[shiko]

إليكم من قطاع الاخبار ...جائنا البيان التانى ...
وصلت وفود دبولوماسية رفيعة المستوى لتؤشر على البطاطس المحشية ...عازمة عقد قمة رئاسية ....ثنائية ..فى منزل الرئاسة عند لماضة مصرية ..وقد كشف مصدرنا عن مخطوط بالطريق الهندية مكتوب على النحو التالى :
...الطريقة الجهنمية فى عمل عزومة موش معدية
الطريقة دى تتبعيها بالشكل ده فى كل عزومة
اعملى منيو هاتمشى عليه وكل يوم حاولى تجهزى حاجة من المنيو
المقادير
1قلم رصاص
ورقة نتيجة بتاعة 2008 موش و9 علشان بس التواريخ بتفرق
اكتبى اللى هاقول عليه
اولا :المشروبات :
ساخن( شاى-نيسكافيه-ينسون-جانزابيل-قرفة )ممكن تحضرى الباكيت من دلوقتى فى بسكت حلوة وبطريقة شيك
بارد (حاجة ثاقعة بيبث)ممكن تغلى كركاديه وتسعقيه من قبليها وبرضه منكن عصير تحضريه وتسيبيه فى زجاجة فى التلاجة من قبليها وبكدة تبقى المشاريب جهزة
ثانيا الحلويات:
طبعا منكن جدا تستعينى بعم قطايف وتشترى حلويات شرقية جاهزة ونخلص
وممكن كمان تحضرى فاكهة وتحطيها فى باسكت ويبقى كده الحلو خلصنا منه بسهولة
بس مايمنعش تضربيلك ..قالب كيك أو صنية جلاش حلو بالقرفة مع صينية الجلاش اياها بالباشاميل
طبعا لو الضيوف فيهم اطفال ...منكن تعملى حاجة من الحاجات دى
§ جيلى بالفواكه والكريمة وومممكن تحضريه قبليها فى التلاجة
§ فشار ...طبعا هايغتصوا فيه ويسكوتوا وماتسمعيش حسهم
§ ايس كريم بس ياريت ولو تشيلى السجاد علشان طنط
§ سناكس سورية ...وتحطى عليها سوس من اختراعاتك ...وممكن برضة عسل اسود
ثالثا :الاطباق الجانبية
§ بطاطس مقلية...
§ سلاطات(كولو سلو-زبادى- بابا غنوج –مايونيز-كاتشب –سلطة خضرا-سلطة حمص-فتوش-سلطة طحينة )وده بناءا على الاكل اللى هايتقدم يعنى لو حضرتك هاتقدمى مشويات يبقى طحينة وبابا غنوج ..(هو موش بابايا انا والله)
§ سمبوسك(لحم-جبن) وطبعا موش هانسى الفلفل الاخضر
§ Covers( من العيش الفينو وتحطى عليها زيت زيتزن وجبنة موتزاريلا)
§ شوربة (سنان العصفور-كريمة بالدجاج والمشروم-سى فود لوانتى عاوزة تخلصى على الزبون من اول طلعة)
§ بطاطس محشية باللحم المفروم ...مع صوص الطماطم وطبعا موش هاننسى الفلفل الاخضر
رابعا:الاطباق الرئيسية
طبعا عندك الاطباق الرئيسية فى اى حتة لحوم عندنا ...ارز ومكرونة...مختلفين ..
لو أرز يبقى رز بالخلطة ...
لو مكرونة ...تبقى اكيد مكرونة بالباشا ...بشميل....
وطبعا صونية الجلاش الابداعية بتاعة عم طلبة ...
جنبها منكن نعمل كوسة بالباشميل....ودى كده هاتخلصك نوهائى من اى كميات باشميل هاتتبقى عندك
دقية محشى ورق عنب (وياريت تدقىه كويس ...بعد العمايل

كوسة محشية باللحم المفروم

وبعدين نخش بقى على اللحوم :
ريش بتلو متبلة بالمرمرية والزعتر والريحان (وممكن تسويها فى ورق فويل فى الفرن)
ممكن جنبها كفتة مشوية فى الفرن وياريت تعمليها على اسياخ الخشب وتقدميها على هيئتها
...واللحوم دى عموما انا ماليش فيها اوى
بس يا ستى هاتلاقى الزبون طب وقع على السفرة ساعتها ...انقضى عليه ...وامسكى فى رجل البنطلون وقوليله عريس ياماى طخه بس ماتعوروش يا بوى...وتروحى قايلة كلمة السر بلالم ...قوم تلاقينى ادامك هوى

تم تعديل هذه المشاركة بواسطةshiko: 28 February 2010 - 11:31 AM

[shiko]

ايه اللى جابنى هنا ...انا تهت منى ولا ايه ...؟؟
طب وعنوان الموضوع ...الطريقة الجهنمية فى عمايل عزومة موش معدية؟؟؟
طب انا كده زعلان ...ايه اصلا اللى دخلنى المطبخ........

[sarmar]

shiko, on Mar 1 2010, 01:04 PM, said:

ايه اللى جابنى هنا ...انا تهت منى ولا ايه ...؟؟
طب وعنوان الموضوع ...الطريقة الجهنمية فى عمايل عزومة موش معدية؟؟؟
طب انا كده زعلان ...ايه اصلا اللى دخلنى المطبخ........

لحين الساعة 1:30 بعد الظهر وكانت ساكتة ونايمة عنوانك خلانى اسمع العصافير وصحىت من نومها نفسها تاكل ؟؟؟ لسة نصبر حتى ينتهى الدوام للساعة 5 مساء وانا اليوم عندى عزومة لنفسى فقط على بامية عاملها من امس فى الليل يعنى مش حامل هم طبيخ اليوم بامية ريحتها بتخلينى افكر ازوغ من العمل والتهم منها تصبيرة حتى يجىء الوقت الحاسم للقضاء نوهائيان عليها

[Folana]

السلام عليكم ورحمة الله...

وإحنا مايرضيناش أن شيكو تزعل مننا....
لم أنتبه لعنوانك فى البداية الحقيقة ...فمعذرة..

تم تغيير العنوان بناءا على رغبة صاحبة الموضوع ..

تحياتى...

[shiko]

Folana, on Mar 1 2010, 12:45 PM, said:

السلام عليكم ورحمة الله...

وإحنا مايرضيناش أن شيكو تزعل مننا....
لم أنتبه لعنوانك فى البداية الحقيقة ...فمعذرة..

تم تغيير العنوان بناءا على رغبة صاحبة الموضوع ..

تحياتى...

شكرا ليكى..
ومستنينيك تمد ايدك معانا فى العزومة ...
نورتينا ...ومجهودك مشكور...

[jasmin hamed]

بصوا بقى يا بنات يا قمرات


انا عندى كام خدعه كدة لعزومات توفيرا للوقت و المجهود خصوصا لمل تكونى عازمه اعداد كبيره

خدع العصائير :

نعناع مفروم تزوده على عصير لمون من الى بيتباع فى سوبر ماركت بس يضاف ساعة التقديم

استخدم عصير المانجو المراعى مثلا و معاة منجيتين فرش مقطعين قطع صغيرة و هكذا اى عصير جراكن مع شوية قطع فاكهه طبيعيه

خدع الحلو :

كريم كرامل : سكر محرق تبطنوا بيه الكاسات و يصب عليه كسترد الفانليا الاصفر

تورته التفاح : يقطع التفاح شرائح و توضع فى قعر صنية الكيك يفضل لو استخدمنا طبقتين او تلاته من التفاح و نرش عليهم سكر و قرفه و بعدين كيكه من الجاهزه بيتى كروكر و نذود فى الخلطه شوية قرفه بردو على فكره ممكن استبدال التفاح بكمثرى او اناناس او خوخ


النصائح العامه لو عندك عزومه كبيره حولى ماتعمليش الحاجات الى بالوحد ذى المحاشى و الفراخ البانيه و حاولى تستخدمى الفرن لانوا بيوفر فى وقتك و مجهودك واهم حاجه قبل ماتعملى العزمه تفضى التلاجه عشان تحضرى اكبر قدر من الاكل قبل بيوم

ممكن ستخدموا الميكرواف لسلق الخضار


يتبع

[shiko]

jasmin hamed, on Mar 1 2010, 02:24 PM, said:

بصوا بقى يا بنات يا قمرات


انا عندى كام خدعه كدة لعزومات توفيرا للوقت و المجهود خصوصا لمل تكونى عازمه اعداد كبيره

خدع العصائير :

نعناع مفروم تزوده على عصير لمون من الى بيتباع فى سوبر ماركت بس يضاف ساعة التقديم

استخدم عصير المانجو المراعى مثلا و معاة منجيتين فرش مقطعين قطع صغيرة و هكذا اى عصير جراكن مع شوية قطع فاكهه طبيعيه

خدع الحلو :

كريم كرامل : سكر محرق تبطنوا بيه الكاسات و يصب عليه كسترد الفانليا الاصفر

يا ياسمين ..........ياجاااااااااااااااااااااااااااامد حلوة الفكرة

تم تعديل هذه المشاركة بواسطةshiko: 01 March 2010 - 02:32 PM

[joo]

ممكن طبق رز بلبن بالمكسرات والايس كريم

[shiko]

طب ياجماعة الموضوع ده كان معمول فى الاساس علشان عزومة لماضة...ايون بتعة الفرخة المنتحرة ؟؟قصدى القتيلة...

طب لو ماجتش انا شايفة اننا نخطف رلينا ..وادينا ..وعنينا ..واهو برضة نطل عليها...يوم الجمعة ونصلى معاها ونيجى ...ايه رايكم ...يافخايدة(وش لماضة موش عارفة بقى الباقى........)

[اغابي]

اسكتوا يا جماعة متفكرونيش علشان ادبست فى عزومة لغاية دلوقتى رجلى مش ادرة امشي منها لما رحت شغلى نهارده حاسة ان رجلى فيها حاجة - بجد انا وفى الطريق بسوق مجرد ادوس بريك او بنزين مش قادرة من الم رجلى وعمالة اصلى جوايا ان ربنا يستر وما اعملش حادث انا وبسوق - احنا عندنا هنا فى الكويت اجازة العيد الوطنى ودي 4 ايام ورا بعض وبتبقي فرصة الاصدقاء يزورو بعضهم راحوا اتفقوا على 4 صديقات انهم حيزورونى كامل العدد طبعا كل واحدة اسرة من ام اب وطفلين فى 4 المجموع 16 ضيف غير اسرتي انا وجوزى وطفلين برضوه العدد 20 شخص بالاضافة ل2 اصدقاء جوزي يبقي العدد 22 شخص بس انا عملت كل حاجة لما كنت خلاص حاموت فعلا انا ميتة لى يومين دلوقتى
اولا السلطات
كول سلو
بنجر مسلوق مع فاصوليا حمرا
جرجير بالنعناع والبصل والزعتر وحلقات زيتون مخلل
ذرة صفرا بالجزر
ملفوف بنفسج مع مكعبات بطاطس مسلوقة وزيت الزيتون وزعتر
تبولة
ثانيا المقبلات
محشي ملفوف وفلفل رومي
محشي ورق عنب
بيتزا صغيرة
اصابع سمك فيليه مقلية بالكورن فليكس
شيش سجق مدخن
خبزمحمص بالثوم والزعتر
الاطباق الرئيسية
كوردن بلوا - اللى ما يعرفهوش هو عبارة عن صدور فراخ مخلية بنفتحها فى النص كانها ساندوتش ونحشيها شريحة جبنة شيدر وشريحة لانشون ونقفلها بخلة اسنان ونغمسها فى بيض وبقسومات اوكورن فلكس مدقوق ونقليها فى السمنة بس طعمها رائع-
شيش طاووق مدخن
بفتيك لحم
فخدة ضاني فى الفرن مع صينية رز معمر بالزبيب
فراخ محمر
لحمة محمرة
طاجن بامية فى الفرن
ملوخية خضرا
مكرونة بشامل
رابعا الصوصات كلها فى سيرفيس واحد عندى فيه 5 خانات للصوص
الصويا صوص
كاتشب
طماطم بالشطة
الصوص الفرنسي
صلصة التوم بالزبادي
خامسا الحلو
كيكة
كنافة بالقشطة
جاتوه - بس داه جاهز انا ماعملتهوش
مع شوية فواكه مع بيبس وعصير
عاوزة اقولكم الاكل عجبهم جدا جدا و اتهمونى باني سوسة وما كنش متوقع يطلع منى كل المواهب المطبخية ديا داه لان مش باين على منظرى اصلا انى اعرف ادخل مطبخ وكمان وزنى بغيظهم بيه مش عارفين مهما يعملوا رجيم يوصلوا لل 57 كيلوا اللى عندي المهم انا ما اكلتش وما كنش لى نفس اكل بسبب ان صعبت على نفسي ازاى انا عملت كل داه تصدقوا من كمية السرافيز والاطباق انا اولا عندى السفرة كبيرة كمان ضميت ترابيزة المذاكرة بتاعة ابنى كمان مكتب الكمبيوتر علشان الشعوب دي تاكل لان كان العددكبير وكلهم مرة واحدة صدقونى انا صعبت عليهم ىس ماكنش حد ساعدنى وقتها حتى فى اليومين دول الخدامة ماجتش وهنا فى الكويت الخدمات الهنود دول بيبقوا مكارين اوى اول ما يحسوا ان فيه عزومة عندك تروح تغيب ما تجيش وتقول انها عيانة مثلا او ابوها مات اواى فلم هندي - انا اللى عيانة لى يومين من وقفة المطبخ بجد اول مرة يجينى عددكبير كدا مرة واحدة فهنا صعب تدورى على المصاريف والكلام داه مش حاقولكم كلفت كام بالجنية المصري علشان ما تتخضوش لكن عاوزة اقولكم توبة دي اخر مرة حاعوم حد انا اتبهدلت

[shiko]

اغابي, on Mar 2 2010, 12:38 AM, said:

اسكتوا يا جماعة متفكرونيش علشان ادبست فى عزومة لغاية دلوقتى رجلى مش ادرة امشي منها لما رحت شغلى نهارده حاسة ان رجلى فيها حاجة - بجد انا وفى الطريق بسوق مجرد ادوس بريك او بنزين مش قادرة من الم رجلى وعمالة اصلى جوايا ان ربنا يستر وما اعملش حادث انا وبسوق - احنا عندنا هنا فى الكويت اجازة العيد الوطنى ودي 4 ايام ورا بعض وبتبقي فرصة الاصدقاء يزورو بعضهم راحوا اتفقوا على 4 صديقات انهم حيزورونى كامل العدد طبعا كل واحدة اسرة من ام اب وطفلين فى 4 المجموع 16 ضيف غير اسرتي انا وجوزى وطفلين برضوه العدد 20 شخص بالاضافة ل2 اصدقاء جوزي يبقي العدد 22 شخص بس انا عملت كل حاجة لما كنت خلاص حاموت فعلا انا ميتة لى يومين دلوقتى
اولا السلطات
كول سلو
بنجر مسلوق مع فاصوليا حمرا
جرجير بالنعناع والبصل والزعتر وحلقات زيتون مخلل
ذرة صفرا بالجزر
ملفوف بنفسج مع مكعبات بطاطس مسلوقة وزيت الزيتون وزعتر
تبولة
ثانيا المقبلات
محشي ملفوف وفلفل رومي
محشي ورق عنب
بيتزا صغيرة
اصابع سمك فيليه مقلية بالكورن فليكس
شيش سجق مدخن
خبزمحمص بالثوم والزعتر
الاطباق الرئيسية
كوردن بلوا - اللى ما يعرفهوش هو عبارة عن صدور فراخ مخلية بنفتحها فى النص كانها ساندوتش ونحشيها شريحة جبنة شيدر وشريحة لانشون ونقفلها بخلة اسنان ونغمسها فى بيض وبقسومات اوكورن فلكس مدقوق ونقليها فى السمنة بس طعمها رائع-
شيش طاووق مدخن
بفتيك لحم
فخدة ضاني فى الفرن مع صينية رز معمر بالزبيب
فراخ محمر
لحمة محمرة
طاجن بامية فى الفرن
ملوخية خضرا
مكرونة بشامل
رابعا الصوصات كلها فى سيرفيس واحد عندى فيه 5 خانات للصوص
الصويا صوص
كاتشب
طماطم بالشطة
الصوص الفرنسي
صلصة التوم بالزبادي
خامسا الحلو
كيكة
كنافة بالقشطة
جاتوه - بس داه جاهز انا ماعملتهوش
مع شوية فواكه مع بيبس وعصير
عاوزة اقولكم الاكل عجبهم جدا جدا و اتهمونى باني سوسة وما كنش متوقع يطلع منى كل المواهب المطبخية ديا داه لان مش باين على منظرى اصلا انى اعرف ادخل مطبخ وكمان وزنى بغيظهم بيه مش عارفين مهما يعملوا رجيم يوصلوا لل 57 كيلوا اللى عندي المهم انا ما اكلتش وما كنش لى نفس اكل بسبب ان صعبت على نفسي ازاى انا عملت كل داه تصدقوا من كمية السرافيز والاطباق انا اولا عندى السفرة كبيرة كمان ضميت ترابيزة المذاكرة بتاعة ابنى كمان مكتب الكمبيوتر علشان الشعوب دي تاكل لان كان العددكبير وكلهم مرة واحدة صدقونى انا صعبت عليهم ىس ماكنش حد ساعدنى وقتها حتى فى اليومين دول الخدامة ماجتش وهنا فى الكويت الخدمات الهنود دول بيبقوا مكارين اوى اول ما يحسوا ان فيه عزومة عندك تروح تغيب ما تجيش وتقول انها عيانة مثلا او ابوها مات اواى فلم هندي - انا اللى عيانة لى يومين من وقفة المطبخ بجد اول مرة يجينى عددكبير كدا مرة واحدة فهنا صعب تدورى على المصاريف والكلام داه مش حاقولكم كلفت كام بالجنية المصري علشان ما تتخضوش لكن عاوزة اقولكم توبة دي اخر مرة حاعوم حد انا اتبهدلت

لا ...انا كان عندى رد فعل واحد بس ...ادخلهم كلهم ينضفوا الشقة وينضفوا المطبخ والاطباق....دى موش عزومة ...ده انتحار.......انتى جبارة.....