[se_ Elsyed]

موضوع هام يخص الجميع ...

لسه جايلي الخبر دلوقت من مصر إن القنصلية السعودية غلست كالمعتاد ..كل ما يقرب رمضان والحج ... وخلت تأشيرة الزيارة العائلية صالحة لمدة شهر واحد فقط منذ تاريخ صدورها من وزارة الخارجية بالسعودية ....

ولكن أنا عارف إن كل واحد عمل زيارة لوالدته أو لحد من عيلته بيبقى عاوزهم يقعدوا لرمضان وللحج ... عشان كده وبما إننا في منتصف شهر رجب ... فكل واحد أُصدرت له تأشيرة او لسه ما قدمش .. فأمامه فرصة ذهبية إنه يتقدم للقنصلية السعودية في مصر للحصول على التأشيرة لذويه من الأن وبأسرع وقت حيث أن التأشيرة بتكون صالحة لمدة 3 شهور منذ ختمها على جواز السفر ... يعني عنده لبعد رمضان ممكن يسافروا وييجوا هنا ويلحقوا الحج .. وكمان القنصلية بتبقى عليها ضغط رهيب عشان عُمره رمضان وبيعطوا أولويه للعُمره عن أي حاجه تانية ...


ده توضيح للجميع عشان الخارجية بتقفل باب الزيارة يمكن من شعبان ... وكله حسب المزاج السامي .

[Alattar]

شكرا يا سي السيد علي النصيحة الغالية
بس أنا متهيألي انها بتختلف من مكان لآخر
يعني الأماكن اللي قريبة من مكة بيقفلوا فيها الزيارة العائلية من أول شعبان
لكن هنا في الرياض أعتقد عادي..لأني السنة اللي فاتت عملت زيارة عائلية
لزوجتي و الكلام ده كان في ذو القعدة و الأمور الحمد لله مشيت عادي جدا
وده في نفس الوقت اللي كانوا في مكة و جدة و الطائف قافلين الزيارات العائلية
من أول شعبان.
بس برضه ياريت الأخوة تاخد حذرها لأن القوانين بتتغير هنا في ثواني.

[se_ Elsyed]

Alattar, on Jul 11 2009, 05:12 PM, said:

شكرا يا سي السيد علي النصيحة الغالية
بس أنا متهيألي انها بتختلف من مكان لآخر
يعني الأماكن اللي قريبة من مكة بيقفلوا فيها الزيارة العائلية من أول شعبان
لكن هنا في الرياض أعتقد عادي..لأني السنة اللي فاتت عملت زيارة عائلية
لزوجتي و الكلام ده كان في ذو القعدة و الأمور الحمد لله مشيت عادي جدا
وده في نفس الوقت اللي كانوا في مكة و جدة و الطائف قافلين الزيارات العائلية
من أول شعبان.
بس برضه ياريت الأخوة تاخد حذرها لأن القوانين بتتغير هنا في ثواني.

ياريس زياة الزوجة والاولاد مفتوحه طول العام

أنا بأتكلم عن

Quote

ولكن أنا عارف إن كل واحد عمل زيارة لوالدته أو لحد من عيلته بيبقى عاوزهم يقعدوا لرمضان وللحج

[lovelyramy]

thank you very much

[arinymcse]

طيب انا مراتي هتخلف كمان 4 شهور..و معايا شهادة من المستشفى انها في الخامس. هينفع اقدم على تأ شيرة زيارة عائلية لحماتي من وزارة الداخلية بعد رمضان ولا لأ؟

[se_ Elsyed]

arinymcse, on Jul 12 2009, 01:13 PM, said:

طيب انا مراتي هتخلف كمان 4 شهور..و معايا شهادة من المستشفى انها في الخامس. هينفع اقدم على تأ شيرة زيارة عائلية لحماتي من وزارة الداخلية بعد رمضان ولا لأ؟

وهو أنت لزم تستنى لأخر لحظه ؟

ممكن تطق في نافوخهم يقفلوا الزيارة من دلوقت لحد بعد الحج .. يبقى ليه تزنق نفسك .. الخارجية مالهاش دعوه بشهادة صحية ولا شهادة مرضية لإن التعامل بيبقى عن طريق السيستم

قدم من دلوقت ... وقدامك شهر صلاحية لما تطلع لك التأشيرة من الخارجية ... و 3 لما تاخد التاشيرة على جوزاها .... و9 شهور امكانية للتجديد داخل السعودية ... يكون البيبي كبر ودخل المدرسة كمان ...

[Alattar]

se_ Elsyed, on Jul 12 2009, 09:15 AM, said:

Alattar, on Jul 11 2009, 05:12 PM, said:

شكرا يا سي السيد علي النصيحة الغالية
بس أنا متهيألي انها بتختلف من مكان لآخر
يعني الأماكن اللي قريبة من مكة بيقفلوا فيها الزيارة العائلية من أول شعبان
لكن هنا في الرياض أعتقد عادي..لأني السنة اللي فاتت عملت زيارة عائلية
لزوجتي و الكلام ده كان في ذو القعدة و الأمور الحمد لله مشيت عادي جدا
وده في نفس الوقت اللي كانوا في مكة و جدة و الطائف قافلين الزيارات العائلية
من أول شعبان.
بس برضه ياريت الأخوة تاخد حذرها لأن القوانين بتتغير هنا في ثواني.

ياريس زياة الزوجة والاولاد مفتوحه طول العام

أنا بأتكلم عن

Quote

ولكن أنا عارف إن كل واحد عمل زيارة لوالدته أو لحد من عيلته بيبقى عاوزهم يقعدوا لرمضان وللحج

تمام يا ريس.. معلش أنا كنت فاكر ان الزيارات كلها تعامل معاملة واحدة
بس فيه نقطة أنا سمعت عنها و ياريت تفيدنا فيها :
هل البعد أو القرب من مكة له علاقة بإمكانية عمل زيارة من عدمه من شهر شعبان الي ذو الحجة؟
لأني تقريبا سمعت عن حاجة زي دي قبل كده
و أكتر من واحد أكدلي ان الزيارة ممكن تتعمل من الرياض أو من أي مكان بعيد عن مكة في أي وقت
حتي في شهور الحج اللي بيقفلوا فيها الزيارات
وجزاك الله خيرا

تم تعديل هذه المشاركة بواسطةAlattar: 12 July 2009 - 03:45 PM

[Alattar]

Alattar, on Jul 12 2009, 04:43 PM, said:

تمام يا ريس.. معلش أنا كنت فاكر ان الزيارات كلها تعامل معاملة واحدة
بس فيه نقطة أنا سمعت عنها و ياريت تفيدنا فيها :
هل البعد أو القرب من مكة له علاقة بإمكانية عمل زيارة من عدمه من شهر شعبان الي ذو الحجة؟
لأني تقريبا سمعت عن حاجة زي دي قبل كده
و أكتر من واحد أكدلي ان الزيارة ممكن تتعمل من الرياض أو من أي مكان بعيد عن مكة في أي وقت
حتي في شهور الحج اللي بيقفلوا فيها الزيارات
وجزاك الله خيرا

أين انت يا سين سين؟
ياريت تفيدنا في الاستفسار ده و جزاك الله خيرا

[ينبع]

السلام عليكم
حضرتك بتنبهنا عشان غلاسة السفارة طيب ممكن تدلنى لحل عشان غلاسة المنتدى ده انا مسجله تقريبا من شهر والى الان لم تفعل عضويتى مش عارفه الظاهر دخول السفارة اسهل من المنتدى ده بصراحه نظام مستفز مش عايزه اعبر عن اللى جوايا عشان محدش يزعل منى

وآسفه للاخ صاحب الموضوع انى خرجت عن موضوع حضرتك

[Outside egypt]

se_ Elsyed, on Jul 11 2009, 03:27 PM, said:

موضوع هام يخص الجميع ...

لسه جايلي الخبر دلوقت من مصر إن القنصلية السعودية غلست كالمعتاد ..كل ما يقرب رمضان والحج ... وخلت تأشيرة الزيارة العائلية صالحة لمدة شهر واحد فقط منذ تاريخ صدورها من وزارة الخارجية بالسعودية ....

ولكن أنا عارف إن كل واحد عمل زيارة لوالدته أو لحد من عيلته بيبقى عاوزهم يقعدوا لرمضان وللحج ... عشان كده وبما إننا في منتصف شهر رجب ... فكل واحد أُصدرت له تأشيرة او لسه ما قدمش .. فأمامه فرصة ذهبية إنه يتقدم للقنصلية السعودية في مصر للحصول على التأشيرة لذويه من الأن وبأسرع وقت حيث أن التأشيرة بتكون صالحة لمدة 3 شهور منذ ختمها على جواز السفر ... يعني عنده لبعد رمضان ممكن يسافروا وييجوا هنا ويلحقوا الحج .. وكمان القنصلية بتبقى عليها ضغط رهيب عشان عُمره رمضان وبيعطوا أولويه للعُمره عن أي حاجه تانية ...


ده توضيح للجميع عشان الخارجية بتقفل باب الزيارة يمكن من شعبان ... وكله حسب المزاج السامي .

غلق باب الزيارة من أول شعبان...هل له علاقة بالمكان اللي انا فيه
يعني مثلا لو أنا في الدمام أو الرياض و عاوز أعمل زيارة لأبي أو لأمي
و أنا مش من مكة ولا هاروح مكة...ينفع؟؟
ولا الزيارة بتقفل علي مكة و علي كل المملكة؟؟؟

[se_ Elsyed]

ينبع, on Jul 14 2009, 02:09 PM, said:

السلام عليكم
حضرتك بتنبهنا عشان غلاسة السفارة طيب ممكن تدلنى لحل عشان غلاسة المنتدى ده انا مسجله تقريبا من شهر والى الان لم تفعل عضويتى مش عارفه الظاهر دخول السفارة اسهل من المنتدى ده بصراحه نظام مستفز مش عايزه اعبر عن اللى جوايا عشان محدش يزعل منى

وآسفه للاخ صاحب الموضوع انى خرجت عن موضوع حضرتك

مش فاهم ؟

اومال مين اللي بيتكلم دلوقت لما سعادتك مش قادرة تعبري عن اللي جواكي ؟

اما بخصوص عدم امكانيتك فتح موضوعات جديدة .. فهذا نظام جديد استحدثناه لحمايه حضرتك والسادة الاعضاء وخصوصاً العضوات الفضليات وايضاً لحماية المكان وبإذن الله تتمكني قريباً من فتح موضوعات جديده ولو ان هناك الكثير من الموضوعات الموجوده يُمكن ان تعبري بها عما بداخلك ...

اما لأنك جديدة ... فلو كان طال حضرتك 10 % فقط مما حدث من قلة عديمة الضمير والتربية .. فكنتي اول واحده هاتنادي بما فعلناه ونفعله حباً في هذا المكان .

وشكراً على تعبيرات سعادتك لوصفك غلاسه المنتدى ونظامه المستفز .

[ينبع]

اسفة اخى على التعبير على العموم للادارة وجهة نظرها

تم تعديل هذه المشاركة بواسطةينبع: 15 July 2009 - 07:17 PM

[anwerbasha]

السلام عليكم الاخوة الكرام
انا مهندس اعمل في الرياض - عملت زيارة لوالدتي و تمت الموافقة عليها يوم 13/7/2009
بس ادوني شهر واحد بس للاسف .
ينفع اجدد بعد كده حتي لو جيه ميعاد التجديد في الحج او قبلة ؟ و هل لازم اخد ورق معايا عند التجديد مثلا تقرير ان زوجتي محتاجة رعاية و عاوز اجدد الزيارة لوالدتي مثلا؟؟

و اية رأيكم في اللي بيقولوه عن انفلونزا الخنازير ؟ في خطر و لا لاأ ؟؟
افيدوني اكرمكم الله

[مروان]

الحمد لله
وشكر خاص لسي السيد
اخدنا تاشيرة الزيارة على الجواز وكانت ب 90 يوم
مش عارف لو كنت اتاخرت وفضلت معرفش ان القنصلية ممكن تغير في صلاحية التاشيرة الصادرة من وزارة الخارجية بمزاجها كان ممكن حصل ايه
الف شكر للعضو سي السيد الذي ارهقته بكثرة اسئلتي ورسايلي الخاصة
لكن معلهش ان مقدر ان دول امي وابي ولازم الواحد يستحمل عشانهم
المهم متفرحش قوي كده لسه هتاجك في تمديد الزيارة
لانها هتخلص قبل الحج
وانا متاكد انك هتسد يا بطل

[anwerbasha]

anwerbasha, on Jul 23 2009, 11:42 AM, said:

السلام عليكم الاخوة الكرام
انا مهندس اعمل في الرياض - عملت زيارة لوالدتي و تمت الموافقة عليها يوم 13/7/2009
بس ادوني شهر واحد بس للاسف .
ينفع اجدد بعد كده حتي لو جيه ميعاد التجديد في الحج او قبلة ؟ و هل لازم اخد ورق معايا عند التجديد مثلا تقرير ان زوجتي محتاجة رعاية و عاوز اجدد الزيارة لوالدتي مثلا؟؟

و اية رأيكم في اللي بيقولوه عن انفلونزا الخنازير ؟ في خطر و لا لاأ ؟؟
افيدوني اكرمكم الله

ألا مجيب علي سؤالي ؟