إنتقال للمحتوى


صورة
- - - - -

مكافأة نهاية الخدمة فى السعودية


  • من فضلك قم بتسجيل الدخول للرد
16 رد (ردود) على هذا الموضوع

#1 mohamedyehia

mohamedyehia

    Full Member

  • Members
  • PipPipPipPip
  • 145 مشاركة
  • النوع:ذكر

تاريخ المشاركة 24 June 2008 - 02:08 PM

افيدونى ما هى الطريقة القانونية لتقديم الاستقالة وما الفرق بين عقدالعمل المحدد المدة وغير محدد المدة فى احتساب مكافأة نهاية الخدمة حيث اننى اعمل كاستشارى بمستشفى كبير بجدة (س.ف) لمدة تزيد عن عشر سنوات و قد دأبت هذة المستشفى على عدم دفع مكافأة نهاية الخدمة لاساتذة الجامعات المصرية ولانها تتفق على ان تدفع مكافاة سنوية بجانب الراتب ولكن هذا لا يذكر بالعقد تقوم بتاجيل الدفع لمدة سنة او اثنين لتفاضل بين
المضمون والغير مضمون ثم تجبرنا على التوقيع باستلام جميع مستحقاتنا . كيف اثبت حقى وكيفية اللجوء الى مكتب العمل وما هى المستندات المطلوبة . وهل يمكن ان التحق بعمل اخر حتى يتم الفصل حسب ما قرأت فى الصحف. وهل يمكن الشكوى لمكتب العمل بهذة المخالفات لمن سبقونا ولم ياخذوا حقوقهم فهى تفعل عكس كل القوانين.
ولكم جزيل الشكر.

#2 se_ Elsyed

se_ Elsyed

    Super Member

  • Members
  • PipPipPipPipPipPip
  • 25138 مشاركة
  • النوع:ذكر

شريط الأوسمة:

الأعضاء الحاصلين على أوسمة

تاريخ المشاركة 24 June 2008 - 02:43 PM

س ف .. ده للتمويه .. بس إنت كنت عايز تقول " سليمان فقيه " صح ؟ :closedeyes:

عزيزي ...

مكتب العمل يتساهل في أي شيء إلا حقوق العامل المادية ...

ممكن الامور تاخد بعض الوقت للفصل فيها ... لكن في النهاية معظم الامور بتبقى في صف العامل لإنه هو اللي إتظلم ...


- اللي عايز اقوله لك إن مكافاة نهاية الخدمة من تعريفها او من إسمها إنها تؤخذ في نهاية مدة العمل بالشركة .. وبالتالي مش هاتصدق إن الشركة او المؤسسة أو المستشفى لو بتدفعها لك من ضمن الراتب الشهري .. ممكن تيجي إنت في الأخر وتشتكيهم أنك ما أخذتهاش ... بالماسبة .. وهاتندفع لك غصبٍ عنهم .. لإن اللي كانوا بيعملوه كان غير قانوني وهو إنهم يدفعوها شهرياً .. عارف ليه ؟

لإنه كده بيخالف قانون العمل ... وقانون العمل بيقول إن العامل اللي بيقعد 5 سنوات متواصلة في عمله بيستحق 15 يوم مكافأة عن كل سنة تُحسب على جميع ما يتقاضاه العامل شهرياً بشكل ثابت ... يدخل فيها بقى راتب أساسي بدل سكن بدل إنتقال بدل بطاطس مقلية .. أي شيء ثابت ومنتظم زي ما قلت ... وما زاد عن 5 سنوات بياخد عليه 30 يوم

يعني لو مرتب حضرتك 1000 ريال وقعدت 7 سنوات في شركة يبقى هاتاخد ( 15 * 5 + 30 * 2 = 135 يوم / 30 ( على اساس الشهر 30 يوم ) * 1000 = 4500 ريال


وبما إنك بتاخدها شهرياً يبقى عمرك ما هاتشوف حكاية التلاتين يوم دي ... وبالتالي هو بيخالف القانون ..


وما الفرق بين عقدالعمل المحدد المدة وغير محدد المدة فى احتساب مكافأة نهاية الخدمة


العقد المحدد له بداية ونهاية .... ومن 1/1/2006 أصبحت كل عقود الغير سعوديين محددة المدة .. وبالتالي لا يجوز فسخها من الطرفين إلا بعد إستكمال مدتها ... وبما إن هناك قاعدة قانونية بتقول " التارك غارم " يعني اللي يسيب لازم يدفع الثمن ... فبالتالي لو إنت أستقلت وأثبت صاحب العمل إنك أضريته ممكن يطالبك بتعويض تحدده اللجنة العمالية بمكتب العمل ... وبيني وبينك .. صاحب العمل صعب يثبت الضرر ده .. اللهم لو كان مثلاً باعت الموظف ده تدريب ومكلفة عشرات الألوف وبعدين الموظطف جه وخلى بيه والعمل ما أستفدتش من التدريب ده وهكذا ... أما هو لو أقالك فالتعويض اللي إنت بتطلبه بيبقى واضح وضوح الشمس وهو تعويض عن الفترة المتبقية في عقدك ... وبيتحكم لك بها بالمناسبة ...

وحتى لو استقلت إنت فيظل لك الحق في مكافاة نهاية الخدمة ولكن بشروط

- فلو ما كملتش سنيتين عمل متواصلين وأستقلت .. يبقى مالكش حاجه .

- ولو كملت سنيتن وأقل من 5 سنوات ... يبقى لك ثلث المكافأة

- ولو 5 وأقل من 10 ... لك ثلثين .

- ولو أكثر من 10 يبقى لك كامل المكافأة


* أما العقود الغير محددة فهي للسعوديين فقط ... ويحق للموظف او الشركة إنهم يفسخوا العقد بشهر إنذار فقط قبل تاريخ إنهاء علاقة العمل ...

ويُمكنك إثبات إنك لما تأخذ مكافأة نهاية خدمتك بمجرد ذكر ذلك في الدعوى المقدمة لمكتب العمل .... وعلى الشركة أن تثبت العكس وتُظهر ما لديها من مستندات تفيد بإنك مستلمها ...


ولكن لا يُمكنك يا عزيزي إنك تشتكي نيابة عن حد غتظلم قبل كده وتقول أصلهم عملوا مخالفات قبل كده لإنك ببساطة لست ذات صفة ولا مفوض من هؤلاء المظلومين إنك تشتكي نيابةً عنهم .

يمكن ان التحق بعمل اخر حتى يتم الفصل حسب ما قرأت فى الصحف



لا يُمكنك ذلك إلا إذا أثبتت إن الشركة لم تعطيك راتباً لمدة 3 شهور متواصلة ...

ويُمكنك ذلك إذا تقدمت بشكوى لإمارة المنطقة اللي إنت فيها وأثبتت إن هناك دعوى مُقامة منك ضد الشركة والفصل فيها هاياخد وقت وإنت محتاج تعيش ... ويا سلام لو كنت ناقل عليهم كفالة ... ساعتها سيمنحوك تصريح عمل مؤقت تقدر تشتغل به في أي حته

وعلى فكرة لو تقدمت بشكوى لمكتب العمل توقع تحديد جلسة ليست بعد أقل من 6 شهور ....مفاجأة قاسية مش كده ؟

لكنك يُمكنك مخاطبة وزير العمل مباشرة من خلال هذا الموقع لتسريع تحريك الدعوى

موقع شكاوى مكتب العمل

وتوقع مكالمة من مكتب الوزير شخصياُ بعدها بأيام قليلة وسيتم الإهتمام بشكوتك الحقيقة والغير كيدية والمبنية على معلومات صحيحة ...


وصدقني اجدع شركة او مؤسسة أو مستشفى ما بتحبش تجيب المشاكل لنفسها مع مكتب العمل لإن كلهم مخالفين وكلهم على راسهم بطحه ... ويكفي إن ملفهم في مكتب العمل ممكن يتوقف ويلفوا حوالين نفسهم لو تعددت الشكاوى ضدهم


لكن للأسف حتى الحقوق الناس بتفرط فيها عشان عايزة تعيش وعشان مش عايزة مشاكل ..
الأحـــرار يؤمنون بمن معه الحق ..
و العبيــد يؤمنون بمن معه القوة ..
فلا تعجب من دفاع الأحرار عن الضحية دائماً ..
و دفاع العبيد عن الجلاد دائماً

#3 مصري أصيل

مصري أصيل

    Advanced Member

  • Banned
  • PipPipPipPipPip
  • 645 مشاركة
  • النوع:ذكر

تاريخ المشاركة 24 June 2008 - 04:45 PM

ما شاء الله عليك يا س س .... بجد رد يدرس و بيتهيئلي محدش يقدر يضيف كلمه بعد الرد ده .

بالنسبة للكويت و الدول المجاوره تقدر تفيدنا حضرتك .؟؟؟؟ أنا باهزر طبعاً

واضح أن القوانين في النقطه دي بالذات واحده لأن لو واحد تاني بيسأل و مقيم في الكويت أظن هيكون الرد كما تفضلت به حرفياً.

عن تجربه شخصيه حدثت معي و رفضت الشركه التي كنت أعمل بها إعطائي مكافئة نهاية الخدمه. بس والله قلبت الدنيا لدرجة أن صاحب الشركة الأولي ولمجرد أني كنت بأحول علي شركة منافسه و مش قادر يمنعني .. صمم أنه ما يدنيش المكافئة . و لما دخلت معاه في تحدي . قال أنا هاصرف مليون دينار و ........ ما ياخدش و لا فلس . و لكن الحمد لله ربنا نصرني عليه و أخدت حقي علي داير المليم و غصباً عن شنبه.

تم التعديل بواسطة مصري أصيل, 25 June 2008 - 07:36 AM.

صورة


من أقوال الشيخ الشعراوي رحمه الله

الثائر الحق من يثور ليهدم الفساد ثم يهدأ ليبني الأمجاد


#4 mohamedyehia

mohamedyehia

    Full Member

  • Members
  • PipPipPipPip
  • 145 مشاركة
  • النوع:ذكر

تاريخ المشاركة 25 June 2008 - 01:10 AM

اخى العزيز الاستاذ سي السيد شكرا على ردودك على تسؤلاتى
لقد راجعت العقد فوجدت ان العقد ينص على ان العقد غير محدد المدة فهل لابد ان انهى العقد حتى لا يجد ثغرة يشكونى بها.
النقطة الثانية ماهى الخطوات السليمة عند تقديم الاستقالة لان ممكن يقولوا ان انا ماقدمتش حاجة لانهم ياكلوا مال النبى
ما هى المدة التى بعدها اشتكى ان انا ما اخدتش حقوقى و ما رايك فى التهديد بحجز الباسبور

#5 se_ Elsyed

se_ Elsyed

    Super Member

  • Members
  • PipPipPipPipPipPip
  • 25138 مشاركة
  • النوع:ذكر

شريط الأوسمة:

الأعضاء الحاصلين على أوسمة

تاريخ المشاركة 25 June 2008 - 08:08 AM

يا فندم أي بند في العقد يخالف قانون العمل لا يُعتد به .. يعني عقدك محدد

وهناك مليون طريقة تثبت بها إنك قدمت إستقالتك ومنها إرسالها بالإيميل أو بالبريد المسجل بعلم الوصول ... وهكذا .

ممكن تشتكي بعد إسبوعين مثلاً لو لقيتهم بيماطلوا في إعطاءك حقوقك .

أما المماطلة في الإحتفاظ بالباسبور .. فده متوقع لكن لو رفعت عليهم دعوى .. ما يقدرش يقولك حاجه وغصبٍ عنه هايديك باسبورك بس عليه تأشيرة خروج نهائي .
الأحـــرار يؤمنون بمن معه الحق ..
و العبيــد يؤمنون بمن معه القوة ..
فلا تعجب من دفاع الأحرار عن الضحية دائماً ..
و دفاع العبيد عن الجلاد دائماً

#6 madey

madey

    Member

  • Members
  • PipPipPip
  • 85 مشاركة
  • النوع:ذكر
  • المكان:Egypt,KSA
  • الإهتمامات:Roads & Bridges Engineer

تاريخ المشاركة 30 June 2008 - 10:37 PM

والله الواحد ما بيلاقى اسئله بعد الردود الكامله دى

وَلَنَبْلُوَنَّكُمْ بِشَيْءٍ مِنَ الْخَوْفِ وَالْجُوعِ وَنَقْصٍ مِنَ الْأَمْوَالِ وَالْأَنْفُسِ وَالثَّمَرَاتِ وَبَشِّرِ الصَّابِرِينَ (155)

الَّذِينَ إِذَا أَصَابَتْهُمْ مُصِيبَةٌ قَالُوا إِنَّا لِلَّهِ وَإِنَّا إِلَيْهِ رَاجِعُونَ (156)

أُولَئِكَ عَلَيْهِمْ صَلَوَاتٌ مِنْ رَبِّهِمْ وَرَحْمَةٌ وَأُولَئِكَ هُمُ الْمُهْتَدُونَ (157)

سورة البقرة


#7 عمرو طمان

عمرو طمان

    new Member

  • Members
  • Pip
  • 10 مشاركة

تاريخ المشاركة 01 July 2008 - 08:34 PM

انا ليا سؤال واحد بس للمشرف الاستاذ سى السيد

أنت حضرتك شغال ايه بالظبط ؟؟؟؟

اصل الكلام ده كبير ومش أى حد يعرفه

أرجو الرد للمعرفة ولتوقير سيادتكم بعد ذلك

تم التعديل بواسطة عمرو طمان, 01 July 2008 - 08:35 PM.


#8 se_ Elsyed

se_ Elsyed

    Super Member

  • Members
  • PipPipPipPipPipPip
  • 25138 مشاركة
  • النوع:ذكر

شريط الأوسمة:

الأعضاء الحاصلين على أوسمة

تاريخ المشاركة 01 July 2008 - 09:40 PM

انا ليا سؤال واحد بس للمشرف الاستاذ سى السيد

أنت حضرتك شغال ايه بالظبط ؟؟؟؟

اصل الكلام ده كبير ومش أى حد يعرفه

أرجو الرد للمعرفة ولتوقير سيادتكم بعد ذلك


يا عم عمرو انا عندما اشترك في اي موضوع فبأكون مثلي مثل باقي الزملاء لا مُشرف ولا غيره

وانا حضرتك انسان مصري بسيط مغترب من حوالي 10 سنوات كده في السعودية وكان نصيبي اني اعمل في مجال الموارد البشرية او بيسموها الشئون الادارية او شئون الموظفين

وصدقني يا سيدي ناس هنا كتير عارفه الكلام ده كويس بس ممكن بيكسلوا يكتبوا

ولا داعي للتوقير يا عمور الذي ينطلق من المركز او المنصب

فنحن هنا من وراء الكيبوردات تحكمنا علاقة الاحترام المتبادل .. حتى لو الواحد كان شغال بيصلح بوابير .
الأحـــرار يؤمنون بمن معه الحق ..
و العبيــد يؤمنون بمن معه القوة ..
فلا تعجب من دفاع الأحرار عن الضحية دائماً ..
و دفاع العبيد عن الجلاد دائماً

#9 أبو أماني

أبو أماني

    Member

  • Members
  • PipPipPip
  • 88 مشاركة

تاريخ المشاركة 09 July 2008 - 07:57 PM

في ملاحظة خطيره يا استاذنا سي السيد
وهو أن عقدي غير محدد المدة وانا مصري طبعا مش سعودي
المهم يا سي السيد بيه انا بحثت في الموضوع ده ودخلت على قانون العمل السعودي
وقرأت بس من فترة وانا ذاكرتي ضعفت شوية اليومين دول قرأت يا سي السيد ان العقد
لو مش محدد المدة ينتهي مع انتهاء مدة الإقامة
ارجوا مراجعة القانون السعودي مرة ثانية واحاطتنا بالصواب او لو في
محامي هنا يفيدنا في الموضوع ده
_______________________________________________________________________________


ولي سؤال بخصوص العقد الغير محدد المدة هذا هل لي ان اقدم استقالتي في اي وقت
طيب انا في السعودية بقالي شهرين بس لو لقيت فرص شغل احسن وهو دا الحاصل دلوقتي
أمامي فرص عمل افضل بكثير جدا من شغلي وشغلي مش هعرف اوفر منه حاجه اي نعم الفيزا
ليها استقدام بس الراتب ضعيف لا هعرف اوفر علشان استقدم ولا حتى لو وفرت هستقدم علشان
مش اتورط اكتر من كده
الراتب 2100 والكفيل هيخصم مني 2000 ريال ثمن التأشيرة هتقول وليه هيخصم التاشيرة مادام انت شغال
عنده اقولك انا وافقت علشان بعد سنة ابقى اعمل تغيير كفالة بس مش اتفقت مع الكفيل لسه على موضوع تغيير
الكفالة المهم وهيخصم نصف ثمن ايجار الشقة 5000 ريال هتقولي طبعا يا عم الحاج اخذت شقة ليه وحالتك منيله بنيله وراتبك ضعيف
اقول لسعاتك اصبر عليه شويه يا سيدي مش تتحمق اقوي علي كده ان الله مع الصابرين اذا صبروا
الكفيل قالي روح دور على الشقة اللى تعجبك واتصل بي المهم بعد اسبوعين لقيت شقة نظيفة وقلت له
لقيتها ب 10000 ريال في السنة قال كويس بعت معي اخوه ب 5000 ريال ثمن 6 اشهر وقال لي امضي انت العقد
علشان تعرف تركب تليفون من غير ما اكون انا معك لان العقد باسمك
مضيت على العقد واخوه دفع الفلوس روحت للكفيل ايه النظام قال لي النظام اني دفعت نصف المبلغ وانت عليك الباقي
قلت له بس انتوا كنتم كاتبين في الاعلان ان السكن عليكم قال لي اخويا هو اللى كان عامل الاعلان مش انا
طبعا مش مكتوب في العقد موضوع بدل سكن ولا حاجه من دي خالص
فإيه العمل اريد حلا لاني بصراحة مش بحب النظام ده عدم وضوح واستغلال
اعمل ايه اريد حلا

تم التعديل بواسطة أبو أماني, 09 July 2008 - 07:58 PM.


#10 أبو أماني

أبو أماني

    Member

  • Members
  • PipPipPip
  • 88 مشاركة

تاريخ المشاركة 10 July 2008 - 04:07 PM

يا اخوانا ياللي هنا
الوووووو
يا عم سي السيد يا حبيبي
يا خويا سين سين
الووووووووووووو يا مصريين
هيه الحرارة قاطعة عند الناس دي ولا ايه يا اخويا
حد يقول حاجه
انتم معايا .......... حد سامعني

#11 عمرو طمان

عمرو طمان

    new Member

  • Members
  • Pip
  • 10 مشاركة

تاريخ المشاركة 10 July 2008 - 08:23 PM

شكرا للإفادة ياسى السيد وعاوزين نشوف دايما ردوك المفيدة والجميلة دى



#12 قديم

قديم

    Advanced Member

  • Members
  • PipPipPipPipPip
  • 602 مشاركة
  • النوع:ذكر
  • المكان:الرياض

تاريخ المشاركة 11 July 2008 - 03:29 PM

بعد ان مستشار سي سيــد ممكن اضيف توضيح

لو مش محدد المدة ينتهي مع انتهاء مدة الإقامة


لا علاقـه للعقـد بالاقامــه اطلاقا

وهو أن عقدي غير محدد المدة وانا مصري طبعا مش سعودي


نظام العمل لايفرق بين سعودي ومغترب او غير سعودي اجنبي عربي..الخ

ولي سؤال بخصوص العقد الغير محدد المدة هذا هل لي ان اقدم استقالتي في اي وقت


تقدر تقدم استقالتك في اي وقت وتلغي العقد باراداته في اي وقت . ووفق الاحراءات ا
بلاغ صاحب العمل بالاستقاله ... قبل شهرين.

العقد المحدد المده يتحول الي عقد غير محدد المده اذا لم يتم تجديده بمده محدد. بمعني اذا انتهي العقد المحدد واستمر الطرفان بالعمل فالعقد يعتبر غير محدد المده ..

بالنسبه لتفاصيل القضيـه . يصعب الحكم عليها من طرف واحــد فهي مساله اثبات بالدرجـه الاولـي
تستغرق مناقشة المسائل التافهة وقتاً طويلاً لأن بعضنا يعرف عنها أكثر مما يعرف عن المسائل الهامة

#13 أبو أماني

أبو أماني

    Member

  • Members
  • PipPipPip
  • 88 مشاركة

تاريخ المشاركة 13 July 2008 - 04:39 PM

طيب لو تمت الموافقة على الاستقالة هل لي ان انقل كفالة على اي مؤسسة أم
لابد أن ارجع الى مصر اولا
وهل الاقامة تظل سارية خاصة ان الكفيل هو الذي دفع رسومها

#14 قديم

قديم

    Advanced Member

  • Members
  • PipPipPipPipPip
  • 602 مشاركة
  • النوع:ذكر
  • المكان:الرياض

تاريخ المشاركة 13 July 2008 - 05:44 PM

طيب لو تمت الموافقة على الاستقالة هل لي ان انقل كفالة على اي مؤسسة أم
لابد أن ارجع الى مصر اولا
وهل الاقامة تظل سارية خاصة ان الكفيل هو الذي دفع رسومها


عزيزي ابو اماني

نظام العمل مستقل تماما عن نظام الكفاله . ولا لهم علاقــه ببعض اطلاقا من حيث المبدأ

لانه يطبق علي المواطن والمغترب . لا بفرق بينهما في الحقوق والواجبات .الخ

نقل الكفاله بيخضع لموافقــه صاحب العمل . المطلقـه ما لم يكن هناك خروقات كبيره للنظام . مثل عدم دفع المرتبات فتـره طويله ..

لو نقلت كفالتك علي شركه اخــري عادي تظل الاقامه ساريه المفعول والمده
تستغرق مناقشة المسائل التافهة وقتاً طويلاً لأن بعضنا يعرف عنها أكثر مما يعرف عن المسائل الهامة

#15 أبو أماني

أبو أماني

    Member

  • Members
  • PipPipPip
  • 88 مشاركة

تاريخ المشاركة 31 July 2008 - 08:28 AM

طيب شكرا جزيلا
لك اخي الكريم
ولي استفسار بعد تقديمي للاستقالة
هل اجلس في الشقة ولا اذهب للعمل
أم ماذا افعل
وهل لو رفض الاستقالة يمكنني التقدم
لمكتب العمل
وهل لابد من مبررات للاستقالة أم يمكنني ذلك بلا ابداء مبررات




0 عضو (أعضاء) يستعرضون هذا المنتدى

0 أعضاء, 0 زوار, 0 أعضاء متخفين


زار هذا الموضوع 20 عضو


    abohaya, مانشي, Ahmed memo, محمد الخولى, محمود المصري, محمودعبدالباقي, الباشمهندس, civilbaraka, full moon, haythemshz, hosiny, kinglove, madey, mamdowh, Mohamed shaheen, mohamedyehia, pheroman, reda hamza, theskull, walleed