[mohamedyehia]

لقد عرضت شقتى فى مدينة الرحاب والتى اشتريتها الصيف الماضى من 4800 المتر الى 3200 للمتر فلم اصدق ماقالة السمسار وقاللى بيع يابية دة السعر فى النازل الاجانب اللى شاريين هيبيعوا ويخلعوا وطلعلى كشوف فيها ناس طالبين يبيعوا اعداد رهيبة فارجو ان تنصحونى ابيع ولا اية حيث اننى سوف اشترى مكانها فيلا فى 6 اكتوبر كمان ثلاثة شهور

[Diab]

خلي بالك من كلام السمسار لانه اكيد هيستفيد منك في حالة البيع ومن الشاري برضه

الحاجة التانية ان ازمة العقار ضربت العالم ده صحيح بس في مصر محدش اتأثر لأن كان في ازمة في الاسعار من بدري والناس مصدقت عشان تشتري

[ترنيم]

كلام السمسار غالبا مش صحيح

كان لنا صديق لسه من قريب فى مصر وقال ان الأسعار مانزلتش للدرجة ولا حاجة

علشان تتأكد خلى حد يتصل بالسمسار على إنه عايز يشترى شقة ويذكر نفس مواصفات شقتك الى انت عايز تبيعها (بس يعنى

بحرفنة مش يقول أنا عايز شقة الدكتور محمد) وشوف هيديلك سعر كام

وربنا يوفقكم

[jamee]

السلام عليكم ورحمة الله وبركاته

تحياتي أخي الفاضل ..

أحب أقول لحضرتك اني كنت في مصر من مدة بسيطة من حوالي شهر ونصف وكنت أسأل عن الشقق في الرحاب وعن طريق سمسار وكان السعر هو نفس السعر اللي حضرتك كنت عاوز تبيع بيه ( 4800 ) ولم ينزل السعر غير شئ بسيط في حالة الدفع كاش .. ، أرجو ان تراجع سمسار آخر ولا تتسرع ، وممكن تعرف مستوى الاسعار عن طريق إعلانات الجرائد مثل الاهرام والوسيط ....


بالتوفيق ..

[se_ Elsyed]

غالبية السماسرة بيشتروا لنفسهم .

أو بيكون عندهم زبون عايز يبيع مسقعينه وراكنينه عل جنب وتيجي إنت تعرض حاجتك للبيع يقوم مفطسها لك عشان يبيعها للزبون التاني بمكسب رهيب من بره بره ...

نخلي بالنا إنهم في الأول كانت نسبتهم 2.5 % من البائع ومثلها من المشتري ..

ولما أغتنوا وكروشهم إتملت .. قالوا طب ما نلعب لصالح أنفسنا وأهو بدل الألف المكسب يبقى مليون .. وشوفت ناس منهم في العبور عندنا .. سوري يعني من الأرياف وفي خلال سنتين تلاته .. واله يا جماعة بيبدلوا العربيات مع البدل اللي لابسينها .. لأنهم داقوا طعم فلوس القرعة والمكسب اللي بالعبيط ..

مين كان يصدق إن متر أرض الفيلات عندنا في 2006 بـ 200 ج وأراضي بالعبيط ... بس كاش وعلى الترابيظة .. من المشتري الأصلي اللي متخصصه له من زمان .. يعني لا قرعة ولا بطيخ ولا إحتمالات تيجي يا ماتجيش ... وفي أول 2008 المتر بقى متوسطه 1000 ج .... 5 أضعاف ربح .. ولا الهيروين يا معلم ..

أخي الكريم ..

إصرف شويه ونزل إعلانات في الوسيلة لو كنت في مصر او على المواقع التالية

www.ekaar.net

أو http://www.mstaml.com

ونصيحة هامة للأخوة اللي بتبيع عن طريق مع السماسرة :

1- إوعى تحسس السمسار إنك واقع ..

2- إوعى تسيبه يفتي لك ويدس أنفه فيما لا يخصه ... يعني دي شقتي أو دي أرضي وإن شالله أطلب في المتر مليون جنيه .... أنا حُر .. فهو هنا كل دوره وسيط فقط .. وليس خبير قانوني ومُثمن ... يعني حضرتك إتطقس وإسأل على متوسط الأسعار وأعرض على اساسه ... ييجي هو يفتي ويوقع السعر ...


نسيب أخويا كان عنده حته أرض .. وعرضها للبيع من شهر ... السماسرة عملوا مع أخويا اللي كان بيتولى الموضوع لإن نسيبه مسافر في الخارج نفس الأفلام والأبئاء الحمضانه ... ده في كساد والسعر واقع والحالة عدم ... ولإنه متمرس وصايع .. فقال له هي كلمة واحدة إنت دورك تعرضها فقط .. لإن البهوات إتفقوا مع بعض ونصحوه إنها عشان تمشي وتتباع بسرعة نصحوه نصيحة مخلصة إنه يخفض السعر 25 % عشان يبيع بسرعة ... فقال هم إنه مش مستعجل وبراحتهم خالص ... ولم يتصل بهم ولا مره ... ولم يمر شهر ( الكلام ده لسه قريب جداً ) إلا وجابوا له زبون بنفس السعر اللي هو طالبه لم يقل مليم ...


وحصل معايا نفس الشيء عندما نزلت العام قبل الماضي لأعرض أرض فيلا العبور للبيع ... وقلت أعكس العملية ... فروحت لمكتب سماسر كبير وقلت له أنا عايز ارض بالمساحة الفلانية في الحتة الفلانية - كان ناقص أقول له وشرط يكون صاحبها إسمه س س - فطبعاً حط رجل على رجل وطلب لي حاجه ساقعه ومشبرة وهبدني سعر محترم ... فقلت له بصريح العبارة .. أنا عندي حتة أرض هناك وعايز أبيعها بالسعر اللي إنت قلت عليه ده أو أقل بقليل ... راح منزل رجله وحواجبه بقت 7 مقلوبة وصوته تخن وراح لاغي الأوردر بتاع الحاجه الساقعة ونفض لي وكويس انه ما طردنيش ..

والحمد لله مع كام إعلان في الوسيلة على علاقات هنا وهناك وصبر لمدة عام كامل بعت بالسعر اللي انا عايزه .. بعد ما إتلم عليه الديابة السماسرة وكل واحد عمل فيها عبدو الغلبان والسوق نايم والحاله واقعه ووالله والله الموقف اللي هاحكي عليه ده حصل معي ..

واحد من السماسرة ما بيعرفش يفك الخط ... لقيته إتصل بي وجايب لي واحد تاني لو شفته تروح مطبق إيدك في 10 ج وتعيطها له .. وقال لي ده المشتري اللي هايشتري الأرض .. فقلت أنا لي أكل ولا بحلقه ... قلت له ماشي ... وجيت أخدت رأي شريكي فما وافقش . عشان النصيب بس ... وأتضح بقى واللي عرفته إن الزبون ده شغال معاه في المكتب .. وإن السمسار هو اللي هايشتريها ...

طب بيعمل كده ليه ؟

الإجابة بكل بساط : عشان ياخد مني 2.5 % .. بالرغم من إنه شاريها لنفسه .. لكن عن طريق طرف ثالث .. وبكده يكسب من جميع الجهات وطالع واكل نازل واكل ..

[ahmos1]

اؤيد بشدة رأى اخونا سى السيد و لللم اسار الرحاب زادت رسميا من اول يناير و لكن ربنا يهى السماسرة بيع على مهلك و ماتستعجلش و ربنا يوفقك

[Simba]

طالما فيها سمسار يبقي تعم
ل ودن من طين وودن من عجين تكسب دهب لاني في اجازتي الاخيرة جيت عندي مرض فوبيا السمسار وده محدش يسمع عنه غير اللي اتأذي واتاذي بالجامد مش من سمسار واحدة من رابطة سمسارين متحدين عندهم لغة واحدة مشتركة لغة الكدب مش الكدب اللي الي نعرفه لا الكدب بتاعهم خرافي كده لازم يتدرس في علم النفس
مصيبتي كانت مصيبتن بعد ما السمسارة ودوني شمال ويمين وفوق وتحت لما اتمرجحت احلي مرجحة في الدنيا حسسوني ان القرشين اللي معايا دول اروح افرش بيهم بترمس علي الكورنيش ولا حاجة مع انهم والله كانوا قرشين محترمين وولاد ناس وحلال وكل حاجة وقعت بعدها في محامي بيشتغل سمسار وانضحك علي وسلمت له دقني علي حس ان السعر والدنيا وكده وبعدين ابقي بيع يا عم اتاري اللي اشتريته محدش هيفكر يشتريه اصلا هههههههههه
بضحك بمرارة خصوصا ان نقلت اولادي هناك
الخلاصة اوعا تصدق سمسار واوعي تستعجل في اي شئ وغالبا كده اسعار العقارات حتي لو فيه ازمة عالمية عمرها ما هتنزل في مصر مفيش حد بيبع حاجة بخسارة

[hanzalah]

عزيزي د. محمد

تحية طيبة ..

انا كنت داخل وناوي اكتب موضوع عن بحثي عن شقة في التجمع الخامس أو في الرحاب
وسبحان الله وجدت موضوعك
فصرفت النظر عن فتح موضوع جديد

اخي الكريم
كل الزملاء الافاضل
اخلصوا لك النصيحة
اقول ذلك بحكم جهدي الذي بذلته في البحث عن اعلانات الشقق في الرحاب والتجمع
جهاز مدينة الرحاب فعلا زود اسعاره 6% في أول أيام يناير 2009
التقيت بمنودبي البيع الطيبين هناك وسألتهم : هل طبيعي في ضوء انخفاض الاسعار في العالم
وانخفاض الحديد في مصر (جرايد اليوم قالت هينزل الى 3400 للطن)
قال لي بهدوء وابتسامة: يا استاذ احمد
هتعمل ايه لو قلت لك ان سعر الشقة اللي انت اشتريتها من سنة قد انخض بمقدار 13%
اكيد راح تزعل .. لكن اكيد راح تفرح لو قلت لك ان سعرها زاد 13% في اقل من ستة شهور
فهمت ان الموضوع زيادة نفسية ولاتعكس غلاء اسعار
زيادة الغرض منها خلق سعر جديد .. وخلق نوع من الطلب على السلعة

طبعا انت يادكتور في الاخير تبحث عن مصلحتك وهي بيع الوحدة باعلى سعر تحصل عليه
وبالتالي فلا تلجأ الى المسمار ابدا
وكما قال الاخوة الافاضل
يمكن ان تعلن عنها في جريدة الوسيط (بحوالي 70 جنيه تقريبا) وهي تصدر يومين فقط في الاسبوع
والافضل ان تنزل الاعلان في ايام الجمعة فقط لان السحب عليها بيكون اكبر من يوم الاثنين
وربنا يوفقك

وياريت الاخوة الافاضل الذين لهم دراية باسعار التجمع الخامس
يفيدوني عن اسعار كمبوند مثل (مصراوية) أو (زيزينيا) أو اسعار اراضي بناء الفيلات لو أمكن ذلك

احترامي للجميع

[osaimi]

أزمة العقار باتت أزمة عالمية ولا بد أن يطال مصر جزء من التأثير ، إذا كان العقار بنية الإستثمار أي إعادة البيع بمكسب كبير زي ال3 أو 4 سنين اللي فاتو مش هيحصل علي الأقل لفترة سنتين أو 3 جايين حسب توقعات الخبراء ، علي الأقل هيكون فيه حالة ثبات فى مستوي الأسعار إذا ما كانش هبوط ، وهنا يجب علي المستثمر التفكير فى البيع إذا كانت هناك فرص استثمارية بديلة

أما اللي عنده عقار عشان يبنيه أو يسكن فيه مش هاتفرق معاه وفى الآخر قانون العرض والطلب هو اللي هيحدد الأسعار

[mohamedyehia]

اسعار الافراد اقل من الشركة معقول
لقد تابعت حركة البيع على النت وجدت السعر من الفراد 2500 فعلا وهذة اسعار الشركة

ملف مرفق(ملفات)

•  _________________NORMAL___________________.xls (190.5K)
  عدد مرات التحميل : 210

[osaimi]

Quote

تم تعديل هذه المشاركة بواسطةosaimi: 17 February 2009 - 12:45 PM

[DrGM]

اخي الفاضل ... لاكون موضوعي معاك وواضح ... موضوع الشراء و البيع ده لعبه استثماريه عندنا في العائله ...
اللي حصل حاليا هو الآتي ...
بالنسبه لشقق اسكندريه في انهيار في اسعار الشقق من 20% إلى 30% ... والكلام ده من عرض اسعار في اقل من 15 يوم فقط حيث كان سعر الشقه هو 450 الف جنيه تحول إلى 360 الف جنيه بقدره قادر ... في حجات تانيه عليها طلب عالي جدا سعرها فضل ثابت او زاد كلام فاضي جدا حوالي 2 إلى 3% و ممكن تنزل وتشوف بنفسك
بالنسبه لشقق المدن الجديد حضرتك ممكن تاخد نظره على الوسيط او الاهرام او اي جريده فيها اعلانات هتلاقي ناس كتير جدا بتبيع وده معناه زياده في المعروض تؤدي إلى تخفيض السعر و في نفس الوقت المشتريين صابرين وواقفين في انتظار هبوط اكتر وبالتالي الاسعار بتنهار اكتر (نظريه العرض والطلب)
بالنسبه للاخوه للي بيقولوا ليك ان السمسار ده احتمال انه بينصب كلامهم وارد ... ولكن لاكون واضح معاك بعيداً عن السماسره الاسعار في النازل وده على مستوى العالم ... في دول زي الامارات بتنزل الاسعار واحده واحده علشان الناس متتخضش (خصوصا المستثمرين) ... وفي دوله زي مصر الناس بتفضل تكابر و تعاند على المحافظه على نفس السعر و بعض الاحيان يغلي زياده (يقولك مهو اصلا الزبون متعود على السعر ده) ... في الوقت اللي قيمه الشيء ده اصلا منهاره ....
عموماً الازمه الماليه لسا مأثرتش في مصر بشكل ملحوظ علشان الناس لسا مكابره و معانده على الاسعار ... اسعار العقارات و السيارات و غيرها لسا ثابته مع ان اصول الاشياء دي منهاره اساساً
في الوقت مثلا ان في الامارات شقق كانت بـ 2 و 3 مليون درهم بقت بـ 1 و 1.5 مليون درهم ... يعني انهيار 50% ... لدرجه ان في ناس مستثمرين بقو يكلمو نفسهم ...
واذكر لك مثال بسيط ... شركه اعمار اللي كانت نازله اعلانات في مصر ... فجأه اختفت ... الشركه لسا موجوده ... بس تحت دعم مباشر من شركه تعمير التابعه لحكومه ابوظبي اللي بدورها اصلا هيا تحت الدعم كمان ... ومن غيرها كانت اعلنت افلاسها و كانت رفعت كل راياتها البيضه .... في المقابل شركه DAMAC هيا اللي ظهرت في الصوره في مصر بدعم من حكومه ابوظبي
الازمه دي عالميه و مصر جزء من العالم ... وعاجلا ام آجلا ... في انهيار و كساد هيصيب السوق المصري بسبب تبجح المسؤولين .... حتمي مش اختياري

بس برضو نصيحه اخيره ... ابعد عن السماسره لان نسبه كبيره منهم حراميه
وآسف على الاطاله

[osaimi]

هناك انتظار بفارغ الصبر من قبل السماسرة والبائعين لما سوف تسفر عنه فترة صيف 2009 وانتعاشة متوقعة فى بيع الشقق نظرا لزيادة الطلب من المغتربين العائدين تلك الفترة ، وسوف تكون هذه الإنتعاشة مؤقتة ، حيث من المتوقع ان تشهد بداية عام 2010 الهبوط الأكبر حسب توقعات خبراء عالميين