إنتقال للمحتوى


صورة
- - - - -

سؤال عن السيراميك واسعاره فمصر


  • من فضلك قم بتسجيل الدخول للرد
10 رد (ردود) على هذا الموضوع

#1 رورة

رورة

    Full Member

  • Members
  • PipPipPipPip
  • 118 مشاركة

تاريخ المشاركة 06 March 2008 - 11:08 AM

السلام عليكم ورحمة الله وبركاته

لو سمحتو ياجماعة حد يعرف إيه أسعار السيراميك دلوقت في مصر وخاصة كليوباترا

عيزة اعرف سعر الفرز الأول والتاني والتالت.. السيراميك بس مش البورسلين

وكنت سمعت كمان عن سيراميك زي الباركيه.. ممكن اعرف ايه نظام اسعاره وبيتباع فين

وجزاكم الله خيرا

#2 vipwithyou

vipwithyou

    Advanced Member

  • Members
  • PipPipPipPipPip
  • 1253 مشاركة
  • النوع:ذكر
  • المكان:مصر ام الدنيا

تاريخ المشاركة 06 March 2008 - 01:22 PM

ياريت اللى يعرف يفيدنى انا كمان
علشان بعيد عنكم كدة مزنوق فى موضوع تشطيب
أستغفر الله الذى لا اله الا هو الحى القيوم وأتوب اليه

#3 ابو ماجد

ابو ماجد

    Member

  • Members
  • PipPipPip
  • 84 مشاركة

تاريخ المشاركة 07 March 2008 - 03:08 AM

بعد السلام والتحية

اسعار السيراميك ليست واحدة .. والأفضل النزول إلى المعارض لمعرفة الأسعار والأشكال

علاوة على أن الشكل والرسمة قد تأخذ نصيبا من السعر

بخلاف الرخام فعادة سعره متقارب

بعتباري أحد اللذين قد باشروا البناء قبل حوالي أربعة أشهر .. فأقول للأمانة أن مشاركات المتحاورين كانت في وادي والواقع في وادي آخر

فقد بدأت في بناء منتجع من دور واحد على طريقة البناء (السويسي) ومن كان يعطيني استشاره كان يقيس معلوماته على بناء العمارات ومعلوم عند المقاولين أن تكلفة بناء فيلا (هردي) يختلف تماما عن بناء عمارة ادوار متكررة في التسليح والخرسانة والتشطيب
وحتى حمام السباحة يختلف حسب المساحة وهل هو مسلح أو فيبرجلاس

حتى تحصلي على فائدة أكثر ليكن السؤال عن
-الأجود
-أو الأفضل
-أو الأضمن

مثال يفضل أن تكون الأرضية في غرفة النوم من الباركيه لضمان الدفء وقت الشتاء

أن تكون الأرضية في الصالة من السيراميك لسهولة التنظيف

في الحمام يكون السيراميك من النوع الخشن لتفادي الانزلاق وكذلك في المطبخ

في حالة وجود غرفة مكتب أو صالون تكون الأرضية من الرخام أو البورسيلان

في غرفة الأطفال يفضل أن تكون الأرضية مفروشه للتقليل من صوت الصدى وحركة الكرسي وبعض الألعاب


آمل أن تكون المعلومة مفيدة وعذرا لتطفلي

ولا خاب من استشار .. وما ندم من استخار,,,

#4 eygptianmido

eygptianmido

    new Member

  • MemberN
  • Pip
  • 7 مشاركة

تاريخ المشاركة 28 April 2008 - 10:35 PM

بداية السلام عليكم ورحمة الله وبركاته
اخوكم مقاول تشطيبات صغير
وكان ومازال بفضل الله ليا نصيب فى العمل فى مواقع كتيرة وشركات اكتر
بالنسبة يا جماعة لاسعار السيراميك بتختلف باختلاف الشكل والفرز والرسم وكذلك طريقة التركيب ودة بيرجع كله الى الاستايل النهائى المراد من العميل ( صاحب المكان السكني ) وتقريبا حاليا اقل نسبة للفرز الاول فى السيراميك تبدا من الفئة 25 جنية للمتر طول البلاطة 30سم فى 30سم وتختلف الاسعار بردة للشكل والخامة وكذلك حجم البلاطة وفى الفرز التانى من 18 الى 20 جنية للبلاطة 30سم وفى التالث 13 الى 18 بردة 30سم فى 30سم وكذالك بردة بالنسبة لبياض المحارة وبالنسبة للنقاشة وبالنسبة للديكورات والمفروشات كل حاجة وليها خصوصياتها وكله بيرجع لطلبات العميل واذا كان فى اى حد محتاج اى مساعدة

****

اخوكم وابنكم البار
احمد عبد الله
وختاما السلام عليكم ورحمة الله وبركاته

تم حذف رقم التليفون .. لإن الإعلانات ممنوعة بالمنتدى

الإدارة

سي السيد


#5 قديم

قديم

    Advanced Member

  • Members
  • PipPipPipPipPip
  • 602 مشاركة
  • النوع:ذكر
  • المكان:الرياض

تاريخ المشاركة 29 April 2008 - 02:04 AM

eygptianmido
بداية السلام عليكم ورحمة الله وبركاته
اخوكم مقاول تشطيبات صغير



اهلا وسهلا بيك استاذ ميدو

زي ما يقول المثل اعط العيش لخبازيــه .

اسمح لي اسال السؤال هل يمكن اعمل سيراميك بلاط جدران وارضيات علي سيراميك جدران وارضيات سابقـه . ولا دا مش عملي .؟؟ .؟ وهل هناك طريقــه اخــري او نوع من السيراميك يلتصق علي القديم .

ولو مش ممكن هل لازم اشيل البلاط القديم جدران وارضيات .؟؟

سؤالي عن الفرز الاول كم سعر المتر مقاس 20 * 20 من الانواع المتوسطــه . وكم سعر تبديل السيراميك القديم بالجديد مصنعيـه مع نقل المخلفات .

شاكر لك وتقبل تحياتي وتقديري
تستغرق مناقشة المسائل التافهة وقتاً طويلاً لأن بعضنا يعرف عنها أكثر مما يعرف عن المسائل الهامة

#6 eygptianmido

eygptianmido

    new Member

  • MemberN
  • Pip
  • 7 مشاركة

تاريخ المشاركة 29 April 2008 - 09:41 PM

بداية بعد السلام والتحية
بالنسبة للزق السيراميك على السيراميك لا طبعا مش ممكن حتى وان ظهرت مواد لاصقة جيدة او مش جيدة من الاحسن انك تشيل الشغل القديم بواسطة نحات وهتلاقيهم كتار فى سوق العمالة اما بانسبة للاسعار للفرز الاول للبلاطة 20فى 20 بالتقريب 25 وبيختلف السعر من ماركة لماركة ومن الشكل لشكل اما بالنسةلسعر عملية التبديل على حسب الاتفاق مع العامل النحات وياريت تظبطة اكل وشرب وسجاير علشان الناس دية بتتعب وخد بالك اثناء التركيب ركز على الوزنة وتقفيل العرانيس وكذالك تشطيب الشغل بحيث مايبقاش فى فراغات

#7 قديم

قديم

    Advanced Member

  • Members
  • PipPipPipPipPip
  • 602 مشاركة
  • النوع:ذكر
  • المكان:الرياض

تاريخ المشاركة 29 April 2008 - 11:17 PM

eygptianmido

لاسعار للفرز الاول للبلاطة 20فى 20 بالتقريب 25 وبيختلف السعر من ماركة لماركة ومن الشكل لشكل


يعطيك العافيــه ومعلومات مفيــده لامثالي. وحقيقي يا استاذ eygptianmido اسمحي لي استرسل معاك شوي في بعض الاسئلــه .. لاننا مش من مصـر وانزل مصــر اوقات متفرقــه ومدد قصــيره .

وبالتالي سؤالي فين المحلات وهل هناك سوق مثل العتبــه او...او .. للبلاط او دا حسب معرض الشركــه .

السؤال الثاني

بالنسةلسعر عملية التبديل على حسب الاتفاق مع العامل النحات وياريت تظبطة اكل وشرب وسجاير علشان الناس دية بتتعب وخد بالك اثناء التركيب ركز على الوزنة وتقفيل العرانيس وكذالك تشطيب الشغل بحيث مايبقاش فى فراغات


انا عايز سعر تقريبي وليس دقيق .. لانني ادرك ان اسعار المعلميــن تتفاوت في المهاره . فكم السعر التقريبي .

وفين الاقي المعلم الماهــر . عايز معلم بلاط وجبس .؟

مره اخـــــــــري تقبل مودتــي مع وافــــر الشكر والتقديــر

تم التعديل بواسطة قديم, 29 April 2008 - 11:21 PM.

تستغرق مناقشة المسائل التافهة وقتاً طويلاً لأن بعضنا يعرف عنها أكثر مما يعرف عن المسائل الهامة

#8 se_ Elsyed

se_ Elsyed

    Super Member

  • Members
  • PipPipPipPipPipPip
  • 25138 مشاركة
  • النوع:ذكر

شريط الأوسمة:

الأعضاء الحاصلين على أوسمة

تاريخ المشاركة 30 April 2008 - 08:36 AM

وبالتالي سؤالي فين المحلات وهل هناك سوق مثل العتبــه او...او .. للبلاط او دا حسب معرض الشركــه .


بعد إذن المعلم ميدو ... سيب لي أنا الطلعة دي أرد عالراجل الطيب قديم ده

بص يا عم قديم

انا ما اعرفش إنت عايش فين في مصر

لكن بشكل عام

أجدع سوقين للسيراميك في مصر واسعارةم مناسبة هما :

1- شارع الفجالة ... في منطقة رمسيس ... بس ده يمكن غالي شوية عشان مستوى إيجارات او سعر المحلات هناك والتكاليف العالية عليهم ..

2- سوق المُهاجرين .. في منطقة زهراء عين شمس قريباً من محطة الجراج في شارع جسر السويس ... وده تجمع إتخلق كده من 5 سنوات تقريباً وهناك هاتلاقي توكيلات كل شركات السيراميك في مصر وأسعارها جيده جداً جداً ... وتتميز بتنوع الجودة ... يعني مش كل الناس عندها المقدرة إنها تشتري فرز أول .. فبتلاقي الفرز الثاني والثالث وما إلى لك متوفر هناك وممكن على فكرة لو محل كويس وسمعته كويسة يرشح لك صنايعي كويس على ضمانته .


وخد المعلومة دي هدية من اخوك س س ... لو حبيت تشتري رخام بجودة عالمية وبأشعار مغرية ... يبقى عليك وعلى سوق الرخام الأول في الوطن العربي بدون مبالغة وهو سوق " شق التعبان " إسمه كده ما تستغربش .. وده في مصر القديمة قرب منطقة السيدة عائشة ودول مئات من ورش الرخام ورثوا الموضوع أباً عن جد ومتخصصين فيه .


أي خدمة يا ريس ..
الأحـــرار يؤمنون بمن معه الحق ..
و العبيــد يؤمنون بمن معه القوة ..
فلا تعجب من دفاع الأحرار عن الضحية دائماً ..
و دفاع العبيد عن الجلاد دائماً

#9 moab

moab

    Member

  • Members
  • PipPipPip
  • 50 مشاركة
  • النوع:ذكر

تاريخ المشاركة 30 April 2008 - 10:37 AM

مشرفنا الغالي سي السيد
من الواضح إن عندك خبرة كبيرة في موضوع التشطيبات ،لذلك اسمحلي أسألك عن حاجتين بما إني ناوي أشطب عن قريب إن شاء الله :
أولاً : سعر رخام كرارة الإيطالي تقريباً كام المتر ؟ وهل في حاجة أفضل من كده ويكون سعرها معقول ؟
ثانياً : سعر متر الباركيه كام تقريباً ؟ باركيه أرو مسمار
شاكر أفضالك مقدماً

#10 se_ Elsyed

se_ Elsyed

    Super Member

  • Members
  • PipPipPipPipPipPip
  • 25138 مشاركة
  • النوع:ذكر

شريط الأوسمة:

الأعضاء الحاصلين على أوسمة

تاريخ المشاركة 30 April 2008 - 11:16 AM

مشرفنا الغالي سي السيد
من الواضح إن عندك خبرة كبيرة في موضوع التشطيبات ،لذلك اسمحلي أسألك عن حاجتين بما إني ناوي أشطب عن قريب إن شاء الله :
أولاً : سعر رخام كرارة الإيطالي تقريباً كام المتر ؟ وهل في حاجة أفضل من كده ويكون سعرها معقول ؟
ثانياً : سعر متر الباركيه كام تقريباً ؟ باركيه أرو مسمار
شاكر أفضالك مقدماً


والله يا باشا أنا أعمل خارج مصر

وزي مانت عارف الأسعار كل يوم بتتغير يعني لو قلت لك سعر الصيف الماضي هايبقى لا يُقاس عليه

لكن ممكن اخونا ميدو المصري بصفته إيده في الموضوع ده يقولك عالأسعار الحالية ...
الأحـــرار يؤمنون بمن معه الحق ..
و العبيــد يؤمنون بمن معه القوة ..
فلا تعجب من دفاع الأحرار عن الضحية دائماً ..
و دفاع العبيد عن الجلاد دائماً

#11 moab

moab

    Member

  • Members
  • PipPipPip
  • 50 مشاركة
  • النوع:ذكر

تاريخ المشاركة 30 April 2008 - 01:05 PM

ألف شكر ليك مشرفنا العزيز
وبانتظار الرد من أخونا الكريم ميدو المصري




0 عضو (أعضاء) يشاهدون هذا الموضوع

0 الأعضاء, 0 الزوار, 0 مجهولين


زار هذا الموضوع 15 عضو


    , , , , abobakr, buhana, capitshino, dongol, EslamMoussa, moataz, mogacomedy, nana, noureymo, OrionNebula, rekaa

Free counter and web stats