إنتقال للمحتوى


صورة

أكلات صيامى....


  • من فضلك قم بتسجيل الدخول للرد
34 رد (ردود) على هذا الموضوع

#1 SoSo R

SoSo R

    Advanced Member

  • Members
  • PipPipPipPipPip
  • 1328 مشاركة
  • النوع:أنثى
  • المكان:كندا

تاريخ المشاركة 08 March 2010 - 07:05 AM

مساء الخير يا جماعة..

بهنى الأقباط بالصيام الكبير...عارفة إنى متأخرة شويتين فى التهنئة بس ظروفى مش مساعدانى أفتح مواضيع...

المهم...

أنا دورت هنا فى المنتدى على وصفات صيامى و مالقتش...
وفكرت نعمل الموضوع دة مرجع للمستقبل للوصفات الصيامى...

طبعا لو أخواتى المسلمين عندهم أفكار ينورونا وهابقى سعيدة جدا بمشاركتكم...و عشان كدة هدى فكرة بسيطة عن الوصفات اللى محتاجينها...
الصيام دة مافيهوش سمك وبالتالى الحاجات المتاحة بتكون قليلة قوى و مع طول المدة الواحد بيزهق من تكرار نفس الأصناف...فمحتاجة مساعدة منكم

محتاجين وصفات فيجتيريان...
تكون مكونة من خضروات أو بقول أو عجائن...
وتكون خالية من اللبن ومنتجاته...البيض...الزبدة و طبعا اللحوم...

أنا كان عندى وصفات كتير بس التنقل من بلد للتانى ...كل حاجة ضاعت منى :happy:
محتاجكم تشدوا الهمة...معايا
لسه فاضل تقريبا شهر على الصيام

مستنية أفكاركم


سلام :happy:

صورة

لا تندم على حب عشته...حتى ولو اصبح ذكرى مؤلمه..... فأذا كانت الزهور قد جفت وضاع عبيرها ..... ولم يبقى فيها غير الاشواك فلا تنسى انها منحتك عطرا جميلا اسعدك


#2 doha

doha

    Super Member

  • Members
  • PipPipPipPipPipPip
  • 3241 مشاركة
  • النوع:أنثى
  • المكان:مصر

تاريخ المشاركة 08 March 2010 - 07:18 AM

المسقعة .. باذنجان وزيت وطماطم وبصل وثوم وخل وممكن فلفل اخضر ..

البطاطس المسلوقة بالملح والتوابل وتنهرس مع فص ثوم وشويه زيت صغيرين ..

شوربة العدس وفتة العدس والعدس بالشعرية .

الكشري ..

البيتزا والعجينة هتكون بالزيت وهنستبدل اللحوم بالمشروم الطازج .. ( اعملي سيرش في النت على عجينة العشر دقائق دي رهيبة وممتازه وسريعه ونتيجتها دائما مضمونه .. )

السبرينج رولز بالخضروات ..

فطائر السبانخ عجينة العشر دقائق محشية سبانخ متشوحه مع بصل وسماق ..

الفتوش اللبناني ( سلطة عليها عيش متحمر في الزيت او متحمص في الفرن )

..إذا دعتك قدرتك على ظلم الناس فتذكر قدرة الله عليك ..


#3 اغابي

اغابي

    Super Member

  • Members
  • PipPipPipPipPipPip
  • 6321 مشاركة
  • النوع:أنثى
  • المكان:بحبك اوى يا مصر

تاريخ المشاركة 08 March 2010 - 08:27 AM

استنو احضرلكم نفسي شوية كده - واكتبلكم وصفات بجد جميلة
:happy:

نـحن البلـــــدان الحقيقـيــة فى هــذا العـــالم . . . وليـــــس مــا يرســــم فـــوق الخرائــط
نـحن الرمـــوز الحقيقيــــة فى هــــذا العــالم . . . وليــــــس اسمـــــاء القـــــادة العظمــاء . . . لاننـا نحـن من صنعـناهـم


فرسـان العالـم الحقيقيـون . . هــم شعــوب الارض


#4 goodfaith

goodfaith

    Full Member

  • Members
  • PipPipPipPip
  • 179 مشاركة
  • النوع:أنثى
  • المكان:Ottawa

تاريخ المشاركة 08 March 2010 - 08:33 AM

ازيك يا سوسو وحشاني .. اخبار البنات ايه

ممكن تجربي الفرايد رايس حلو وتغيير عن الاكلات بتاعتنا

رز ابيض مسلوق وبتيجي في مقلاية كبيرة تحطي شوية زيت وجزر مكعبات صغيرة وبسلة وممكن فلفل الوان طبعا في العادي انه قبل كل ده بتحطي بيضتين ووبتسويهم كويس في الزيت بحيث يبقوا فتافيت بس بما انه رز صيني صيامي بلاش البيض دلوقت

صويا صوص وصوص تاني اسمه استني هاروح اشوف لك اسمه




OYSTER SOUCE

هتلاقيه جنب الصويا صوص او في ركن الاكل الصيني في اي محل

ممكن تحطي اي خضروات انتي بتحبيها وطبعا في النهاية بتضيفي الرز الابيض وبتقلبيه كويس وبعد ما بتطفي النار بتحطي بصل اخضر مقطع رفيع وبتقلبيه وبالهنا والشفا

نفس القصة دي ممكن تعمليها بالنودلز بدل الرز بس انتبهي ان النودلز متكونش بالبيض


لو افتكرت تاني اي حاجة هارجع اكتبهالك وبجد سعيدة اني شفتك :happy:

قال رسول الله صلى الله عليه و سلم :

( أنا زعيم ببيت في ربض الجنة لمن ترك المراء وإن كان محقا، وببيت في وسط الجنة لمن ترك الكذب وإن كان مازحاً، وببيت في أعلى الجنة لمن حسَّن خُلُقَه )
صدق رسول الله صلى الله عليه وسلم


#5 jasmin hamed

jasmin hamed

    Advanced Member

  • Members
  • PipPipPipPipPip
  • 984 مشاركة
  • النوع:أنثى

تاريخ المشاركة 08 March 2010 - 08:47 AM

كل سنه و انتو طيبين

وصفه اكله بسيطه للافطار او العشاء (مغربيه ) اسمها فلفله و ما طيشه (الماطيشه بالمغربى يعنى طماطم )

تسلق الطماطم لمدة 30 س و تقشر و الفلفل يقلى نص قلى و بعدين و خوه سخن تحطيه فى كيس عشان يتقشره و بعدين تقطعى الطماطم و الفلفل
و فى طاسه تحمر الثومه و توضع عليها الفلفل و الطماطم بتطلع ذى الشكشوكه بس بعد ممكن اكل منها اطنان

كسكسي السبع خضروات

تحمرى ثوم و بصل مفروم صغير و بعدين تحطى عليهم طماطم مقشره و

تقطع السبع خضروات و ه) كوسه قرع كرنب افرنجى جزر لفت او بطاطس و قرنبيط ) الى قطع كبيره جدا متساويه و توضع فى الحله التوابل القرفه و القرنفل جوزة الطيبو كمون و كزبره رشه كركم و لو فيه زعفران وممكن ماجى خضار


بعد ما يستوى تصفى الميه الى نزلت من الخضروات و و تزودلها ميه مغليه وديه تسقى بيها الكسكسى


الاكل الهندى على فكره فيه وصفات نباتيه كتير هاحاول اكتبها بعددين

اروح اكولى حاجه عشان جوعتونى

I shall be telling this with a sigh
Somewhere ages and ages hence:
Two roads diverged in a wood, and I—
I took the one less traveled by,
And that has made all the difference


#6 myusername

myusername

    Super Member

  • MemberL
  • PipPipPipPipPipPip
  • 1515 مشاركة
  • النوع:ذكر

تاريخ المشاركة 08 March 2010 - 12:56 PM


الدكتورة سوسو بنت رانى... كل سنة و حضرتك طيبة..

ممكن تاكلوا قلقاس كنوع من التغيير؟ :P
متهيق لى ان عندكم فى كندا.. الكثير من انواع الخضروات و الفواكه... اللى اذ ربما مبنسمعش عنها هنا فى مصر.. و ده يدى لحضرتك فرصة اكبر فى تنوع الاكلات و الاطباق... بدل ما تكون اكلات روتينية متكررة.

القرنبيط جميل جدا... مع سلطة الطحينة.. و كمان مفيد للقلب و بيدى الجسم طاقة (على ما اسمع)... مش عارف لو عندكم قرنبيط فى كندا ولا لا.. smk: و طبعا يتاكل مع العيش.. بس ممكن حضرتك تجربى طريقة جديدة و تقطعيه حتت.. و تاكليه مع المكرونة مثلا.. :) دى فكرة لسه جاية فى دماغى دلوقتى..

و برضه ممكن المحشى.. بكل انواعه..

بالنسبة للحلويات.. انا سمعت عن حاجة اسمها "جاتوه صيامى".. مش عارف بيتعمل ازاى, بس ممكن حضرتك تشوفى وصفات عالنت لو موجودة..
و ممكن لو تعملوا زلابية و لقمة القاضى؟ حاجات حلوة ممكن تتعمل فى البيت بسهولة..

و دى طريقة جلاش بالتفاح.. منقولة من احد مواقع الاخوة الاقباط عن الاكلات الصيامى:

جاتوه الجلاش بالتفاح


المقادير
نصف كيلو جلاش او ورق بقلاوه -
3 ملاعق كبيره زيت او سمن نباتى
3ثمرات تفاح -
4ملاعق كبيره سكر بودره -
ربع ملعقه صغيره قرفه-
ملعقه صغيره عصير ليمون -
2 ملعقه زبيب .



الطريقة:


يغسل التفاح ويقشر وينزع منه القلب والبذور
يقطع التفاح مكعبات صغيره ويخلط مع الزبيب والسكر وعصير الليمون والقرفه ويترك فى الثلاجه لمدة (1-2)ساعه
تفرد ورقة من الجلاش وتطوى نصفين وترش قليلا بالزيت او السمن النباتى
ثم يوضع فى وسطها ملعقه كبيره من الحشو السابق اعداده ويطبق الجلاش ويلف كالاصابع
تكرر العمليه حتى ينتهى المقدار كله
ترص الوحدات فى صينيه مدهونه بالسمن النباتى او الزيت خفيفا ثم يرش الوجه بباقى
الزيت
تخبز فى فرن هادى الحراره حتى يصبح لونها ذهبيا تخرج
ترص وحدات الجاتوه فى طبق التقديم ويرش الوجه بسكر البودره


مرة تانية.. كل سنة و حضرتك طيبة.. و يا رب تكونوا بخير دايما.. و اكيد لو حضرتك دورتى فى السوبر ماركت.. هتلاقى انواع خضروات ليها العجب..

تم التعديل بواسطة myusername, 08 March 2010 - 01:04 PM.


رب أخرجنا من القرية الظالم أهلها...


Je suis Québécois et je suis fier de l'être


#7 fatfouta

fatfouta

    Super Member

  • Members
  • PipPipPipPipPipPip
  • 8372 مشاركة
  • النوع:أنثى

شريط الأوسمة:

الأعضاء الحاصلين على أوسمة

تاريخ المشاركة 08 March 2010 - 01:04 PM

كل سنة وانتوا طيبيبن يا سوسو

وخدى بالك من الاكل خصوصا لقطاقيطك عشان انتوا لسه قايمين من دور عيا........حمد لله على سلامتكم


كان زمان عندنا واحدة جارتنا مسيحية كنا بنستنى ايام صيامهم عشان تعملنا اكلة كانت بتسميها موتوهلاك(موت وهلاك) مش عارفة كانت بتسميها كده ليه

هى كانت بتعملها وتجيبهالنا واحنا كنا بنحبها اوى واتعلمناها منها

الاكلة عبارة عن فول مدشوش وبيتعمل صلصة كده ذى اى طبخة بعد ماتكونى بليتى الفول قبلها بيوم

تحطى الفول على الصلصة عادى وتسيبيه عالنار لغايت مايستوى ومش بياخد وقت لانه بيكون طرى اساسا بس احنا بنحطه فى الصلصة عشان يا خد طعمها

وبعد كده بنعمله دقة ذى بتاعة الكشرى (لو مش عارفة طريقتها قوليلى)

وترشي الدقى على الطبقى اللى انتى هتاكلى فيه وبس من فوق

والله بتبقى جميلة واهى صيامى وبالهنا والشفا يا حبيبتى

#8 Salwa

Salwa

    Super Member

  • مشرف عام
  • PipPipPipPipPipPip
  • 5825 مشاركة
  • النوع:أنثى

تاريخ المشاركة 08 March 2010 - 01:14 PM

صباح الخير ياسوسو ..

انا ممكن اقولك طريقة اكلات كتيرررر قوى قوى ...بس دلوقت عاوزاكى تجربى تعملى ال..اسكاليبادا .
على فكرة انا سبق لى وكتبتها هنا زمان ..
هى بسيطة قوى وسهلة قوى قوى ..

عبارة عن ...فلفل احمر وبدنجان وبصل..
كله مشوى ....وطبعااا بعد الشوى اشيلى القشر ..هههههه.
تقطعيه شرائح وتضعى عليه زيت زيتون وملح وفلفل وعصير ليمون ..
ممكن تعمليها بفلفل احمر وبدنجان بس...زى ماتحبى يعنى .
وممكن كمان تشوى بطاطس ....وتعملى حركة كدة يعنى ...تقسمى البطاطساية بعد الشوى من النصف .
وتكونى عملتى الخطة بتاعة الفلفل والبدنجان ووضعتى الملح والفلفل وعصر الليمون ...وتحشى كل نص بطاطس بالحشو ده وتقدميها بطريقة شيك ..
اصل الولاد بياكلوا ...بعنيهم الاول .

حكتب لك طرق تانية كتير..

صباح سعيد جدا جدااا..

(وَمَنْ يَقْتُلْ مُؤْمِناً مُتَعَمِّداً فَجَزَاؤُهُ جَهَنَّمُ خَالِداً فِيهَا وَغَضِبَ اللَّهُ عَلَيْهِ وَلَعَنَهُ وَأَعَدَّ لَهُ عَذَاباً عَظِيماً)

 

[النساء : 93]


#9 عنبو

عنبو

    Super Member

  • Members
  • PipPipPipPipPipPip
  • 3084 مشاركة
  • النوع:ذكر
  • المكان:كل شويه فى مكان بس قلبى فى مصر
  • الإهتمامات:خلاص بقيت اهتم الا اهتم بشىء

تاريخ المشاركة 08 March 2010 - 01:41 PM

كل سنه وانتم طيبون

هى المفروض طيبون ولا طيبين

طيب علشان ابقى فى السليم كل سنه وانتى طيبه كل انا فى السليم

موضوع الاكل ده انا ماليش فيه

لما الدنيا تقسى عليك اوعى تخاف منها وتكش تربس عترس فيها ياولدى هى كده متجش غير وش

دوس فيها وجمد قلبك بس اياك على ضعيف تفش توصل فيها لاعلى مناصب بس اياك فى يوم تغش


#10 جايه لك يا كندا

جايه لك يا كندا

    Member

  • Members
  • PipPipPip
  • 86 مشاركة

تاريخ المشاركة 08 March 2010 - 01:57 PM

ازيك يا سوسو، كل سنه وانتي طيبة يا جميل وبناتك القمرات بخير وصحه يارب.

موضوع جميل فعلا ومطلوب لناس كتير حقيقي

:P شوفي يا ستي جايبه لك معايا موسوعه كامله عشان مايبقاش نفسك في أي حاجه ومتلاقيهاش يا قمر (عشان مايبقاش عندنا حجة ياباشا). :)


http://www.st-demiana.com :)

وبألف هنا وشفا مقدما وماتنسيش تبعتيلي شويه من اللي هاتعمليه، ابعتي طبق مع أي عيل صغير ده انا جنبك على طول انتي عارفه فركه كعب smk:


نهارك سعيد يا أحلى سوسو ;)

#11 عبير الشرقاوي

عبير الشرقاوي

    Super Member

  • مشرف عام
  • PipPipPipPipPipPip
  • 11397 مشاركة
  • النوع:أنثى
  • المكان:قلب الكون
  • الإهتمامات:أحب الحياة

تاريخ المشاركة 08 March 2010 - 03:43 PM

كل سنة وانتي طيبة يا أحلى سوسو
الحقيقة الجماعة هنا ما خلوش حاجة تتقال
و خللوا الواحد جاع مع اني لسه متغدية من شوية
:wub:
هي فعلا الخضراوات هي الأنسب في الفترة دي

أنا بأعشق البطاطس بكل وصفاتها
و بأعمل البيوريه من غير بيض و لا لبن
بس بالزيت وملح وفلفل وشوية مية مغلية صغننين اوي

على فكرة ان بأضيفها للمكرونة بدل الباشميل و بتبقى خرافة
و ممكن تستبدلي اللحمة المفرومة بسبانخ متشوحة مع بصل
أو بسلة برضه متشوحة مع بصل

و كده تاكلي صينية مكرونة تحفة
و بجد البطاطس أحلى من البشاميل

جربي و ادعيلي

بألف هنا و شفا
:wub:

و سلامي للقمرات الصغيرات
:closedeyes:



فلتضج أوردتي بالهيام
و تتفجر بالقلب ينابيع الغرام...
فإن أكثر اللائمون الملام...
فدعيهم يا نفس و اصمتي..
فبالصمت يحترق الكلام



#12 SoSo R

SoSo R

    Advanced Member

  • Members
  • PipPipPipPipPip
  • 1328 مشاركة
  • النوع:أنثى
  • المكان:كندا

تاريخ المشاركة 08 March 2010 - 09:18 PM

مساء الخير تانى:
طبعا أنا متشكرة قوى لكل اللى شارك...دة الحبايب كلهم إتجمعوا :o
أنا بس عايزة أقول حاجة و بليل هارجع أرد بالتفصيل...

أختكم عندها القولون :)
يعنى البقول و توابعها و حتى المعجنات بتموتنى...و بافضل طول الصيام باخد فى علاج...

وبعد الصيام بقى كورس مكثف من العلاج...تقدروا تقولوا إن 90% من الأقباط بيشتكوا من القولون...

المشكلة بأه إن المتاح هو فول ..طعمية..بصارة..عتس...
رحمتك ياراااااااااااب

عشان كدة باسألكم على إفتكاسات جديدة

تانى مشكلة الخضار لوحده أو حتى مع رز بيجوع جدا...يعنى الأكل بيتهضم قبل ما تقوم من ع السفرة...لغياب البروتينات...
يبقى عايزين حاجات تقفل التنك بس ما تتعبش القولون


أنا هبتدى بإقتراحات لوجبة الفطار...
زى

سندوتشات الحلاوة.....باكرهها :dirol:
مارجرين مع مربى بدل زبدة مع مربى
فول و طعمية...هنروح منهم فين؟!!!
جارليك بريد بالأعشاب...
سندوتشات زيتون
كراكرز بالجبنة الصيامى..
قراقيش أو بقسماط...حد يلحقنا بطريقة تكون صيامى و سهلة
جلاش بالمكسرات


ممكن الحاجات دى تكون برضه كعشا أو بين الوجبات...


راجعالكم بليل عشان أرد نااااااافر....نااااااااااافر


سلام :old:

صورة

لا تندم على حب عشته...حتى ولو اصبح ذكرى مؤلمه..... فأذا كانت الزهور قد جفت وضاع عبيرها ..... ولم يبقى فيها غير الاشواك فلا تنسى انها منحتك عطرا جميلا اسعدك


#13 طبيبة مصرية

طبيبة مصرية

    Full Member

  • Members
  • PipPipPipPip
  • 113 مشاركة
  • النوع:أنثى

تاريخ المشاركة 09 March 2010 - 03:09 AM

د-سوسو

كل سنة وانتم طيبين ويا رب السنة الجاية مع الحبايب متجمعين.......
سلامى للبنوتات الحلوين...........



بس ده اسمه كلام بقى
يعنى انا رحت وشمرت وحمرت وصورت mfb: ..........


وفى الاخر تطلع البقول بتتعبك :blink:

الف سلامة عليكى :lol: ..........
بصى انا هاكتبلك الوصفة ويمكن تعجبك وتجربيها............

هى اكلة هندى تعتبر من المقبلات بس جنب البطاطس المحمرة او البيوريه والسلطة تنفع وجبة غدا حلوة اوى ويبقى تغيير طعم........

هى عبارة عن اقراص بتتعمل من اللوبيا وحمص الطبيخ وتشكليها وتحمريها فى الزيت يعنى نفس فكرة الطعمية بس اخف بكتير..........

المقادير:
نص كيلو لوبيا
كوب حمص طبيخ
بصلة كبيرة مقطعة قطع صغيرة
ورق كارى مقطع صغير(خضار هندى شبه ورق الملوخية)بيدى نكهة حلوة اوى ..........
فلفل حار مقطع صغير
ملعقة صغيرة بيكنج بودر
ملح-فلفل
الطريقة:
تنقعى اللوبيا فى مية حوالى ساعة وبعدين تفركيها جامد بايديكى علشان تنزعى القشرة بتاعتها تماما والمية هتسهل المهمة دى.........
وتضيفى عليها حمص الطبيخ وتكونى برضه نقعتيه شوية .........
تضربى فى الخلاط مع اضافة شوية مية مش كتير يا دوب علشان الخلاط يلف معاكى...........
ضيفى البصل وورق الكارى والفلفل الحار والبيكنج بودر والملح والفلفل وقلبى كويس...........
شكليها بايديكى وحمريها فى الزيت .........
وبالهنا والشفا

الخطوات بالصور


صورة

صورة

صورة

صورة

صورة

صورة

صورة

تم التعديل بواسطة طبيبة مصرية, 09 March 2010 - 03:11 AM.

صورة

#14 ramyfathalla

ramyfathalla

    Advanced Member

  • Members
  • PipPipPipPipPip
  • 434 مشاركة
  • النوع:ذكر
  • المكان:مصر

تاريخ المشاركة 09 March 2010 - 03:25 AM

أنا سعيد جدا بالتوبيك الجديد بتاع حضرتك يا د/ سوسو و كل سنة و أنت و جميع الأقباط طيبين
أنا أسف انى خرجت برة الموضوع بس فرحان ان د/ سوسو ما زالت معنا هنا و ما رحلتش زى الباقيين و حبيت أرحب بها
المهم يا د/ سوسو أنا لى صديق قبطى و هو بيتعب جدا من الصيام و قاللى انه أخد حل من القسيس لكى يفطر
يعنى المقصود طالما فيه رخصة للافطار للانسان اللى بيتعب قوى كده مثل ما عندنا فى الاسلام يبقى الافطار أفضل له
و لا يكلف الله نفسا الا وسعها و أكيد ربنا يجازيكى حسانات على قد اخلاصك فى الصيام
و أكيد النساء كتير فى المحاورات و عندهم أكيد بدل الوصفة 100 وصفة و ربنا يصبرك ويقويك على تكملة الصيام و هانت يا د/ سوسو فاضل أقل من شهر
أسف كمان مرة على عدم تقديم أى اضافة فى الموضوع


#15 jasmin hamed

jasmin hamed

    Advanced Member

  • Members
  • PipPipPipPipPip
  • 984 مشاركة
  • النوع:أنثى

تاريخ المشاركة 09 March 2010 - 07:01 AM

صباح الخير

على فكرة بما ان حضرتك قولونك تعبان وصفه سريعه صيامى على الماشى

الصبح قبل الفطار حبيتين تين مجفف كل يوم كمان ممكن تقطعى تين و مشمش مجفف و تنقعيهم فى لبن صويا و يبقى ده الفطار

و ممكن قبل ماتنامى حبيتين تين برده و انشاء الله اليوم هيمشى كويس و تاكلى الزلط

I shall be telling this with a sigh
Somewhere ages and ages hence:
Two roads diverged in a wood, and I—
I took the one less traveled by,
And that has made all the difference





0 عضو (أعضاء) يشاهدون هذا الموضوع

0 الأعضاء, 0 الزوار, 0 مجهولين


زار هذا الموضوع 27 عضو


    , arora, ام محمد, اغابي, Damo, doha, dongol, Emy eldery, بركة, تصحيح, بندق أفندى, Hauntedahmed, Hend Ali, جايه لك يا كندا, ياسر, kelkholy, Melhakim, mezo, Om Zayd, se_ Elsyed, SoSo R, عادل أبوزيد, عبير الشرقاوي, غريب الخبر, عنبو, yasser moustafa, ziad mohamed