إنتقال للمحتوى


صورة
- - - - -

التمويل العقارى (لشراء شقة)


  • من فضلك قم بتسجيل الدخول للرد
15 رد (ردود) على هذا الموضوع

#1 بيرو

بيرو

    Member

  • Members
  • PipPipPip
  • 54 مشاركة

تاريخ المشاركة 04 June 2008 - 12:29 PM

ازيكم كلكم

احب اعرفكم بنفسى علشان انا لسة جديد على الموقع الجميل دة رغم انى من زمان متابعة

انا بيرو وبشتغل فى دولة عربية محاسب

عايز اشترى شقة فى مدينة الشروق

المبلغ اللى عندى مش كبير

فسالت عن طريقة بيها اقدر اشترى الشقة الاجازة دى احسن ما ااجل الشرا للسنة اللى جاية وطبعا الاسعار هتولع اكتر

فالناس قالولى مفيش قدامك غير حل من اتنين

1- انى ادفع مقدم فى عمارة لسة بتتبنى وادفع اقساط وابقى استلمها بعد سنة ولا اتنين
طبعا دى فيها مخاطرة لانى بشترى الهوا ويا عالم صاحبنا المالك يطلع ابن ناس ولا من اياهم

2- انى اكمل المبلغ عن طريق التمويل العقارى
انا دخلت مواقع وسالت وعرفت ان الفايدة فى حدود 13 او 14 % .
ومكتوب ان الاجراءات مش معقدة.
ومكتوب ان المدة حتى 20 سنة (السداد يعنى) علما بانى عايز اقسط على سنتين او تلاتة بالكتير


انا عايز اسال كل واحد عندة خبرة بالموضوع دة الاتى

1 - هل الطريقة الاولى افضل ام التانية ؟

2 - اية رايكم فى التمويل العقارى ؟

وشكرا واتمنى سرعة الرد

#2 بيرو

بيرو

    Member

  • Members
  • PipPipPip
  • 54 مشاركة

تاريخ المشاركة 04 June 2008 - 12:52 PM

حبيت اوضح ان نظام التمويل دة ماشى وشغال كويس بالنسبة للسيارات

وساعد كتير فى ان ناس كتير تقدر تمتلك سيارة

ارجو الرد وتبادل المعلومات للمنفعة العامة

#3 قديم

قديم

    Advanced Member

  • Members
  • PipPipPipPipPip
  • 602 مشاركة
  • النوع:ذكر
  • المكان:الرياض

تاريخ المشاركة 04 June 2008 - 02:06 PM

بالنسبه للتمويل العقاري ما عندي فكره لكن اللي اعرفــه هــو

هناك شركات كبيره في مصر تبيع بالتقسيط وهي شركات موثوقـه

مثل .. الرحاب .. مدينتـي . طلعت مصطفي

مدينه تبارك السكنيه بعد كار فورد

حدائق الاهرام

هناك عده شركات في 6 اكتــوبـر .

تعطي لك عروض ممتازه والبيع بالتقسيط .. وهذه الشركات ليها سمعـه كبيره .

حاول تتصل بيهم وتتعرف علي عروض الاسعار . وبعدين اردع وقل لنا رايك ايـه . عشان نشوف لك حل تاني لو ماعجبك العرض
تستغرق مناقشة المسائل التافهة وقتاً طويلاً لأن بعضنا يعرف عنها أكثر مما يعرف عن المسائل الهامة

#4 بيرو

بيرو

    Member

  • Members
  • PipPipPip
  • 54 مشاركة

تاريخ المشاركة 04 June 2008 - 02:49 PM

شكرا جدا يا استاذ قديم

بالنسبة للرحاب ومدينتى عروضهم غالية جدا بالنسبة لى

لكم تبارك وحدايق الاهرام و6 اكتوبر انا هحاول اسئل عليها

وياريت اى حد يعرف معلومات عنها يقولنا

وكمان لو حد يعرف الاجراءات الفعلية للتمويل العقارى صعبة ومعقدة ولا الموضوع ممكن يكون بسيط

خصوصا ان البنك او الممول العقارى بيكون تقريبا ضامن حقة لان العقار بيترهن للمول لحد سداد اجمالى المبلغ

انا مستنى ردودكم

#5 ziad

ziad

    Advanced Member

  • Members
  • PipPipPipPipPip
  • 470 مشاركة

تاريخ المشاركة 04 June 2008 - 08:35 PM

بص يا سيدى,أنا كنت سألت فى بنك التمويل المصرى السعودى والكلام ده كان من 4 شهور وأعتقد مفيش تغييير حصل إلا ربما فى نسبة الربح,هما بيشترولك بنظام المرابحه وهو أحد البدائل المتوافقه مع الشريعه للربا الموجود فى القروض,الأوراق الى طلبوها منى هى( ده عشان أنا مغترب زيك كدة) صوره من الباسبور,صوره من التأشيره والأقامه لو مختلفين,كشف حساب بنكى لأخر 6 شهور أو لأى أطول فتره ممكنه لو معندكش 6 شهور,تفاصيل مرتبك وswift confirmation من البنك بتاعك فى بلد الأغتراب,بتختار الشقه وهما بيطلبو منك 20 أو 25 % من تمن العقار والباقى يسدد على أقساط شهريه قيمتها لا تتعدى 40 % من مرتبك,البنك ده بيدى 6 سنين بكتيره لكن فى شركه زى أملاك مثلا لسه فاتحه فرع فى مصر الصيف الى فات بتعمل لمدد أكبر تصل ل 20 سنه,وبردو بيستخدمو حلول شرعيه بديله عن ربا القروض الموجود حاليا,إن شاء الله أنا نازل مصر يا رمضان يا بعد الحج وكده كده هشترى بالطريقه ديه,مقدمات وأسعار الرحاب ومدينتى فيها غلاء خرافى عشان مجتمعات مغلقه,لكن لما تروح تتفاوض مع مالك العين بنفسه ومعاك كاشاتك أنت عارف القرش صياد,فى حاجه نسيت أقولها بعد متلاقى عقارك هما بيبعتو مثمنين بيتأكدو أن سعر العقار فى المقبول عشان متكونش فى فرص للنصب أو التلاعب
Nunca caminaras solo

#6 بيرو

بيرو

    Member

  • Members
  • PipPipPip
  • 54 مشاركة

تاريخ المشاركة 05 June 2008 - 10:20 AM

شكرا يا استاذ زياد على المعلومات الجميلة دى

لكن ما تعرفش مدة الاجراءات البنكية دى بتاخد وقت اد اية وهل لو انا عندى عقار تانى ممكن يبقى ضامن لى بدل مفردات المرتب وكشف حساب البنك؟

على العموم انا بعتقد ان التمويل العقارى لو كويس زى ما مكتوب عنة يبقى طريقة عبقرية لحل مشكلة المساكن فى مصر

على الاقل مش هتبقى تحت رحمة مقاول انت وحظك ممكن يطلع نصاب وممكن يطلع كويس ؟

بالنسبة للرحاب ومدينتى غاليـــــــــــــــــــة جدا يعنى الشقة اللى مساحتها 100 متر تعملها نص مليون جنية كتير جدا

على العموم

لو حد عندة معلومات تانية يا ريت تفيدونا

#7 عادل أبوزيد

عادل أبوزيد

    Super Member

  • مشرف عام
  • PipPipPipPipPipPip
  • 5131 مشاركة
  • النوع:ذكر
  • المكان:Cairo
  • الإهتمامات:Economic & political discussiond, promot the transperansy in my country ; promote the IT as a tool to improve quality of life.

تاريخ المشاركة 05 June 2008 - 03:46 PM

التمويل العقارى فكرة عبقرية و هى مطبقة فى كثير من دول العالم و الحديث عنها من الناحية الإقتصادية على مستوى الوطن قد يطول و يطول و الخلاصة أنه يضع الثروة العقارية كعنصر فاعل فى الحراك الإقتصادى بعد أن كان جزءا خامدا ضعيف التأثير.

ما سبق كان إستهلالا لابد منه

إنطباعى أن الدولة فى إتجاهها للتحديث و التنشيط الإقتصادى تلقى بثقلها فى إنجاح فكرة التمويل العقارى و قرأت من أسابيع أنها ضخت 14 مليار جنيه لإنجاح و تنشيط التمويل العقارى.

الشكل العام للتمويل العقارى يشابه النظام الموجود فى إنجلترا مع إختلاف إنتشار جمعيات الإدخار من أجل شراء مسكن المنتشرة هناك و التى تمول شراء المسكن.

يمكنك إستعمال عبارة "التمويل العقارى فى مصر" مع باحث جوجول و ستجد قائمة طويلة بالمواقع ذات العلاقة.

و قد إخترت لك جزء من الموقع الحكومى للتمويل العقارى و هو الخاص بالإجابة عن الأسئلة الشائعة.

http://www.mf.gov.eg...ing a Mortgage/

تصورى أن النظام جيد و يعمل و لكن ربما تجد هناك بعض البطء فى الإجراءات و ربما الأمر يحتاج بعض الوقت حتى تنضج السوق العقارية فى مصر.


gallery_395_73_12090.jpg


#8 Alshiekh

Alshiekh

    Super Member

  • مشرف عام
  • PipPipPipPipPipPip
  • 11102 مشاركة
  • النوع:Not Telling
  • المكان:USA وعقلى وقلبى فى الأسكندرية

تاريخ المشاركة 05 June 2008 - 06:12 PM

سعر العائد على التمويل العقارى فى مصر لايزال - فى اعتقادى - هو الاعلى عالميا ( 14% ) ( 10% طبقا لسعر البنك المركزى المصرى + 3 - 4%

بنظرة بسيطة على نظام التمويل العقارى فى امريكا نجده مابين 4% الى 7% ، وحاليا يبلغ 4.5%

بمعنى لو التمويل كان 100000 ، والتقسيط على 30 عاما

فى امريكا سيكون القسط الشهرى 506.69 والمبلغ الاجمالى الذى سيتم دفعه = 182408

فى مصر سيكون القسط الشهرى 1184.87 والمبلغ الاجمالى الذى سيتم دفعه = 426553

شيئ رهيب ولا يصدقه عقل ، وفى الحقيقة غير مشجع على الاطلاق

أنا مع فكرة التمويل العقارى ، ولكن ليس بالطريقة المصرية


--

 

{وَإِذَا قِيلَ لَهُمْ لَا تُفْسِدُوا فِي الْأَرْضِ قَالُوا إِنَّمَا نَحْنُ مُصْلِحُونَ}(11){اَلَا إِنَّهُمْ هُمُ الْمُفْسِدُونَ وَلَكِنْ لَا يَشْعُرُونَ}(12)وَإِذَا قِيلَ لَهُمْ آمِنُوا كَمَا آمَنَ النَّاسُ قَالُوا أَنُؤْمِنُ كَمَا آمَنَ السُّفَهَاءُ أَلَا إِنَّهُمْ هُمُ السُّفَهَاءُ وَلَكِنْ لَا يَعْلَمُونَ}(11)

new-egypt.gif

ذو العقل يشقى في النعيم بعقله *** وأخو الجهالة في الشقاوة ينعم
***************
مشكلة العالم هي أن الحمقى والمتعصبين هم الأشد ثقة بأنفسهم ، والأكثر حكمة تملؤهم الشكوك (برتراند راسل)
***************
A nation that keeps one eye on the past is wise!A
A nation that keeps two eyes on the past is blind!A

***************

رابط القرآن كاملا بتلاوة الشيخ مصطفى إسماعيل برابط ثابت مع رابط للقراءة
***************
رابط
القرآن كاملا ترتيل وتجويد برابط ثابت مع رابط للقراءة
***************
رابط سلسلة كتب عالم المعرفة


#9 ziad

ziad

    Advanced Member

  • Members
  • PipPipPipPipPip
  • 470 مشاركة

تاريخ المشاركة 06 June 2008 - 10:55 AM

بس ده مرتبط بعوامل كتيره قوى,يعنى هنا فى أستراليا 8.5 % للبنوك الكبيره والى كنت أعرفه أن بنك التمويل المصرى السعودى بياخد 9 % بس ده كان من حوالى 6 شهور
Nunca caminaras solo

#10 سليمان بك

سليمان بك

    Member

  • Members
  • PipPipPip
  • 58 مشاركة

تاريخ المشاركة 06 June 2008 - 01:42 PM

موضوع جميل
افضل حل هو التمويل العقاري فعلا
بس هل فيه تمويل عقاري مطبق في مصر
انا اللي شايفه اغلبه شركات تقسيط بتطبق نظام التمويل العقاري

#11 عادل أبوزيد

عادل أبوزيد

    Super Member

  • مشرف عام
  • PipPipPipPipPipPip
  • 5131 مشاركة
  • النوع:ذكر
  • المكان:Cairo
  • الإهتمامات:Economic & political discussiond, promot the transperansy in my country ; promote the IT as a tool to improve quality of life.

تاريخ المشاركة 06 June 2008 - 07:16 PM

أبلغنى إبنى اليوم أن شقق التجمع الخامس غير مسجلة و لا يمكن تسجيلها فى الشهر العقارى لا أعرف السبب و لكن الذى قيل لإبنى أن التسجيل العقارى فى القاهرة الجديدة لم يبدأ بعد ، و بالتالى فلا يمكن الشراء هناك بالتمويل العقارى.

معلومة غريبة بالنسبة لى لكن هذا كلام السماسرة ووسطاء التمويل العقارى مدى صحة هذا الكلام و عموميته تحتاج لتقصى.

gallery_395_73_12090.jpg


#12 طه بدر

طه بدر

    Advanced Member

  • Members
  • PipPipPipPipPip
  • 254 مشاركة
  • النوع:ذكر

تاريخ المشاركة 06 June 2008 - 11:11 PM

اولا بالنسبة للموضوع من حيث المبدا فاعتقد ان احسن عرض يمكن ان تحصل عليه الان من الشركات الكبيرة التى قامت بالبناء من فترة ومازالت تقوم بالتسويق حتى الان نظرا لظروف بعد الموقع او تاخرهم فى التنفيذ او اى مشاكل قد يتعرض لها مشروع انشاءات
فهذه الشركات لديها الان عمارات جاهزة للتسليم والسكن فورا وهى تقوم بالتقسيط مباشرة مع العميل بدون دخول فى موضوع التمويل او خلافه
وطبعا لان هذه الشركات قامت بالتنفيذ قبل ارتفاع الاسعار فان اسعارها الحالية مقارنة باسعار التنفيذ المتوقعة والتى تعرضها الشركات الان تعتبر مناسبة جدا
يحضرنى الان مشاريع مثل حى الاشجار او شركة تبارك و زيزنيا وغيرها
طبعا ان لم ابحث موخرا وانما هذه مجرد معلومات تحتاج متابعة
تحياتى

#13 طه بدر

طه بدر

    Advanced Member

  • Members
  • PipPipPipPipPip
  • 254 مشاركة
  • النوع:ذكر

تاريخ المشاركة 06 June 2008 - 11:20 PM

أبلغنى إبنى اليوم أن شقق التجمع الخامس غير مسجلة و لا يمكن تسجيلها فى الشهر العقارى لا أعرف السبب و لكن الذى قيل لإبنى أن التسجيل العقارى فى القاهرة الجديدة لم يبدأ بعد ، و بالتالى فلا يمكن الشراء هناك بالتمويل العقارى.

معلومة غريبة بالنسبة لى لكن هذا كلام السماسرة ووسطاء التمويل العقارى مدى صحة هذا الكلام و عموميته تحتاج لتقصى.

ان كان ما فهمته صحيح يا استاذ عادل فاعتقد انك تتكلم عن الشقق التى يقوم بتنقيذها الافراد او الشركات الصغيرة وهذه لا يمكن - او قل من الصعب جدا الحصول على تمويل لها لان اشتراطات التمويل من حيث ملكية موثقة للارض وحساب للتكاليف وتسعير محدد للوحدة ومستوى معروف للاسعار السكن بالمنطقة ...........
كل هذه الشروط لايمكن توفيرها فى هذه النوعية من المساكن فى التجمع الخامس او غيره
اما الوحدات التى توجد ضمن مشروعات كبيرة فهذه من السهل الحصول على تمويل لها لان هذه الوحدات قد تم تقييم ثمنها فعلا من قبل الجهاز المصرفى مما يجعل شركات التمويل تتعمل بسعر محدد للوحدة بدون الدخول فى مشاكل (او قل فى صداع تحمل مسئولية تقييم ثمن الوحدة) وكما تعلم فان المبدا لكل موظفى مصر هو الباب اللى يجيلك منه الريح سده واستريح
فعدم اعطاء التمويل لايعرض الموظف للمسالة
اما قيامه بواجبه ودوره المفروض فقد يؤدى به الى السجن فى بلد تتغير فيع الاسعار والقواعد والقوانين دون ضابط او رابط
تحياتى

#14 طه بدر

طه بدر

    Advanced Member

  • Members
  • PipPipPipPipPip
  • 254 مشاركة
  • النوع:ذكر

تاريخ المشاركة 06 June 2008 - 11:29 PM

سعر العائد على التمويل العقارى فى مصر لايزال - فى اعتقادى - هو الاعلى عالميا ( 14% ) ( 10% طبقا لسعر البنك المركزى المصرى + 3 - 4%


اليس من الغريب ان يكون سعر العائد على الوحدات السكنية بهذا الارتفاع بينما سعر العائد على السيارات يبلغ حوالى 6% ؟؟؟؟؟؟؟؟؟؟؟؟؟؟؟؟؟؟

حقيقى اريد احد ان يوضح لى ايهما اكثر ضمان من حيث المخاطرة
الاستثمار فى عقار اما فى سيارة؟؟؟؟؟؟؟؟؟؟؟؟
وايهما افضل تمويل صناعة محلية مائة فى المائة هى قاطرة التنمية كما يقولون اما تمويل مستورد السيارات لتشجيع مصانع السيارات فى اوربا واسيا؟؟؟؟؟؟؟؟؟؟؟؟

حقيقى مجرد المقارنة بين الرقمين تجعلنى اتاكد ان اقتصادنا يدار بدعاء الوالدين
مش كده والا هو حاجة ثانية؟؟؟؟؟؟؟؟؟
يمكن حاجة ثانية :D

#15 ziad

ziad

    Advanced Member

  • Members
  • PipPipPipPipPip
  • 470 مشاركة

تاريخ المشاركة 07 June 2008 - 12:20 AM

أبلغنى إبنى اليوم أن شقق التجمع الخامس غير مسجلة و لا يمكن تسجيلها فى الشهر العقارى لا أعرف السبب و لكن الذى قيل لإبنى أن التسجيل العقارى فى القاهرة الجديدة لم يبدأ بعد ، و بالتالى فلا يمكن الشراء هناك بالتمويل العقارى.

معلومة غريبة بالنسبة لى لكن هذا كلام السماسرة ووسطاء التمويل العقارى مدى صحة هذا الكلام و عموميته تحتاج لتقصى.


على ما أتذكر التسجيل فى جهاز المدينه يغنى عن الشهر العقارى


اليس من الغريب ان يكون سعر العائد على الوحدات السكنية بهذا الارتفاع بينما سعر العائد على السيارات يبلغ حوالى 6% ؟؟؟؟؟؟؟؟؟؟؟؟؟؟؟؟؟؟

حقيقى اريد احد ان يوضح لى ايهما اكثر ضمان من حيث المخاطرة
الاستثمار فى عقار اما فى سيارة؟؟؟؟؟؟؟؟؟؟؟؟
وايهما افضل تمويل صناعة محلية مائة فى المائة هى قاطرة التنمية كما يقولون اما تمويل مستورد السيارات لتشجيع مصانع السيارات فى اوربا واسيا؟؟؟؟؟؟؟؟؟؟؟؟

حقيقى مجرد المقارنة بين الرقمين تجعلنى اتاكد ان اقتصادنا يدار بدعاء الوالدين
مش كده والا هو حاجة ثانية؟؟؟؟؟؟؟؟؟
يمكن حاجة ثانية :D



لا أعتقد أن المقارنه تدل على شئ لأسباب كتيره

ــ إذا كان على البنوك التفكير فى تقليل مكاسبها فا ده هو الى مش أقتصاد

ــ فى الأمارات النسبه 8.5 % والسيارات 5 هل ده معناه أن أقتصادهم بردوا بيدار غلط

ــ إذا عرف السبب بطل العجب,سبب أرتفاع العائد أو الفايده هو قانون السوق,قانون العرض والطلب,التمويل العقارى كقانون بقاله أقل من سنتين ومفيهوش لاعيبه كتير, وملوش زبيان كتير,لكن يوم لما يبق سوق له زبيان هتلاقى الناس بتضرب فى بعض عشان خاطر يجيبو ناس أكتر

ــ المقارنه مع السيارات ظالمه لأن ممكن أى أسره مقتدره تجيب أكتر من عربيه ب 100 أو 200 ألف,لكن من كل أسره تقدر تجيب شقه ب 400 ألف أو أكتر,بردوا فرصه المكسب من السيارات أكتر,لأنك كبنك لو قدمت خدمه سريعه وقويه فى الغالب هتحافظ على زبونك,هتخليها يجيب من عندك لما مراته تحتاج عربيه,لو إبنه أو بنته محتاجين,هو نفسه لما يحب يغير لكن العقار مش كده خالص.

ــ ليس فى مقدور أى مؤسسه بما فيه الحكومه إملاء نسبة ربح معينه لأن ده يخالف أبسط معانى الأقتصاد الحر ولكن حركة السوق والعرض والطلب هى أهم أسباب تحديد النسب ديه
Nunca caminaras solo




0 عضو (أعضاء) يشاهدون هذا الموضوع

0 الأعضاء, 0 الزوار, 0 مجهولين


زار هذا الموضوع 6 عضو


    , , المكافح, marselia, Obied Allah, pheroman