 نقاط
  44. أبو محمد

    لقطات من مصر ..

    للعلم .. الخبر منقول من شبكة "محيط" .. (بالياء مش بالباء) ننقله طالما إعلام الغبرة (بالباء مش بالياء) نايم فى الطين الاسبان و الاوروبيين هييجوا مصر يتعالجوا من فيروس C يا سعاااااد !!!
    1 نقاط
  45. 1 نقاط
  46. من كتر ما قرأت في هذا الشأن من اراء ودفوع متباينه .. سلمت ان الحقيقه لا توجد حقيقه ...
    1 نقاط
  47. عطر الجنة

    سين _ سؤال

    حيقعد فى ارابيزى .. ايه هى الارابيز
    1 نقاط
  48. Scorpion

    سين _ سؤال

    هما الحلاقين بيقفلوا ليه يوم الاتنين ؟
    1 نقاط
  49. استاذ عادل بخصوص البطء هو بسبب الدقة العالية فلابد ان تضحي اما بالسرعة او الدقة لكن الحصول على كلاهما في نفس الجهاز صعب او مكلف جدا اذا حضرتك قولتلي انت بتفضل السرعة ام الجودة اكثر ممكن نركز على واحدة مع عدم اهمال الاخرى بخصوص كلام الاخت ضحى معاكي فيما تقولين ان التقنية تصبح في وقت ما غير قابلة للاستعمال او غير متوافقة ولكن هذا يحدث عندما نتوقف عن مواكبة التطوير وبخصوص الفيديو تحديدا اذ افترضنا انك حولتي الاشرطة الى كمبيوتر حتى الان يمكنك استخدام نفس الاسطوانات الموجودة منذ اكثر من 15 سنة عموما هي المشكلة عندما نتوقف فترة طويلة عن التطوير
    1 نقاط
  50. سبحان الله انا عندي نفس مشكلتك ولكن بالعكس .. عندي ( ثروة ) من الصور الرقمية وكل همي هو تحويلها الى ثورة ( ورقية ) تحسبا ليوم آت لا محالة تتحول فيه الماتيريال المسجلة عليها الصور الى ( حديده ) غير قابلة للقراءة .. للاسف التقنية بتتطور يوم عن يوم ومهما كان الوسيط الي هتخزن عليه صورك حديث فلازم هيأتي عليه يوم يقدم ومش هتلاقي له قطع غيار يعني مثلا شرائط الفيديو ممكن يكون عليها ( كنوز ) من ذكرياتنا ولحظاتنا الحلوة وللاسف صعب اوي انك تتفرج ليها بشكل مستمر على نفس الفيديو الي لو تلفت فيه قطعة خلاص مش هتعرف تشغله تاني وهتروح كل ذكرياتك الي على الاشرطه ادراج الرياح .. نفس الشيء بالنسبة لكاميرات الديجيتال والصور المسجلة على اجهزة الحاسب .. كلها الكترونيات مصيرها في يوم من الايام توصل لمرحلة انها مش هتعمل لعطل فيها ومش هيكون في بديل يشغلها تاني .. ده مع ملاحظة ان للاسف الشديد كل تقنية بتظهر بتمحي ماقبلها يعني لو هارد بتاع جهاز كمبيوتر عندك من عشر سنين مثلا ممكن يكون من المستحيل تركيبه على جهاز حديث بتاع اليومين دول . وهيبقى البديل اما حاجتين انك تفضل تعمل ترقية لكل ( كنوزك ) من وسيط لآخر من فيديو لدي في دي ومن سلايد لصورة رقمية .. والي كان عندك مسجل لى دسكات ترجع ترقيه على سيدي ومن بعدها تنقله على فلاشة وهلم جرا .. او انك تعمل زي مافكرت وهو انك تطبع كل صورك الحلوة على ( ورق ) لا هيحتاج وسائط خاصة لتشغيله ولا يمكن يجي يوم يقولك هات لي قطعة غيار ..
    1 نقاط