[jonior]

الرجاء من الاخوه الافاضل فى المنتدى افادتنى بالخطوات التفصيليه و الاوراق المطلوبه منى هنا فى السعوديه و الاوراق التى ستطلب من زوجتى فى مصر لعمل استقدام لزوجتى و بنتى من مصر الى السعوديه علما بأنى اعمل صيدلى فى القطاع الأهلى و متوفر سكن و الراتب فو 4000 ريال...افيدونى بسرعه افادكم الله

[anis71]

شوف ياسيدي
انت بتروح علي الاستقدام اللى انت تبعه تكون قبلها حضرت الاوراق التالية
1- خطاب من الكفيل بالراتب "زى ماقلت" وعدم ممانعة استقدام الزوجة وتوافر سكن ومصدق من الغرفة التجارية
2- صورة جواز سفر الزوجة والابناء
3- اقامتك سارية والمهنة غير ممنوع لها الاستقدام
4- خد احتياط صور معاك لك وللعيلة
خش علي الاستقبال واطلب استمارة من العسكري - اذا قلك روح عبيها من برة اسمع الكلام وروح وادفع عشرة ولا عشرين ريال وخدها مظبطة ( غالبا دلوقت بتتعبي الاستمارة علي النت) وقدم . لو ورقك تمام بياخدوه ويدولك ميعاد تيجي بعدين غالبا 3 ايام واما تستلم التاشيرة بتبعتها بالبريد السريع وتروح زوجتك تسال في السفارة في مصر بعد 15 يوم من استلامك للتاشيرة.

[jonior]

احب اشكر الاخ انيس على اهتمامه..و لك جزيل الشكر

انا رحت لوزاره الداخليه القديمه اللى فى شارع المطار القديم بالرياض، و قدمت بالورق اللى حضرتك قلتلى عليه..بس الموظف طلب منى التالى :
1- اصل جواز السفر بتاعى وصورته
2- اصل قسيمه الجواز متصدق عليها من الخارجيه المصريه و القنصليه السعوديه
3- اصل شهاده ميلاد ابنتى و برضه متصدق عليها من الخارجيه المصريه و القنصليه السعوديه
4- اصل المؤهل الدراسى و صورته
5- خطاب تعريف من الكفيل مذكور فيه الراتب
6- تعبئه النموذج الخاص بالاستقدام (من مكتب الاستقدام)
7- الاقامه الاصل + صوره

المهم انا ما حبتش اجادل معاه و حضرت الورق ده كله، بالرغم من ان ناس كتير قالتلى ان ورق كتير من اللى طلبه الموظف ينفع صور و مش لازم اصول، المهم انا علشان الموضوع يمشى حضرت الورق زى ما قالى. و هقدم تانى..و يارب الامور تمشى لأنى بخرج من شغلى بصعوبه جدا و عايز اخلص من القصه دى بسرعه و من غير مشاوير كتير.
لو اى حد من الاخوه الافاضل عنده اى ملاحظه ، اكون شاكر له

[Amr Radwan]

ربنا ييسر لك الحال ان شاء الله و اهلك يوصلولك بالسلامة ان شاء الله
و بالنسبة لموضوع ورق الاستقدام انا عملت زي ما انت عملت للاحتياط و الحمد لله الموضوع مشي و انا كنت حاسس بالموظف كان عاوز يرفض لاي سبب بس الحمد لله الورق كان بزيادة

ربنا يوفقك ان شاء الله

[اليوم السابع]

السلام عليكم

هى بعد الورقة الصفرا ما بتطلع ايه هى الاجراءات الباقية لحد ما الزوجة توصل السعودية


سؤال تانى لو الشخص اللى اتعمل له الاستقدام كان داخل السعودية بس بفيزا اخرى ممكن يخلص اجراءات الاستقدام داخل السعودية ولا لازم يرجع مصر ويخلص اجراءاته هناك وبعدين يجى

وشكرا

تم تعديل هذه المشاركة بواسطةاليوم السابع: 25 March 2009 - 06:09 AM

[خالد شحاته]

اليوم السابع, on Mar 25 2009, 06:08 AM, said:

السلام عليكم

هى بعد الورقة الصفرا ما بتطلع ايه هى الاجراءات الباقية لحد ما الزوجة توصل السعودية


سؤال تانى لو الشخص اللى اتعمل له الاستقدام كان داخل السعودية بس بفيزا اخرى ممكن يخلص اجراءات الاستقدام داخل السعودية ولا لازم يرجع مصر ويخلص اجراءاته هناك وبعدين يجى

وشكرا

الاجراءات الباقيه هي كلا الاتي جواز السفر والكشف الطبي وقسيمه الزواج للازم كل الاوراق دي من خارج السعوديه ومن نفس بلد جهة القدوم

[اليوم السابع]

شكرا استاذ خالد
بارك الله فيك

[ام منة الله]

السلام عليكم
انا جديدة فى المنتدى وعايزة استفسر منكم زوجى استلم الورقة الصفراء من حوالى اسبوعين ومش عارفة اسأل عليها هنا اذاى ممكن حد يقولى انا دخلت على موقع السفارة لقيت البحث برقم التأشيرة ورقم الاقامة منين اجيب رقم التأشيرة والرقم الى فى الورقة الصفراء ده يعتبر رقم ايه

[احمد العبسي]

ام منة الله, on Mar 31 2009, 05:12 PM, said:

السلام عليكم
انا جديدة فى المنتدى وعايزة استفسر منكم زوجى استلم الورقة الصفراء من حوالى اسبوعين ومش عارفة اسأل عليها هنا اذاى ممكن حد يقولى انا دخلت على موقع السفارة لقيت البحث برقم التأشيرة ورقم الاقامة منين اجيب رقم التأشيرة والرقم الى فى الورقة الصفراء ده يعتبر رقم ايه

رقم التأشيره هو الرقم الموجود في الورقه الصفراء
رقم الاقامه هو رقم الاقامه بتاع زوجك في السعوديه

[maltig]

تم فتح موضوع خاص

معليش ماعرفتش احذف الرد

تم تعديل هذه المشاركة بواسطةmaltig: 23 April 2009 - 12:36 PM

[adelelgo]

السلام عليكم

بعد استلم التاشيرة
دخلت علي موقع وزارة الداخلية فوجدت بيانات التاشيرة
ولكن عندما دخلت علي موقع وزارة الخارجية فلم اجد شيء ?????

علما بانني استلمت التاشيرة منذ اكثر من اسبوع

تحياتي

[خالد شحاته]

adelelgo, on Jun 22 2009, 04:50 PM, said:

السلام عليكم

بعد استلم التاشيرة
دخلت علي موقع وزارة الداخلية فوجدت بيانات التاشيرة
ولكن عندما دخلت علي موقع وزارة الخارجية فلم اجد شيء ?????

علما بانني استلمت التاشيرة منذ اكثر من اسبوع

تحياتي

من فتره الغي الاستسفار عن طريق موقع الخارجيه
انما موجوده في وزارة الدخليه

[adelelgo]

خالد شحاته, on Jun 22 2009, 08:30 PM, said:

adelelgo, on Jun 22 2009, 04:50 PM, said:

السلام عليكم

بعد استلم التاشيرة
دخلت علي موقع وزارة الداخلية فوجدت بيانات التاشيرة
ولكن عندما دخلت علي موقع وزارة الخارجية فلم اجد شيء ?????

علما بانني استلمت التاشيرة منذ اكثر من اسبوع

تحياتي

من فتره الغي الاستسفار عن طريق موقع الخارجيه
انما موجوده في وزارة الدخليه

مشكور اخي الكريم علي هذه المعلومة

لي استفسار اخر لو سمحت

ما هي الاجراءات التي تتم عند ارسال التاشيرة الي مصر
مثل كيفية الاستعلام عنها في السفارة وما الي ذلك من اجراءات حتي يتم سحب التاشيرة علي الجواز

اسف علي الاطالة

تحياتي

[elrasy]

هل يا جماعة ممكن اقدم اصل وثيقة الزواج وشهادة ميلاد الابنة من غير توثيق؟؟

ولو لآ هل ممكن اوثقهم من هنا فى الرياض , واوثقهم منين؟؟

خالص شكرى,,

[خالد شحاته]

elrasy, on Feb 23 2010, 01:49 PM, said:

هل يا جماعة ممكن اقدم اصل وثيقة الزواج وشهادة ميلاد الابنة من غير توثيق؟؟

ولو لآ هل ممكن اوثقهم من هنا فى الرياض , واوثقهم منين؟؟

خالص شكرى,,

السلام عليكم

اخي الفاضل

نعم في اوقات كتير بتمشي بدون توثيق وحسب الموظف الا علي الكونتر في الاستقدام