إنتقال للمحتوى


صورة
- - - - -

الدخول الى المملكة بتاشيرة جديدة بعد انتهاء تاشيرة الخروج والعودة


  • موضوع مغلق هذا الموضوع مغلق
14 رد (ردود) على هذا الموضوع

#1 عبد الغفور

عبد الغفور

    new Member

  • Members
  • Pip
  • 13 مشاركة

تاريخ المشاركة 04 March 2010 - 04:23 PM

هل احد ممكن يفيدنا الدخول للملكة بعد انتهاء تاشيرة الخروج والعودة بشهرب بتاشيرة جديدة لانج وفى مكان بعيد عن الكفيل الاول علما ان الكفيل مش حيعمل حاجة فى الجوازات و الشخص دا باصم هل يستطيع الدخول للمملكة مرة اخرى

ارجو الافادة وافادة كل مين نفسة يسال السؤال دة وياريت يكون الرد من تجارب شخصية عشان فية كلام كتير
فى الموضوع دة وشكرا

#2 محمد الششتاوي

محمد الششتاوي

    Advanced Member

  • Members
  • PipPipPipPipPip
  • 375 مشاركة
  • النوع:ذكر
  • المكان:السعودية - مصر
  • الإهتمامات:الفن التشكيلي - الموسيقى الكلاسيكية - التاريخ - الحوار

تاريخ المشاركة 04 March 2010 - 04:36 PM

انا عندي معلومة بس مش من تجربة شخصية ومش هاقولها عشان ممكن تتطلع غلط ولا حاجة
ان شاء الله حد عنده المعلومة الاكيدة عن طريق تجربة ويحسم الامر
أنا جاي اقول ماتعملوش حسابي يعني :lol:

تم التعديل بواسطة محمد الششتاوي, 04 March 2010 - 04:37 PM.


#3 أسد

أسد

    Super Member

  • مشرف عام
  • PipPipPipPipPipPip
  • 5257 مشاركة
  • النوع:ذكر
  • المكان:KSA

تاريخ المشاركة 04 March 2010 - 05:03 PM

لو كنت قد بصمت قبل كده

حيرجعوك من المطار


لو لم تكن بصمت .. وقدمت الجواز للسفارة .. نفس الجواز

سيرفضوا إعطاؤك التأشيرة ..

إذا لم تكن بصمت ..
يبقى تغير الجواز وتقدم التأشيرة ..

إذا كنت بصمت ..

حاول إنك تدور على تأشيرة لبلد تانية غير السعودية ..

في القصص الرومانسية القديمة .. يكتب المحب رسالة حب .. ويضعها في زجاجة .. ويرمي الزجاجة في البحر .. لا يهم من سيقرأها .. لا يهم هل ستصل إلي حبيبته أم لا .. بل كل المهم .. أنه يحبها ..
وتاني .. تاني .. تاني .. بنحبك يامصر .. ...

 

1098001_10201123442142392_1045621117_n.j


‎"إعلم أنك إذا أنزلت نفسك دون المنزلة التي تستحقها ، لن يرفعك الناس إليها ، بل أغلب الظن أنهم يدفعونك عما هو دونها أيضا ويزحزحونك إلى ماهو وراءها لأن التزاحم على طيبات الحياة شديد"

(من أقوال المازني في كتب حصاد الهشيم)
 


#4 elhag

elhag

    Member

  • Members
  • PipPipPip
  • 55 مشاركة

تاريخ المشاركة 04 March 2010 - 05:18 PM

ده اخر كلام يا استاذ اسد ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
كتير م الاخوه هنا واولهم سي السيد والاستاذ خالد شحاته قالولي كلام عكس كلامك
وده مش تقليل مني ليك او لاي حد م الاخوه الكرام لا سمح الله
بس عايزين نبقي متاكدين فعلا من كل كلمه بنقولها لان كل كلمه بتتقال هنا بتحدد خطوات وبتاثر علي ناس كتير اوي مننا

تم التعديل بواسطة elhag, 04 March 2010 - 05:23 PM.


#5 رعد

رعد

    Member

  • Members
  • PipPipPip
  • 90 مشاركة

تاريخ المشاركة 04 March 2010 - 05:47 PM

هقول معلومة ممكن تكون مفيدة
معايا زميل في الشركة بنفس الوضع ودخل عادي جدااااااااا نفس المحافظة كمان ومن نفس المطار بس كانت اقامتة منتهية وسالة العسكري قال لة اه كنت هنا من 3 شهور وتاشيرتي واقامتي انتهت ورجعت بتاشيرة جديدة ودخل عادي وطلع الاقامة كمان وزهقان من شركتنا بردوا وعاوز يغير بردة قالوا لة مفيش نهائي خد اجازة ومتجيش فاكرين بكدة هيمنعوة ضحك وقال لهم ماشي هفكر وابقي اارد عليكوا
هلا

#6 رعد

رعد

    Member

  • Members
  • PipPipPip
  • 90 مشاركة

تاريخ المشاركة 04 March 2010 - 05:53 PM

http://www.egyptiant...showtopic=73357
هلا

#7 محمد الششتاوي

محمد الششتاوي

    Advanced Member

  • Members
  • PipPipPipPipPip
  • 375 مشاركة
  • النوع:ذكر
  • المكان:السعودية - مصر
  • الإهتمامات:الفن التشكيلي - الموسيقى الكلاسيكية - التاريخ - الحوار

تاريخ المشاركة 04 March 2010 - 06:16 PM

الكلام اللي هاقوله ده على مسئوليتي الشخصية
بالنسبة للخروج والعودة بدون بصمة
انا شخصيا خدت تأشيرة خروج وعودة قبل موضوع البصمة ورجعت بعد سنة و3 شهور بجواز جديد وتأشيرة جديدة وماكانش فيه اي مشاكل نهائي وطبعا الكفيل القديم ماقلتلوش اني راجع لان لو حب ممكن يسفرني
انما عن موضوع البصمة فمعلوماتي غير مؤكدة

#8 wayfarerr

wayfarerr

    Member

  • Members
  • PipPipPip
  • 90 مشاركة

تاريخ المشاركة 04 March 2010 - 08:33 PM

أخي الكريم

خد الرد مني عن تجربة شخصية

انا رجعت على تأشيرة جديدة بعد انتهاء تأشيرة العوده بحوالي 7 شهور

كنت باصم بالعشرة وانا خارج

وانا داخل المطار موظف الجوازات سألني لما بصمت انت كنت في المملكة قبل كده قلتله اينعم قالي ليه ما رجعت على التأشيرة القديمة قلتله حصلتلي ظروف ما عرفتش ارجع وانتهت


قعد يهزر معايا شوية وقالي حمدالله على السلامه اتفضل

#9 elhag

elhag

    Member

  • Members
  • PipPipPip
  • 55 مشاركة

تاريخ المشاركة 05 March 2010 - 03:24 PM

شكرا للاخ wayfarerr علي المعلومه بس ياريت توضيح اكتر
يعني سافرت امتي ورجعت امتي عامل الوقت مهم جدا نظرا لمستجدات النظام بعد تطبيقه رسميا علي تاشيرات الدخول والخروج وعلي الحدود
وهل كان نظام البصمه مطبق رسميا علي الدخول والخروج
وخرجت منين ودخلت تاني منين ؟

#10 عبد الغفور

عبد الغفور

    new Member

  • Members
  • Pip
  • 13 مشاركة

تاريخ المشاركة 05 March 2010 - 04:23 PM

شوفو ياجماعة الى انا سالت فية ومتاكد منة بعد اضافة ردود بعض الاخوة ان مفيش مشكلة فى الدخول بعد انتهاء التاشيرة السؤال الان عشان نكون عمليين

هل يجوز الدخول والاقامة سارية ؟ فى ناس بتقول الجوازات مالهاش دعوة بالاقامة المهم انة ميكنش عندك مشكلة سابقة حتى تستطيع الدخول للبلد هل الكلام دة مضبوط نرجو الافادة وشكرا على كل من اعطانا تجاربة الشخصية

#11 elhag

elhag

    Member

  • Members
  • PipPipPip
  • 55 مشاركة

تاريخ المشاركة 05 March 2010 - 04:45 PM

طب معلش هكون تقيل ورخم المره دي كمان وارجو المعذره لان الموضوع مهم جدا وحيوي جدا وعلي اساسه هيتحدد حاجات كتير اوي
وياريت نبقي واثقين من المعلومه ومتاكدين من مصدرها لان الموضوع هيحدد بجد مستقبل ناس كتير
وياريت لو فيها رخامه تقولولنا مصدر المعلومه وهل هي عن تجربه شخصيه ؟؟؟؟

ومحدش يزعل مني يا جماعه بس انا مستني اتاكد من المعلومه دي وهحول فلوس الفيزا الجديده لان بجد انا حالي واقف بقالي كتير وتعبت م الانتظار

ومستنيين ردك يا اخ wayfarerr

#12 doha

doha

    Super Member

  • Members
  • PipPipPipPipPipPip
  • 3241 مشاركة
  • النوع:أنثى
  • المكان:مصر

تاريخ المشاركة 06 March 2010 - 12:51 AM

انا لسه راجعة الرياض امبارح وانا بختم الجواز قلت اسال موظف الجوازات بالمرة

سالته لو حد اخذ خروج وعودة وانتهت اقامته وهو لسه مرجعش ينفع يرجع عادي قالي لاه اذا خلصت الاقامه خلاص مينفعش يدخل بيها ..

قلت له حتى لو نفس الكفيل حب يرجعه ؟

قالي مينفعش الا باستقدام جديد

قلت له تاكيدا يعني لو الاقامه خلصت خلاص لازم استقدام من اول وجديد بتاشيرة جديده قالي بالظبط كده ..

نستنتج مما سبق ان الشخص الي انتهت اقامته هنا ملوش صفة ويقدر يجي على اي اقامه تانيه عادي سواء بقى كفيله الجديد او القديم بشرط طبعا ان ميكونش كفيله القديم مبلغ فيه هروب وميكونش الشخص ده ماضي على ورقة قبل مايترك كفيله القديم مكتوب فيها انه مش هيدخل البلد دي قبل مرور سنتين على الاقل نظرا لطبيعه شغله ..

..إذا دعتك قدرتك على ظلم الناس فتذكر قدرة الله عليك ..


#13 عبد الغفور

عبد الغفور

    new Member

  • Members
  • Pip
  • 13 مشاركة

تاريخ المشاركة 06 March 2010 - 10:51 PM

يا جماعة السؤال هو واحد واخد خروج وعودة وتاشيرة الخروج والعودة انتهت من شهر وراجع على تاشيرة جديدة بس الاقامة الاولى لسة سارية وطبعا الشخص دا باصم

فى الحالة دى يقدر يدخل المملكة عادى والا فى مشكلة ؟ نرجو الايضاح من اصحاب الخبرة وشكرا

#14 se_ Elsyed

se_ Elsyed

    Super Member

  • Members
  • PipPipPipPipPipPip
  • 25138 مشاركة
  • النوع:ذكر

شريط الأوسمة:

الأعضاء الحاصلين على أوسمة

تاريخ المشاركة 07 March 2010 - 03:05 PM

هو ليه بعض الناس بتحسسنا إننا بنكتب بحبر سري أو كلام هيروغليفي ؟؟؟؟؟؟؟؟؟؟؟؟؟؟؟؟؟




يعني الموضوع مُثبت في باب المغتربين منذ عام


.. أوكي لم يٌقرأ !!!


فقام الزميل رعد بإدراج الوصلة اللي فيها الإجابات اللي بتتكرر كل مداخلة في هذا الموضوع يعني مش بعيد

يعني ينفع أدخل وأنا باصم ؟

قصدي بصمة الصوابع ؟

اللي هما صوابعي العشرة ؟


صوابعي العشرة اللي في إيدي اليمين والشمال ؟

والإقامة سارية ؟

اللي هي الإقامة اللي في السعودية اللي فيها 10 أرقام ؟


الرحمة يا سادة.. الرحمة


هل الأخوة اللي بيسألوا الأسئلة دي تعبوا نفسهم وفتحوا اللنك بتاع الموضوع المُثبت منذ مارس 2009 ؟


معليش أنا شخصياً إتخنقت ...

والله العظيم عارف إن الموضوع يهم ناس كثيرين .. وعارف إن في ناس تتصور إنه هو ده مستقبلها ..

لكن الرحمة حلوه وإذا أردت أن تُطاع فأمر بما يُستطاع وما تخنقش اللي قدامك ...

فهل يُعقل إنك تلاقي 10 مواضيع يومياً ... يومياً ....غير سيل الرسائل الخاصة .... للسؤال عن البصمة وكل واحد داخل لا يهمه قواعد المنتدى ولا يهمه توسلاتنا للجميع بإنه يقرأ موضوعات من قبله القريبة مش من اللي من 5 سنين ..

وحيث إن ما فيش إستجابة لهذا الموضوع .. فهذا قرار إداري بحذف أي موضوع مُكرر فوراً بدون نقاش من الإدارة ..

وعشان نبقى عملنا اللي علينا بما يُرضي الله ورسوله وساعدنا كل محتار أو محتاج لنصيحة ... فهذه هي الخلاصة الأكيدة بإذن الله بخصوص البصمة ...


1- البصمة للاجانب هنا موضوع أمني بحت إتخذته السلطات السعودية لتأمين نفسها ضد من يعمل بالبلد ويرتكب جرائم تحت أي نوع ثم يفر بفعلته ويرجع مرة أخرى بإسم جديد وجواز سفر جديد ... بالمناسبة البنجلاديشين بيعملوا كده وأكثر ويرجع بإسم وديانة وجواز ويمكن راس بني أدم جديدة ما عندهمش أي مشاكل في كده وبلدهم بتساعدهم ... لكن مش هايقدر يغير صوابعة ..

2 - وهذا هو المهم .. في حالة الخروج النهائي أو الخروج والعودة والإقامة سارية ... وروحت بلدك وغيرت الجواز ورجعت مرة أخرى بتاشيرة جديدة وكنت باصم بالخمستاشر قبل ذلك ... أول ما ترجع من المطار المفروض ياخدوا بصمتك مرة أخرى .. فأوتوماتكي هايظهر عندهم في قاعدة البينانات إنك كنت هنا إن شاء الله من يومين حتى .. ومع ذلك سلطات الجوازات لا تكترث ولا تهتم بهذا الشيء طالما لم يكن ضدك أي ملاحظات أمنية ...

وبالتالي عادي خالص وهاتستخرج إقامة جديدة طبقاً لصورتك وبصمتك الماضية ..

3- موضوع عدم الممانعة إتلغى ضمنياً ولم يُعلن عنه وبالتالي موضوع إنك لازم تنتظر سنتين من تاريخ المغادرة .. ده بقى كلما فارغ .. بس يُستحسن تغير الجواز .. لإن في ناس ساعات بتبقى متبرمجه على قوانين وقواعد قديمة متوارثة وممكن يوقف لك المراكب السايرة في داخل القنصلية ..

أرجو من الجميع قراءة هذا الموضوع جيداً وأظنه مش محتاج شرح وبالتالي لا داعي لأي إستفسارت جديدة


الأحـــرار يؤمنون بمن معه الحق ..
و العبيــد يؤمنون بمن معه القوة ..
فلا تعجب من دفاع الأحرار عن الضحية دائماً ..
و دفاع العبيد عن الجلاد دائماً

#15 se_ Elsyed

se_ Elsyed

    Super Member

  • Members
  • PipPipPipPipPipPip
  • 25138 مشاركة
  • النوع:ذكر

شريط الأوسمة:

الأعضاء الحاصلين على أوسمة

تاريخ المشاركة 07 March 2010 - 03:06 PM

يا جماعة السؤال هو واحد واخد خروج وعودة وتاشيرة الخروج والعودة انتهت من شهر وراجع على تاشيرة جديدة بس الاقامة الاولى لسة سارية وطبعا الشخص دا باصم

فى الحالة دى يقدر يدخل المملكة عادى والا فى مشكلة ؟ نرجو الايضاح من اصحاب الخبرة وشكرا



!!!!!!!!!!!!!!!!!!!!!!!!!!!


سيتم غلق الموضوع .
الأحـــرار يؤمنون بمن معه الحق ..
و العبيــد يؤمنون بمن معه القوة ..
فلا تعجب من دفاع الأحرار عن الضحية دائماً ..
و دفاع العبيد عن الجلاد دائماً




1 عضو (أعضاء) يستعرضون هذا المنتدى

0 أعضاء, 1 زوار, 0 أعضاء متخفين


زار هذا الموضوع 30 عضو


    , , , , , , , , , , , Acc Mohamed, أحمد الاحمد, ayada, bueemaje, المخنوق دائما, الباحث عن الرزق, ابومهند, احمد صالح11, حورية الجنة, kotbzeed, mohammedkhairy, mtawfeek, pcmeg, rico, shabana, shahdshahd, TitoELGabry, عادل سمير, وطني حر