إنتقال للمحتوى


صورة
- - - - -

مشروع تدوير القمامة والمخلفات


  • من فضلك قم بتسجيل الدخول للرد
22 رد (ردود) على هذا الموضوع

#1 حسام يوسف

حسام يوسف

    Super Member

  • Members
  • PipPipPipPipPipPip
  • 3828 مشاركة
  • النوع:ذكر
  • المكان:أسوان
  • الإهتمامات:القراءة
    الرياضة

تاريخ المشاركة 28 March 2008 - 01:28 AM

السلام عليكم:
أفكر ومعى بعض زملائى فى مشروع يعود علينا بالربح
وينظف مدينتنا الجميلة أسوان
فكرنا فى مشروع اعادة تدوير القمامة
RECYCLING
حد عندة فكرة؟
أو رأى؟
أو يعرف حد عامل المشروع بالفعل؟
أو يعرف كتب أو مواقع عن اعادة التدوير؟
أنا شفت الموضوع كان مطروح من مدة على المنتدى
لكن ماكتنش فيه توضيح كفاية
حد عندة رد؟
ولكم جزيل الشكر

#2 Muhammad Zidan

Muhammad Zidan

    Advanced Member

  • Members
  • PipPipPipPipPip
  • 282 مشاركة
  • النوع:ذكر
  • المكان:Alex

تاريخ المشاركة 28 March 2008 - 02:44 AM

السلام عليكم:
أفكر ومعى بعض زملائى فى مشروع يعود علينا بالربح
وينظف مدينتنا الجميلة أسوان
فكرنا فى مشروع اعادة تدوير القمامة
RECYCLING
حد عندة فكرة؟
أو رأى؟
أو يعرف حد عامل المشروع بالفعل؟
أو يعرف كتب أو مواقع عن اعادة التدوير؟
أنا شفت الموضوع كان مطروح من مدة على المنتدى
لكن ماكتنش فيه توضيح كفاية
حد عندة رد؟
ولكم جزيل الشكر

مساء الفل يا دكتور
طبعاً أحييك على الفكرة واسمحلي أديلك فكرة بسيطة عن ديناميكية المشروع لأنه من صميم عملي
تدوير القمامة والمخلفات الصلبة من المشرعات المهمة للحفاظ على البيئة وهو يعتبر من المشروعات الاستراتيجية حالياً بأغلب دول العالم المتقدمة نظراً للاستفادة العظيمة من تنفيذه
مكونات المشروع الكاملة لتنفيذه في مدينة أسوان لا بد أن يشمل الآتي :
  • عدد مناسب من صناديق القمامة في الشوارع الرئيسية بالمدينة وعلى رؤوس الشوارع والضيقة والأزقة والحارات لزوم تجميع القمامة
  • في حال ما إذا كان هناك تجمعات للقمامة في أماكن متعدد بالمدينة كالأسواق والتجمعات العشوائية لابد من توافر عدد 2 لودر لتحميل المخلفات على السيارات المخصصة لنقل هذه المخلفات إلى مصنع التدوير ويمكن الاستعاضة عن شراء هذ اللوادر نظراً لتكلفتها العالية بالتعاقد على استخدام لوادر مجلس المدينة بالإيجار مثلاً
  • توافر عدد من 4 إلى 6 سيارات حمولة 8 طن لنقل وتجميع القمامة إلى المصنع المزمع إنشاءه .. ويمكن أيضا استخدام سيارات مجلس المدينة في نقل المخلفات من داخل بنود التعاقد
  • توفير وحدة التدوير والفرز والتي يمكن شراءها بالتقسيط من المصانع الحربية مثلاً أو الشركة الهولندية أو أي جهة يمكن لسيادتك التعامل معها
  • والأهم مما سبق اختيار الموقع المناسب لإنشاء مثل هذا المشروع ويفضل دائماً إقامة مثل هذا المشروع في مناطق تبعد عن أقرب مدينة سكنية بمسافة لا تقل عن 21 كيلو متر وتبعد عن أي تجمعات سكنية بمسافة لا تقل عن 1.5 كيلو متر في الاتجاه الجنوبي أو الجنوبي الشرقي
دي المكونات العامة ... أي تفاصيل أخرى ممكن أبعت لسياتك دراسة كاملة عن إنشاء المشروع من A to Z بس بعد ما تقولي الإمكانات المادية المتاحة
وبالتوفيق إن شااااااااااااااااء الله
Muhammad Zidan

آخر الكلام
دع الأمور تجري في أعنتها ولا تبيتنَّ إلا خالي البال
ما بين غمضة عين وانتباهتها يغير الله حال بحال


#3 حسام يوسف

حسام يوسف

    Super Member

  • Members
  • PipPipPipPipPipPip
  • 3828 مشاركة
  • النوع:ذكر
  • المكان:أسوان
  • الإهتمامات:القراءة
    الرياضة

تاريخ المشاركة 28 March 2008 - 11:28 PM

السلام عليكم أخى الكريم:
ممكن أعرف تكاليف اجهزة الفرز والحرق وباقى أجهزة اعادة التدوير؟
وممكن أعرف ازاى الواحد يبيع أو يسوق النواتج؟
والف الف شكر

#4 se_ Elsyed

se_ Elsyed

    Super Member

  • Members
  • PipPipPipPipPipPip
  • 25138 مشاركة
  • النوع:ذكر

شريط الأوسمة:

الأعضاء الحاصلين على أوسمة

تاريخ المشاركة 28 March 2008 - 11:38 PM

ايوه كده يا راجل ... بلا سفر بلا قرف

مشروع 100 % وربنا يوفقكو

خد الحباية دي يمكن تنفعك يا حسام

كنانة اون لاين
الأحـــرار يؤمنون بمن معه الحق ..
و العبيــد يؤمنون بمن معه القوة ..
فلا تعجب من دفاع الأحرار عن الضحية دائماً ..
و دفاع العبيد عن الجلاد دائماً

#5 موعود

موعود

    Advanced Member

  • Members
  • PipPipPipPipPip
  • 904 مشاركة
  • النوع:ذكر
  • المكان:الرياض

تاريخ المشاركة 29 March 2008 - 05:16 AM

واللله العظيم انا فى قمه فرحى من د حسام والاستاذ محمد زيدان
هى دى الافكار وهو دة الشغل انا بدور على المشروع دة وانا فى الغربة من فترة وزهقت من الغربة وارفها (بس انا عارف ان مصر فيعا بردة ارف)
بس الى عاجبنى فعلا هو ان يكون فى ناس بتفكر فى مصر او شباب بيفكر فى مصر فى مشاريع واستثمار غير
(تجارة الاراضى والمقاولات)(الاستيراد من الصين)(صناعة الملابس)
انا كرهت الدنيا بسبب التلاته دول كل الناس والشباب والشيوخ الى معاة فلوس والى مش معاة فلوس مش بيفكر غير فى واحدة من التلاته
انا كل اصحابى ومعارفى اما بيفكر او فعلا شغل فى واحدة من التلاته او يا عينى موظف غلبان
بالرغم ان الزباله اكلت كل الى فى البلد ومفيش شارع واحد فى مصر نظيف الحاجة الوحيدة الى نظيفة هو رئيس الوزارة :roseop:

عشان كدة ياريت الاستاذ محمد يبعت تفاصيل اكتر عن المشروع وكمان اى حد فى المنتدى عندة افكار او دراسات جدوى للمشاريع ياريت يبعتها
والله مصر فيها مشاريع وشغل كتير بس المشكلة ان الناس والحكومة كمان بتستسهل

وعلى راى سى السيد ( ايوه كده يا راجل ... بلا سفر بلا قرف)

اية فائدة الغربة لو مرجعتش على مشروعك والى هى غربة وخلاص
=======================================================
لا يمكننا حل مشكلةٍ باستخدام العقلية نفسها التي أنشأتها.ألبرت أينشتاين
=======================================================

#6 muslim4ever

muslim4ever

    Full Member

  • MemberL
  • PipPipPipPip
  • 210 مشاركة
  • المكان:مصر

تاريخ المشاركة 29 March 2008 - 09:46 AM

احيك ياحسام على هذة الخطوة الرائعة

اعتقد من يفيدك جيداً فى مشروعك هى هيئة التنمية الصناعية - ادارة التخطيط ودراسات الجدوى وهذا عن خبرة فى التعامل معهم فهم لديهم دراسات جدوى جاهزة

للمشروعات مقسمة على فئات ومن ضمنها تدوير المخلفات تحت فئة مشروعات البيئة نظير مبلغ بسيط يقدم للهيئة وهو مقارنه بحجم الدراسة سوف تجدة ضئيل

ومقر الهيئة بجاردن ستى

http://www.ida.gov.e...a/index_ar.html

تمنياتى لك بالتوفيق

اتَّقِ اللَّهِ حَيْثُمَا كُنْتَ وَأَتْبِعْ السَّيِّئَةَ الْحَسَنَةَ تَمْحُهَا وَخَالِقِ النَّاسَ بِخُلُقٍ حَسَن



رواه الترمذي


#7 حسام يوسف

حسام يوسف

    Super Member

  • Members
  • PipPipPipPipPipPip
  • 3828 مشاركة
  • النوع:ذكر
  • المكان:أسوان
  • الإهتمامات:القراءة
    الرياضة

تاريخ المشاركة 29 March 2008 - 10:45 PM

السلام عليكم
والله أنا بحب المنتدى ده جدا
وبعتبر ان اشتراكى علية من الحاجات الكويسة اللى عملتها فى حياتى
ايه الحلاوة دى؟
ايه التشجيع ده كلة؟
والله انتوا ناس زى العسل
متتصوروش انا كنت محتاج للكلمتين دول قد ايه
فكرة اعادة التدوير دى فكرة من ضمن افكار كتير لمشروعات فى مصر نفسى أعملها
وبقالها فترة بتزن ف دماغى فشر الناموس بتاعنا فى الفلاحين
وفضفضت مع بعض صحابى هنا
لكنهم تقليديين شوية
لأ تقليديين كتير طحن الفيل
المهم كتبت الفكرة ع المنتدى وانا مستعد اسمع تريقة من نوعية متخليك ف الدوا يا عم
من الدوا للزبالة صعبة أوى
وحاجات كدة كتير
بشكركم على تشجيعكم
شكر خاص لمسلم فور ايفر وسأستمع لنصائحك
وشكر خاص الى
ataamer
وصدقنى انت حطيت ايدك ع المشكلة
الاستسهال
ولو عايز أفكار تانية لمشاريع محترمة
انا معاك
ومشاريع منتجة وليها فترة مكاسب ممتدة لسنوات سنوات
والف شكر يا حبيبى الأهلاوى اللدود س س
ع الموقع
انا بالفعل بتصفحة وبشوفة
ربنا يخليك لينا يا رئيس المنتدى
وفى انتظار من لديه المزيد
شكرا يا رجالة مصر
مين اللى قال مفيش فايدة

#8 حسام يوسف

حسام يوسف

    Super Member

  • Members
  • PipPipPipPipPipPip
  • 3828 مشاركة
  • النوع:ذكر
  • المكان:أسوان
  • الإهتمامات:القراءة
    الرياضة

تاريخ المشاركة 30 March 2008 - 12:57 PM

السلام عليكم
يا أستاذ يا س س
ايه الحلاوة دى
السايت اللى اديتولى ده حكاية
شامل
وواصف كل أنواع المشايع
وبطريقة سهلة وجميلة
الف الف شكر يا ريس :closedeyes:

#9 محمد عبدالعزيز

محمد عبدالعزيز

    Super Member

  • Members
  • PipPipPipPipPipPip
  • 1992 مشاركة
  • النوع:ذكر
  • المكان:مصر

تاريخ المشاركة 30 March 2008 - 01:46 PM

المشروع ده فى مستثمر مصرى كان بيتكلم عنه فى برنامج البيت بيتك من حوالى أسبوعين أو ثلاثة
الراجل بصراحة كان بيشتكى من مشاكل حاصلة معاه وعاوز المسؤولين يساعدوه على حلها, بس هو كان مشروعه على مستوى كبير جداً.
المهم المستثمر ده أعلن إنه على استعداد يبعت دراسات الجدوى اللى هو صرف عليها كتير جداً لأى واحد يحب يعمل نفس المشروع, مساعدة منه فى نشر الفكرة ومجاناً.
ياريت أقدر ألاقى معلومات عن المستثمر ده لأنه ممكن يساعدك فعلاً, بس للأسف مش فاكر اسمه.
عموماً خد دراسة الجدوى دى يمكن تساعدك.
http://www.clickeg.com/vb/t2300.html
وأحييك على تفكيرك, ماتتصورش أنا مبسوط قد إيه عشان لقيت حد تانى بيفكر يشتغل فى مصر زيى رغم فرص السفر المتوفرة, بس أنا باشتغل فى مجال البرمجيات وتطوير مواقع الإنترنت.

عموماً ربنا يوفقك.

بدون مبالغة، اللي ناقص عشان نفهم، إن المشير يطلع في بيان على الهوا وفي ايده السلاح ويقول: أيوة يا شعب احنا الطرف التالت، واحنا اللي ورا موقعة الجمل وماسبيرو والعباسية (1) والسفارة الإسرائيلية ومسرح البالون ومحمد محمود ومجلس الوزراء وبورسعيد والعباسية (2)، عايزين حاجة يا شعب؟
shawshank


#10 حسام يوسف

حسام يوسف

    Super Member

  • Members
  • PipPipPipPipPipPip
  • 3828 مشاركة
  • النوع:ذكر
  • المكان:أسوان
  • الإهتمامات:القراءة
    الرياضة

تاريخ المشاركة 31 March 2008 - 11:43 PM

السلام عليكم
حد عندة اضافات تانى ف الموضوع ده؟

#11 Muhammad Zidan

Muhammad Zidan

    Advanced Member

  • Members
  • PipPipPipPipPip
  • 282 مشاركة
  • النوع:ذكر
  • المكان:Alex

تاريخ المشاركة 01 April 2008 - 04:40 PM

السلام عليكم
حد عندة اضافات تانى ف الموضوع ده؟



طبعاً في إضافات مين آل مفيش
أنا بس مشغول عنك شوية عشان ها جهزلك حاجة محترمة دراسة جدوى اقتصادية بالإضافة إلى دراسة فنية برضه محترمة وموقع تنفيذ محترم
لا تقلق ... أنا جاي
وربنا يوفقنا كلنا ونبقى بنعمل حاجة لبلدنا ولينا من بعد البلد mft: :waf:
Muhammad Zidan

آخر الكلام
دع الأمور تجري في أعنتها ولا تبيتنَّ إلا خالي البال
ما بين غمضة عين وانتباهتها يغير الله حال بحال


#12 Muhammad Zidan

Muhammad Zidan

    Advanced Member

  • Members
  • PipPipPipPipPip
  • 282 مشاركة
  • النوع:ذكر
  • المكان:Alex

تاريخ المشاركة 01 April 2008 - 04:54 PM

واللله العظيم انا فى قمه فرحى من د حسام والاستاذ محمد زيدان
هى دى الافكار وهو دة الشغل انا بدور على المشروع دة وانا فى الغربة من فترة وزهقت من الغربة وارفها (بس انا عارف ان مصر فيعا بردة ارف)
بس الى عاجبنى فعلا هو ان يكون فى ناس بتفكر فى مصر او شباب بيفكر فى مصر فى مشاريع واستثمار غير
(تجارة الاراضى والمقاولات)(الاستيراد من الصين)(صناعة الملابس)
انا كرهت الدنيا بسبب التلاته دول كل الناس والشباب والشيوخ الى معاة فلوس والى مش معاة فلوس مش بيفكر غير فى واحدة من التلاته
انا كل اصحابى ومعارفى اما بيفكر او فعلا شغل فى واحدة من التلاته او يا عينى موظف غلبان
بالرغم ان الزباله اكلت كل الى فى البلد ومفيش شارع واحد فى مصر نظيف الحاجة الوحيدة الى نظيفة هو رئيس الوزارة mft:

عشان كدة ياريت الاستاذ محمد يبعت تفاصيل اكتر عن المشروع وكمان اى حد فى المنتدى عندة افكار او دراسات جدوى للمشاريع ياريت يبعتها
والله مصر فيها مشاريع وشغل كتير بس المشكلة ان الناس والحكومة كمان بتستسهل

وعلى راى سى السيد ( ايوه كده يا راجل ... بلا سفر بلا قرف)

اية فائدة الغربة لو مرجعتش على مشروعك والى هى غربة وخلاص


كتر خيرك يا أستاذ عطا ...
والله أنا حاسس إن الناس في المحاورات كلهم من ذوي الثقافات والاتجاهات الشبيهة
كلنا عاوزين الخير للبلد ونفسنا نشوف مصر زي أي دولة متقدمة .... وتكون دولة جاذبة للعمالة مش للسياحة بس ...
بس إيد لوحدها ما تسقفش ... يعني الدكتور حسام بمشروعه ده شوف هايفيد كام اتجاه :
  • هايشغل عمالة .
  • هايفيد المدينة أو المنطقة اللي هايقيم فيها المصنع .
  • هاينمي اقتصاد منطقة .
  • هاينمي اقتصادياته
  • هايرفع من موقع المكان اللي هايقيم فيه المصنع على الخريطة السياحية والبيئية .
وفوايد كتير للبلد .... المفروض بقى الدولة تسهل له الإجراءات ... لأن ده مشروع استراتيجي .. زي مشروعات الصرف الصحي والكهرباء والمياه
وربك هو الموفق
Muhammad Zidan

آخر الكلام
دع الأمور تجري في أعنتها ولا تبيتنَّ إلا خالي البال
ما بين غمضة عين وانتباهتها يغير الله حال بحال


#13 حسام يوسف

حسام يوسف

    Super Member

  • Members
  • PipPipPipPipPipPip
  • 3828 مشاركة
  • النوع:ذكر
  • المكان:أسوان
  • الإهتمامات:القراءة
    الرياضة

تاريخ المشاركة 03 April 2008 - 09:10 PM

لسة عندى أمل فى اضافات أخرى
ايه الحل لو الميزانية مش مكفية؟
فية حل أول قروض أو أى حل مادى؟

#14 حسام يوسف

حسام يوسف

    Super Member

  • Members
  • PipPipPipPipPipPip
  • 3828 مشاركة
  • النوع:ذكر
  • المكان:أسوان
  • الإهتمامات:القراءة
    الرياضة

تاريخ المشاركة 09 April 2008 - 04:05 PM

انا منتظر اضافاتك يا محمد زيدان
ياريت ماتتأخرش

#15 se_ Elsyed

se_ Elsyed

    Super Member

  • Members
  • PipPipPipPipPipPip
  • 25138 مشاركة
  • النوع:ذكر

شريط الأوسمة:

الأعضاء الحاصلين على أوسمة

تاريخ المشاركة 09 April 2008 - 04:38 PM

لسة عندى أمل فى اضافات أخرى
ايه الحل لو الميزانية مش مكفية؟
فية حل أول قروض أو أى حل مادى؟



طبعاً

إسأل على جهاز دعم المشروعات الصغيرة في القاهرة

وكمان الصندوق الإجتماعي

وكل دول جهات بتقدم دعم كويس لمثل تلك المشروعات بس تقدم لهم دراسة جدوى متكاملة ..

بالمناسبة

إوعى تكون هاتعمل المشروع ده في أسوان ؟

لا بجد

أصل بيتهيألي محافظة زي أسوان مش كبيرة قوي .. إنما القاهرة مثلاً .. كلها زبالة :happy:

قصدي يعني المادة الخام لمشروعك هاتكون موجودة

كمان حاول يا حسام في موضوع التدوير ده تدرس فكرة إعادة تصنيع " قش الرز " إنت عارف إن دي مصيبة في مصر لإن الفلاحين لما بيحصدوا الرز او القمح بيطلع منه قش كتير جداص ولغن وسيلة النقل مكلفة .. فما بيكونوش عارفين يودوه فين .. فبيحرقوه على راس الأرض وحريقه مع حريقة بتعمل المنظر اللي إنت بتشوفه في مصر .. لدرجة حرايق قش محافظتي القليوبية والشرقية بيوصل لسماء القاهرة وبيحجب الشمس ..

فكر في الفكرة دي .. كفكرة جانبية مع مشروعك ..

وكمان زبالة بزبالة بقى .. إدرس فكرة توريد ورق الكارتون المستخدم إلى مصانع التعبئة والتغليف .... شغلانه بتأكل لوز وكل راسمالها هو تسريح العيال اللي بتلم كارتون من الزبالة ومن قدام المحلات ... أخر سعر كان عندي هو إن العيال دي كانت بتورد الطن للمصانع بـ 1200 ج ... وكانت تكلفة جمعه بتبقى 800 ج

وما تنسناش يا عم لما تعدي .. وشغلنا عندك إن شالله نلم زبالة حتى md2: .. بس يبقى لنا دخل ثابت لا يقل عن 100 دولار شهري ...
الأحـــرار يؤمنون بمن معه الحق ..
و العبيــد يؤمنون بمن معه القوة ..
فلا تعجب من دفاع الأحرار عن الضحية دائماً ..
و دفاع العبيد عن الجلاد دائماً




0 عضو (أعضاء) يشاهدون هذا الموضوع

0 الأعضاء, 0 الزوار, 0 مجهولين


زار هذا الموضوع 6 عضو


    , , almetwally, لونا, الباشمهندس ياسر, drTOTA