مساعدة 
جماعة انا مقبل على شراء ثلاجة جديدة واخيرا وقع اختياري على توشيبا العربي تعتبر من احسن الانواع المصنعه في مصر
واقتصادية والصيانه بها سهله وغير مكلفة
طرحت الشركة نوعين من الثلاجات النوع العادي المعروف بباب للفريزر وباب للثلاجة ونوع بثلاثة ابواب واحد فريزر وواحد للثلاجة وواحد اسفل الثلاجة للخضار
في بادىء الامر كنت متحمس للنوع ذات الثلاثه ابواب ولكن احد الباعه خوفني منها فقال ( ان قوة التوزيع على 3 حتقلل من كفائة التجميد حيث ان كمية التبريد
في الفريزر حتقل حبة وحتبان قوي كل ما التلاجة تقدم ) الراجل كلامه منظقي بس برضو ما ينفعش تحكم من كلام واحد بس وغير ان الثلاجة دي على كلام الراجل جديدة
يعني لسه مشاكلها ماظهرتش
وده زي ما بيقولوا ممكن تكون افتكاسه منه حاجة كمان الزرار المسئول عن فصل درج الخضار حسيت انه ضعيف حبة فبرضو قلقت
فاني اتساءل ايه رايكم في الموضوع ده وهل حد جاب الثلاجة دي وعملت معاه مشاكل او حد يعرف عن حاجة عن الثلاحة دي او ثلاجات توشيبا العربي عموما
وشكراا
تم تعديل هذه المشاركة بواسطةkemek: 27 October 2007 - 11:47 AM
