[Alrefaey]

رضوي, on Jun 14 2010, 09:20 PM, said:

السلام عليكم ورحمة الله وبركاته

معلش يادكتور

بدأنا شهر رجب والصوم بيذيد ورمضان داخل علينا ( كل سنة وحضرتك طيب )

في فترة الصوم دي بواجه شوية مشاكل في الشعر والبشرة ..... يعني شعري بيضعف شوية وبشرتي نتيجة لقلة السوائل بحس انها مجهدة

ازاي اقدر احافظ علي شعري وبشرتي في ظل الصيام مع حرارة الجو ؟؟؟

- أنا بدأت اخد فيتامين اسمة ( فيتازنك ) علشان الشعر ياتري دة كفاية للحفاظ علي شعري ؟
-طيب ممكن سؤال سريع عن البشرة بدون خروج مقصود عن التوبيك ............. ياتري فيه صن بلوك بمعامل حماية كويس وآمن علشان أشعة الشمس المباشرة علي وجههي واللي دايماً بتعمل فرق بين الجزء المعرض للشمس والجزء تحت الحجاب من الوجه ؟؟ المشكلة دي بتضايقني جداً ونفسي الاقي لها حل ؟؟

تحياتي يادكتور

وحضرتك بصحة وعافية

حافظى على شرب اكبر كمية من السوائل فى السحور
استخدمى الكريمات المرطبة والمغذية للبشرة قبل النوم
استمرى على استخدام مصدر للفيتامين عن طريق الفم لكن خذية وسط الاكل عشان مايعملش مشاكل فى المعدة مع الصيام

واقى الشمس ممكن تستخدمى نوع اسمه allday+20 من شركة لويس ويضمر
او واقى شمس من شركة vitchy

صوما مقبولا منكم ومنا والمسلمين اجمعين

[fatfouta]

اذيك يا دكتور رفاعى

كنت عاوزة أسألك سؤال الدكتورة كتبت لى دوا اسمه floxia اقراص حبة صباحا ومساءا

وfloxia سبراى 6 بخات مساءا بس

عاوزة أسألك على حاجة بما انه سعره نااااار وهى عاوزانى استعمله شهرين انا جبت اللى يكفينى شهر واحد وانا نازلة مصر فاجيب اللى هيقضينى الشهر التانى؟؟؟ ولا هير باك يمشى بدل floxia سبراى؟؟

لانى حاسة انه نفس ريحة هير باك فحبيت اسألك

ربنا يكرمك يارب

[Alrefaey]

السلام عليكم

اسف جداا عن الانقطاع الفترة الماضية وده كان بسبب عدم مقدرتى على الدخول للمنتدى ’ يبدو ان فيه مشكلة فنيه عندى ولا ذالت .

مرحبا مدام فتفوته اكيد انتم سافرتو ورجعتوا اخبار مصر ايه

عموما فلوكسيا دواء فرنسى عبارة عن مجموعة من الفيتمينات والمعادن والاحماض الامينية

ليس له علاقة بالهير باك ولا ريجين ولا مينوكسيديل

لا ادرى اذا كان متوفر بمصر ام لا

دومتم بخير

[النجم الثاقب]

الحمدلله على السلامة يا دكتور

لو سمحت عايز رأي حضرتك في المداخلة المقتبسة التالية (يعني المعلومات اللي فيها صحيحة طبيا ولا لأ؟) .. هي مقتبسة من أحد المنتديات وكاتبها أخصائي تجميل مهتم بالهجرة (ممكن يكون زميل هنا)

Quote

نيجي بقى لتساقط الشعر


ليه الشعر بيسقط :
قلة تغدية بسبب ريجيم او حمل او رضاعة او اكتئاب او قلة نوم او سوء التغذية.
او صلع وراثي. وكل اللى فات ممكن يتعالج الا الصلع الوراثي. علاجه ان المريض بياخد علاجات توقف التساقط وشعره بيفضل على الىحالة اللي هو بدء العلاج عندها ولو بدأ بدري يتعالج شعره هايثبت كدة. ولو بدأمتاخر بردو شعره هايثبت على كدة.


بالنسبة للحالات السابقة كلها ونضيف عليها حالات الثعلبة ممكن علاجها بالفيتامينات وشامبوهات مقوية. وزيوت مقوية ومسرعات نمو الشعر وليس مسرعات انبات الشعر لان مفيش حاجة اكتشفت لحد دلوقتى تخلى الشعر ينبت من جديد واللي يقول كدة يبقى نصاب يا اما مش فاهم حاجة.
اما الصلع الوراثي بيكون عند الرجال وبعض السيدات بيكون سببه هرمون رجالي اسمه testistiron مع تقدم العمر والبلوغ بيتحول لمادة اسمهاDHT المادة دي بتسبب تضخم البروستاتا والشعر الغزيز في الجسم عند الرجال والصلع فى الرأس و المادة دى بتترسب على جذور الشعر بتفصل ال papilla وهى المسئولة عن امداد الشعر بالغذاء عن جذور الشعر فلما دى بتنفصل عن دى . الشعرة تقع .
ماذا عن العلاج:-
بالنسبة للحالات العادية.((ده احسن كورس من الاخر)).


شامبو اكرينال رجالى او حريمى حسب نوع المستخدم وانا شايف ان الفرق بينهم طفيف جدا
مع كبسولات اسمها بانتوجار في منها المصري والمستورد .
الكبسولات صباحا ومساءا والشامبو يوميا . وبع الشامبو بنستخدم دهان للشعر اسمه كامينوموتو يوجد منه دهبي وفضي انا ارشح الدهبي لانه مسرع للنمو ويوقف التساقط.
الشامبو سعره 65 و95 حسب الحجم والكبسولات المصري سعرها القديم 36 والجديد 54 والعلبة فيها 6 شرايط تكفي شهر.
اما الكبسولات المتوردة سعرها 210 والكامينوموتو سعره 200 جنية.


اما في حالات الصلع الوراثي:-
بنستخدم محلول اسمه revivogen ,وده بيمنع تكوين الDHT على الPAPILLA بناخد ملى واحد صباحا وملى واحد مساءا .على فروة الراس .بنقسم الشعر بالطول كذا تقسيمة ونوزع المحلول بالطول علي فروة الراس ولما املى الخطوط الطولية كلها بالاصبع اوزعهم بالعرض.
وبناخد معاه روجين او ريجين او بيرفورما او هير باك .
وكل دول مسرعات لنمو الشعر واسعلرهم عالية جدا تصل ل 500 جنية ماعدا بيرفورما وهير باك اسعارهم في متناول الجميع.
ملحوظة مسرعات النمو مادتها الفعالة اسمها MINOXIDIL في منها تركيزين الرجالى 5% والحريمي 2% ولو البنات استخدموا 5% هايطلع شعر فى الوجه والرقبة.
ملحوظة اخرى لو استخدمت مسرعات النمو لوحدها الشعر هايتقل اه بس كدة كدة الدى اتش تى هايوصل له هايوصل له.
ولو استخدمت ريفيفوجين لوحده الشعر هايفضل على كده ومش هايتقل خالص. بس مش هايخف عن كدة.
الملحوظة التالتة والاهم وهي ان كل علاجات الصلع الوراثى استخدامه مدى الحياة يعني مش بابطل العلاج طول مانا عايش
وعلى فكرة مش هى دى بس العلاجات الوحيدة في حاجات تانية كتير واسرع لكن محظورة للبنات والحوامل والرجال المتزجين.

سؤال آخر لو تكرمت .. شعري كان تقيل إنما دلوقتي في النزع الآخير أعتقد لعوامل الوراثة بالإضافة لإستخدام الجيل فترة من الزمن ثم أجهزت عليه مياه المملكة وجفاف المنطقة الوسطى القاسي .
من أكتر من سنة إستخدمت ريجين (مينوكسديل 5%) لمدة شهر تقريبا بدون إستشارة طبيب .. وقرأت في النشرة بتاعة الريجين إن تساقط الشعر بيزيد في بداية فترة العلاج .. ياترى الفترة دي قد إيه ؟ لأني طوال فترة الشهر كان التساقط بيزيد وكمان انا زهقت من استخدام الدواء فبطلت الدواء .. هل كده انا إستعجلت وفترة شهر مش كافية للحكم على الدواء (من ناحية زيادة التساقط)؟

[Alrefaey]

اخى الفاضل النجم الثاقب

اشكر حضرتك اولا على المداخلة والاقتباس الذى اوردته صحيح الى حد بعيد

انت استعجلت فى الحكم على ريجين لانه ينصح باستخدامة فيما لايقل عن 6 شهور , شهر واحد لن تشعر باى تحسن

عاود الاستخدام مرة اخرى واستمر عليه وخد معاه اى فيتامين يكون فيه زنك وفيتامين اوهـ وبيوتين

تحياتى

[النجم الثاقب]

Alrefaey, on 04 October 2010 - 10:25 PM, said:

اخى الفاضل النجم الثاقب

اشكر حضرتك اولا على المداخلة والاقتباس الذى اوردته صحيح الى حد بعيد

انت استعجلت فى الحكم على ريجين لانه ينصح باستخدامة فيما لايقل عن 6 شهور , شهر واحد لن تشعر باى تحسن

عاود الاستخدام مرة اخرى واستمر عليه وخد معاه اى فيتامين يكون فيه زنك وفيتامين اوهـ وبيوتين

تحياتى

شكرا جزيلا يا دكتور.

بس أنا بسأل عن طول فترة التساقط اللي بيحصل في بداية إستخدام الريجين .. تقريبا كان مكتوب في النشرة ان الفترة دي بتكون اسبوعين " مش متذكر بالظبط " لكن الموضوع طول معايا .. يعني ممكن الريجين نفسه يكون مش مناسب ليا ولا هو بيستخدم في أي حالة مشابهه؟ .

تم تعديل هذه المشاركة بواسطةالنجم الثاقب: 05 October 2010 - 12:34 PM

[قلب ابيض]

الفاضل دكتور رفاعى

سؤالى بايجاز

هل قص الشعر يفيد فى زياده كثافته؟؟

بمعنى الشعر الخفيف لو قصيناه قصير جدااااا ممكن يطلع تقيل بعد كده


مع العلم انه تم اخذ حقن الميزوثرابى وبالفعل نبت شعر جديد ولكن لم يظهر بشكل واضح


ولسيادتكم جزيل الشكر

[رونا]

ارجو النصيحة
انا شعرى بقى بيقع بطريقة كبيرة
بيقع من الجزور
وكمان بيتقصف من نص الشعراية
لغاية لما قصر قوى من كتر التقصيف اية الحل

[Alrefaey]

قلب ابيض, on 10 October 2010 - 12:46 PM, said:

الفاضل دكتور رفاعى

سؤالى بايجاز

هل قص الشعر يفيد فى زياده كثافته؟؟

الفاضلة قلب ابيض

قص الشعر اكيد بيفيد , حيث ان عدد الشعرات المتساقطة بشكل يوم بتقل وبالتالى بيبدو الشعر اكثر كثافة

استخدام الفيتامينات ولسيونات الشعر لا تنبت شعر جديد لم يكن موجود ولكن تنشط الفوليكل كى ينمو منها اكبر عدد ويكون معدل سقوطة اقل

شكرا لحضرتك على المرور الكريم

الفاضلة رونا

اكيد هناك اسباب لهذا السقوط , قد تكون انيميا , قشرة , رضاعة ’حمل ,ادوية ,نفسية , ,,,,

عموما حاولى تعالجى الاسباب اذا كانت هناك اسباب واضحة

يمكنك ان تتناولى اقراص تحتوى على الزنك وفيتامين أ وب و هـ زى مثلا بانتوجار ’, سترس تاب زنك , فور هير اند نيل , نيوتشر , اصناف كتيرة موجودة بالسوق

واستخدمى لوسيون مناسب دهان على فروة الرأس زى سورسير - ريجين 2 % -نيوترافوليكا -,,,

تحياتى

[رضوي]

موضوع هام ومفيد جداً جداً

للرفع

[egyptawy]

طيب حد له خبرة مع دوا اسمه foltene

ياريت الا عنده خبرة يقولنا بيقولوا نتيجته بتبان بعد 3 شهور