إنتقال للمحتوى


صورة
- - - - -

عايزنصيحة لوجه الله من كل مصري بيشتغل في السعودية


  • من فضلك قم بتسجيل الدخول للرد
18 رد (ردود) على هذا الموضوع

#1 wansawansa

wansawansa

    Member

  • Members
  • PipPipPip
  • 84 مشاركة

تاريخ المشاركة 29 December 2007 - 03:50 AM

بسم الله الرحمن الرحيم


أنا صيدلي مصري شغال بدولة قطر من سنة تقريبا وبصراحة مش قادر أكمل في قطر لأن الأسعار مرتفعة جدا والإيجارات شيئ خيالي يعني غرفة وصالة 5000 ريال أقل حاجة ( الريال القطري = الريال السعودي = جنيه ونص مصري ) وتكاليف المعيشة عموما مرتفعة جدا والبلد تخنق بصراحة فقررت بعد الإستخارة وسؤال الأصدقاء الإنتقال إلى السعودية إن شاء الله والبحث عن عمل هناك كمندوب دعاية لشركة أدوية وإخترت جدة بالتحديد لقربها من مكة أولا ولتميز الحياة الإجتماعية فيها ثانيا خصوصا أني متزوج ولرخص تكاليف المعيشة والسكن ثالثا , وإقترح علي واحد زميلي إني أدور على فيزا صيدلي للسعودية وهي تكلف تقريبا 20000 ( 20 ألف ريال سعودي ) و بعدها أخلص إجراءات الكشف الطبي في مصر ودي بتخلص في حوالي 3 أسابيع وبعدها إن شاء الله أنزل السعودية أخلص باقي الإجراءات وأبدأ أدور على شغل وغالبا إن شاء الله حلاقي شغل في شركة أدوية في خلال شهر أو إتنين تقريبا لأن شركات الأدوية بتحتاج دايما مندوبي أدوية ولأن السعودية عموما وجدة خصوصا سوق كبير ولأن في نقص في فيزا الصيدلي في السعودية لأن كل شركة بيكون ليها عدد معين من التأشيرات واللي غالبا لا يلبي الحاجة الحقيقية للشركات خصوصا إن السعودية بعدد معين كل سنة للتأشيرات.
أنا عارف إن 20 ألف ده رقم كبير بس أنا حسبتها لقيت إني لوفكرت أحج إن شاء الله الموسم الجاي من قطر مش حدفع أقل من 15 الف ريال يعني تقريبا هي هي بل بالعكس أنا مش ضامن إني أطلع لأنهم بيسمحوا بعدد قليل جدا من قطر .

وتساؤلاتي هي :

1) هل كل الكلام اللي أنا كاتبه يعكس الصورة الحقيقية للعمل بالسعودية ولا الموضوع ليه أبعاد تانية أنا مش شايفها ؟؟؟
2) حد يعرف مكتب ثقة شغال في موضوع الفيزا ده يسألنا تكلف كام ولو مضمون وسعره حنين شوية أشتريها منه ؟؟؟ وبعد صدور الفيزا من السفارة في مصر ما هي إجراءات إستكمال الإقامة في السعودية وبتكلف كام تقريبا وبتاخد وقت قد إيه ؟؟؟
3) هل يجوز الدمج بين إقامتين ( إقامة قطر والسعودية ) على نفس جواز السفر ولا أكنسل إقامة قطر ( مع إني عايز أخليها محدش ضامن الظروف يمكن أرجع تاني ) ولا أعمل جواز سفر جديد وأعمل عليه إقامة السعودية ؟؟؟
4) حد عنده فكرة عن الإجراءات والاوراق المطلوبة لشحن سيارتي لجدة ؟؟؟
5) لو شحنت سيارتي من قطر لجدة بأرقام تصدير بإسم زميل ليا في جدة هل من حقه يحط عليها لوحات السعودية ويسوقها وأنا بعد ما أعمل الإقامة إن شاء الله أنقلها بإسمي ولا حيرفضوا ؟؟؟
6) هل يجوز إستبدال رخصة القيادة القطرية بالرخصة السعودية ولا لازم إختبار برضه ؟؟؟
7) هل إجراءات إستقدام الزوجة والبنت بتاخد وقت طويل بعد إصدار الإقامة إن شاء الله ؟؟؟
8) بعد شراء الإقامة إن شاء الله وبفرض أني لقيت شغل بإذن الله المفروض إني أحول إقامتي على الشركة الجديدة هل الإجراء ده يستلزم السفر لمصر مرة تانية وإجراءات تانية أو كشف طبي تاني ولا ممكن داخل السعودية تتم كل الإجراءات ؟؟؟
9) وده إجراء شاغلني جدا ومش قادر أفهم الآلية اللي بتحكمه وهو :
دلوقتي الناس بتقول إشتري فيزا للسعودية علشان مشاكل الكفيل وعلشان بعدها محدش يحقله يطلعني من السعودية إلا الكفيل الأول اللي أنا شاري منه طيب كويس وبيقولوا كمان في عجز في الفيز برضوا تمام السؤال بقى إزاي أنقل كفالتي من الشركة الأولانية اللي إشتريت منها الإقامة على الشركة الجديدة اللي المفروض إن شاء الله إني حشتغل فيها مع وجود أزمة في الفيز يعني ممكن الشركة اللي حشتغل فيها ميكنش عندها فيز فاضية ولا وجود الفيزا حاجة ونقل الكفالة حاجة تانية ؟؟؟
10) سمعت إنه لازم يمر سنة على إقامتي في السعودية على كفالة الكفيل الأول قبل نقل الكفالة لأي شركة تانية هل الإجراء ده مطبق على الكل ولا ممكن يستثنى منهالشهادات العليا ( كشهادة بكالوريوس الصيدلة ) و لو مطبق على الكل هل له حل أو إستثناء ؟؟؟
11) هل العثور على شقة سهل في جدة وكم يكلف في السنة لو مثلا غرفتين وصالة ؟؟؟ وإيه احسن المناطق اللي أدور فيها


إعذروني للإطالة والاسالة الكتيرة دي بس والله لأني مش عارف راسي من رجلي ومش عايز ينضحك عليا خصوصا إني قريت عن قصص نصب للركب في موضوع الفيز ده ولأني فعلا محتاج نصيحة خالصة لوجه الله من إخواني المقيمين في السعودية وعايز أستفيد من خبرتهم بالنسبة للموضوع ده وشكرا


#2 se_ Elsyed

se_ Elsyed

    Super Member

  • Members
  • PipPipPipPipPipPip
  • 25138 مشاركة
  • النوع:ذكر

شريط الأوسمة:

الأعضاء الحاصلين على أوسمة

تاريخ المشاركة 29 December 2007 - 09:07 AM

فيزا بـ 20 ألف ريال ؟!!!!

أول مرة أسمع كده ... وبالمناسبة في الأخرها تلاقيها بمهنة ... لا مؤخذه في الكلمة ... هفأ .. يعني مبيض محارة او سائق خاص او طباخ .... أنا لا أعيب على تلك المهن أو الأشخاص اللي بيشتغلوها .. بل بالعكس لهم كل الإحترام ... بل اعيب على دكتور يطلع يشتغل وفي أوراقه الرسمية مكتوبة تلك المهنة وتفضل لازقه فيه وما يقدرش يغيرها وما يقدرش حتى يستقدم أسرته عشان تعيش معاه .. وخلي بالك ما فيش حاجه إسمها أغير مهنتي لدكتور مثلاً بالكتير قوي تقدر تغيرها بعد ما تدفع مبلغ وقدره إلى " مندوب مبيعات

على فكرة في أهرام الأمس شركة النهدي الطبية وهي إن اكبر الشركات التي تمتلك مجموعة صيدليات في السعودية كانت طالبة صيادلة بخبرة سنة على الأقل والسن لا يزيد عن 30 عام .


2) حد يعرف مكتب ثقة شغال في موضوع الفيزا ده يسألنا تكلف كام ولو مضمون وسعره حنين شوية أشتريها منه ؟؟؟ وبعد صدور الفيزا من السفارة في مصر ما هي إجراءات إستكمال الإقامة في السعودية وبتكلف كام تقريبا وبتاخد وقت قد إيه ؟؟؟


كل اللي إنت بتقوله ده لا يتوفر إلا في محلات السباكة او المؤسسات اللي عالرصيف ... دي حقيقة وما فيش شركة أو مؤسسة محترمة بتبيع تأشيرات .


3) هل يجوز الدمج بين إقامتين ( إقامة قطر والسعودية ) على نفس جواز السفر ولا أكنسل إقامة قطر ( مع إني عايز أخليها محدش ضامن الظروف يمكن أرجع تاني ) ولا أعمل جواز سفر جديد وأعمل عليه إقامة السعودية ؟؟؟


ما فيش مشكلة يكون عندك إقامتين من دولتين خليجيتين مختلفتين .

4) حد عنده فكرة عن الإجراءات والاوراق المطلوبة لشحن سيارتي لجدة ؟؟؟


صديقك هو اللي المفروض يعمل الأوراق دي كأوراق إستيراد سيارة ... وبالمناسبة الاجنبي لما بيستورد سيارة بيبقى فيه رسوم جمركية في حدود 5 % من قيمية السيارة ومش مسموح له يبيعها خلال أول عامين ... أحسن لك إشتري من السعودية لما تيجي الأسعار مناسبة جداً وأسهل من وجع الدماغ .


) هل يجوز إستبدال رخصة القيادة القطرية بالرخصة السعودية ولا لازم إختبار برضه ؟؟؟


الإختبار لابد منه ... بس سهلة وهاتعدي إن شاء الله .


8) بعد شراء الإقامة إن شاء الله وبفرض أني لقيت شغل بإذن الله المفروض إني أحول إقامتي على الشركة الجديدة هل الإجراء ده يستلزم السفر لمصر مرة تانية وإجراءات تانية أو كشف طبي تاني ولا ممكن داخل السعودية تتم كل الإجراءات ؟؟؟


نزولك لمصر لابد منه وما فيش حاجه إسمها تشتري فيزا بس يبقى مصدرها قطر ... تيجي إزاي ؟ كل اللي عنده تأشيرات مصريين بيبقى جهة قدوم الموظف هي بلده .. يعني لازم ترجع مصر .



10) سمعت إنه لازم يمر سنة على إقامتي في السعودية على كفالة الكفيل الأول قبل نقل الكفالة لأي شركة تانية هل الإجراء ده مطبق على الكل ولا ممكن يستثنى منهالشهادات العليا ( كشهادة بكالوريوس الصيدلة ) و لو مطبق على الكل هل له حل أو إستثناء ؟؟؟


لازم تكمل سنة إن شالله لو مهنتك إيه حتى


11) هل العثور على شقة سهل في جدة وكم يكلف في السنة لو مثلا غرفتين وصالة ؟؟؟ وإيه احسن المناطق اللي أدور فيها


السكن على قفا من يشيل بس تعالى أنت


وخد يا عم السايت ده وعيش بقى في الوظايف ولا بإذن الله تضطر تشتري فيزة سباك ولا دياوله

وظائف بالخليج
الأحـــرار يؤمنون بمن معه الحق ..
و العبيــد يؤمنون بمن معه القوة ..
فلا تعجب من دفاع الأحرار عن الضحية دائماً ..
و دفاع العبيد عن الجلاد دائماً

#3 أسد

أسد

    Super Member

  • مشرف عام
  • PipPipPipPipPipPip
  • 5257 مشاركة
  • النوع:ذكر
  • المكان:KSA

تاريخ المشاركة 29 December 2007 - 09:14 AM

) هل كل الكلام اللي أنا كاتبه يعكس الصورة الحقيقية للعمل بالسعودية ولا الموضوع ليه أبعاد تانية أنا مش شايفها ؟؟؟
2) حد يعرف مكتب ثقة شغال في موضوع الفيزا ده يسألنا تكلف كام ولو مضمون وسعره حنين شوية أشتريها منه ؟؟؟ وبعد صدور الفيزا من السفارة في مصر ما هي إجراءات إستكمال الإقامة في السعودية وبتكلف كام تقريبا وبتاخد وقت قد إيه ؟؟؟

الكلام اللي انتي كاتبه صحيح في أغلبه
أما انك تلاقي فيزا بمهنة صيدلي وبعدين الكفيل يتركك تبحث عن عمل ، فهذا هو الأمر الخيالي تقريباً .. لأن من متطلبات إستخراج فيزة صيدلي أن يكون الكفيل صاحب صيدلية أو مستودع أدوية أو شركة أدوية ، وهؤلاء كما ذكرت أنت في موقع آخر من مداخلتك تصدر لهم تأشيرات أقل من إحتياجاتهم ، وبالتالي فلن يفرط فيها.

3) هل يجوز الدمج بين إقامتين ( إقامة قطر والسعودية ) على نفس جواز السفر ولا أكنسل إقامة قطر ( مع إني عايز أخليها محدش ضامن الظروف يمكن أرجع تاني ) ولا أعمل جواز سفر جديد وأعمل عليه إقامة السعودية ؟؟؟


لا يجوز الجمع بين إقامتين لدول مجلس التعاون الخليجي مع بعض ، ويجب إلغاء إحداهما

) حد عنده فكرة عن الإجراءات والاوراق المطلوبة لشحن سيارتي لجدة ؟؟؟
5) لو شحنت سيارتي من قطر لجدة بأرقام تصدير بإسم زميل ليا في جدة هل من حقه يحط عليها لوحات السعودية ويسوقها وأنا بعد ما أعمل الإقامة إن شاء الله أنقلها بإسمي ولا حيرفضوا ؟؟؟

مسألة شحن السيارة ، سهل ، لا أعرف الإجراءات بالتفصيل ، ولكنها إجراءات غير معقدة ، ويمكنك تصديرها بإسم أحد أصدقاؤك ، وسيمكنه تسجيلها في السعودية باسمه ، ولكنه لن يتمكن من نقل ملكيتها إلى شخص آخر ، ولا حتى أنت قبل عامين. وبيع سيارتك في قطر ، وشراء أخرى في السعودية هو حل أفضل ، إلا إذا كانت سيارتك جديدة تماماً.


6) هل يجوز إستبدال رخصة القيادة القطرية بالرخصة السعودية ولا لازم إختبار برضه ؟؟؟

أعتقد أنه تحتاج لاستبدال الرخصة فقط دون إختبار



7) هل إجراءات إستقدام الزوجة والبنت بتاخد وقت طويل بعد إصدار الإقامة إن شاء الله ؟؟؟


زيارة واحدة لمكتب الإستقدام وأوراقك مكتملة كافية لإنهاء الإجراء ، ثم زيارة أخرى للخارجية للحصول على التأشيرة .. الإجراء سهل كونك صيدلي.


8) بعد شراء الإقامة إن شاء الله وبفرض أني لقيت شغل بإذن الله المفروض إني أحول إقامتي على الشركة الجديدة هل الإجراء ده يستلزم السفر لمصر مرة تانية وإجراءات تانية أو كشف طبي تاني ولا ممكن داخل السعودية تتم كل الإجراءات ؟؟؟


لازم تسافر مصر وتعمل الكلام ده من هناك

وده إجراء شاغلني جدا ومش قادر أفهم الآلية اللي بتحكمه وهو :
دلوقتي الناس بتقول إشتري فيزا للسعودية علشان مشاكل الكفيل وعلشان بعدها محدش يحقله يطلعني من السعودية إلا الكفيل الأول اللي أنا شاري منه طيب كويس وبيقولوا كمان في عجز في الفيز برضوا تمام السؤال بقى إزاي أنقل كفالتي من الشركة الأولانية اللي إشتريت منها الإقامة على الشركة الجديدة اللي المفروض إن شاء الله إني حشتغل فيها مع وجود أزمة في الفيز يعني ممكن الشركة اللي حشتغل فيها ميكنش عندها فيز فاضية ولا وجود الفيزا حاجة ونقل الكفالة حاجة تانية ؟؟؟
10) سمعت إنه لازم يمر سنة على إقامتي في السعودية على كفالة الكفيل الأول قبل نقل الكفالة لأي شركة تانية هل الإجراء ده مطبق على الكل ولا ممكن يستثنى منهالشهادات العليا ( كشهادة بكالوريوس الصيدلة ) و لو مطبق على الكل هل له حل أو إستثناء ؟؟؟


موضوع مرور سنة ده القانون بيقول كده ، لكن محلولة .. بتمشي في معظم الأحوال

أما النقطة رقم (9) أعتقد إن السؤال فيها مش واضح لعدم إستيعابك للأمر بشكل دقيق ، أولاً كما قلت لك فيه صعوبة شوية في الفيز ، وخصوصاً ما يسمونها بالحرة أي التي يتاجر فيها الأفراد ، وغالباً دي بتكون بمن بسيطة للعمالة والعمالة الفنية أما الصيادلة فشبه مستحيل أن تجد فيزا بتلك المواصفات. أما عن إنه محدش يقدر يطلعك غير الكفيل الأول فده غير صحيح .. عند إنهاء التعاقد من حق الكفيل الحالي أن يسفرك ، إلا إذا كان هناك نص في العقد يمنعه من ذلك (أي عقد العمل بينك وبينه) كأن يكون هناك شرطاً بأن ينقل كفالتك في حالة إنتهاء العقد ، وده له ضوابط أيضاً.
ووضع الكفيل في السعودية واضح المعالم تماماً وليس فيه أي لبس ، مشابه لما هو في باقي دول الخليج ، ولكنه الأصعب والأكثر تعقيداً على الموظف.

أما موضوعالسكن فهو سهل ، ويمكنك الحصول على سكن مناسب في جده ابتداء من مبلغ 15000 ريال سنوياً يصل إلى أي مبلغ يمكنك تصوره حسب مستوى السكن الذي ستختاره



ونصيحتي أن تبحث عن عقد عمل مستقر أفضل .. لأنه لو حضرت للسعودية بفيزا بمهنة أخرى غير صيدلي ، لن يمكنك تغيير المهنة إلى صيدلي أبداً ...
ومن يقول لك غير ذلك يغشك ...


مع تمنياتي لك بالتوفيق

في القصص الرومانسية القديمة .. يكتب المحب رسالة حب .. ويضعها في زجاجة .. ويرمي الزجاجة في البحر .. لا يهم من سيقرأها .. لا يهم هل ستصل إلي حبيبته أم لا .. بل كل المهم .. أنه يحبها ..
وتاني .. تاني .. تاني .. بنحبك يامصر .. ...

 

1098001_10201123442142392_1045621117_n.j


‎"إعلم أنك إذا أنزلت نفسك دون المنزلة التي تستحقها ، لن يرفعك الناس إليها ، بل أغلب الظن أنهم يدفعونك عما هو دونها أيضا ويزحزحونك إلى ماهو وراءها لأن التزاحم على طيبات الحياة شديد"

(من أقوال المازني في كتب حصاد الهشيم)
 


#4 MZohairy

MZohairy

    Super Member

  • Members
  • PipPipPipPipPipPip
  • 8987 مشاركة
  • النوع:ذكر
  • المكان:Zamalek Cairo / Vancouver
  • الإهتمامات:الموسيقى والملاكمة

تاريخ المشاركة 29 December 2007 - 09:39 AM

3) هل يجوز الدمج بين إقامتين ( إقامة قطر والسعودية ) على نفس جواز السفر ولا أكنسل إقامة قطر ( مع إني عايز أخليها محدش ضامن الظروف يمكن أرجع تاني ) ولا أعمل جواز سفر جديد وأعمل عليه إقامة السعودية ؟؟؟


والله انا جمعت بين اقامة سلطنة عمان و السعوديه و دخلت السعوديه 3 مرات بعد حصولي على إقامة عمان و محدش قاللي حاجه
والله اعلم

Vouloir, c'est pouvoir

اذا كنت لا تقرأ الا ما يعجبك فقط فإنك لن تتعلم ابدا


Merry Chris 2 all Orthodox brothers
Still songs r possible


#5 amrhoras

amrhoras

    Advanced Member

  • Members
  • PipPipPipPipPip
  • 1357 مشاركة
  • النوع:ذكر
  • المكان:مصر

تاريخ المشاركة 29 December 2007 - 09:53 AM

) لو شحنت سيارتي من قطر لجدة بأرقام تصدير بإسم زميل ليا في جدة هل من حقه يحط عليها لوحات السعودية ويسوقها وأنا بعد ما أعمل الإقامة إن شاء الله أنقلها بإسمي ولا حيرفضوا ؟؟؟



شحن السياره


يجب ان يكون عن طريق شركة لاستيراد السيارات كى تستوفى اختامها عند اتمام الملكيه ويمكنك ايضا شحنها باسم احد الاصدقاء وتدفع رسوم الى اى شركة سيارات كى تقوم بالختم على البطاقة الجمركيه والتى عن طريقها يتم استخراج استمارة السيارة طبعا بعد استوفاء كافة الاجراءات من فحص دورى لو كانت السياره موديل قديم . ومواصفات ومقاييس الى اخره .

اما بالنسبه لملكية السياره . لا اعلم انما ما اعرفه ان عند شراء المغترب لسياره ما يجب موافقة الكفيل بانه لامانع من امتلاك السياره . او هناك بعض المعقبين الذين يمكنهم اتمام الاوراق دون موافقة كفيل ب 500ريال فقط .

اعذرنى فانا لست على دراية بالسيارات الصغيره . لكن اللى يمشي ع الكبير يمشي على الصغير. :)

ولنا تكمله انشا الله تعالى

الدنيا يومان

يوم لك ويوم علبك

فافعل ماشئت

لكن تذكر

كما تدين تدان


#6 se_ Elsyed

se_ Elsyed

    Super Member

  • Members
  • PipPipPipPipPipPip
  • 25138 مشاركة
  • النوع:ذكر

شريط الأوسمة:

الأعضاء الحاصلين على أوسمة

تاريخ المشاركة 29 December 2007 - 10:07 AM

والله انا جمعت بين اقامة سلطنة عمان و السعوديه و دخلت السعوديه 3 مرات بعد حصولي على إقامة عمان و محدش قاللي حاجه
والله اعلم


وهذا ما يحدث مع كل موظفي شركتنا اللي شغالين في الاماارات بالذات وكلهم معاهم الإقامتين من سنوات طويلة وحتى الان بدون أي مشاكل ...
الأحـــرار يؤمنون بمن معه الحق ..
و العبيــد يؤمنون بمن معه القوة ..
فلا تعجب من دفاع الأحرار عن الضحية دائماً ..
و دفاع العبيد عن الجلاد دائماً

#7 wansawansa

wansawansa

    Member

  • Members
  • PipPipPip
  • 84 مشاركة

تاريخ المشاركة 29 December 2007 - 10:19 AM

thanks alot for the quick response from se-elsayes , asad , mzohiry and amrhoras
i cant post a reply now because my office laptop does not support arabic language so be patienet i.ll be back after 3 hours insha2alah
thaaaaaaaanks alot again

#8 vipwithyou

vipwithyou

    Advanced Member

  • Members
  • PipPipPipPipPip
  • 1253 مشاركة
  • النوع:ذكر
  • المكان:مصر ام الدنيا

تاريخ المشاركة 29 December 2007 - 10:30 AM

[b]

بسم الله الرحمن الرحيم


أنا صيدلي مصري شغال بدولة قطر من سنة تقريبا وبصراحة مش قادر أكمل في قطر لأن الأسعار مرتفعة جدا والإيجارات شيئ خيالي يعني غرفة وصالة 5000 ريال أقل حاجة ( الريال القطري = الريال السعودي = جنيه ونص مصري ) وتكاليف المعيشة عموما مرتفعة جدا والبلد تخنق بصراحة فقررت بعد الإستخارة وسؤال الأصدقاء الإنتقال إلى السعودية إن شاء الله والبحث عن عمل هناك كمندوب دعاية لشركة أدوية وإخترت جدة بالتحديد لقربها من مكة أولا ولتميز الحياة الإجتماعية فيها ثانيا خصوصا أني متزوج ولرخص تكاليف المعيشة والسكن ثالثا , وإقترح علي واحد زميلي إني أدور على فيزا صيدلي للسعودية وهي تكلف تقريبا 20000 ( 20 ألف ريال سعودي ) و بعدها أخلص إجراءات الكشف الطبي في مصر ودي بتخلص في حوالي 3 أسابيع وبعدها إن شاء الله أنزل السعودية أخلص باقي الإجراءات وأبدأ أدور على شغل وغالبا إن شاء الله حلاقي شغل في شركة أدوية في خلال شهر أو إتنين تقريبا لأن شركات الأدوية بتحتاج دايما مندوبي أدوية ولأن السعودية عموما وجدة خصوصا سوق كبير ولأن في نقص في فيزا الصيدلي في السعودية لأن كل شركة بيكون ليها عدد معين من التأشيرات واللي غالبا لا يلبي الحاجة الحقيقية للشركات خصوصا إن السعودية بعدد معين كل سنة للتأشيرات.
أنا عارف إن 20 ألف ده رقم كبير بس أنا حسبتها لقيت إني لوفكرت أحج إن شاء الله الموسم الجاي من قطر مش حدفع أقل من 15 الف ريال يعني تقريبا هي هي بل بالعكس أنا مش ضامن إني أطلع لأنهم بيسمحوا بعدد قليل جدا من قطر .

أحاول أرد على حضرتك واحدة واحدة اللى أقدر عليه
اذا كان الايجار 5000 درهم دة ايجار شهرى يبقى حاجة خياليه فى حالة سعر العملة الذى اشرت اليه !!
ثم مبلغ الـ 20000 ريال دة مش كبير ابدا ً على فيزا ( صيدلى ) لكن المهم فعلا هى المهنه التى ستكون عليها التأشيرة حتى تتمكن من الاستقدام وهذا ما انا في دوامته الآن حيث كنت أعمل فى السعودية محاسب لكن بمهنة عامل وتأكيدا لكلام الأستاذ أسد هناك صعوبة كبيرة جدا فى تغيير المهنه وخصوصا منذ عامين فقط وخصوصا كمان لصيدلى ولأنى كنت أعمل لدى كفيلى الأول فطبعاً الوضع كان غير مرضى لذا الآن الحمد لله بعد عناء اشتريت فيزا حرة بمهنة مدير تسويق وتكلفتها حوالى 26000 حـ بعد ان دخت شهر مع احدى مكاتب النصب وراء فيزا حرة بمهنه محاسب لكن فى الآخر اتضح ان مفيش فيزا وكانوا واخدين فلوسى بيلعبوا بيها فمبلغ الفيزا الـ 20 الف ريال اذا كان بمهنه كويسة تستقدم أكيد مش كبير دا اولا


وتساؤلاتي هي :

1) هل كل الكلام اللي أنا كاتبه يعكس الصورة الحقيقية للعمل بالسعودية ولا الموضوع ليه أبعاد تانية أنا مش شايفها ؟؟؟

كلامك مظبوط جدا واقتراح صديقك شراء الفيزا اقتراح جيد وفرصة عمل مندوبين الأدوية أعتقد انها جيدة فى السعودية

2) حد يعرف مكتب ثقة شغال في موضوع الفيزا ده يسألنا تكلف كام ولو مضمون وسعره حنين شوية أشتريها منه ؟؟؟ وبعد صدور الفيزا من السفارة في مصر ما هي إجراءات إستكمال الإقامة في السعودية وبتكلف كام تقريبا وبتاخد وقت قد إيه ؟؟؟

لا تثق فى أى مكتب فى مصر وياريت تجيب الفيزا اما من السعودية ويكون حد ضامنها او من اى مكان اخر لكن مصر بصراحة لا انصحك بالتعامل معهم وفى حالة حصولك على الفيزا من السعودية فعلا يقوم الكفيل بارسال الوكاله باسم احد المكاتب التى تتفق معه فى مصر على انهاء الاجراءات لك وتتراوح التكلفة فى المكتب ما بين 500 الى 800 حـ انت وشطارتك مع المكتب لكن برضوا يكون مكتب تعرفه ويكون كلامك معاه قبل الاتفاق حازم اى انك تقول لك انك هتجيب له الوكالة يوم كذا ويقوم بتوثيقها فى كذا ويدخلها الصفارة يوم كذا وتستلم يوم كذا ودا عن خبرة مع الكلام الفاضى بتاع المكاتب

3) هل يجوز الدمج بين إقامتين ( إقامة قطر والسعودية ) على نفس جواز السفر ولا أكنسل إقامة قطر ( مع إني عايز أخليها محدش ضامن الظروف يمكن أرجع تاني ) ولا أعمل جواز سفر جديد وأعمل عليه إقامة السعودية ؟؟؟

لدى اقتراح انك تاخد اجازة من قطر مدة 9 شهور ان امكن أو اذا فى زيادة أوكى المهم الاجتفاظ بالتأشيرة سارية
والنزول مصر واستخراج جواز سفر آخر بالمهنه الجديدة وتأخذ عليه تأشيرة السعودية وتسافر بها ويمكنك التنسيق بعد ذلك بين الإثنين لكن لا تخاطر بادخال الجواز القديم للسفارة حتى لا يعوقك وجود تأشيرة قطر السارية عليه


4) حد عنده فكرة عن الإجراءات والاوراق المطلوبة لشحن سيارتي لجدة ؟؟؟

خلى صديقك يسأل عن نفس نوع سيارتك فى السعودية وسعرها وان امكن بيع سيارتك عندك وشراء من هنا وتريح دماغك اذا كان مفيش فرق فى السعر لكن مش عارف الحقيقة الاجراءات

6) هل يجوز إستبدال رخصة القيادة القطرية بالرخصة السعودية ولا لازم إختبار برضه ؟؟؟

اعتقد انك فقط بتدفع رسوم 100 ريال دون اختبار لإستبدال الرخصة وايضاً 75 ريال للرخصة نفسها فقط

7) هل إجراءات إستقدام الزوجة والبنت بتاخد وقت طويل بعد إصدار الإقامة إن شاء الله ؟؟؟

تأكيداً على كلام الأستاذ أسد الاجراءات لا تأخذ وقت نهائى لكن ركز فى موضوع المهنه ولا تصدق اى احد يقول بتدفع 12000 ريال وأستقدم لك اذا كانت مهنتك لا تستقدم لأن دة مش مضمون

8) بعد شراء الإقامة إن شاء الله وبفرض أني لقيت شغل بإذن الله المفروض إني أحول إقامتي على الشركة الجديدة هل الإجراء ده يستلزم السفر لمصر مرة تانية وإجراءات تانية أو كشف طبي تاني ولا ممكن داخل السعودية تتم كل الإجراءات ؟؟؟

حضرتك قلت السفر لمصر مرة تانية معنى كدة انك هتكون خلصت كل الاجراءات فى مصر قبل دخول السعودية ولا يستلزم تغيير العمل اى اجراءات فى مصر ولا حتى نقل الكفالة الذى سيكون بعد مرور عام

9) وده إجراء شاغلني جدا ومش قادر أفهم الآلية اللي بتحكمه وهو :
دلوقتي الناس بتقول إشتري فيزا للسعودية علشان مشاكل الكفيل وعلشان بعدها محدش يحقله يطلعني من السعودية إلا الكفيل الأول اللي أنا شاري منه طيب كويس وبيقولوا كمان في عجز في الفيز برضوا تمام السؤال بقى إزاي أنقل كفالتي من الشركة الأولانية اللي إشتريت منها الإقامة على الشركة الجديدة اللي المفروض إن شاء الله إني حشتغل فيها مع وجود أزمة في الفيز يعني ممكن الشركة اللي حشتغل فيها ميكنش عندها فيز فاضية ولا وجود الفيزا حاجة ونقل الكفالة حاجة تانية ؟؟؟

اعتقد ان استخراج الفيزا بالنسبة لشركة جديدة هو الصعب الآن لكن نقل الكفالة بيكون فرصة للشركة المنقول عليها لأنها بتكون بمثابة فيزا تم استخراجها فعلا وبتاخد نفس المميزات وبيحق لهم كل حقوق الكفيل الأول أو حسب العقد معهم لكن هناك فترة العام الأول يمكنك من خلالها نقل الكفالة للشركة التى ترتاح لها

10) سمعت إنه لازم يمر سنة على إقامتي في السعودية على كفالة الكفيل الأول قبل نقل الكفالة لأي شركة تانية هل الإجراء ده مطبق على الكل ولا ممكن يستثنى منهالشهادات العليا ( كشهادة بكالوريوس الصيدلة ) و لو مطبق على الكل هل له حل أو إستثناء ؟؟؟

ليست هناك مشكلة فى السنه فهى ميزة لك لتختار الأفضل فين ان الشركة الجديدة ستتفهم الوضع لأنه وضع طبيعى الآن فى السعودية لكن لا اعرف ان كان هناك استثناءات ام لا


أستغفر الله الذى لا اله الا هو الحى القيوم وأتوب اليه

#9 أسد

أسد

    Super Member

  • مشرف عام
  • PipPipPipPipPipPip
  • 5257 مشاركة
  • النوع:ذكر
  • المكان:KSA

تاريخ المشاركة 29 December 2007 - 10:52 AM

وهذا ما يحدث مع كل موظفي شركتنا اللي شغالين في الاماارات بالذات وكلهم معاهم الإقامتين من سنوات طويلة وحتى الان بدون أي مشاكل ...


لي صديق يعمل مهندس في إحدي الشركات ، ولهم فرع ملك نفس الكفيل السعودي في الإمارات .. وكان له إقامة في الإمارات إذافة إلى إقامة السعودية ، وتم إستدعاؤه مؤخراً للجوازات وطلبوا منه التنازل على واحدة من الإقامتين ، وطلبوا منه أن يطلب هو التنازل ، لأنهم لا يقومون بإلغاؤها.
هذا ما حدث معه بالضبط ، ولكني لست متأكد من قانونية هذا الإجراء ولكني حسبما فهمت منه أنه لايسمح حالياً بالإستمرار في حمل إقامتين.

ومع ذلك لست متأكداً تماماً ..

في القصص الرومانسية القديمة .. يكتب المحب رسالة حب .. ويضعها في زجاجة .. ويرمي الزجاجة في البحر .. لا يهم من سيقرأها .. لا يهم هل ستصل إلي حبيبته أم لا .. بل كل المهم .. أنه يحبها ..
وتاني .. تاني .. تاني .. بنحبك يامصر .. ...

 

1098001_10201123442142392_1045621117_n.j


‎"إعلم أنك إذا أنزلت نفسك دون المنزلة التي تستحقها ، لن يرفعك الناس إليها ، بل أغلب الظن أنهم يدفعونك عما هو دونها أيضا ويزحزحونك إلى ماهو وراءها لأن التزاحم على طيبات الحياة شديد"

(من أقوال المازني في كتب حصاد الهشيم)
 


#10 wansawansa

wansawansa

    Member

  • Members
  • PipPipPip
  • 84 مشاركة

تاريخ المشاركة 29 December 2007 - 05:42 PM

شكرا جزيلا لسرعة الرد والله انا متوقعتش الرد السريع والتجاوب البناء ده وربنا يبارك فيكم ويوفقكم.

الأخ سي السيد :

هي فيزا صيدلي فعلا وعلشان كده هي غالية يعني 20 ألف مش شوية وده بيكون مكسبهم وده اللي إتأكدت منه من زميلي وده حبيبي يعني مش حيدخلني في متاهات وشكرا لإهتمامك

الأخ سي السيد و أسد :

متشكر جدا جدا جدا جدا جدا جدا جدا على معلومة السيارة لأني كنت حنزلها بإسم زميلي وبعدين أحولها بإسمي كويس إنكم نبهتوني للإجراء ده يبقى بالشكل ده إن شاء الله أحسن حل إني أبيع السيارة في قطر لواحد زميلي ولما أخلص إجراءات الإقامة إن شاء الله وأوصل السعودية أخليه يشحنها بإسمي , مش كده برضه ولا إيه رأيكم خصوصا إنها موديل 2008 وخرجت من الوكالة في 10/2007 يعني لو بعتها أكيد حكون خسران كتير

الأخ mzohairy :

ربنا يطمنك زي ماطمنتني أنا كده إتأكدت إني ممكن إن شاء الله أحافظ على إقامة قطر بدون مشاكل

الأخ vipwithyou وجاري قريبا إن شاء الله :

إقتراحك معقول جدا بخصوص الأجازة بس ده مستحيل لاني شغال قطاع خاص بس فكرة الجوازين ممتازة وده كان نفس إقتراح زميلي في السعودية وحنفذه إن شاء الله

الأخ amrhoras :

حخلي زميلي إن شاء الله يبدا يسأل في مكاتب إستيراد السيارات في السعودية وشكرا للمساعدة

الأخ أسد :

المشكلة فعلا إن السيارة جديدة تماما زي ما كنت كاتب هي موديل 2008 خرجت من الوكالة في شهر 10/2007 فحرام أبيعها بس موضوع ال 5% مطبق على السيارة موديل السنة برضه ولا بتدخل السعودية معفية من الجمارك وتعامل كانها جديدة لأني سمعت إنها للسيارات المستعملة فقط يعني موديل سنتين فاتوا وإنت طالع ؟؟؟؟

يا ريت حد يسالنا في الموضوع ده وربنا يبارك فيكم

وشكرا مرة تانية ودعواتكم


#11 wansawansa

wansawansa

    Member

  • Members
  • PipPipPip
  • 84 مشاركة

تاريخ المشاركة 30 December 2007 - 02:39 AM

ده موقع الجمارك السعودية مكتوب فيع الآتي :

http://www.customs.g.....متها الجمركية

ترسيم السيارات وآلية تحديد قيمتها الجمركية:

إرشادات للمستورد :

المستندات المطلوبة لترسيم السيارات المستوردة :

أولاً/ السيارات الواردة من دول مجلس التعاون لدول الخليج العربية :
1.نموذج تصدير، صادر عن الجهة المختصة (إدارة المرور) بدولة تسجيل السيارة ، أو تقديم مستند براءة ذمة مع دفتر ملكية سارية المفعول من الجهات المختصة ببلد التصدير، للسيارة إذا كانت مستعملة .
2.بيان جمركي من الجمارك بدولة التصدير.
3.إذا كانت السيارة ليست بإسم المستورد ، تقديم وكالة شرعية لم يمضي على إصدارها أكثر من سنة، تعطي حاملها حق التصرف بالسيارة وترسيمها.

آلية تثمين السيارات المستعملة :

1.تحتسب القيمة للأغراض الجمركية وفقاً لقائمة الأسعار الصادرة عن الشركات المصنعة، ويستثنى من ذلك السيارات ذات الأغراض الخاصة والسيارات الأثرية.
2.يتم حسم نسبة الإستعمال وفقاً لسنة الموديل وإضافة قيمة الشحن والتأمين.
3.يكون إسلوب الحسم بشكل شهري حسب عمر السيارة .
4.يؤخذ في الاعتبار تاريخ الإستيراد لتحديد عمر السيارة من حيث عدد السنوات و الأشهر . كما أن سنة الموديل تبدأ مع بداية شهر يناير وتنتهي بنهاية شهر ديسمبر.
5.السيارة التي ترد خلال الستة شهور الأولى من سنة الموديل تعتبر جديدة وليس لها حسم .
6.السيارة التي ترد خلال الستة شهور الأخيرة من سنة الموديل يحسم 2% عن كل شهر أو أجزاؤه .
7.السيارة التي ترد خلال السنة الثانية حتى السنة الخامسة من سنة الموديل ، يحسم 1% عن كل شهر أو أجزاؤه.
8.الحد الأقصى لنسبة الحسم هو 60% من سعر السيارة التي ترد بعد مضي أكثر من خمس سنوات من بداية سنة الموديل .
9.فئة الرسم الجمركي (السيارات السياحية 5% ، الشاحنات 12%) .


معنى الكلام ده إن فيه إعفاء من ال 5% جمارك بحكم إنها حتدخل في أول 6 شهور من موديل السنة ولا أنا فهمي تقيل ؟؟؟ :roseop:

#12 vipwithyou

vipwithyou

    Advanced Member

  • Members
  • PipPipPipPipPip
  • 1253 مشاركة
  • النوع:ذكر
  • المكان:مصر ام الدنيا

تاريخ المشاركة 30 December 2007 - 03:00 AM

ياباشا الأول انا بأبعتلك على الخاص بتطلع لى الرسالة دى

تم إيجاد الأخطاء التالية
هذا العضو قام بإلغاء خاصية إستقبال الرسائل

هذه الرسالة المخزنة لم يتم إرسالها


كنت عايز أقولك خلى والدك يروح بدرى يكون هناك قبل 8.5 ص ويكون معاه الضامن وباقى الـ 12 %
وهيستلم من البنك جواب يوديه الجهاز اللى هو بجوار البنك مباشرة
شكرا
أستغفر الله الذى لا اله الا هو الحى القيوم وأتوب اليه

#13 wansawansa

wansawansa

    Member

  • Members
  • PipPipPip
  • 84 مشاركة

تاريخ المشاركة 30 December 2007 - 04:22 AM

مش عارف الميل فيه إيه أنا مستقبلتش غير رسالة واحدة بس

عموما تشكر يا باشا هو إن شاء الله رايح بدري وعامل حسابه على باقي ال 12% وهو الضامن


#14 vipwithyou

vipwithyou

    Advanced Member

  • Members
  • PipPipPipPipPip
  • 1253 مشاركة
  • النوع:ذكر
  • المكان:مصر ام الدنيا

تاريخ المشاركة 30 December 2007 - 08:57 AM

هو الضامن ازاى هى الأرض باسم مين
متهيألى لو باسمك وهو معاه توكيل منك هتبقى صعبه يكون ضامن متضامن حاول تتأكد ؟؟؟
أستغفر الله الذى لا اله الا هو الحى القيوم وأتوب اليه

#15 se_ Elsyed

se_ Elsyed

    Super Member

  • Members
  • PipPipPipPipPipPip
  • 25138 مشاركة
  • النوع:ذكر

شريط الأوسمة:

الأعضاء الحاصلين على أوسمة

تاريخ المشاركة 30 December 2007 - 11:43 AM

هي فيزا صيدلي فعلا وعلشان كده هي غالية يعني 20 ألف مش شوية وده بيكون مكسبهم وده اللي إتأكدت منه من زميلي وده حبيبي يعني مش حيدخلني في متاهات وشكرا لإهتمامك



السعر عالي جداً وما سمعتوش ولا شوفته في حياتي هنا

ولو أشتغلت عند الناس دي بمهنتك كصيدلي وإنت كنت دافع لهم 20 ألف عشان تشتغل عندهم ... يبقى مس هاتطول كتير وهاتتبدهل عندهم بهدلة ما حدش إتبهدلها ... وخد الكلمة ده ثِقة واطبع الكلمتين دول ولما تيجي هنا أقعد شهرين تلاتة وأبقى قولي ما حصلش يا سين سين والناس طلعوا زي الفُل


يا ناس إزاي أنا رايح أشتغل في شركة وأدفع لهم في الأول مبلغ ممكن أقعد سنة احرت واكافح ومع ذلك لا أوفر مثله ؟!!!!! تيجي إزاي دي ؟؟؟
الأحـــرار يؤمنون بمن معه الحق ..
و العبيــد يؤمنون بمن معه القوة ..
فلا تعجب من دفاع الأحرار عن الضحية دائماً ..
و دفاع العبيد عن الجلاد دائماً




0 عضو (أعضاء) يستعرضون هذا المنتدى

0 أعضاء, 0 زوار, 0 أعضاء متخفين


زار هذا الموضوع 80 عضو


    , , , , , , , , , , , , , , , , , , , , , , , , , , , , , , , , , أم القمر فيصل, Abu Yassin, adrianocrespo, أبو أحمد وعبد الرحمن, ahabaz, ahmadelmihy, ahmedstam, محمد البصيلى, محمد غالي, ALivE, Alrahiem, مشتاقة للوطن, مستر عمرو, مهندس عمرو, الفقير الى الله, ابو الدهب, احمد هريدى, Diab, elkersh cma, elmhamy, engamino, Fabregas, full moon, givara, hazem tawfik, خالد صالح, خالد شحاته, حسام الغرباوي, حسين امبابي, حسنى على, islammmokhtar, Medoo00o, mezo, mohamed ib, mohamedzalaf, mohussein, Nileman, Ostora, سعيد مجدى, سقراط المصري, samehalaa, sayedabomohamad, smsm judo, um bahy, webas, WELL-DONE, YahyaElawady