[midoman]

السلام عليكم ورحمة الله وبركاته

مشروع هرم سيتى و هو مشروع تابع لشركة اوراسكوم للاسكان التعاونى ( احدى شركات شركة اوراسكوم )

انا حبيت اعرف الناس بالمشروع لانى لاحظت اثناء تصفحى لموقعكم الجميل و المفيد ان فى ناس كتير بتسال على مشاريع زى كده

فقررت اعمل اشتراك بالمنتدى و اكون مشارك معاكم لعلى اكون مفيد لاخوانا بالداخل و الخارج

المشروع كبير جداً عباره عن كمبوند يحتوى على حوالى 50000 الف وحده سكنيه وتم زيادتها لتكون 55000 وحده على مساحة 2000 فدان

يوجد عدة نماذج بالمشروع يمكنك اختيار ما يناسبك ، ارتفاع المبانى ( طابق واحد / طابقين / ثلاث طوابق ) تختلف على حسب النموذج

مساحات مختلفة منها 38م و48م و63م حيث تم تصميم نحو 40 نموذجا للمباني نفذ بعضها والبعض الآخر في مراحل لاحقة

اجمل شيء بالمشروع انك مش هاتحس ان فى منطقه سكنيه ، هاتحس انك فى مصيف

اشكال المبانى هناك زى اشكال مبانى الجونه بالبحر الاحمر

ولو اختارت الدور الارضى فبيبقى من حقك الحديقه و من حقك تعمل برجوله وسور لحمايتها ( مثل اى فيلا فى عماره )

تم تقسيم المدينة إلى ثمان أحياء، لكل حي خدماته من مدارس ومستشفيات وأسواق ومناطق تجارية

وحتى تكون المدينة متكاملة فإنها تضم منطقة صناعية وأخرى للورش والصناعات الخفيفة، كما تضم 45 مدرسة و3 مستشفيات كبيرة و38 مسجدا وعددا من الكنائس

وهذه المنشآت موزعة على الأحياء بكل حي خدماته واحتياجاته وله أسلوبه المعيشي والمهن الخاصة به، وتفصل بين الأحياء متنزهات ونوادي

ولمشاهدة الموقع على جووجل ايرث ادخل هذه الاحداثيات 29°57'13"N 30°59'50"E بالبرنامج

ودى بعض الصور البسيطه :










ودى فيديوهات للمدينه:

]

إنشاء الله احاول اضع الاسعار و الشروط المشاركه القادمه

اتمنى اكون اقدرت افيدكم

اخوكم ميدو

[icehearted girl]

ايه دا دي مباني جاهزة؟؟؟


يعني مفيش اراضي؟؟؟

وياريت الاسعار يفندم ربنا يكرمك

[فــيــروز]

أرجو ألاّ تُعتبَر مداخلتى هذه كرسى فى كلوب الموضوع المفيد ..
لكن صديقه لى مهتمّه جدّا بالحصول على شقّه فى مشروع مماثل و كذلك إين خالتى و كمان زميل لوالدتى فى مكان العمل زاروا موقع المشروع و بيقولوا إنّه تحوّل لما يشبه منطقه شعبيه حقيقيه .. و ذلك بسبب ضيق الشقق بالنسبه لعدد ساكنيها ممّا يضطر البعض منهم للخروج و الجلوس فى الطرقات و الشوارع ممّا حوّل المكان من حلم جميل لكابوس مزعج ينفّر البعض من فكرة امتلاك سكن فيه .. فهل هذا صحيح

[midoman]

icehearted girl, on Apr 4 2009, 07:13 PM, said:

ايه دا دي مباني جاهزة؟؟؟


يعني مفيش اراضي؟؟؟

وياريت الاسعار يفندم ربنا يكرمك

نعم مبانى جاهزه ، و الاسعار المشاركه القادمه انشاء الله

[midoman]

فــيــروز, on Apr 4 2009, 08:46 PM, said:

أرجو ألاّ تُعتبَر مداخلتى هذه كرسى فى كلوب الموضوع المفيد ..
لكن صديقه لى مهتمّه جدّا بالحصول على شقّه فى مشروع مماثل و كذلك إين خالتى و كمان زميل لوالدتى فى مكان العمل زاروا موقع المشروع و بيقولوا إنّه تحوّل لما يشبه منطقه شعبيه حقيقيه .. و ذلك بسبب ضيق الشقق بالنسبه لعدد ساكنيها ممّا يضطر البعض منهم للخروج و الجلوس فى الطرقات و الشوارع ممّا حوّل المكان من حلم جميل لكابوس مزعج ينفّر البعض من فكرة امتلاك سكن فيه .. فهل هذا صحيح

لا لا مش كرسى فى الكلوب ولا حاجه ، دى مداخله جديرة بالاحترام

بس اكيد اللى صديقتك وابن خالتك شافوه دا كان مكان العمال ، او المكان المؤقت لمتضررى حادث الدويقه ( حيث ان الحكومه اعطتهم عقود إيجار لمدة 12 شهر لحين التصرف لهم فى اماكن اخرى )

انا كنت فى زياره من فتره قريبه و كان الموقع رائع و اتوقعله مستقبل واعد حيث انها خلف مدينة النتاج و امام دريم و بجوار حى الاشجار و فى اول طريق اكتوبر

انا معاكى ان مساحة الشقه صغيره ، بس التنظيم الحضرى الموجود بالمدينه فوق الرائع وتناسب اى شاب بيبدأ حياته ( مدينه شبابيه جداً )

الشوارع و المياديين واسعه جدا ومخططه تخطيط رائع

وشكراً لمداخلتك

ميدو

[midoman]

صور اخرى من الموقع

[midoman]

بعض الصور الاخرى :

[فــيــروز]

شكرا جزيلا على الرد السريع .. الحقيقه الصور جميله جدّا ..
يا ريت تقول لنا على الشروط بقى ..

[عاشق]

midoman, on Apr 4 2009, 10:41 PM, said:

فــيــروز, on Apr 4 2009, 08:46 PM, said:

أرجو ألاّ تُعتبَر مداخلتى هذه كرسى فى كلوب الموضوع المفيد ..
لكن صديقه لى مهتمّه جدّا بالحصول على شقّه فى مشروع مماثل و كذلك إين خالتى و كمان زميل لوالدتى فى مكان العمل زاروا موقع المشروع و بيقولوا إنّه تحوّل لما يشبه منطقه شعبيه حقيقيه .. و ذلك بسبب ضيق الشقق بالنسبه لعدد ساكنيها ممّا يضطر البعض منهم للخروج و الجلوس فى الطرقات و الشوارع ممّا حوّل المكان من حلم جميل لكابوس مزعج ينفّر البعض من فكرة امتلاك سكن فيه .. فهل هذا صحيح

لا لا مش كرسى فى الكلوب ولا حاجه ، دى مداخله جديرة بالاحترام

بس اكيد اللى صديقتك وابن خالتك شافوه دا كان مكان العمال ، او المكان المؤقت لمتضررى حادث الدويقه ( حيث ان الحكومه اعطتهم عقود إيجار لمدة 12 شهر لحين التصرف لهم فى اماكن اخرى )

انا كنت فى زياره من فتره قريبه و كان الموقع رائع و اتوقعله مستقبل واعد حيث انها خلف مدينة النتاج و امام دريم و بجوار حى الاشجار و فى اول طريق اكتوبر

انا معاكى ان مساحة الشقه صغيره ، بس التنظيم الحضرى الموجود بالمدينه فوق الرائع وتناسب اى شاب بيبدأ حياته ( مدينه شبابيه جداً )

الشوارع و المياديين واسعه جدا ومخططه تخطيط رائع

وشكراً لمداخلتك

ميدو

انا فقط حبيت اضيف شيئ صغير

المهم في مثل هذه المشروعات

ليست المساحات الخضراء وليست سعة المبنى من الداخل او اي شيئ من هذا القبيل

المهم وقبل اي شيئ نوعية السكان

وده اخطر شيئ بالموضوع وللاسف مع احترامي لكثير من المصريين

دي هتبقى خرابه بعد كام سنة

ليه

هناك طبقة من الشعب تعودت على الاهمال والتعديات والعربده

يعنى سنة ولا اسنين هتلاقي البلكونات اتملت مهملات

والشوارع الكل تمخض عقله على انه يستغل اي شيئ خارجي ليضيفه لشقته

وهتلاقي الي ابتدى يحوط على بيته والي يقتطع جزء من الارض

وهتلاقي الي قاعد امام الباب فرشين بالشارع

وهذه الخضرة تتحول بقدرة قادر الى ساحة مهملات

غير سلوك الناس يعنى مستواهم الاجتماعي

وخلو بالكم ان معظم الي بينقلوهم اليوم من اسطبل عنتر والدويقة وخلافة بيسكنوهم بمشاريع مثيلة في 6 اكتوبر

وخاصة مشروع اراسكوم دي اخر اخبار منشورة لسه امس فقط بالجرائد

يعنى المهم المستوي الاجتماعي

تخيل بقى انت قاعد وسط ناس بهذا المستوى (طبعا مع احترامي الشديد لخصوصيات كل شخص وسلوكة طبعا لو لم يؤثر علي شخص اخر)

لكن للاسف الشديد مصر مبتعرفش نظام وطالما المدينة كملت محدش هينتبه ليها بعد كده

خلاص الشركة بنت واستلمت الفلوس وباي باي

وتبدى المحنة بتاعة المساكن الشعبية

انا الي حابب اقولة ان جوهر الموضوع ليس شكل السكن او المساحة المهم هو الانسان

وعشان كدة الناس بحاول تشتري بالمتر ابو 3000 جنية و 4000 جنية ليه عشان قيمة الارض والسكن

بالطبع لا ............ هما بيشترو جار ومنطقة راقية

يعنى الجار قبل الدار

[ahmedmohamed]

انا اسف برده بس انا ليا زميل كان شارى فيها وبعدين قرينا فى الجرايد انهم نقلوا بتوع الدويقة للمدينة دى
وطبعا بالرغم من انهم بعيد لكن للاسف دمروا شكل المدينة وخلت صاحبى انسحب طبعا واكيد زيه كتير

ولو تلاحظوا بالرغم ان الشقة بملاليم تقريبا 200 جنيه فى الشهر (تمليك مش ايجار) لكن مش عارفين يبيعوها

[عاشق]

ahmedmohamed, on Apr 5 2009, 01:04 PM, said:

انا اسف برده بس انا ليا زميل كان شارى فيها وبعدين قرينا فى الجرايد انهم نقلوا بتوع الدويقة للمدينة دى
وطبعا بالرغم من انهم بعيد لكن للاسف دمروا شكل المدينة وخلت صاحبى انسحب طبعا واكيد زيه كتير

ولو تلاحظوا بالرغم ان الشقة بملاليم تقريبا 200 جنيه فى الشهر (تمليك مش ايجار) لكن مش عارفين يبيعوها

مع الاسف الشديد

عندنا قرارات في مصر ما شاء الله

(((( تتفنن في هدم ما هو جميل))))

هل ده شيئ مقصود .. بجد مش عارف

[midoman]

السلام عليكم ورحمة الله

اهل المنتدى الجميل ،،،

اسف على تاخيرى فى الرد

بالنسبه لاسعار الوحدات بالمشروع تختلف حسب النموذج و المساحه

المشروع دا 8 مراحل و كل مرحله ليها مستوى مختلف تماماً عن التانى

المهم انا هاكتبلكم اسعار النموذج الى انا إشتريته " بحى الاندلس" بالتقسيط مع شركة تمويل ( نموذج أرضى بحديقه خاصه صافى مساحة الشقه 63 متر )بخلاف مساحة الحديقه حوالى 40 متر .

1- 350 جنيه مصاريف طلب تمويل
2- 500 جنيه تقييم الخبير العقارى
3- 10000 جنيه مقدم
4- 5995 جنيه قسط سنوى " لمدة عشر سنوات "
5- 672 جنيه قسط شهرى " لمدة عشرون سنه " بزيادة 7% سنوياً شامل 20 جنيه مصاريف تحصيل

المهم ان ثمن الشقه كاش 104900 جنيه غير مخصوم مبلغ الدعم ( 10000 جنيه )
قيمة الشقه بعد إنتهاء العشرين سنه شامله كافة المصاريف + التأمين الاجبارى على حياة المالك + تأمين ضد الحريق 228500 جنيه

ahmedmohamed, on Apr 5 2009, 12:04 PM, said:

انا اسف برده بس انا ليا زميل كان شارى فيها وبعدين قرينا فى الجرايد انهم نقلوا بتوع الدويقة للمدينة دى
وطبعا بالرغم من انهم بعيد لكن للاسف دمروا شكل المدينة وخلت صاحبى انسحب طبعا واكيد زيه كتير

ولو تلاحظوا بالرغم ان الشقة بملاليم تقريبا 200 جنيه فى الشهر (تمليك مش ايجار) لكن مش عارفين يبيعوها

مافيش خالص حاجه إسمها 200 جنيه فى الشهر و على فكره سعر الوحده كاش دلوقت 140000 جنيه بتاريخ النهارده

وكنت فى المدينه يوم الأحد الى فات وبصراحه المدينه فوق الروعه وتنظيم فوق الوصف ، والامن الخاص بالمدينه زى الفل

وبالنسبه للناس بتوع الدويقه واسطبل عنتر دول فتره مؤقته وهايمشوا وكلهم فى منطقه واحده و الامن الخاص بالمدينه محاصرهم 24 ساعه والله يكون فى عون الناس الغلابه دى

وبالنسبه لمستوى السكان الاجتماعى انا بصراحه كل مرة ازور المدينه بشوف ناس محترمه جداً ولاد ناس ، جايز فى ناس من طبقه بسيطه بس اكيد قليللينلان السعر مش قليل زى ما الناس فاكره

اخر مره كنت هناك كان فى واحد راكب سياره هامر ملاكى جيزه بيستلم شقهكاش وماكنش مصرى (غريبه)

انشاء الله المشاركة القادمه اجيبلكم صور جديده من الموقع على الطبيعه

شكراً

اخوكم / ميدو

[بيرو]

يا اخ ميدو شكرا ع المعلومات

بس انا عايزك تقولى تفصيليا لو سمحت

لو انا عايز شقة هناك نفس مساحة شقة حضرتك . اية الاجراءات بالظبط ؟

يعنى اروح فين بالظبط ؟ والخطوات بالتحديد ؟ وكمان مدة الاجراءات؟

والتسليم بعد اد اية

وشكرا

[midoman]

بيرو, on Apr 28 2009, 12:46 PM, said:

يا اخ ميدو شكرا ع المعلومات

بس انا عايزك تقولى تفصيليا لو سمحت

لو انا عايز شقة هناك نفس مساحة شقة حضرتك . اية الاجراءات بالظبط ؟

يعنى اروح فين بالظبط ؟ والخطوات بالتحديد ؟ وكمان مدة الاجراءات؟

والتسليم بعد اد اية

وشكرا

عفواً ، لاشكر على واجب

انا مش عارف الاجرائات غيه دلوقت لانى كنت مقدم من حوالى سبع شهور و عرفت ان الاجراءات غختلفت شويه

انا عن نفسى قدمت مفردات مرتب ، وصوره من عقد إيجار جديد (لان لو تمليك او قانون قديم بإسمك هايترفض) ممكن تقول انك ساكن مع اهلك

صورة بطاقه ودفعت 350 جنيه عشان الاستعلام

بعد كاك يوم هايكلمك موظف من عندهم عشان يحدد معاك ميعاد للمقابله ( شباب زى الفل هايرحوك على الاخر بس خلى بالك معاهم )

وبعد كدا هاتجيلك الموافقه وهايبعاتولك عشان تدفع المقدم فى اوراسكوم ( الاداره )

وبعد كدا تروح اوراسكوم اكتوبر توريلهم ايصال السداد و تختار شقتك بنفسك و مكانها ( وانت وشطارتك مع الموظف )

الاجراءات دى بتاخد حوالى 3 شهور

وبعدها بيكلموك تدفع اول قسط سنوى مع اول قسط شهرى

و هايقولولك هاتستلم بعد 7 الى 10 شهور ( بس بصراحه هى بتكون اقل من كدا )

انا لسه ماستلمتش بس روحت شفت الشقه وجاهزه تمام مع ان ال7 شهور لسه مخلصوش بس لسه بيرصفوا الشارع وبيزرعوا الشجر

عشان كدا مابيسلموش الا لما يكون الشارع كومبليت

الحمد لله رب العالمين قدرى طلع فى شارع 20 متر و هو شارع رقم 1 ودا شارع رئيسى بالمدينه وهو الشارع المقابل للبوابه

دا الموقع الرسمى للمدينه http://www.orascomhc.com/

الخط الساخن 19370

ولو فى اى استفسار تانى انا فى الخدمه

اخوكم / ميدو

[midoman]

السلام عليكم ورحمة الله وبركاته

مرفق إليكم صورة من جوجل ماب للمدينه ولكن تصوير 2008

إضغط هنا لترى الصفحه

شكراً

ميدو