[الباشمهندس ياسر]

افتح هذا الموضوع لالفت اننتباه اخواننا و اخواتنا الي هذا الرجل



لم اتابع الرجل فترة كافية و لكن مثله لا يحتاج الي الكثير من المتابعة حتي تخرج عنه بفكر جميلة




و اقدم الان نبذة مختصرة عنه


الدكتور يحيي الاحمدخبير واستشاري العلاقات الزوجية بمصر والدول العربية

استشاري التنمية البشرية والعلاقات الانسانية بمركز تدريب شركة بوك سيتي للاستشارات التدريبية - القاهرة - مصر

استاذ محاضر في جامعات مصر المختلفة

ضيف دائم ببرنامج ( الدين والحياة ) على قناة الحياة

مقدم برنامج( استشارات نفسية) قناة بداية

مقدم برنامج ( للحياة اسرار ) على قناة لايف ستايل

مقدم برنامج ( همس السهارى ) على قناة ايه ار تي عين

مقدم برنامج ( السيد وسي امينة ) على اذاعة نجوم اف ام

مقدم برنامج البساط احمدى علي قناة الناس

كاتب صحفي بمجلة كل الناس - القاهرة - مصر

كاتب صحفي بمجلة كل الاسرة- الشارقة - الاماراتي



http://www.facebook.com/pages/d-yyy-lmdy/1...70611523?v=wall




http://www.BLOCKED15...h?v=8P99aC23chk

[لماضة مصرية جدا]

السلام عليكم و رحمة الله و بركاته

سعيدة فوق حدود السما ان استاذي بقي ليه محبين و معجبين و ندوات في كل حتة مع ان الندوات و المحاضرات دي هي اللي اخدته مننا

ع فكرة بقي...دكتور يحي الاحمدي- دكتوراة في علم النفس التربوي- صعيدي جدا- درسني سنتين متتاليتين و محاضراته من امتع ما يكون

انا لغاية دلوقتي بكتب وراه كل كلماته و محتفظه بيها

له العديد من المؤلفات

قريت ليه

إمرأة واحدة تكفي جدا.....و كان دايما يقولنا "مش بس تكفي جدا لا و تفيض....أوي كمان بس المهم تعرفي كيف تكوني كل النساء؟"

فيه مؤلفات تانية بس مش فاكراها دلوقتي...بس هو عنده دار نشر باسمه....الاحمدي للنشر فيه منها فرع في القاهرة و فيه في الصعيد

ياااااااااااااااااااااااااااااه

احنا المحاضرات بتاعته 3 ساعات كنا لا نتوقف عند حد للاستماع. و الاستمتاع....يتحدث و يتحدث....و يكلمنا عن حراجي القط.....آه حراجي القط بتاع عبد الرحمن الابنودي....و يحكي لنا عن زوجته هو شخصيا....و ابناؤه الثمانية......
و اول لقاء ليا بيه........انا فاكراه كويس.....نادي علي اسمي في المحاضرة كان بياخد الغياب و كنا مدرج فيه حوالي اكتر من 200 طالب....رديت....راح قالي "هتخشي النار يا بنت".....هواحيانا يكون صادم في اسلوبه كتير.......و انا صعقت......و روحت ليه بعد المحاضرة غاضبة كعادتي....زي التنين اللي بيفح نار......و دار بينا حوار لاكتر من ساعة....و بعدها شرفت انه يكون استاذي و صديقي.....و ناصحي

لو سمحت الايميل بتاعه ع الفيس بوك مش بيرد عليه لو حد توصل لوسيلة اتصال بيه يعرضها

تحياتي

[الباشمهندس ياسر]

لماضة مصرية جدا, on Apr 3 2010, 08:36 AM, said:

لو سمحت الايميل بتاعه ع الفيس بوك مش بيرد عليه لو حد توصل لوسيلة اتصال بيه يعرضها

تحياتي

تدفعي كام و اجيبلك رقم موبايله الشخصي...؟؟؟


طب بجد

انا سعيد جدا ان بيننا احد تلامذة هذا الرجل المحترم


فعلا يا جماعه ... اسلوب الدكتور ملوش حل


عبقرية ف الاقناع ببساطة لا يمكن تخيلها


ربا يبارك و يحفظ و يزيد ... امين

[doudy]

بجد يا بشمهندس عايزة اشكرك جامد جدا

ع الموضوع دة

ادنا دايخة ع البرامج بتاعته و مش عارفة اتابعه

من بعد ما كان بيقدم برنامج همس السهارى على قناة عين

بصراحة موضوع رائع انا بقيت فان فى البيج بتاعته ع الفيس بوك

بالتوفيق

[الباشمهندس ياسر]

فعلا يا دعاء


احنا محتاجيين انا تعرف ع الناس المفيدة جدا زي الدكتور يحيي


حاجة تزق لقدام بجد

[مغتربة]

استاذ ياسر
الف شكر ان حضرتك عرفتنا على رجل رائع بهذا الشكل
عن نفسى اول مره اعرفه لكن بحثت فى النت و لقيت حاجات جميله جدا و فكر راقى بيمزج العلم الاكاديمى بالمتطلبات الواقعيه
يا ريت لو حد يقدر يرفع لنا كتب من كتبه لتعم الفائده

[الباشمهندس ياسر]

العفو يا اختي


بس فعلا دورت علي الفور شيرد و ملقتش

اوعدك لو لقيت ... هكتب فورا

باذن الله

[الباشمهندس ياسر]

:: إن لله وإن إليه راجعون ::

(( كُلُّ نَفْسٍ ذَآئِقَةُ الْمَوْتِ وَإِنَّمَا تُوَفَّوْنَ أُجُورَكُمْ يَوْمَ الْقِيَامَةِ فَمَن زُحْزِحَ عَنِ النَّارِ وَأُدْخِلَ الْجَنَّةَ فَقَدْ فَازَ وَما الْحَيَاةُ الدُّنْيَا إِلاَّ مَتَاعُ الْغُرُورِ )) .. صدق الله العظيم

توفي الى رحمة الله اليوم الأحد الموافق 27/02/2011م الدكتور يحيى الأحمدي

اللهم أنا نسألك ان تتغمده بواسع مغفرتك وان تطيب ثراه وانا تلهمنا الصبر على فراقة
بالله عليكم "لا تنسوه من صالح دعائكم "

[Om Zayd]

انا لله و انا اليه راجعون

ربنا يرحمه و يصبر اهله و محبيه

[لونا]

لا إله إلا الله

ربنا يتغمده برحمته

و يصبر أهله