[أبو مروان]

ما رأيكم فى قانون الحرمان الجديد فى الامارات ؟

اخوانى اعضاء المنتدى الكرام لا يخفى عليكم (خاصة من يعيش فى الامارات) هذا القانون الجديد الذى تم العمل به منذ 1 اكتوبر 2007 فى دولة الامارات العربية المتحدة و الذى يفيد بان لا يحق لاى شخص الانتقال من شركة الى شركة اخرى او من كفيل الى كفيل اخر الى بالحصول على على خطاب عدم ممانعة من كفيله السابق (NOC) والا سوف يتعرض الى الحرمان من العمل فى الدولة لمدة لا تقل عن 6 شهور ولا تزيد عن سنة .... بمعنى انه لو انت مش مرتاح مع كفيلك ... او رافض زيادة راتبك .... او اى سبب اخر ..... ممكن يتسبب لك فى الخروج من البلد حتى لو معاك عائلتك و اولادك فى المدارس ...... هل هذا معقول ؟؟؟ .... ما رأيكم افادكم الله ..

أخوكم :

أبو مروان

[أسد]

هذا هو الأمر الطبيعي في السعودية



ولبعض الوظائف (خاصة الوظائف الطبية) لا يمكن العودة إلىالسعودية حتى بعد مضي أي عدد من السنين مالم يكن معك شهادة عدم ممانعة من الكفيل السابق .. هذا طالما مذكور في سجل خبراتك أنك عملت في السعودية ...

[se_ Elsyed]

أسد, on Nov 10 2007, 08:23 AM, said:

هذا هو الأمر الطبيعي في السعودية



ولبعض الوظائف (خاصة الوظائف الطبية) لا يمكن العودة إلىالسعودية حتى بعد مضي أي عدد من السنين مالم يكن معك شهادة عدم ممانعة من الكفيل السابق .. هذا طالما مذكور في سجل خبراتك أنك عملت في السعودية ...

يا اسد ابو مروان بيتكلم عن حاجه تانية خالص ..

بيتكلم عن عدم ممانعة في الإنتقال من شركة إلى أخرى يعني زي خطاب التنازل عن الكفالة في السعودية كده وده ما كانش موجود على ما أعتقد في الإمارات وكانت هناك حرية كبيرة في الإنتقال من شركة إلى أخرى وكان مكتب العمل بيتدخل هناك لو تعنت الكفيل في نقل الكفالة وبيقفوا بجانب الموظف ..


أما موضوع العودة إلى المملكة مرة ثانية بعد سنتين ما لم تحصل على خطاب عدم ممانعة رسمي من كفيلك السابق فهو يشمل جميع الوظائف لإنه مادة من ضمن مواد قانون العمل ... لكن تعيش إنت يا حاج وكله كلام ولو غيرت الجواز ورجعت وما حدش عرفك أو فتن عليك يبقى الأمور بتمشي والسنتين بيعدوا زي الهوا وماحدش يقدر يعمل حاجه بعدها ....

لكن الإمارات ... غير ... لإن هناك بصمة عين عند الدخول من المطار وحركات يعني تغير الجواز ما تغيروش هايجيبوك هايجيبوك يا إما الواحد بقى يحط حتة قماشة سودا على عينه ويعمل فيها موشي ديان عشان ما يفقسهوش

شوفت يا أسد أمور وننوس إزاي ؟ - الله يحرقه مطرح ما راح -

[seeem]

اولا فيه مخرج للحرمان ده .......فى المطار نفسه...

لما بتلغي الاقامة وتسافر من المطار وتوصل عند الجوازات يسألك موظف الجوازات عايز تشيل الحرمان ولا لأ....

رفع الحرمان يتكلف 1500 درهم فقط بالمطار........

وده يخليك تدخل الامارات تاني يوم .......

إلا لو عندك حرمان عمل ...... ده لازم تصبر عليه لغاية مايخلص وماتحاولش تدخل البلد خلاله حتى بزيارة لإن مده حرمان العمل بتتجدد فى كل مرة تدخل وتخرج فيها.

وشكرا"

[yasovinas]

اول مرة اسمع عن القانون ده
المعروف في الامارات ان نقل الكفالة في كل الاحوال تتطلب موافقة الكفيل السابق ودي مش جديده والحل في عدم موافقة الكفيل السابق هي الالغاء واستصدار تاشيرة جديده وطبعا الوضع الاساسي ان الالغاء كان يتطلب عدم دخول الدوله لمدة ستة اشهر وهو ما يسمى بختم الحرمان
والقانون بيستثني من ختم الحرمان كافة او اغلب الوظائف المهنية والمؤهلات امثال المحاسبين والمهندسين والاطباء
الا في حالة طلب الكفيل وضع ختم الحرمان للمكفول
فما هو الجديد في هذا القانون

[ahmedarab]

yasovinas, on Nov 10 2007, 02:20 PM, said:

اول مرة اسمع عن القانون ده
المعروف في الامارات ان نقل الكفالة في كل الاحوال تتطلب موافقة الكفيل السابق ودي مش جديده والحل في عدم موافقة الكفيل السابق هي الالغاء واستصدار تاشيرة جديده وطبعا الوضع الاساسي ان الالغاء كان يتطلب عدم دخول الدوله لمدة ستة اشهر وهو ما يسمى بختم الحرمان
والقانون بيستثني من ختم الحرمان كافة او اغلب الوظائف المهنية والمؤهلات امثال المحاسبين والمهندسين والاطباء
الا في حالة طلب الكفيل وضع ختم الحرمان للمكفول
فما هو الجديد في هذا القانون

السلام عليكم

انا برضة اعرف نفس الكلام واعرف ان دة مش جديد وان الحرمان دة يكون حرمان عمل مش حرمان دخول البلد نفسها
بمعنى انى خلال الـ 6 اشهر دول ممكن ادخل البلد بفيزة زيارة لكن عمل لا.

بس مش متاكد من حكاية الوظائف دى يا استاذ ياسر
بالمناسبة حمد للة على السلامة وتحياتى لك
يا ترى لسة فاكرنى ...ولا اية ؟؟؟؟
صحيح انت لسة فى ابو ظبى ؟؟؟