إنتقال للمحتوى


صورة
- - - - -

الحياة فى الكويت


  • من فضلك قم بتسجيل الدخول للرد
11 رد (ردود) على هذا الموضوع

#1 احمد حسن

احمد حسن

    new Member

  • MemberN
  • Pip
  • 5 مشاركة

تاريخ المشاركة 01 April 2009 - 09:44 AM

السلام عليكم
انا ان شاء الله جاى على الكويت وكنت عايز اعرف ايه اخبار الحياة هناك لمهندس عازب يعنى ايه المصاريف من ناحية السكن وهل سهل الاقى وايه المصاريف الشهرية ونظام تقسيط السيارات ووسائل الترفيه يعنى اى حد حاجة عارف حاجة عن الحياة فى الكويت ممكن يدلنى
مع الشكر

#2 elfakhrany

elfakhrany

    Advanced Member

  • Members
  • PipPipPipPipPip
  • 606 مشاركة
  • النوع:ذكر
  • المكان:مــصــــ EGYPT ـر - حاليا الخبر
  • الإهتمامات:القراءة - الأعمال التطوعية

تاريخ المشاركة 01 April 2009 - 10:16 AM

أخى الرجاء استخدام خاصية البحث فى المنتدى عن موضوع المصريين فى الكويت ....
يدهشني أن يقول الأجانب :

Share What You Can To benefit The Others

وقد عملوا بذلك فتقدموا !

وقد قالها قبلهم أشرف الخلق سيدنا محمد (حب لأخيك ما تحب لنفسك)

أتمني أن لا نكون كالفراعنة القدامي أخفوا عِلمهم فمات معهم !


صورة

#3 احمد حسن

احمد حسن

    new Member

  • MemberN
  • Pip
  • 5 مشاركة

تاريخ المشاركة 01 April 2009 - 05:16 PM

انا بالفعل دورت ملقيتش اى اجابات على اسئلتى ولقيت كل الناس اللى بتتكلم عائلات مش عزاب فياريت اى حد عنده اى اجابة على اسئلتى يدلنى

#4 الحاج فوزى

الحاج فوزى

    Advanced Member

  • Members
  • PipPipPipPipPip
  • 536 مشاركة
  • النوع:ذكر

تاريخ المشاركة 01 April 2009 - 05:28 PM

السلام عليكم
انا ان شاء الله جاى على الكويت وكنت عايز اعرف ايه اخبار الحياة هناك لمهندس عازب يعنى ايه المصاريف من ناحية السكن وهل سهل الاقى وايه المصاريف الشهرية ونظام تقسيط السيارات ووسائل الترفيه يعنى اى حد حاجة عارف حاجة عن الحياة فى الكويت ممكن يدلنى
مع الشكر



لو كنت هتسكن لوحدك ، اوضه وصالة بحدود 160 او 170 دينار أو أستديو بحدود 120 دينار ، مع مجموعة ، فى شقة غرفتين وصالة مثلا إيجارها حوالى 260 دينار للعزاب تقسم على عدد الساكنين





لا يوجد ترفيه بالمعنى المفهوم بالكويت ، الاماكن الترفيهية محدودة ،، كلما كنت تعرف مجموعة أصدقاء أكثر كلما كان افضل .

مأكل ومشرب لشخص واحد ومصروفات فى المعتاد تكون ما بين 75 و 150 دينار تزيد وتنقص وتتحرك بين الرقمين على حسب النمط المعيشى .



سيارة معتدلة جديدة قسط فى حدود 75 دينار لمدة 5 سنوات ، سيارة مستعملة ، تختلف حسب نوع السيارة وحجمها ..



لأن أقساط السيارات المقبولة شكلا ونوعا تتراواح ما بين 60 دينار حتى ما شاء الله شهريا ..



لا معلومات أخرى فى مداخلتك أستطيع إبداء اى نصائح عليها لكنى تحت أمرك فى أى سؤال .
من فضلك ..دعنى أرى كيف تتحدث حتى أعرفك .. ودعنى أرى كيف تختلف حتى أحترمك .

#5 ahmed Ghandour

ahmed Ghandour

    new Member

  • MemberN
  • Pip
  • 5 مشاركة

تاريخ المشاركة 01 April 2009 - 05:50 PM

بص يا بشمهندس أولاً تيجي بالسلامة أن شاء الله
بالنسبة للسكن في الغالب بيكون متوسط الايجار للفرد 30 دينار كويتي ممكن فوق شوية أو تحت شوية على حسب حالة السكن
بالنسبة للشغل هتلاقي شغل أن شاء الله أنا معاي اتنين مهندسين في السكن وشغالين الحمد لله
بالنسبة للسيارات في فرق شاسع بين المستعمل والجديد
المستعمل أسعاره كويس جدا، بالنسبة لقيمة القسط أنت اللى بتحدد القيمة يعني كل ما زادت فترة التقسيط تقل قيمة القسط الشهري وطبعا هتزيد الفائدة والعكس.
بس المشكلة اللى هتقابلك موضوع رخصة القيادة، هنا رخصة القيادة صعبة جدا في الحصول عليها.
المشكلة هنا مشكلة رخصة مش مشكلة سيارة.
أى استفسار تاني احنا موجودين في الخدمة

#6 باسم محمد

باسم محمد

    new Member

  • MemberN
  • Pip
  • 1 مشاركة

تاريخ المشاركة 01 April 2009 - 05:50 PM

اخي العزيز :-
توكل على الله ,, الكويت بلد جميلة لكن جوها شوية صعب ,, وحسب العمل اللي رايح له ممكن الناس هناك تدلك على سكن اعزب خصوصا في منطقة حولي ستجد مصريين عزاب كتير ومستويات مختلفة للسكن .

#7 احمد حسن

احمد حسن

    new Member

  • MemberN
  • Pip
  • 5 مشاركة

تاريخ المشاركة 01 April 2009 - 06:21 PM

انا بصراحة مش عارف اقولكم ايه انتوا بجد دلتونى على حاجات كتير كنت معرفهاش وياريت لو نتقابل كلنا هناك او نكون زى جروب حتى لو على الاقل على المنتدى هنا او على الفيس بوك نطمن على بعض او حتى تكون هى احد وسائل ترفيهنا
ممكن سؤال تانى على موضوع السكن المشترك او المعقول يعنى ممكن احصله فين وعلى فكرة انا هشتغل فى منطقة اسمها الشويخ وفى اماكن فيها اقدر الاقى السكن المشترك ولو غرفة بدورة مياه ومطبخ بيبقى ايجارها الشهري فى حدود كام
الشكر لكم

#8 احمد حسن

احمد حسن

    new Member

  • MemberN
  • Pip
  • 5 مشاركة

تاريخ المشاركة 04 April 2009 - 09:24 AM

ايه يجماعة الكويت فين مشاركتكم

#9 ssmaly

ssmaly

    Advanced Member

  • Members
  • PipPipPipPipPip
  • 812 مشاركة
  • النوع:ذكر
  • المكان:مصرى بالكويت

تاريخ المشاركة 04 April 2009 - 11:13 AM

أخى الفاضل
تجيى ان شاء الله بالسلامة
اذا سالت اكثر من واحد كل واحد حيرد عليك بردود مختلفة نتيجة اخلاف وجهات النظر واختلاف الظروف لكل واحد
يبقى انت تيجيى وتشوف و تحكم بنفسك اكثر واقعية(واحد قال السكن 30 دينار و واحد قال 160للغرفة وصالة وانا ممكن اقول رقم ثالث)
ولكن اذا كنت جاى على واحد قريبك او صاحبك يدبرلك موضوع السكن يكون احسن و اكون اكثر صدقا ضرورى جدا انك تكون نازل على حد يدبرلك امورك فى البداية
اذا كنت جاى على شغل طبعا يكون احسن
واذا كنت حتدور على شغل يبقى وجود قريب لك ضرورى ايضا فى التدوير على شغل و انهاء اوراقك ومنها رخصة القيادة وهى هنا ضرورية وصعبة ولكن بالمعرفة والواسطة كل شىء بيخلص
اذا كنت تقدر تيجى فبل شهور الصيف يكون احسن فى كل شىء
يكون الجو لسه مش نار علشان تعرف تخلص اوراقك و الجو حلو
وكمان الشغل ممكن تكون هناك فرص افضل عن شهور الصيف
اتوكل على الله وتعالى وربنا يوفقك
د/محمد على


#10 احمد حسن

احمد حسن

    new Member

  • MemberN
  • Pip
  • 5 مشاركة

تاريخ المشاركة 04 April 2009 - 11:40 AM

انا متشكر جدا على الردود انا ان شاء الله رايح على شركة بس المشكلة ان الشركة مش هتدينى سكن فعشان كده انا بسال

#11 HDarwish

HDarwish

    Advanced Member

  • Members
  • PipPipPipPipPip
  • 845 مشاركة
  • المكان:Egypt

تاريخ المشاركة 04 April 2009 - 12:47 PM

طالما شغلك في الشويخ يبقى ممكن تسكن في الفروانية أو الرقعي .. وممكن حولي بس هيقابلك زحمة كبيرة جدا خاصة وانت رايح الصبح وفترة الظهيرة يعني وقت ذهاب وإياب الموظفين والمدارس

توصل بالسلامة

#12 ahmed Ghandour

ahmed Ghandour

    new Member

  • MemberN
  • Pip
  • 5 مشاركة

تاريخ المشاركة 05 April 2009 - 04:08 PM

بص يا باشا طالما شغلك في الشويخ اعتقد أن احسن مكان تسكن فيه هو الفروانية وعلى فكرها أكتر من 90% من سكانها مصريين

بالنسبة لسعر ايجار غرفة + حمام (ما يطلق عليه الاستديو ) سعرها حوالي 80 دينار في الفروانية

وهتلاقي في اعلانات كتيرة داخل الفروانية أصحاب شقق بيطلبوا شباب يسكن معاهم




0 عضو (أعضاء) يشاهدون هذا الموضوع

0 الأعضاء, 0 الزوار, 0 مجهولين


زار هذا الموضوع 15 عضو


    , , , , , , Capotchino, احمد عبد العال, engmido, midosa, MohamedMmdouh, MostafaSaied, om marawan, Scorpion, كدة رضا