إنتقال للمحتوى


صورة
- - - - -

مدارس الدوحة وبخاصة المدرسة المصرية للغات بالدوحة


  • من فضلك قم بتسجيل الدخول للرد
4 رد (ردود) على هذا الموضوع

#1 osmel33

osmel33

    Advanced Member

  • Members
  • PipPipPipPipPip
  • 694 مشاركة
  • النوع:ذكر
  • المكان:في الدنيا إلى حين

تاريخ المشاركة 11 March 2008 - 08:39 AM

السلام عليكم يا أهل مصر المقيمين فى الدوحة - قطر
أريد أن أثير قضية فى غاية الأهمية وهى مسألة تعليم أولادنا فى الغربة وبما أننى أقم فى قطر فأريد التحدث عن المدارس فى قطر ولمن لا يعلم توجد هنا مدارس متنوعة ما بين حكومية ومستقة ودولية ومدارس جاليات أى المدارس هى الأجود من ناحية التعليم ولنقل التعليم الإنجليزى ومن ناحية التربية ؟ فأنا أولادى فى المدرسة المصرية للغات وأنوى إن شاء الله أن أنقلهم مدرسة أخرى مهما كلفنى الأمر فالمدرسة سيئة للغاية لا إدارة ولا مدرسين ولا أى حاجة وحسبنا الله ونعم الوكيل فيهم وفى اللى عملوه فى أولادنا فأنا أ{يد من أهل مصر فى قطر النقاش حول الموضوع أو كيفية تغيير وضع هذه المدرسة المصرية المأساوى ورجاء التواصل

#2 osmel33

osmel33

    Advanced Member

  • Members
  • PipPipPipPipPip
  • 694 مشاركة
  • النوع:ذكر
  • المكان:في الدنيا إلى حين

تاريخ المشاركة 11 March 2008 - 09:24 AM

أيه يا خوانا 8 مرور من الكرام وما فيش رد واحد وأكيد اللى مروا ولادهم فى المدرسة المصرية افهم من كده أن الجماعة اللى ولادهم فى المدرسة المصرية مبسوطين وولادهم آخر تمام :blush2:

#3 mohsensamak

mohsensamak

    Member

  • Members
  • PipPipPip
  • 54 مشاركة
  • النوع:ذكر
  • المكان:Qatar

تاريخ المشاركة 17 March 2008 - 12:11 PM

السلام عليكم
لا و الله انا واحد من الناس غير راضى تماما عن مستوى المدرسة و احنا فيها من تلت سنين و شايفين مستواها فى النازل و كل سنة نقول يمكن تتعدل و لكن مافيش فايدة و أخيرا قررنا اننا ننقل الولاد السنة دى ان شاء الله و بندور من شهور و اعتقد ان اليومين دول ح يبتدى التقديم و لو تحبى انا ممكن اوافيكى باى أخبار توصلنى عن المدارس لأن الأختيار مش سهل خصوصا فى ظل الأسعار الحالية اللى بتنافس الصواريخ فى ارتفاعها
على اى حال انا بس حبيت اقول لك ان كتير جدن من اولياء الأمور عندهم نفس القضية و لكن برضه كتير مش بيتكلموا لأن الحياة بقت صعبة فى الدوحة زى ما انتى عارفة و الناس مركزة فى حاجات تانية
ملحوظة انا لسه شايف الموضوع بتاعك من ساعة و ده لأنى مش بأدخل كتير لكن ممكن تبعتى لى على الياهو لو تحبى m3samak@yahoo.com
و ربنا يوفقك و يوفقنا جميعا
شكرا

#4 princeali

princeali

    new Member

  • MemberN
  • Pip
  • 1 مشاركة

تاريخ المشاركة 27 April 2009 - 01:22 PM

[size="4"][b]انا عضو جديد وهذة اول مشاركة لى وكانت هناك تحذيرات من سوء استخدام الموقع ودة شىء طبيعى لكن السؤال هل نحن كمصريين نجد مايجعلنا نقول أشياء جميلة او ممتعة عن اخبارنا كمغتربين فى بلد عربى .. ان كل واحد منا مهما كان منصبة ووظيفتة فهو او هى تحمدالله يوميا على انها او انة ليس مقيم فى مصر وانة لا يود ولا تود ان ترجع للعيش فى مصر .. والسبب ياسادة وبحكم انى كما بنقول فى مصر لفيت العالم وعشت فى اكثر من 25 دولة بما فيها امريكا اكثر من 12 عام . رغم ذلك لم انسى اننى مصرى فى يوم من الايام والاهم اننى لم انسى اننى مسلم.. من خلال زياراتى لهذة الدول بحكم عملى .دائما ارى ان جميع الجاليات الاجنبية فى اى دولة دائما متحديين ليسوا متفرقين والاجمل انهم ليسوا على درجة من الحقد والغيرة مع بعضهم كما نكون نحن المصريين..ان مصر او بمعنى ادق حكومة مصر سواء التابعة للخارجية او الداخلية ..دائما ماتشعرك بانك لست ذو قيمة ..السفارات المصرية فى كل دولة العالم حتى فى واشنطن بمجرد ان تتدخلها وتتعامل مع احد من المفروض انهم دبلوماسيون تجد نفس الطريقة بتاعة فوت علينا بكرة ياسيد وان اختلفت اللغة نتيجة بلد الاقامة . ومثال هنا فى الدوحة تذهب للسفارة المصرية تجد الموقع جميل جدا على البحر والحرس امام المبنى بمجرد ماتدخل السفارة تشعر كانك فى مصلحة حكومية الطوابير والانتظار ونفس طريقة الحوار والموظف بيدخن سيجارة سوبر . وتسألة عن جواز السفر المصرى الجديد فى الشكل يرد عليك ويقول ( مابنشتغلش فية ) بنتشغل فى القديم بس هههههههه. :كان الجواز الجديد ليس للمغتربيين ..الشىء التانى والاسواء هو المدرسة الفقرية للغات..الفرق الوحيد بين هذة المدرسة واى مدرسة تجربية فى منطقة شعبية فى مصر هو ان الفصول هنا مكيفة الهواء ( هذا الفرق الوحيد ) اولا بداية من طريقة قيادة السيارات والوقوف امام باب المدرسة وصف السيارات عند خروج الاطفال تشعر :انك فى موقف احمد حلمى..ثانيا فى عز الظهر والحرارة 45 والشمس عمودية تجد اولادك يتتصببون عرقا من وقوفهم فى الشمس المحرقة ..الا يوجد عند ادارة المدرسة وخصوصا الدكتور بية اللى فقط اجد اسمة واتوتجرافة الجميل فقط على اوراق تحصيل النقود الم يجد فى قلبة ذرة رحمة من ان يعمل مظلات لحماية الاطفال من هذة الشمس الحارقة..وبعدين بقى انت وحظك تحاول تجد مكان لسيارتك وبعد ان تتصبب عرقا تنزل وتتجة الى البوابة للدخول وياةةةةةةةةة حظك الجميل اذا صادف دخولك وعم سيد بينادى على احد الاطفال ويستخدم الميكروفون المحمول مكبر الصوت ( تشعر بأن طبلة أذنك اتسدت ) وتكرة اليوم اللى وديت اطفالك الى هذة المدرسة الفقرية التى دائما ماتبدأ بمشاكل مواعيد الباصات ومواعيد استلام الكتب ومواعيد وصول الكتب من مصر ومواعيد استلام الترم التانى والـاخير فى كل شىء والدروس الخصوصية وعدم اتقاء الله فى التدريس ..عاوزيين كمان تعرفوا احنا متاخريين قد اية اتصل بالمدرسة على التليفون واسمع صوت الرسالة والصوت المسجل عليها تشعر كانك تريد ان تقفل السماعة فى وجة هذة السيدة . التى تقول لك اذا كنت تعلم رقم التحويلة تعلم ) واللهى ياحاجة العلم لله وحدة..بالمناسبة انا قررت ان اخرج اولادى من هذة المدرسة بلا رجعة وان شاء الله سوف ادخلهم تعليم قطرى او امريكى او فيليبنى او اى شىء غير المصرية للغات ..[/size]

#5 pink rose

pink rose

    Super Member

  • Members
  • PipPipPipPipPipPip
  • 4624 مشاركة
  • النوع:أنثى

تاريخ المشاركة 25 January 2011 - 01:09 PM

السلام عليكم و رحمة الله و بركاته

ممكن لو سمحتم الاخوة في قطر يفيدونا بمعلومات عن المدارس في الدوحة حاليا


و يا ريت معلومات عن مدرسة القاهرة للبنات


و شكرا مقدما

تم التعديل بواسطة remo, 25 January 2011 - 01:18 PM.





0 عضو (أعضاء) يستعرضون هذا المنتدى

0 أعضاء, 0 زوار, 0 أعضاء متخفين


زار هذا الموضوع 8 عضو


    , , ابنى ياسين حياتى, egyprogramer, fatfouta, pink rose, solimady, wessam ahmed