لوحة القادة


Popular Content

Showing content with the highest reputation since 23 ينا, 2017 في مشاركات

  1. 3 points
    أبو محمد

    يلا بينا نسهر ..

    طيب .. تقِّلوا فى اللبس شوية المونتيرة الفنانة مها النجار عازمانا نسمع "كل ده كان ليه" .. بس على الجليد فنانة .. بحق .. منتهى الرومانسية ومنتهى الرقة والرقى
  2. 2 points
    tarek hassan

    فيديوهات أعجبتني

    اعتقادي أن صدقة العلن مطلوبة مثلها مثل صدقة السر ( سرا وعلانية ) ... وأحيانا لها حكمة التأسي والاقتداء أما إذا كان المقصد هو الإعلان فهي فكرة ذكية .... ظاهرها الرحمة وباطنها الإعلان .... وربنا يجعل لك صاحب عمل نصيب في الخير مع الرزق
  3. 2 points
    Salwa

    فيديوهات أعجبتني

    تحية وسلاما. أظن أنها أنشودة بلهجة خليجية لكن الفيديو يحكى عن أسرة...غير عربية. الابن يعمل ويريد مساعدة أمه...أظن أيضا أن الأم تغسل الملابس للغير وتحصل علي أجر قليل وتمضي وقتا طويلا فى العمل ويظهر هذا واضحا على يديها. استطاع الابن توفير بعض المال وذهب لشراء غسالة لوالدته...لكن ماله لا يكفى ثمن الغسالة ... عندما لمحه صاحب المكان....رق قلبه.. راقبه ثم أوصي العمال ب إرسال غسالة لمحل سكن الطفل. هو فيديو يدعو للتكافل الاجتماعى والتراحم بين البشر. أعتقد أن التراحم بين البشر لا علاقة له بالأديان ولكنها فطرة موجودة فى كل نفس إنسانية لكنها للأسف لا تظهر فى نفوس البعض. سلام
  4. 2 points
    Salwa

    قصائد الهايكو

    تحيات وتمنيات بكل ماهو طيب لكم جميعا.. اسمحوا لى ان اتحدث معكم اليوم عن - نوع من الاشعار - غير معروف وبمعني ادق....غير منتشر وهي اشعار أو قصائد الهايكو . تروق لي كثيراااا..اكثر مم تتخيلون ...وسمحت لنفسي اليوم ان تشاركوني متعة التفكر والتأمل فيها.. اكتب لكم كبداية...نبذة عنها.-https://ar.wikipedia.org/wiki/هايكو------------------------------ هايكو أو هائيكو (باليابانية: 俳句) هو نوع من الشعر الياباني، يحاول شاعر الهايكو، من خلال ألفاظ بسيطة التعبير عن مشاعر جياشة أوأحاسيس عميقة. تتألف أشعار الهايكو من بيت واحد فقط، مكون من سبعة عشر مقطعا صوتيا (باليابانية)، وتكتب عادة في ثلاثة أسطر (خمسة، سبعة ثم خمسة). https://ar.wikipedia.org/wiki/هايكو
  5. 2 points
    Scorpion

    الفيفا تعلن مصر ال 23 عالميا

    كل دي دول شعوبها متخدرة .... !!!! عالم فشلة صحيح ...
  6. 2 points
    المشكله فى الردود ان كلامى اتفهم غلط مع انى اعتقد انه واضح مفيش مشكله لو قلنا ان ايات عرابى ومن على شاكلتها فرحوا لفوز الكاميرون على مصر نكايه فى نظام سياسى هما ضده لاسباب كتيره جدا شايفين ان النظام ده هيستفاد باللقطه وان انجاز حصل فى عهده ....الخ انا راى الشخصى ان ده مجهود لاعبين مصريين ملوش علاقه بالسياسه وانهم اخطا فى تعبير زى كده لكن فى نفس الوقت ضد فكره الخيانه والعماله والكلام المخابراتى ده ثانيا انا من عشاق كره القدم واعرف اغلب الخطط التكتيكيه لان ممارس لكره القدم وبعشق منتخب مصر ونادى الزمالك لكن الاهتمام الاعلامى والشعبى بالكوره اكتر من الاهتمام باصلاح حجات اهم من خلالها كل حاجه هتبقى عندنا متقدمه زى الاهتمام بالتعليم والصحه والتنميه الاقتصاديه يعنى لو استثمرنا توحدنا دايما مش فى متش كوره بس فى المجالات المهمه دى هيكون مستقبلنا وثقافتنا واجتماعياتنا ارقى من كده
  7. 2 points
    فعلا إستطاعت كرة القدم أن تدفع بالبهجة في قلوب المصريين ، فعلا كنا كما لو كنا سقطنا كلنا في حالة من الإكتئاب القومي ، مرات معدودة التي خرجت فيها مع زوجتي ل وسط البلد .... و لست وحدي سألت العديد من أقاربي و معارفي البهجة كانت تشع من عيونهم. و ثبت أننا قادرين على البهجة الجماعية و ثبت أيضا ضرورة إستئناف كل الأنشطة الرياضية على مستوى الوطن. و للعلم لست كرويا و لا أفهم في الكورة
  8. 2 points
    أبو محمد

    يلا بينا نسهر ..

    لما باشوف الموضوع ده بافتكر أغنية نجاح سلام : الليلة الليلة الليلة .. سهرتنا حلوة الليلة اسمحولى - للتغيير يعنى - أعزمكم على باليه :: // :: // :: ؟؟ // :: ؟؟ // :: ؟؟ ؟؟ ؟؟ ؟؟ ؟؟ ؟؟ بحيرة البقر
  9. 2 points
    مساء الخيرات. فعلا يا استاذ انا معك في استغرابك هذا !! واتعجب كيف يعيشون على أرض مصر وينعمون بخيراتها ثم يفرحون لكل شر تصاب به!!! بعد انتهاء المباراة مباشرة فوجئت بأصوات تأتي من الشارع وطبل وزمر وهتاف للكاميرون في البداية ظننت إنها الروح الرياضية لكن بعد لحظات علمت انهم من الشامتين .ناهيك عن ما اقرأه في الفيس بوك والتويتر بجد حاجة توجع القلب فعلا. اما عن الحادث الأليم أي نعم إنه أكثر من موجع ولكنه لم يكن الأول ولا الأخير ومن حكايات الناجين منه ان السائق قال لهم ان السيارة بلا فرامل ومن عدة سنوات وكثرة الحوادث وللأسف المشفى اللي في شرم الشيخ بلا أطباء اكفاء ولا اجهزة وقداصيبت عائلة بنت شقيقتي من سنوات واسرة زوجها كلها مات الكثيرين في البص الصغير وبترت اعضاء من عدد منهم وتأخر العلاج والطائرة كي تأتي وتنقل المصابين أتت بعد اثنى عشر من الساعات بعد التوسل المهين من الزوجة ..ابنة شقيقتي..للمحافظ وبعد الموافقة جاءت بعد الساعات دي وكان الامل في عدم البتر ضاع.للأسف. طبعا انا قصصت تلك القصة كي أؤكد انا الحوادث لن تمنع طالما لاقانون يردع السائق المتعاطي ولا اهتمام بالمشافي في تلك الآماكن النائية.وهاهي حادثة امس الاول لها نفس الضحايا في طريق اسيوط وكأن كتب علينا الحزن. نأتي إلى المباراة..الا تلاحظون معي اننا اعطينا الاستعداد لها اكثر من اللازم؟ وان الاعلام احتفل بالفوز قبل أن تبدأ وافردت البرامج لها لذا كانت صدمة الهزيمة .واهه درس حتى لا نعطي الأحداث أكبر من حجمها. والحمد الله الله أراد ألا نغضب وجبر بخاطر المحروسة وأتى لنا ببطولة على القارة الأفريقية بطولة اليد للبنات الحمد الله وستواصل في البطولة العالمية في المكسيك. أما من يفرح في مصائب مصر دول لا اجد لهم وصف ..وأعتقد أن علماء النفس أيضا محتارين في ..... وعلى كل كانت لمحة حانية وراقية من الريس عندما استقبلهم وسلم عليهم . سومه
  10. 2 points
    لما حد يعرض عليك جنسية الماني في مقابل انك تتنازل عن جنسية بلدك وانت تقوله لا انا مصري ومن الاقصر يعني صعيدي ولسة باتكلم لغة أهل الصعيد ٠٠٠إوعي تفتكر إنك مجنون إياك تخاف من حد يقول عليك ساذج اقرا حكايته من الاول عشان تعرف اسمه ابراهيم سمك من الاقصر تخرج من هندسة اسيوط حب واحدة المانية وتزوجها سافر معاها شتوتجارت وطبعا عمل دكتوراه هناك أول عمارة في شتوتجارت وأطول عمارة عملها بالطاقة الشمسية إخترع لمبة شارع بتشتغل بالطاقة الشمسية لمدة ٥٥ أيام متواصلة بدون شحن ودي أطول مدة ممكن تغيب فيها الشمس في المانيا الابتكار بتاعه دلوقتي موجود في ٢٥٠ بلدية في المانيا قالوا له عاوزين نشغل محطة قطارات برلين اللي هي أكبر محطة قطارات في أوروبا بالطاقة الشمسية قال لهم من عينيا بس كده ٠٠٠ ده عمل وحدة الطاقة الشمسية بتاعة البرلمان الالماني والمستشارية الالمانية تخيلوا بقي إن الست ميركل وهي قاعدة في مكتبها النور اللي بتشتغل فيه من الدكتور ابراهيم سمك ابن الاقصر شركة مرسيدس عملت مصنع كبير اسمه مصنع الالفية في شتوتجارت بيشتغل بالطاقة الشمسية واللي عمله برده هو نفسه ابن الاقصر قالوا له انت كنز ياريت تاخد الجنسية الالماني وتسيبك بقي من المصري قال لهم لا انا مصري وعمري ماهاتنازل عن جنسية بلدي انتخبوه رئيس مجلس ادارة الاتحاد الاوروبي للطاقة المتجددة ٨ سنوات متتالية ادوله اعظم وسام في المانيا وهو صليب الاستحقاق واستلمه من المستشار الالماني شرودر بنفسه لما قابلته في برنامج مصر تستطيع كان نفسه يعمل حاجة للبلد وبعد عرض الحلقة في قناة النهار اليوم حصل استجابة بقي عضو في المجلس الاستشاري العلمي للرئيس كان ورا فكرة بيع الطاقة الشمسية من البيوت للحكومة كان بيحلم ينقل تكنولوجيا الواح الطاقة الشمسية لمصر وبالفعل بيشتغل علي المشروع وقريب جدا جدا هتلاقوا مصنع كبير قوي في مصر بتكنولوجيا لألواح الطاقة الشمسية بتوفر ٥٠ في المائة من التكلفة ومش موجودة في العالم غير في مصر الدكتور ابراهيم سمك مشكورا وافق علي حضور مؤتمر بعلمائها مصر تستطيع اللي بتنظمه وزارة الهجرة مع شبكة تليفزيون النهار ومتحمس وعنده افكار جديدة وكثيرة للبلد منقول لان مسيرته تستحق ..
  11. 2 points
    Scorpion

    لغز مخترع "جهاز الكفتة"

    كان هذا إنطباعي الشخصي مع بداية الترويج للمعالج النبوي ابراهيم عبد العاطي ... و الذي للتاريخ تقع مسئولية اعطائه تلك الصلاحيات علي عاتق طاقم الرئاسة السابق برئاسة عدلي منصور و ليس السيسي : و بعد كل تلك التأجيلات و الفرص المتاحة لأثبات جدية هذا الإختراع و صلاحيته بدون رد قاطع حاسم ... مما يدل انه كما اطلقت عليه في حينه فنكوش آخر لا يصح بنا ان نصدقه .. و أقولها الان بضمير مستريح .. فليس هناك ما يشير الي أي جدية بالفعل ... الآن تبدا العجلة في الدوران من جديد حول علاج آخر و كالعادة مع ما يصاحبه من تصريحاته مثل جري أمريكا خلفه و تصارع الدول علي الحصول علي وصفته بكل الوسائل الترغيبية و التهديدية ... نظام شربة الحاج داوود اللي بتطلع الدود .. اللي في امريكا ب 100 دولار و اليابان بالف ين لكن عشانكم عملتها بعشرة ساغ .. و في حالتنا بدلا من ثمن صباع الكفتة أصبح ثمن علبة سجائر !!!! مالنا يا مصريين .. كيف نصدق بل و نبحث عن تبريرات تصل الي مؤامرات دولية .. و لصالح من ؟؟؟ عار عليك ان تخدعني مرة ... عار عليا ان تحاول ان تخدعني للمرة الثانية بدون انزال اشد العقاب عليك و من علي يساعدك ...
  12. 2 points
    نظرا لعدم قدرتى على الدخول المنتظم على النت إسمحوا لى بهذا التعليق المقتضب لايجب أن نتكلم فى العلوم "التجريبية" بمنهج العلوم الانسانية كل الانجازات العلمية - تقريبا - كانت خيالا فى وقت من الأوقات التجربة والخطأ .. كانا أساس كل اكتشاف أو اختراع مبهر
  13. 2 points
    Grandma

    في ذكرى 25 يناير

    اليوم هو الذكرى السادسة لثورة ( الغضب ) الضاحكة .. كل ثورة وانتم طيبين .. فاكرين مطالب الثورة ياولاد ( عيش ، حرية ، عدالة اجتماعية ) يا ترى قدرنا نحقق مطالبنا البسيطة دي ؟ ( العيش ) العيش أصبح أغلى من قبل الثورة بس الحمد لله متوفر ومنغير طوابير بس المقصود بالعيش مش الخبز فقط ولا الطعام وانما المعيشة كلها .. اللي الحمد لله كلها أصبحت نااار طيب معليش بقى المطلب الاول لسه شوية على تحقيقه .. لما يتحسن وضعنا الاقتصادي ان شاء الله كله هيتظبط . ندخل على المطلب التاني ( الحرية )..... احم احم الواحد حاسس انه زي ما يكون طير في السما .. اتكلم براحتك منغير تسجيلات ولا تسريبات .. ادخل عالنت براحتك مافيش عليك رقابة ولا حاجة .. اكتب براحتك مافيش حد هيزعل منك ويبرّقلك عيونه .. انزل مظاهرات براحتك ماحدش هيقبض عليك ولا يفُض مظاهرتك . ( العدالة الاجتماعية ) بسبب الظروف الاقتصادية الاغنياء زادوا غنا و الفقراء زادوا فقر .. بس الحمد لله الفاسدين والمرتشين بيتقبض عليهم .. لسه الوسايط شغالة والموظفين فاتحين الدرج وناس بتخلص معاملاتها قبل ناس حسب واساطتها .. لسه الشاي بالياسمين بيفتح العقول المتربسة .. لسه التعليم بايظ و المستشفيات الحكومية بعافية والدوا شح . و المحافظين و المحليات نايمين .. والبرلمان بيمثل الحكومة مش الشعب . ومازال التمييز بين الرجل و المرأة .. المؤمن والكافر .. المسلم والمسيحي .. الشيعي والسني .. لكن الحقيقة دي مش مسئولية الدولة وانما دي ثقافتنا ومسؤليتنا احنا كشعب . _ الله يقطعكم ..امال ايه اللي اتغير ياولاد _خلعنا حسني مبارك _طيب هو ما كانش ممكن يمشي منك غير ثورة _ووجع راس _ايوه طبعا عاجلا ام آجلا كان هيمشي _ كان لزومه ايه بقى كل الخسائر ووجع الراس دا ؟ _ شكلنا حلو واحنا عاملين ثورة _ طيب هل مازالت اهداف الثورة حاليا هي _ ( العيش والحرية والعدالة الاجتماعية ) _ لأ بقى فيه اولوية _ اللي هي ايه ؟ _ محاربة الارهاب _ والارهاب دا جالنا منين يا ولاد ؟ _ من اللي ركبوا الثورة وخطفوها وعاوزين الكرسي تاني _هو مين اللي خطف الثورة منكم يا ولاد ؟ دول ولا دوكاهم ؟ _ ايه ؟ اسكتي بقى يا تيتة .. احنا مكملين
  14. 2 points
    herohero

    صورة و تعليق

    ترامب العزيز .... لاسف انت رئيس لدولة لديها شعب عارف حقوقه وبيقدر يتكلم خسارتك انك مش في العالم العربي كنت ابدعت
  15. 2 points
    فعلا هو كان جاسوس للمخابرات البريطانيا وناشط سياسي وتابع للحزب اليسارى يعنى جاى حضرته مش مجرد طالب عادى حلو وامور بيدرس فى الجامعه الامريكيه جوة مصر لاء هو جاى يخرب مصر وهل لو مصرى عمل كدا فى ايطاليا كانت ايطاليه هتطبطب عليه مثلا او بريطانيا .. كلنا عارفين انه جاسوس داخل متراقب جوة مصر و مننساش انه ذباح داعش بريطانى يعنى المخابرات البريطانيا مبتغلبش ومش يمكن بريطانيا اللى قامت بالواجب ما له صديقه انجليزى من فريق الجواسيس كانت ساكنه معاه فى الشقه مش يمكن قتلوه ورموه ليه يعنى هى الشرطة فى مصر اللى قتلته شهادة فيديو مصور ريجينى
  16. 2 points
    tarek hassan

    مقولاتي المفضلة _ My favorite words

    شكرا جزيلا ...... حقيقة .... في الزمن ده المحتفظ بتوازنه وأخلاقه وثباته الانفعالي كالقابض على الجمر .... لكن هناك من رزقهم الله الصبر والحكمة ..... ربنا يجعلنا منهم ويتقبلنا حاجه تانية .... نأخذ الحكمة من ذوي الخبرة والتجارب وذوي الأخلاق الرفيعة أيا كانت ملتهم أو أوطانهم الإنسان المعادي لغير ملته الرافض لغيره إنسان منغلق محدود المعرفة
  17. 2 points
    الفكرة بااختصار - البذور بتحتاج لفترة سكون جنينية قبل الانبات. *Cold Stratification هو الاسلوب اللى استخدمه فريق البحث المصرى - وهى معالجة البذور بمحاكاة ظروف الشتاء الطبيعية و كسر مرحلة السكون الجنينية. بتختلف فترة التطبيق على حسب نوع البذور و الظروف المحيطة. و بشكل عام الاسلوب ده شائع استخدامه فى البستنة المنزلية. للاسف - الخبر ناقص التفاصيل لانه لم يحتوى نشرية الدراسة - المفترض ان اللى يقدمه فريق البحث - البروتوكول اللى تم استخدامه و اللى بيحدد درجة الحرارة التي تعطي افضل انباتية للبذور و التجربة نفسها كانت فى الظلام ام بوجود الضوء و انواع بذور القمح اللى تم استخدامها فى الزراعة. و ايضا يجب ان تتبعها دراسة تحدد ثأثيرها على التربة و تاثير الاجهاد و غيره. و ايضا كيفية قياس النتائج لتحديد نجاح التجربة - مثلا استخدام مقياس مثل weighted germination index (WGI). التفاصيل اللى تم الاشارة اليها فى محتوى الخبر من اليوم السابع : *الطريقة المستخدمة تمت الاشارة اليها بشكل سطحى "معاملة حبوب القمح بالتبريد من خلال درجات برودة معينة، ومدد برودة محددة". *حدد انواع الرى التى تم استحدامها : الرى بالغمر العادى، والرى بالرش "الثابت والمحورى" *حدد انواع بذور القمح : جميزة 11، وسدس 12، ومصر 1 *تم تطبيقها فى الاراضى الرملية و لم يتم تحديد ملوحة التربة Soil salinity. *طريقة قياس غير دقيقة للانتاجية بالاعتماد على المتوسط الحسابى و عدم ادراج الانحراف المعيارى و عدم استخدام اختبار احصائى لتحليل التنوع. مثلا النشرية التالية بتناقش فرضية التطبيق بالتبريد لزراعة القمح مع اجهاد ملحى بالمقارنة مع الطريقة التقليدية و النتائج لم تكن ايجابية و لكن بتعطى مؤشرات ايجابية لتحسن الانبات فى التربة المالحة. W. (2011). Cold stratification, but not stratification in salinity, enhances seedling growth of wheat under salt treatment. African Journal Of Biotechnology, 10(66). doi:10.5897/ajb11.2257 و اهم نقطة scalability كيفية تطبقها على نطاق واسع - فى بعض الاحيان الطريقة المستخدمة لاتسمح بامكانية تطيق واسع و بيتم استبداله بطرق اخرى مثل تطبيق ميكانيكى او كيميائى. من قرائتى للخبر الاتجاه هو تدريب الفلاح لتطبيق التبريد على البذور بنفسه و فى اعتقادى اى فلاح متخرج من كلية هندسة زراعية ممكن بالفعل يبدأ بتطبيقها بمجرد قرائته للتفاصيل. .بخلاف ذلك - خطوة فى الاتجاه الصحيح و بالتوفيق لفريق البحث. مراجع: http://www.ajol.info/index.php/ajb/article/download/97228/86542 https://www.researchgate.net/publication/225829687_Temperature_effects_on_seed_germination_and_expression_of_seed_dormancy_in_wheat https://en.wikipedia.org/wiki/Stratification_(seeds)
  18. 2 points
    عطر الجنة

    يلا بينا نسهر ..

    فعلا اعمالها تستحق المشاهدة و الاطراء و الثناء عليها .. و بسهرة اخرى ..
  19. 2 points
    ما تقولينه معلوم بالضرورة....طبعا الكاتبة مسلمة (وهنا موضع الأسى)وما دعاني للتعقيب...اشتراكنا في نفس الدين...لها ان تنتقد الظواهر السلبية ما شائت (خصوصا في الشأن الداخلي الذي لا يحق لي ابداء الرأي فيه)...لكن ان تلمح تلميحات (يفهما معتنقي الدين) فهذا غير مقبول....كما انه لا يحق لنا ....التلميح بأي ظواهر نراها سلبية (بأي دين اخر)
  20. 2 points
    أبو محمد

    يلا بينا نسهر ..

    أنا بقى عازمكم الليلة دى .. ودى ليلة مبروكة زى مانتم عارفين عازمكم لكى تكونوا جزءا من هذا الجمهور الرائع الذى أدَّى يكل مشاعره مع هذه المطربة البريطانية "أديل" كما لو كان متدربا أعلى تدريب "أديل" هى كاتبة كلمات هذه الأغنية .. يبدو عن تجربة شخصية لذلك شحنة الإحساس - خصوصا مع مشاركة الجمهور - كانت عالية روعة .. روعة .. روعة
  21. 2 points
    أبو محمد

    كيرمت و أنا

    وبعدين حقول بكرة هو اللى ما جاشى وحاستنى ليه .. ليه .. ليه ما استناشى .. لحد بكرة
  22. 1 point
    RSHUSSEIN

    Health care in Egypt is appallling!!

    [English] Being a surgeon who worked in Egypt for a short while before leaving to work and live in England , I am in a position to comment on the appalling healthcare that the patients recive in Egypt. Firstly the ministry of health hospitals are flithy,disorganised and lack basic health and safety rules. Poor equipments and facilities. Doctors training and experience are very low. The interpretations of x-rays and scans are not accurate. Diagnosis and managemnt is practically a joke. I feel so sorry for the people there. Those with a lot of money can be treated in the private hospitals where the standards are not much better. How many stories about mis-treatment and even death you heard from friends or experienced them yourself when you were unlucky enough to fall ill or unfortunate enough to have an accident. I read the egyptian news papers on the net and read stories about that so often. When is the government is going to wake up and sort this mess out.
  23. 1 point
    Hamdy

    Health care in Egypt is appallling!!

    If you would like to have information here is the web site with all the information: http://www.ama-assn.org/ However, I feel that the problem is not the information but the how to use these information in a system with no system, with a people that has no rules and no organization. All physicians is in state of denial or if you would in state of arrogance, the one of them just got of the school (I mean the college) and they want to be a full practicing doctor with no experience what so ever. You may not find similar system any where in the world. Two things need to be done to improve the medical system: applying a mandatory national exmination for speciality and subspeciality. secondly, is a system to control who is licensed and who is not. The main thing is to build a system. But please do it as soon as you can because we may be responsible about many souls getting out because the limited education of them (I mean they, I mean what I mean!!!, I do not know what I mean. It is very frustrating. No system, governement there for ever, If you read the newspaper from fifty years ago and read the current one, they are the same, aren't they? do you read about Fathio soroor, Hosni mobarak, etc... and we expecting change, I do not think so, not with the same mentality and same way of thinking, Aren't they get tired of us? I am sure we are tired of them? Can't they (the governement) divorce us? do we need a fatwa from (.....) I do not know from some one!! to divorce them. Sorry, I got distracted, in summary to improve the medical system we need a SYSTEM. Thank you
  24. 1 point
    أبو محمد

    في بيتنا مريض سيلياك.

    عجيب زوجة صديق لى زميل دراسة وعرفناها أسريا من 35 سنة عندما كنا فى الكويت كانت تشكو من معدتها وآلام مبرحة فى المفاصل وتم تشخيص حالتها فى الكويت على أنها روماتويد وكان الظن أن آلام معدتها من المسكنات وأدوية الروماتيد إلى أن عرضت نفسها فى مصر على أحد الأساتذة وطلب تحاليل معينة .. وعندها اكتشفت أنها مصابة بحساسية القمح إمتنعت عن تناول أى شئ من القمح وخبزت خبزها فى البيت وفى خلال سنة اختفت آلام المفاصل والمعدة ويخلق ما لا تعلمون شكرا مدام سلوى على الموضوع المفيد .. ولو أنى أتحسس من مقال الدكتورة التى يبدو أنها كمعظمنا لا زالت تعيش ثقافة أن الحكومة ماما وبابا يجب التوجه بكلامها - وحبذا لو كانت حملة إعلامية - إلى من يملك 80% من اقتصاد الدولة القطاع الخاص يجب إقناع القطاع الخاص بالاستثمار فى هذا النوع من الطحين كما يستثمرون فى منتجات الدايت وأن تقتصر مطالبة الحكومة على توفير ذلك الطحين للفقراء فقط كما يوفرون لبن الأطفال
  25. 1 point
    Salwa

    فيديوهات أعجبتني

    على فكرة.. كلمة خبيثة بعض الشيء... كان سيكون الفيديو أجمل كثيرااااا لو لم يكن فيه اسم المحل ..مكتوب حتى على ظهر جاكيت العمال.. لن أقول أنها صدقة يتبعها أذى..لا لا...لكن...ألم يكن من الأفضل تقديم الصدقة سرا. عموما...اهى إعلانات أيضا لصاحب المحل بتفكرني ببرنامج مشهور اسمه...المدير. او المالك يختفى المدير ويغير شكله..ويعمل كأنه عامل جديد ويدرس حالة العمال الاجتماعية ثم بعد أسبوعين...يعود كما كان ويستدعيهم ويكشف شخصيته الحقيقية ويبدأ يوزع مبالغ وتذاكر طيران وطبعااا اسم المصنع منور دايما.. بالنسبة لى...هذه اعلانات مغلفة بطبقة رقيقة من المشاعر الإنسانية. اللى عاوز يساعد...ليساعد من غير دوشة. سلام
  26. 1 point
    كنت قد كتبت أن إدارة تعويم الجنيه تتم بطريقة احترافية ويمكن الكلام ده ما عجبش نوعية معينة ممن يكتبون فى وسائل التواصل الاجتماعى اليوم نشرت بلومبرج تقريرا مطولا على موقعها استوحت عنوان التقرير من رواية تشارلز ديكنز "قصة مدينتين" فكتبت تحت عنوان "قصة عملتين" Tale of Two Currencies مقارنة بين الجنيه المصرى والنيرا النيجيرية وقد كانت الدولتان تمران بنفس الظروف النقدية والمالية وقررت الدولتان - فى نفس الوقت تقريبا - اتخاذ خطوات إصلاح اقتصادى لجأت مصر إلى إجراءات ربما تكون قاسية ولكنها جذرية بينما فضلت نيجيريا التعامل بالطريقة القديمة وهى تحديد سعر الصرف بعد تخفيضه ويبرز التقرير نجاح السياسة المصرية (برغم الارتفاع المؤقت فى نسبة التضخم) كما يبرز - على الجانب الآخر - عدم نجاح نيجيريا ويقول التقرير - تقريبا - نفس ما قلته من أن البنك المركزى ركب السوق بسعر السوق السوداء وبدأ فى المضاربة حتى قضى على السوق السوداء وجذب الدولار من تحت البلاطة فقد وصف التقرير هذا التعامل تحت عنوان "ترويض السوق السوداء" Taming the Black Market Tale of Two Currencies: Egypt Sets Itself Apart From Nigeria ويستطرد التقرير ليختم بأخبار جيدة توحى بالثقة فى أننا على الطريق السليم بإذن الله وعونه عن نية كل من إينى وبريتش بتروليم ضخ استثمارات فى مصر أكثر من أى مكان آخر وذلك على نفس الصفحة .. نفس الرابط أو ياستخدام هذا الرابط مباشرة Eni,BP Pouring More Investment Into Egypt Than Anywhere Else
  27. 1 point
    بشمهندس ياترى من السبب ؟؟ ع فكرة انا متعجب من امال ماهر ازاي تقبل تغني كلمات بالمنظر ده والالبوم اصلا كله خناق يبدو ان المشكلة في ذوق فعلا المؤلفين المصريين الحاليين ورغبات الجمهور اللي تفتقد الى الطرب والكلمات الجميلة عموما لامال ماهر الكثير مما يغفر لها الالبوم الاخير قد كان حُبك كوكبًا يتألقُيُضفي على الدنيا أريجًا يعبقُيَنْتابُني في صحوتي , في غفوتيفَأهيمُ في حُلمِ الهوى وأحلقُعودتني أهواك حتى في الكَرىولغيرِ حُسْنكَ في الورى لا أعشقُو وعدتني أن الحياة جميلةٌمادمتَ تُوليني الحنانَ وتشفِقُفأخضلّت الدنيا معاني بالرُؤى الخضراءبالأغصان تنمو وتُورِقُ .. بالفجر بَسّامًا يُباركُ حُبنا .. بالطير يَشدو تارةً ويُصفِقُواليومَ تتركني وتهجرنيفهل من عودةٍ أوَ هل وعودكَ تَصدقُحتى ما أبقى في متاهات الهوىأرجو الوِصال .. وبابُ وصلِكَ مُغلقولئن ذكرت سأذكرُ الحب الذيقد كان لي دومًا يضيءُ ويشرِقُقلبي الذي بالأمسِ كان مُنعّمًااليومَ باتَ من الأسى يتحرقُإرجع وأنقذني وخلصني فَهَا أنا زورقٌ في بحر حبك يَغرقُ
  28. 1 point
    أبو محمد

    أخبار نادي الزمالك

  29. 1 point
    Salwa

    قصائد الهايكو

    أحمد قسيم الرفاعي خَاتَمُ أُمي الذَهَبي تَحْتَهُ, خَاتَمٌ مِن جِلد * في المُعتَقَل أثار أقدام السجين أكبر من حِذائه سور السجن بين الأسلاك الشائكة مُعتقلة حزمة الشوك * بِقُبَعَتِهِ المُتَسِخَة يَنفُضُ غُبارَ مِقعَدِهِ عَامِلُ الإسمَنت المدينة القديمة- بين الأزِقَة تأسِرُني أَسّقف القَرميد * جِدَارٌ مُتَهَالِك – صُورَة العَائلة الكَرِيمَة مِنْ خَلْفِهَا تُمَرِّرُ الصَّدْعَ قعرُ القَارب أَمامَ السمَكةِ المُتَخَبِّطَة بغباءٍ لازلت أَقْتَرِفُ الحَياة
  30. 1 point
  31. 1 point
    فكره اتهام الاخرين بمجرد انه فرح لفوز الكاميرون على مصر انه شخص غير وطنى وعميل ...الخ فكره تدعوا دائما للانشقاق لان زى ما انا بحب الكوره جدا فى ناس بتكرها جدا وشايفاها انها مخدر علشان تنسى زياده الاسعار وازمات البلد ...الخ ده اولا ثانيا اللى فرح فى فوز الكاميرون كان ضد اللقطه اللى هيستفاد بها السياسيين بعد تعب وجهد لاعيبه مصر الرجاله ثالثا لو سخرنا قوتنا ووحدتنا اللى كانت موجوده فى التجماعات اثناء الماتش فى تنميه التعليم والصحه اعتقد ان كل حاجه هتنجح فى مصر حتى الكوره
  32. 1 point
    بجد الشعب المصري كله يوم نهائي كأس افريقيا كان كأنه معزوم في فرح و رغم ان الفرح كان في أماكن متفرقة وعدة محافظات ومدن الا ان الشعور وكأننا كلنا رايحين مناسبة واحدة ومكان واحد وكلنا هنفرح مع بعض ونبارك ونهني بعض . انا يومها روحت انا وعيلتي اتفرج على الماتش في كافييه مالقيتش ولا مكان .. كله محجوز .. فبسرعة افتكرنا اننا جنب اوتيل فدخلنا وكانت الاجواء رائعة حتى الاجانب اللي حوالينا كانوا بيشجعوا مصر .. وفيه واحد اجنبي ضحكني كان رايح التواليت في الوقت دا دخل جون في مصر واما رجع قعد يشتم بصوت عالي و يقول كنت حاسس اني لما هروح التواليت هتحصل مصيبة .
  33. 1 point
    أبو محمد

    هبلة ومسكت طبلة

    تعبتنا يا فضيلة الإمام ============= أنا لا أتعالم .. ولكنى أتدبر القرآن كما أمر الله عباده المؤمنين فقد أصدرت هيئة كبار العلماء بيانا يقر وقوع الطلاق الشفوى (دونَ اشتراط إشهاد أو توثيق) حسنا أيها السادة كبار العلماء وماذا نفعل فى أمر الله سبحانه وتعالى بالإشهاد (وهو وسيلة "التوثيق" فى ذلك الوقت الذى نزل فيه القرآن) ؟؟!! فَإِذَا بَلَغْنَ أَجَلَهُنَّ فَأَمْسِكُوهُنَّ بِمَعْرُوفٍ أَوْ فَارِقُوهُنَّ بِمَعْرُوفٍ وَأَشْهِدُوا ذَوَيْ عَدْلٍ مِّنكُمْ وَأَقِيمُوا الشَّهَادَةَ لِلَّهِ ۚ ذَٰلِكُمْ يُوعَظُ بِهِ مَن كَانَ يُؤْمِنُ بِاللَّهِ وَالْيَوْمِ الْآخِرِ ۚ وَمَن يَتَّقِ اللَّهَ يَجْعَل لَّهُ مَخْرَجًا (الطلاق:2) تناقشنا : الأستاذ طارق وأنا على الفيس بوك هو كتب : وكان ردى : فما كان منه إلا أن زاد وأثرى
  34. 1 point
    رئيس وزراء كندا رجل مثالي .. لو عندنا رؤساء زيه كنا بقينا من دول العالم المتحضر لا و الله انا مش شايفة انه موقف طبيعي حتى لو كنا بننفذ اوامر .. دا لو كان اجانب هما اللي اتقتلوا كنا اتفرجنا على الدموع و الشهنفة و تلغرفات العزاء من كل رؤساء وحكام وملوك العالم العربي ما تتحدانيش ولا حاجة انا متأكدة انهم كانوا هيكونوا واقفين في أول الصفوف عموما الكنديين كتر خيرهم قاموا بالواجب معانا .. مشهد الورود امام المسجد مش هتشوفه في بلادنا العربية
  35. 1 point
    suma

    هبلة ومسكت طبلة

    كلنا نتذكر قول الحبيب المصطفى: ثلاث جدهم جد وهزلهن جد.. العتق...الزواج...الطلاق. ومنذ وعيناىفي المدارس ونحن نعلم هذا الحديث ....اذا المطلوب ان نجد قانونا وصيغة تحمي الزوجة اذا بطش بها الزوج وتهرب من اولاده..ونحمي ايضا الزوج اذا كانت زوجته او مطلقته لا تخاف الله وتمنعه من رؤية ابنائة .ولو حدث يبقى كل المرام من رب العباد . سومه
  36. 1 point
    Grandma

    هبلة ومسكت طبلة

    اللي أعرفه انه فعلا بيقع يبقى ازاي نعتبره لم يقع الا اذا تم توثيقه ؟ مع العلم ان الشيخ خالد الجندي صرح بعدم وقوع الطلاق الشفوي ... يعني المسألة دي فيها خلاف فقهي ولا ايه ؟
  37. 1 point
    herohero

    مستعجب

    حضرتك كده خلطتي بين العام والخاص انا مش ضد ان احرق فلوسي او فلوس والدي انا حر وربنا اللي هيحاسب ،وسلوكي كفرد ده مادام لا يعاقب عليه القانون فهو عادي مش مشكلة مشكلتنا في مصر البذخ او الاهدار او سوء الادارة للموارد من قبل الحكومة المصرية كل واحد حر في فلوسه انما لما تبقى ميزانية الدولة ومصاريف لصالح جهة حكومية من حقي اووووووووي ان اتكلم وازعل ويتحرق دمي الرئيس السيسي دائما وابدا يفكرنا باننا دولة فقيرة وده اصلا موضوع خلاف هل مصر فقيرة في الموارد او فقيرة في ادارة هذه الموارد طيب بالله عليكي لما احنا دولة فقيرة تفسري بايه الاهدار الحكومي اللي ممكن بكل بساطة تشوفيه في اي جهة حكومية وانا ع المستوى الشخصي تعاملت في مشاريع لجهات حكومية واقدر اقول لحضرتك ان كان بيتم التعاقد على اجهزة لم اراها في الخليج !!!!! فماينفعش المكان اللي يشتري فيه Projector قيمته 30الف جنيه !!! سنة 2005 يجي يقول اصل معلش مفيش فلوس عشان نصرف حوافز للعمال وطبعا ياريتها كانت ع اد البروجيكتر ده بلاوي ثانية ايه لازمة الكلام ده !!! هقول لحضرتك قارني موكب اي رئيس دولة عربية بموكب اي رئيس وزراء في الغرب !!! اصلا اشك ان كلمة موكب لها مرادف عند رئيس وزراء كندا والاعجب ان من يشتكي من الفقر هو نفسه يقوم بعمل مواكب اسطوية ومراسم تولي وتنصيب وافتتاح مشاريع ارى انها مكلفة نعم سأظل وغيري كثيري متعجبين ممن يدعي الفقر
  38. 1 point
    Grandma

    في ذكرى 25 يناير

    أستاذ هيرو دا مقال للدكتور علاء الأسواني .. هيعجب حضرتك وياريت تتابع مقالاته لماذ يكرهون شباب الثورة حدثت هذه الواقعة من سنوات ذهبت لأودع مبلغا في حسابي بالبنك فوجدت الفرع مزدحما.كان هناك موظف يعمل خلف الشباك الوحيد المفتوح وأمامه طابور طويل من الناس ينتظرون دورهم. وقفت في آخر الطابور خلف رجل مسن بدا عليه الارهاق وهمس لي: ـــ قدامنا ساعة على الأقل.حاجة تقرف. قلت له: ــــ المفروض يفتحوا شباكين أو ثلاثة بدلا من تعطيل الناس. تطلع إلي وابتسم في صمت.كان الطابور يتحرك ببطء والناس يتململون ويشتكون بصوت خافت.فجأة شممت رائحة عطر نسائي قوى وسمعت وقع حذاء حريمي ورأيت سيدة في الأربعينيات شعرها طويل يتدلى على كتفيها. ترتدي بنطلونا ضيقا من الجلد الأسود وبلوزة بيضاء تكشف عن ذراعيها وجزءا كبيرا من صدرها..تجاهلت السيدة الطابور وتقدمت حتى وصلت إلى الشباك ثم قالت للموظف بصوت عال ليسمع الجميع: ـــ أنا صحفية وعندي موعد في رئاسة الجمهورية بعد ساعة. من فضلك خلصني الأول. كان لذكر رئاسة الجمهورية أثر قوي على الواقفين فلم يعترض أحد.بات الأمر فوق احتمالي فتركت مكاني في آخر الطابور وتوجهت بسرعة الى السيدة وصحت: ــ ليس من حقك تجاهل الطابور. هؤلاء الناس ينتظرون منذ ساعة ولديهم مصالح مثلك. ردت بوقاحة: ــ أنت ما بتسمعش؟!. بأقول عندي ميعاد في الرئاسة. قلت لها: ــــ احنا ما بنخافش من رئاسة الجمهورية. تفضلى اقفى في آخر الطابور تطورت المشادة بيننا وعلا صوتنا وفوجئت بالموظف يقول: ـــ أنا مش عارف أشتغل .. لما تخلصوا الخناقة قولوا لي. أغلق الشباك وانسحب للداخل.. احتج الواقفون واندفعت السيدة إلى داخل الفرع وبعد لحظات جاءني ساع وقال لي: ــــ السيد مدير الفرع عاوز حضرتك. كان مدير الفرع رجلا هادئا في الأربعينيات من عمره.. وجدت السيدة جالسة أمامه وقد وضعت ساقا على ساق وراحت تنظر لي بتحد. استقبلني المدير بترحاب وسألني عما حدث فحكيت له وقلت: ـــ القانون يجب أن يطبق على الجميع. الناس واقفة في الطابور من ساعة. ــــ معلهش. المدام عندها ظرف استثنائي. ـــ في الطابور كثيرون عندهم ظروف استثنائية. ــــ عملاء البنك والحمد لله يتميزون بروح التعاون. ـــ المفروض ان حضرتك كمدير تمنع الاستثناءات تماما. ـــ العملاء عارفين ان فيه استثناءات وموافقين عليها. ــــ من قال لك إنهم موافقين..؟ ـــ الدليل ان ما حدش اشتكى غيرك .. تسمح لي بسؤال: ــ تفضل ــ حضرتك طول عمرك عايش في مصر؟! ــ لا. عشت في أمريكا و أوروبا فترة. ضحك المدير وقال: ــــ كده فهمت. دائما الناس اللى بتعيش في الغرب لما يرجعوا يبقوا عاوزين يطبقوا اللى شافوه هناك .. عاوز أقول لحضرتك ان الثقافة المصرية غير الغربية. احنا كشعب مصري عريق لنا تقاليدنا وخصوصيتنا. زادني هذا المنطق السقيم غضبا فقلت له: ــ يعنى قصدك الفساد جزء من ثقافتنا..؟ بدا عليه الانزعاج وقال: ـــ ايه دخل الفساد بموضوعنا ؟! دى مجرد موائمات تفرضها طبيعة الظروف. ــــ أي استثناء يعتبر فساد. قال لي: ـــ اسمح لي أخلص الموضوع بطريقتي. نادى الساعي وطلب مني ومن السيدة المبالغ التي نريد إيداعها. أعطته السيدة المبلغ أما أنا فقلت: ــ أشكرك لكني أفضل أن أقف في الطابور مع الناس.. تطلع إلي باستغراب ثم صافحني بود وقال: ــــ لو احتجت اى شيء من البنك. مكتبي مفتوح. عندما عدت إلى الطابور.كان الشباك لازال مغلقا وكان هناك رجل وامرأتان يتحدثون للموظف ليقنعوه باستئناف العمل. وقفت في نهاية الطابور. لدهشتي تطلع الواقفون نحوي باستنكار وغضب وسرعان ما انهالت على التعليقات الحادة: ــــ عاجبك التعطيل اللى عملته ..؟ ــــ .منك لله يا شيخ. ـــ لو كنت سبت الست خلصت مصلحتها كان زماننا دلوقت روحنا بيوتنا. ـــ كل واحد يعمل لنا زعيم ويعطل مصالحنا. لم أرد عليهم. انفتح الشباك أخيرا واستأنف الموظف العمل. حان دوري بعد فترة فأودعت المبلغ في حسابي وعدت إلى البيت وأنا مستاء..لم أكن غاضبا من السيدة التي تجاهلت الطابور بقدر غضبي من الناس الذين دافعت عن حقهم فوقفوا ضدي واعتبروا أنني أضعت وقتهم الثمين مع أنهم وقفوا طويلا بغير أن يجرءوا على الاعتراض. أتذكر هذه الواقعة القديمة كلما استمعت إلى أحد يلعن شباب الثورة .. هؤلاء الشباب كان لديهم اختيارات في الحياة أفضل من أن يتعرضوا للقتل والتعذيب والاعتقال، لقد قاموا بالثورة دفاعا عن حقوق الناس فاذا بهؤلاء الذين يدافعون عنهم ينقلبون عليهم ويصدقون أنهم خونة قبضوا أموالا لهدم الدولة إلى آخر هذه الاتهامات السخيفة الكاذبة التي يرددها الإعلام الساقط بغير أن يثبتها بدليل واحد..كيف صار بعضنا يكره من يضحي بحياته وعينيه دفاعا عن كرامتنا..؟ الطبيعي أن تكون الثورة مكروهة من فلول نظام مبارك لأنها تهدد مصالحهم..؟ أما أن يكره الفقراء الثورة التي قامت لإنصافهم فهو أمر شاذ يحتاج الى دراسة..؟ هل أصبح بعض المصريين يفضلون الظلم مع الاستقرار على الحرية مع الثورة..؟ هل يحس بعض المصريين بالضيق عندما يرى شبابا في عمر أبنائه يتحدون الديكتاتور بشجاعة بينما عاشوا هم يؤثرون السلامة ويتجنبون أي مواجهة مع السلطة .؟؟! كلها أسئلة تحتاج الى بحث لأن اجابتها ستوضح لنا ما يحدث في مصر الآن. الديمقراطية هي الحل
  39. 1 point
    حضرتك ادارتنا للموقف جعلها أزمة وسوء التصرف بيخلينا نبقى مسئولين عن الجريمة وحضرتك عندك مواقف كثيرة حتى الان احنا لبسناها واصبحنا الجناة واحنا مالناش فيها اصلا
  40. 1 point
    Grandma

    يلا بينا نسهر ..

    بمناسبة ذكرى ثورة يناير وفرحة فوز منتخبنا على غانا النهاردة .. أدعوكم سيداتي ، مدموازيلاتي و سادتي للاستماع لأغنية داليدا الشهيرة ( حلوة يا بلدي ) بصوت آمال ماهر و أحمد فهمي أوقات سعيدة
  41. 1 point
    Grandma

    أخبار ع السريع

    منذ ساعات انتقل الى رحمة الله تعالى شاعر العامية الذي اتحفنا بروائعه المبدع سيد حجاب انا لله وانا اليه راجعون منذ فترة كتب وصيته يقول : لما اموت ولومت ع السرير
  42. 1 point
    سؤال حضرتك طبعا استنكاري .. لكن لازم ينفردله موضوع خاص خلاف هذا الموضوع لان الجزء اللي حضرتك اختارته من خطبة الرئيس اليوم في عيد الشرطة في رأيّ يناسبه عنوان آخر وهو : ( دعوة الرئيس لانصاف واحترام المرأة المصرية ) فهذه وصيته اليوم للشعب المصري أما توثيق الطلاق رسميا فهو أحد حقوق المرأة فبدون توثيق لا يقع الطلاق أي ان الطلاق الشفهي لا يُعتد به .. فمن حق المرأة الا تجد نفسها في الشارع هي واطفالها لأتفه الاسباب و بلا حقوق خصوصا وان نسبة الطلاق وصلت لاربعين في المية من عدد الزيجات في خلال اول خمس سنوات من عقد القران وهي نسبة مرتفعة جدا و أثرها ضار على الاطفال و الزوجة والاسرة و المجتمع كله . أعتقد ان الرئيس طلب من الشيخ الطيب أن يفعل شيئا بخصوص الطلاق الشفهي من مدة و شيخ الازهر لم يستجب ولهذا مازحه بانه ( تعبه ) اما الشيخ سيد الجندي فقد صرح اليوم في اليوم السابع بان الطلاق الشفوي لا يقع أبدا مهما بلغ عدده.. ودي على فكرة فتوى جديدة طازة لان قبل كدا الطلاق الشفوي كان مشروع و يؤخذ به . هلى أي حال بعد دعوة الرئيس لعدم وقوع الطلاق الا بعد توثيقه رسميا أعتقد ان كل مؤسسات المجتمع ستعمل لتحقيق وتنفيذ طلبه . مافيش حد بيشتغل منغير توجيهات الرئيس دي معروفة .
  43. 1 point
    ويسألونك عن ترامب بقلم : بسنت حسن جريدة الدستور ويسالونك عن ترامب فيه إثم كبير ومنافع للناس إثمه القدس التى ستنتقل إليها سفارة أكبر دولة فى العالم أو «هكذا قيل» ولكن.. من الذى ساوم على القدس وتاجر باسمها وأضاع الحقوق. أنباء عن ترحيل ٣ ملايين مهاجر.. نعم هذا إثم كبير، ولكن ماذا فعل هؤلاء فى بلادهم وبلاد الغير.. ثلاثة ملايين من الممكن أن يكونوا جيشاً وتكون له عقيدة ذبح، ولنا فى «داعش» أسوة بغيضة يا أولى الألباب. أيخضع ترامب يا سادة يا كرام وينبطح لرجال لحومهم مسمومة فيسحق لأجلهم القانون ويخضعه لمكيالهم؟ هل سيروج ترامب لأساطير وخزعبلات وهلاوس وضلالات؟ هل سيخيفنا ترامب بالثعبان الأقرع ويرهبنا بعذاب القبر؟ هل قانون ترامب يسمح بسجن الباحثين والمجددين والمبدعين؟ هل فى زمن ترامب يقتل رجال مثل فرج فودة ونابض حتر والشيخ حسن شحاتة ويذبح لمعى على رؤوس الأشهاد وعلى قارعة الطريق وفى عقر دار متجره المرخص ويسجن بحيرى وتهرب فاطمة ناعوت- ثم تعود بفضله- ويسجن ناجى ولا يقبل طلبه إلا عندما طلع ترامب علينا؟! هل سيضع ترامب كتب الحوينى وحسان وبرهامى وخرافات ليلة الزفاف على أرصفة تكساس وسياتل وهارلم؟ هل سيسمح ترامب ببيع أشرطة عمر عبدالكافى والمنادين بحجاب الفنانات وإرهابهن وجعلهن عبرة ونموذجاً لاعتزال الحياة؟ هل سيسمح ترامب لبرهامى والشحات وبكار أن يدلوا بدلوهم على منابر أو شاشات ويفرج عن «على ونيس» ومن على شاكلته ويحبس من كانت معه؟ هل سيسمح ترامب بحفلات تقام فى المدارس للفتيات اللاتى ارتدين الحجاب..؟ هل سيضع ترامب التيجان على رءوسهن لمجرد وضعهن طرحاً عليها وإخفائها؟ هل سيرضى ترامب بقص شعر التلميذات غير المحجبات فى المدارس؟ وقطع أذن قبطى؟ هل قامت حملته الانتخابية بعمل حملات للختان جابت الولايات الأمريكية المتحدة؟ هل قالت حملته إن مريم العذراء «ست النور» تؤيد ترامب وهو الإنجيلى البروتستانتى اليمينى المتشدد؟ هل سيضع ترامب فى دستور بلاده ديناً للدولة؟ هل سيضع فى دستوره قوانين سيئة للسمعة؟ هل يقبل أو يقر ترامب قانون الحسبة؟ هل سيجبر ترامب رجلاً على تطليق زوجته قائلاً له أطِع الله والرسول وأولى الأمر منكم؟ هل سيحاكم ترامب شعبه ومبدعى بلاده وفقاً لقانون يسمى «ازدراء الأديان»؟ هل جعل ترامب من نفسه نائباً للإله؟ هل قال ترامب أنا أحمى الله؟ أنا ساعده الفتى؟ هل سيقول ترامب للنساء - مهما احتقرهن - قرن فى بيوتكن؟ هل سيعتبر ترامب من تضع العطر زانية؟ هل وعد ترامب النساء بالنار؟ لأنهن كاسيات عاريات؟ هل زير النساء ترامب يجرؤ على مفاخدة صغيرة؟ هل سيبيح قانونه زواج الفتاة فى سن التاسعة؟ هل يجرؤ ترامب -على كل فجاجته - أن يضاجع جثة لمتعة الوداع أو ينادى بإرضاع الكبير؟ إن ترامب تشابه علينا يا حضرات.... سيقت له الآثام وفيه حتماً منافع للناس. كل ما سبق يشفع له عند كثيرين.. لسان حالهم يقول: طلع ترامب علينا!! ومن دخل حلفه فهو آمن. اطرقوا بابه.. يُفتح لكم!! ولا لوم على مكلوم خائف إن قال لبيك ترامب!! هكذا يفكر من عانى وآسى ودُقت رقابه باسم رب البيت... هؤلاء دفعوا أثمانا. باهظة وهم صاغرون.. هؤلاء قيل عنهم إنهم كفار وذميون. هؤلاء شعروا أنهم رعايا أو عبيد. فآتاهم غول تسبقه هالة من هيبة. واجهت كل أنواع الرهاب وتصدت لمن أرهب وقض المضاجع فى غيبة من العدل. سيذكر التاريخ لترامب.. ما له وما عليه. وللتاريخ وقائع لا تكذب ولا تمالئ. اتركوه يكتب لنفسه تاريخاً. فما أدرانا ما سيفعل. المستقبل يعرف تماماً كيف يعتنى بنفسه. سيعرف طريقه إلينا إن عاجلاً أو آجلاً. وما سيصل إلينا سيكون أصدق أنباءً من كل ما كُتب ومن كل من كتب. ليُصحح لنا الخطأ. أو ليثبت لنا الصواب. اتركوه يفعل. وعندما يفعل. سنرى.
  44. 1 point
    أبو محمد

    سجل و سرب

    مش مهم تكلم زميلها أو صديقها المهم المكالمة ما يبقاش فيها حاجة غلط
  45. 1 point
    أبو محمد

    حقيقة أبو تريكة

    يا ريتها تيجى على كده وبس .. إنما الألعن .. وكما قلت فى موضوع آخر إن اللى بيحاول يمشى للأمام بيلاقى اللى بيرمى فى سكته قشر الموز والبِلىْ
  46. 1 point
    Grandma

    سجل و سرب

    لا الحكاية دي مش من زمان .. او على الأقل اعترفوا بيها مؤخرا فقط انا اللي غششتك ونبهتك للحكاية دي و مع ذلك الحالتين غلط بقى هي الحكاية كدا وانا مفكرة من كتر الضرب اللي بياخدوه ليه يعني ملايكة وعايشين في المدينة الفاضلة ؟ دا كفاية بنوتة تكلم صديقها تبقى دي حاجة غلط لو اتسربت لاهلها ممكن حد يبتزها ويخليها تعمل عجين الفلاحة .
  47. 1 point
    الارض لو مش مصرية فلازم تكون مصرية واى لواء من بتوع الخبراء الاستراتجيين يقول ان تيران وصنافيير ملهمش لازمة ومش بتوعنا يبقى حمار ومش فاهم حاجة ويروح يقف على عربية كبدة احسنله .. هل الاستراتيجية انى اسيب مدخل استراتيجيى زى ده اتضربنا بسببه فى 67 بالسهولة كده؟؟ ومقابل ايه؟ وعلشان ايه كل الدفاع ده عن سعوديتهم؟؟ ومحدش يقولى حق ومش حق ومش حناكل حق الناس والكلام ده لما السعودية تدى لليمن نجران نبقى نديهم الجزرتين .. ولو النظام اصر على بيعهم يجب ان يحاكم بتهمة الخيانة العظمى كل من دافع عن سعودية الجزر
  48. 1 point
    tarek hassan

    صورة و تعليق

    أوعى تعطي ظهرك لإخواني لأنه غادر أوعى تصدقه لأنه كاذب أوعي تأمن له لأنه خاين أوعى تأخذ دينك عنه لأنه جاهل
  49. 1 point
    Grandma

    إختراعات مدهشة

    حشوة أسنان ذكية ستغير عالم طب الأسنان عمل خبراء من جامعة الملكة ماري في لندن على صنع حشوة أسنان جديدة، تساعد على استعادة أنسجة الأسنان المتضررة من التسوس. وقال البروفيسور روبرت أن حشوات الأسنان المبتكرة هي مادة مركبة نشطة بيولوجيا، تقوم بعد حشوها في السن المتضرر بإنتاج فلوريد الكالسيوم والفسفور والمعادن الضرورية لتكوين أنسجة الأسنان. وتساعد هذه الحشوة أيضا في استعادة الأنسجة التالفة نتيجة للتسوس، وتمنع إلحاق المزيد من الضرر الناتج عن البكتيريا لأنها لا تترك بين الحشوة والسن أية الفجوة تمكن البكتيريا الخطيرة من التسلل إليها. ويزعم العلماء أن هذه الحشوة توضع لمرة واحدة وإلى الأبد. وأضاف البروفيسور هيل قائلا: " هذا الاختراع الجديد سيحدث تغييرا جذريا في ممارسة طب الأسنان". ومن المتوقع أن تصبح الحشوة الجديدة متاحة خلال السنوات الثلاث المقبلة. * أخيرااا ممكن نتخلص من وجع الاسنان و التسوس و الألم و ناكل حلويات براحتنا
  50. 1 point
    Grandma

    مقولاتي المفضلة _ My favorite words

    If you kick a stone in anger you will hurt your foot