مساعدة 
1- خطاب تعريف من الكفيل موثق من الغرفه التجاريه (مع ملاحظه ان الخطاب لو مكتوب فيه عباره |دون ادنى مسئوليه منا" مش هينفع (ده بناء على تجربتى الشخصيه)
2- شهاده بفصيله الدم و دى ممكن تعملها من اى مستوصف
3- طلب استخراج رخصه قياده (هتلاقيه فى المرور)
4- صوره الرخصه المصريه + الاصل للاطلاع ( ده لو انت معاك رخصه مصريه)
5- اصل الاقامه + صوره
6- صوره الجواز مختومه من العمل
7- 6 صور شخصيه
8- ايصال بتسديد مبلغ 75 ريال فى بنك الرياض
9- مبلغ 100 ريال تسدد داخل المرور
10 - ملف علاقى و ده ممكن تجيبه من اى مكتبه او هتلافيه بيتباع امام المرور
ثانيا : استخراج الرخصه:
1- بالنسبه لسكان الرياض، هتروح مرور دله
2- تقدم الورق بتاعك عند الموظف فى صاله رقم 2 بمرور دله
3- بعد كده هتعمل حاجه اسمها تحديد مستوى، يعنى هتركب عربيه و تسوقها و جنبك موظف من المرور و هيحدد مستواك أ،ب،ج و على اساس المستوى هيتحددلك هتاخد كام ساعه محاضرات نظرى ( لو بتعرف تسوق هتاخد المستوى أ )
5- و بعد كده هتروح عند الكشف الطبى و ده كشف صورى بس بيكتبلك لو انت لابس نظاره انك لازم تسوق بنظاره طبيه و هكذا
6- لو انت مستواك أ، هتروح تاخد محاضره نظريه عن اشارات المرور و قواعد المرور و دى مش بتكمل نص ساعه و غالبا المحاضر بيديلك 20 سؤال بتوع الامتحان
7- بعد المحاضره هتروح صاله الامتحان النظرى، هتدخل على جهاز كمبيوتر بيديلك 20 سؤال نظرى عن الاشارات و قواعد المرور، المهم اول 10 اسئله لازم تجاوبهم كلهم صح و الا هيعيدولك الامتحان بعد اسبوع ، و تانى 10 اسئله لازم تجاوب على 5 صح على الاقل، بس خلى بالك ان فى اول 10 اسئله لو انت مش عارف الاجابه ما تتسرعشى و تدوس على اى اجابه و الا الشاشه هتقفل و تديلك ميعاد بعد اسبوع، و فى تانى 10 اسئله اللى ما تعرفهوش عديه و ادخل على السؤال اللى بعده و زمن الامتحان 30 دقيقه و نادرا لما حد بيسقط فى الامتحان ده
8- بعد كده هتروح على مكان اسمه ميدان القياده، و هتستنى دورك، و هتركب عربيه و معاك 3 اشخاص اخرين و الظابط هيكون جنبك و يخليك تسوق و يشوفك عارف قواعد القياده ولا لأ... و تخلى بالك انك اول ما تركب العربيه تربط الحزام و تظبط المرايات، و كمان تخلى بالك من علامات المرور و انت سايق، يعنى لو فيه علامه قف يبقى لازم تقف تماما و لو فيه علامه افضليه سير يبقى لازم تقف و تدى الافضليه فى السير.. و هكذا، و امتحان القياده دى فيه ناس بتسقط فيه، بس بيسقط اللى بيعمل حاجه غلط زى انك تكسر اشاره او ما تستخدمشى اشارات العربيه و الحاجات دى.
9- كده انت خلصت و هتروح بعد كده على القاعه الرئيسيه و تاخد معاك ورقك و نتيجه اختبار القياده و الاشارات و تسلمهم للظابط و تنتظر لغايه لما يسلموك الرخصه
و القصه دى كلها بتاخد يوم واحد يعنى بتيجى الصبح بدرى و تمشى بعد صلاه الظهر او الساعه 2 ظهرا
و الف مبروك مقدما على الرخصه
تم تعديل هذه المشاركة بواسطةjonior: 08 September 2008 - 09:45 PM
